ཕྱི་ཚེས་ ༨ ཉིན་མཉམ་འབྲེལ་རྒྱལ་ཚོགས་ཀྱི་ས་ཞིང་དང་འབྲི་རིགས་དོ་དམ་ཚན་པས་ཉེན་བརྡའི་ཚུལ་དུ་གསལ་བསྒྲགས་ཤིག་བསྐྱངས་པའི་ནང་། རྒྱ་ནག་གི་འབྲུ་རིགས་ཐོན་སྐྱེད་ཀྱི་ས་ཁུལ་གཙོ་བོ་དག་ལ་འདས་པའི་ལོ་ ༦༠ ནང་བྱུང་མ་མྱོང་བའི་ཐན་པ་ཆེ་ཤོས་དེ་བྱུང་བར་བརྟེན། མ་འོངས་པར་འཛམ་གླིང་གི་བཟའ་འབྲུའི་ཐོག་ཤུགས་རྐྱེན་ཆེན་པོ་ཐེབས་སྲིད་སྐོར་བརྗོད་འདུག
འདས་པའི་ཟླ་དྲུག་གི་རིང་རྒྱ་ནག་ནང་འབྲས་ཐོན་སྐྱེད་ཀྱི་ས་ཁུལ་གཙོ་གྲས་ཧྭི་ནན་དང་ཧྲན་ཏུང་། ཝན་ཧའེ། ཧྭི་པེ། ཧྲན་ཞི། ཅང་སུའུ། ཧྲན་ཞིས། ཀན་སུའུ་བཅས་ཞིང་ཆེན་ ༨ ནང་ཆར་ཆུ་དུས་སུ་མ་བབས་པར་ཐན་པ་ཆེན་པོ་བྱུང་སྟེ། རྒྱ་ནག་རྒྱལ་ཡོངས་སུ་ས་ཞིང་མུའུ་དུང་ཕྱིར་ ༡།༡༢ ལྷག་ལ་ཐན་པས་བསྐམ་ཡོད་པ་དང་། མི་ཁྲི་ ༢༧༢ དང་ཕྱུགས་ཟོག་ཁྲི་ ༢༨༤ ལྷག་ལ་འཐུང་ཆུའི་དཀའ་ངལ་འཕྲད་ཡོད་པར་མ་ཟད། རྒྱ་ནག་གི་གྲོང་ཁྱེར་སུམ་ཆ་གཉིས་ནང་ཆུའི་དཀའ་ངལ་འཕྲད་མགོ་ཚུགས་ཡོད་པ་རེད། ཕྱི་ཚེས་ ༩ ཉིན་རྒྱ་ནག་གཞུང་འབྲེལ་གསར་ལམ་ཁག་ཏུ་གནས་ཚུལ་སྤེལ་བ་ལྟར་ན། རྒྱ་ནག་གིས་རྨ་འབྲིའི་བཞུར་རྒྱུན་ཁུལ་གྱི་ཞིང་སར་ཆུའི་དཀའ་ངལ་སེལ་ཆེད། རྨ་འབྲིའི་བཞུར་རྒྱུད་ཀྱི་ཆུ་རགས་ཆེན་པོ་གསུམ་གྱི་རགས་ཁ་གློད་དེ་ཆུ་གཏོང་མགོ་བཙུགས་ཡོད་འདུག
ཕྱི་ལོ་ ༢༠༠༩ ལོར་རྒྱ་ནག་གི་འབྲས་ཀྱི་ཐོན་ཚད་ཨ་རི་དང་ཨུ་རུ་སུ་ཡི་ལྡབ་གཉིས་དང་། ཨོ་སི་ཊོ་ལི་ཡའི་ལྡབ་ ༥ ཙམ་ཟིན་ཡོད་སྟབས། སྤྱི་ཚོགས་དཔྱད་བརྗོད་པ་དག་གིས་ད་ལོ་རྒྱ་ནག་ལ་ཐན་པ་ཆེན་པོ་འབྱུང་བཞིན་པ་འདིས། མ་འོངས་པར་འཛམ་གླིང་གི་བཟའ་འབྲུར་དཀའ་ངལ་འཕྲད་སྲིད་པའི་ངོས་འཛིན་གནང་གི་ཡོད་འདུག ཧྥི་ལི་པེན་རྒྱལ་ཁབ་ཀྱི་རྒྱལ་སྤྱིའི་ཆུ་བེད་ཞིབ་འཇུག་ཁང་གི་མགོ་གཙོ་རོ་བྷེར་ཁྲི་རྫེ་ཇེ་ལའེ་ Robert. Zige Le ལགས་ཀྱིས། ཨ་རའི་ནེའུ་ཡོག་གསར་ཁང་གི་བཅར་འདྲིའི་སྐབས། རྒྱ་ནག་གི་བཟའ་འབྲུ་ཐོན་སྐྱེད་དེ་འཛམ་གླིང་ས་ཁུལ་གཞན་དག་ལ་འབྲེལ་བ་ཆེན་པོ་ཡོད་པས། གལ་སྲིད་རྒྱ་ནག་གིས་རྒྱལ་ཁབ་གཞན་ནས་བཟའ་འབྲུ་ནང་འདྲེན་བྱ་དགོས་བྱུང་ཚེ། མ་འོངས་པར་རྒྱལ་སྤྱིའི་བཟའ་འབྲུའི་ཁྲོམ་རར་སྔར་མེད་ཀྱི་འགྱུར་ལྡོག་ཆེན་པོ་ཞིག་འབྱུང་སྲིད་པ་རེད། ཅེས་བརྗོད་འདུག
གསར་འགོད་པ། ཚེ་རིང་རྒྱལ།
མགོ་ནག་སྐྱིད་སྡུག་གནམ་གྱི་ལག གོ་ཁ་དྲོན་པོ་རང་གི་ལག
ཟེར་ཀྱང་ཟེར་ལ་བདེན་ཡང་བདེན།
རང་བྱུང་ཁམས་ཀྱི་ཆད་པ་འདི། གཅིག་ལ་མ་ཡིན་ཀུན་ལ་ཡིན།
ཀུན་གྱི་ལས་བསོད་བཟང་ངན་ལས། ལས་འབྲས་འདི་དག་ཆོས་ཉིད་དོ།
གནའ་དུས་བསྐལ་བ་བཟང་རབས་གཏམ། གོ་ཡང་གོ་ལ་བདེན་ཡང་བདེན།
དུས་ཀྱི་སྙིགས་མ་ཡིན་རབས་ཚུལ། མཐོང་བ་མངོན་འགྱུར་དག་གིས་དཔོག
གོ་ལ་ཆག་གྲུམ་འཆོར་ས་ནས། གོ་ལག་ཅི་འདྲ་བཙན་ན་ཡང།
གོ་བ་ཡོད་མེད་མི་རིགས་ཀུན། གོ་ཁ་བསྲོས་ནས་འདུག་ས་མེད།
ང་ཚོ་བོད་ཀྱི་ཆོས་དང་རིག་གཞུང་ལ་དོ་སྣང་བྱེད་མཁན་བོད་མི་ཅིག་ཡོད་ན་ཡང་དགའ་དགོས་པ་ལས། དེ་ལ་དགའ་བྱ་བྱས་ན་འཚམ་པོ་ཞིག་ཨེ་ཡོད།
གསར་འགྱུར་ནང་ཡིག་ནོར་རེ་ཟུང་མཐོང་བ་ཙམ་གྱིས “བོད་ཀྱི་དུས་བབ” ཅིག་ཅིག “བོད་ཀྱི་རིག་གཞུང” མིག་མིག་ཟེར་བ་འདི་ངས་བལྟས་ན་ཡག་པོ་རེད། འདི་ནི་བོད་མི་རིགས་ཀྱི་ཁེ་ཕན་ཀྱི་ཆེད་དུ་ཟེར་ཀྱིན་ཡོད་རེད། རྫ་ཚེ་རིང་བཀྲ་ཤིས་ལ་འདི་འདྲ་སྙིང་སྟོབས་ཡོད་པ་ཡག་པོ་རེད། རིག་གཞུང་ཀྱི་ཆེད་དུ་རེད།
རྫ་ཚེ་རིང་བཀྲ་ཤིས་ཟེར་མཁན་འདི་ཡང་དག་ཆའི་ཕྱོགས་ནས་རང་མགོ་འཐོན་མཁན་ཞིག་མིན། གསར་འགྱུར་ནང་ཡིག་ནོར་རེ་ཟུང་མཐོང་བ་ཙམ་གྱིས “བོད་ཀྱི་དུས་བབ” ཅིག་ཅིག “བོད་ཀྱི་རིག་གཞུང” མིག་མིག་ཟེར་བ་འདི་ཡག་པོ་མ་རེད།
ཨ་ལ་ལ་ད་ཐེངས་དུས་ནམ་ཡང་མེད་པའི་དུས་བབ་ཚང་གི་གྱི་སྒྲ་ཞིག། རྒྱ་ནག་གྱི་ཐན་སྐྱོན།
དྲ་གྲོགས་ཇོ་བོ་རྣམ་གཉིས་ལགས། ཇོ་བོ་རྣམས་གཉིས་ཞེས་པར་ཡང་འཇུག་ས་འབྲི་དགོས་དོན་གང་ཡིན་ནམ། སྤྱིར་རྣམ་པ་གཉིས་ཞེས་པར་ས་ཡིག་མེད་པས་དེ་ལ་དགོས་པ་རྒྱུ་མཚན་ཅི་ཞིག་ཡོད་གསུངས་དང་།
དེ་བཞིན་དུས་བབ་གསར་ཁང་གི་དག་ཆ་ལ་ཐན་པ་ཆེན་པོ་འབྱུང་བཞིན་པ་འདིས་བཙན་བྱོལ་གྱི་་་་་་་་་་་་་་་མ་་ཟད་་་་་་་་་་་་་་་་་་་ཤུགས་རྐྱེན་ཆེན་པོ་ཐེབས་སྲིད་པའི་་་་་་་་་་་་་་མི་བདེན་ཟེར་ན་གསར་འགྱུར་འདིའི་ཁ་བྱང་ནས་མགོ་ཚུགས་ལ་གཟིགས་ཤིག
ཀྱེ་ཧུད་ ཡང་གཏམ་ངན་ཞིག་རེད་འདུག་ཡིན་ན་ཡང་བོད་དང་འབྲེལ་ཧ་ཅང་ཆེན་པོ་ཡོད་པས་ང་ཚོ་བོད་མི་ཚོས་ཀྱང་བསེམ་འཕྲལ་བྱེད་དགོས་ངེས་ཞིག་རེད་འདུག ལ་སྨོན་ལམ་ཀྱང་རྒྱབ་དགོས་ངེས་ཞིག་རེད་འདུག