བདུན་ཕྲག
་སྔོན་མའི་ནང་དུ་སྐུའི་གཅེན་པོ་སྟག་འཚེར་རིན་པོ་ཆེ་མཆོག་གི་སྲས་འཇིགས་མེད་ནོར་བུ་ལགས་ཨ་རིའི་ཧྤུ་ལོ་རེ་ཌི་ནང་དུ་བོད་རང་བཙན་གྱི་ཆེད་དུ་ཞི་བའི་གོམ་བགྲོད་ལ་ཕེབས་བཞིན་པའི་སྐབས་སུ་གཞུང་ལམ་ཆེན་པོ་ཞིག་གི་སྟེང་དུ་རླངས་འཁོར་གྱིས་བརྒྱབ་སྟེ་སྐུ་ཚེའི་འཕེན་པ་རྫོགས་ཡོད་ཅིང་། བོད་ལུགས་ལོ་གསར་ལ་བདུན་ཕྲག་འགའ་མ་གཏོགས་མེད་པའི་སྐབས་འདིར་འཛམ་གླིང་གང་སར་གནས་སྡོད་ཀྱི་བོད་རིགས་དང་བོད་དོན་རྒྱབ་སྐྱོར་བ་ཚང་མར་ཡིད་སྐྱོའི་གནས་ཚུལ་དེ་འབྱོར་ཡོད་པ་རེད། ཉིན་འདི་དག་གི་རིང་བོད་པ་ཚང་མས་ག་ས་གང་དུ་སྐུ་གཤེགས་དཔའ་བོ་ཁོང་ལ་མྱ་ངན་གུས་འདུད་དང་། ཁོང་གི་ཤུལ་ལུས་ནང་མི་དང་ཡབ་གཞིས་ཚང་ལ་གདུང་སེམས་མཉམ་སྐྱེད་དང་། འདས་པོ་དམ་པ་ཁོང་གང་མགྱོགས་བདེ་བ་ཅན་གྱི་ཞིང་ནས་འཁྲུངས་པའི་གསོལ་བ་སྨོན་ལམ་འདེབས་བཞིན་པ་ལྟར། དེ་རིང་ཕྱི་ཚེས་ ༡༩ ཉིན་ཁེ ན་ཌེའི་བྷེ་སེ་བོད་རིགས་མི་མང་ཝན་ཁོ་ཝར་གྱི་མཚན་སྒྲོགས་དགོན་པའི་ནང་འཛོམས་ཞིང་། མཚན་སྒྲོགས་རིན་པོ་ཆེ་མཆོག་དབུ་བཞུགས་ཀྱིས་གསོལ་བ་སྨོན་ལམ་དང་། མ་ཎི་གསོག་པ། མཆོད་མེ་སྒྲོན་པ་སོགས་བྱས་ཡོད་པ་རེད། དགོང་མོ་དུས་ཚོད་ ༧ ནས་བོད་རིགས་རྣམས་སླར་ཡང་ཁྲ་མགུ་རིན་པོ་ཆེ་མཆོག་གི་དགོན་པར་འཛོམས་ཏེ་མུ་མཐུད་དེ་མ་ཎི་སྐྱོར་འདོན་དང་གསོལ་བ་སྨོན་ལམ་བཏབས་ཡོད་པ་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ངོ་མ་ང་རང་ཚོ་བོད་པ་ཚོའི་ལས་དབང་ལ་འགྱུར་ལྡོག་འགྲོ་རྒྱུ་ཨེ་ཡོད། རྒྱ་མི་གུང་ཁྲན་གྱིས་ང་ཚོའི་རྒྱལ་གཅེས་ལྷག་བསམ་ཅན་རྣམས་གཅིག་འཇུག་གཉིས་མཐུད་ཀྱིས་དམིགས་མེད་དུ་བཟོས་དང་བཟོ་བཞིན་པ་མ་ཟད། བཙན་བྱོལ་རང་དབང་ལུང་པར་ཡོད་པའི་མི་རིགས་ཀྱི་ལ་རྒྱ་དང་ཞུམ་པ་མེད་པའི་སྙིང་སྟོབས་ཅན་ལ་ཡང་འདི་ལྟ་བུའི་གོད་ཆག་བྱུང་བ་ནི་ཐབས་སྡུག་རང་རེད།
སྐུ་གཤེགས་དེ་ཉིད་ཀྱིས་བྱས་བསགས་སྡིག་ལྟུང་མ་ལུས་པ་དག་ནས་བླ་མེད་རྫོགས་བྱང་མྱུར་དུ་འཐོབ་པའི་སྨོན་འདུན་ཤུགས་དྲག་བཅས།
དངོས་གནས་རེད་བོད་མའི་ཚངས་མས་ཁོང་ལ་དགེ་རྩ་གང་འགྲུབ་ཡོངས་བའི་ཡིད་ཆེས་ཡོད་
དངོས་གནས་ཡིད་སྐྱོ་བའི་གནས་ཚུལ་ཞིག་རེད་ང་ཚོར་བོད་མི་ས་ཡ་དྲུག་ཚང་མའི་མྱ་ངན་ཞུ་འོས་པ་ཞིག་རེད་། ཁ་སེང་རེས་གཟའ་པ་སངས་ཉིན་སུ་ཇཱ་བོད་ཁྱིམ་སློབ་མ་རྣམས་ནས་དམ་པ་ཁོང་གི་ཆེད་དུ་བཟང་སྤྱོད་སྨོན་ལམ་འདོན་པ་དང་མ་ནི་གསོག་འདོན་བྱ་བ་ལ་སོགས་གནང་སོང་བའི་གུ་པ་ཡིད་སྨོན་སྐྱེས་བྱུང་་་་་་་་་་དམ་པ་ཁོང་མགྱོགས་ནས་མྱུར་དུ་བོད་ཁ་བཅན་གྱི་ཞིང་ཁམས་སུ་སྐྱེས་བས་གུས་ནས་སྨོན་ལམ་ཞུ་་་་་་་
དཔའ་བོ་འཇིག་མེད་ནོར་བུ་ལགས་ཀྱི་ཐུགས་འདོད་བཞིན་བོད་རང་དབང་མྱུརདུ་ཐོབ་པའི་རེ་སྨོན་ཞུ།