ཕྱི་ཚེས་ ༦ ཉིན་ཧྥ་རན་སི་གསར་སྤེལ་ཁང་གིས་གནས་ཚུལ་སྤེལ་དོན། ཕྱི་ལོ་ ༢༠༡༠ ལོར་རྒྱ་ནག་ནང་བཟའ་འཐོར་བྱུང་བའི་ཁྱིམ་ཚང་ཁྲི་ ༡༩༦ ། ༡ ལྷག་ལ་ཟིན་ཡོད་པ་དང་། གཉེན་འཐོར་གྱི་ཚད་བརྒྱ་ཆ་ ༡༤ ། ༥ ལ་བསླེབས་ཡོད། ད་ལོ་ཆ་སྙོམས་ཉིན་རེར་བཟའ་ཚང་ ༥༣༠༠ ལྷག་གཉེན་འཐོར་བྱས་ཡོད་འདུག
རྒྱ་ནག་དམངས་སྲིད་ལས་ཁུངས་ཀྱི་བསྡོམས་རྩིས་ལྟར་ན། བཟའ་འཐོར་གྱི་གྲངས་འབོར་ཆེས་མང་པའི་ཞིང་ཆེན་ས་ཁུལ་གསུམ་ནི། ཟི་ཁྲོན་དང་ཅང་སུའུ། ཧྲན་ཏུང་བཅས་ཡིན་ཞིང་། ཟི་ཁྲོན་ཞིང་ཆེན་ནང་བཟའ་འཐོར་ཁྱིམ་ཚང་ཁྲི་ ༡༦ ། ༩ དང་། ཅང་སུའུ་ཞིང་ཆེན་ནང་བཟའ་འཐོར་ཁྱིམ་ཚང་ཁྲི་ ༡༢ ། ཧྲན་ཏུང་ཞིང་ཆེན་ནང་བཟའ་འཐོར་ཁྱིམ་ཚང་ཁྲི་ ༡༡ ། ༦ བཅས་ཡོད་འདུག
ཕྱི་ལོ་ ༢༠༠༣ ལོར་རྒྱ་ནག་གིས་གཉེན་འཐོར་སྒྲིག་ཡིག་བཟོས་པ་ནས་བཟུང་ད་ལྟའི་བར་བཟའ་འཐོར་གྱི་གྲངས་འབོར་ལོ་ལྟར་ཆ་སྙོམས་བརྒྱ་ཆ་ ༧ ། ༦༥ འཕར་ཡོད་འདུག ཡིན་ནའང་། བོད་ཁུལ་ནི་བཟའ་འཐོར་ཆེས་ཉུང་བའི་ས་ཁུལ་ཆགས་ཡོད་པ་དང་། ད་ལོ་བཟའ་འཐོར་ཁྱིམ་ཚང་ ༤༥༩ ཙམ་ལས་བྱུང་ཡོད་མི་འདུག
གནད་དོན་འདིའི་ཐད་རྒྱ་ནག་མི་དམངས་སློབ་ཆེན་གྱི་སྤྱི་ཚོགས་རིག་པའི་དགེ་རྒན་ཆེན་མོ་ཀྲིག་ལིས་ཀྲིན་གྱིས་བརྗོད་དོན། རྒྱ་ནག་ནང་བཟའ་འཐོར་འབྱུང་བཞིན་པའི་རྒྱུ་རྐྱེན་གཙོ་བོ་ནི། ད་ལྟ་རྒྱའི་སྤྱི་ཚོགས་ནི་དངུལ་སྒོར་ཁོ་ནར་སྐྱབས་སུ་འགྲོ་མཁན་གྱི་སྤྱི་ཚོགས་ཤིག་ཆགས་ཡོད་སྟབས། དངུལ་སྒོར་ནི་བཟའ་འཐོར་གྱི་གྲངས་འབོར་འཕར་བྱེད་ཀྱི་གཞི་རྩར་གྱུར་ཡོད། ཅེས་བརྗོད་འདུག
རྒྱ་ནག་རྒྱལ་ཡོངས་བུད་མེད་ལྷན་ཚོགས་ཀྱིས་ཕྱི་ལོ་ ༢༠༡༠ ལོར་ཉམས་ཞིབ་བྱས་པ་ལྟར་ན། རྒྱ་ནག་གི་བུད་མེད་ཀྱི་བརྒྱ་ཆ་ ༧༠ ལྷག་གིས། མ་འོངས་པའི་རང་གི་མི་ཚེ་གཉེན་སྒྲིག་ཐད་བཟུང་བའི་རེ་བ་ཆེ་ཤོས་ནི་ཁང་པ་ཡོད་པའི་འབྱོར་ལྡན་གྱི་སྐྱེས་པ་ཞིག་འཚོལ་རྒྱུ་དེ་ཡིན་འདུག
གསར་འགོད་པ། ཚེ་རིང་རྒྱལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ང་རང་ཚོའི་བོད་ཀྱི་སྐད་ཡིག་ནང་ཡོད་པའི་བཟའ་མི་ཁ་བྲལ་དང༌། བཟའ་ཚང་ཁ་བྲལ་བརྗོད་པ་ཡོད་བཞིན་པ་དེ་བེད་སྤྱོད་མ་བཏང་བར། བསྡུས་མིང་གསར་པ་བཟོས་ན་གོ་དོན་རྟོགས་ཐུབ་རྒྱུའི་ཚོད་ལ་མགོ་རྨོངས་ཀྱི་གཞི་མིན་ནམ། ཁག་ཅིག་གིས་བོད་ཡིག་མཁས་པ་ཡིན་ཁུལ་གྱིས་སྔར་ཡོད་མིང་ཚིག་བེད་སྤྱོད་མ་བཏང་བར་གསར་གཏོད་བྱས་ཏེ་མི་དམངས་ལ་མགོ་འཐོམ་གཞིར་འགྱུར་བར་མ་ཟད། དམིགས་བསལ་བཙན་བྱོལ་གཞུང་གི་གསལ་བསྒྲགས་ཁག་ཅིག་ནང་ལས་བྱེད་པའི་གོ་གནས་ཀྱི་བསྡུས་མིང་བེད་སྤྱོད་བཏང་དྲག་པའི་སྐྱོན་ཆ་ཞིག་ཡོད་པ་མཐོང་ཚུལ་ཡོང་གི་ཡོད།
༢༠༠༣ལོར་བཟའ་འཐོར་སྒྲིག་གཞི་ཅི་འདྲ་ཞིག་བཟོས་ཡོད་དམ།
བཟའ་ཟླ་དང་གཉེན་ཚན་ནི། སྤུན་མཆེད་མིན་པའི། གཉེན་འབྲེལ་ལ་གོ་བས། བཟའ་ཚང་ཁ་འཐོར་བ་ལ། བཟའ་འཐོར་ཞེས་པའི། བསྡུས་མིང་འདི། མི་ཐད་པ་མེད་ལ། བརྗོད་བདེ་ལ། གོ་བདེ་བ་ཡང་འདུག
དེ་འདྲ་རེད་དམ།་དྲ་གྲོགས་རྣམ་པ།
བོད་ཀྱི་སྤྱི་ཚོགས་སྤྱི་དང།་་རྡ་རམ་ས་ལར་ཡང་བཟའ་ཚང་འཐོར་བ་དང།་་་ཟུར་གསལ་དགའ་གྲོགས་སྒྲིག་མཁན་མང་བ་གོ་རྒྱུ་འདུག་་
བོད་ང་རྒྱ་མི་རིགས་གཉིས་ཀྱི་སྤྱོད་པ་ལ། བཟང་ངན་མཐོ་ལ་ཚད་རྒྱུ་ཙམ་ཞིག་རེད།
དེ་བཞིན་ཤར་ནུབ་མི་རིགས་མ་ལུས་པ། གཅིག་གི་རྗེས་ལ་གཅིག་གིས་ཆོད་ཀྱིན་འདུག
བོད་ཀྱི་དུས་བབ་ལས་ཁང་ལ་ཞུ་རྒྱུ། ཁྱེད་ཀྱི་གསར་ཤོག་ལས་ཁང་ནས་ཚིག་གི་གོ་དོན་རྟོགས་མ་ཐུབ་པའི་བསྡུས་ཡིག་བཟའ་འཐོར་དང་གཉེར་འཐོར་དེ་འདྲ་གསར་གཏོད་གནང་ན། བོད་ཡིག་ཤེས་མཁན་ཞིག་ཡིན་ནའང་དེ་ན་ཟ་རྒྱུ་ཞིག་ཡིན་ནམ། ཡང་ན་གྱོན་རྒྱུ་ཞིག་ཡིན་བསམ་སྟེ། མགོ་འཐོམ་དགོས་པ་ཡོང་གི་ཡོད་པས། ད་དུང་རླུང་འཕྲིན་ནང་དུ་བཟའ་འཐོར་དང་གཉེར་འཐོར་ཟེར་ཀློག་འདོན་བྱས་ན། བོད་ཡིག་མ་ཤེས་པས་དེ་བས་མགོ་འཐོམ་དེ་འཚོམ་མིན་འདུག་པས། མ་འོངས་པར་གོ་དོན་རྟོགས་མ་ཐུབ་པའི་བསྡུས་ཡིག་དེ་རིགས་བེད་སྤྱོད་མི་གཏོང་བའི་རེ་བ་ཞུ་གི་ཡོད།
་་་་་། བོད་ཁུལ་ནི་བཟའ་འཐོར་ཆེས་ཉུང་བའི་ས་ཁུལ་ཆགས་ཡོད་པ་དང་། ད་ལོ་བཟའ་འཐོར་ཁྱིམ་ཚང་ ༤༥༩ ཙམ་ལས་བྱུང་ཡོད་མི་འདུག
་་་་། ས་ཡ་དྲུག་གི་མི་འབོར་ལ་དཔག་པའི་བཟའ་འཐོར་ཧ་ཆང་མཐོ་དྲགས་པ་མ་རེད་དམ། སྤུན་ཟླ་ཚོས་གཟབ་དགོས། འཛམ་གླིང་གང་སར་བཟའ་འཐོར་གྲངས་འབོར་བྲི་གྱུར་ཅིག །