ཨ་རབ་གླིང་གི་མི་དམངས་ཀྱིས་ངོ་རྒོལ་ཁྲོམ་སྐོར་བྱས་ཏེ། དམངས་གཙོ་བཅོས་བསྒྱུར་དགོས་པའི་འབོད་སྒྲ་བསྒྲགས་པ་དེས། དབུས་ཤར་ས་ཁུལ་ཁག་ཏུ་འཛམ་གླིང་ལོ་རྒྱུས་ཁྲོད་ཀྱི་དམངས་གཙོའི་རླབས་རྒྱུན་ཐེངས་བཞི་བ་དེ་འཕྱུར་ཡོད་ཅིང་། ལྷག་པར་དུ་ཉེ་བའི་ཟླ་འགའི་ནང་ཊའུ་ནེ་སི་ཡཱ་དང་ལྷོ་སུའུ་ཌན། ཨི་ཇིབ་བཅས་ཀྱི་མི་མང་ཚོས་འོས་ལངས་བྱས་ཏེ། རང་བཙན་ཐོབ་པ་དང་སྲིད་གཞུང་མགོ་རྟིང་སློག་པ་སོགས་རྒྱལ་ཁ་བླངས་ཡོད་སྟབས། ཉིན་འདི་གར་དམར་ཤོག་སྒེར་གཅོད་འོག་ཡོད་པའི་རྒྱ་ནག་ཏུའང་༼མེ་ཏོག་བ་སྤུའི་གསར་བརྗེ༽ཡི་རླབས་རྒྱུན་མཆེད་མགོ་བརྩམས་ཡོད་འདུག
ཕྱི་ཚེས་ ༢༠ ཉིན་གྱི་ཕྱི་དྲོའི་ཆུ་ཚོད་ ༢ པའི་སྟེང་རྒྱ་ནག་པེ་ཅིན་དང་ཧྲང་ཧེ། ཀུང་ཀྲུག སུའུ་ཀྲུག ཧྥུ་ཀྲིག ཧྲིན་ཁྲོན། ནན་ཅིན། ཁྲིན་ཏུའུ། ཧྭི་ཨར་པེན་སོགས་རྒྱ་ནག་གི་གྲོང་ཁྱེར་ ༡༣ ནང་གི་གནད་ཡོད་ཁྲོམ་ར་དང་ཐང་ཆེན་ཁག་ཏུ་མི་མང་པོ་འདུ་འཛོམས་གོམ་བགྲོད་བྱས་ཏེ་༼མེ་ཏོག་བ་སྤུའི་གསར་བརྗེ་༽ལས་འགུལ་སྤེལ་མགོ་ཚུགས་ཡོད་པ་དང་། ཉིན་དེར་ཨ་རིའི་གནས་སྡོད་རྒྱ་རིགས་དམངས་གཙོ་དོན་གཉེར་བ་རྣམས་ཀྱང་ནེའུ་ཡོག་གྲོང་ཁྱེར་གྱི་ཐང་ཆེན་དུ་འཛོམས་ཏེ། ངོ་རྒོལ་གྱི་རྣམ་པ་བསྟན་ཡོད་པར་མ་ཟད། ཀོང་ཧོང་དང་ཐེ་ཝན་དུ་ཡང་ངོ་རྒོལ་འདུ་འཛོམས་ཀྱི་ལས་འགུལ་སྤེལ་ཡོད་པ་རེད།
ཐེངས་འདིའི་གསར་བརྗེ་ལ་དབུ་འཁྲིད་མཁན་གཙོ་བོ་ནི་རྒྱ་ནག་གི་ས་ཁུལ་སོ་སོའི་དྲ་དམངས་ཡིན་ཞིང་། རྒྱ་ནག་དྲ་དམངས་ཀྱིས་རྒྱལ་སྤྱིའི་དྲ་ལམ་ཁག་ཏུ་“ང་ཚོར་ཟ་མ་དགོས། བྱ་བ་དགོས། ཁང་ཁྱིམ་དགོས། དྲང་སྙོམས་དགོས” ཞེས་པའི་འབོད་ཚིག་བསྒྲགས་ཡོད་པར་མ་ཟད། དམངས་ཀྱི་འཚོ་བ་ལེགས་བཅོས་དང་ཁྲིམས་སྲིད་རང་བཙན། ཆབ་སྲིད་བཅོས་བསྒྱུར། གསར་འགྱུར་རང་དབང་སོགས་དགོས་འདུན་བཏོན་ཡོད་པ་དང་། དེ་མིན་ནམ་རྒྱུན་གྱི་གཟའ་ཉི་མའི་ཕྱི་དྲོའི་ཆུ་ཚོད་ ༢ པའི་ཐོག་རྒྱ་ནག་གི་དྲ་དམངས་རྣམས་རང་སྟེང་ནས་ཁྲོམ་ར་དང་སྲང་ལམ་ཁག་ཏུ་འདུ་འཛོམས་གོམ་བགྲོད་ཀྱི་ལས་འགུལ་སྤེལ་རྒྱུ་ཡིན་སྐོར་ཡང་བསྒྲགས་ཡོད་འདུག
དོན་རྐྱེན་འདི་བྱུང་རྗེས་རྒྱ་ནག་གི་གྲོང་ཁྱེར་ཁག་ནང་དམག་མི་ཕོན་ཆེན་པོ་འགྲེམས་འཇོགས་བྱས་ཏེ། མི་མང་འདུ་འཛོམས་ཆེ་བའི་ཁྲོམ་ར་དང་ཐང་ཆེན་ཁག་ཏུ་བཀག་སྡོམ་ནན་མོ་བྱས་ཡོད་པ་དང་། དེ་བཞིན་གནས་འཕྲིན་དྲ་རྒྱ་དང་ལག་ཁྱེར་ཁ་པར་གྱི་འཕྲིན་ཐུང་སོགས་ལའང་བཀག་སྡོམ་བྱས་ཡོད་པར་མ་ཟད། འདས་པའི་ཉིན་གཉིས་རིང་རྒྱ་ནག་ནང་ཡོད་པའི་དམངས་གཙོ་དོན་གཉེར་བ་ ༡༠༠ ལྷག་འཇུ་བཟུང་བཀག་ཉར་བྱས་ཏེ་གར་སོང་ཆ་མེད་དུ་གྱུར་ཡོད་འདུག
ཧུའུ་ཅིན་ཐོ་ཡིས་ཕྱི་ཚེས་ ༡༩ ཉིན་རྒྱ་ནག་དབུས་དམར་ཤོག་སློབ་ཆེན་ནང་། ཞིང་ཆེན་རིམ་པའི་གནད་ཡོད་དཔོན་རིགས་ཁག་དང་། རྒྱ་ནག་གི་དངུལ་རྩ་དང་གཞུང་གཉེར་བཟོ་ཚོང་ཁག་གི་དཔོན་རིགས་བཅས་བསྡུ་སྐོང་བྱས་ཏེ། སྤྱི་ཚོགས་དོ་དམ་སྐོར་གྱི་ཚོགས་འདུ་ཞིག་བསྐངས་ཡོད་པ་དང་། ཚོགས་ཐོག་ཏུ་ཧུའུ་ཅིན་ཐའོ་ཡིས་སྤྱི་ཚོགས་འཆམ་མཐུན་ལ་གནོད་པའི་ཤུགས་རྐྱེན་མཐའ་དག་མེད་པར་བཟོ་དགོས་པ་དང་། གནས་འཕྲིན་དྲ་རྒྱའི་དོ་དམ་ལ་ཤུགས་སྣོན་དགོས་པར་བརྗོད་ཡོད་པ་རེད།
རྒྱ་ནག་གི་གནད་དོན་དཔྱད་བརྗོད་པ་ཁྲིན་ཧྥུ་ལགས་ཀྱིས། ཧུའུ་ཅིན་ཐའོ་ཡིས་སྤྱི་ཚོགས་དོ་དམ་སྐོར་ནན་བཤད་བྱེད་དོན་ནི། ཉེ་སྔོན་ཨ་རབ་གླིང་ནས་གསར་བརྗེ་ཡི་མེ་སྟག་མཆེད་པའི་༼ མེ་ཏོག་བ་སྤུའི་གསར་བརྗེ ༽ནི་ཐོག་མར་གདོང་དེབ་( facebook) དང་ཊི་ཝེ་ཊར་( twitter ) སོགས་གནས་འཕྲིན་དྲ་བ་བརྒྱུད་རྒྱལ་ཁབ་སོ་སོར་ཁྱབ་སྤེལ་བྱུང་བ་ཞིག་ཡིན་སྟབས། ད་ལྟ་རྒྱ་ནག་ནང་གནས་འཕྲིན་དྲ་བ་སྤྱོད་མཁན་ཤུགས་ཆེན་པོ་ཡོད་པ་དེ་ཉེན་ཁར་མཐོང་གི་ཡོད་པ་དང་། མ་འོངས་པར་རྒྱ་ནག་ནང་གནས་འཕྲིན་དྲ་བར་སྔར་ལས་ལྷག་པའི་བཀག་སྡོམ་བྱ་རྒྱུ་ཡིན་པ་མངོན་གསལ་རེད། ཅེས་བརྗོད་འདུག
ཉེ་ལམ་རྒྱ་ནག་བཅིངས་འགྲོལ་དམག་གི་གསར་ཤོག་སྟེང་དུ། དམག་དཔུང་གིས་གནས་ཚུལ་གང་འདྲ་ཞིག་བྱུང་ཡང་མཐའ་གཅིག་ཏུ་དམར་ཤོག་ཚོགས་པའི་བཀའ་མངགས་དང་ལེན་བྱ་དགོས་པའི་གནས་ཚུལ་སྤེལ་ཡོད་པ་དང་། ཧོང་ཀོང་གི་གསར་ལམ་ཁག་ཅིག་ནང་གནས་ཚུལ་ཐོན་པ་ལྟར་ན། རྒྱ་ནག་གི་དྲ་ཚིགས་ཁག་ཏུ་དམག་མི་ཞིག་གིས་ཉེན་བརྡ་བཏང་སྟེ། དེང་སྐབས་དམག་དཔུང་ཚང་མར་ཉིན་གུང་གི་ངལ་གསོ་ཡང་མེད་པར་ཧ་ལམ་དམག་འཐབ་ཀྱི་གྲ་སྒྲིག་ལྟ་བུའི་གནས་ཚད་འོག་བསྡད་ཡོད་ཚུལ་བརྗོད་འདུག དེ་བཞིན། རྒྱ་ནག་དབུས་དམག་དོན་ལྷན་ཁང་གིས་ཟླ་འདིའི་ཚེས་ ༨ ཉིན༼ཀྲུང་གོ་གུང་ཁྲན་ཏང་དམག་དཔུང་ལྷན་ཚོགས་ཀྱི་བྱ་བའི་ཁྲིམས་སྲོལ༽ཟེར་བར་འགྱུར་བཅོས་བཏང་སྟེ། ཕྱི་ལོ་ ༢༠༠༤ ལོར་གཏན་འབེབས་ལག་སྟར་བྱས་པའི་ཁྲིམས་སྲོལ་སྟེང་༼གཟབ་ནན་སྒོས་མཐའ་གཅིག་ཏུ་སྲིད་འཛིོན་ཧུའུ་ཅིན་ཐའོ་དུས་སྐབས་གསར་བའི་འོག་གི་རྒྱལ་སྲུང་དང་དམག་དཔུང་གསར་འཛུགས་ཀྱི་གལ་ཆེའི་རང་བཞན་རྒྱས་བཤད་བྱ་དགོས། ༽ཞེས་པ་གསར་དུ་བསྣན་ཡོད་འདུག
གཞན་ཡང་། རྒྱ་ནག་ནང་འབྱུང་བཞིན་པའི་མེ་ཏོག་བ་སྤུའི་གསར་བརྗེ་ལ། རྒྱ་ནག་གཞུང་འབྲེལ་དྲ་བ་ཁག་གིས་༼སྤྱི་ཚོགས་ཁྲོད་རྙོག་ཟིང་སློང་མཁན་གྱི་སྐོར་ཚོགས༽ ཞེས་པའི་ཉེས་ཅན་གྱི་མིང་འདོག་སྣ་ཚོགས་བྱས་ཏེ་ཁ་རྡུང་གཏོང་བཞིན་ཡོད་པ་དང་། ཐེངས་འདིར་རྒྱ་གཞུང་འབྲེལ་དྲ་བ་ཁག་གིས་དུས་ཐོག་ཏུ་རྒྱ་ནག་ནང་྄འབྱུང་བཞིན་པའི་གནས་ཚུལ་སྤེལ་བ་དེར། ནེའུ་ཡོག་ཉིན་རེའི་གསར་ཤོག་སོགས་རྒྱལ་སྤྱིའི་གསར་ལམ་ཁག་གིས་དོ་སྣང་ཤུགས་ཆེན་བྱེད་བཞིན་ཡོད་འདུག
གསར་འགོད་པ། ཚེ་རིང་རྒྱལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གོ་སྐབས་འདི་ང་ཚོས་ཀྱང་དམ་འཛིན་གྱི་བེད་སྤྱོད་གཏོང་ཤེས་ན་ཡག་པོ་ཡོང་ས་རེད།ང་ཚོས་ཀྱང་གོ་སྐབས་འདྲ་ཞིག་་་་ག་དུས་ཡིན་ཡང་མ་འོངས་པར་རྒྱ་ནག་ལ་འགྱུར་བ་བྱུང་ན་ཞེས་སྒྲོགས་བཞིན་པ་མ་ཡིན་ནམ
ཉེ་སྔོན་ཨ་རབ་གླིང་ནས་གསར་བརྗེ་ཡི་མེ་སྟག་མཆེད་པའི་མེ་ཏོག་བ་སྤུའི་གསར་བརྗེ་ལ་རྒྱ་ནག་མི་དམངས་ཀྱིས་སློབ་སྦྱོང་ནན་ཏན་བྱེད་དགོས།
རླབས་ཆེན་གྱི་ལས་འགུལ་འདི་ལ་དོན་འབྲས་གཡུར་དུ་ཟ་ཞིག་སྨིན་པར་སྨོན།
རྒྱ་ནག་གི་དྲ་དམངས་ཀྱི་ ༼མེ་ཏོག་བ་སྤུའི་གསར་བརྗེ༽ལ་རྒྱལ་ཁ་ཐོར་པར་སྨོན།
དཀའ་ལས་རྒྱག་དགོས་པ་དང་། མང་གཙོ་ཚད་ལྡན་དང་རང་དབང་ཙད་ལྡན་གྱི་ཆེད་རང་སྲོག་ཀྱང་གཏོང་ལོས་དགོས། རྒྱ་ནག་པ་ཚོ་ལས་སླ་བོ་མེད་ལ། ད་ལྟའི་རྒྱ་ནག་འདི་དཔལ་འབྱོར་ཡར་རྒྱས་གཅིག་པུ་མིན་པར་ཆབ་སྲིད་ཀྱང་ཧ་ལས་པ་ཡར་རྒྱས་ལ་འགྲོ་བཞིན་ཡོད། དགའ་འོས་པ་ཞིག་རེད།
ཡོངས་གྲགས་དང་དགའ་མོ་ཆེ་བའི་ཨ་མདོ་མཚོ་སྔོན་དྲ་ལམ་ཡང་བཀག་ནས་མི་འདུག་པས། རྒྱུ་མཚན་འདི་རང་ལ་ཐུག་པ་ཞིག་ཡིན་ནམ། ཡང་ན་ང་ཚོས་སྤྱོད་སྒོ་མ་འགྲིགས་པས་ཡིན་ནམ། གང་ལྟར་ཡལ་ནས་མི་འདུག་ཟེར་གྱིན་འདུག་པས། ཕང་ང་ལ་ཨད་།
དེ་ལྟར་ཡིན་ན་ཚེ་སྲོག་བསྡུ་ལ་ཉེ་བའི་གདོང་དེབ་དམ་facebookའདི་མུ་འཐུད་ནས་སྐུ་ཚེ་ཡིན་དུ་བརྟན་པར་ཤོག་ཤིག
འདི་ནི་ངོ་མ་དྲང་བདེན་ཏེ་འགྲོ་བ་ཡོད་དོ་ཅོག་ལ་བདེ་བ་དགོས་ཀྱི་རང་དབང་དགོས་ཁྱད་པར་དུ་འགྲོ་བ་མི་ལ་སེམས་བདེ་དང་རང་དབང་མེད་ན་མི་དེ་ཉིད་ལ་ས་སྒང་ལ་སྡོད་པའི་དབང་ཆ་ཚད་ལྡན་མི་ཐོབ་པ་ཡིན་པས་ངེས་པར་དུ་རང་དབང་དང་ཐོབ་ཐང་ནི་མི་དེ་ཉིད་གསོན་པོར་གནས་པ་ལ་མེད་ན་རྩ་བ་ནས་མི་རུང་བ་དང་ངེས་པར་དུ་ཡོད་དགོས་པའི་རང་དབང་། རྒྱ་མི་རིགས་དམར་ཤོག་སྒེར་གཅོད་པ་དག་གི་བྱེད་བསྟང་འདི་ནི་བཙན་པོ་དབང་ཡོད་བརྡུང་རྡེག་མནར་གཅོད་བཙོན་འཇུག་ཁོ་ནས་མེ་མདའ་དང་ལག་པ་མི་བྲལ་བར། བདེན་དོན་ཐམས་ཅད་ཉེས་པ་ཁོ་ན་ལ་བསྒྱུར་ནས་འགེབ་པ་འདི་ལ་བློ་མནལ་དུ་ཕོབས་ནས་གཞིག་ན་(སྤྱི་ཚོགས་ཁྲོད་རྙོང་ཟིང་བསླང་མཁན་གྱི་སྐོར་ཚོགས་)འདི་ནི་མུ་མཐུད་ནས་རང་དང་མི་ཡི་ཡི་ཐོབ་ཐང་ལ་དགའ་བའི་རྒྱ་ནག་མི་རིགས་དག་གི་མཚམས་འཇོག་གཏན་ནས་མ་བྱེད་རོག ངེད་ཚོ་ལ་རང་དབང་དགོས། ངེད་ཚོ་ལ་དྲང་བདེན་དགོས། ངེད་ཚོ་ལ་འདྲ་མཉམ་དགོས། རྒྱ་བོད་གཉིས་ཆར་ལངས་ནས་དམར་པོ་མགོ་སྟིང་སློག་རན་འདུག། རྒྱ་ནག་མི་མངས་ཚོ་ཤུག་རྒྱོབ། མ་ཞུམས།
དོན་ཆེན་དེ་དབུ་བསླངས་པ་ཙམ་མ་ཡིན་པར། རྩ་བ་ཚུགས་ཤིང་རྩེ་མོ་རྒྱས་པར་སྨོན། རྒྱ་ནག་གི་དྲ་དམངས་རྒྱལ་ལོ།