འདི་ལོའི་ཕྱི་ལུགས་ཀྱི་ལོ་གསར་ཚེས་དགུ་ཉིན་ནས་དེ་རིང་བར་གྱི་ཉིན་གྲངས་ ༡༠ རིང་། ༧གོང་ས་མཆོག་གིས་རྒྱལ་ས་ལྡི་ལི་དང་གནས་མཆོག་ཝ་ར་ཎ་སི་བཅས་སུ་ཆོས་དང་རིག་གཞུང་ཕྱོགས་ཀྱི་མཛད་འཕྲིན་ཁག་ཅིག་བསྐྱངས་ཡོད་པ་ལེགས་པར་གྲུབ་སྟེ། དེ་རིང་སྔ་དྲོའི་ཆུ་ཚོད་ ༩ དང་ཕྱེད་ཀའི་སྟེང་། ངྷ་ས་ཁུལ་གྱི་སེར་སྐྱ་མི་མང་གི་ཕེབས་བསུའི་དབུས་བཞུགས་སྒར་ཕོ་བྲང་དུ་ཞབས་སོར་བཀོད་སོང་།
མི་འགྱངས་པའི་ཕྱི་ཚེས་ ༣༠ ཉིན། བྷང་ལོར་ཐེག་ཆེན་སྲོལ་རྒྱུན་རྒྱུད་འཛིན་ཚོགས་པས་གོ་སྒྲིག་འོག ༧གོང་ས་མཆོག་གིས་བྷ་སི་ན་ཝ་གྷོ་ཊི་ Basanavagudi རྒྱལ་ཡོངས་མཐོ་སློབ་ཐང་ཆེན་དུ་ས་གནས་མང་ཚོགས་ལ་ ༼དཀའ་ཚེགས་ཆེ་བའི་དུས་ཚོད་ནང་བདེ་སྐྱིད་འཚོལ་བ།༽ཞེས་པའི་བརྗོད་གཞིའི་ཐོག་བཀའ་སློབ་གནང་རྒྱུ་ཡིན་པ་དང་། ཕྱི་ཚེས་ ༣༡ ཉིན་ར་སྟོད་གྲྭ་ཚང་གི་གཙུག་ལག་ཁང་གསར་བཞེངས་ལེགས་འགྲུབ་དབུ་འབྱེད་གནང་རྒྱུ་བཅས་ཀྱི་མཛད་འཕྲིན་བསྐྱང་འཆར་ཡོད་པ་རེད།
གསར་འགོད་པ། དཔལ་ལྡན།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
འཕགས་པའི་ཡུལ་དུ་བཞུགས་པའི་མཛད་འཕྲིན་ལས། །ནུབ་གླིང་རྒྱལ་ཁམས་བསྐོར་བ་གྲགས་ཆེ་ཡང། །དཀར་ནག་རྒྱ་བོད་སྤྱི་འབངས་ལས་ལྷག་པའི། །ཆེད་དུ་བྱ་འོས་གདུལ་བྱ་ཅང་ཡོད་དམ། །དེ་བས་མགོན་ཁྱེད་སྐུ་ངལ་ཆེ་ན་ཡང། ཐུགས་རྗེའི་གཞན་དབང་ལགས་པས་ཅི་བྱ་ཡོད། །མཛད་པ་ཀུན་ལས་གསུང་ནི་ལྷག་གོ་ཞེས། གསུངས་པ་དོན་ལྡན་རྣམ་ཐར་ཁྱེད་ཀྱིས་སྐྱོང།
ད་༧གོང་ས་མཆོག་བཞུགས་སུ་འཇུག་རོགས། ག་དུས་ཡིན་ན་ཡང་གཅིག་གཅིག་གཅིག་གི་འགོ་འབྱེད་དང་། གཉིས་གཉིས་གཉིས་ཀྱི་གསུངས་བཤད་ཅེས་གདན་འདྲེན་ཞུས་མ་ཚར་བར་སྡོད་ཀྱི་འདུག ཁ་སྔོན་ཞིག་ལ་༧་སྐྱབས་མགོན་རིན་པོ་ཆེས་བཀའ་སློབ་ཅིག་གནང་ཞོར་ཏོག་ཙམ་ལྷོད་ལྷོད་བྱེད་དེ་སྡོད་དགོས་བསམ་ཡང་ཡར་ཤོག་མར་ཤོག་ཟེར་ནས་བསྡད་འདུག་གི་མི་འདུག་གཱ ཅེས་གསུངས་འདུག་དཱ། གདན་ཞུ་བ་རྣམས་ཀྱིས་དགོངས་པ་བཞེས་དགོས་འདུག