མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བློ་བཟང་སེང་གེ་བསྙད་པ། – བློ་གྲོས་རབ་བརྟན།

བོད་ཀྱི་དུས་བབ།
༢༠༡༡/༠༡/༡༧
Share on FacebookShare on TwitterShare on EmailShare on Whatsapp

ཨ་མའི་བུ་ལ་ཡོན་ཏན་ཡོད་ན། བཀའ་ཁྲིའི་ཁྲི་ལ་བདག་པོ་མེད།

ད་ལོའི་བཀའ་ཁྲིའི་འོས་འདེམས་ཁྲོད་ཟིང་ཆེ་ཤོས་ནི་བློ་བཟང་སེང་གེ་རེད། ཁོང་གིས་༼ཨ་མའི་བུ་ལ་ཡོན་ཏན་ཡོད་ན།བཀའ་ཁྲིའི་ཁྲི་ལ་བདག་པོ་མེད་༽ཅེས་བསྒྲགས་ཏེ།ཕྱི་རོལ་གྱི་སློབ་ཆེན་ནས་བཀའ་ཁྲིའི་ཁྲིིའི་བར་གོམ་ཞེང་གཅིག་གིས་བསྙབས་སོང་། འདི་འདྲའི་གོམ་ཞེང་ཐད་བསམ་ཚུལ་གྱི་གོམ་ཆུང་འགའ་སྤོ་དགོས་བྱུང་སོང་།

བློ་སེང་ཐོག་མར་བཀའ་ཁྲིའི་འོས་མིར་འདོན་མཁན་དྷ་སའི་བློ་བཟང་དབང་རྒྱལ་རེད། དེ་ནས་གཞུང་འབྲེལ་མིན་པའི་ཚོགས་པ་འགའ་རེད། དེར་རམ་འདེགས་བྱེད་པར་གཞོན་སྐྱེས་དམངས་གཙོ་གོ་རྟོགས་སྤེལ་མཁན་ཟེར་བའི་ཚོགས་པ་ཞིག་བྱུང་སྟེ། བློ་སེང་ལ་ཆེད་དུ་དམིགས་ནས་ལས་འགུལ་སྤེལ་བ་ལས་བོད་པའི་སྤྱི་ཚོགས་ཁྱོན་ཡོངས་ལ་དམངས་གཙོའི་གོ་རྟོགས་ཡག་ཏུ་འགྲོ་བར་ལས་འགུལ་སྤེལ་མ་སོང་། ལས་འགུལ་ཚང་མ་གཞོན་སྐྱེས་དང་མི་རབས་གསར་བ་ཟེར་ནས་ཕྱོགས་སུ་ལྷུང་བ་རྐྱང་རེད། ཁོང་ཚོའི་ལས་དོན་དེའི་རྒྱབ་ཏུ་༧གོང་ས་མཆོག་གི་གསུང་མི་རབས་གསར་བ་དང་དེའི་ནང་ནས་བྱུང་ན་བུད་མེད་ཅིག་ཡག་པོ་རེད་ཅེས་པའི་བཀའ་སློབ་དེ་ཁྱེར་ཡོད། ཡིན་ནའང་ཁོང་ཚོས་བྱུང་ན་བུད་མེད་ཅིག་ཡག་པོ་རེད་ཅེས་པར་དོ་སྣང་ཙམ་ཡང་བྱས་མ་སོང་། དངོས་གནས་བྱས་ན་༧གོང་ས་མཆོག་གི་ཐུགས་རེ་བཞིན་ལས་ཀ་བྱེད་བཞིན་ཡོད་ན། བཀའ་ཁྲིའི་འོས་མིར་ལངས་མཁན་བུད་མེད་བྱུང་བ་རེད་ལ་དེར་རྒྱབ་སྐྱོར་བྱས་མ་སོང་།

རྒྱལ་ཁབ་ཁག་གི་སྲིད་བློན་དག་མི་ཐོག་རིམ་བརྒྱུད་ཀྱིས་འབྱུང་གི་ཡོད་པ་ལས་དེ་ལ་མི་རབས་གསར་བ་ཟེར་ནས་ཧོབ་སྟེ་མཐོ་བསྙབས་བྱེད་རྒྱུ་མེད། འདི་ལ་རྒྱུ་མཚན་མང་ནི་རེད་ལ་གཙོ་བོ་མཐོང་རྒྱ་དང་ཉམས་མྱོང་། ཁྱོད་ཡོངས་ཀྱི་གནས་སྟངས་ལ་ནང་བྱད་ཆུབ་པར་གང་ཟག་དེར་ལོ་ངེས་ཅན་ཞིག་ལ་ཉམས་མྱོང་གསོག་པའི་དུས་ཚོད་དགོས་ཀྱི་ཡོད་པ་མ་ཟད། མི་མང་གིས་ཡིད་ཆེས་དང་བློ་གཏད་ཆོག་པའི་མི་གཤིས་བཟང་བོ་ཞིག་ཀྱང་ངེས་པར་དུ་ཡོད་དགོས། ཆ་རྐྱེན་འདི་དག་ལ་གཞིགས་ན་བློ་སེང་གིས་ད་བར་དུ་བོད་པའི་སྤྱི་ཚོགས་སུ་དངོས་སུ་ལས་ཀ་བྱས་མེད་ལ་བོད་མི་ཚོས་ཀྱང་ཁོང་གི་ལངས་ཕྱོགས་དང་ལྟ་བ། འཇོན་ཚད།  མི་གཤིས།སྤྱོད་པ་སོགས་ཞིབ་ཚགས་པོ་ཤེས་ཀྱི་མེད་པ་དེ་རེད།

སྔོན་འགྲོའི་འོས་བསྡུའི་ཁྲོད་དུ་སྐོར་སྐྱོད་བྱེད་མཁན་མང་ཤོས་བློ་སེང་རེད་ལ། ལྷོ་ཕྱོགས་ཀྱི་གདན་ས་ཁག་ཏུ་ཆེད་བསྐྱོད་ཀྱིས་ལས་དོན་བསྒྲུབས་ཡོད། གདན་སའི་གྲྭ་བ་ཚོ་འོས་བསྡུའི་ནང་དུ་མངོན་སྟངས་དང་ཆ་ཤས་ལེན་སྟངས་དེ་ཚུལ་མཐུན་མིན་པ་དང་ཚད་ལས་བརྒལ་བ་དེས།བཀའ་ཁྲི་ཟམ་གདོང་རིན་པོ་ཆེས་ཀྱང་སྐད་ཤོར་ཡོད། ཆབ་སྲིད་པས་གདན་ས་འོས་ཐོབ་ཆེད་བེད་སྤྱོད་བྱས་པ་ད་ཐེངས་ཐོག་མ་རེད་ལ། དེའི་རྐྱེན་གྱིས་གདན་སའི་མཚན་སྙན་དང་རིན་ཐང་ལ་སྤྱི་ཚོགས་ཁྱོན་ཡོངས་ནས་ལྟ་སྟངས་བསླེབས་ཡོད་ཀྱང་། ཆབ་སྲིད་པར་དགོས་པའི་འོས་ཤོག་དེ་ཏག་ཏག་ཐོབ་ཡོད།

བློ་སེང་གིས་ཐེངས་མང་བཤད་པའི་སྐད་ཆ་དེ་ཁོང་བཀའ་ཁྲི་ལ་ལངས་པ་དེས་རྒྱ་ནག་གཞུང་ལ་བརྡ་གཏོང་གི་ཡོད། རྒྱ་གཞུང་གིས་༧གོང་ས་མཆོག་མ་བཞུགས་པའི་ཉིན་མོ་དེར་བོད་མི་ཚོ་འཐོར་རྒྱུ་ཡིན་པའི་ཚོད་རྩིས་དེར་ལན་བརྒྱབ་ཡོད། མི་རབས་གསར་བ་ཚོས་འགན་ཁུར་ཏེ་བོད་མི་ཚོ་ད་དུང་ལོ་ལྔ་བཅུར་བཙན་བྱོལ་དུ་གནས་དགོས་ཀྱང་གནས་ཐུབ་ཀྱི་ཡོད་པ་སྟོན་གྱིན་ཡོད་སྐོར་རེད། སྐད་ཆ་དེར་ཐད་ཀར་མོས་མཐུན་བྱེད་ཐུབ་ཀྱང་བློ་སེང་རང་གི་སྟེང་ལའང་བསམ་བློ་གཏོང་མི་དགོས་པ་མིན། བློ་སེང་གིས་འཇོན་གྱིན་ཡོད་མེད་དེ་རེད། བློ་སེང་བཀའ་ཁྲིར་བསྡད་པ་ཡིན་ན་དེའི་རིང་ལ་ད་ལྟའི་བཙན་བྱོལ་བོད་མིའི་གཅིག་སྒྲིལ་གྱི་གོང་བུ་དང་འཐབ་རྩོད་ཀྱི་ནུས་པ་དེ། ད་ལྟའི་གནས་སྟངས་ལས་སྡུག་ཏུ་སོང་བ་ཡིན་ན། རྒྱ་གཞུང་གིས་བཤད་པའི་༧གོང་ས་མཆོག་མ་བཞུགས་པའི་ཉིན་མོ་དེར་བཙན་བྱོལ་བོད་མི་ཚོ་འཐོར་རྒྱུ་ཡིན་པའི་ཚོད་དཔག་དེར་ར་སྤྲོད་བྱ་རྒྱུ་ལས་མ་འདས།

བློ་སེང་གི་སྐད་ཆ་གཞན་ཞིག་ནི་མཐུན་སྒྲིལ་རེད། ཕོ་མོ་དབྱེ་མེད། སྐྱ་སེར་རེས་མེད། ཆོལ་ཁ་རེས་མེད། རྒན་གཞོན་རེས་མེད། ཆོས་བརྒྱུད་རེས་མེད། གསར་རྙིང་རེས་མེད་བཅས་རེད། འདི་དག་ཚང་མའི་མཐུས་ཚབ་ཅིག་འཛིན་སྐྱོང་གི་ནང་བྱུང་ན། བོད་མི་ཚོ་མཐུན་སྒྲིལ་ཡོང་གི་ཡོད་པའི་བཟོ་འདྲ་བོ་ཤོད་ཀྱིན་འདུག་ཅིང་། ཁམས་པའི་མིའི་མགོར་སྡོད་མཁན་ཁམས་པ་ཞིག་དང་དབུས་པའི་མགོར་སྡོད་མཁན་དབུས་པ་ཞིག་དགོས་པ་དེ་རེད། འདི་འདྲའི་མཐུན་སྒྲིལ་སྐོར་ལ་བསམ་བློ་གཏོང་སྟངས་འདིས་ལས་ཀ་བྱེད་ཐུབ་མིན་ཐེ་ཚོམ་རེད། དོན་དམ་གྱི་མཐུན་སྒྲིལ་ཡོང་ཐབས་དང་མཐུན་སྒྲིལ་གྱི་གནད་འགག་ནི་མགོ་ན་སྡོད་མཁན་ཆོལ་ཁ་དང་ཆོས་ལུགས་གང་ཞིག་ཡིན་མིན་དང་། ཆོལ་ཁ་དེ་དང་ཆོས་ལུགས་དེའི་འཐུས་ཚབ་ཡོད་མེད་ལ་རག་ལས་པ་ཞིག་མིན། མི་སུ་ཞིག་ཡིན་ནའང་ཕྱོགས་རེས་མེད་པར་དྲང་བོ་དྲང་བཞག་གིས་ཡོངས་ཁྱབ་ཀྱི་རྣམ་པ་ལྡན་ཞིང་ཕྱི་གསལ་ནང་གསལ་གྱི་ལས་ཀ་བྱེད་རྒྱུ་དེ་རེད།

མི་རྣམས་ཀྱི་འདྲི་བ་ཞིག་ནི་བློ་སེང་ལ་ལས་ཀ་བྱས་པའི་ཉམས་མྱོང་གི་སྐོར་རེད། ཁོང་ལ་ཉམས་མྱོང་ཡོད་མེད་ཀྱི་འདྲི་བ་དྲིས་ཚད་ལ་ངས་ཤེས་ཀྱི་ཡོད་ཟེར་ནས་ལན་རྐྱང་རྐྱང་རྒྱག་གི་འདུག་ཀྱང་། ཤེས་ཡོན་ནི་སྦྱངས་ནས་ཡོང་བ་ཞིག་རེད་ལ་ཉམས་མྱོང་ནི་སྤྱི་ཚོགས་ལས་རྙེད་དགོས་པ་ཞིག་རེད། དོན་དངོས་ཐོག་བློ་སེང་ལ་ད་བར་ཁ་མར་འཁོར་ནས་དེབ་ལས་རྙེད་པའི་ཤེས་ཡོན་དག་ཚོགས་ཐོག་ནས་བསྒྲགས་བསྡད་པ་ལས། བོད་པའི་སྤྱི་ཚོགས་སུ་དངོས་སུ་འདྲེས་གཤིབ་ཀྱིས་ཐབས་མཁས་བསྟུན་མཁས་ཀྱིས་ལས་དོན་སྒྲུབ་པའི་ཉམས་མྱོང་དང་། སྤྱི་ཚོགས་ཀྱིས་ཚུར་ཁོ་ལ་སྤྲད་པའི་འགྲོ་སྟངས་ཀྱི་ལམ་ཁ་དེ་ཁོའི་ཐོག་ལ་ད་དུང་བྱུང་མེད། དེ་གཉིས་ཆ་ལས་ཀ་བྱེད་མཁན་ཞིག་ལ་མཚོན་ན་མེད་དུ་མི་རུང་བ་གཉིས་རེད་ལ། གང་གལ་ཆེ་མིན་གྱི་ཁྱད་པར་མེད་ལ་གཉིས་ཆ་ཕུན་སུམ་ཚོགས་པོ་མ་བྱུང་ན་ཡང་གང་འཚམས་ཡོད་དགོས་པ་རེད།

བསམ་གཞིག་གི་སྐད་ཆ་གཞན་ཞིག་བཤད་ན། དེ་སྔོན་བྱང་ཨ་རིའི་བོད་རིགས་ཚོས་བློ་སེང་སྤྱི་འཐུས་ལ་འདེམས་པ་བཞིན་སྐབས་བཅུ་བཞི་བའི་སྤྱི་འཐུས་གནང་ཡོད་ན། ད་ལྟ་བཀའ་ཁྲི་ལ་ལངས་པ་དེར་བཤད་འདུག་ཉུང་བ་དང་བཀའ་ཁྲི་ཐོབ་པར་སྟབས་བདེ་ཆགས་ཡོད་སྲིད། ཡང་གཅིག་བཤད་ན་སྐབས་བཅུ་བཞི་བའི་སྤྱི་འཐུས་ཚོགས་དུས་བརྒྱད་པའི་སྐབས་སྤྱི་འཐུས་བཅུ་གཉིས་གྲོས་ཚོགས་ནས་དཔུང་བསྒྲིགས་ཏེ་ཕྱི་ལ་ཐོན་པའི་རྐྱེན་གྱིས་གྲོས་ཚོགས་འཚོགས་ཐུབ་མེད། ཕྱི་ལ་ཐོན་མཁན་ཚོའི་གྲས་སུ་བློ་སེང་ཡང་ཡོད་སྲིད་དམ།

མཇུག་ཏུ་ཞུ་རྒྱུ། ཁོང་གི་མིང་ཐོག་ནས་བོད་ཀྱི་དུས་བབ་ཏུ་སྤེལ་བའི་རྩོམ་ཡིག་འགའི་ཐད་ནས་ཁོང་གི་བོད་ཡིག་གི་ཤེས་ཚད་སྐོར་དང་། རྒྱ་ནག་གི་ཨོ་བྷ་མ་དང་ཆབ་སྲིད་ཀྱི་ལངས་ཕྱོགས།ཁོང་གིས་༼ང་གཅིག་པུ་ཡིན་ནའང་དཔུང་བསྒྲིགས་པ་ཡོང་བ་ཡིན།༽ཞེས་བཤད་པ་བཅས་ཀྱི་སྐོར་བོད་དབྱིན་གཉིས་ཀྱི་ནང་དུ་གླེང་སློང་མང་ཙམ་བྱས་ཟིན་པས་འདིར་ཅང་སྨྲས་མེད་དོ།།

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

ཆུ་ཚོད་ ༡༩ སྔོན་ལ།
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

ཆུ་ཚོད་ ༡༩ སྔོན་ལ།
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

ཆུ་ཚོད་ ༢༣ སྔོན་ལ།
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 31

  1. ཉི་ཟླ་སྐར་གསུམ། says:
    ལོ་ 14 སྔོན།

    ཡ་གྲོགས་པོ་རྣམས།། དྲྭ་ངོས་འདིར་ཡོད་པའི་མི་རྣམས་ཀྱིས་བཤད་སྟངས་ལ་ལྟོས་དང་།
    ཕྱོགས་ལྷུང་མ་གཏོགས་གཞན་མི་འདུག་། ང་ཚོས་སྐྱོན་མེད་པའི་མི་ཞིག་བཀའ་ཁྲི་ལ་རག་
    ཐབས་མེད། དྲྭ་གྲོགས་ཁག་ལ་མི་སྐྱོན་མེད་ཞིག་བཀའ་ཁྲིར་བསམ་ན་། འཛམ་གླིང་འདི་ནས་
    མི་རག་ཐག་ཆོད་རེད་། དེ་ལས་ཁ་གཞན་དུ་རྒྱུར་ན་བཟང་།

    Reply
  2. tsering tashi says:
    ལོ་ 14 སྔོན།

    http://www.khabdha.org/?p=15455
    ༡༽ BBC ནས།
    སྤྱི་ལོ་ ༢༠༡༡ ཟླ་ ༡ ཚེས་ ༢༠ གི་ཆུ་ཚོད་ ༡༠ སྐར་མ་ ༡༥

    བློ་བཟང་སེང་གེ་མཆོག་ལ་དྲི་བ་ཡོད།
    ཟླ་འདིའི་ཚེས་༡༥ ཉིན་དགོང་མོ་ཝ་ར་ཎ་སིར་བོད་ཀྱི་དགུ་བཅུ་གསུམ་དང༌། ཐང་སྟོང་གླུ་གར་ཚོགས་པའི་གོ་སྒྲིག་འོག་བློ་བཟང་སེང་གེ་ལགས་སུ་འོས་འགུག་ དགོང་ཚོགས་ཤིག་སྤེལ་འདུག
    ཐོག་མར་དགུ་བཅུ་གསུམ་གྱི་ ཚོགས་གཞོན་ཀླུ་མཁར་བྱམས་ཀྱིས་དགུ་བཅུ་གསུམ་ལས་འགུལ་ཚོགས་པ་དང་ཐང་སྟོང་གླུ་ གར་ཚོགས་པ་གཉིས་ཟུང་འབྲེལ་གྱི་མིང་ཐོག་ནས་བཀའ་ཁྲིའི་འོས་མི་བློ་བཟང་སེང་གེ་ ལགས་ངོ་སྤྲོད་བྱས་འདུག སྐབས་དེར་བློ་བཟང་སེང་གེ་ལགས་ནས་བཤད་དོན།
    འོས་མི་གཞན་གཉིས་ནི་བཀའ་ ཁྲི་ཟུར་པ་བཀྲས་མཐོང་བསྟན་འཛིན་རྣམ་རྒྱལ་ལགས་དང། བཀའ་ཟུར་བཀྲ་ཤིས་དབང་འདུས་ལགས་གཉིས་རེད། ངས་ཁོང་གཉིས་མཉམ་དུ་ལོ་ཉི་ཤུའི་རིང་ལས་ཀ་ཆེ་འབྲིང་ཆུང་གསུམ་མང་པོ་ཞིག་བྱས་ པ་ཡིན། ཁོང་གཉིས་ལ་རྒྱུས་ཡོད་ལ་གུས་ཞབས་ཀྱང་ཡོད། ཅེས་བཤད་འདུག གོང་དུ་བློ་བཟང་སེང་གེ་ལགས་ཀྱིས་གསུངས་པའི་བཀའ་མོལ་འདི་བདེན་པ་ཡིན་ནམ། ལས་ཀ་མཉམ་དུ་བྱས་པ་ཞེས་པ་དེ་གང་འདྲ་ཞིག་ལ་ངོས་འཛིན་དགོས་སམ།
    ངོ་ཤེས་པ་རྒྱུ་མཚན་དུ་ བྱས་ནས་ལོ་ཉི་བཤུ་ལས་ཀ་མཉམ་དུ་བྱས་པ་ཡིན་གསུང་གི་ཡོད་དམ། ང་ཚོ་བླུན་པོ་ཡིན་ཙང་སྐད་ཆའི་ནང་དོན་ཧ་གོ་གི་མི་འདུག ཁྱེད་རང་མཁས་དབང་སོང་ཙང་གསལ་བཤད་ཅིག་གནང་རོགས། ལོ་ཉི་ཤུ་དེ་དུས་ཚོད་གང་ནས་གང་བར་ཡིན། བོད་ནས་ཕེབས་པའི་ཆོས་ཞུ་བ་ཉིས་སྟོང་མ་ཟིན་ཙམ་གྱི་མདུན་ཞལ་རྫུན་གནང་མེད་པའི་ རེ་བ་ཡོད།
    ཡང་རྒྱལ་ས་ལྡི་ལིརོ་ཧི་ ནིའི་ཀུན་ཕན་ཚོགས་ཁང་དུ་བོད་ཀྱི་མཐོ་རིམ་སློབ་ཕྲུག་ཚོར་ཕྱི་ལོ ༢༠༡༡ ཟླ ༠༡ ཚེས་༡༨གཏམ་བཤད་གནང་བར་ཕེབས་སྐབས་སློབ་མ་ཞིག་ནས་དྲི་བ་འདི་འདྲ་ཞིག་དྲིས་འདུག བློ་བཟང་སེང་གེ་ལགས་སུ་ཁྱོད་ཀྱིས་སྔོན་ཆད་བོད་དེ་རྒྱ་ནག་མི་དམངས་སྤྱི་མཐུན་ རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་འོག་ཨ་རིའི་ནང་གི་མི་རིགས་ནག་པོ་བཞིན་ གནས་དགོས་ལ་ཉིན་ཞིག་བོད་མི་ཞིག་གིས་རྒྱ་ནག་གི་སྲིད་འཛིན་གྱི་གོ་ས་འཛིན་ཐུབ་ བམ་ཞེས་པའི་བསམ་ཚུལ་འདོན་མྱོང་ཨེ་ཡོད་ལགས་ཞེས་དྲི་བ་བཀོད་པར། ལན་དུ། ཁོང་གིས་དེ་འདྲ་ཞིག་རྩ་བ་ནས་གསུངས་མྱོང་མེད་ཚུལ་དང་འཇམ་དབྱངས་ནོར་བུ་ལགས་ ཀྱིས་ཁོང་རྒྱ་ནག་གི་ཨོ་བྷ་མ་བྱེད་རྒྱུ་ཡིན་ལབ་པ་དེ་རྫུན་མ་རེད། ཡང་གཅིག་བཤད་ན་བོད་དེ་རྒྱ་ནག་གི་རྩ་ཁྲིམས་སྒྲོམ་གཞིའི་འོག་ནས་རང་སྐྱོང་ལ་ རྩོད་ལེན་བྱེད་དགོས་ཞེས་ཐོག་མར་༸གོང་ས་མཆོག་གིས་གསུངས་པ་མ་རེད་དམ་ཟེར། བརྟགས་ཤིང་དཔྱད་པའི་ཚེ་ན་ཁོང་གིས་ཞལ་ནས་གསུངས་མེད་ཅེས་བཤད་ཀྱང་དོན་ལ་ཁས་ བླངས་པ་མ་ཟད་༸གོང་ས་མཆོག་ལ་ལག་པ་འཕྱིས་འདུག གལ་སྲིད་ཁོང་གིས་བཤད་མེད་ན་༸གོང་ས་མཆོག་ལག་པ་འཕྱི་དགོས་དོན་རྩ་བ་ནས་ཡོད་པ་ རེད། འོ་ན་ཕྱི་ལོ་༢༠༠༨་ཟླ་༡༠་ཚེས་༢༧ ཉིན་(Woodrow Wilson Center, a think-tank in Washington DC,) རུ་བཤད་པའི་གཤམ་གྱི་སྐད་ཆ་དུམ་བུ་འདི་སུས་བཤད་པར་ཆ་འཇོག་དགོས་པ་རས། གང་ལྟར་ང་ཚོ་ཡང་མི་ཡིན། གླེན་པ་གླེན་ནག་མིན། ལན་དྲང་པོ་སྐྱོན་རོགས་གནང་། རྫུན་ལ་ཕུགས་མེད་པ་མཁྱེན་དགོས།
    “I thought maybe I can relate Tibet to Obama… So 60 years after Tibet was occupied by China, America is on the verge of electing an African-American president. Look at the, what you call, situation in Tibet. Now can we ask this question in China: can a Tibetan become the next president of China? Or a premier of China? One could say it’s impossible, right?” གོང་གི་དབྱིན་སྐད་ཐོག་བཤད་པའི་སྐད་ཆ་འདི་སྒྲ་ཐག་ལས་ཕབ་བཤུ་བྱས་པ་ཞིག་རེད། དཔྱད་གཞི་ཡིན།

    Reply
  3. tsering tashi says:
    ལོ་ 14 སྔོན།

    http://www.khabdha.org/?p=15455

    དྲི་བ་གཉིས་པ་དེ་བློ་བཟང་ སེང་གེ་ལགས་སུ་ཁྱོད་ཀྱིས་སྔོན་ཆད་བོད་དེ་རྒྱ་ནག་མི་དམངས་སྤྱི་མཐུན་རྒྱལ་ཁབ་ ཀྱི་རྩ་ཁྲིམས་སྒྲོམ་གཞིའི་འོག་ཨ་རིའི་ནང་གི་མི་རིགས་ནག་པོ་བཞིན་གནས་དགོས་ལ་ ཉིན་ཞིག་བོད་མི་ཞིག་གིས་རྒྱ་ནག་གི་སྲིད་འཛིན་གྱི་གོ་ས་འཛིན་ཐུབ་བམ་ཞེས་པའི་ བསམ་ཚུལ་འདོན་མྱོང་ཨེ་ཡོད་ལགས་ཞེས་དྲི་བ་བཀོད་པར།
    ཁོང་གིས་དེ་འདྲ་ཞིག་རྩ་བ་ནས་གསུངས་མྱོང་མེད་ཚུལ་དང་འཇམ་དབྱངས་ནོར་བུ་ལགས་ ཀྱིས་ཁོང་རྒྱ་ནག་གི་ཨོ་བྷ་མ་བྱེད་རྒྱུ་ཡིན་ལབ་པ་དེ་རྫུན་མ་རེད།ཡང་གཅིག་བཤད་ ན་བོད་དེ་རྒྱ་ནག་གི་རྩ་ཁྲིམས་སྒྲོམ་གཞིའི་འོག་ནས་རང་སྐྱོང་ལ་རྩོད་ལེན་བྱེད་ དགོས་ཞེས་ཐོག་མར་གོང་ས་མཆོག་གིསགསུངས་པ་མ་རེད་དམ་ཟེར།
    སྐབས་དེར་འོག་གི་ཉན་མཁན་སློབ་མ་ཞིག་ཡར་ལངས་ནས་བློ་བཟང་སེང་གེ་ལགས་ཀྱིས་བཀའ་མོལ་དེ་འདྲ་ཞིག་གནང་མྱོང་བ་དངོས་གནས་རེད།བདེན་དཔང་“བོད་ཀྱི་ཆབ་སྲིད་བསྐྱར་ཞིབ་”ཀྱི་ དྲ་ཐོག་ཏུ་ཁོང་གི་གསུང་བཤད་སྒྲ་འཛིན་འཁོར་ཐག་ཚང་མ་དངོས་སུ་བཞག་འདུག་ཅེས་ ཁུངས་སྐྱེལ་སོང་ལ།དེ་ལ་ཁོང་གིས་གཏམ་བཤད་དེ་ཨ་རིའི་མི་རིགས་ནག་པོའི་སྲིད་ འཛིན་ཐོག་མ་ཨོ་བྷ་མར་སྲིད ་འཛིན་གྱི་རྒྱལ་ཁ་ཐོབ་ལ་ཉེ་བའི་བདུན་ཕྲག་གཉིས་ལྷག་གི་སྔོན་ཡིན་པས།དུས་ཚོད་ དང་གནས་སྟངས་ལ་བལྟས་ནས་བཤད་པ་ཞིག་ཡིན་ལ་སྐབས་དེའི་ནང་དོན་ཡང་དངོས་གནས་མིན་ ཞེས་ལན་བསྐྱོན་སོང་།
    ༣ དྲི་བ་གསུམ་པ་དེ་བློ་བཟང་སེང་གེ་ལགས་ཀྱིས་སྔོན་ཆད་འགྲོ་བ་མིའི་ཐོབ་ཐང་གི་ བསྒྲགས་གཏམ་དེབ་ཆུང་དེ་བོད་ཡིག་ཏུ་བསྒྱུར་གནང་བ་མ་ཟད།བོད་ཀྱི་དུས་བབ་སོགས་ སུ་བོད་ཡིག་ཐོག་བྲིས་པའི་རྩོམ་ཡིག་རེ་ཟུང་ཡང་སླེབས་སོང་བས་དེ་དག་ཁོང་རང་ ཉིད་ཀྱིས་དངོས་སུ་བྲིས་པ་ཡིན་མིན་དྲིས་ལ།
    ཁོང་གིས་བོད་ཡིག་ནང་བྲིས་ པའི་རྩོམ་ཡིག་དེ་དག་ཁོང་རང་ཉིད་ཀྱིས་དངོས་སུ་བྲིས་པ་མིན་ཡང་འབྲི་མཁན་ལ་ནང་ དོན་ཞུ་དག་བྱེད་རོགས་སོགས་བྱས་པ་ཡིན།ཁོང་གི་བོད་ཡིག་ཤེས་ཚད་དེ་འདྲའི་སྐྱོ་ བོ་མིན་ལ་བོད་ཡིག་ཀློག་ཡག་པོ་ཐུབ་ཀྱིན་ཡོད་པར་མ་ཟད་བོད་སྐད་ཀྱང་ཡག་པོ་བཤད་ ཤེས་ཀྱིན་ཡོད་གསུངས་སོང་།

    Reply
  4. ཁྲུང་ཁྲུང་དཀར་པོ། says:
    ལོ་ 14 སྔོན།

    དྲ་ཐོག་གི་བོད་མི་ཚོའི་སུ་བཀའ་ཁྲི་འོས་ན་དེ་སྐྱོན་འཛུགས་བྱེད་ཡུལ་གཅིག་ཏུ་མཐོང་ནས་མཐའ་ན་གསལ་བཤད་ཁ་གསལ་གནང་བའི་དོགས་འཆར་ལ་ཤེས་བཞིན་ཆེད་དུ་བོད་རིགས་རྒྱ་ཆེར་མང་ཚོགས་འགོ་བོ་རྨོངས་བའི་ཐབས་ལམ་སྣ་ཚོགས་སྤྱོད་བཞིན་པར་བལྟས་ན་མ་འོངས་པའི་བཀའ་ཁྲི་དེ་དུས་རྟག་ཏུ་བོད་མི་སྤྱི་མཐུས་ཡིན་པ་ཡོངས་གླིང་ཟླ་བ་ཚེ་རིང་འོས་ཤོས་མཐོང་སོང་། རྒྱུ་མཚན་ནི་ཁོང་ལ ༢༠༠༤ ལོར་ཟླ་བ་ཚེ་རིང་གིས་སྤྱི་རྒྱུ་སྒེར་བདག་བྱས་པ་ར་སྤྲོད་བྱུང་ཏེ་སྤྱི་རྒྱུ་སྒེར་བདག་བྱས་ཡོད་པའི་བཅད་ཁྲ་བཏང་ཡོད་པ་རེད། འོན་ཀྱང་ཟླ་བ་ཚེ་རིང་གིས་ཁྲིམས་ལ་དྭང་ལེན་དང་ཉེས་པ་ལ་འགྱོད་བཤགས་བྱ་རྒྱུ་ཕར་ཞོག་བོད་གཞུང་ཁྲིམས་ཞིབ་ཁང་ས་གནས་རྒྱ་གར་གཞུང་གི་ཁྲིམས་ཁང་ནང་བསྐྱལ་ཡོད་པ་དང་། ལོ་དེ་ནས་བཟུང་བོད་གཞུང་གིས་ཟླ་བ་ཚེ་རིང་གི་ཁ་མཆུ་ཡི་འགྲོ་གྲོན་དོན་དུ་སྔོན་རྩིས་བཀའ་འཁྲོལ་ཧིན་སྒོར་འབུམ་ ༢༦ ལྷག་ཞུས་ནས་འགྲོ་སོང་བཏང་གི་ཡོད་པ་རེད།
    དེས་ན་དངོས་ཡོད་ལོང་བ་བལྟས་ཀྱང་མཐོང་ཐུབ་པའི་བཙན་བྱོལ་བོད་པའི་དམངས་གཙོ་དེ་འགྲོ་སར་ཁྲིམས་ཡོད་པ་དང་སྐྱོན་འཛུགས་བྱེད་ཡུལ་གཅིག་ཏུ་ཆགས་པ་ལས་སྤྱི་རྒྱུ་སྒེར་བདག་གནང་མཁན་ཟླ་བ་ཚེ་རིང་འདྲ་པོ་ལ་དེ་དག་གནང་རྒྱུ་མེད་པ་ནམ་ཡང་ལོ་རྒྱུས་དཀར་པོ་གཞུང་དྲང་ཐོག་ལ་འགྱུར་བ་འགྲོ་རྒྱུ་མེད་པ་འདི་ཡིན་། ཡིན་ཡང་དྲ་ཐོག་གི་བོད་མི་བྱང་ཆུང་འགས་སྤྱོད་སྟངས་དེས་བཙན་བྱོལ་བོད་བོད་རིགས་མི་མང་གི་ངོ་བོ་མཚོན་མི་ཐུབ་པ་ནི་སྔོན་འགྲོའི་འོས་བསྡུའི་གྲུབ་འབྲས་ལ་ལྟོས།།
    དམིགས་བསལ་དུས་བབ་དྲ་ཐོག་གི་བོད་མི་ཚོ་། ཁྱེད་ཚོས་སེམས་ལ་བོད་དོན་ཡོད་ན་སོ་སོའི་གནས་བབ་ཤེས་དགོས།

    Reply
  5. གངས་ཆབ། says:
    ལོ་ 14 སྔོན།

    བློ་གྲོས་རབ་བརྟན་ལགས་ཀྱི་ཟིན་བྲིས་དེ་ལ་ཞིབ་དཔྱད་ལེགས་པར་ཞིག་བྱེད་པ་ཡིན་ན།ལྷག་བསམ་རྣམ་དག་གི་སྒོ་ནས་བོད་སྤྱི་པའི་རྩ་དོན་དང་བོད་མི་རིགས་ལ་ཐུགས་བསམ་ཡག་པོ་ཞིག་བཏང་ནས་ཟིན་བྲིས་སྤེལ་གཞག་པ་ཞིག་གཏན་ནས་རེད་མི་འདུག་པ་ལགས་ན།དེ་ལ་ཡིད་ཆེས་དང་ཆགས་འཇོག་བྱ་འོས་པའི་ཟིན་བྲིས་ཤིག་ཡིན་པ་མཐོང་མ་སོང་།
    བཀའ་ཁྲིའི་འོས་མིར་འདོན་མཁན་གྱི་སྒེར་དང་ཚོགས་སྡེ།སྐྱེ་བོ་གང་ཞིག་ལ་ཁྱད་པར་གང་ཡང་མེད་པ་མ་ཚད་མང་གཙོའི་ལམ་ལུགས་ཐོག་སྐྱེ་བོ་སོ་སོའི་ལྟ་བ་དང་ལམ་ཕྱོགས་དང་མཐུན་པའི་འོས་མི་དག་ལ་དངོས་ཡོད་གནས་ཚུལ་དང་མཐུན་པའི་ཐོག་ནས་རྒྱབ་སྐྱོར་དང་ལས་འགུལ་སྤེལ་ཆོག་པ་ཞིག་ལས་རྒྱབ་འགལ་དུ་སོང་བ་ཞིག་ལ་ངོས་འཛིན་བྱ་རུང་བ་ཞིག་ག་ལ་ཡིན།འོས་མིར་རྒྱབ་སྐྱོར་བྱེད་པ་ཡང་མང་གཙོའི་ལམ་ལུགས་དང་མཐུན་པ་ཞིག་ལས་འགལ་བ་ཞིག་མིན་པ་ནི་ངེས་པར་དུ་ཤེས་དགོས་པ་ཞིག་རེད།འོ་ན་ཁྱེད་ཀྱིས་བློ་སེང་ལ་རྒྱབ་སྐྱོར་བྱེད་མཁན་དག་གི་ལས་འགུལ་གང་ཞིག་སྤེལ་ཡོད་པ་དག་ལས་བཀྲས་མཐོང་ལ་ཡོད་པའི་རྒྱབ་སྐྱོར་མི་སྣ་དག་གིས་ལས་འགུལ་སྤེལ་བཞག་པ་དེ་དག་མིག་གིས་མ་མཐོང་བའི་རྒྱུ་མཚན་དང་བལ་ཡུལ་དུ་ཡོད་པའི་འབྱོར་ལྡན་མི་སྣ་རྒྱལ་ནོར་ཚེ་དབང་ལ་སོགས་པ་ཁག་ཅིག་གིས་རྒྱ་བར་འབྲུག་གསུམ་གྱི་ས་གནས་གང་སར་ལས་འགུལ་སྤེལ་བཞག་པ་དེ་དག་ཐོག་ལ་ཐུགས་སྣང་མེད་དོན་ཅིའི་ཕྱིར་ཡིན་ནམ།
    ལས་འགུལ་ལ་གཞོན་སྐྱེས་དང་མི་རབས་གསར་པ་གང་ཡིན་རུང་མང་གཙོའི་ཁྱད་ཆོས་ལམ་ལུགས་དང་མཐུན་པ་ཞིག་ཡིན་པ་ལས་མི་མཐུན་པའི་རྒྱུ་མཚན་སུ་གང་ལ་ཡང་འགྲེལ་བརྗོད་བྱ་རྒྱུ་མེད་པ་ནི་ཚང་མས་ཤེས་གསལ་རེད།དེ་འདྲའི་སོང་ཙམ་ཕྱོགས་སུ་ལྷུང་བ་ཞིག་ག་ལ་ཡིན།
    ༸གོང་ས་མཆོག་གིས་གསུང་གནང་བའི་ན་གཞོན་དང་དེ་ནང་ནས་བུད་མེད་ཅིག་ཅེས་པ་དེ་ནི།ཤེས་འཇོན་གཉིས་ལྡན་གྱི་བུད་མེད་ཅིག་བྱུང་ན་གསུང་གི་ཡོད་པ་ལས་བུད་མེད་རང་ག་བ་ཞིག་གསུང་གནང་གི་མེད་པ་དེ་ཤེས་དགོས།བོད་མི་མང་གིས་བུད་མེད་ཐོག་དོག་སྣང་མ་བྱས་པ་ཞིག་ག་ལ་ཡིན།སྐབས་གསུམ་པའི་བཀའ་ཁྲིའི་འོས་མིའི་ཐོག་ཤེས་འཇོན་གཉིས་ལྡན་གྱི་བུད་མེད་ཞིག་མཐོང་རྒྱུ་མེད་པའི་རྐྱེན་ལས་བྱུང་བ་ཞིག་རེད།
    རྒྱལ་ཁབ་ཁག་གི་སྲིད་བློན་དག་མི་ཐོག་རིམ་བརྒྱུད་ཀྱིས་འབྱུང་གི་ཡོད་པ་རྒྱུ་མཚན་དུ་བགྲང་བ་ཡིན་ན།དེ་དག་ནི་མང་གཙོའི་གཞུང་ལུགས་ཡང་དག་ཞིག་གཏན་ནས་མ་ཡིན།དེ་ནི་སྲིད་དབང་སྒེར་འཛིན་དང་སྒེར་གཅོད་ཞིག་ལ་ངོས་འཛིན་ཞུ་རྒྱུ་ལས་མ་འདས།
    སྔོན་འགྲོའི་འོས་བསྡུའི་ཁྲོད་དུ་སྐོར་སྐྱོད་བྱེད་མཁན་མང་ཤོས་བློ་སེང་ཡིན་པ་ཆགས་བཞག་ན་ཡང་།མང་གཙོའི་ལྟ་གྲུབ་ཐོག་འོས་མི་རང་ཉིད་ཀྱི་ལྟ་བ་དང་ལང་ཕྱོགས་སོགས་ཀྱི་འགྲེལ་བརྗོད་ཆེད་དུ་ས་གནས་ཁག་དུ་སྐོར་སྐྱོད་བྱ་ཆོག་པ་ལས་མི་ཆོག་པའི་རྒྱུ་མཚན་ཞིག་མང་གཙོའི་ལམ་དང་ལུགས་སྲོལ་གང་ལ་ཡང་འགྲེལ་བརྗོད་ཞིག་གསལ་མེད་པ་དེ་ཤེས་པར་བྱ་དགོས།ཡིན་ཀྱང་ངས་མཐོང་བ་ནི་བོད་ཀྱི་རྒྱལ་ཡོང་མང་གཙོ་ཚོགས་པས་གོ་སྒྲིག་འོག་ལྷོ་ཕྱོགས་ཀྱི་གདན་ས་ཁག་དང་ས་གནས་གང་སར་བཀྲས་མཐོང་དང་བློ་སེང་གཉིས་ཀར་དུས་མཉམ་ཐོག་གོ་སྐབས་གནང་ཡོད་པ་ཞིག་ལས་བློ་སེང་གཅིག་པོས་ལས་དོན་བསྒྲུབས་བཞག་པ་ཞིག་དང་གོ་སྐབས་རགས་བཞག་པ་ཞིག་མིན་པ་ནི་ཚང་མས་སེམས་ལ་ངེས་ཀྱིན་ཡོད་ཤག་རེད།
    ༼གདན་སའི་གྲྭ་བ་ཚོ་འོས་བསྡུའི་ནང་དུ་མངོན་སྟངས་དང་ཆ་ཤས་ལེན་སྟངས་དེ་ཚུལ་མཐུན་མིན་པ་དང་ཚད་ལས་བརྒལ་བ་དེས།བཀའ་ཁྲི་ཟམ་གདོང་རིན་པོ་ཆེས་ཀྱང་སྐད་ཤོར་ཡོད་༽ཟེར་བ་དེ་ནི།མང་གཙོའི་ལམ་ལུགས་ཐོག་ལ་རྒྱུ་མཚན་ཡང་དག་ཞིག་གཏན་ནས་མ་ཡིན།རྒྱུ་མཚན་ནི།མང་གཙོའི་ལམ་ལུགས་ཐོག་སྐྱེ་བོ་སུ་ཡང་རུང་བར་གདམ་བྱ་འདེམས་བྱེད་ཀྱི་ཐོབ་ཐང་ལོངས་སུ་སྤྱོད་ཆོག་པའི་ཐོབ་ཐང་ཡོད་པ་དེ་ཧ་གོ་དགོས་པ་དེ་གལ་གནད་ཆེ།དེ་ཡང་མང་གཙོ་ཞེས་པ་ནི།མི་མང་གི་དབང་སྒྱུར་བྱེད་པའི་གཞུང་ཞིག་ཡིན་པ་དང་ཆབ་སྲིད་དང་སྲིད་དབང་མི་མང་གིས་ཁ་ལོ་སྒྱུར་དབང་ཡོད་པ་ཞིག་ཡིན་པ་སོང་ཙམ་གདན་སའི་གྲྭ་པ་ཚོས་སོ་སོའི་མང་གཙོའི་ཁེ་དབང་ལོངས་སུ་སྤྱོད་ནས་སོ་སོ་རང་ཉིད་དང་ལྟ་བ་དང་ལངས་ཕྱོགས་མཐུན་པའི་མི་སྣ་ཞིག་འོས་འདེམས་བྱེད་བཞག་པ་དེ་མང་གཙོའི་ལྟ་གྲུབ་དང་འགལ་བ་ཞིག་ག་ལ་ཡིན།མཁས་དབང་ཟམ་གདོང་རིན་པོ་ཆེའི་གནད་དོན་གང་ཞིག་གི་ཐོག་གསུང་ཡིན་མིན་གསལ་ཁ་གང་ཡང་བསྟོན་མེད་པ་དེ་ཚང་མས་ཤེས་གསལ་རེད།གལ་སྲིད་བཀའ་ཁྲིའི་འོས་འདེམས་དང་འགྲེལ་བའི་ཐོག་གསུང་གི་ཡོད་པ་ཡིན་ན།རིན་པོ་ཆེའི་མང་གཙོའི་ལམ་ལུགས་དང་རྒྱབ་འགལ་དུ་སོང་བའི་གསུང་བཤད་ཅིག་ཡིན་པ་ལས་ལུགས་དང་མཐུན་པའི་གསུང་བཤད་ཅིག་ངོས་འཛིན་བྱ་མི་ཐུབ།མ་ཚད་རིན་པོ་ཆེ་ཁོང་ཡང་བཀའ་ཤག་སྐབས་གཉིས་རིང་འོས་འདེམས་བྱས་སྐབས་མང་ཚོགས་བརྒྱ་ཆ་བརྒྱད་ཅུ་དང་དགུ་བཅུའི་མང་མོས་ཐོབ་པ་དེ་ཡང་མང་གཙོའི་ལམ་ལུགས་དང་མི་མཐུན་པ་ཞིག་ཡིན་པ་ལས་མཐུན་པ་ཞིག་ལ་ངོས་འཛིན་བྱ་མི་ཐུབ།དེ་འདྲ་སོང་ཙམ་ཁོང་ཡང་གཟི་བརྗིད་ལྡན་པའི་བཀའ་ཁྲི་ཞིག་ལ་ངོས་འཛིན་བྱ་ག་ལ་འོས།རྒྱུ་མཚན་ནི།རིན་པོ་ཆེ་ཁོང་གི་སྐབས་སུ་མང་གཙོའི་ལུགས་དང་མཐུན་པ་ཞིག་དང་།ད་ལྟའི་སྐབས་ལུགས་དང་མི་མཐུན་པའི་རྒྱུ་མཚན་ཡང་དག་ཞིག་བསྟོན་རྒྱུ་ཞིག་མེད་པ་ནི་གསལ་པོ་རེད།ངས་བལྟས་པ་ཡིན་ན།རིན་པོ་ཆེའི་གསུང་དེ་ནི།སྐབས་གསུམ་པའི་བཀའ་ཁྲིའི་འོས་འདེམས་དང་འབྲེལ་བའི་གསུང་བཤད་ཅིག་ལ་ངོས་འཛིན་རྒྱུ་མེད།རྒྱུ་མཚན་ནི་ཁོང་ནི་ཤེས་འཇོན་གཉིས་ལྡན་གྱི་མཁས་དབང་ཞིག་ཡིན་པ་མ་ཚད་མང་གཙོའི་ལམ་ལུགས་ཐོག་ལ་བརྩི་འཇོག་ཞུ་མཁན་ཞིག་རེད།
    འགྲེལ་བརྗོད་རེ་རེ་བཞིན་བྱེད་མ་དགོས་པའི་ཐོག་ནས་དེ་ཙམ་ཡིན།
    དེ་དོན་ཚང་མས་ཞིབ་དཔྱད་ལེགས་པར་ཞིག་བྱེད་པ་ཡིན་ན་ཞེན་ཁོག་དང་ཕྱོགས་ལྷུང་ཁོ་ན་ལས་དངོས་ཡོད་དང་དྲང་བདེན་ལ་ཁ་ཕྱོགས་ནས་ཟིན་བྲིས་ཤིག་སྤེལ་གཞག་པ་ཞིག་ལ་ངོས་འཛིན་ཐབས་མེད་པ་ནི་ཚང་མས་ཧ་གོ་དོན་གསལ་རེད།དེ་དོན་དགོངས་འཇགས་ཞུ།

    Reply
  6. ངས་པོའི་ལྷ་སྲས། says:
    ལོ་ 14 སྔོན།

    ཧམ་པ་དང་གཡོ་སྒྱུར་བྱང་ཆུབ་པའི་དགྱ་ནག་གི་འགོ་ཁྲིད་འདས་པོ་མའོ་ཡིས་མངོན་སུམ་འཛེམས་མེད་ཀྱི་ཧམ་བཤད་༼རྫུན་གཏམ་གཅིག་ཚར་བརྒྱ་ཙམ་བསྐྱར་ཟློས་བྱས་ན་བདེན་པ་ཆགས་ཀྱི་རེད།༽ཞེས་པ་དེ་བདེན་པར་འཛིན་མཁན་སྒོར་མོའི་ཆེད་དུ་རང་གི་མི་གཤིས་སོགས་ཡོད་ཚད་རྒྱབ་ཏུ་གཡུག་མཁན་ཚོ་སྒོར་མོ་ནི་ཐམས་ཅན་མ་རེད་ཞེས་པའི་ལེགས་ལ་བསམ་བློ་ཞིག་གཏོང་རན་སྙམ། སྤྱིར་མི་སྤྱོད་དང་བྲལ་ཞིང་མི་རིགས་ཀྱི་ལ་རྒྱ་མེད་པའི་ཅོལ་ཆུང་དེ་ཚོའི་མཆན་གྱི་ནང་དོན་ནས་གཡོ་རྫུན་གྱི་དྲི་ངན་ཁ་དང་སྣ་སོགས་པ་བཀབ་དགོས་པའི་དྲི་ངན་ཞིག་བྲོ་ཡོང་གི་འདུག ཕྱོགས་རིས་གདོན་གྱིས་བསླུས་པའི་མགྲིན་བཟང་ཚོ་གསེར་ས་འོག་ཏུ་གནས་ཀྱང་འོད་ནམ་མཁར་ཁྱབ་བཞིན་མཆིས་སོ།

    བཀའ་ཁྲིའི་འོས་མི་གསུམ་པོའི་སྐོར་ལ་ང་ཚོས་དོགས་དྲི་བྱས་ཆོག་ཀྱང་དོན་མེད་རྫུན་གཏམ་རིགས་མི་སྤེལ་ན་མི་བཟང་སྙམ། ཁོང་ཚོའི་འདས་སོང་གི་བྱ་བའི་ནང་དྲང་བདེན་མིན་པ་བྱུང་ཡོད་ན་དཔང་རྟགས་ཤིག་སྟོན་རྒྱུ་ན་ང་ཚོས་དེ་ལ་རྒྱབ་སྐྱོར་བྱེད་ངེས་ཡིན། འོན་ཀྱང་དྲང་བདེན་དཔང་རྟགས་རྟ་རྔ་ལྟ་བུ་ཞིག་ཀྱང་སྟོན་རྒྱུ་མེད་པར་དྲ་ནང་དུ་རྫུན་གཏམ་ཁྱི་སྤྱང་ངུ་ངུ་བྱས་ནས་ཅི་ལ་ཕན།

    དེ་ལྟར་ནའང་ད་དུང་ངོ་ཚ་ཁྲེལ་མེད་ཀྱིས་རྫུན་བསྒྲིགས་ཀྱི་འབོད་སྒྲ་རྒྱུན་གཅོད་མི་ཐུབ་པ་ནི། སྒོར་མོས་བསླུས་པའི་གཡོ་ཅན་ཚོའི་ལྷན་སྐྱེས་ཀྱི་གཤིས་ལུགས་ཤིག་རེད་སྙམ།

    Reply
  7. སངས་རྒྱས་རྡོ་རྗེ། says:
    ལོ་ 14 སྔོན།

    དེང་སྐབས་མང་པོ་ཞིག་གིས་བཀྲས་མཐོང་གིས་གཞུང་དངུལ་སྒེར་སྤྱོད་བྱས་པའི་སྐོར་བཤད་དུས་སྒོར་འབུམ་དགུ་མ་གཏོགས་ཤེས་ཀྱི་མི་འདུག་ཀྱང་དོན་དངོས་ཐོག་སྒོར་འབུམ་༧༠༠རེད་འདུག་པ་མ་ཟད།
    དེས་མ་ཚད་པའི་གཞུང་དངུལ་མང་པོ་བཟོས་འདུག་པ་ནི་འདི་ལྟར་རེད།
    གཅིག
    དོན་དངོས་པོ་དེ་ནི་ཁོང་གིས་དེ་སྔོན་དགེ་གཤེས་དབང་རྒྱལ་གྱིས་དོན་གཅོད་ཁང་འཛུགས་པའི་སླད་དུ་གཞུང་ལ་ཕུལ་བའི་ཨ་རི་ན་ཡོད་པའི་ཁང་བ་དེ་ཚོང་ནས་རིན་བབ་ཆ་ཚང་བཟོས་ཡོད་པ་རེད།
    ཡང་དོན་གཅོད་ཁང་རྒྱག་པའི་སླད་དུ་ཞལ་འདེབས་སློང་ནས་ཨ་སྒོར་ག་ཚད་རག་ཡོད་པ་ཚང་མ་ལ་རྩིས་ཁྲ་གཏན་ནས་མེད་པར་བྱས་ཡོད།
    གཉིས།
    ཐེ་ཝན་གསར་འགོད་པ་ཏིས་ཏིས་ཟེར་བ་བརྒྱུད་ཐེ་ཝན་ན་གསང་མིང་དངུལ་འཛིན་བཟོས་ནས་དངུལ་མང་པོ་ཞིག་བོད་གཞུང་གིས་ལེན་པ་ཡིན་མདོག་གིས་བོད་སོག་ལས་ཁུང་ནས་བླངས་ཏེ་ཨ་རིར་བཏང་ནས་སྒེར་གྱི་ཁང་བ་ཉོས་ཡོད་པ་རེད།
    གསུམ།
    ཨ་རི་བ་མེ་ཀོལ་ཟེར་བ་ཞིག་གིས་དྲིལ་བསྒྲགས་དང་བདེ་སྲུང་གི་སླད་དུ་བཏང་པའི་ཨ་སྒོར་འབུམ་གཅིག་དེ་ཡང་ཁོ་རང་གི་བཟོས་པ་རེད།
    བཞི་བ།
    ལ་དྭགས་ན་ར་ཡི་ཁ་ལོའི་ཚོང་རྒྱབ་སྐབས་༧་གོང་ས་མཆོག་གིས་བཀའ་ཡིན་ཟེར་ནས་མི་མང་མགོ་སྐོར་བཏང་ནས་རིན་བབ་ཧིན་སྒོར་འབུམ་༤༥་ལོན་པ་རྣམས་ཁོ་རང་གི་བཟས་པ་རེད།
    ལྔ་བ།
    གྲོས་ཚོགས་ནང་བརྡ་དེད་བྱས་དུས་ནང་སྲིད་ནས་ལ་དྭགས་མི་མང་ལ་སྐྱོབ་གསོ་སྒོར་འབུམ་༡༠་བཏང་ཡོད་པ་རྣམས་སྒེར་གྱི་འངུལ་འཛིན་ཐོག་བསྒྱུར་ནས་ཁོ་རང་གི་བེད་སྤྱད་པ་རེད།
    དྲུག་པ།
    ༧གོང་ས་མཆོག་གི་མཚན་ཐོག་ནས་ཉི་ཧོང་ནས་འངུལ་འཛིན་ཁག་ལྔའི་ནང་ཧིན་སྒོར་འབུམ་༥༤་ལྷག་འབྱོར་བ་དེ་ཡང་ཁོ་རང་གི་བཟས་པ་རེད།
    བདུན་པ།
    ཁོ་རང་དཔལ་འབྱོར་བཀའ་བློན་བྱེད་སྐབས་སྒོར་འབུམ་༧༠༠རྩིས་ཆད་བྱུང་ཡོད།
    དེ་ལྟར་ཁོ་རང་གི་མི་ཚེ་གཅིག་གི་གཟའ་ཟླ་ཡང་ཕྱི་རྒྱལ་བ་ཡིན་པས་ཁོས་བུ་ཕྲུག་རྣམས་ཀྱིས་བོད་སྐད་ཤེས་གི་མེད་པ་རེད།
    དེ་ལྟ་བུའི་མི་ཞིག་ང་ཚོ་བོད་ཀྱི་བཀའ་བློན་ཁྲི་བ་ལ་ཐོན་པ་ཡིན་ན་བོད་ཀྱིས་བསོད་ནམས་རྫོགས་ཚར་བ་མ་རེད་དམ།
    སྐུ་ཚེ་རིང་།
    ཨ་ཨ་ཨ་ཨ་ཨ་ཨ་ཨ་ཨ་་་ཨ་ཨ་ཨ་ཨ་ཨ་ཨ་ད་ག་རེ་བྱེད་དགོས་རེད།
    ད་དུང་ཁོ་ལ་རྒྱབ་སྐྱོར་བྱེད་མཁན་དེ་ཚོ་ངོ་མ་གང་དྲན་གི་ཡོད་ན་བསམ་གི།

    Reply
  8. བསྟན་འཛིན་འཕགས་པ། says:
    ལོ་ 14 སྔོན།

    ཆང་རང་གིས་འཐུངས་་དུས་ར་གཟི་།
    གཞན་གྱིས་འཐུངས་དུས་མིག་མཚར་བའི་།
    དྲ་གྲོགས་རྣམས་ལ་ཞུ་རྒྱུ་ནི་།
    ཨ་མའི་བུ་ལ་འཇོན་ཐང་ཡོད་ན་བཀའ་ཁྲིའི་གསེར་ཁྲི་བདག་པོ་མེད་ཟེར་བ་དངོས་བདེན་རང་རེད་།དཔེར་ན་ཨ་མའི་ལ་ཤེས་འཇོན་ཡོད་དུས་དྲ་རྒྱ་ཐབ་བཅད་བློ་སེང་ཁེངས་ཧཧཧོ་།རྩེད་མོ་ཡིན་།

    སློབ་དཔོན་ཆེན་པོ་མཁས་དབང་བློ་བཟང་སེང་གེ་མཆོག་མ་འོང་བཀའ་ཁྲི་སླེབས་མིན་ཁྱེད་པ་གང་ཡང་མི་འདུག་།ཡིན་ན་ཀླད་སྟོང་སྨྱུག་འཛིན་པ་འགའ་ཞིག་གིས་ཧམ་བཤད་དང་རྫོན་ཆེན་གྱིས་མ་ཉེས་སྐྱོན་འཛུག་སོགས་བྱེད་པ་ནི་ཧ་ཅང་བློ་ཕམ་རེད་།དཔེར་ན་དྲ་གྲོགས་འགའ་ཞིག་གིས་བློ་སེང་གི་བཀའ་བློན་ཁྲི་པའི་རྐུག་སྟེགས་མ་རེག་ན་།འོག་གི་བཀའ་བློན་གྱི་ལས་འགན་འཁུར་རྩིས་མེད་གསུང་སོང་ཟེར་བ་སྐྱོན་འཛུག་གནང་པ་ནི་ཧམ་བཤད་དང་ཕྱོགས་རིས་ཐེན་གྱིས་མྱོག་གླེང་ཙམ་ལས་དྲང་བདེན་གྱི་བསམ་ཚུལ་ག་ལ་ཡིན་།

    གུས་པས་རེ་འདུན་ནི་རྣམ་དཔྱོད་ཅན་གྱིས་སྨྱུག་འཛིན་པ་ཞིག་ཡིན་ན་དྲང་བདེན་གྱི་ཕྱོགས་སུ་ལང་ནས་བདེན་པ་ལ་རྒྱབ་སྐྱོར་དང་རྫུན་མའི་རྫུན་རྐུབ་བརྟོལ་དགོས་པ་ནི་ཤིན་དུ་གལ་ཆེའོ།

    Reply
  9. yangchendolkar says:
    ལོ་ 14 སྔོན།

    ལྷན་རྒྱས་ཀྱིས་གུས་མོའི་མཆན་ལ་དོ་སྣང་གནང་པ་ཐུགས་རྗེ་ཆེ། གུས་སྙན་ཞུ་དེ་གསར་པ་མ་རེད། ཁ་སང་སྔོན་མ་དུས་བབས་དྲ་ཐོག་བསམ་ཚུལ་ཤོད་ས་ལ་བཏང་པ་ཡིན་ཀྱང་། བཀོད་གནང་མ་སོང་། རྒྱུ་མཚན་ཞིག་བརྟན་བརྟན་ཡོད་ཀྱི་རེད། སོང་ཙང་གུས་མོས་སྐུ་ཞོགས་ཚོགས་བདག་ལགས་ཀྱི་ཡིག་ཟམ་དུ་ཕུལ་པ་ཡིན་ཀྱང་ཡ་ལན་བྱེད་མཁན་མ་བྱུང་། བྱས་ཙང་ཁེ་ས་ཡང་སྐྱར་མཆན་དེ་བཏང་པ་ཡིན།
    རྡོག་རྡོག་ཞུས་ན། གུས་མོའི་སྐད་ཆ་ཁག་ལ་ལྷན་རྒྱས་ཀྱིས་ཡིད་ཆེས་གནང་དགོས་དོན་ཡོད་མ་རེད། དེ་འདྲའི་འབོད་སྐུལ་ཞུ་འདོད་ཀྱང་མེད། རྩ་བ་ལྷན་རྒྱས་རང་ངོས་ནས་ཞིབ་འཇུག་གནང་རྒྱུ་གལ་ཆེ་ཤོས་དེ་རེད། མིའི་སྐད་ཆ་རེ་རེ་ལ་འཁོར་དང་གློག་བརྙན་རག་ཐབས་ཡོད་མ་རེད་ལ། དེ་འདྲ་སྟོན་རྩིས་ཀྱང་མེད། ཡིན་ནའི་དེང་སང་གི་དྲ་གནས་དང་། ཞལ་པར། ཏར་ཕྲིན་སོགས་ཆ་རྐྱེན་ཡག་པོ་ཡོད་ཙང་རྩད་གཅོད་བཏང་མ་ཐུབ་པ་ཡོང་གི་མ་རེད།
    གུས་མོས་བཤད་པའི་སྐད་ཆ་དེ་ཚོ་ལ་ཁུངས་ལུང་རྒྱུ་མཚན་མེད་ན་ཡང་སྐྱར་དྲ་ཐོག་ལ་རྩ་ནས་ཡོང་གི་མིན། དེ་མིན་མནའ་སྐྱེལ་རྒྱུ་དེ་འདྲ་ང་རའི་གཤིས་ཀ་ལ་མེད་ཙང་བྱེད་ཐུབ་ས་མ་རེད།

    Reply
  10. ཨོ་རྒྱན། says:
    ལོ་ 14 སྔོན།

    མཆན་འགོད་བྱེད་པར་དོན་གང་ལ་རྟེན་ནས་གཤེར་གྱི་ཡོད་པ་ཤེས་ཐུབ་ཀྱི་མི་འདུག མཆན་ཞིབ་འཇུག་པས་ཁོང་གི་ངོ་ཤེས་ཚོའི་མཆན་མ་གཏོགས་མི་འཇུག་པ་ཡིན་ནམ་ དྲ་རྒྱ་འདིར་མཆན་འགོད་རྒྱུར་ཧ་ཅང་དཀའ་ངལ་འདུག་པས་བློ་ཕམ་ཡོད། ཕྲན་གྱི་མཆན་ད་ལྟ་ནས་ཆུ་ཚོད་བཞི་ཙམ་སྔོན་དུ་བཅུག་པ་དེ་ཐོན་མི་འདུག་པས་བསྐྱར་ནས་འཇུག་ཐབས་ཞུ་རྒྱུ་ཡིན། མ་འོངས་པར་མཆན་རྣམས་ཁ་བརྡའི་དྲ་རྒྱ་ནང་འཇུག་ན་ལེགས་པར་བསམས།
    སྤྱིར་བཏང་བློ་སེང་ལགས་དབྱངས་ཅན་སྒྲོལ་དཀར་གྱིས་གསུངས་པ་བཞིན་ངས་ཀྱང་སྐབས་འཚོལ་བ་ཞིག་ཏུ་སྣང་བ་ཙམ་དུ་མ་ཟད་ཁོང་གིས་བགྲོ་གླེང་གང་སར་བཀའ་བློན་ཁྲི་པ་དེ་སྐབས་དང་དུས་ལ་གོ་སྐབས་བཟུང་ནས་ཁེ་ཕན་བླང་ཐུབ་མཁན་ཞིག་དགོས་གསུངས་གནང་སོང་། ཡིན་ནའང་དབྱངས་ཅན་སྒྲོལ་དཀར་ལགས་ཀྱིས་ཁོང་ལ་འོས་གནང་འདོད་མེད་པའི་རྒྱུ་མཚན་དེ་དག་ཀློག་སྐབས་བློ་སེང་གི་སྐྱོན་དེ་དག་དབྱངས་ཅན་ལགས་ཀྱིས་སྔོན་མ་ནས་ཤེས་ཀྱི་ཡོད་པ་ལྟ་བུར་གསུངས་འདུག ཡང་ཁོང་གིས་དུམ་མཚམས་དང་པོའི་ནང་དུ ༼ངས་སྔོན་འགྲོའི་འོས་ཤོག་བློ་བཟང་སེང་གེ་ལགས་ལ་ཕུལ་པ་ཡིན། རྒྱུ་མཚན་དང་ཐོག་ཁོང་ལ་རྒྱུས་མངའ་དེ་ཙམ་མེད་༽ ཅེས་གསུངས་འདུག་པས་ཁོང་གིས་རྒྱུ་མཚན་བཀོད་སྟངས་ལ་བལྟས་ན་དབྱངས་ཅན་ལགས་ནི་རང་རྒྱུད་དྲང་པོ་རང་ཡོད་པའི་བཟོ་མི་འདུག ཕལ་ཆེར་ཆུ་སྒང་ནང་འཁྲུག་གི་ན་ཚ་ཅན་ཞིག་མིན་ན་སྙམ། སྐབས་འདིར་རང་ཅག་ཚང་མས་ཕྱོགས་ལྷུང་མ་གནང་བར་འོས་དབང་བེད་སྤྱོད་གནང་དགོས་པ་གལ་ཆེ་བ་ཡིན། ཕྲན་རང་གི་ཉམས་ཞིབ་ནང་དུའང་དབྱངས་ཅན་ལགས་ཀྱིས་གསུངས་པའི་རྒྱུ་མཚན་དང་མཐུན་གྱི་འདུག་ན་ངའི་འོས་ཤོག་བེད་སྤྱོད་གཏོང་བའི་སྔོན་དུ་གཟབ་གཟབ་བྱེད་དགོས་པ་ཞིག་དངོས་གནས་ཆགས་ཀྱི་འདུག བཀྲིས་བདེ་ལེགས།

    Reply
  11. བོད་ཀྱི་ཆ་འཕྲིན། says:
    ལོ་ 14 སྔོན།

    བློ་སེང་གི་གདོང་རིས་ངོ་མ་དང་འཆལ་པོ་རྐུབ་ཀྱོ་ག་གི་རྗེས་ཤུལ། དབྱངས་ཅན་སྒྲོལ་དཀར་ཞེས་པས་དག་འབུད་བྱས་པ་ལྟར་ན།
    དང་པོ། ཁོང་ནས་ཕྱི་རྒྱལ་པ་ཚོ་ལ་བོད་ཀྱི་གནས་སྟངས་ཤོད་དུས་དགོན་པ་དང་གྲྭ་བཙུན་ཚོ་ལ་སྨད་ར་མང་པོ་གཏོང་གི་འདུག ཁོང་ཚོས་ལོ་རྒྱུས་ཐོག་བོད་ལ་གནོད་བསྐྱལ་པ་དང་། ད་ལྟ་མང་གཙོའི་ལམ་དུ་འགྲོ་རྒྱུ་ལ་གནོད་སྐྱེལ་ཀྱི་ཡོད་སྐོར་མང་པོ་ཤོད་ཀྱི་འདུག་ཟེར། འདི་དངོས་གནས་ཡིན་ན་ཧ་ཅང་གི་རྫབ་ཅན་ཞིག་རེད། བོད་ཀྱི་གྲྭ་བཙུན་རྣམས་ལོ་རྒྱུས་ཀྱི་ཉེས་ཅན་པ་དང་། དམངས་གཙོའི་བཀག་རྡོ་ཆགས་འདུག གྲྭ་བཙུན་ཞེས་པའི་ཁོངས་སུ་༸གོང་ས་མཆོག་ཀྱང་ཚུད་ཡོད། འདི་ངོས་ལེན་བྱ་ཐབས་མེད། དེ་འདྲ་སོང་ཙང་ཁོས་ཕྱི་རྒྱལ་བའི་མདུན་གྲྭ་བཙུན་ལ་སྨད་ར་བཏང་བའི་དཔང་རྟགས་གཅིག་རང་མཁོ་འདོན་བྱེད་རོགས། དེ་ཡང་ས་གནས་དང་དུས་ཚོད་ཚོད་སོགས་ཡིན དེས་འཐུས་པ་ཡིན། དེ་མིན་ཡིད་ཆེས་བྱ་ཁག་པོ་འདུག
    གཉིས་པ། སྦོ་སི་ཌོན་ནང་ལ་སྡོད་མཁན་བོད་པ་ཚང་མ་ཁོང་ལ་འདོད་མོས་མི་འདུག གང་ལགས་ཤེ་ན། ཁོང་ནམ་རྒྱུན་ས་གནས་བོད་མིའི་བོད་དོན་ལས་འགུལ་ཁག་ནང་མཉམ་ཞུགས་གནང་གི་མེད་པ་དང་། ཁོང་ལོ་མང་རིང་བོད་མི་ལ་དགྲ་ནང་བཞིན་ལྟ་མཁན་རྒྱ་མོ་ཞིག་དང་མཉམ་སྡོད་བྱས་པའི་རྐྱེན་པས། ས་གནས་བོད་མི་རྣམས་ཁོང་ལ་ཡིད་ཐང་ཆད་འདུག་ཟེར། འདི་གནད་འགག་ཆེན་པོ་འདུག་ཀྱང་དོན་དངོས་ཡིན་མིན་བྷོ་སེ་ཊོན་གྱི་བོད་མི་རྣམས་ལ་དྲིས་ན་ཆུ་དངས་གྲམ་གསལ་ཆགས་རྒྱུ་རེད། འོན་ཀྱང་བློ་སེང་རྒྱ་ནག་ལ་དགའ་པོ་འདི་འདྲ་གང་ཡིན་ནམ། སྔོན་མ་ལི་ཐང་ཨ་ཐར་ནས་བོད་སོག་ལས་ཁུངས་མཉམ་དུ་བོད་འཚོང་རྩར་བཞག་སྟེ་གྲོས་ཆོད་བཞག་འདུག ད་ཡང་ལི་ཐང་བློ་སེང་ནས་བོད་ཚོང་རྩར་བཞག་སྟེ་རྒྱ་ནག་མཉམ་དུ་གྲོས་ཆོད་འཇོག་འདོད་པ་མིན་ནམ། དངོས་གནས་གཟབ་གཟབ་མ་བྱས་ན་ཞེད་སྣང་འདུག
    གསུམ་པ། བློ་སེང་གིས་ཕྱི་ལོ་༢༠༠༧ ལོར་དཔྲ་ཕྲུག་ངག་དབང་གི་བུ་མོ་བཀའ་བློ་སྙན་སོགས་མི་བདུན་གྱི་མདུན་དམར་ཧྲེང་ཕུད་ནས་མོའི་མ་རྩ་བ་གཏོར་བ་ཡིན་ན་དཔེ་མི་སྲིད་པའི་རྫབ་ཆེན་རེད། དངོས་གནས་བྱས་ན་དཔྲ་ཕྲུག་ཚང་བཟོད་སྒོམ་བྱེད་ཐུབ་ཐབས་མེད། ད་ཡིན་ན་ལྟད་མོ་འདུག ད་བློ་བཟང་སྙན་གྲགས་དྲང་པོ་བྱེད་པའི་དུས་ལ་བབ་འདུག བཞི་པ། བློ་སེང་ལགས་ནས་ནམ་རྒྱུན་རང་གི་བཟའ་ཚང་ཕྲུ་གུ་ལ་མགོ་སྐོར་བཏང་ནས་སྐྱེ་དམན་གང་བྱུང་དང་ཆགས་སྤྱོད་གནང་གི་ཡོད་བརྟེན་ཁོང་བཀའ་ཁྲི་ལ་བསྐོས་པ་ཡིན་ན། གཤམ་འོག་ལས་བྱེད་བུད་མེད་ཚོ་ལ་དཀའ་ངལ་འཕྲད་རྒྱུ་ཤོད་མ་དགོས་པ་ཞིག་དང་། བཀའ་ཤག་ལས་ཁང་ཆགས་སྤྱོད་གནང་ས་ཞིག་ཏུ་འགྱུར་མི་སྲིད་པ་མ་རེད།
    ཞེས་པ་འདི་རེད། འདི་ཡང་བསམ་བློ་གཏོང་དགོས་པ་ཞིག་རེད། བཀའ་ཤག་ལས་ཁུངས་གཞང་ཁང་ཆགས་པ་ཡིན་ན་འདི་གནས་ཚུལ་ཐབས་སྐྱོ་པོ་ཞིག་དང་༸གོང་ས་མཆོག་གི་མཚན་སྙན་འཛད་གཞི་ཞིག་རེད། མཐའ་དོན་དྲི་དགོས་པའི་དྲི་བ་གཅིག་རང་ཡོད་པ་ནི་དབྱངས་ཅན་སྒྲོལ་དཀར་ལགས་ཀྱི་མ་རྩའང་བློ་སེང་ནས་གཏོར་བ་མ་རེད་དམ། ཡིན་ན་ཁ་མཆུ་རྒྱག་པའི་དུས་ལ་བབ་འདུག་གོ ། དགོངས་འགལ་མེད་པ་མཁྱེན། སྐུ་རྩེད་ཞུས་པ་ཡིན།

    Reply
  12. ཅོ་རི་ཉི་མ། says:
    ལོ་ 14 སྔོན།

    མཛེས་མ་དབྱངས་ཅན་སྒྲོལ་དཀར་ལགས།
    ཁྱེད་ཀྱིས་་་་་
    《གཉིས་པ། ཁོང་ནས་ཕྱི་རྒྱལ་པ་ཚོ་ལ་བོད་ཀྱི་གནས་སྟངས་ཤོད་དུས་དགོན་པ་དང་གྲྭ་བཙུན་ཚོ་ལ་སྨད་ར་མང་པོ་གཏོང་གི་འདུག ཁོང་ཚོས་ལོ་རྒྱུས་ཐོག་བོད་ལ་གནོད་བསྐྱལ་པ་དང་། ད་ལྟ་མང་གཙོའི་ལམ་དུ་འགྲོ་རྒྱུ་ལ་གནོད་སྐྱེལ་ཀྱི་ཡོད་སྐོར་མང་པོ་ཤོད་ཀྱི་འདུག》ཞེས་གསུངས་འདུག་པས་བློ་སེང་གིས་དེ་འདྲ་བཤད་ས་རྒྱལ་ཁབ་གང་དུ་རེད་དམ།

    ཡོང་ཁྲུང་གློག་བརྙན་དང་གསར་ལམ་ཁག་ཏུ་ཐོན་པ་དེ་འདྲ་སྟོན་གྱི་ཡོད་པས། ཡོད་ན་སྟོན་གནང་རོགས། མེད་ན་ཁུངས་ག་འདྲའི་སྐྱེལ་གྱི་ཡིན་ནམ།

    Reply
  13. བོད་ཀྱི་ཆ་འཕྲིན། says:
    ལོ་ 14 སྔོན།

    ཤེལ་དཀར་ལྷག་པ་ཟེར་བ་འདི་གོ་མྱོང་མྱོང་ཞིག་འདུག དེ་སྔ་གངས་ཅན་གྱི་རྒྱུགས་ཁྱི་ཞིག་ཡོད་པ་དེ་མིན་ནམ། འབྲངས་སྤུངས་ལ་ཨ་མདོ་བ་མ་གཏོགས་མི་འདུག་གམ ཨ་མདོ་བས་ག་རེ་བྱས་འདུག ཆོལ་ཁའི་བར་ལ་དབྱེན་སྦྱོར་མ་བྱས་ན་བཟང་གི ངོ་མ་དོན་མེད་བཤད་རྒྱུ་གཏམ་རྒྱུ་ཉུང་ན་བཟང་གི

    Reply
  14. ནགས་ཕྲན་པ་བསོད་ནམས་ཚེ་རིང་། says:
    ལོ་ 14 སྔོན།

    ཕྱི་ལོ་༢༠༡༠ ཟླ་ ༡༠ ཚེས་ ༢༥ ཉིན་ཨ་རིའི་མེ་ནེ་སོ་ཌ་རུ་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་ལ་བཀའ་ཁྲིའི་འོས་གཞི་བློ་བཟང་སེང་གེ་དེ་སྔོན་རྒྱ་ནག་ཏུ་སོང་བ་དང་། དེ་ཡང་བོད་གཞུང་བཀའ་ཤག་གིས་ཤེས་རྟོགས་ཡོད་མེད་སྐོར་དྲིས་པར་ཁོང་གིས་ལན་འདེབས་གནང་བ་ཇི་བཞིན་སྒྲ་ཕབ་བྱས་པ་ཡིན། ཁོང་གིས་གསུངས་པ་ཇི་བཞིན་གཟིགས་འདོད་ན་འབྲེལ་ཐག་འདིར་གཟིགས་རོགས། http://www.youtube.com/watch?v=3yK1pv7t0pU&feature=player_embedded “དྲི་བ་དེ་ལ་ལན་ཞུ་རྒྱུ་དེ་དངོས་གནས་བྱས་ན་སྟབས་བདེ་པོ་འདྲ་ཞིག་ཆགས་ཀྱི་ཡོད་པ་མ་རེད། ད་ལྟ་འོས་བསྡུའི་ལས་རིམ་འགྲོ་བཞིན་པ་ཡིན་པས། ཡིན་ནའང་ཁྱེད་རང་གི་དྲི་བ་དེ་གནས་ཚུལ་བྱེ་བྲག་པ་ཞིག་གི་ཐོག་ལ་ཡིན་སྟབས། ངས་ལན་ཞུས་པ་ཡིན་ཡང་འོས་བསྡུའི་སྒྲིག་གཞི་དང་འགལ་བ་འདྲ་ཞིག་མི་ཆགས་པའི་རེ་བ་ཡོད། སྒྲིག་གཞི་དང་འགལ་གྱི་མ་རེད་ཅེས་མཐའ་གཅིག་ཏུ་ལབ་ཐུབ་ཀྱི་མི་འདུག གལ་སྲིད་ལན་མ་ཞུས་པ་ཡིན་ནའང་མི་མང་གིས་དེ་གནད་དོན་ག་འདྲ་ཞིག་གི་ཐོག་ལ་འགྲེལ་བཤད་རྒྱ་གྲབས་ཡོད་འགྲོ་དེ་ཡང་ཧ་གོ་ཁག་པོ་འདྲ་ཞིག་རེད། ༢༠༠༡ ནས་བཟུང་སྟེ་བཙན་བྱོལ་གཞུང་གིས་སྲིད་བྱུས་ཞིག་བཏིང་ཡོད་པ་རེད། སྲིད་བྱུས་དེ་ག་རེ་རེད་ཅེ་ན། རྒྱ་ནག་གཞུང་དང་འབྲེལ་བ་བྱེད་རྒྱུ་དེ་ད་རེས་ངས་གོང་དུ་ཞུས་པ་བཞིན། བརྒྱུད་ལམ་གཅིག་མ་གཏོགས་བརྒྱུད་ལམ་མང་པོ་ང་ཚོས་འཛིན་གྱི་མེད་ཅེས་ལབ་པ་རེད། དེའི་སྔོན་ལ་ཡིན། ཚོགས་པ་འདྲ་མི་འདྲའི་སྐུ་ཚབ་འདྲ་མི་འདྲས་བར་མཚམས་ནས་རྒྱ་ནག་གཞུང་དང་འབྲེལ་བ་བྱས་ནས་བོད་ཀྱི་རྩ་དོན་གྱི་ཐོག་ལ་བཀའ་མོལ་གནང་བསྡད་པ་དང་། ཕན་ཚུན་ལན་བསྐྱལ་བསྡད་པ་དེ་འདྲའི་ལམ་སྲོལ་ཞིག་ཡོད་པ་རེད། དེ ༢༠༠༡་ ནས་སྒོ་བརྒྱབ་པ་རེད། གཞུང་གིས་འབྲེལ་བ་བྱེད་སའི་བརྒྱུད་ལམ་གཅིག་མ་གཏོགས་མེད་ཅེས་ལབ་པ་རེད། ཡིན་ནའང་མང་ཚོགས་དང་མང་ཚོགས་ཀྱི་བར་དུ་འབྲེལ་བ་བྱེད་རྒྱུ་དེ་ག་ཚད་མང་བ་ཡིན་ནའང་ཡག་གི་རེད། ལྷག་པར་དུ་རྒྱ་ནག་མི་མང་དང་མཉམ་དུ་ང་ཚོས་འབྲེལ་བ་བྱེད་དགོས་པ་དེ་ཧ་ཅང་གལ་ཆེན་པོ་འདུག ཅེས་དེའི་སྲིད་བྱུས་དེ་བརྟན་བཟུང་བྱས་པ་རེད། དེ་འདྲ་ཡིན་ཙང་། བཙན་བྱོལ་བོད་མིའི་ནང་ནས་རྒྱ་ནག་གི་མང་ཚོགས་དང་མཉམ་དུ། རྒྱ་ནག་གི་མཁས་པ་དེ་ཚོ་དང་མཉམ་དུ། རྒྱ་ནག་གི་གསར་འགོད་པ་དེ་ཚོའི་མཉམ་དུ་འབྲེལ་བ་ག་ཚོད་བྱེད་ཐུབ་པ་ཡིན་ཡང་། དེ་ལ་གཞུང་གིས་སེམས་ཤུགས་སྤར་རྒྱུ་མ་གཏོགས་དགག་བྱ་མེད་ཅེས་གསལ་པོ་ཞུས་ཡོད་པ་རེད། ཡང་དེའི་འབྲེལ་བ་དེ་ཚོ་གཞུང་གི་ངོ་ཚབ་མཚོན་པ་བྱས་ན་འགྲིག་གི་མ་རེད་ཟེར་བ་དེ་གསལ་པོ་རེད། གཞུང་གི་ངོས་ནས་ཀྱང་རྒྱ་ནག་གི་མི་མང་དང་མཉམ་དུ་འབྲེལ་བ་བྱེད་རྒྱུའི་ལས་དོན་དེ་ཏན་ཏན་བྱེད་དགོས་པ་ཞིག་རེད། དེ་འདྲ་ཡིན་པས་བོད་རིགས་གནས་ཡུལ་ཚང་མ་ལ་རྒྱ་བོད་མཛའ་འབྲེལ་མཐུན་ཚོགས་ཀྱི་བཟོ་དེ་འདྲ་བཙུགས་དགོས་ཀྱི་འདུག་ཅེས་སྐྱབས་མགོན་རིན་པོ་ཆེས་བཀའ་སློབ་ཕེབས་ཡོད་པ་རེད་ལ། གཞུང་གི་ངོས་ནས་ཀྱང་རྒྱབ་གནོན་ཞུས་ཡོད་པ་རེད། རྒྱ་མི་དང་བོད་པ་མཉམ་དུ་ཚོགས་འདུ་དེ་འདྲ་ཡང་ག་ཚོད་མང་བ་འཚོགས་ཐུབ་པ་ཡིན་ནའང་ཡག་པོ་ཡོད་པ་རེད་ཅེས་ང་ཚོས་ལབ་ཡོད་པ་རེད། དོན་གཅོད་ལས་ཁུངས་ཁ་ཤས་ཀྱི་ནང་དུ་རྒྱ་སྐད་ཤེས་མཁན་གྱི་ལས་བྱེད་ཀྱི་ས་མིག་གསར་གཏོད་བྱས་ནས་ལས་བྱེད་ཐོལ་བ་དེ་འདྲ་ཡང་བསྐོས་ཡོད་པ་རེད། དེར་བརྟེན་ང་ཚོས་རྒྱ་ནག་མང་ཚོགས་དང་འབྲེལ་བ་དེ་ཤུགས་ཆེན་པོའི་ཐོག་ནས་བྱས་པ་རེད། ཧར་ཝར་ཌ་གཙུག་ལག་སློབ་གཉེར་ཁང་དུ་སློབ་གཉེར་གནང་བཞིན་པའི་བློ་བཟང་སེང་གེས་འབད་བརྩོནབྱས་ནས་ཧར་ཝར་ཌ་གཙུག་ལག་སློབ་གཉེར་ཁང་རང་གི་ནང་དུ་རྒྱ་རིགས་དེ་འདྲ་དང་མཉམ་དུ་ཚོགས་འདུ་ཐེངས་གཉིས་གསུམ་ཞིག་འཚོགས་པ་རེད། དེ་ཚོ་ཚང་མ་བཙན་བྱོལ་གཞུང་གིས་མཁྱེན་གྱི་ཡོད་པ་ཙམ་དུ་མ་ཟད། ཡག་པོ་འདུག་ཅེས་ཞུས་པ་རེད། ཚོགས་འདུ་དེ་དག་གི་ནང་དུ་བོད་རིགས་ཀྱང་མི་ཉུང་བ་ཞིག་ཕེབས་ཡོད་པ་རེད། དེ་དང་ཕྱོགས་མཚུངས་བློ་བཟང་སེང་གེ་ཕར་རྒྱ་ནག་ལ་ཚོགས་འདུ་ཚང་མ་ཤེས་ཡོན་དང་འབྲེལ་བ་ཡོད་པ་དེ་འདྲ་ཤ་སྟག་རེད། དེ་འདྲའི་ནང་ལ་ཕེབས་པའི་སྐོར་ཏན་ཏན་ཤེས་ཀྱི་ཡོད་རེད། སྐུ་སྒེར་ཡིག་ཚང་ལའང་ཞུས་ཡོད་ཀྱི་རེད། དེ་ངས་ཞུ་རྒྱུ་མེད་དེ། བཀའ་ཤག་གིས་ཚོགས་འདུ་ལ་ཕེབས་ཀྱི་ཡོད་པ་མཁྱེན་གྱི་ཡོད་པ་རེད། ཚོགས་འདུར་ཕེབས་པའི་རྗེས་སུའང་གནས་ཚུལ་དེ་ཚོ་ག་རེ་ག་རེ་བྱུང་བཀའ་ཤག་ལ་ཞུས་གནང་གི་ཡོད་པ་རེད། དེར་བརྟེན་བཀའ་ཤག་ལ་སྙན་སེང་ཞུས་ཡོད་གསུངས་པ་དེ་ཚོ་ཞལ་རྫུན་གནང་བ་མ་རེད། དེ་དངོས་ཡོད་གནས་ཚུལ་རེད། དེ་ཙམ་དུ་མ་ཟད་པའི་མཐོ་སློབ་སློབ་ཡོན་གྱི་(ཕུལ་གྷི་རེ་ཊི)དུས་ཚོད་རྫོགས་ཚར་ནའང་ཨ་རིའི་ནང་དུ་མུ་མཏུད་དུ་བཞུགས་རྒྱུ་དེ་རྒྱ་མི་མཁས་པ་ཚོའི་མཉམ་མུ་མཐུད་དུ་བཞུགས་རྒྱུ་དེ་རྒྱ་མི་མཁས་པ་ཚོའི་མཉམ་དུ་འབྲེལ་བ་བྱེད་རྒྱུ་དང་། རྒྱ་མིའི་མཁས་པ་ཚོའི་མཉམ་དུ་ཚོགས་འདུ་འཚོགས་པ་ལ་སོགས་པ་དེ་འདྲའི་དམིགས་ཡུལ་བཟུང་ནས་ཤེས་རིགས་ལས་ཁུངས་ལ་བཀའ་འཁྲོལ་ཞུས་པ་རེད། དམིགས་ཡུལ་དེ་གཞུང་གི་སྲིད་བྱུས་དང་མཐུན་པའི་དམིགས་ཡུལ་ཞིག་བཟུང་པ་ཡིན་པས། དེ་ཡང་འགྲིག་གི་འདུག་ཅེས་ཞུས་ཡོད་འདུག ཡིན་ནའང་ད་ལྟའི་གནས་སྐབས་ལ་དྲི་བ་འདི་ཚོ་ཐད་ཀར་བཀའ་བློན་ཁྲི་པ་ལ་དྲི་རྒྱུ་དང་། བཀའ་བློན་ཁྲི་པས་ཐད་ཀར་དེ་ལ་ལན་རྒྱག་རྒྱུ་དེ་ངས་བལྟས་ན་ཏག་ཏག་ཅིག་སྡོད་ཀྱི་ཡོད་པ་མ་རེད་བསམ་གྱི་འདུག དྲི་བ་འདི་མང་ཚོགས་ནང་སླེབས་ཚར་བ་ཡིན་པས། ངས་དེར་ལན་མ་བརྒྱབ་པ་ཡིན་ན་བློ་བཟང་སེང་གེ་ནག་པོར་འགྲོ་རྒྱུའི་ཉེན་ཡོད་བསྡད་པ་ཞིག་རེད། ལན་ཞུས་པ་ཡིན་ན། འོས་བསྡུའི་སྒྲིག་ལམ་དང་འགལ་ནས་འོས་བསྡུའི་སྤྱི་ཁྱབ་ཀྱིས་ངའི་ཐོག་ལ་ཉེས་པ་བཙུགས་པ་ཡིན་ན། འོས་བསྡུའི་ལས་རིམ་འགྲོ་བཞིན་པའི་ཏོག་ལ་ཁྱེད་ཀྱིས་སྐད་ཆ་དེ་ག་རེ་བྱས་ནས་བཤད་པ་ཡིན་ཞེས་བཤད་ན། ང་ལ་དེར་ལན་རྒྱག་རྒྱུ་ཁག་པོ་ཆགས་བསྡད་ཡོད་པ་རེད། དེ་འདྲ་ཡིན་པས་བཀའ་འདྲི་དེ་ལ་ལན་རྒྱ་གི་མིན་ཞེས་ཞུས་པ་ཡིན་ནའང་། དེ་འགྲེལ་བཤད་ལོག་པ་ཞིག་ཏུ་འགྲོ་རྒྱུའི་ཉེན་ཁ་ཡོད་པ་ཡིན་པས་ངས་རང་གི་ཉེན་ཁ་ལ་མ་འཛེམས་པར་ལན་དེ་ཞུས་པ་ཡིན། ཡིན་ནའང་སྐབས་འདིེར་ཞུ་རྒྱུ་ཞིག་ལ་བཀའ་བློན་ཁྲི་པའི་འོས་བསྡུ་དང་འབྲེལ་བ་ཡོད་པ་དང་། སྤྱི་འཐུས་ཀྱི་འོས་བསྡུ་དང་འབྲེལ་ཡོད་པ་དེ་འདྲ་བཀའ་འདྲི་མ་གནང་རོགས་གནང་ཞེས་གསུངས་ཡོད་པ་རེད། ལྷ་སྨོན་པསྒྲ་ཕབ་དང་མཁོ་སྤྲོད་བྱས།
    གསལ་བཤད། ཟླ་འདིའི་ཚེས་ ༡༢ ཉིན་གྱི་བོད་ཀྱི་བང་ཆེན་གསར་ཤོག་སྤྱིའི་འདོན་ཐེངས་ ༣༡༥ པའི་ཤོག་ངོས་ ༦་ པར་༼ལན་མ་བརྒྱབ་ན་བློ་བཟང་སེང་གེ་ནག་པོ་ཆགས་རྒྱུའི་ཉེན་ཁ་ཡོད། ༽ཅེས་པའི་ཁ་བྱང་འོག་གནས་ཚུལ་འདི་འདྲ་ཞིག་བཀོད་འདུག

    Reply
  15. ཤག་སྒང་པ། says:
    ལོ་ 14 སྔོན།

    བློ་གྲོས་རབ་བརྟན་ལགས་ཀྱིས་སྤེལ་བའི་བློ་སེང་ལགས་ལ་བསྙད་པའི་རྩོམ་ཡིག་འདི་ལེགས་པོ་དང་ཕལ་ཆེར་དྲང་པོ་ཞིག་ཡིན་ཚོད་འདུག བློ་སེང་ལ་མོས་མཁན་རྣམས་ནས་བཀའ་བཀྱོན་དང་སེམས་ཚོར་འདྲ་བྲིས་པ་ལས། གནད་ལ་འཁེལ་བའི་ལན་འདེབས་ཅིག་མི་འདུག་པས། ད་ནི་ང་ཚོས་ཨི་ཁུང་ཡོད་ཚད་ལ་འཛུལ་ནས་བརྟག་དཔྱད་མ་གནང་ན། བཀའ་ཁྲིའི་འོས་འཕེན་པར་ལས་སླ་པོ་མི་འདུག་ད༌༌༌༌༌༌༌༌

    Reply
  16. ཨ་མའི་བུ། says:
    ལོ་ 14 སྔོན།

    བོད་ཀྱི་དུས་བབ་ཚང་ལ་ཕྲན་གྱི་མཆན་འདི་འདོན་རོགས་གནང། དྲ་གྲོགས་སངས་རྒྱས་རྡོ་རྗེ་ལགས་ཀྱི་དགའ་མིན་དང་རྒྱུ་མཚན་མེད་པར་མི་རབས་མང་པོ་བོད་གཞུང་ལ་ཞབས་འདེགས་ཞུ་མྱོང་བའི་རླབས་ཆེན་མི་སྣ་ཞིག་ནག་པོ་བཟོ་འདོད་པ་ནི་གླེན་པ་དང་གཅིག་མཚུངས། ཧ་ཧ་ཧ་ཧ་
    ཁྱེད་རང་གི་རྒྱུ་མཚན་ཕུང་པའི་མི་བདེན་རྫུན་གཏམ་གྱི་བཀྲས་མཐོང་དཔའ་འབྱོར་བཀའ་བློན་སྐབས་ལ་ལྐོག་ཟ་བྱས་སོང་ཟེར་བ་རྣམས་ལན་འདེབས་མང་པོ་མི་དགོས་པར་བོད་གཞུང་བཀའ་ཤག་གིས་གསལ་བཤད་གནང་བའི་བཀའ་ཡིག་ལ་་དྲ་གྲོགས་བློ་ལྡན་རྣམས་ཀྱི་དཔྱད་པར་ཞུ།

    Reply
  17. སྤགས་ཤར། says:
    ལོ་ 14 སྔོན།

    དྲ་གྲོགས་བློ་ལྡན་ལགས་ཀྱི་བློ་སེང་ལ་བསྙད་པའི་རྩོམ་ཡིག་འདི་མཐོང་སྐབས། ང་ཡང་ཁོང་གི་སྐད་ཆ་ཁ་ཤས་ལ་དཔྱད་འདོད། རང་ཉིད་ལ་བཀའ་ཁྲིའི་འོས་ཐོབ་ཆེད་ཁོ་ནས་ལས་བཙན་འབྱོལ་སྤྱི་ཚོགས་ལ་བསམ་ཤེས་མེད་པའི་སྐད་ཆ་ཁག་ཅིག་གཤམ་གསལ།
    ༡ ཀ་རྡོར་སྒང་གསུམ་དུ་རྡ་ས་དང་གཞིས་ཆགས་ཁག་ནང་ང་ཚོ་ཀ་རྡོར་སྒང་གསུམ་གྱི་མི་རྣམས་ཏོ་རོ་མོ་རོ་ཁ་སྐད་༼ཆོ་མེད་པའི་དོན་༽ཟེར་གྱི་ཡོད་རེད་འདི་རིང་ང་ཏོ་རོ་མོ་བཀའ་ཁྲིརལངས་ཡོད།
    ༢གཞོན་ནུར་རང་བཙན། དབུ་མའི་ལམ་གྱི་གམ་དུ་དབུ་མའི་ལམ། བུད་མེད་རྣམས་ཀྱི་མདུན་དུ་ཕོ་མོ་འདྲ་མཉམ། ངའི་མི་ཚེའི་ནང་ཆོལ་ཁ་ཆོས་ལུགས་ཀྱི་འཐེན་འཁྱེར་མ་བྱེད་ཨང་བསམ་གྱི་འདུག སྐབས་རེ་སོ་སོའི་ལངས་ཕྱོགས་གསལ་སྟོན་ཡོང་ཆེད་ང་མི་གཅིག་ཡིན་ཡང་དཔུང་བསྒྲིགས་པར་ཡོང་བ་ཡིན་སོགས་རྣ་བར་ཐོས་དུས་ཁོང་གི་འདོད་པ་ནི་བཀའ་ཁྲིའི་རྐུབ་སྟེགས་དེ་ལས་རླབས་ཆེན་གྱི་བཀའ་ཁྲིའི་ལས་འགན་འདི་མ་ཡིན་པ་གསལ་ཤེས་བྱུང། གལ་སྲིད་ལྷག་བསམ་ཆེན་པོའི་སྒོ་ནས་རླབས་ཆེན་བཀའ་ཁྲིའི་ལས་འགན་བྱ་འདོད་ཡོད་མཁན་ཞིག་ཡིན་ན་༸གོང་ས་མཆོག་གི་ལོ་ལྔ་བཅུར་སྐུ་ལས་སྐྱོན་པའི་བཙན་འབྱོལ་སྤྱི་ཚོགས་འདི་ལ་ཕན་ཐོག་པའི་སྐད་ཆ་ལས་སྤྱི་ཚོགས་ལ་གནོད་པའི་གོང་གསལ་སྐད་ཆ་འདི་རྣམས་གསུང་མི་སྲིད། སྔོན་མ་ངས་ཁོང་ལ་ཕུལ་བའི་འོས་དེ་ཕྱིར་བསྡུ་མ་བྱས་ཀ་མེད་དུ་གྱུར་རོ།

    Reply
  18. དྲང་བདེན་གྱི་སློང་མོ་བ། says:
    ལོ་ 14 སྔོན།

    དྲང་མོ་བཤད་ན་ཐེངས་འདིའི་བཀའ་ཁྲི་འོས་བསྡུ་ལ་མི་མང་གི་དོ་སྣང་ཆེ་པོ་བྱེད་པ་དེ་བློ་སེང་གི་དམིགས་བསལ་ཤེས་ཡོན་གྱི་ནུས་པ་དང་བཀྲིས་དབང་འདུས་གི་གཞུང་དྲང་ལྗེད་ཁོག་ཆེ་བའི་ལྷག་བསམ་གི་དྲན་རེད་། ད་དུང་སྐུ་ངོས་བཀྲས་མཐོང་ཕྱོགས་ལ་ཕ་མེས་ནས་ཡོད་པའི་རྒྱུན་འཛིན་དང་འབྲེལ་བ་ཡོད་། འདི་༧གོང་ས་མཆོག་དང་བཀའ་ཁྲི་ཟམ་གདོང་གཉིས་ཀྱི་ལུང་དྲང་ཏེ་ཁོང་མི་འོས་ཚུལ་དང་ཁོང་འོས་ཚུལ་སྟོང་བཤད་གནང་བ་ལས་དོན་དམ་པའི་ཤེས་འཇོན་གཉིས་ལྡན་གཅིག་དགོས་ན་ཁོང་གསུམ་ནང་སུ་འོས་མིན་གཟིགས་གལ་ཆེ་བ་དེ་རེད་། དངོས་ཡོད་ཁོང་གསུམ་གྱི་ནང་དྷ་སའི་བོད་གཞུང་གི་ཉམས་མྱོང་ཆེ་ཤོས་ནི་བཀའ་ཟུར་བཀྲིས་དབང་འདུས་དང་ཤེས་ཡོན་ཆེ་ཤོས་བློ་སེང་རེད་། སྒེར་གྱི་ཚོགས་པ་དང་སྐྱིད་སྡུག་རྣམས་ཀྱི་འོས་མི་གསལ་བསྒྲགས་མང་ཤོས་ནི་སྐུ་ངོས་བཀྲས་མཐོང་རེད་། (དེ་ཡང་ཁམས་ནས་ཡིན་པ་ཏྲེ་ཧོ་ཐུབ་བསྟན་དཔལ་འབྱོལ་དང་དབུས་ནས་ཡིན་པ་ཕན་ཕོ་རྒྱལ་མཚན་གཉིས་ཀྱི་ལས་འགུལ་དེའི་ནང་འདུས་ཡོད་།)

    Reply
  19. ཨ་བློ་བཟང་། says:
    ལོ་ 14 སྔོན།

    བློ་བཟང་སེང་གེས་གང་བྱས་པ་ཚང་མ་མང་གཙོ་ལམ་སྲོལ་བཞིན་འོས་ཀྱི་འགྲན་རྩོད་ནང་བཞུགས་ཡོད་པ་ལས། ཁྱེད་ཀྱིས་འདོད་པའི་བུད་མེད་བཀའ་བློན་ཚོ་བཞིན་དངུལ་དང་གཉེན་ཡ་ངོ་ཤེས་སོགས་བརྒྱུད་ནས་འོས་ཀྱི་འགྲན་རྩོད་བྱས་མེད།
    ད་དུང་ཟམ་གདོང་རིན་པོ་ཆེས་ཧ་ཅང་ཐབས་སྡུག་རེད་གསུང་པ་དེ་ནི་མང་གཙོ་འགྲོ་ལུགས་དང་མཐུན་པར་རང་ཉིད་ཀྱི་འཆར་གཞི་དང་དམིགས་ཡུལ་སོགས་བརྗོད་ནས་སྐོར་བསྐྱོད་བྱས་པ་ལ་གསུངས་པ་མ་རེད་ལ།
    དོན་དངོས་ཐོག་དངུལ་དངོས་བསླུ་བྲིད་དེ་དགོན་པ་གང་ཞིག་གི་བླ་མ་ཚོ་ལ་སྦྱིན་བདག་བྱས་ནས་དེ་འི་འཁོར་ཡོད་ཚད་རང་ཉིད་འོས་བླུག་དགོས་པའི་བཙན་དེད་བྱས་པའི་ལས་ཀ་ལ་ཐུགས་འཚབ་གནང་པ་རེད།
    དེ་ནི་རྒྱ་རི་སྒྲོལ་མ་དང་བཀྲས་མཐོང་གི་རྒྱབ་སྐྱོར་ཏྲེ་ཧོར་ཐུབ་བསྟན་དཔལ་འབྱོར་སོགས་ཀྱིས་དེ་ལྟར་བྱས་པ་ཁོ་བོས་དངོས་སུ་མཐོང་ངོ་།
    དེ་དག་ཁྱེད་ཀྱིས་མ་ཤེས་པ་དང་མ་གོ་བར་ངོ་མ་ཡ་མཚན་རེད།
    རྗེས་ཕྱོགས་རྩོམ་ཡིག་སྤེལ་དུས་མིག་གཉིས་ཀ་ཕྱེས་ནས་གླེང་དགོས།

    Reply
  20. pema karpo says:
    ལོ་ 14 སྔོན།

    སངས་རྒྱས་རྡོ་རྗེ་མཆན་ལ་ཞུ་རྒྱུ་།་. བཀའ་བློན་ཁྲི་ཟུར་བཀྲས་མཐོང་ལ་ལྐོག་ས་རུལ་སོང་གནས་ཚུལ་དོན་མཚན་བདུན་ཅན་བྲིས་འདུག་། དེའི་ཐད་ལ་བདེན་མིན་གནས་ཚུལ་ཁ་གསལ་འདྲ་གནང་མཁན་ཡོད་ན་ཕན་ཐོགས་ཡོང་ས་རེད་་། གང་ཡིན་ཟེར་ན་། ད་ལོ་བཀའ་བློན་ཁྲི་པ་རྒན་གཞོན་སུ་ལ་འོས་བླུགས་དགོས་མིན་ཐད་མགོ་ཐོམ་ས་རེད་། དོ་དོན་བཀའ་བློན་འོས་མི་གསུམ་ལ་སྐྱོན་ཁོ་ན་ལས་ཡོན་ཏན་འདྲ་གསུངས་རྒྱུ་ཡོད་སྲིད་

    Reply
  21. ཤེལ་དཀར་ལྷག་པ། says:
    ལོ་ 14 སྔོན།

    བློ་གྲོས་རབ་བརྟན་ལ་ཆེད་དོན། ༸གོང་ས་མཆོག་གི་བཀའ་སློབ་ཁ་ལ་ཁྱེར་ནས་ཁྱོད་ལ་དགོས་པའི་བུད་མེད་དེ་རྒྱ་རི་སྒྲོལ་མ་ཡིན་ན་ ༢༠༡༠ ལོར་ལྷོ་ཕྱོགས་གདན་ས་ཁག་ནང་སྐོར་བསྐྱོད་བྱས་པ་མང་ཤོས་དེ་མོ་རེད། དང་པོ་སྤྱི་འཐུས་ཀྱི་གཞུང་འབྲེལ་དང་བསྟུན་ནས་སོང་བ་དང་། གཞུང་མང་རྒྱལ་ཡོངས་ཚོགས་ཆེན་སྐབས་ཚོགས་འདུ་ཚོགས་ལོང་མེད་པར་རྒྱུགས་པ། དེ་རྗེས་འོས་བསྡུ་མ་རན་པའི་ཉིན་ཤས་སྔོན་ནས་ག་ཚོད་རྒྱུགས་སོང་དེ་གཅིག་ཡིན། ད་དུང་བསྟན་འཛིན་རྣམ་རྒྱལ་གྱི་རྒྱབ་སྐྱོར་བ་ཡིན་ཟེར་བའི་དབུས་གཙང་ཚོགས་གཙོའི་མིང་ཁུར་བ་སྒྲོལ་མ་ཚེ་རིང་གདན་ས་ཁག་ནང་ག་ཚོད་རྒྱུགས་སོང་། འོས་བསྡུ་རན་ཁའི་ཉིན་གསུམ་བཞིའི་སྔོན་མོ་ག་བར་ཡོད་རེད། ཚོགས་ཆེན་དང་བསྟུན་བལ་ཡུལ་ནས་ཐུབ་བསྟན་དཔལ་འབྱོར་དང་འཕན་པོ་རྒྱལ་མཚན་སོགས་ག་ཚོད་རྒྱུགས་སོང་། བློ་བཟང་སེང་གེ་མི་གཅིག་གིས་ཁོ་ཚོ་ནང་བཞིན་མི་ལ་སྨད་ར་རྒྱག་གིན་རྒྱུགས་སོང་ངམ། ད་དུང་ཚོགས་གཙོ་སྤེན་པ་ཚེ་རིང་གི་རྒྱབ་སྐྱོར་བ་རྣམས་ག་ཚོད་རྒྱུགས་སོང་། མ་ཚད་འབྲས་སྤུངས་ནས་ཨ་མདོ་ཡོད་ཚད་ཀྱིས་ཁོ་རང་ལ་འོས་བླུག་པ་དེ་ཞེན་ཁོག་རེད་དམ་སྤྱི་དོན་རེད། ཟམ་གདོང་རིན་པོ་ཆེས་གསུང་བཤད་ནང་དེ་ཚོ་ཚུད་ཀྱི་ཡོད་རེད་དམ། དེ་ཚོ་ཚང་མ་ཤེས་པའི་ཐོག་ནས་ཤོད་མ་གཏོགས་ཕྱོགས་གཅིག་ལ་ནག་པོ་བཟོས་ན་ཅི་ཕན།

    Reply
  22. འཇང་གཡུ་ལྷ་ཐོགས་འགྱུར says:
    ལོ་ 14 སྔོན།

    ང་ཚོའི་བློ་བཟང་སེང་གེ་དེ་གང་སེང་དཀར་པོ་རེད་དང་རྒྱ་ཁྱི་སྣ་ལེབ་རེད་བརྟག་དགོས་འདུག་མ་བཏོག་ཉེན་ཁ་ཆེ་

    Reply
  23. གནམ་ལྕགས། says:
    ལོ་ 14 སྔོན།

    ད་རེའི་སེང་གེ་འདི་འདམ་སེང་ཡིན་ནམ་གངས་སེང་ཡིན་ལ་ང་ཚོས་བརྟག་དགོས།

    Reply
  24. ལྷུན་འགྲུབ། says:
    ལོ་ 14 སྔོན།

    ཉམས་མྱོང་ལས་གཞན་བཤད་རྒྱུ་མི་འདུག་། ཕས་བུ་ལ་ཉམས་མྱོང་ལོ་༣༠༠་ལྷག་རིང་སྤྲད་ཀྱང་། ཕན་མེད་པར་མཐར་རྒྱ་མི་ལ་ཤོར། དེ་ཉམས་མྱོང་ཆེ་དྲག་པའི་སྐྱོན་ཨེ་ཡིན།།

    Reply
  25. མཁས་བཙུན། says:
    ལོ་ 14 སྔོན།

    བློ་གྲོས་རབ་བརྟན་ལགས་དང་དབྱངས་ཅན་སྒྲོལ་དཀར་ལགསརྣམ་གཉིས། གང་ལ་གང་འདུལ་དེ་ལ་དེ་སྟོན་དགོས་པ་དེ་མ་བསྙེལ་བ་གནོངས་རོགས། ད་དུང་ཁ་རྒྱུན་དུ་ཡོད་པའི་ཤིང་འཛེར་མེད་རྒྱ་རྫོང་ནགས་ན་མེད། མི་སྐྱོན་མེད་འཛམ་བུ་གླིང་ན་མེད་ཅེས་པ་དེའང་མ་བསྙེལ་བ་གནོངས་རོགས། །

    Reply
  26. སངས་རྒྱས་རྡོ་རྗེ། says:
    ལོ་ 14 སྔོན།

    དེང་སྐབས་མང་པོ་ཞིག་གིས་བཀྲས་མཐོང་གིས་གཞུང་དངུལ་སྒེར་སྤྱོད་བྱས་པའི་སྐོར་བཤད་དུས་སྒོར་འབུམ་དགུ་མ་གཏོགས་ཤེས་ཀྱི་མི་འདུག་ཀྱང་དོན་དངོས་ཐོག་སྒོར་འབུམ་༧༠༠རེད་འདུག་པ་མ་ཟད།
    དེས་མ་ཚད་པའི་གཞུང་དངུལ་མང་པོ་བཟོས་འདུག་པ་ནི་འདི་ལྟར་རེད།
    གཅིག
    དོན་དངོས་པོ་དེ་ནི་ཁོང་གིས་དེ་སྔོན་དགེ་གཤེས་དབང་རྒྱལ་གྱིས་དོན་གཅོད་ཁང་འཛུགས་པའི་སླད་དུ་གཞུང་ལ་ཕུལ་བའི་ཨ་རི་ན་ཡོད་པའི་ཁང་བ་དེ་ཚོང་ནས་རིན་བབ་ཆ་ཚང་བཟོས་ཡོད་པ་རེད།
    ཡང་དོན་གཅོད་ཁང་རྒྱག་པའི་སླད་དུ་ཞལ་འདེབས་སློང་ནས་ཨ་སྒོར་ག་ཚད་རག་ཡོད་པ་ཚང་མ་ལ་རྩིས་ཁྲ་གཏན་ནས་མེད་པར་བྱས་ཡོད།
    གཉིས།
    ཐེ་ཝན་གསར་འགོད་པ་ཏིས་ཏིས་ཟེར་བ་བརྒྱུད་ཐེ་ཝན་ན་གསང་མིང་དངུལ་འཛིན་བཟོས་ནས་དངུལ་མང་པོ་ཞིག་བོད་གཞུང་གིས་ལེན་པ་ཡིན་མདོག་གིས་བོད་སོག་ལས་ཁུང་ནས་བླངས་ཏེ་ཨ་རིར་བཏང་ནས་སྒེར་གྱི་ཁང་བ་ཉོས་ཡོད་པ་རེད།
    གསུམ།
    ཨ་རི་བ་མེ་ཀོལ་ཟེར་བ་ཞིག་གིས་དྲིལ་བསྒྲགས་དང་བདེ་སྲུང་གི་སླད་དུ་བཏང་པའི་ཨ་སྒོར་འབུམ་གཅིག་དེ་ཡང་ཁོ་རང་གི་བཟོས་པ་རེད།
    བཞི་བ།
    ལ་དྭགས་ན་ར་ཡི་ཁ་ལོའི་ཚོང་རྒྱབ་སྐབས་༧་གོང་ས་མཆོག་གིས་བཀའ་ཡིན་ཟེར་ནས་མི་མང་མགོ་སྐོར་བཏང་ནས་རིན་བབ་ཧིན་སྒོར་འབུམ་༤༥་ལོན་པ་རྣམས་ཁོ་རང་གི་བཟས་པ་རེད།
    ལྔ་བ།
    གྲོས་ཚོགས་ནང་བརྡ་དེད་བྱས་དུས་ནང་སྲིད་ནས་ལ་དྭགས་མི་མང་ལ་སྐྱོབ་གསོ་སྒོར་འབུམ་༡༠་བཏང་ཡོད་པ་རྣམས་སྒེར་གྱི་འངུལ་འཛིན་ཐོག་བསྒྱུར་ནས་ཁོ་རང་གི་བེད་སྤྱད་པ་རེད།
    དྲུག་པ།
    ༧གོང་ས་མཆོག་གི་མཚན་ཐོག་ནས་ཉི་ཧོང་ནས་འངུལ་འཛིན་ཁག་ལྔའི་ནང་ཧིན་སྒོར་འབུམ་༥༤་ལྷག་འབྱོར་བ་དེ་ཡང་ཁོ་རང་གི་བཟས་པ་རེད།
    བདུན་པ།
    ཁོ་རང་དཔལ་འབྱོར་བཀའ་བློན་བྱེད་སྐབས་སྒོར་འབུམ་༧༠༠རྩིས་ཆད་བྱུང་ཡོད།
    དེ་ལྟར་ཁོ་རང་གི་མི་ཚེ་གཅིག་གི་གཟའ་ཟླ་ཡང་ཕྱི་རྒྱལ་བ་ཡིན་པས་ཁོས་བུ་ཕྲུག་རྣམས་ཀྱིས་བོད་སྐད་ཤེས་གི་མེད་པ་རེད།
    དེ་ལྟ་བུའི་མི་ཞིག་ང་ཚོ་བོད་ཀྱི་བཀའ་བློན་ཁྲི་བ་ལ་ཐོན་པ་ཡིན་ན་བོད་ཀྱིས་བསོད་ནམས་རྫོགས་ཚར་བ་མ་རེད་དམ།
    སྐུ་ཚེ་རིང་།
    ཨ་ཨ་ཨ་ཨ་ཨ་ཨ་ཨ་ཨ་་་ཨ་ཨ་ཨ་ཨ་ཨ་ཨ་ད་ག་རེ་བྱེད་དགོས་རེད།
    ད་དུང་ཁོ་ལ་རྒྱབ་སྐྱོར་བྱེད་མཁན་དེ་ཚོ་ངོ་མ་གང་དྲན་གི་ཡོད་ན་བསམ་གི།

    Reply
  27. ཅོ་རི་ཉི་མ། says:
    ལོ་ 14 སྔོན།

    ཨོཧཧཧཧཧཧཧཧཧཧཧཧ་་་་་་་་་་་དྲ་གྲོགས་ཨ་མཆོད་འཇམ་དཔལ་ཚུལ་ཁྲིམས་ལགས། བློ་གྲོས་རབ་བརྟན་ཟེར་བ་འདི་སྔོན་མ་བོད་རང་བཙན་པ་རྣམས་སུ་རྡོ་དང་དབྱུག་པས་རྡུང་གི་ཟེར་མཁན་དེ་མ་རེད་པས། ཡིན་ན་རྒྱ་མཁས་དབང་སྟོང་གི་རྐུབ་ཏུ་ཁྱི་བཞིན་རྒྱུགས་མཁན་བློ་སེང་ལ་རྒྱབ་སྐྱོར་བྱས་ན་ཡག་གི་རེད་པ། ཁོ་རང་ཚོ་ལྟ་བ་གཅིག་པ་རེད་བ།

    འཇམ་ཚུལ་ལགས་་་་་་ཁྱེད་ཀྱིས་དྲ་གྲོགས་རྙིང་པ་བློ་བརྟན་མཆོག་ལ་གལ་སྲིད་རྗེས་མ་བློ་སེང་བཀའ་ཁྲི་ཐོབ་ན་རྒྱབ་སྐྱོར་བྱེད་དགོས་པའི་རེ་སྐུལ་ཞུས་འདུག་ཀྱང་ཁྱེད་རང་སེམས་འཁྲུལ་གནང་དགོས་ཀྱི་མ་རེད། བློ་བརྟན་གྱི་ལྟ་བ་ཤེས་ཀྱི་ཡོད་པ།

    དེ་ལས་ཁྱེད་དང་ང་རང་གཉིས་སྡུག་གི་རེད། བློ་སེང་བཀའ་ཁྲི་ཐོབ་ན་རྒྱ་ནག་གཅིག་འགྱུར་དང་རྒྱ་དཔོན་བྱེད་རྒྱུའི་གོ་སྐབས་བཙལ་གྱི་རེད། རྒྱ་ནག་གི་ཨོ་བྷ་མ་བྱེད་ཀྱི་ཡིན་ཟེར་གི་རེད། དེ་དུས་ཁྱེད་ཀྱིས་རྒྱབ་སྐྱོར་བྱ་ཐུབ་བམ།་་་་ཧཧཧཧཧཧཧ

    Reply
  28. དྲང་བདེན་གྱི་སློང་མོ་བ། says:
    ལོ་ 14 སྔོན།

    བློ་གྲོས་རབས་བརྟེན་ལགས། ཉིན་སྔོན་ཁྱེད་རང་གི་བཀའ་ཟུར་བཀྲ་ཤིས་དབང་འདུས་ལགས་ལ་དེ་འདྲ་གཅིག་བྲིས་འདུག། དངོས་གནས་ཟུར་བལྟས་ལེགས་མཐོང་ཅེས་བཤད་པ་ལྟར་བུ་ཁྱེད་རང་གི་དགོང་རེས་ངོ་མ་གཤམ་སོང་། མ་གཞི་ཐེངས་འདིའི་བཀའ་ཁྲི་འོས་མི་གསུམ་ཡོད་པའི་ནང་ཁྱེད་རང་གི་གོ་ལྡོག་ཉེས་འཛུག་མང་གྲགས་མིན་ལ་མ་ལྟོས་པར་རང་དབང་དམངས་གཙོའི་འགྲོ་སྟངས་གཅིག་གི་འོག་དེ་འདྲ་ཡོང་ཆོག་པ་དང་ཡོད་སྲིད་པར་དགའ་པ་མེད་། ཡིན་ཡང་མ་མཐའ་ནས་འདི་སྤྱི་པའི་ལས་དོན་གལ་ཆེན་ཞིག་ལས་སྒེར་དོན་མིན་པར་ཀུན་གྱི་མཁྱིན་གསལ་བཞིན་བློ་སེང་ལ་མཚོན་ན་བོད་ཙམ་མ་ཚད་བོད་རིགས་སུ་གཏོགས་པ་ཧེ་མ་ལའི་མི་རིགས་ཡོངས་ཀྱི་ཁྲོད་ཆེས་སྙན་གྲགས་ཆེ་བའི་མཐོ་སློབ་གཅིག་གི་ནང་སྙན་གྲགས་ཡོད་པའི་ལག་འཁྱེར་ཐོག་མ་ཐོབ་མཁན་དེ་རེད་ལ་ཡོངས་གྲགས་རྒྱལ་སྤྱིའི་ནང་ཨེ་ཤི་ཡི་གཞོན་སྐྱེས་མཁས་པ་༡༣་གི་ནང་འདེབས་ཐོན་བྱུང་ཡོད་། སོང་ཙང་ད་ལྟ་ཁོང་གིས་འཛམ་གླིང་ནང་སྙན་གྲགས་ཆེ་བའི་ཨ་རེའི་མཐོ་སློབ་ཀྱི་ཁྲིམས་ལུགས་སློབ་དཔོན་ཆེན་པོའི་ལས་གནས་བཞག་ཏེ་དྷ་སར་སྤྲིའུ་ལས་ལྷག་མེད་པའི་རི་སྐམ་སྒང་ཕེབས་འདོད་འདིར་ངས་བསམ་པར་རྒྱབ་སྐྱོར་གནང་མ་ཐུབ་ནའང་ཉེས་འཛུགས་གནང་ཡུལ་གཅིག་མ་རེད་སྙམ། དེ་བཞིན་ཆེས་བཀུལ་འོས་བཀའ་ཟུར་བཀྲ་ཤིས་དབང་འདུས་མཆོག་ནི་ད་བར་བོད་གཞུང་གི་ཕྱག་ལས་ལོ་ངོ་༤༠ལྷག་རྙོག་གླེང་གང་ཡང་མེད་ཐོག་ཀུན་ཀྱི་སྔགས་འོས་སུ་གྱུར་པའི་དབུ་འཛིན་ཤས་ཅིག་གནང་བ་རེད་། ལྷག་དོན་བཙན་བྱོལ་བོད་གཞུང་ནང་དངོས་ཡོད་ཁོང་ནི་གཞུང་དྲང་ལྷག་བསམ་ཅན་འགྲན་ཟླ་མེད་པ་གཅིག་ལ་ངོས་འཛིན་གནང་བ་ལས་ཁྱེད་ཀྱིས་བཤད་པའི་ཉེས་འཛུགས་ལ་དང་ལེན་ནམ་ཡང་གནང་མི་སྲིད་། མདོར་བསྡུས་ནས་བཤད་ན་ཁྱེད་རང་གི་སྐྱོན་བརྗོད་གནང་ན་དྲང་བདེན་ཐོག་མཐོང་ཐོས་རྣམས་དཔྱད་བརྗོད་སྤེལ་བ་ལས་སོ་སོའི་འདོད་པའི་མི་དེར་རྒྱབ་སྐྱོར་བྱེད་སྟངས་མ་ཤིས་པ་འོས་མི་གཞན་ལ་ཉེས་འཛུགས་གནང་སྟངས་འདིར་འོས་འཚམ་མཐོང་མ་སོང་།

    Reply
  29. འཇང་གཡུ་ལྷ་ཐོགས་འགྱུར says:
    ལོ་ 14 སྔོན།

    དབྱངས་ཅན་སྒྲོལ་དཀར་དེ་གཡུང་དྲུང་རྒྱལ་མཚན་འདྲ་བོ་འདུག་ ་ཧ་ཧ་ཧཧ་ཧ

    Reply
  30. yangchendolkar says:
    ལོ་ 14 སྔོན།

    དབྱངས་ཅན་སྒྲོལ་དཀར།

    ངས་སྔོན་འགྲོའི་འོས་ཤོག་བློ་བཟང་སེང་གེ་ལགས་ལ་ཕུལ་པ་ཡིན། རྒྱུ་མཚན་དང་ཐོག་ཁོང་ལ་རྒྱུས་མངའ་དེ་ཙམ་མེད་པ་དང་། ཁོང་གི་ལྟ་བ་ལངས་ཕྱོགས་དང་སྐད་ཆ་བཤད་པ་ཁག་ལ་ཉམས་ཞིབ་དོ་ནན་བྱེད་རྒྱུ་མ་བྱུང་པས་ལན་པ་རེད། འོན་ཀྱང་དངོས་གཞིའི་སྐབས་ངའི་འོས་ཤོག་གཅིག་པོ་ཁོང་ལ་ཕུལ་ཐུབ་ས་མ་རེད། མི་ཐུབ་◌པའི་རྒྱུ་མཚན་གཤམ་གསལ་ཁག་ཡིན།

    དང་པོ། ཁོང་གི་སྔ་ཕྱིའི་སྐད་ཆ་ལ་ནང་འགལ་མང་པོ་འདུག ཁོང་གིས་ཁོར་ཡུག་མི་འདྲ་བ་རེ་ནས་སྐད་ཆ་མི་འདྲ་བ་རེ་ཤོད་ཀྱི་འདུག གདོང་པ་མ་འདྲ་བ་རེ་ལ་ལྟས་ནས་སྐད་ཆ་མ་འདྲ་བ་རེ་ཤོད་ཀྱི་འདུག དེ་ནི་ཁོང་གི་ཐུགས་གཤིས་བརྟན་པོ་མེད་པ་དང་། ཁོང་གི་གཤིས་ཀ་འགྱུར་ཆོག་ཆོག་ཡོད་པའི་མཚོན་རྟགས་དངོས་གནས་པ་དེ་རེད། སོང་ཙང་སྐབས་འཚོལ་བ་ཞིག་བཀའ་ཁྲི་ལ་བསྐོས་པ་ཡིན་ན་མང་ཚོགས་ལ་རྡབ་སིག་ཕོག་རྒྱུ་དང་། སྤྱི་དོན་འཐུས་ཤོར་འགྲོ་རྒྱུ་ལས་མ་འདས།
    ཁོང་གི་སྐད་ཆ་མང་བོ་ཞིག་གནས་སྐབས་ཤེས་ཡོན་མེད་མཁན་དང་། ཉམས་མྱོང་མེད་མཁན་གཞོན་སྐྱེས་ཚོ་འགུག་ཐབས་ཀྱི་སྐད་ཆ་རྫིག་པོ་ཙམ་མ་གཏོགས་ལག་ལེན་ལ་བསྟར་ཀྱི་མེད་པའི་སྐད་ཆ་སྟོང་པ་མང་ཤོས་རེད། ཁོང་སྤོབས་པ་མཐོ་དྲག་ནས་མི་མང་དཀྱུས་མའི་བསམ་ཚུལ་ལ་ཉན་འཇོག་བྱེད་ཐུབ་ཀྱི་མི་འདུག མི་གཞན་གྱི་བསམ་ཚུལ་དང་སྐད་ཆ་ལ་བརྩི་འཇོག་རྩ་ནས་གནང་ཐུབ་ཀྱི་མི་འདུག དེ་ནི་མི་མང་གི་བདེ་སྡུག་ལ་ལྟ་མཁན་བཀའ་ཁྲི་ཞིག་ལ་མ་ཚང་པའི་སྐྱོ་གནས་ཆེ་ཤོས་ཞིག་རེད་དྲན།

    གཉིས་པ། ཁོང་ནས་ཕྱི་རྒྱལ་པ་ཚོ་ལ་བོད་ཀྱི་གནས་སྟངས་ཤོད་དུས་དགོན་པ་དང་གྲྭ་བཙུན་ཚོ་ལ་སྨད་ར་མང་པོ་གཏོང་གི་འདུག ཁོང་ཚོས་ལོ་རྒྱུས་ཐོག་བོད་ལ་གནོད་བསྐྱལ་པ་དང་། ད་ལྟ་མང་གཙོའི་ལམ་དུ་འགྲོ་རྒྱུ་ལ་གནོད་སྐྱེལ་ཀྱི་ཡོད་སྐོར་མང་པོ་ཤོད་ཀྱི་འདུག ཡང་གྲྭ་ཚང་དང་དགེ་འདུན་པ་ཚོ་དང་ཐུག་དུས་སྐད་ཆ་མ་འདྲ་བ་ཤོད་ཀྱི་འདུག ཁ་གཅིག་གི་ནང་ལ་ལྕེ་གཉིས་ཡོད་པ་ནི་དུག་སྤྲུལ་གྱི་ལས་ཀ་རང་རེད།

    གསུམ་པ། སྦོ་སི་ཌོན་ནང་ལ་སྡོད་མཁན་བོད་པ་ཚང་མ་ཁོང་ལ་འདོད་མོས་མི་འདུག གང་ལགས་ཤེ་ན། ཁོང་ནམ་རྒྱུན་ས་གནས་བོད་མིའི་བོད་དོན་ལས་འགུལ་ཁག་ནང་མཉམ་ཞུགས་གནང་གི་མེད་པ་དང་། ཁོང་ལོ་མང་རིང་བོད་མི་ལ་དགྲ་ནང་བཞིན་ལྟ་མཁན་རྒྱ་མོ་ཞིག་དང་མཉམ་སྡོད་བྱས་པའི་རྐྱེན་པས། ས་གནས་བོད་མི་རྣམས་ཁོང་ལ་ཡིད་ཐང་ཆད་ནས་འདུག ཁོང་ལ་རྒྱུས་མངའ་ཡོད་མཁན་ཚང་མ་ཁོང་ལ་ཞེ་མེར་ལངས་ཀྱི་ཡོད། ཁོང་གི་མགོ་བདེ་དང་ཁྲམ་རྟགས་མང་པོ་གནས་སྐབས་རེ་རེ་བཞིན་བགྲང་མ་དགོས་བྱེད།

    བཞི་པ། ཕྱི་ལོ་༢༠༠༧ ལོར་བོད་གཞུང་བཀའ་ཤག་ནས་བཀོད་སྒྲིག་འོག་ལྡི་ལི་མགྲོན་ཁང་སྐད་གྲགས་ཆེ་བ་ཞིག་ཏུ་འཚེ་མེད་ཞི་བའི་ཟབ་སྦྱོང་གནང་སྐབས། ཁོང་ནས་དཔྲ་ཕྲུག་ངག་དབང་གི་བུ་མོ་མགྲོན་ཁང་དུ་ཁྲིད་ཡོང་ནས་སྐུ་ངོ་བཀའ་བློན་བློ་བཟང་སྙན་གྲགས་དང་ཁོང་ཚོ་མི་མང་མདུན་དམར་ཧྲེང་ངང་ཁྲུས་རྫིང་ནང་ཆགས་རྩེད་ཐལ་ཆ་ཅན་བྱས་པས། བོད་གཞུང་གི་གནད་ཡོད་མི་སྣ་ཚོ་ཁོང་གི་བྱ་སྤྱོད་ལ་ཞེ་མེར་ལངས་ཞིང་། དེ་ནས་མགྲོན་ཁང་ནང་ཆགས་སྤྱོད་གནང་། ཁོང་གིས་ཆགས་སྤྱོད་གནང་ནས་སྐུ་ངོ་བཀའ་བློན་བློ་བཟང་སྙན་གྲགས་ལགས་ལ་ངོ་སྤྲོད་གནང་བའི་རྐྱེན་བྱས་ནས། བློ་སྙན་ལགས་ཀྱི་མཚན་མཐོང་ཉམས། བཀའ་བློན་ཤོར། བློ་སྙན་མི་ཚེ་འཕྲོ་རླག་འགྲོ་བ་བློ་བཟང་སེང་གེ་ལགས་ཀྱི་གནང་བབ་དང་འབྲེལ་བ་ཆགས། གནས་ཚུལ་འདི་བདེན་པ་ཡིན་མིན་སྐབས་དེའི་ཟབ་སྦྱོང་ལ་ཞུགས་མཁན་ཚང་མས་ཤེས་ཀྱི་ཡོད་པས་ཡིད་མ་ཆེས་པ་ཚོས་ཉམས་ཞིབ་གནང་རོགས།
    བློ་སེང་ལགས་ནས་ནམ་རྒྱུན་རང་གི་བཟའ་ཚང་ཕྲུ་གུ་ལ་མགོ་སྐོར་བཏང་ནས་སྐྱེ་དམན་གང་བྱུང་དང་ཆགས་སྤྱོད་གནང་གི་ཡོད་བརྟེན་ཁོང་བཀའ་ཁྲི་ལ་བསྐོས་པ་ཡིན་ན། གཤམ་འོག་ལས་བྱེད་བུད་མེད་ཚོ་ལ་དཀའ་ངལ་འཕྲད་རྒྱུ་ཤོད་མ་དགོས་པ་ཞིག་དང་། བཀའ་ཤག་ལས་ཁང་ཆགས་སྤྱོད་གནང་ས་ཞིག་ཏུ་འགྱུར་མི་སྲིད་པ་མ་རེད། ཀུན་སྤྱོད་དེ་འདྲ་ཁྱེར་མཁན་བཀའ་ཁྲི་ལ་ལན་པོ་མ◌ེད་པ་མཐོང་བྱུང་།

    ལྔ་པ། བློ་སེང་ལགས་ཀྱིས་ད་ལྟའི་བར་ལས་ཀ་འདི་བྱས་བཞག་ཟེར་པ་ཞིག་མེད། ཕྱི་ལོ་༢༠༠༤ ལོར་ལྡི་ལི་ཆུ་སྒང་བྱེད་གཏེ་ཚོས་ཐའི་ཝན་བོད་སོག་ལས་ལས་ཁུངས་མཉམ◌་ཆིངས་ཡིག་བཞག་སྐབས། བློ་སེང་སོགས་མི་ཁ་ཤས་ཤིག་ནས་ལི་ཐང་ཨ་ཐར་ཅན་ལ་མ◌ི་འདོད་པའི་རྣམ་འགྱུར་སྟན་པའི་སྐད་ཆ་ཞིག་ཡོད་རེད། དེའི་གཟིགས་གསོལ་ལ་ཁོང་ཨ་རིར་སློང་སྦྱ◌ོང་འགྲོ་བའི་གོ་སྐབས་རག་པ་རེད། ཡིན་ནའི་ཁོང་ནས་བོད་གཞུང་ཤེས་རིག་ལས་ཁུང་མཉམ་གན་རྒྱ་བཞག་པ་བརྩིས་མེད་ཀྱིས་ཨ་རི་ནས་ཕྱིར་ལོག་བྱས་མེད། ཨ་རི་ནང་ལོ་གཉིས་ཀྱི་སློབ་སྦྱོང་ལ་ཕེབས་ནས་ལོ་བཅུ་རིང་བོད་གཞུང་དང་འབྲེལ་བ་རྩ་ནས་གནང་མེད། ཕྱི་ལོ་༢༠༠༤ ལོར་གཞི་ནས་བོད་གཞུང་དང་མཉམ་དུ་དེའི་སྐོར་སྐད་ཆ་ཞིག་བྱུང་པ་སྐོར་གོ་རྒྱུ་ཡོད། དེ་ནི་ཁོང་གི་དམིགས་ཡུལ་ལྡན་པའི་འཆར་གཞི་ཞིག་ལས་བོད་གཞུང་ལ་བརྩི་བཀུར་ཞུས་པ་མཚོན་ཐུབ་ཀྱི་མེད།

    དྲུག་པ། སྔོན་ཆད་ཝ་ཤིན་ཀྲོན་ཌི་སི་ནས་བློ་སེང་ལགས་ཀྱིས་ཁོང་རྒྱ་མིའི་ཨོ་བྷ་མ་བྱེད་ཀྱི་ཡིན་གསུངས། རང་བཙན་འཐབ་རྩོད་པ་མཁས་དབང་འཇམ་དབྱངས་ནོར་བུ་ལགས་ཀྱིས་བློ་སེང་གི་བསམ་ཚུལ་དང་བཀའ་མོལ་དེ་ལ་སྐྱོན་བརྗོད་རྩོམ་ཡིག་སྤེལ། བློ་སེང་དེ་ལ་མ་དགའ་པར་འཇམ་དབྱངས་ནོར་བུ་ལགས་སུ་ཁ་པར་ཕུལ་ཏེ་ཁོང་གཉིས་ཀྱིས་རྒྱུན་རིང་ཁ་པར་ནང་རྩོད་པ་བརྒྱབ་ཀྱང་བསམ་ཚུལ་གཅིག་མཐུན་མ་བྱུང་སྐོར་འཇམ་དབྱངས་ནོར་བུ་ལགས་ཀྱིས་ཡང་བསྐྱར་རྩོམ་ཡིག་སྤེལ་གནང་ཡོད། རྒྱ་མིའི་ཨོ་བྷ་མ་གནང་འདོད་ཡོད་མཁན་ཞིག་བོད་ཀྱི་བཀའ་ཁྲི་ལ་ཕེབས་པ་ཡིན་ན་ཁྱད་མཚར་མ་རེད་དམ། གོང་ཞུས་རྒྱུ་མཚན་དེ་འདྲའི་རྐྱེན་པས་ངའི་བསམ་བློ་ལ་འགྱུར་བ་ཕྱིན་སོང་། སོང་ཙང་དངོས་གཞིའི་སྐབས་ངས་ཁོང་ལ་འ◌ོས་ཤོག་ཕུལ་ཐུབ་ཀྱི་མི་

    Reply
  31. ཨ་མཆོད་འཇམ་དཔལ་ཚུལ་ཁྲིམས། says:
    ལོ་ 14 སྔོན།

    དྲ་གྲོགས་རྙིང་པ་བློ་བརྟན་ལགས།
    མ་མཇལ་ཡུན་རིང་། དེ་རིང་འདིར་ཕེབས་བྱུང་། ཁྱེད་ཀྱི་རྩོམ་དེ་མགོ་ནས་ཅུང་བཀླགས་སྐབས་ཁྱེད་ཀྱི་བསམ་བློའི་གོ་རྟོགས་ལ་ཡིད་གཉིས་སྐྱེས་པ་ལྟར་བྱུང་མོད། རིམ་བཞིན་བཀླགས་རྗེས་ཇེ་ཡག་ཏུ་སོང་ནས་མཐར་ཁྱེད་ཀྱིས་རྩོམ་ཡག་པོ་ཞིག་བྲིས་ཡོད་པའི་ཚོར་སྣང་སྤྲད་སོང་། ངའི་རེ་བ་ནི་གལ་སྲིད་ཁྱེད་བཀྲིས་མཐོང་ལ་རྒྱབ་སྐྱོར་བྱེད་མཁན་ཞིག་ཡིན་ན། གལ་སྲིད་བློ་སེང་རྗེས་མ་བཀའ་ཁྲིར་ཐོབ་ན། ཁྱེད་ཀྱིས་བློ་སེང་གི་ཕྱག་ལས་གང་གནང་ལ་སྐྱོན་འཚང་འབྲུ་བ་ཁོ་ནར་མི་གཞོལ་བའི་རེ་བ་ཞུ། དེ་བཞིན་དེའི་ལྡོག་ཕྱོགས་ནས་ཀྱང་དེ་ལྟར་ཡིན།
    ལར་ནས་ཁྱེད་ཀྱིས་དེ་འདྲ་གནང་རྒྱུ་ཡིན་པའི་སྙད་འདོགས་ཀྱང་བྱེད་ཀྱི་མེད། ཉེ་ཆར་ཞིག་ནས་བདག་ལ་མ་འོངས་པར་རང་རེས་འདི་འདྲ་བྱ་མི་འོང་ངམ་སྙམ་པའི་སེམས་ཁྲལ་ཞིག་ཡོང་གི་འདུག་པས་ད་ལན་འདིར་ཞུས་པ་ཡིན།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese