ངྷ་ས་བོད་ཀྱི་དཔེ་མཛོད་ཁང་དང་ཨ་རིའི་བོད་གཞུང་སྐུ་ཚབ་དོན་གཅོད་གཉིས་མཉམ་འབྲེལ་ཐོག་ཕྱི་རྒྱལ་དུ་ཡོད་པའི་བོད་རིགས་མཐོ་རིམ་སློབ་གཉེར་བ་དང་། ཆེད་ལས་པ་ཚོར་ཟབ་སྦྱོང་ཞིག་གོ་སྒྲིག་གནང་རྒྱུ་ཡིན་འདུག་ལ། དེ་ནི་འདི་ལོའི་ཕྱི་ཟླ་ ༦ པའི་ཚེས་ ༡ ནས་མགོ་འཛུགས་ཀྱིས་ཟླ་ ༧ པའི་ཚེས་ ༡༥ བར་དབྱར་ཀའི་གུང་གསེང་དང་བསྟུན་ཏེ་སྤྲོད་འཆར་ཡོད་འདུག
ཐེངས་འདིའི་ཟབ་སྦྱོང་ཐོག་བོད་ཀྱི་ཆོས་དང་རིག་གཞུང་། རྒྱལ་རབས། སྐད་ཡིག་བཅས་ངོ་སྤྲོད་གནང་རྒྱུ་དང་། སློབ་སྦྱོང་སྤྲོད་རྒྱུ་ལས་གཞན། ཟབ་སྦྱོང་གི་སྐབས་སུ་སློབ་མ་རྣམས་ལ་༸གོང་ས་མཆོག་གི་མཛད་རྣམ་༼ངོས་ཀྱི་ཡུལ་དང་ངོས་ཀྱི་མི་མང་།༽ ནང་འཁོད་པའི་ནང་ཆོས་ངོ་སྤྲོད་ཀྱི་ཚན་པ་ཁག་དང་། བཀའ་ཁྲི་ཟམ་གདོང་རིན་པོ་ཆེས་མཛད་པའི་ཕྱི་ལོ་ ༡༩༣༥ ལོ་ནས་ད་ལྟའི་བར་གྱི་བོད་ཀྱི་ཆབ་སྲིད་ཀྱི་གནས་སྟངས་སྐོར་༼བོད་ཀྱི་ཆབ་སྲིད་ལམ་ལུགས།༽ ཞེས་པ་སོགས་སློབ་ཚན་དུ་གོ་སྒྲིག་བྱས་ཡོད་པར་མ་ཟད། བོད་ཀྱི་རིག་གནས་ཆེ་བ་ལྔ་དང་ཆུང་བ་ལྔ་སོགས་ཀྱང་ངོ་སྤྲོད་གནང་རྒྱུ་ཡིན་འདུག
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ནང་ཆོས་དང་། ཆབ་སྲིད་ལམ་ལུགས་རིག་གཞུང་དག་གི་ཟབ་སྦྱོང་ཁྲོད་དུ། རྒྱལ་རབས་ཤིག་འདུག་པ་དེ། བོད་ཀྱི་རྒྱལ་རབས་རེད་དམ། ཡིན་ན་མཛད་པ་པོ་སུས་བརྩམས་པའི་རྒྱལ་རབས་ལ་གཞི་བཞག་ནས་ཁྲིད་ཀྱི་ཡིན། བོད་ཀྱི་རྒྱལ་རབས་ལ་བཙན་པོ་དང་། བློན་པོའི་མཚན་དང་གོ་རིམ། ལྷག་པར་དུ་ལོ་ཚིགས་དང་ས་མཚམས་སོགས་གོ་དཀའ་བའི་ཏུན་ཧོང་ཡིག་རྙིང་སོགས་ལ་འགྲེལ་བཤད་གནང་ཚུལ་མི་མཐུན་པ་མང་དག་ཅིག་ཡོད་པས། དང་ཐོག་དོན་ལ་གནས་པ་དང་། མཆན་དང་འགྲེལ་བཤད། བརྡ་བཀྲོལ་སོགས་ཕུན་སུམ་ཚོགས་ལ་ཆ་ཚང་བའི་རྒྱལ་རབས་ཤིག་གཞི་བཅོལ་ཏེ་ངོ་སྤྲོད་དང་སློབ་ཁྲིད་གནང་ན་ཡག་པོ་འདུག་བས།
སྤྱིར་བཤད་ན་ཡག་པོ་རེད
འོན་ཀྱང་དུས་ཡིན་ཐུང་ཐུང་འདིའི་ནང་ལ་ངོ་སྤྲོད་བྱེད་རྒྱུ་མང་འདུག་པས་གཅིག་གི་ངོ་མ་འཕྲོད་གོང་ནས་གཉིས་པས་འགོ་བཟོང་ན་ངོ་མི་འཕྲོད་པ་གསལ་པོ་ཆགས་པ་མ་རེད་དམ
ཡང་གཅིག་བཤད་ན་སྐད་ཡིག་ངོ་སྤྲོད་བྱེད་དགོས་པ་དག་ལ་རིགས་གཞུང་དང་རྒྱ་རབ་སོགས་ཅི་ལྟར་ངོ་སྤྲོད་རྒྱུ་ཡིན
གཞན་གྱི་ལྕེ་གཡར་དགོས་ན།་དེ་ངེད་བོད་པ་ཚང་གི་ངོ་ཚ་རེད།
ཟབ་སྦྱོང་འདི་ལྟ་བུ་སྤྱིར་བོད་ཀྱི་རིགས་གཞུང་ལ་ཅུང་རྒྱུས་མངའ་ཡོད་པ་དག་ལ་སྤྲོད་རྒྱུ་ལས་རང་སྐད་ཙམ་རང་འགོ་མི་ཐོན་པ་དག་ལ་བཀོད་བསྒྲིགས་འདི་ལྟ་བུ་བྱས་པ་དགེ་མཚན་མི་འདུག
དེ་ལས་མིག་སྨན་མིག་ལ་ཕན་པའི་དཔེ་ལྟར་ཁོ་བ་ཚོ་ལ་མཚམས་པའི་ཟབ་སྦྱོང་ཞིག་བཀོད་བསྒྲིགས་ཞིག་བྱས་ན་མ་རེད་དམ
ཟབ་སྦྱོང་གནང་བ་བཟང་ཡང་སློབ་གཞི་བསྒྲིགས་པ་རྩ་ནས་འགྲིགས་མི་འདུག རྙིང་བ་རྣམས་ཡང་སློག་བྱས་པས་མི་ཕན། ཕྱི་རྒྱལ་དུ་གྱར་བའི་བོད་རིགས་འདི་དག་ལ་མ་སྐད་གཙོར་དང་། སྐད་ཡིག་གི་ངོ་སྤྲོད་ལས་སླར་བྱས་ཏེ། གང་སྦྱངས་་པ་རྣམས་ཁོང་ཚོའི་མི་ཚེའི་སྐྱིད་སྡུག་དང་ཐད་ཀར་འབྲེལ་བ་ཡོད་པ་ཞིག་དགོས་པ་གལ་ཆེ་བ་ཡིན།
དྲ་གྲོགས་རིགས་བཟང་ལགས་ཀྱིས་སྐད་ལ་གནས་ལུགས་ཡོད་ན་ཡང་། གཡག་འགྲོན་ཁང་འཇོག་དགོས་ན་ཡོང་ཐབས་མེད་པ་དང་གཅིག་མཚུངས་རེད།
ཕན་མེད་ཀྱི་ཟབ་སྦྱོང་ཞིག་རེད། ཕྱི་རྒྱལ་དུ་ཡོད་པའི་བོད་རིགས་མཐོ་རིམ་སློབ་གཉེར་བ་དེ་དག་གིས་བོད་ཡིག་ཕར་ཞོག་བོད་སྐད་ཤེས་ཀྱིན་མེད་པ། ཁྱེད་ཅག་གིས་ཁོ་ཚོ་ལ་བོད་རང་སྐད་སྟེང་ནས་ཟབ་སྦྱོང་སྤྲོད་ཐུབ་ཀྱི་མེད་པས། དབྱིན་སྐད་མི་སྤྱོད་རང་སྤྱོད་རེད། ཕན་ཐོགས་མི་སྲིད་ལ། དེ་ལས་ཁོ་ཚོ་གསོག་སྒར་ར་བ་བཅུག་དང་གསར་འབྱོར་ཚོ་ལྷན་དུ་བསྡད་དེ་མཉམ་དུ་སློབ་ཁྲིད་ལ་ཞུགས་དང་། ཕན་ཚུན་གཉིས་ཕན་མ་རེད་དམ། ཁྱེད་ཅག་གིས་བསམ་གཞིག་གཏོང་རོགས།
༸གོང་ས་མཆོག་གི་མཛད་རྣམ་༼ངོས་ཀྱི་ཡུལ་དང་ངོས་ཀྱི་མི་མང་།༽ ནང་འཁོད་པའི་ནང་ཆོས་ངོ་སྤྲོད་ཅེས་པའི་ཚན་པ་འདི་དགོས་མེད་ཀྱི་ལས་ཀ་ཞིག་རེད། ང་ཚོའི་མི་རིགས་འདི་དུས་ནམ་ཡང་ནང་ཆོས་ཉམས་ལེན་གྱིས་ཕོངས་པ་ལས་ངོ་སྤྲོད་ཀྱིས་ཕོངས་མེད། དེ་ལས་གཞུང་དེའི་མགོ་མཇུག་ཡོངས་རྫོགས་དང་ལྷག་པར་མི་རིགས་འདིའི་གནས་བབ་དང་ཤེས་རྟོགས་མ་འོངས་མདུན་ལམ་བཅས་གསལ་སྟོན་གྱིས་ངོ་སྤྲོད་བྱ་ཐུབ་ན་དགེ་མཚན་ཆེ།
<བོད་ཀྱི་ཆབ་སྲིད་ལམ་ལུགས།> མི་ཤེས་བོད་མི་མང་བས།
ཁ་ཕོ་ཆེ་བ་རྣམས་ལ། ཁ་ཕྱོགས་སྟོན་ཕྱིར་འགོད་རོགས།
ས་ཆ་གང་དུ་ཟབ་སྦྱོང་གནང་རྒྱུ་ཡིན་པ་དང་།དེ་ལ་ག་རེ་བྱས་ནས་མིང་ཐོ་འགོད་དགོས་པ་རེད།མཛུབ་སྟོན་གནང་རོགས།