ད་ལྟ་རང་བཀའ་དྲུང་ཡིག་ཚང་བརྒྱུད་བཀའ་ཤག་གིས་ཡོངས་ཁྱབ་གསལ་བསྒྲགས་ཤིག་སྤེལ་ཏེ། དཔལ་རྒྱལ་བ་ཀརྨ་པ་མཆོག་གི་བླ་བྲང་དུ་དངུལ་གྱི་དོན་རྐྱེན་ཞིག་བྱུང་བ་དེར་བོད་རིགས་འདུས་སྡོད་ཁུལ་དུ་གདུང་སེམས་མཉམ་སྐྱེད་དང་། རྒྱ་གར་གསར་ལམ་ཁག་ཅིག་གིས་ཀརྨ་པར་གཞི་མེད་བསྙོན་འཛུགས་བྱས་པར་ངོ་རྒོལ་ལས་འགུལ་སྤེལ་གྱིན་ཡོད་པ་དེ་མཚམས་འཇོག་ཡོང་རྒྱུའི་འབོད་སྐུལ་ཞུས་འདུག
གསལ་བསྒྲགས་དེར་བཀོད་དོན། བར་ལམ་རྒྱལ་བ་ཀརྨ་པ་རིན་པོ་ཆེའི་བླ་བྲང་དུ་དད་ལྡན་ཕྱི་ནང་མང་ཚོགས་ནས་ཕུལ་བའི་དངུལ་གང་ཙམ་ཞིག་ཐོན་པའི་ཐད་རྒྱ་གར་གཞུང་ནས་ཞིབ་འཇུག་གནང་བཞིན་ཡོད་པ་དང་འབྲེལ་གསར་འགྱུར་བརྒྱུད་ལམ་ཁག་ནང་རྒྱལ་བ་ཀརྨ་པ་རིན་པོ་ཆེ་རྒྱ་ནག་སྲིད་གཞུང་དང་འབྲེལ་བ་ཡོད་པའི་དོགས་གཞི་ཡོད་སྐོར་གྱི་གནས་ཚུལ་སྤེལ་སྒྲོག་བྱེད་བཞིན་ཡོད་པ་ནི་གཞི་མེད་དཀྲོག་གཏམ་འབའ་ཞིག་ལས་བདེན་པ་རྩ་བ་ནས་མིན་པར་ངོས་འཛིན་དང་། བསྙོན་འཛུགས་དེ་ལྟར་བྱེད་པ་དེ་ལ་བློ་ཕམ་ཚད་མེད་ཡོད། ཅེས་དང་།
མང་ཚོགས་ནས་རྒྱབ་སྐྱོར་ཚུལ་དུ་རང་འགུལ་གྱིས་མར་མེ་ཁྲོམ་སྐོར་སོགས་ལས་འགུལ་མང་དག་སྤེལ་བཞིན་པ་དང། སྤེལ་རྒྱུའི་གནས་ཚུལ་ཡོང་འདུག་པ་ནི་ཐུགས་ཁག་གཏན་ནས་མེད་མོད། འོན་ཀྱང་འདུ་འཛོམས་ཁྲོམ་སྐོར་ལྟ་བུའི་མང་ཚོགས་ཀྱི་ལས་འགུལ་སྣ་ཚོགས་པ་དེས། དང་པོ། འགྲོ་བཞིན་པའི་ཞིབ་འཇུག་པ་དོ་ཕོགས་འགྲོ་རྒྱུ་དང་། བླ་བྲང་གི་འཕྲལ་ཕུགས་གཉིས་ཀར་གནོད་གཞི་འབྱུང་སྲིད་པ་དང་། གཉིས་པ། ཡུལ་མི་དང་བོད་མིའི་བར་འཁོན་གཞི་ཆགས་རྒྱུའི་བཟོ་ལྟ་འཐོན་བཞིན་པ། གསུམ་པ། དེ་ལྟའི་ཟིང་ཆའི་གོ་སྐབས་བཟུང་སྟེ་རྒྱ་ཕྱོགས་ནས་སྲིད་བྱུས་འཛིན་བཞིན་པ་ཡུལ་མི་དང་བོད་མིའི་བར་འགལ་ཟླ་བཟོ་རྒྱུ། རྒྱ་གར་གཞུང་དང་བཙན་བྱོལ་སྒྲིག་འཛུགས་བར་འགལ་ཟླ་བཟོ་བ། བོད་མི་ནང་ཁུལ་བསམ་ཚུལ་དང་། གཞུང་མང་བར་འགལ་ཟླ་བཟོ་བའི་གོ་སྐབས་སོགས་ལེན་སྲིད་སྟབས། མང་ཚོགས་ནས་ལས་འགུལ་དེ་འདྲ་མི་སྤེལ་བའི་གོ་བསྐོན་སློབ་གསོ་དགོས་གཤིས། དེ་བཞིན་གཞུང་ཞབས་སྲི་ཞུ་བཅས་པར་ཡང་བཀོད་ཁྱབ་ནན་པོ་དགོས། ཞེས་བཀོད་འདུག
ད་ནི་བོད་མི་ཚོར་ཡིད་ཆོས་དངོས་ནས་འདུག་རྒྱལ་་ོབ་ཀརྨ་ལགས་ཁྱོད་ནི་ང་ཚོས་དགེ་ལུགས་པས་ཡང་དོད་གུས་ཡོད་ལ་སྐྱིད་སྡུག་མཉམ་མྱོང་ཡིན་་་་་་་་་
ད་རེས་ཀརྨ་པའི་གནས་ཚུུལ་དེ་བླ་བྲངགཅིག་གི་གནས་ཚུལ་རེད ཆུང་ཆུང་ཆེན་པོ་མ་བཟོས་ན་ཡག་གི་རེད མར་མེའི་ཁྲོམ་སྐོར་བྱས་དྲག་ན་་གྱོང་བོད་པར་རག་ངེས་རེད་
བཀའ་ཤག་གིས་གསུངས་པ་དེ་བདེན་པ་རེད། སྐད་འབོད་སུ་ལ་བྱེད་ཀྱི་ཡོད་རེད།
ག་རེ་ཡིན་པའི་ཚུལ་རེད། དངོས་གནས་ང་ཚོའི་བོད་རིགས་འདིས་ད་དུང་ལས་ཀ་བྱེད་སྟངས་ཧ་གོ་མི་འདུག། རྒྱ་གར་གཞུང་དམངས་གཉིས་ལ་དོ་ཕོག་མ་ཤོར་བ་ཞིག་ངེས་པར་
དུ་བསམ་བློ་གཏོང་དགོས་།
ལུང་པའི་ཁྲིམས་དང་མ་མཐུན་པ་ཞིག་ཀརྨ་བླ་བྲང་ལ་བྱུང་ཡོད་པ་ནི་བདེན་པ་རེད།
བཀའ་ཤག་གིས་གསུངས་པ་བཞིན་ཡིན་ཡང་གསར་འགྱུར་བརྒྱུད་ལམ་ཁག་ནས་ཁྱབ་བསྒྲགས་བྱེད་བཞིན་པ་འདི་ངེས་པ་ཅན་འཚམས་འཇོག་དགོས་པའི་འབོད་བསྐུལ་ཞིག་བོད་གཞུང་དང་བཀའ་ཤག་བྱེད་དགོས་པ་ལས་མི་མངས་གིས་ཁྲོད་དུ་འབོད་སྐུལ་དེ་སྔ་དྲག་མ་སོང་ངམ་་་་་་་་་་་་་་་་་་་་་་་་་་་་་
ཁ་སང་གནས་ཚུལ་འདི་གོ་མ་ཐག་ནས། རྒྱ་ནག་གཞུང་གིས་ཅིག་བྱས་མི་ཡོང་ངམ་བསམ་ནས་སེམས་འཚབ་ནས་བསྡད་ཡིན། དེའི་མ་ཟད་ཡུལ་མི་དང་ཡུལ་ཁྲིམས་སྤྱི་གཙུག་ཏུ་འཇོག་རྒྱུ་དབུས་སུ་བཞག་པ་ཡིན། དེ་ལྟར་ཁྱི་ལབ་འདྲ་རྒྱག་ཁུལ་བྱས་ཡོད། ད་ལྟ་༧དཔལ་ལྡན་བཀའ་ཤག་གིས་གང་གསུངས་པ་དེ་རྣམས་བོད་མི་སྤྱི་ཡོངས་ལ་དོ་ཕོག་མི་འགྲོ་ཆེད་རེད་འདུག་པས། ཀམ་ཚང་གཙོས་པའི་བོད་མི་ཚང་མས་ལས་འགུལ་མ་སྤེལ་ན་ཡག་གི་རེད། ད་མཚམས་ཟིན་ཚད་ཏག་ཏག་བསྡད་ཡོད་པ་རེད།
གནས་དོན་འདི་གནས་ཚང་རྒྱལ་ཁབ་ཀྱི་ཁྲིམས་ལ་ཐུག་ཡོད། ཡུལ་ཆུ་འཐུང་ན་ཡུལ་ཁྲིམས་འཁྱེར་དགོས་པ་མ་ཡིན་ནམ། ད་ལྟ་ང་ཚོ་རྒྱ་གར་ལུང་པར་སྐྱབས་བཅོལ་ནས་བསྡད་ཡོད། སྣང་བ་གང་དྲན་བྱེད་ས་མེད། བཙན་བྱོལ་བོད་མི་ཡོངས་ལ་སྡོད་བཟོད་མི་ཐུབ་པའི་གནས་སྟངས་ཤར་བའི་ཉེན་ཁ་ཆེན་པོ་ཡོད་པས་དེ་རྩིས་ཚང་མས་དགོངས་པ་བཞེས་རོགས།
རྒྱ་གར་གྱི་གསར་འགྱུར་བརྒྱུད་ལམ་དག་དང་ལྷག་དོན་ས་གནས་ཚགས་ཤོག་དག་ཏུ་བཟོད་མི་བཏུབ་པའི་དཀྲོག་གཏམ་སྤེལ་བ་སོགས་ལ་མི་མང་ངམ་ནུས་པ་ཅན་རེ་ཡོད་ན་ཁྲིམས་གཏུགས་དང་ཁུངས་སྐྱེལ་ར་སྤྲོད་ཀྱི་བདེན་པ་ཞིག་སློང་ཡང་མི་འགྲིག་པ་མི་འདུག་སྙམ། ལས་འགུལ་ལྟ་བུ་སྤེལ་ནས་མི་མང་ལ་དོ་ཕོག་འགྲོ་གཞིའི་ལས་རྩོམ་པ་ལས་དེ་ཡག་པར་མཐོང་།
དེ་རིང་སོགས་ཀྱི་ངོ་རྒོལ་གྱི་ཁྲོམ་སྐོར་རྣམ་པ་འདི་ཅུང་ཚད་ལས་བརྒལ་བ་མིན་འགྲོ་དྲན་ནས་བསྡད་ཡོད། ལྷག་པར་དུ་འདིའི་སྐོར་ལ་ང་ཚོས་ཡང་དང་བསྐྱར་དུ་འདི་ལྟར་བྱས་ན། རྒྱ་གར་གཞུང་དང་མི་མང་ལ་དོ་ཕོག་ཡོང་རྒྱུའི་ཉེན་ཁ་ཤིན་ཏུ་ཆེ།
༸གོང་ས་མཆོག་གིས་འདི་ལྟར་བཀའ་ཕབ་པ་འདི་དུས་ཐོག་ཆར་བར་གྱུར་ཡོད་ལ། ད་ནངས་ཞོགས་པར་བསྟན་འཛིན་བརྩོན་འགྲུས་སོགས་ཀྱིས་འགོ་ཁྲིད་ནས་རྡ་སྟེང་ནས་རྒྱུད་སྟོད་བར་སྐད་འབོད་བྱས་པ་དེ་ནི་ཧམ་པ་དང་སྐབས་འཚོལ། ཧོལ་རྒྱུགས་ཀྱི་རྣམ་པ་ཞིག་ལས་བོད་སྤྱི་དང་ལྷག་དོན་དཔལ་རྒྱལ་བ་ཀརྨ་པར་ཕན་པའི་ལས་ཤིག་གཏན་ནས་མིན།
གཤམ་ནས་རྩོམ་སྒྲིག་པར་ཞུ་རྒྱུར། གསར་འགྱུར་འདིའི་མགོ་རུ་”ད་ལྟ་རིང་”ཞེས་པའི་རིང་དེའི་མགོ་ལ་བཞག་པའི་གི་གུ་དེ་ཕྱིར་འཐེན་བྱ་རྒྱུའི་རེ་བ་འབོད་སྐུལ་ཡོད།
མི་དམངས་ཀྱིས་རྒྱབ་སྐྱོར་ཚུལ་དུ་རང་འགུལ་གྱི་ལས་འགུལ་སྤེལ་བར་དགེ་སྐྱོན་མང་དག་ཅིག་ཡོད་པ་དངོས་ཡོད་རེད། འོན་ཀྱང་དཀྲོག་གཏམ་དང་སྐུར་འདེབས་དེ་ལྟབུ་ཞིག་བྱེད་པ་ནི་ཧ་ཅང་ཚབ་ཆེན་པོ་རེད། དེར་བཟོད་བསྲན་དང་བསམ་གཞིགས་བྱེད་ཁག་པོ་འདུག
རྗེས་འཇུག་པ་ཚང་མས་བདེན་པ་བདེན་སར་འཁྱོལ་བ་བྱེད་རྒྱུ་གལ་ཆེན་པོ་རེད།
ཉེས་མེད་ཉེས་འཛུགས་དང་། གསར་འགོད་པས་ཁུངས་མེད་བསྒྲགས་གཏམ་ལ་ཁ་བརྡ་རན་པོ་ཞིག་ད་བྱེད་དགོས་པ་མ་ཡིན་ནམ། ཡུལ་མིའི་མཐུན་ལམ་ཟེར་ནས་རྟག་པར་གྱོང་གུད་རྐྱང་རྐྱང་འཁུར་ནས་འདུག་དགོས་པར་དགོས་པ་དམིགས་བསལ་བ་ཞིག་མ་མཐོང་། འོས་འཚམ་གྱི་ལས་འགུལ་དང་འགྲེལ་བཤད་ཀྱི་ཁ་བརྡ་ངེས་པར་བྱེད་དགོས་པར་མཐོང་།
ཡོད་ཚད་འགོར་དྲགས་བྱ། ཕྲན་ཆུང་ང་རྩ་མ་ཉིད་ནས་མི་དམངས་ཀྱིས་ལས་འགུལ་སྤེལ་པ་དེ་ལ་འཐད་པ་བྱུང་མེད། ཇི་འདྲའི་གུ་དོག་པའི་སྤྱི་ཚོགས་ཤིག་ནས་མུ་ཏོའི་རྩམ་ཁུག་ལྟ་བུའི་བློ་ཕུགས་ལས་མེད་མཁན་འདི་ཚོས་གནོད་ལས་ཕན་ཐོགས་མེད།
དུས་ཐོག་གསལ་བསྒྲིགས་གནང་བ་དང་། གསར་ཁང་གིས་གསར་འགྱུར་བཀོད་པ་ཡག་པོ་བྱུང་། དེ་མིན་ནོར་འཁྲུལ་ཅི་ཤོར་མི་ཤེས་ཡ།