ཉི་མ་རེ་རེ དུས་ཚོད་རེ་རེ
ཡང་ན སྐར་ཆ་རེ་རེ
ངའི་གདོང་གི་མིག་ཆུ་འདི་སྐམ་སོང་ན
ད་གཟོད་ང་ ངའི་རྨི་ལམ་དེ་ལས་ཐར་ཡོད་སྲིད
རི་བྲག་ངུས་ཀྱང་ཆོག ས་གཞི་འདར་ཡང་རུང་
གང་ལྟར ངའི་མིག་ཆུ་འདི་སྐམ་སོང་ན
ཕར་ཚུར་མེད་ལ ཕྱི་ནང་མེད
དགའ་སྐྱོ་མེད་ལ རྒྱུ་འབྲས་ཀྱང་མེད་རབས་ཡིན
འོན་ཀྱང་ ལྷག་མ་དེ་སུས་འཚོལ་ངེས
ད་གཟོད་མིག་ཆུ་སླར་ཡང་གཏོང་སྲིད་དམ
མིག་ཆུ་ལགས འུ་གཉིས་ནི་དགྲ་གྲོགས་ཤིག་ཡིན་དགོས་ཡ
གྲོགས་པོ་ཞིག་ནས་དགྲ་རུ་གྱུར་དགོས་པའི་ཁྱེད་རང་
ངའི་གདོང་འདི་ལ་ནམ་ཞིག་ནས་ཐོན་པ་ཡིན
ཉིན་དང་མཚན ལམ་དང་སྲང་
རྐང་ལམ་དང་གཞུང་ལམ
ལྕགས་ལམ་དང་གནམ་གྲུའི་འཁོར་ལམ
རྒྱ་མཚོའི་གཏིང་དང་རི་བོའི་རྩེ
གང་ནས་ཡོང་བ་ཡིན ཁྱེད་ཀྱིས་ང་ལ་བསླབས་པ་ནི
སྡུག་བསྔལ་ཁོ་ན་ལས
ཁྱོད་ཀྱི་མིག་ཆུ་མེད་པའི་དུས་ཚོད་དེ་འགྱོགས་པོ་ཤར་བར་སྨོན།
དེ་རིང་ཁྱེད་ཚོའི་ཁྱིམ་འཚེས་རྒྱལ་ཁབ་ཀྱི་སྲིད་དབང་སྒེར་འཛིན་གྱི་མགོ་རྟིང་སློག་ནོ་གོ་ནས་དགའ་ཡོད།
ཐམས་ཅད་འདི་ལྟར་འཚོ་བཞིན་པའི་འཇིག་རྟེན་ན།
མིག་ཆུ་མེད་དུས་ཤིག་ཡོང་སྲིད་དམ།
གང་ལྟར་གྲོགས་པོ།
ཁྱེད་ཀྱི་སྡུག་བསྔལ་དེ་ཞི་བར་སྨོན།