ཆོལ་ཁ་རེར་འོས་མི་ ༢༠ ཡོད་ཟེར།

དེ་རིང་ནི་འོས་བསྡུའི་དེབ་སྐྱེལ་གྱི་གོ་སྐབས་གཉིས་པའི་ཉིན་མཐའ་མ་དེ་ཆགས་ཡོད་པ་ལྟར། འདི་གའི་གསར་འགོད་པས་དབུས་སྤྱི་ཁྱབ་འོས་བསྡུ་ལྷན་ཁང་གི་ལས་འཕར་འགན་འཛིན་བཅུད་པར་གཡང་མཁོ་རྒྱལ་ལགས་སུ་བཀའ་འདྲི་ཞུས་སྐབས། དབུས་སྤྱི་ཁྱབ་འོས་བསྡུ་ལྷན་ཁང་གིས་ཟླ་འདིའི་ཚེས་ ༡༩ ཉིན་གྱི་ཞོགས་པའི་ཆུ་ཚོད་བཅུ་དང་ཕྱེད་ཀའི་སྟེང་། བོད་མི་མང་སྤྱི་འཐུས་ཀྱི་དངོས་གཞིའི་འོས་མི་ཁག་ཕྱིར་བསྒྲགས་བྱ་གཏན་ཁེལ་འདུག་ལ། སྐབས་བཅོ་ལྔ་བའི་སྤྱི་འཐུས་ཀྱི་དངོས་གཞིའི་འོས་མིར་ཆོལ་ཁ་རེ་ནས་མི་ ༢༠ རེ་དང་ཆོས་བརྒྱུད་ཁག་ནས་མི་ ༤ རེ། ཡུ་རོབ་དང་ཨ་རི་ཁུལ་ནས་མི་ ༤ བཅས་ཕྱིར་བསྒྲགས་བྱ་རྒྱུ་ཡིན་འདུག  

ཡང་དེ་རིང་དབུས་འོས་བསྡུ་ལས་ཁང་གི་འགན་འཛིན་ལས་འཕར་དགེ་བཤེས་རིག་འཛིན་ཆོས་གྲགས་ལགས་ཀྱིས་ད་ལྟ་བལ་ཡུལ་དང་འབྲུག་ནང་ཆབ་སྲིད་ཐད་དཀའ་ངལ་ཡོད་སྟབས། འོས་བླུག་རྒྱུར་ཞིབ་འཇུག་གིས་དྲ་རྒྱ་སོགས་བརྒྱུད་དེ་ཐབས་ལམ་གཞན་གང་ཡོད་ལ་འབད་བརྩོན་བྱེད་ཀྱིན་ཡོད་པ་དང་། ད་ལོ་འོས་བསྡུའི་དེབ་སྐྱེལ་ལ་གོ་སྐབས་ཐེངས་གཉིས་ལ་ཕུལ་བ་དེས། གསར་དུ་དེབ་སྐྱེལ་གནང་མཁན་མི་ ༤༠༠༠ ལྷག་འཕར་སྣོན་བྱུང་ཡོད་པར་ཚོད་དཔག་བྱེད་ཀྱི་ཡོད་ཅེས་བོད་གཞུང་དྲ་རྒྱའི་གསར་འགོད་པར་བརྗོད་འདུག

གསར་འགོད་པ། ཨ་རིག་འགྱུར་མེད།