ཚེས་ ༡༠ ཉིན་ཀྲུང་གོའི་མཚོ་སྔོན་དྲ་བས་གནས་ཚུལ་སྤེལ་བ་ལྟར་ན། ཟླ་འདིའི་ཚེས་ ༩ ཉིན་ཀྲུང་གོའི་མཚོ་སྔོན་བོད་རིགས་དྲ་བ་( www.bodrigs.com) དྲ་ཚིགས་དེ་ཞེས་པ་དངོས་སུ་ཤར་གཏོང་བྱས་འདུག་ལ།ནི་མཚོ་སྔོན་བོད་རིགས་ཞིབ་འཇུག་ཚོགས་པས་གཙོ་སྒྲུབ་བྱས་པ་དང་། བོད་རིགས་རྩོམ་པ་པོ་ནགས་ཚང་ནུས་བློས་དྲ་ཚིགས་ཀྱི་གཙོ་འགན་བཞེས་ཡོད་འདུག
གོང་གསལ་དྲ་རྒྱའི་ནང་བཀོད་པའི་གནས་ཚུལ་ལྟར་ན། མཚོ་སྔོན་བོད་རིགས་ཞིབ་འཇུག་ཚོགས་པ་ནི་མཚོ་སྔོན་བོད་རིགས་ཀྱི་དམངས་ཁྲོད་རྩ་འཛུགས་ཞིག་ཡིན་པ་དང་། སྤྱི་ལོ་ ༡༩༩༨ ལོའི་ཟླ་ ༥ བར་ཞིང་ཆེན་མི་རིགས་ལས་དོན་ཨུ་ཡོན་ལྷན་ཁང་དང་ཞིང་ཆེན་དམངས་ཁྲོད་རྩ་འཛུགས་དོ་དམ་སྡེ་ཁག་གིས་ཆོག་མཆན་བྱས་པ་ལྟར་བཙུགས་ཤིང་། ད་ལྟ་ཚོགས་མི་ ༦༨༠ ལྷག་བཞུགས་འདུག
ཡང་དྲ་ཚིགས་ཀྱི་གཙོ་འགན་པ་ནགས་ཚང་ནུས་བློས་ཉིན་དེར། དེ་རིང་མཚོ་སྔོན་བོད་རིགས་ཞིབ་འཇུག་ཚོགས་པས་གཙོ་གཉེར་མཛད་པའི་ཀྲུང་གོའི་མཚོ་སྔོན་བོད་རིགས་དྲ་བ་དངོས་སུ་མགོ་ཚུགས་པར་རང་ཉིད་དགའ་སྤྲོ་ལྷག་ཏུ་སྐྱེས་བྱུང་། ང་ཚོས་རྗེས་སུ་རྒྱལ་ཁབ་ཀྱི་གཅིག་འགྱུར་དང་མི་རིགས་ཀྱི་མཐུན་སྒྲིལ། སྤྱི་ཚོགས་ཞི་འཇམ་བཅས་ལ་སྲུང་སྐྱོབ་བྱེད་པ་གཞིར་བཟུང་སྟེ། རང་ནུས་ཅི་ཡོད་ཀྱིས་དྲ་བ་འདི་བརྒྱུད་དེ་ལས་དོན་གལ་ཆེན་མང་པོ་ཞིག་གི་ཆེད་དུ་མདོ་དབུས་ཁམས་གསུམ་གྱི་ཤེས་རིག་ཡོན་ཏན་ཡོད་ལ་ཆབ་སྲིད་གོ་རྟོགས་ལྡན་ཅིང་། བོད་མི་རིགས་རང་གི་ལས་དོན་ལ་ཐུགས་འཁུར་དང་ལ་རྒྱའི་བརྩོན་སེམས་ཡོད་པའི་བོད་མི་ཡོངས་དང་མཉམ་དུ་འབད་བརྩོན་བྱ་རྒྱུ་ཡིན།
གང་ལྟར་ཡང་དྲ་བ་དེར་མདུན་ཤོག་དང་འཕྲིན་གསར། མི་སྣ། ལོ་རྒྱུས། དུས་དེབ། རྩོམ་རིག རིག་རྩལ། གླེང་སྟེགས། པར་མཛོད། སྐད་འཇོག་ས་བཅས་ལེ་ཚན་ཆེན་པོ་ ༡༠ རུ་བཀར་འདུག་ལ། དྲ་བ་འདི་བོད་ལྕགས་མོ་ཡོས་ལོར་གཞུང་འབྲེལ་ཐོག་གསར་དུ་དབུ་བརྙེས་པའི་བོད་ནང་གི་དྲ་རྒྱ་གསར་ཤོས་དེ་ཡང་ཆགས་ཡོད་འདུག
གསར་འགོད་པ། ཨ་རིག་འགྱུར་མེད།
གནམ་གྱི་སྲས་ལ་ལྕགས་ཀྱི་སྲོག ཕ་བཟང་བུ་ལ་བྱས་པའི་རྗེས།
རྒྱལ་གཅེས་དཔའ་རྒོད་ནུས་བློ་མཆོག ངེས་དོན་སྲིད་པ་རྒད་པོ་ཞིག
མི་རིགས་འཆམ་མཐུན་ཕྱི་ནང་གཉིས། རྒྱལ་ཁབ་འཆམ་མཐུན་ཕྱི་ནང་གཉིས།
འཛམ་གླིང་འཆམ་མཐུན་ཕྱི་ནང་མེད། ཕྱི་ནང་མེད་པའི་འཆམ་མཐུན་ཤོག
འཆམ་མཐུན་རྩ་བ་ཡིད་ཆེས་དང། ཡིད་ཆེས་གཞི་རྩ་དྲང་བདེན་དང།
དྲང་བདེན་གཞི་མ་བྱམས་བརྩེ་སྟེ། འཛམ་གླིང་བླ་མའི་བཀའ་དགོངས་ལགས།
ཡུལ་དུས་གནས་བབ་དང་བསྟུན་གྱི། འབྲི་གླེང་འགུལ་གསུམ་སྤེལ་མཁས་པ།
དེང་གི་དུས་འདིར་མཁོ་བས་ན། ཨ་མའི་བུ་རྣམས་ཡར་ལོངས་ཤིག
ཀུན་སློང་བཟང་ངན་ག་རེ་ཡོད་ནའང་ཡོད། བོད་ཡིག་ཐོག་ལ་བཏོན་པ་ཙམ་གྱིས། ཐུགས་རྗེ་ཆེ་ཞེས་ཞུ་འདོད་བྱུང་། །ཐུགས་རྗེ་ཆེ་ལགས། །
༄༅། །མཚོ་སྔོན་བོད་རིགས་དྲ་རྒྱ་གསར་བཟོ་གནང་བར་མཚམས་འདྲི་བཀྲ་ཤིས་
བདེ་ལེགས་ཞུ། དྲ་རྒྱ་འདི་ཡིས་བོད་ཕྱི་ནང་གཉིས་ཀྱི་བར་ཐག་ཐུང་དུ་བཏང་སྟེ་ཕན་ཚུན་བསམ་ཚུལ་ཡང་གོ་འདུར་བྱེད་རྒྱུའི་མཁེ་ཕན་ཆེན་པོ་ཡོང་གི་རེད་བསམ་གྱི་འདུག འོན་ཀྱང་དྲ་བའི་ཞལ་བྱང་མཐོང་རྒྱུ་མིན་འདུག་པས་ཞལ་བྱང་ངེས་པར་དུ་གསལ་བསྒྲགས་གནང་སྐྱོང་ཡོང་བ་ཞུ།
གཟུ་གནས་བློ་ལྡན་དེ་ད་ལོ་ན་རྒས་ཙང་སྤྱན་ཡག་པོ་རང་མེད་པ་རེད། བྱས་ཙང་ཁོང་གིས་དྲ་ཚིག་ཁ ་བྱང་ཡིག་ཕྲེང་དང་པོར་ཡོད་པ་གཟིགས་ཡོད་མ་རེད། ཁག་མེད། མིག་ི་སྨན་ཁང་བཟང་བ་ཞིག་ལ་ཕེབས་ན་ག་ལེར་མཐོང་གི་རེད།
དེའི་བར་མིག་ཤེལ་ཆེ་ཐག་ཆོད་གཅིག་གྱོན་ནས་ཞུགས་རོགས། སྐུ་རྩེད་ཡིན།
དུས་བབ་དྲ་ཚིགས་མ་བཀླགས་པར་ཡུན་རིང་ཞིག་སོང་བའི་དེ་རིང་འདིར་ཆེད་དུ་གསར་འགྱུར་སྙན་པོ་རེ་ཨེ་ཡོད་ལྟ་རུ་ཡོང་སྐབས། གསར་འགྱུར་འདི་མགོ་རུ་འདུག་ལ། ཡིན་ཡང་ཚན་པ་དང་པོ་གཉིས་པ་གཉིས་ཀློག་མ་ཚར་བར་ཡིག་ནོར་མང་པོ་ཞིག་མཐོང་བྱུང་བ་མ་ཟད། ཡིག་འབྲུ་གོང་འོག་ནོར་བ་ཡང་འདུག་པས། ཀློག་འདུན་གཏན་དུ་བརླགས་སོང་། དུས་བབ་ཚང་ཐུགས་རྗེ་གཟིགས། གསར་འགྱུར་འབྲི་སྐབས་ཞུ་དག་ལགས་པོ་རེ་བྱེད་རོགས།
དོན་མཐུན་གྱི་བྱ་འགུལ་འདི་ལ་དགའ་བསུ་ཡོད།
དྲ་གྲོགས་མང་པོ་ཞིག་ལ་དྲ་རྒྱ་འདིའི་མིང་ལ་༼ ཀྲུང་གོའི་མཚོ་སྔོན་བོད་རིགས་དྲ་བ ༽ ཞེས་བཏགས་ཡོད་པ་མཐོང་མ་ཐག་ཅུང་མ་རངས་པ་དང་ཀློག་མི་སྤྲོ་བའི་ཚོར་སྣང་ཞིག་ཡོང་སྲིད་ལ། ལྷག་པར་དུ་དྲ་བ་འདིའི་བདག་པོ་མཚོ་སྔོན་བོད་རིགས་ཞིབ་འཇུག་ཚོགས་པའི་ངོ་སྤྲོད་ནང་། ” རྒྱལ་ཁབ་གཅིག་གྱུར། ” དང་། ” མི་རིགས་འཚམ་མཐུན ” ཟེར་བ་སོགས་རྒྱ་ནག་གི་ཆབ་དྲིལ་བསྒྲགས་ཀྱི་ཚིག་འགྲོས་འདི་དག་གིས་སུན་པོ་བཟོ་སྲིད། འོན་ཀྱང་ངའི་རེ་བར་དྲ་གྲོགས་ཚོས་སྐྱོན་བརྗོད་བྱ་རྒྱུ་མི་སྔ་བར་ཞིབ་འཇུག་དང་ཧྲག་ཉན་ཡག་པོ་གནང་སྟེ། ད་གཟོད་བབ་ཐོབ་ཀྱི་དགེ་སྐྱོན་རེ་གླེང་ན་ལེགས་པར་མཐོང་།
རྒྱ་ནག་གཞུང་འབྲེལ་གྱི་དྲ་བ་འདི་ནི། པེ་ཅིན་བོད་རིག་པ་ཞིབ་འཇུག་ཁང་དང་དབུས་འཐབ་ཕྱོགས་གཅིག་གྱུར་ལས་ཁུངས། ཀྲུང་དབྱིང་གསར་འགྱུར་གཞུང་སྒྲུབ་ཁང་བཅས་ཀྱི་བྱ་སྤྱོད་ལྟར། རྒྱ་ནག་དམར་གཞུང་གི་མགྲིན་པ་ཞིག་ཆགས་སྲིད་ལ། དྲ་བ་འདི་བརྒྱུད་དེ་བོད་ཡུལ་ཆོལ་ཁ་གསུམ་གྱི་སྲིད་འབྱོར་རིག་གསུམ་ལ་ཞབས་འདེགས་དང་། ས་ཡ་དྲུག་གིས་ཡིད་ལ་བརྣག་པའི་རེ་འདུན་གྱི་ཁ་ཕྱོགས་རེ་འཛིན་ཡང་སྲིད། གང་ལྟར། ངས་འདི་ནས་དགེ་སྐྱོན་གཉིས་ཐད་ནས་སྐད་ཆ་བཤད་རྒྱུའི་སྤོབས་པས་འདང་མ་སོང་མོད། གླེང་ཕྱོགས་རེ་བཟོ་བའི་ཕྱིར་དུ། དྲ་བ་འདི་དང་འབྲེལ་ཡོད་གཉིས་ཀྱི་རྒྱབ་ལྗོངས་ཕྲན་ཙམ་གླེང་བར་བྱའོ།།
དང་པོ། མཚོ་སྔོན་བོད་རིགས་ཞིབ་འཇུག་ཚོགས་པ་ཟེར་བ་དེ་ནི། བོད་རིགས་ཞིབ་འཇུག་ཚོགས་པ་གཞན་དང་མི་འདྲ་བར། མཚོ་སྔོན་ཟི་ལིང་དུ་སྡོད་པའི་བོད་རིགས་ལས་བྱེད་རྒན་རབས་པ་སྐོར་ཞིག་གི་སྣེ་ཁྲིད་འོག བོད་ཡུལ་མདོ་དབུས་ཁམས་གསུམ་གྱི་མི་སྣ་འདུས་པའི་བགྲེས་ཡོལ་ལས་བྱེད་དང་གུང་ཁྲན་ཏང་ནང་རྒྱུན་རིང་ཕྱག་ལས་གནང་མྱོང་མཁན། དེ་བཞིན། སྤྱི་ཚོགས་ཐོག་གི་ཤེས་འཇོན་གཉིས་ལྡན་གྱི་མི་སྣ་སྐོར་ཞིག་ལས་གྲུབ་པའི་བོད་རིག་པ་ཞིབ་འཇུག་ཚོགས་པ་ཞིག་ཡིན་ལ། ཚོགས་པ་འདིས་དེ་སྔ་བོད་མི་རིགས་དང་བོད་རིག་པའི་ཐོག་རླབས་ཆེན་གྱི་ལས་དོན་མང་པོ་བསྒྲུབས་མྱོང་ཡོད།
གཉིས་པ། དྲ་བ་འདིའི་གཙོ་འགན་བཞེས་མཁན་ནགས་ཚང་ནུས་བློ་ཞུ་བ་ཁོང་ནི། རྒྱ་ནག་གིས་བོད་ནང་བཙན་འཛུལ་བྱས་པའི་སྔ་ཕྱི་དང་། ལྷག་པར་དུ་རིག་གནས་གསར་བརྗེ་ཆེན་མོའི་སྐབས་ཀྱི་བོད་ནང་གི་དངོས་ཡོད་གནས་ཚུལ་ཁག་ཕྱི་རབས་པ་དག་གི་མིག་མདུན་དུ་བསྟར་ཡོད་པའི་དཔེ་དེབ་གྲགས་ཆེན་༼ ནགས་ཚང་ཞི་ལུའི་སྐྱིད་སྡུག ༽ཅེས་པ་དེའི་རྩོམ་པ་པོ་ཡིན་ལ། དངོས་བྱུང་གཏམ་རྒྱུད་དེའི་ནང་གི་མི་སྣ་གཙོ་བོ་ནགས་ཚང་ནུས་བློ་ཡང་ཁོ་རང་ཡིན། ཁོང་སྔོན་ཆད་ཡུལ་ཤུལ་ཆུ་དམར་ལེབ་རྫོང་གི་རྫོང་དཔོན་གྱི་འགན་བཞེས་མྱོང་ལ། སྐབས་དེ་དག་ཏུ་བོད་སྤྱི་ཚོགས་དང་རིག་གནས་ཀྱི་ཐད་དུ་མཛད་རྗེས་མི་དམན་པ་བཞག་ཡོད།
གཅིག་བཤད་བཤད་རྗེས་དོན་གྱི་སྙིང་པོ་ཚང་མི་འདུག ཀྲུང་གོའི་མཚོ་སྔོན་བོད་རིཊ་དྲ་བའི་ཁ་བྱང་གང་ན་ཡོད་ལགས།