མདུན་ངོས།
About Us
  • English
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ངོས་རང་ཕྱག་སྟོང་སྤྱན་སྟོང་མིན་ཡང་རྣ་ཅོག་སྟོང་ཡོད།

བོད་ཀྱི་དུས་བབ།
༢༠༡༡/༠༢/༠༤
Share on FacebookShare on TwitterShare on EmailShare on Whatsapp

སོ་སོའི་ཐོབ་ཁོངས་དགོན་པའི་ནང་ཟམ་གདོང་རིན་པོ་ཆེའི་བླ་བྲང་འདི་ཟེར་ནས་མཛུབ་མོ་འཛུགས་ས་གང་ཡང་མེད། གྲྭ་པ་གྲྭ་རྐྱང་བྱས་ཏེ་ཧུར་ཐག་འབད་ཐག་གནང་ཡོད་སྟབས། མི་དམངས་ཀྱི་ངོས་ནས་ཡིད་ཆེས་བློས་འགེལ་བྱས་ཏེ་ལོ་བཅུའི་རིང་བཀའ་ཁྲི་ཐེངས་གཉིས་གནང་ཡོད། དེ་རིང་ཁྱེད་ཚོས་ཁ་ཞེ་གཉིས་མེད་ཐོག་རིན་པོ་ཆེར་གཟེངས་རྟགས་ཕུལ་བ་དེ་ཧ་ཅང་ཡག་པོ་འདུག

ཟླ་འདིའི་ཕྱི་ཚེས་ ༡ ཉིན་བཀའ་ཁྲི་ཟམ་གདོང་རིན་པོ་ཆེ་མཆོག་དང་ཤར་བྱང་ཆོས་རྗེ་རྣམ་གཉིས། མཁན་པོ་བླ་སྤྲུལ། ས་གནས་དཔོན་རིགས་དང་སེར་སྐྱ་མང་ཚོགས་  ༡༠༠༠༠ ལྷག་གི་ཕེབས་བསུའི་འོག ༧གོང་ས་མཆོག་དགའ་ལྡན་བྱང་རྩེ་གྲྭ་ཚང་དུ་གོ་སྒྲིག་ཞུས་པའི་མོན་གྷོ་འདོད་རྒུ་གླིང་བོད་མིའི་གཞིས་ཆགས་ཀྱི་ལས་བསྡོམས་ཚོགས་ཆེན་སྟེང་ཆིབས་བསྒྱུར་བསྐྱངས་ཡོད་ཅིང་། མཛད་སྒོའི་སྟེང་༧གོང་ས་མཆོག་གིས་གཞིས་ཆགས་དེའི་མ་འོངས་པའི་འཚོ་བའི་ཐད་ལ་བཀའ་གནང་དོན། ང་ཚོའི་གཞིས་ཆགས་ཀྱི་མི་འབོར་མང་དུ་འགྲོ་བཞིན་ཡོད་ཀྱང་ས་རྒྱ་ཆེ་རུ་འགྲོ་རྒྱུ་མེད་སྟབས། ས་ཆ་གང་ཡོད་པ་རྣམས་ཐོན་སྐྱེད་བྱ་རྒྱུ་ཧ་ཅང་གལ་ཆེན་རེད། ལག་ཤེས་ཆུང་ཚགས་དང་ཚོང་དོན་རྒྱ་བསྐྱེད་སོགས་གཞན་ལ་དཔེ་བལྟས་ནས་སྡོད་རྒྱུ་ཙམ་མ་ཡིན་པར། སོ་སོས་གསར་གཏོད་ག་རེ་བྱ་རྒྱུ་འདུག རྒྱ་ཆེ་ས་ག་རེ་བྱ་ཐུབ་ཀྱི་འདུག དེ་དག་ཐོག་བསམ་བློ་གཏོང་དགོས་པ་རེད། ལས་བསྡོམས་ནང་གནས་ཚུལ་ཡག་པོ་བཀོད་འདུག འོན་ཀྱང་ལས་བསྡོམས་ནང་འདྲ་ཆགས་པོ་ཞིག་བཀོད། ལག་ལེན་ངོ་མའི་ཐོག་མེད་པ་དེ་འདྲ་ཡོང་གི་འདུག ཅེས་དང་།

ས་གནས་སུ་ལས་ཀ་བྱེད་མཁན་ཚོ་དངོས་ཡོད་གནས་ཚུལ་གང་ཡོད་པ་དེར་ཤེས་རྟོགས་ཡོང་རྒྱུར་ལྟ་སྐོར་དུ་བསྐྱོད་དགོས་པ་རེད།  དང་ཐོག་གཞིས་ཆགས་ཚུགས་སྐབས་ངོས་རང་ཁྱིམ་ཚང་མང་པོའི་ནང་དངོས་སུ་བཅར་ཏེ། ཁྱིམ་ཚང་དེར་འབྲས་དང་ཨ་ཤོམ་ཅི་ཙམ་ཡོད་མེད་ལྟ་བཞིན་ཡོད།  ཉིན་ཞིག་སྦེལ་ཀོབ་ཏུ་ཞིང་ཁ་རྨོ་སར་འགྲོ་སྐབས་གླང་ཁོག་གི་རྡུང་གྲབས་ཀྱང་བྱས་སོང་། ཁྱེད་ཅག་ལས་ཀ་བྱེད་མཁན་ཚོས་སློབ་གྲྭ་དང་རྒས་གསོ་ཁང་སོགས་ལས་རིགས་གང་ཡིན་རུང་ལས་ཁུངས་སུ་ཙོག་པུར་འདུག་རྒྱུ་ཙམ་མིན་པར། ས་གནས་ས་ཐོག་ལ་ཕྱིན་ཏེ་གནས་ཚུལ་ལ་ཞིབ་འཇུག་མཐིལ་ཕྱིན་པ་བྱ་དགོས་ལ། ཞེས་གསུངས་འདུག

སྐབས་དེར་མོན་གྷོ་འདོད་རྒུ་གླིང་གཞིས་མི་ཡོངས་ཀྱིས་བཀའ་ཁྲི་ཟམ་གདོང་རིན་པོ་ཆེ་མཆོག་ལ་ཆེ་བསྟོད་གཟེངས་ཤིག་འབུལ་ལམ་ཞུ་འཆར་ཡོད་པ་ལྟར། ༧གོང་ས་མཆོག་གིས་གཟེངས་རྟགས་དེ་བཀའ་ཁྲི་མཆོག་ལ་དངོས་སུ་བསྩལ་ཡོད་ལ། སྐབས་དེར་༧གོང་ས་མཆོག་གིས་བཀའ་གནང་དོན། ང་ཚོ་བཙན་བྱོལ་བ་ཆགས་ནས་ད་བར་རིན་པོ་ཆེས་ཤེས་ཡོན་གྱི་མཚོན་པའི་གནས་སྟངས་མང་པོ་ཞིག་གི་ཐོག་དུས་ཚོད་ཡོངས་རྗོགས་བཏང་ཡོད་ལ། སོ་སོའི་ཐོབ་ཁོངས་དགོན་པའི་ནང་ཟམ་གདོང་རིན་པོ་ཆེའི་བླ་བྲང་འདི་ཟེར་ནས་མཛུབ་མོ་འཛུགས་ས་གང་ཡང་མེད། གྲྭ་པ་གྲྭ་རྐྱང་བྱས་ཏེ་ཧུར་ཐག་འབད་ཐག་གནང་ཡོད་སྟབས། མི་དམངས་ཀྱི་ངོས་ནས་ཡིད་ཆེས་བློས་འགེལ་བྱས་ཏེ་ལོ་བཅུའི་རིང་བཀའ་ཁྲི་ཐེངས་གཉིས་གནང་ཡོད། དེ་རིང་ཁྱེད་ཚོས་ཁ་ཞེ་གཉིས་མེད་ཐོག་རིན་པོ་ཆེར་གཟེངས་རྟགས་ཕུལ་བ་དེ་ཧ་ཅང་ཡག་པོ་འདུག ཅེས་གསུངས་འདུག  

སྐབས་དེར་ཟམ་གདོང་རིན་པོ་ཆེ་མཆོག་གིས་གསུང་བཤད་གནང་དོན། ལོ་ཤས་གོང་ང་རང་ས་འདིར་བཅར་ཏེ་མང་ཚོགས་ལ་གཏམ་བཤད་བྱས་སྐབས། གདན་ས་ཆེན་པོའི་ནང་དོལ་རྒྱལ་བསྟེན་མཁན་དང་མི་བསྟེན་མཁན་གཉིས་བར་ཆོས་དང་ཟང་ཟིང་གི་འབྲེལ་མཚམས་གསལ་པོ་མེད་པའི་རྐྱེན་གྱིས། གྲྭ་ཚང་ཁག་གིས་༧གོང་ས་མཆོག་ལ་ཆོས་འབྲེལ་གནང་རྒྱུར་སྟབས་མ་བདེ་བ་ཆགས་ཡོད། སྐབས་དེར་ངས་མ་འོངས་པར་ཆོས་འབྲེལ་གནང་སྐབས་ཐུགས་དོགས་མི་དགོས་པ་ཞིག་ཡོང་རྒྱུའི་རེ་བ་ཡོད་ཅེས་ཞུས་པ་ལྟར། ལས་སྣེ་ཡོངས་ཀྱིས་ཁ་ཞེ་གཉིས་མེད་ཐོག་གདོང་ལེན་གནང་སྟེ། ད་ཆར་དོལ་རྒྱལ་བསྟེན་མི་བསྟེན་གཉིས་བར་དབྱེ་མཚམས་གསལ་བོ་ཆགས་འདུག གདན་ས་ཆེན་པོ་འདི་དམ་སྲི་དོལ་རྒྱལ་དང་འབྲེལ་བ་མེད་པར་གཙང་མ་ཆགས་ཏེ། ༧གོང་ས་མཆོག་གིས་ཐུགས་དགྱེས་པོའི་ཐོག་ཆོས་འབྲེལ་གནང་ཐུབ་པ་དེ་བཀའ་ཤག་གིས་གྲུབ་འབྲས་བཟང་པོ་ཞིག་ལ་རྩི་བཞིན་ཡོད། ང་ཚོའི་རེ་སྐུལ་ལྟར་ཐུགས་ཐག་ཆོད་པོས་ལག་ལེན་བསྟར་བ་དེ་འབྱུང་འགྱུར་བྱུང་རབ་ཀྱི་ནང་གནས་ཐུབ་རྒྱུའི་བཟང་ཕྱོགས་ཀྱི་གནས་ཚུལ་ཞིག་རེད། ཅེས་དང་།

དོལ་རྒྱལ་རྗེས་འབྲང་བ་ཟུར་དུ་ཐོན་པ་དེ་ཚོ་ཡང་གདན་ས་ནས་༧གོང་ས་མཆོག་གི་ཆོས་ཕྱོགས་ཀྱི་དབང་ལུང་མན་ངག་འོག་ཟུར་དུ་ཐོན་པ་མ་གཏོགས་བཙན་བྱོལ་བོད་མིའི་སྤྱི་ཚོགས་ནང་ཟུར་དུ་བཏོན་མེད་ལ། བཙན་བྱོལ་སྒྲིག་འཛུགས་ཀྱི་ངོས་ནས་ཀྱང་བོད་མིའི་སྤྱི་ཚོགས་ནས་ཟུར་དུ་བཏོན་མེད། ཆོས་དོན་དང་ཤེས་རིག ནང་སྲིད་སོགས་ཀྱིས་བོད་མི་སྤྱི་ཡོངས་ཀྱི་ཐོབ་ཐང་ཡོད་པ་རྣམས་ཁོང་ཚོར་འབུལ་བཞིན་ཡོད་ན་ཡང་། སོ་སོས་མ་བླངས་ན་བཙན་དབང་གཏོང་རྒྱུ་གང་ཡང་ཡོད་པ་མ་རེད། སྐྱབས་བཅོལ་ལག་འཁྱེར་བཟོ་རྒྱུར་ཡང་གཞུང་གིས་མཐུན་འགྱུར་རོགས་རམ་གནང་རྒྱུུ་དང་། དང་བླངས་དཔྱ་ཁྲལ་བསྡུ་ལེན་དང་བོད་མིའི་ལས་འགན་སྒྲུབ་རྒྱུུ་སོགས་ཚང་མར་དབྱེ་འབྱེད་གང་ཡང་མེད། རང་ངོས་ནས་དང་བླངས་དཔྱ་ཁྲལ་མ་སྤྲད་པ་དང་། བོད་ཀྱི་ཡུལ་མིའི་ཁེ་ཕན་དང་སྐྱབས་བཅོལ་བའི་ཁེ་ཕན་མ་བླངས་པ་དེ་དག་ཁོང་ཚོས་རང་འདོད་ཀྱིས་ཐག་གཅོད་བྱས་པ་ཞིག་རེད། ང་ཚོའི་ངོས་ནས་ཞུ་རྒྱུ་ཅི་ཡང་མེད། ཅེས་གསུངས་ཡོད།

ཉིན་དེར་༧གོང་ས་མཆོག་མོན་གྷོ་གཞིས་ཆགས་ཉེ་འགྲམ་དུ་ཡོད་པའི་རྒྱ་གར་ཡུལ་མིའི་ལག་ཤེས་བཟོ་གྲྭ་ཞིག་གི་དབུ་འབྱེད་མཛད་སྒོར་ཕེབས་ཏེ། ང་ཚོའི་དམིགས་ཡུལ་ལྟར་ལག་ཤེས་བཟོ་གྲྭ་འདི་ད་ཆར་ལེགས་གྲུབ་བྱུང་བར་ཧ་ཅང་དགའ་པོ་བྱུང་། ངོས་ཀྱིས་དེ་སྔོན་བཟོ་གྲྭ་འདིར་ཧིན་སྒོར་འབུམ་ ༡༠༠ སྤྲོད་རྒྱུའི་ཁས་ལེན་བྱས་པ་ཡིན་ལ། དེ་རིང་ཡང་སློབ་ཕྲུག་ཚོར་སྤྲོ་སྐྱིད་གཏོང་བྱེད་དུ་ཧིན་སྒོར་ ༡༠༠༠༠ སྤྲོད་རྒྱུ་ཡིན་ཞེས་བཀའ་གནང་འདུག

 

ཕྱི་ཚེས་ ༢ ཉིན་༧གོང་ས་མཆོག་གིས་འབྲས་སྤུངས་བླ་སྤྱིའི་འདུ་ཁང་དུ་དགེ་འདུན་འདུས་མང་ཡོངས་ལ། དོལ་རྒྱལ་སྐོར་ལ་གསུངས་དོན། ཕྱི་ཚེས་ ༥ ཉིན་དགའ་ལྡན་ཤར་རྩེ་གྲྭ་ཚང་དུ་འཇིགས་བྱེད་ཀྱི་དབང་གནང་རྒྱུ་ཡིན་སྟབས་དོལ་རྒྱལ་བསྟེན་མཁན་ཚོ་མ་ཡོང་རོགས་ཞུ་རྒྱུ་ཡིན་ལ། ཕྱི་ཚུལ་ནས་དོལ་རྒྱལ་བསྟེན་མཁན་མིན་ཡང་བསམ་བློའི་ནང་དོལ་རྒྱལ་ལ་ཡིད་ཆེས་ཕྲན་བུ་ཡོད་མཁན་ཚོ་ཡང་མ་ཕེབས་རོགས་ཞེས་དང་། ཡང་༧གོང་ས་མཆོག་གིས་མུ་མཐུད་དོན། ངོས་ལ་གྲོགས་པོ་མང་པོ་ཡོད་སྟབས། ཕྱི་རྒྱལ་དང་བོད་ཕྱི་ནང་གཉིས་ཀྱི་གནས་ཚུལ་མང་པོ་གོ་ཐུབ་ཀྱི་འདུག ངོས་རང་ཕྱག་སྟོང་སྤྱན་སྟོང་མིན་ནའང་རྣ་ཅོག་སྟོང་ཡོད་ལབ་ཆོག་གི་ཡོད། ཁ་ཤས་ཀྱིས་ངོས་ཀྱི་མདུན་ནས་འདྲ་ཆགས་པོ་འདྲ་བྱས་ཀྱང་རྒྱབ་ལོགས་སུ་དེ་ལྟར་བྱེད་ཀྱི་མེད་པའི་གནས་ཚུལ་གོ་རྒྱུ་འདུག རང་བློ་རང་ལ་ལྐོག་གྱུར་མིན་པས་སོ་སོས་བསམ་བློ་གཏོང་དགོས་པ་རེད། རྒྱལ་བ་རིན་པོ་ཆེས་དོལ་རྒྱལ་དམ་དྲག་བྱས་སྟབས། ཕྱི་ལོགས་སུ་བསྟེན་གསོལ་བྱེད་ཀྱི་མེད་མདོག་བྱས་ཏེ། སེམས་ནང་ལ་འཇམ་མགོན་རྒྱལ་བའི་བསྟན་སྲུང་ཡིན་བསམས་ཡོད་ན། འཇིགས་བྱེད་བཀའ་དབང་ལ་མ་ཡོང་རོགས་ཞེས་ཟེར་རྒྱུ་ཡིན། ང་ཚོ་དམངས་གཙོའི་ཐོག་འགྲོ་བཞིན་ཡོད་དུས་ངོ་རྒོལ་བྱས་པ་དེ་འགྲིག་པ་རེད། ཡིན་ནའང་ཕྱི་ལ་རྣམ་འགྱུར་ཞིག་དང་ནང་ལ་རྣམ་འགྱུར་ཞིག་བསྟན་ན་དེ་ནི་རྫུན་མ་ཆགས་ཡོད་སྟབས། མགོ་གཉིས་མ་བྱས་ན་རྩ་བ་ནས་འགྲིག་གི་ཡོད་མ་རེད། ཅེས་བཀའ་གནང་འདུག  

 

གསར་འགོད་པ། དཔལ་ལྡན།

འབྲེལ་ཡོད་གསར་འགྱུར།

Mobile App

ཡུ་རོབ་མཐུན་ཚོགས་དང་རྒྱ་ནག་དབར་གྱི་ལྷན་ཚོགས་སྟེང་བོད་དོན་གླེང་སློང་དགོས་པའི་རེ་སྐུལ་ཞུས།

ཆུ་ཚོད་ ༤ སྔོན་ལ།
རྒྱ་གར་གྱི་གློག་བརྙན་འཁྲབ་ཁྲིད་པ་ཨ་བྷི་ཤེཀ་དྷུ་དྷེ་ཡཱ་ལགས་དང་།གློག་བརྙན་བཟོ་སྐྲུན་པ་རྗེ་པ་ཊེལ་ལགས་གཉིས་ཀྱིས་༧གོང་ས་རྒྱལ་བ་རིན་པོ་ཆེ་མཆོག་ལ་མཇལ་ཁ་ཞུས། དུས་བབ་ཀྱི་པར། ༢༠༢༣།༡༢།༠༧
༸གོང་ས་མཆོག གསར་འགྱུར།

རྒྱ་གར་གྱི་གློག་བརྙན་འཁྲབ་འཁྲིད་པ་གྲགས་ཅན་ཞིག་གིས་༧གོང་ས་མཆོག་ལ་མཇལ་བཅར་ཞུས།

ཆུ་ཚོད་ ༤ སྔོན་ལ།
བོད་པའི་འབུམ་རམས་པ་ཁག་ཅིག་གིས་བོད་དོན་སྐོར་གྱི་གཏམ་བཤད་སྤེལ།  འབྲེལ་ཡོད་ཀྱིས་པར་མཁོ་སྤྲོད་བྱས།
Mobile App

འཛམ་གླིང་ནང་གི་རྒྱ་ནག་ཅེས་པའི་ལྷན་ཚོགས་ཐོག་བོད་མིའི་སྐུ་ཚབ་ཀྱིས་བོད་དོན་གཏམ་བཤད་གནང་།

ཆུ་ཚོད་ ༥ སྔོན་ལ།
Tashi Lhunpo Monastery Appeals to Indian Government to Pressure China into Releasing 11th Panchen Lama of Tibet. Photo: CTA
Mobile App

རྒྱ་གར་གཞུང་དམངས་གཉིས་ཀྱིས་༧པཎ་ཆེན་རིན་པོ་ཆེ་མཆོག་གང་མགྱོགས་ཀློད་གྲོལ་གཏང་བར་རྒྱབ་སྐྱོར་གནང་དགོས་པའི་འབོད་སྐུལ་ཞུས།

ཆུ་ཚོད་ ༥ སྔོན་ལ།
Swedish Parliamentary Friendship Group  meets His Holiness the Dalai Lama , Dharamshala, India . September 2023. Photo :CTA
Mobile App

སུ་ཝེ་ཌན་གྲོས་ཚོགས་སུ་བོད་དོན་དང་འབྲེལ་བའི་གྲོས་གཞི་གྲོས་འཆར་ཁག་གསུམ་ཕུལ་ཡོད་འདུག 

༢༠༢༣/༡༢/༠༥
༧གོང་ས་མཆོག གསུང་འཕྲིན།

༧གོང་ས་མཆོག་ནས་འགྲོ་བ་མིའི་ཐོབ་ཐང་གསལ་བསྒྲགས་བསྐྱངས་ཏེ་ལོ་ངོ་ ༧༥ འཁོར་བའི་ཉིན་མོར་གསུང་འཕྲིན་བསྩལ།

༢༠༢༣/༡༢/༠༥

མཆན། 12

  1. ཁང་མུན་གྲོལ། says:
    ལོ་ 13 སྔོན།

    བཀའ་ཁྲི་མཆོག་ལ་གསེར་གྱི་གཟེངས་རྟགས་ཐོབ་པར་བཀྲ་ཤིས་བདེ་ལེགས་ཡོད། ཐུགས་རྒྱུད་བླ་ན་མེད་པའི་མཁྱེན་རབ་ཀྱི་ནོར་བུས་བྱུར་བུར་གཏམས་ནའང་། ཕྱི་ཚུལ་ནས་གྲྭ་བ་གྲྭ་རྐྱང་གི་ཟོལ་གྱིས་བསྟན་འགྲོར་སྨན་པའི་མཛད་པ་ཁོ་ན་སྐྱོང་མཁན་གྱི་མཁས་དབང་ཟམ་གདོང་བ། བོད་མི་རིགས་ཀྱི་དུས་གསར་འདིའི་ལམ་སྟོན་གྱི་སྒྲོན་མེ་རྐང་གཅིག་སྟེ་མ་ཡིན་ནམ།

    Reply
  2. རྒྱང་རིང་། says:
    ལོ་ 13 སྔོན།

    ༧ མགོན་པོ་མཆོག་གི་བཀའ་སློབ་ལ་བལྟ་ན། མི་ཆེན་པོའི་ནང་དུ་ད་དུང་དོར་རྒྱལ་དང་འབྲེལ་བ་ཡོན་མཁན་ཡོད་པ་གསལ་བོ་རེད་འདུག གྲྭ་ཚང་ཁག་གིས་སླར་ཡང་གསལ་བོ་ཞིག་བཟོ་ཐོབ་ན་ཡག་པོ་ཡོད་ས་རེད།

    Reply
  3. བཙན་བྱོལ་བ་ says:
    ལོ་ 13 སྔོན།

    ཁ་ཁོག་མི་མཚུངས་པའི་བླ་སྤྲུལ་དགེ་བཤེས་བོད་ཕྱི་ནང་གཉིས་ཀྱི་ནང་ཡོད་པར་གསུངས་པ་དེ་ཡང་སྙིང་སུ་ལ་བརྗོད་ཀྱིན་ཡོད་དམ་ ཁོ་བོས་དོགས་པ་ནི་བློ་གླིང་གི་ལྡན་མ་བློ་ཆོས་རིན་པོ་ཆེ་ལ་བརྗོད་ཀྱིན་མེད་དམ་སྙམ་ ད་དུང་གཞན་ཡང་ཡོད་སྲིད་ ཁྱེད་ཀྱིས་བལྟས་ན་སུ་ཡིན་ནམ་ གོ་ཐོས་ལལ་དགའ་བྱང་མཁན་ཟུར་ཞིག་ཡོད་རེད་ཟེར་ ཡང་སྙིང་སུ་ལ་གོ་དགོས་སམ་

    Reply
  4. འཁྱམས་པོ་ says:
    ལོ་ 13 སྔོན།

    ༼ཡིན་ནའང་ཕྱི་ལ་རྣམ་འགྱུར་ཞིག་དང་ནང་ལ་རྣམ་འགྱུར་ཞིག་བསྟན་ན་དེ་ནི་རྫུན་མ་ཆགས་ཡོད་སྟབས། མགོ་གཉིས་མ་བྱས་ན་རྩ་བ་ནས་འགྲིག་གི་ཡོད་མ་རེད། ༽
    གྲོགས་པོ་ཚོ་ཚིགས་དེ་ག་འདྲ་ཀློག་ན་ཡག་པ་འདུག། ང་ནི་ཀློག་ཁག་པོ་འདུག།
    ཧཧཧ

    Reply
  5. ལྷ་མོ་དོན་གྲུབ། says:
    ལོ་ 13 སྔོན།

    ཕྱག་སྟོང་སྤྱན་སྟོང་འཁོར་ལོས་བསྒྱུར་བའི་རྒྱལ། རྫོགས་ལྡན་དུས་ཀྱི་ཆོས་རྒྱལ་ཆེན་པོ་སྟེ།
    སྙན་མཆོག་ཞལ་ལྕེ་སྟོང་ལྡན་ཆོས་རྒྱལ་ཆེ། དེང་གི་༸རྒྱལ་དབང་ཁྱོད་ཉིད་ཙམ་དུ་ཟད།

    Reply
  6. འཇམ་དབྱངས། says:
    ལོ་ 13 སྔོན།

    འཛམ་གླིང་ས་ཆེན་ཡངས་པའི་དཀྱིལ་འཁོར་འདིར།། ཕན་དང་བདེ་བ་མ་ལུས་འབྱུང་བའི་གནས།། སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི།། ཞབས་པད་སྲིད་མཐའི་བར་དུ་བརྟན་གྱུར་ཅིག། ཅེས་གསོལ་བ་འདེབས་པ་དང་ལྷན་དུ། མཁས་དབང་ཟམ་གདོང་རིན་པོ་ཆེ་མཆོག་གིས་བོད་བསྟན་སྲིད་ཀྱི་ཆེད་ལྷག་བསམ་རྣམ་དག་གིས་ཕྱག་ལས་གནང་བར་བཀའ་དྲིན་ཆེ་ཞུ་བ་དང་། མ་འོངས་པར་ཡང་༧གོང་ས་མཆོག་གི་བཀའ་དགོངས་བཞིན་བོད་བསྟན་སྲིད་ཀྱི་ཆེད་དུ་རླབས་པོ་ཆེའི་ཕྱག་ལས་གནང་རྒྱུ་ཐུགས་ལས་མི་འདོར་བའི་གསོལ་བ་འདེབས་པ་ལེགས་སོ།།

    Reply
  7. berijigme says:
    ལོ་ 13 སྔོན།

    ༸གོང་ས་མཆོག་གིས། “གྲྭ་པ་གྲྭ་རྐྱང་བྱས་ཏེ་ཧུར་ཐག་འབད་ཐག་གནང་ཡོད་སྟབས། མི་དམངས་ཀྱི་ངོས་ནས་ཡིད་ཆེས་བློས་འགེལ་བྱས་ཏེ་ལོ་བཅུའི་རིང་བཀའ་ཁྲི་ཐེངས་གཉིས་གནང་ཡོད། དེ་རིང་ཁྱེད་ཚོས་ཁ་ཞེ་གཉིས་མེད་ཐོག་རིན་པོ་ཆེར་གཟེངས་རྟགས་ཕུལ་བ་དེ་ཧ་ཅང་ཡག་པོ་འདུག”གསུངས་འདུག མ་ཧཱ་པཎྜི་ཏའི་རིན་ཐང་ཐད། རྟ་གོང་བོང་ཚོད་རྒྱག་མཁན་ཚོས་མིག་བགྲད་ནས་གཟབ་གཟབ་ཅིག་གཟིགས་རོགས། གསར་འགོད་པ་དཔལ་ལྡན་ལགས་ལ་བཀྲ་ཤིས་བདེ་ལེགས་ཞུ། དངོས་ཡོད་མང་པོ་གྲིབ་གཟུགས་གསེབ་ཏུ་ཡུབ་སའི་ཁོར་ཡུག་ཅིག་ནས་ཁྱོད་ཀྱིས་མངོན་མངོན་རྗེན་རྗེན་གྱི་ངོ་སྤྲོད་ཅིག་གནང་འདུག་པར་དགའ་གསུ་ཞུ།།

    Reply
  8. རིགས་བཟང་། says:
    ལོ་ 13 སྔོན།

    ༸ཕྱག་སྟོང་སྤྱན་སྟོང་།
    སྐུ་ཚེ་བསྐལ་བརྒྱར་བརྟན་པའི་སྨོན་འདུན་སྙིང་ནས་འདེབས།
    དགྱ་ནག་གཙུག་ཏུ་བཀུར་ཏེ་རང་མི་དགྲ་རུ་འཛིན་མཁན་གྱི་མི་བུ་འདི་དག་གི་ཕྱིར་དུ།
    ད་དུང་ མང་པོ་མང་པོ་ཞིག་གི་ཕྱིར་དུ།
    ༸་གོང་ས་མཆོག ཕྱག་སྟོང་སྤྱན་སྟོང་།

    Reply
  9. ལྷ་མོ་དོན་གྲུབ། says:
    ལོ་ 13 སྔོན།

    ཕྱོགས་ལྷུང་མེད་ན་ཕྱག་རྗེས་ཇི་བཞིན་མཐོང། དམངས་ཀྱིས་བཀུར་བ་དམངས་བསྐོས་རྗེ་བོ་དངོས། དོན་གྱི་བདག་པོས་དོན་དམ་བསྔགས་པ་འདིར། ཅོལ་ཆུང་རྣམས་ཀྱིས་ཅུང་ཙམ་བསམ་པར་རིགས།
    མདོ་སྟོད་ནང་རྙོག་སེལ་ལ་ཕྱོགས་རིས་བྲལ། དོལ་འདྲེའི་གཡོ་འཕྲུལ་གདོང་ན་འཇིགས་ཞུམ་བྲལ། དབུ་མའི་ལམ་ལ་མདུན་སྐྱོད་སོམ་ཉི་བྲལ། གཟུར་གནས་མཁས་དབང་ཟེར་བ་ཁྱེད་འདྲ་ཉིད།
    གཅིག་ན་ཆོས་ཀྱི་རྟོགས་པས་བླ་ན་མཐོ། གཉིས་ན་སྲིད་ཀྱི་མཁྱེན་པས་གཟི་བརྗིད་ཆེ།
    གསུམ་ན་གསུང་དང་ཕྱག་ལེན་གནད་དུ་དྲིལ། རྗེ་བློན་ཟམ་གདོང་དོན་གྱི་རིན་པོ་ཆེ། ཞེས་ཀྱང་བསྔགས་པར་བྱའོ།།

    Reply
  10. ཀརྨ་རྣམ་རྒྱལ། says:
    ལོ་ 13 སྔོན།

    མཁས་དབང་ཟམ་གདོང་རིན་པོ་ཆེའི་མཛད་རྗེས་ལ་རྗེ་སུ་ཡི་རང་ཡོད་། བོད་བསྟན་པ་ཆབ་སྲིད་ལ་མཛད་རྗེས་བཟང་པོ་བཞག་གནང་སོང་། བསྟན་འཛིན་སྐྱེས་བུ་རྣམས་ཀྱི་ཁོང་ལ་དཔེ་བལྟ་གནང་ན་ཡག་པོ་འདུག

    Reply
  11. ཀརྨ་རྡོ་རྗེ། says:
    ལོ་ 13 སྔོན།

    ང་ཚོ་བོད་རིགས་ཀྱི་ལྷ་སྐལ་ནི།
    ཕྱག་སྟོང་འཁོར་ལོས་བསྒྱུར་པའི་རྒྱལ་པོ་དང་། །
    སྤྱན་སྟོང་བསྐལ་པ་བཟང་པོའི་སངས་རྒྱས་སྟོང་། །
    གང་ལ་གང་འདུལ་དེ་ལ་དེར་སྟོན་པ། །
    བཙུན་པ་སྤྱན་རས་གཟིགས་ལ་ཕྱག་འཚལ་ལོ། །
    ཞེས་གསུངས་པ་ལྟར་
    ༸སྐུ་ཕྲེང་༡༤པ་ཁྱེད་མིན་ན་སུ་ཞིག་སྲིད།
    བསྐལ་བརྒྱར་བརྟན་འགྱུར་འགྱུར་ཅིག །

    Reply
  12. tenzin says:
    ལོ་ 13 སྔོན།

    གསར་འགོད་པ་དཔལ་ལྡན་ལགས།
    ཁྱེད་ཀྱི་གསར་གྱུར་འདི་དཔེ་མི་སྲིད་པའི་ཡག་པོ་ཞིག་འབྲི་འདུག ཡི་གེ་ཀློགས་བདེ་བོ་དང་གོ་བདེ་བོ་ཡག་པོ་འདུག རྗེ་སུ་ཡི་རང་ཡོང་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist