རྒྱུད་སྟོད་དགོན་པ་གཞུང་བཞེས།

འོ་ཅག་ཚང་མས་དོ་སྣང་དགོས་པ་ཞིག་ལ། མི་ཡུལ་སྐྱིད་པོ་ཇི་ཙམ་བྱུང་ནའང་རང་ཡུལ་བརྗེད་མི་ཉན་ཟེར་བ་ལྟར་དོན་དངོས་ར་འཕྲོད་དགོས་པ་ཞིག་རེད།

སྤྱིར་དགོན་པ་བླ་མ་ལ་བཞུགས་ས་དང་མཐུན་རྐྱེན་དགོས་ངེས་ཤིང།་དེ་དག་ཁོང་ཚོའི་སྐྱོན་རེད་ཞུ་མི་རུང་ཞིང།་དེ་རིང་འདི་ལྟར་ཆགས་པའི་རྐྱེན་རྩ་གཙོ་བོ་སྒེར་གྱི་ངོ་སྲུང་ནས་གནད་དོན་ཆུང་ཆུང་ཆེན་པོ་བཟོ་མཁན་ཚོགས་པ་ཁག་དང།་ལྷག་པར་བསྟན་འཛིན་བརྩོན་འགྲུས་ཟེར་བའི་རས་དམར་བཅིང་མཁན་མ་འཇོན་འཇོན་མདོག་བྱེད་མཁན་དེ་དང།་རྡ་ས་ས་གནས་གཞོན་ནུའི་ཚོགས་གཙོ་ནག་རིས་སྐབས་འཚོལ་པ་དེ་གཉིས་རེད།་ཁོང་གཉིས་ཀྱིས་མི་མང་དཀྲོགས་ཏེ་ངོ་རྒོལ་འདུ་འཛོམས་དེས་རྒྱ་གར་གཞུང་ལ་ཕོག་ཡོད་ངེས་རེད།་

ཡུལ་ཁྲིམས་དང་མི་མཐུན་པར་ཁྲིམས་འགལ་གྱི་སྒོ་ནས་དགོན་སྡེ་དང་ཚོགས་པ་གང་མང་ཞིག་རྡ་ས་གཙོས་པའི་བོད་མི་འདུས་སྡོད་ས་ཁུལ་གང་སར་བརྒྱབས་ཡོད་པ་ཧ་ཅང་གསལ་བོ་རེད། བླ་ཆེན་དང་མཁས་དབང་སོགས་ཀྱི་མིང་འཁུར་མཁན་ཚོས་འཇ༹མ་གླིང་ཞི་བདེ་དང་མ་གྱུར་འགྲོ་བ་སེམས་ཅན་ཐམས་ཅད་ཟེར་བཞིན་རང་ཉིད་སྡོད་སའི་རྒྱལ་ཁབ་ཀྱི་ཁྲིམས་ཡོངས་རྫོགས་སྣང་མེད་དུ་གཏོང་ཇི་ཐུབ་བྱེད་ཀྱིན་ཡོད་པ་རེད། ཁོང་ཚོས་ཁ་ནས་བཤད་པ་དང་ལག་ལེན་གཉིས་བསྡུར་ཡོང་དུས་ང་དངོས་གནས་སྐྱུག་ལངས་ཀྱི་འདུག ད་ཐེངས་ས་གནས་རྒྱ་གར་གཞུང་གིས་འདི་ལྟར་ཁྲིམས་ལུགས་དང་མཐུན་པའི་སྒོ་ནས་ཞུབ་གཤེར་བྱས་ཡོང་དུས་ང་ཚོས་ལག་གཉིས་ཐལ་མོ་སྦྱར་ནས་ཐུགས་རྗེ་ཆེ་ཞུ་བཞིན་ཡོད། གང་ཡིན་ཟེར་ན་བོད་མིའི་སྤྱི་ཚོགས་ཁྲོད་ཀྱི་གོ་གནས་ཅན་འདི་ཚོར་གནས་ལུགས་རྒྱུ་མཚན་བཤད་པས་ཉན་གྱི་མ་རེད་ལ་དེ་ལྟར་བཤད་ཕོད་མཁན་ཡང་ཡོད་མི་སྲིད་པ་ཞིག་རེད། མ་རྩ་མི་དགོས་པར་རྒྱུ་ནོར་གྱིས་ཕྱུག་སྡད་པའི་ཁྲིམས་འགལ་མཁན་དང་ཆོས་ལུགས་བེད་སྤྱེད་ནས་མི་མང་ལ་མགོ་སྐོར་གཏོང་མཁན་འདི་ཚོར་མཇུག་འབྲས་འདི་ལྟ་བུ་ཞིག་མེད་ཚེ་ངས་བོད་མིའི་སྤྱི་ཚོགས་འདི་ག་འདྲ་ཞིག་ཆགས་ཡོང་སྙན་པའི་སེམས་འཁྲལ་རྒྱུན་ཏུ་ཡོང་གི་འདུག ཡིན་ཡང་ད་ཐེངས་ཡག་པོ་བྱུང་སོང་པས་འདི་དག་ལས་ང་ཚོས་བསླབ་བྱ་ལེན་དགོས།

གསར་འགྱུར་གྱི་ཁ་བྱང་ལ་ཀློག་པ་པོ་ཚོའི་བློ་འགུག་ཐུབ་པ་ཞིག་བྱ་ཐུབ་མིན་དེ་གསར་འགོད་པའི་ནུས་རྩལ་རེད། ནང་དོན་གྱི་ཆ་ནས་ཀྱང་། རྒྱུད་སྟོད་དགོན་པ་གཞུང་བཞེས་བཏང་བྱས་བཀོད་ཡོད་ཀྱང་། གསར་འགྱུར་གྱི་དངོས་གཞིའི་ནང་” རྒྱུད་སྟོད་དགོན་པའི་ས་ཆའི་བདག་དབང་དེ་ཧི་མ་ཅལ་མངའ་སྡེ་གཞུང་གིས་རྩིས་ལེན་གྱིས་མིང་བསྒྱུར་བྱས་ཡོད་འདུག ” ཞེས་བཀོད་འདུག འདི་ལ་འགལ་བ་གང་ཡང་མེད།
སྔར་ལོ་འཇར་མན་༼ ཕོ་ཉ ༽ གསར་ཤོག་ཐོག་ཁ་བྱང་ལ། ༼ གྲོས་ཚོགས་གོང་མའི་སྒོ་རྒྱབ་སོང་། ༽ ཟེར་བ་ཞིག་བཀོད་པ་རེད། ནང་དོན་གྲོས་ཚོགས་ནང་དངུལ་རྩིས་ཤིག་ལ་གནད་དོན་བྱུང་སྟེ། ནམ་རྒྱུན་ཕྱི་དྲོའི་ཆུ་ཚོད་ ༤ སྟེང་གྲོལ་གྱི་ཡོད་ཀྱང་། ཉིན་དེར་ཆུ་ཚོད་ ༣ དང་ཕྱེད་ཀའི་སྟེང་གྲོལ་དགོས་བྱུང་ཡོད་པ་རེད། གསར་འགྱུར་དེའི་ཁ་བྱང་འགོད་སྟངས་ལ་སྐད་དྲག་ཆགས་པ་རེད།

རྔམ་ཆེ་ན་སྟག་མོ་ཤ་གི་རྣོང་། རྒྱུག་ཆེ་ན་རྐྱང་དཀར་བོང་སྡུག་ཁུར། བརྗོད་པ་བཞིན་བཙན་བྱོལ་བའི་གཞིས་དགོན་གང་སར་ཕན་ཚུན་འགྲན་རྩོད་དངོས་མ་ཡིན་ན་ཡང་འགྲན་རྩོད་ལྟ་བུའི་བཙན་བྱོལ་བོད་པའི་ཡར་རྒྱས་འདི་ལ་སྤྱི་རྒེར་སུ་ཡིན་ན་ཡང་ཅུང་འགྱོག་དྲག་པ་དང་རྔམ་ཆེ་དྲག་པའི་རྣམ་པ་རང་བཞིན་གྱི་ཡོད་པར་བརྟེན། བྱ་བ་མང་ན་བྱུར་གཞི་ཡང་དེ་ཙམ་ཆེ་བར་འབྱུང་བ་ཆོས་ཉིད་ལ། རྒྱ་བལ་གཉིས་སུ་བོད་བརྒྱུད་དགོན་སྡེ་རྣམས་ཀྱང་གཅིག་ལས་གཅིག་ཆེ་བ་དང་གཅིག་ལས་གཅིག་རྫིག་པ་རྐྱང་གཅིག་ཡིན་པར་བརྟེན། གནས་སྡོད་ཡུལ་མི་རྣམས་ཀྱང་རང་བཞིན་གྱི་ཁོ་ཚོའི་ས་ནས་འཕྲོག་བཅོམ་བྱེད་པ་ས་ཁང་སྦར་མཐིལ་གང་མེད་ན་ཡང་སོ་སོའི་ཕ་ས་དྲོན་མོ་ཡིན་ཙང་། ཁོ་ཚོའི་སེམས་ལ་མི་དགའ་བ་དང་མི་སྤྲོ་བ་དེ་ངང་གི་འབྱུང་བ་འདི་ཡང་ཆོས་ཉིད་ཡིན། སྦྱིར་བོད་མི་ཡོངས་རྫོགས་ཁྲ་ཁྲ་འུར་འུར་གྱིས་འཚོ་བ་ལ་དགའ་སྣང་དང་། ནང་སྟོང་ཕྱི་རྫིག་གི་གསོན་ཉམས་ལ་སྤྲོ་བའི་མི་རིག་ཞིག་ཡིན་དུས་འགྲོ་འདུག་རྒྱན་སྤྲས་སོགས་ལྟ་བའི་ཐོག་ནས་ཀྱང་ཧེ་བག་ཆེན་པོ་རང་བཞིན་གྱིས་འབྱུང་གི་ཡོད་པ་དངོས་གསལ་རེད། སྔོན་༸གོང་ས་མཆོག་གིས་བཀའ་སློབ་ལས་ཀྱང་འདིར་གཞིས་དགོན་སུ་ཡིན་ཡང་སྡོད་གནས་ཆུང་ཆུང་ཞིག་ལ་མིང་ཆེན་པོ་ཞིག་འདོགས་ནས། རང་གི་ཆོས་རིག་ལ་དགོས་པའི་ཤེས་ཡོན་འདི་དག་མཐུས་ཤོར་མི་འགྲོ་བར་སྲ་ཁྲིག་ཁྲིག་བྱེད་པ་འདི་གནད་ཆེན་པོ་འདུག་གསུང་ནས་ད་ལྟ་སྐུ་མདུན་བཞུགས་གནས་ལ་གཟིགས་དང་དགོངས་གཞི་གནས་མ་དེ་ཕྱག་ལས་བསྟར་འདུག་དང་མི་འདུག་བོད་མི་ཀུན་གྱི་མཁྱེན་གསལ་རེད། སྤྱི་ནོར་ཆེན་པོའི་བཀའ་གསུང་འདི་ལས་བརྒལ་ནས་བཙན་བྱོལ་བའི་གཞིས་དགོན་གཉིས་ཀ་ཆེ་བ་དང་ཡག་པ་ལ་ཚོད་མེད་པ་མི་ཚེ་གང་པོའི་སྡོད་ས་བཞིན་ས་གནས་ཧི་མ་ཅར་དོག་པོར་བྱེད་པ་བཟོ་ཚར་དུས་ད་དངོས་གནས་ཀུན་གྱིས་གཟབ་གཟབ་མ་བྱས་ན་སྤྱི་སྒེར་ཡོངས་ལ་དོན་རྐྱེན་ཆེན་པོ་ཞིག་སློང་བ་ལས། རང་གར་གཡུག་བཞག་པའི་སྲིད་ཇུས་ཞིག་མི་འབྱུང་བ་དངོས་ཐག་ཆོད་སོང། སྲིད་དོན་ལ་སྙིང་རྗེ་ཞིག་ཡོད་ན་དེ་སྲིད་དོན་མི་ཤེས་པ་དང་། སྲིད་དོན་ལ་ཞིབ་གཤེར་མེད་ན་རྒྱལ་ཁབ་འཛུགས་མི་ཐུབ་པ་ཡིན་དུས། ཏིག་ཏིག་བརྗོད་ལུགས། འཇུག་མ་གྱུ་ཕྱོགས་གང་ལ་གཞིག་ན་ཉོག་གྲ་ཆེན་པོ་ཞིག་སློང་བ་ཁོ་ཐག་ཆོད་འདུག ཡིན་ན་ཡང་རྒྱ་གར་བའི་ཁྲིམས་སྲིད་འདི། ལི་ཚ་བརྡུང་། ཐོ་བ་ཕྱེད་གསུམ་ནི་མ་ཡིན་པར་ཀན་སེལ་ན་ཚ་བཞིན་རིམ་པར་ངང་སྲིང་ནས་མཇུག་ཁྲིམས་ལས་གཏུག་ས་ཞིག་ལས་འགྲོ་ལམ་མེད་པ་ཀུན་གྱི་མཁྱེན་གསལ་ལས་སོ་སོའི་ཁྱབ་ཁོང་ནས་དེ་ལན་གྲ་བསྒྲིགས་ཨང་སང་བྱེད་དགོས་པ་ལས། འདི་ལ་སྒྱིད་ལུགས་རྩ་བ་ནས་བཏང་མི་ཉན། སྤྱིར་དྲང་པོའི་ཁྲིམས་ཞིག་གལ་སྲིད་ཡོད་པའི་དབང་དུ་བཏང་ན། བཙན་བྱོལ་བའི་གཞིས་དགོན་གཉིས་ཆར་གྱི་ཡར་རྒྱས་འདི་དག་རྒྱ་གར་རང་གི་ས་ཆ་ལ་ཡར་རྒྱས་བཏང་བ་ཞིག་ལས་གཞན། པ་ཁི་སི་ཐན་དང་། བྷང་ལ་དྷེ་ཤིན་ལྟ་བུ་ལ་སྤྲད་རྒྱུའི་ཡར་རྒྱས་ཞིག་མིན་པར་བརྟེན་ངོ་མའི་ཁེ་སང་དེ་རྒྱལ་ནང་གི་མི་དང་རྒྱལ་ནང་གི་གཟི་བརྗིད་ལས། བོད་ལ་རང་བཙན་དང་རང་སྐྱོང་གང་བྱུང་ན་ཡང་བོད་པས་རྒྱབ་ཏུ་ཁེར་འགྲོ་རྒྱུའི་ཅ་ལག་ལྟ་བུ་ཞིག་མིན་པ་གསལ་པོ་རེད།
ཡར་རྒྱས་ཀྱང་རྒྱ་གར་ནང་ཡིན་ལ་དངུལ་དམར་ཡང་རྒྱ་གར་མིའི་ལག་པ་ལས་གཞན་དུ་འགྲོ་ཁུང་མེད། དེར་བརྟེན་གནས་སྐབས་འཚོ་སྡོད་བྱ་ས་ཙམ་ལ་ཡར་རྒྱས་འདི་ལྟ་བུ་བཏང་བ་ལ་དགའ་འོས་པ་ཞིག་ལས་ཞེད་དགོས་པ་དང་ཉེན་ཆེ་བའི་བྱ་བ་ཞིག་གཏན་ནས་མི་འདུག་བསམ།
ཡིན་ཡང་འཇིག་རྟེན་གྱི་དཔེ་ལ་མཐུན་འདོད་ན་ཞིབ་ཚག་ཟེར་བ་བཞིན་གཅིག་བྱས་ན་རྒྱ་གར་བས་བཟང་པོའི་སེམས་ཀྱིས་མི་དགའ་བ་དང་ལྟ་བ་ནོར་པའི་རིགས་ཐམས་ཅད་རྩད་གཅོད་ཀྱི་ཕྱིར་དུ་ཡིན་མི་སྲིད་པ་མིན། གང་ལྟར་ཀྱང་ལས་ཚར་བ་ནི་ཚར་སོང་། གསར་དུ་འགོ་འཛུགས་ཀྱི་ལས་འཆར་ལྟ་བུ་རྣམས། ལྟ་བ་ནམ་མཁའ་ལས་མཐོ་ཀྱང་། ལས་རྒྱུ་འབྲས་བག་ཕྱེ་བས་ཞིབ་ཟེར་བ་བཞིན་རྒྱུ་དངོས་ཡོང་འབབ་ག་ཚོད་ཙམ་ཡོད་ན་ཡང་། སྤྱི་ཚོགས་གང་སར་དོན་རྐྱེན་ཕྲ་མོ་ཙམ་ཡང་མི་འབྱུང་བའི་ཉམས་ཆུང་འགྲོ་ཤེས་འདུག་ཤེས་ཞིག་ཕྱག་ལས་གནང་བ་དང་། རྒྱ་དཀར་དཀར་ནག་གི་མི་ག་འདྲ་ཞིག་ཡིན་ན་ཡིད་ཆསེ་མི་སྔ་བར་ཁོག་གཟབ་ནན་པོ་བྱེད་དགོས་པ་ནི་བཙན་བྱོལ་བ་སྤྱི་ཡོངས་ཀྱི་སྲིད་དོན་དང་འབྲེལ་བའི་ལས་འགན་དངོས་མ། སྔ་ལྟས་ཕྱིས་དཔྱོད་གང་བྱས་ཀྱང་གལ་ཆེན་ཞིག་ཡིན་པར་མངོན་ནོ།

རྒྱུད་སྟོད་དགོན་པ་གཞུང་བཞེས་པའི་འགོ་བརྗོད་འདི་ངས་བལྟས་ན་ཅུང་ཟད་ཐལ་ཆ་ཆེ་དྲག་འདུག ངས་གནས་ཚུལ་ཞིབ་ཕྲ་ཤེས་མ་སོང་། འོན་ཀྱང་གནད་དོན་ཆུང་ཆུང་ཞིག་ཆེན་པོ་བཟོས་ན་ཡག་པོ་མི་འདུག དེའི་ཐོག་གསར་འགོད་པ་ཚོས་གཟབ་གཟབ་གནང་རྒྱུ་དེ་བས་གལ་ཆེ།

ངས་ཁ་སྔོན་ནས་གནས་ཚུལ་འདིའི་སྐོར་ལ་བོད་མི་ཚོས་ཚ་ཚ་འུང་འུང་ཞེ་དྲག་མ་བྱས་ན་བསམ་ཡོད། ད་དོན་དག་ཇེ་སྡུག་ཏུ་སོང་མི་འདུག་གམ། ཚོགས་པ་ཙག་ཙིག་རེ་གཉིས་དང་མི་སྣ་ར་བཟི་བ་འདྲ་བ་འགའ་རེས་རྟག་ཏུ་གོ་སྐབས་བཙཌྷ་ཏེ་ཚ་ཚ་འུར་འུར་འདྲ་བཟོ་གི་རེད་པས། དོན་གལ་གནད་ལ་ཐུགས་དུས་ཅི་དང་གང་ཡང་བྱེད་མི་ནུས་ལ་འཇོན་གི་ཡང་མ་རེད། ད་བལྟས་ཡོང་ན་དཀའ་ངལ་ཇེ་ཆེ་དང་གནས་ཚུལ་ཇེ་སྡུག་ཏུ་མི་འགྲོ་བའི་གདང་མེད་པས་གང་གཟབ་གཟབ་གནང་གལ་ཆེ་བར་སེམས།

རྒྱུད་སྟོད་དགོན་པ་གཞུང་བཞེས་བཏང་བ་ཞེས་ལབ་ན་ཏག་ཏག་བསྡད་ཨེ་ཡོད་དམ། དེ་བས་རྒྱུད་སྟོད་ཀྱི་ས་ཆའི་བདག་དབང་གཞུང་བཞེས་བཏང་ཟེར་དགོས་པ་འདྲ་ཞིག་སེམས་ལ་ཤར་གི

གནད་དོན་འདིའི་སྐོར་ནས་ལས་སླ་བོར་ཤེས་ཐུབ་པ་ཞིག་ནི། ད་མི་རིང་བར་རང་རེའི་བཙན་བྱོལ་བའི་ཚོགས་པ་སྐྱིད་སྡུག་ཁག་གིས་ཁྲིམས་མཐུན་མ་ཡིན་པའི་ཁང་བརྩེགས་འདྲ་མིན་བརྒྱབ་པ་དག་ཕྱིར་བསྡུ་བྱ་ངེས་པ་དེ་རེད། ད་འདིའི་ཐད་ལ་བསམ་བློ་བཏང་ན་ཡག་ས་རེད་འདོད་ཀི དེ་མིན་འདས་པའི་གནད་དོན་དག་ལ་རྨོངས་འཐོམ་འཐོམ་གྱིས་བགྲོ་གླེང་བྱེད་པ་ལས་མ་འོངས་པའི་སྐོར་ནས་གླེང་ན་དགེ་ཕན་ལོས་ཆེ་འདོད་ཀི

ཧི་མ་ཅལ་མངའ་སྡེ་ནས་༧དཔལ་ལྡན་རྒྱུད་སྟོད་གྲྭ་ཚང་རྩིས་བཞེས་གནང་བར་སྙིང་ནས་བློ་ཕམ་ཆེ། མ་གཞི་ཞུ་ལེ་མིན་ད་དུང་རྒྱ་གར་དབུས་གཞུང་དང་། མངའ་སྡེ་གཞུང་ཁག་ནས་བོད་རིགས་ལ་དབང་བའི་ཅ་དངོས་རིགས་ག་ཚོད་གཞུང་བཞེས་དང་ཟ་རྩིས་ཡོད་ན་? ཡིད་གཟབ་མཛོད་བོད་པ་ཚོ།
།ཪང་བཙན་མེད་ན་རང་དབང་མེད། །རང་དབང་མེད་ན་བདེ་སྐྱིད་མེད། །དེར་བརྟེན་ཀླད་ལྡན་གངས་ཅན་རྣམས། །རང་དབང་བརྩོད་ལ་ཅིའི་མི་འབུངས།།

མ་ལབ་ན་མ་ཤེས། ལབ་ན་མ་སྒྲིགས།
མ་གཞི་ནས་ང་ཚོ་ནང་པའི་དགེ་འདུན་པ་ཚོས་མི་སྐྱ་ལས་ལྷག་པ་མི་ཚེ་སྐྱིད་པོ་གཏོང་རྒྱུ་ལས། ཚེ་ཕྱི་མ་དང་མཐར་སངས་རྒྱས་ཀྱི་གོ་འཕང་ཆེད་དུ་དལ་འབྱོར་གྱི་མི་ལུས་འབད་སྤྱོད་ཚད་ལྡན་གཏོང་གི་ཡོད་མེད་ཐེ་ཚོམ་རེད་བཞག
རྒྱུད་སྟོད་གྲ་ཚང་དེ་སྔ་འབུམ་དེ་ལར་ཡོད་རེད། ཕྱི་སུ་རྡ་ས་ཉེ་སར་སྤོས་པ་རེད། དངོས་གནས་བྱེད་ན་གྲ་ཚང་དེ་ཚོ་ཆོས་ཐོས་བསམ་སྒོམ་གསུམ་བྱེད་ས་ཡིན་པ་རེད། ཕལ་ཆེར་སྦྱིན་བདག་ཚོས་ཡང་འདི་བསམ་ཡོད་ཞག་རེད། ཆོས་སྦྱང་སའི་ས་ཆ་འབུམ་དེ་ལ་ཡག་པོ་ཡོད་བཟོ་འདུག
མ་གཞི་ནས་གྲ་ཚང་ཁག་རྒྱས་སྤྲོད་ཧ་ལས་པ་ཆེ་གྲགས་ཀྱི་འདུག བསམ་བློ་གཏོང་དགོས་ཡ་ཅིག་རེད་འདུག་ད།
རྒྱ་གར་ནང་ཡོད་པའི་གྲ་ཚང་ཁག་ལ་བལྟས་ན། བོད་རང་བཙན་རགས་ནའང་བོད་ལ་ལོག་ཨ་ཡོང་བསམ་བསམ་འདུག
འདི་ངས་ལྷག་བསམ་རྣམ་དག་ཐོག་བྲིས་པ་ཡིན་མ་ཏོགས། གྲ་ཚང་དང་ནང་ཆོས་ལ་དད་མོས་མེད་པ་རྩ་བ་ནས་མིན་ནོ།།

གསར་འགྱུར་འདི་གཉིས་འགོད་སྟངས་ཅུང་མི་འདྲ་བ་འདུག
དེ་ཡང་གལ་ལྟར་བོད་ཀྱི་བང་ཆེན་དུ་འདི་ལྟར་འཁོད་འདུག

རྒྱུད་སྟོད་དགོན་གྱི་ས་ཆའི་བདག་དབང་མིང་བསྒྱུར
་རྒྱུ།
རྒྱ་གར་བྱང་རྒྱུད་ཀྱི་ཧི་མ་ཅལ་མངའ་སྡེའི་གཞུང་གིས་དཔལ་རྒྱུད་སྟོད་གྲྭ་ཚང་གི་ས་ཁང་གི་བདག་དབང་དེ་མངའ་སྡེ་དེའི་གཞུང་གི་མིང་དུ་ཁྲིམས་སྲོལ་ལྟར་སྒྱུར་རྒྱུའི་གསལ་བརྡ་ཞིག་བཏང་ཡོད་འདུག

ཟླ་འདིའི་ཚེས་༡༤ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ༧རྒྱལ་བ་ཀརྨ་པའི་གནས་སྐབས་ཀྱི་བཞུགས་གནས་རྒྱུད་སྟོད་གྲྭ་ཚང་དེ་ཕྱི་ལོ་༢༠༠༢ ལོར་མངའ་སྡེ་དེ་གའི་ཡུལ་མི་ལྡི་ལི་རམ་དང་པཱམ་སིང་གཉིས་ཀྱི་མིང་ཐོག་ནས་ས་ཁང་དེའི་བདག་དབང་དེབ་སྐྱེལ་བྱས་ཡོད་པ་དེ། ཟླ་འདིའི་ཚེས་༡༥ མངའ་སྡེ་གཞུང་གི་མིང་དུ་བསྒྱུར་རྒྱུ་ཡིན་ལུགས། རྒྱུད་སྟོད་གྲྭ་ཚང་གི་འབྲེལ་ཡོད་ལས་ཁུངས་སུ་སྔོན་བརྡ་ཞིག་བཏང་ཡོད་ཅེས་མངའ་སྡེའི་ཁྲལ་བསྡུ་འགན་འཛིན་རྒན་པ་སྐུ་ཞབས་ནཱ་རེན་ཤི་ཀུ་མར་གྱིས་བརྗོད་འདུག

༧གོང་ས་མཆོག་གིས་དབུ་ཁྲིད་པའི་བཙན་བྱོལ་བོད་གཞུང་གིས་ཕྱི་ལོ་༢༠༠༦ དང་༢༠༠༧ ཙམ་ཀོང་རེ་སི་ཆབ་སྲིད་ཚོགས་པས་མངའ་གཞུང་གི་སྲིད་སྐྱོང་སྐབས། མངའ་སྡེའི་བློན་ཆེན་སྐུ་ཞབས་ཝིར་བྷ་དྷར་སིང་མཆོག་ལ་བོད་མིས་ཁྲིམས་འགལ་ཐོག་ནས་ས་ཁང་བདག་དབང་དེབ་སྐྱེལ་བྱས་པ་ཁག་༧༣ གྱི་ཐོ་གཞུང་རྣམས་དྭངས་བླང་གི་ཐོག་ནས་མངའ་གཞུང་ལ་སྤྲད་པའི་འབྲས་བུར། བློན་ཆེན་གྱིིས་སློབ་གྲྭ་དང་དགོན་སྡེ་ཁག་མངའ་སྡེའི་མིང་ཐོག་ནས་བདག་དབང་ལེན་རྒྱུ་དང། རྗེས་སུ་ས་ཁང་དེ་དག་ལོ་ངོ་སུམ་ཅུའི་རིང་ཕྱིར་བཙན་བྱོལ་གཞུང་གི་མིང་ཐོག་ནས་བོགས་མ་གཏོང་རྒྱུ་དང། བོགས་མ་གཏོང་གླ་ས་ཁང་གི་སྤྱིའི་རིན་འབབ་ཀྱི་བརྒྱ་ཆ་༡༠ མངའ་སྡེ་གཞུང་ལ་འབུལ་དགོས་པའི་ཞལ་བཞེས་བཟང་པོ་ཐོབ་ཡོད་པ་རེད།

བཙན་བྱོལ་བོད་གཞུང་གིས་ཧི་མ་ཅལ་མངའ་གཞུང་ལ་རྩིས་འབུལ་ཞུས་པའི་གོང་འཁོད་ས་ཁང་༧༣ ནས་ས་ཁང་༤༠ བདག་དབང་མངའ་སྡེ་གཞུང་གི་མིང་ཐོག་ཏུ་བསྒྱུར་ཟིན་ལུགས་དང། རྒྱུད་སྟོད་གྲྭ་ཚང་གཙོས་པའི་འཕྲོས་ས་ཁང་རྣམས་ཀྱི་བདག་དབང་མིང་བསྒྱུར་གྱི་བརྒྱུད་རིམ་འགྲོ་བཞིན་ཡོད་ལུགས་སོགས་འཁོད་འདུག

ཆུང་ཆུང་ཆེན་པོ་མ་བཟོ་ཞེས་ཐེངས་མ་མང་པོ་ཞུས་ཀྱང་ཉན་མཁན་མེད་ལ་ བསྟན་འཛིན་བརྩོན་སྒྲུས་ཀྱི་བཙོས་མི་མང་པོས་བཀའ་ཤག་ཀྱི་བཀའ་ལ་མ་རྩིས་པར་ཆུང་ཆུང་ཆེན་པོ་དེ་བཟོས་སོང་ ངས་བྱས་ན་ད་ལྟའང་ཆེན་པོ་དེ་ཙམ་མེན་པས་ ད་དུང་ཆུང་ཆུང་་ཆེན་པ་ོམ་བཟོས་ན་ཡག་པོ་འདུག་ གནས་ཚུལ་དེས་རྐྱེན་པས་བོད་མི་རྣམས་ཚོད་མ་ཟིམ་ན་དེ་ལས་ལྡབ་མང་པོས་ཆེ་རུ་འགྲོ་རྒྱུའི་ཉེན་ཁ་ཆེན་པོ་འདུག་ ཆུང་ཆུང་ཆེན་པོ་མ་བཟོ་ མ་མེའི་ཁྲོམས་མང་ན་རང་ཉིད་མེས་སྲེག་གི་རེད་

རང་མི་རིགས་ལ་ཆག་སྒོ་རྒྱུན་མི་ཆད་པ་ཡོང་བཞིན་པར་འགའ་ཤས་ལ་ལྟས་མོ་ཆེ་བ་དངོས་གནས་ཡ་མཚན་རེད་ཡ།

བྱེད་སྟངས་དེ་ཧ་ཅང་གི་ཐལ་དྲག་པ་རེད། དོན་ངོ་མར་རྒྱ་གཞུང་གི་དངུལ་རྔན་དེ་སུུས་ཟ་གི་ཡོད་མེད་ཐད་ལ་ཐེ་ཚོམ་རེད།

ཡུལ་ཆུ་འཐུང་ན་ཡུལ་ཁྲིམས་བརྩི་དགོས་ཚུལ། ཅི་ཙམ་གསུངས་ཀྱང་ཉན་འཇོག་མི་བྱེད་པ།
དམངས་གཙོ་ཡིན་ཡང་ཁྲིམས་ཀྱི་དབང་སྒྱུར་འདི། མ་བརྩིས་རང་ལས་ལེ་ལན་སུ་ལ་བདའ།
རང་དབང་ལུང་པར་རང་ཚུགས་མ་ཐུབ་པར། རང་སྡུག་རང་གིས་ཉོས་འདི་གདམས་ངག་བྱོས།།

ཡ་ཡ་ད་ཡིན་ན། རང་ཡུལ་དགྲ་ལག་ཏུ་ཤོར་ནས་མི་ཡུལ་ལ་སྐྱབས་བཅོལ་ནས་མི་ལོ་ལྔ་བཅུ་ང་གཅིག་ཕྱིན་སོང་། ཡང་བསྐྱར་གནས་ཚང་བདག་པོ་ཚང་གི་སྡོད་རུ་མ་བཅུག་ན། གང་ཞིག་ལ་འགྲོ་དགོས་ཀྱི་ཡོད་དམ། ངས་སྤུན་ཟླ་ཚོ། བསམ་བློ་ཞིག་བཏང་དང་། ང་ཚོས་གང་མགྱོགས་ཀྱི་རང་ཡུལ་རྩོད་ལེན་བྱས་ནས། རང་ཡུལ་ལ་ལོག་པ་མིན་ནམ། ང་ཚོས་ཅི་ནས་ཀྱང་མི་ཟད་ཕ་ལ་ཐུག་ཕ་ཟད་བུ་ལ་ཐུག་ཀྱང་། རང་ཡུལ་རྩོད་ལེན་བྱེད། ཁྱེད་ཚོས་ཅི་ནས་ཀྱང་རང་ཡུལ་གངས་རིའི་ལྗོངས་དེ་མ་བརྗེད་པ་གྱིས་ཨང་། ང་ཚོ་ཚང་མ་རང་ཡུལ་ལ་སླེབས་མཚམས་ནས། སུ་དང་གང་གིས་ཀྱང་གཉའ་གནོན་དང་བརྙས་བཅོས་ཁུར་མི་དགོས་ལ། སུ་གང་གིས་ཀྱང་ཐུབ་ཚོད་བཏང་མི་ཐུབ་པས། ང་ཚོའི་རང་ཡུལ་དགྲ་ལག་ནས་ལོན་ཐབས་བྱེད་དང་། ངས་སྤུན་ཟླ་ཚོ། ཁྱེད་ཚོས་གཉིད་ལས་སོད་དང་།

ཨ་ལ་ལ་ཁ་བྱང་ལ་བལྟས་ན་རྒྱ་ནག་དྲན་བཅུག་གི་འདུག ཡིན་ནའང་། གཙང་མ་བཟོས་ན་ཡག་པོ་ཆགས་རྒྱུ་རེད་པ། རིག་གཞུང་གི་ཚོགས་སྡེ་དེ་དག་ལ་དཀའ་ངལ་སྤྲད་ན་གྱོང་ཆེན་པོ་རེད། དེ་ལས་ཕྱུག་པོ་གཏེར་བ་ཚོ་ལ་ཞིབ་འཇུག་མཐིལ་ཕྱིན་རེ་བྱས་ན་ཡག་པོ་འདུག