སྨྲ་བ་ལྐུགས་པའི་སྤུན་དང་འདྲ་ན་ཡང་།།
ཚོར་བ་རླུང་གི་སྤུན་བཞིན་འདུར་ལུགས་ཀྱི།།
བྲན་དུ་སྐྱེ་བའི་མི་གཤིས་སྐྱུར་མོ་འདི།།
ཅི་ཙམ་སྲུང་ན་དཀའ་ཁག་དེ་ཙམ་མང་།།
ཕར་ལ་བསྟུན་ན་རང་དོན་འཁྱོལ་འགྲོ་ལ།།
ཚུར་ལ་འཁོར་ན་གཞན་དང་འགལ་འགྲོ་བའི།།
མི་ལུས་རྒུད་པ་འདི་ཡི་སྔ་གཞུག་དུ།།
ཅི་ཙམ་རྒྱུགས་ཀྱང་འགྲོ་ས་དེ་བས་མང་།།
དགའ་བའི་མི་དེ་རང་ལ་མ་ཐོབས་ཀྱང་།།
གཞན་པའི་བུད་མེད་གཅིག་ལ་འགྲོག་ན་ཡང་།།
གཅིག་གི་དགའ་ས་གཅིག་ཉིད་མིན་དུས་ན།།
ཅི་ཙམ་བསམ་ཤེས་བྱས་ཀྱང་སེམས་ཚེགས་མང་།།
མཚན་མོ་ཉལ་ས་དྲོད་མིན་མ་བརྩད་ལ།།
ཉིན་མོ་ལས་དཀའི་དཀའ་ངལ་མ་དྲངས་པར།།
ཉིན་མཚན་འདུ་འཛིའི་གསེང་ནས་བསྐྱལ་དུས་སུ།།
ཅི་ཙམ་འབད་སྒྲུབ་བསགས་ཀྱང་མ་འདང་ཟེར།།
འདི་འདྲའི་འཇིག་རྟེན་མི་ཡི་དམྱལ་འཁོར་ན།།
མི་ལུས་སྐམ་པོའི་གཟུགས་ལ་དཔྱངས་པ་ཡི།།
སྐྱེ་བ་བོད་པའི་བུ་སྡུག་གཞན་ཡུལ་ནས།།
བོད་ལ་སྐྱེ་བའི་དོན་ཞིག་མ་འགྲུབ་ཐལ།།
ཁྱེད་རྣམ་པ་གཉིས་ཀྱི་བསམ་ཚུལ་གུས་འདུད་ཞུ།
འདྲེ་མེ་འབུད་ལགས། ཁྱོས་དེ་ཡི་བཤད་ན་བདེན་གི ངའི་གངས་དཀར་སེམས་ལ་འབབ་གི
ཤ་ཁྲག་ལགས་སེམས་སྡུག་ཞེ་དྲག་མ་བྱེད། གོ་སྐབས་དམ་འཛིན་བྱེད་ཐུབ་ན་བོད་དོན་ག་ཚོད་བྱེད་བྱེད་རེད།
ཨ་རོགས། ཁྱོད་ཀྱི་རྩོམ་ལས་ཁྱོད་རང་ཕྱི་རྒྱལ་དུ་ཡོད་པའི་སྣང་བ་ཆེས་ཆེར་མི་འདུག་པས། འུ་ཚོའི་རྩོམ་ལས་རང་ཉིད་ཀྱི་ཁོར་ཡུག་དང་ཁོར་ཡུག་དེའི་གྲུབ་པའི་སྤྱི་ཚོགས་ཀྱི་སྣང་ཚུལ་མང་པོ་ཞིག་མངོན་རྒྱུ་དེ་ཤིན་ཏུ་གལ་ཆེ་བར་སྙམ། ང་ཚོའི་རྩོམ་ལ་སྐབས་རེར་ས་ཆ་གང་ནས་བྲིས་ཀྱང་དུས་ཚོད་ནམ་ཞིག་ཏུ་བྲིས་ཀྱང་རིགས་གཅིག་རང་བཞིན་དུ་གྲུབ་བཞིན་པའི་ཕྱོགས་ལ་རྩོམ་འབྲི་མཁན་ཚོས་ངེས་པར་དུ་དོ་སྣང་བྱ་དགོས་པར་སྙམ། འདི་ཡང་ཁྱོད་ཀྱི་བོད་ཡིག་གི་བརྩམས་ཆོས་ལས་བདག་གིས་ཕྱི་རྒྱལ་གྱི་གནས་སྟངས་ཤིག་མཐོང་ན་སྙམ་པས་ཡིན་ལ། མི་རབས་ཕྱི་མས་ཀྱང་ཕྱི་གླིང་དུ་འཚོ་བའི་བོད་ཀྱི་རྩོམ་པ་པོ་ཞིག་གི་སེམས་ཁམས་དང་ཁོར་ཡུག་སྐྱ་སྦྲེལ་ཏེ་མྱོང་རོལ་གྱི་མཐུན་རྐྱེན་དང་རྒྱུ་ཆ་གལ་ཆེན་ཞིག་ཏུའང་འགྱུར་ངེས་སོ།།