གནད་འགག་མི་འདུག་ཨེ། – ཁང་གསར་རྡོ་རྗེ།

ཁང་གསར་རྡོ་རྗེ་ལགས་ནས་དཔྱད་བརྩོམ་ལེགས་པོ་ཞིག་སྤེལ་འདུག ཐུགས་རྗེ་ཆེ། དཔྱད་བརྩོམ་དེ་འདྲ་མང་ཙམ་དྲ་ཐོག་དང་ཚགས་པར་སྟེང་བསྐོས་ཐུབ་ན་མཐོང་རྒྱ་ཆུང་བ་ངེད་འདྲ་བ་ཚོར་ཕན་པ་ཆེན་པོ་འདུག བཀའ་བློན་ཁྲི་པའི་འོས་མི་ཞིག་གི་ཕྱི་བསྡོད་རྒྱ་མིའི་ལག་འཁྱེར་བླངས་པ་དེ་སྲིད་དོན་སྟེང་གནད་འགག་ཆེན་པོ་ཞིག་ཡིན་པ་སྨོས་མེད་རེད། བློ་སེང་གིས་དག་སེལ་གནང་དགོས་པ་གལ་གནད་རེད་
རབ་གནས་ལྕགས་མོ་ཡོས་ལོའི་གནམ་ལོ་གསར་ཚེས་ལ་བཀྲིས་བདེ་ལེགས་དང་ རྗེས་ལོའི་ལོ་གསར་དེ་གཞི་བྱེས་མཉམ་འཛོམས་ངང་རང་ཡུལ་གངས་ཅན་ལྗོངས་ལ་གཏོང་ཐུབ་པའི་སྨོན་འདུན་ཞུ།

གནད་འགག་ཡོད་ས་དེ་ནི། བློ་སེང་ལས་བཀྲས་མཐོང་བཟང་བ་དང་། ཁོང་གཉིས་ལས། བཀྲ་དབང་བརྟན་པ་མི་འདུག་གེ འདི་ཞུ་བའི་ཞོར་དུ་དྲ་གྲོགས་ཚང་མར། བོད་ཀྱི་ལོ་གསར་བཀྲ་བདེ་ལེགས་ཡོད། །

ཁང་གསར་རྡོ་རྗེ་ལ་དྲི་བ་ཁག་ཅིག་།
༡ བློ་སེང་བོད་དོན་ཆེད་རྒྱ་ནག་ལ་འགྲོ་དུས་། གལ་སྲིད་རྒྱ་ནག་གི་ཕྱིར་སྡོ་རང་མི་ལག་ཁྱེར་ཞིག་བེད་སྤྱོད་བཏང་བ་དེ་བདེན་པ་ཡིན་ཡང་།
བཀྲས་མཐོང་རང་དོན་ཆེད་ཨ་རི་ལ་སྐྱབས་བཅོལ་ཞུས་དུས་། མི་ཁུངས་རྒྱ་མི་ཡིན་ པར་བྲིས་པ་དེ་ལ་ལན་ག་རེ་ཡོད།
༢ སྤྱིར་བཀྲས་མཐོང་དུས་ཚོད་ཀྱིས་དབང་དུ་བྱེད་ན་། བཀའ་ཤག་སྐབས་དང་པོ་དང་གཉིས་པའི་རིང་། བཀའ་བློན་དང་། རྒྱ་བོད་གྲོས་མོལ་སྐུ་ཚབ་དང་། སྐུ་ཚབ་དོན་གཅོད་སོགས་ལས་གནས་མང་པོ་ཐུབ་དགོས་ཀྱང་། བཀའ་ཁྲི་ཟམ་གདོང་གིས་བཀྲས་མཐོང་ལ་ལས་གནས་སྣེ་གཅིག་སྤྲད་མེད། རྒྱ་མཚན་ནི་ ༡༩༩༡་ནས་ཟམ་གདོང་སྤྱི་འཐུན་ཚོགས་གཙོ་གནང་དུས་། བཀྲས་མཐོང་བཀའ་བློན་ཁྲི་པ་རེད། དེ་དུས་ཟམ་གདོང་གིས་བཀྲས་མཐོང་གི་བྱ་སྤྱོད་ཚང་མ་ཧ་གོ་ནས་། རྗེས་སུ་བཀྲས་མཐོང་ལ་ལས་གནས་གང་ཡང་སྤྲད་མེད་། དེའི་སྐོར་ལ་ལན་ག་རེ་ཡོད།

༣ བཀྲས་མཐོང་བཀའ་ཁྲིའི་ལས་གནས་མ་ཚར་གོང་། ཁོ་རང་གི་ནང་མིའི་ཆེད་བཙན་བྱོལ་གཞུང་དང་བོད་མི་མང་གཉིས་ག་བཞག་ནས་སོང་ཡོད་། དེ་ལ་ལན་ག་རེ་ཡོད་།

༤ ཁང་གསར་རྡོ་རྗེ་ཁྱོད་རང་ནས་ཆོལ་ཁ་གསུམ་གྱི་ནང་དུ་དཀྲུག་ཤིང་གི་བསམ་ཚུལ་མང་པོ་བྲིས་པ་དེ་དག་སུའི་ཆེད་དུ་ཡིན་ནམ། རྒྱ་མིའི་ཆེད་དུ་མིན་པའི་རེ་བ་ཡོད་། ཡང་ན་ཁྱོད་རང་ལ་དངུལ་སྤྲད་མཁན་འདུག་གེ་། གཞན་ང་ཚོའི་བོད་ཀྱི་རྩ་དོན་ལ་གནོད་པའི་བསམ་ཚུལ་མ་རོགས་སྟོན་། ལོ་གསར་ལ་བཀྲ་ཤིས་བདེ་ལེགས་ཞུ།།

དྲ་གྲོགས་ཁང་གསར་ལགས།
ད་དུང་ང་ལ་ཞུ་རྒྱུ་ནི་ལོས་ཡོད་མོད་ཁྱེད་ཕྱོགས་སུ་ཕེབས་ངེད་གཉིས་ཀྱིས་བགྲོ་གླེང་འཚམས་བཅད་པ་རེད། ཕྱིས་སུ་གོ་སྐབས་བྱུང་ན་མུ་མཐུད་རྒྱུ་བྱེད།
ད་ངས་ཀྱང་སྙིང་ཐག་པ་ནས་ཁྱེད་ལ་ལོ་གསར་བཀྲ་ཤིས་བདེ་ལེགས་ཞུ།
དེ་དང་ཆབ་ཅིག་དྲ་གྲོགས་གཞན་རྣམས་ལ་ཡང་དེ་བཞིན་ཞུ།

ད་གསལ་བཤད་ཁ་ཤས་ཞུ་གི་ཡིན།
དང་པོ། ངས་རྩོམ་ཡིག་འདིའི་ནང་། ཀ) ཕྱིར་སྡོད་ཀྲུང་གོ་བའི་ལག་ཁྱེར་བླངས་པ་ཞིག་བཀའ་ཁྲིར་འཁོད་ན། འདིས་རྒྱ་ཕྱོགས་ལ་འཇུ་ས་ཞིག་ཆགས་མིན་དང་བོད་མིའི་སྤྱི་ཚོགས་ནང་ནས་རྙོག་དྲ་ག་རེ་ཡོང་གི་རེད། དེ་སེམས་ལ་བཞག་སྟེ་གླེང་སློང་བྱས་ཡོད། གནད་དོན་འདི་ངས་ཆེན་པོ་བཟོས་པ་ཞིག་མ་རེད། ངའི་རྩོམ་ཡིག་འདི་མ་སྤེལ་སྔོན་ནས་ཚོར་བ་སྐྱེན་པའི་གནད་དོན་ཞིག་ཆགས་ཚར་བ་རེད། དྲང་པོ་བཤད་ན། ངས་རྩོམ་འདིའི་ནང་གནད་དོན་འདི་གཙང་མ་བཟོ་ཐབས་ཤིག་བཤད་ཡོད།
ཁ) བློ་སེང་གིས། ད་ལྟ་༸རྒྱལ་བ་རིན་པོ་ཆེའི་ཞབས་འདེགས་དང་ཁོང་གི་དབུ་ཁྲིད་གནང་རྒྱུ་དེ་གལ་ཆེ་ལུགས་བཤད་ཀི་ཡོད་རེད། ༢༠༠༣ ལོར་ཁོང་གི་རྩོམ་ཡིག་ནང་༸གོང་ས་མཆོག་གིས་ཆབ་སྲིད་ཀྱི་སྐུ་དབང་མང་ཚོགས་ཀྱིས་བདམས་པའི་མི་ཞིག་ལ་རྩིས་སྤྲོད་དགོས་པ། ༸གོང་ས་མཆོག་གི་ཡིག་ཚང་དེ་ཆོས་ཕྱོགས་རྐྱང་པ་ལ་བསྒྱུར་དགོས་ཞེས་བཤད་ཡོད་རེད། འདི་འདྲའི་འགལ་བ་ལྟག་སྤྲོད་ཀྱི་བཤད་སྟངས་དང་བྱེད་སྟངས་ནི་དངོས་གནས་བྱས་ན་མི་རྣམས་ཧང་སངས་དགོས་པ་ཞིག་རེད། དེ་རྒྱ་ཆེའི་མང་ཚོགས་ཀྱིས་མཁྱེན་དགོས་བ་ཞིག་རེད། དེ་གཅིག་གླེང་ཡོད།
ག༽ བོད་པས་ཇོ་ཁང་ནང་ཨ་ཅེ་རྒྱ་བཟའ་ལ་ཕྱག་བཙལ་གྱིན་ཡོད་པས་བོད་པས་རྒྱ་མི་ལ་འཁོན་འཛིན་ཡོད་མ་རེད་ཟེར་བ་དང་། བོད་ཀྱི་སྤྱི་ཚོགས་རྙིང་པར་ལྟ་སྟངས་དེ་ཡང་གླེང་ཡོད། དེ་ཚོ་འཇམ་ཚུལ་གྱིས་བཀའ་ཁྲིའི་འཇིག་རྟེན་ལྟ་ཚུལ་གལ་ཆེ་ཟེར་བ་དང་བབས་གཅིག་རེད། ལྷག་པར་དུ་འདིའི་ནང་གླེང་སློང་བྱུང་བའི་དོན་དག་མང་བོ་ཞིག་བཟང་སྤྱོད་དང་འབྲེལ་བའི་གནད་དོན་རེད། ང་ཚོས་འོས་ཤོག་འབུལ་ས་དེ། རང་གི་མང་ཚོགས་ལ་ཡིད་ཆེས་ཀྱིས་གནས་ཚུལ་ཚང་མ་ཕྱི་གསལ་ནང་གསལ་བྱེད་མཁན་ཞིག་དགོས། ཡང་ན་མང་ཚོགས་ལ་ཡིད་ཆེས་མ་བྱས་པར། གནས་ཚུལ་ཁག་ཅིག་ཤུགས་ཆེན་པོས་བསྒྲགས། ཁག་ཅིག་སྦས། ཁག་ཅིག་ལ་འཁྱོག་བཤད་བྱས། ཁག་ཅིག་ལ་ཧམ་པ་བཤད། ཁག་ཅིག་ལ་རྫུན་བཤད། སྔ་མ་བཤད་པ་དང་ཕྱི་མ་བཤད་པ་མི་མཐུན་པར་གྱུར་མཁན་ཞིག་དགོས། གནད་དོན་གཙོ་བོ་ཞིག་དེ་རེད།
བློ་ལ་ངེས་དགོས་པ་ཞིག་ལ། དེ་རིང་གི་བཀའ་ཁྲིའི་འོས་མི་ཞིག་གི་དཀའ་ངལ་དེ་དང་གླེང་རྙོག་དེ་ཚོ་ཁོ་རང་སྒེར་གྱི་དཀའ་རྙོག་ཡིན་ཀྱང་། མི་དེ་བཀའ་ཁྲི་ཆགས་པའི་ཉིན་ནས་དཀའ་རྙོག་དེ་ཚོ་ང་ཚོ་བོད་གངས་ཅན་པ་ཡོངས་ཀྱི་དཀའ་རྙོག་ཏུ་འགྱུར་ངེས་པ་དེ་རེད།
ངས་འདི་ཚོ་གླེང་དུས་མི་མང་བོས་ངས་བློ་སེང་བཀའ་ཁྲིའི་འོས་ཆོས་མ་ཚང་བ་རེད་ཅེས་ལབ་ཀྱི་འདུག་མདོག་མདོག་བྱེད་ཀི་འདུག ངས་བློ་སེང་བཀའ་ཁྲིའི་འོས་ཆོས་མ་ཚང་བར་གྱུར་ཟིན་པ་རེད་ཅེས་རྩ་བ་ནས་བཤད་མེད། དེ་ངེས་པར་དུ་གསལ་པོ་མཁྱེན་དགོས་བ་ཞིག་རེད།
སང་ཉིན་སྔ་དྲོ་ནས་ང་རང་ས་གནས་གཞན་ཞིག་ལ་གཉེན་འབྲེལ་ངོ་ཤེས་ཁ་ཤས་ཐུག་པར་འགྲོ་དགོས། ཉིན་ཤས་ནང་དུས་ཚོད་དཀོན་པོ་ཆགས་སྲིད་ལ་ཕ་གི་ནས་དྲྭ་རྒྱའི་མཐུན་རྐྱེན་འཛོམས་མིན་མི་ཤེས། དེར་བརྟེན། འདིའི་མཇུག་ནས་མཆན་དེ་ཚོར་ལན་འདེབས་ཐུབ་མིན་བཤད་ཚོད་དཀའ། ཚང་མར་ལོ་སར་པའི་ནང་སྐུ་ཁམས་བཟང་བ་དང་བོད་ཀྱི་རྩ་དོན་ཐོག་ནུས་པ་འདོན་ཐུབ་པ། བོད་རྒྱལ་ཁབ་ཀྱི་དབུ་ཁྲིད་༸གོང་ས་མཆོག་སྐུ་ཚེ་བརྟན་ཅིང་མཛད་འཕྲིན་རྒྱས་པའི་སྨོན་འདུན་གྲངས་མེད་ཡོད།

ཁ་དྲོ། དོན་འགྲུབ། བཀྲ་ཤིས། བོད་རྒྱལ་ལོ།། །།

ཁང་གསར་ལགས་ལོ་སར་བཀྲ་ཤིས་བདེ་ལེགས་ཡོད།
ཁྱེད་ལ་དྲི་བ་ཞིག་འདོན་གི་ཡིན་ལན་ཁ་གསལ་མདོར་བསྡུས་ཞིག་གནང་རོག།
བཀའ་བློན་ཁྲི་བ་འདེམས་བཞིན་པའི་སྐབས་འདིར་ཁྱོད་ཀྱིས་དགེ་སྐྱོན་དབྱེ་འབྱེད་ཀྱི་དཔྱད་རྩོམས་མང་དག་ཅིག་སྤེལ་སོང་ཚང་མ་བལྟ་ཀློག་བྱས་པ་ཡིན།
བཀའ་བློན་ཁྲི་བའི་འོས་མི་རེ་རེ་ལ་དགེ་སྐྱོན་གཉིས་གའི་ཆ་ཡོད་པ་གསལ་བོ་རེད།
འོན་ཀྱང་ཁྱོད་ཀྱིས་བློ་སེང་གི་སྐྱོན་ཆ་གང་ཡོད་འཚོལ་བསྡུ་དང་ཐེར་འདོན་བྱེད་པ་ལས་བསྟན་རྣམས་དང་བཀྲ་ཤིས་དབང་འདུས་གཉིས་ཀྱི་ཕྱོགས་ནས་གང་ཡང་གླེང་རྒྱུ་མེད་པ་འདི་ཅི་ཞིག་རེད། དཔེར་ན་བསྟན་རྣམས་ལགས་ནས་ནང་མི་ཆེད་ལས་མཚམས་བཞག་ནས་ཕྱི་ལ་ཕེབས་པ་དང་། དངུལ་གྱི་རྩིས་ཁྲ་སྐོར། མི་ཁུངས་ཕྱི་རྒྱལ་ཡིན་མིན་དང་ལག་དེབ་སེར་བོ་ཁྱེར་ཡོད་མེད། དང་བླང་དཔྱ་ཁྲལ་ཕུལ་ཡོད་མེད་སོགས་དང་། བཟའ་ཟླ་བོད་པ་ཡིན་མིན་སྐོར་སོགས་མང་དག་ཅིག་ཡོད་པ་ཐམས་ཅད་གཅིག་ཀྱང་གླེང་རྒྱུ་མེད་པ་འདི་ཅི་ཞིག་རེད།
ཁྱེད་གཟུ་བོར་གནས་པའི་དཔྱད་བརྗོད་པ་ཞིག་བྱེད་འདོད་ན།

ཁང་གསར་རྡོ་རྗེ་ཟེར་བ་འདི་ལོག་བཤད་ལ་མཁས་པ་ཞིག་རེད་། བཙན་བྱོལ་གཞུང་གི་
ལྟ་སྒྲུབ་དེ་དབུ་མའི་ལམ་དང་ བཀའ་བློན་ཁྲི་པ་ནི་དབུ་མའི་ལམ་གྱི་དབུ་ཁྲིད་ཡིན་པས་
ཁྱོད་རང་གིས་བཤད་པ་དག་ནི་བློ་སེང་གི་སྐྱོན་དུ་མི་འགྱུར་།
མདོར་ན་མི་རབས་གསར་པ་ལ་ལས་འགན་སྤྲོད་རྒྱུ་མིན་པ་འདྲ།

༨། ངས་ཁྱེད་ཀྱིས་བཏོན་པའི་གནད་དོན་གང་ལའང་གཡོལ་མེད། ལན་བཏབ་ཡོད་དྲན། སྤྱིར་བཏང་ད་ལྟ་ལས་བྲེལ་ཆེ་བས་གཅིག་གཅིག་གཉིས་གཉིས་ཀྱིས་མིག་འོག་ལ་མ་ཆུད་པ་ཡོང་སྲིད་པ་རེད། གནད་དོན་ཆེ་བ་འདྲ་ཡིན་ན། གསལ་བོ་བྱས་ནས་འདྲི་རོགས། གནད་དོན་ཆུང་ཆུང་ཞིག་ཡིན་ན་གཡུག་བཞག་ཞོག

༤། ཁྱེད་ཀྱིས་(༧གོང་ས་བཅུ་གསུམ་པས་རྒྱས་གསེར་ཐམ་བེད་སྤྱོད་མ་གནང་བ་དང་བློ་སེང་གིས་ཤོག་དཀར་བེད་སྤྱོད་བྱས་པ་གཉིས་མཚུངས་སྡུར་བྱས་པ་ནི་ར་མགོ་ལུག་སྦྱར་མིན་ཁྱི་མགོ་ཕག་སྦྱོར་ཡིན། ༧གོང་ས་མཆོག་ལ་གདམ་ང་ཡོད་ཅིང་བློ་སེང་ལ་གདམ་ང་མེད། ལར་ནས་བཤད་སྟངས་ཤིག་ལ་བློ་སེང་གི་ཤོག་དཀར་བླངས་བའི་ཉེས་པ་དེ་བློ་སེང་གིས་བོད་ཀྱི་མི་སེར་ཡིན་པ་མཚོན་པའི་དེབ་སེར་གཡུག་ནས་ཨ་རིའི་མི་སེར་ཡིག་ཆ་མ་བླངས་པ་ལས་བྱུང་འདུག་ཅེས་བཤད་ན་ཁྱེད་ཀྱིས་བློ་གང་འཆར་) ཨ་ཨ། ངས་༸གོང་ས་བཅུ་གསུམ་པ་ཆེན་པོས་རྒྱའི་གསེར་ཐམ་བེད་སྤྱོད་མ་གནང་བ་དང་བློ་སེང་གི་ཕྱི་སྡོད་ཀྲུང་གོ་བའི་ལག་ཁྱེར་བླངས་བ་གཉིས་མཚུངས་བསྡུར་ཇི་ལྟར་བྱས་འདུག ཁྱོད་ཀྱིས་(ཁྱེད་ཀྱི་ཐུགས་ངོ་ན་ངོ་མ་རྒྱ་ནག་གོང་མས་འཇའ་ས་ཕུལ་བ་དེ་བོད་རྒྱ་ཁུངས་ཡིན་པའི་སྒྲུབ་བྱེད་ཅིག་ཏུ་འགྲོ་ཡི་འདུག་གམ། ཡང་ན་ཕ་རོལ་བོས་དེ་ལྟར་བཤད་ཀྱི་འདུག་པས་ང་ཚོས་ཀྱང་དེ་དེའི་སྒྲུབ་བྱེད་དུ་འགྲོ་ཤག་བྱེད་པ་ཡིན་ཟེར་གྱི་ཡིན་ནམ།)ཟེར་བ་དེ་ལ་ངས་གནད་འགག་མེད་ན་༸རྒྱལ་བ་བཅུ་གསུམ་པ་ཆེན་པོས་གནད་འགག་ཏུ་བརྩི་དོན་ཅི་རེད་ཅེས་རྒྱུ་མཚན་འདི་དྲངས་བ་རེད། ད་ཁྱི་མགོ་ཕག་སྦྱར་སུས་བྱས་ཡོད་མེད་གསལ་པོ་ཆགས་པའི་རེ་བ་ཡོད།

༢། བློ་སེང་གིས་འཇམ་ནོར་ཡང་རྒྱ་ནག་གི་ཕྱི་སྡོད་རང་མིའི་ལག་འཁྱེར་ཐོག་ནས་བོད་ལ་ཕྱིན་པ་རེད་ཅེས་ཚིག་ཐག་བཅད་ནས་བཤད་པ་རེད་ཟེར་བའི་མཐའ་སྡོམས་དེ་ལ་འགྱུར་བ་གང་ཡང་མེད། དེ་ལ་གཡོལ་དགོས་པ་ཅི་ཡང་མེད། དེ་ནི་མཆན་གོང་མའི་ནང་དུ་གསལ་བོ་བཤད་ཟིན། ཁྱེད་ཀྱིས་རྫུན་དང་ཧམ་པ་ལ་ཞིབ་ཆ་བྱས་བ་དེ་ལ་དགའ་བསུ་ཡོད། མཁྱེན་དགོས་པ་ཞིག་ལ། རྫུན་ཡིན་ལ་ཧམ་པ་ཡང་ཡིན་པའི་གཞི་མཐུན་ཞིག་ཡོང་ཆོག་བ་དེ་རེད། བརྗོད་ཡུལ་འཚོ་བཞུགས་ཡོད་མེད་ཀྱི་ཆ་ནས་ཧམ་པ་ཟེར་དགོས་ཤེ་ན། གཞོན་ལྷན་དང་གཞོན་ལྷན་གྱི་དབུས་རྒྱུན་དེ་ཚོ་ད་ལྟ་འཚོ་བཞུགས་རེད། ངས་རྫུན་དང་ཧམ་པ་བཤད་པ་ཞེས་བ་དེ་ཟློས་སྐྱོན་ཡིན་ཞེས་ནམ་ཡང་བཤད་མེད། བློ་སེང་གིས་དེ་གཉིས་ཀ་བཤད་བཞིན་པ་རེད། མདོར་ན་དོན་འདི་ནི་ཁྱེད་རང་གིས་(ངས་གོ་བ་བླངས་བ་ནོར་བར་ཆ་ཞོག)ཟེར་བ་ལྟར་ཁྱེད་རང་གིས་འཁྱོག་བཤད་བྱས་པ་མིན་པར་གོ་ནོར་ཤོར་བར་ཆ་བཞག་པ་ཡིན།

ཀརྨ་རྡོ་རྗེ་ལགས། རྒྱ་ནག་གཞུང་གིས་བོད་ནང་གི་བོད་མི་ཚོར་དང་བླངས་དཔྱ་དངུལ་འབུལ་དུ་འཇུག་གི་ཡོད་མ་རེད། གལ་སྲིད་རྒྱ་གཞུང་གིས་འབུལ་དུ་བཅུག་ན་བོད་མི་དམངས་ཀྱིས་བཙན་བྱོལ་བོད་གཞུང་ལ་དང་བླངས་དཔྱ་དངུལ་ལོས་འབུལ།

རིག་པའི་རལ་གྲིས་འདི་ལྟར་བཤད་འདུག ༼ངས་ཡང་བསྐྱར་བསམ་འཆར་ཞུ་རྒྱུ། གལ་སྲིད་རྒྱ་ནག་གི་མི་སེར་དུ་གྱུར་བའི་བོད་མི་ཞིག་བཀའ་ཁྲིར་ལོངས་པ་ལ་བཙན་བྱོལ་བོད་གཞུང་མང་གཉིས་ཀྱིས་ངོ་རྒོལ་དང་བཀག་འགོག་མེད་ཅིང་དེ་དག་ལ། འོས་བབ་ཡོད་ན། གཉིས་ཕན་དབུ་མའི་ལམ་དུ་མགོ་ནག་བོད་པའི་སྐུ་ཚབ་བཙན་བྱོལ་བོད་གཞུང་མང་གཉིས་ཆར་ཁ་ཞེ་གཉིས་མེད་ཀྱིས་ཤར་སྐྱོད་བྱེད་ཀྱི་ཡོད་པ། དབུ་ཞབས་ལས་སྣེ་ཡོངས་ཀྱིས་ཞལ་བུག་གཅིག་ནས་ཐོན་པ་ལྟར་གསུངས་བཞིན་པའི་སྐབས་སུ། བློ་བཟང་སེངྒེས་ཕྱི་བཞུགས་རྒྱ་མིའི་མི་རིགས་གཉེན་འབྲེལ་ཐུག་ཆེད་ཆོག་པའི་ཆོག་མཆན་ཞུས་པས། ལྟ་བའི་ལོངས་ཕྱོགས་དང་མཐུན་པ། བོད་ཀྱི་རྩ་དོན་མཐུན་པ། རྒྱལ་བའི་དགོངས་བཞེད་དང་མཐུན་པ་ལས། དེ་ལས་བརྒལ་བ་ཞིག་མ་དམིགས་ལ། འོན་ཀྱང་བོད་གཞུང་གི་ལོངས་ཕྱོགས་དང་མི་མཐུན་པ། ༧གོང་ས་མཆོག་གི་དགོངས་བཞེད་དང་ག་དུས་ཡིན་ནའང་རོ་རྒྱབ་ཁུར་བྱེད་མཁན་གྱི་འཇམ་དབྱངས་ནོར་བུའི་དགོངས་པ་ལས་འགལ་ཡོད་ཤེས་ཆེ།༽
༡) བློ་སེང་ལ་རྒྱ་རིགས་གཉེན་ཉེ་ཡོད་བ་དང་དེ་ཚོ་ཐུག་པར་སོང་བ་ཁྱེད་རང་གིས་ཁས་བླངས་འདུག་པས། དེ་གསལ་བོ་ཞིག་བཟོ་རོགས།
༢) ཕྱི་རྒྱལ་ལ་བཞུགས་པའི་རྒྱ་མིའི་མི་རིགས་ཚོ་ཕྱི་རྒྱལ་ལ་མ་ཐུག་བར་རྒྱ་ནག་ནང་ལ་ཐུག་པར་འགྲོ་དོན་ཅི་རེད། གཅིག་
༣) རྩ་བའི་བབས་ས། རྒྱ་ནག་གི་མི་སེར་དུ་གྱུར་བའི་བོད་བ་ཞིག་བཀའ་ཁྲིར་བཞེངས་ཆོག་གི་ཡོད་ན་ཞེས་བ་དེ་ནས་འཕྲོས་ཡོང་གི་ཡོད་རེད། རྒྱ་ནག་གི་མི་སེར་ཡིན་མུས་ཤིག་བཙན་བྱོལ་གྱི་བཀའ་ཁྲིར་ལངས་ཕྱོགས་བའི་ཆ་རྐྱེན་ཞིག་རང་རེའི་བཅའ་ཁྲིམས་ནང་ན་ཡོད་ས་མ་རེད་ཅེས་བདག་གིས་དྲི་བ་གཞན་ཞིག་གི་ལན་དུ་བརྗོད་ཟིན་པ་ཡིན།

ཁང་གསར་ལགས། རྒྱ་མིའི་སྤ་སེ་སྤྱད་པ་ཙམ་གྱིས་རྒྱ་མིའི་མི་སེར་ཆགས་རབས་མེད་ལ།
དེས་རྐྱེན་པས་བློ་བཟང་སེང་གེ་བཀའ་ཁྲིར་འོས་བབ་མེད་དོན་ཡོད་མི་སྲིད། དེ་ནི་
ཧ་ཅང་ཐལ་ཆེས་པ་རེད།འོ་ན། གཞིས་སྡོད་བོད་མི་བརྒྱ་ཆ་གོ་དགུ་པོ་ཚོས་རྒྱ་མིའི་
མི་སེར་ལག་ཁྱེར་སྤྱོད་བཞིན་ཡོད་དུས། ཁོང་ཚོ་སུ་ལ་ཡང་བཀའ་ཁྲིའི་འོས་བབ་
མེད་པ་ལྟ་བུ་ཞིག་དང་། བོད་མི་ནག་ཐིག་ཅན་རྐྱང་རྐྱང་ཆགས་ཚར་བ་རེད་པས་
སྐུར་འདེབས་རྔམ་པོ་ཆེར་སོང་བ་རེད། ལྡོག་ཏེ། ཁྱེད་ཀྱིས་བཀྲས་མཐོང་བསྟན་འཛིན་
རྣམ་རྒྱལ་གྱི་ཉེས་པའི་ཚོགས་མང་དག་ཞིག་ཀྱང་ངེས་པར་ཐེར་འདོན་བྱ་རིགས་པའི་ཕྱིར།

ཁང་གསར་ལགས། ཕྱིར་སྡོད་རྒྱ་མིའི་ལག་ཁྱེར་དེའི་སྐོར་བུ་མོ་ཟླ་བས་བཞག་པའི་སྒྲ་ཐག་དེ་ནང་དུ་བློ་སེང་གིས་འཇམ་ནོར་སོགས་ཀྱིས་ལག་ཁྱེར་དེ་ཁྱེར་བ་དངོས་སུ་བརྗོད་ཡོད་པ་ལྟ་བུས་བློ་སེང་འབུར་འཇོམས་བྱེད་ཐབས་བྱས་འདུག་ཀྱང་རྣམ་དཔྱོད་ལྡན་པའི་འཇམ་ཚུལ་ལགས་ཀྱིས་ཆུ་དང་འོ་མ་སོ་སོར་འབྱེད་དེ་དོགས་སེལ་གནང་བ་དེར་ཁྱེད་ཀྱིས་རང་གནོང་ངོས་ཨེ་ལེན། དང་པོ་དེ་གཅིག་གསུངས་རོགས་གནང་ དེ་རྗེས་ཁྱེད་ཀྱིས་རྩོམ་ལ་ཞིབ་ལྟ་ཞིག་བྱེ་འདོད་ཡོད་།

དོགས་པ་མེད་པའི་དོགས་པ་སློང་ནས་ཆོད་རྒྱུ་མེད་པའི་ཆོད་ཆོད་མཛད་མཁན་གྱི་ཁང་གསར་རྡོ་རྗེ་ལ་འདྲི་རྒྱུ། འཛམ་གླིང་རྒྱལ་སྤྱིའི་ཆབ་སྲིད་མི་ཤེས་ལ། བོད་གཞུང་སྐྱབས་བཅོལ་དུ་ཡོད་པའི་སྒྲིགས་གཞི་ཡང་ཞིབ་ཆ་ཤེས་ཀྱི་མེད། འོན་ཀྱང་ང་རང་གི་བསམ་ཚོད་ལྟར་ན་བོད་ཀྱི་ཤ་ཁྲག་ལས་གྲུབ་ཤིང་། བོད་སྐད་རང་སྐྱ་འཕེར་མཁན། བོད་པར་ཁ་ཞེ་གཉིས་མེད་དུ་ཞལ་གྱི་བཞེས་མཁན་ཞིག་ཡོད་ནས་བཟུང་། ལག་ཁྱེར་གང་འདྲ་ཞིག་ཁྱེར་ན་འདྲ། མི་སེར་གང་གི་ཁོང་དུ་ཆགས་ཡིན་ན་འདྲ། བཀའ་ཁྲིར་ལ་ཕེབས་ཆོག་པར་སེམས།
གལ་སྲིད་ད་ལྟའི་ཆབ་སྲིད་པ་རྣམས་ཀྱིས་བསམ་ཚུལ་ནང་བཞིན་བྱས་ན། བོད་དུ་ཡོད་པའི་བོད་མིར་བཙན་བྱོལ་དུ་གནས་པའི་བོད་གཞུང་གི་ཆ་ཤས་ཏིལ་ཙམ་ཡང་ལེན་མི་ཆོག་པའི་གནས་ཚུལ་ཞིག་བོད་སྐྱབས་བཅོལ་པའི་སྒྲིགས་གཞི་དང་། བོད་སྐྱབས་བཅོལ་དུ་གནས་པའི་བསམ་ཚུལ་དུ་འདུག བོད་ལ་ཡོད་པའི་བོད་མིས། ཨ་རིའི་མི་སེར་གྱིས་བཙན་བྱོལ་བོད་གཞུང་གི་ཆ་ཤས་ལེན་ཆོག་པ་ནང་བཞིན་པ་བཙན་བྱོལ་དུ་གནས་པའི་བཀའ་བློན་ཁྲི་བར་ཞུགས་ཆོག་པ་ཞིག་བྱུང་ན། བཀའ་ཁྲིར་ལོངས་ཆོག་གི་རེད་པས།

ཁང་གསར་གྱིས་ལན”དེ་ནས་གཅིག་གིས། བོད་ནང་གི་བོད་མིས་བཀའ་ཁྲིའི་འོས་འདེམས་ནང་ཆ་ཤས་ལེན་ཆོག་དགོས་བ་དང་དེ་ཡང་བོད་གཞུང་གིས་བཀག་བསྡད་ཡོད་བ་ལྟ་བུ་ཞིག་བཤད་འདུག ངས་གོ་ནོར་ཐེབས་ཡོད་སྲིད། བོད་ནང་གི་བོད་མི་ཚོ་བཙན་བྱོལ་བོད་གཞུང་གི་བཀའ་ཁྲིའི་འོས་བསྡུའི་ནང་ཆ་ཤས་ལེན་མི་ཆོག་པ་དང་བཀག་འགོག་བཟོ་མཁན་དེ་རྒྱ་ནག་གཞུང་རེད་མ་གཏོགས་བོད་གཞུང་མ་རེད། རྒྱ་གཞུང་གིས་བོད་ནང་གི་བོད་མི་ཙམ་མ་ཟད། ད་ཆ་བལ་ཡུལ་གཞུང་ལ་གནོན་ཤུགས་སྤྲད་དེ་བལ་ཡུལ་ནང་གི་བོད་མིས་འོས་བསྡུའི་ནང་ཆ་ཤས་ལེན་རྒྱུར་བར་ཆད་མང་བོ་བཟོས་དང་བཟོ་བཞིན་པ་རེད། དེ་མིན་བོད་ནང་གི་བོད་མིས་བཙན་བྱོལ་གྱི་ཆབ་སྲིད་ལས་དོན་ལ་ཐེ་ཇུས་བྱས་མི་ཆོག་བ་དེ་འདྲ་མ་རེད། དཔེར་ན། མང་མོས་ཐག་གཅོད་འོས་བསྡུའི་སྔོན་འགྲོའི་འོས་བསྡུའི་སྐབས་དང་དམིགས་བསལ་ཚོགས་ཆེན་གྱི་སྐབས་སུ་བོད་ནང་གི་བོད་མིས་བསམ་འཆར་ཕུལ་ཡོད། དེ་བཞིན་བོད་ནང་ནས་བཙན་བྱོལ་དུ་ཡོང་བ་ཚོས་ཐད་ཀར་བཙན་བྱོལ་བོད་མིའི་ཆབ་སྲིད་ལས་དོན་ནང་ཇེ་ཇུས་བྱས་ཆོག་གི་ཡོད་ལ་བྱེད་བཞིན་པའང་རེད། ”

ངས་ཡང་བསྐྱར་བསམ་འཆར་ཞུ་རྒྱུ། གལ་སྲིད་རྒྱ་ནག་གི་མི་སེར་དུ་གྱུར་བའི་བོད་མི་ཞིག་བཀའ་ཁྲིར་ལོངས་པ་ལ་བཙན་བྱོལ་བོད་གཞུང་མང་གཉིས་ཀྱིས་ངོ་རྒོལ་དང་བཀག་འགོག་མེད་ཅིང་དེ་དག་ལ། འོས་བབ་ཡོད་ན། གཉིས་ཕན་དབུ་མའི་ལམ་དུ་མགོ་ནག་བོད་པའི་སྐུ་ཚབ་བཙན་བྱོལ་བོད་གཞུང་མང་གཉིས་ཆར་ཁ་ཞེ་གཉིས་མེད་ཀྱིས་ཤར་སྐྱོད་བྱེད་ཀྱི་ཡོད་པ། དབུ་ཞབས་ལས་སྣེ་ཡོངས་ཀྱིས་ཞལ་བུག་གཅིག་ནས་ཐོན་པ་ལྟར་གསུངས་བཞིན་པའི་སྐབས་སུ། བློ་བཟང་སེངྒེས་ཕྱི་བཞུགས་རྒྱ་མིའི་མི་རིགས་གཉེན་འབྲེལ་ཐུག་ཆེད་ཆོག་པའི་ཆོག་མཆན་ཞུས་པས། ལྟ་བའི་ལོངས་ཕྱོགས་དང་མཐུན་པ། བོད་ཀྱི་རྩ་དོན་མཐུན་པ། རྒྱལ་བའི་དགོངས་བཞེད་དང་མཐུན་པ་ལས། དེ་ལས་བརྒལ་བ་ཞིག་མ་དམིགས་ལ། འོན་ཀྱང་བོད་གཞུང་གི་ལོངས་ཕྱོགས་དང་མི་མཐུན་པ། ༧གོང་ས་མཆོག་གི་དགོངས་བཞེད་དང་ག་དུས་ཡིན་ནའང་རོ་རྒྱབ་ཁུར་བྱེད་མཁན་གྱི་འཇམ་དབྱངས་ནོར་བུའི་དགོངས་པ་ལས་འགལ་ཡོད་ཤེས་ཆེ།

ད་ངས་ཁྱེད་ཀྱིས་ཉིན་གྲངས་མང་པོའི་རིང་དུ། དུས་ཚོད་གང་མང་ཞིག་བསམ་འཆར་འབྲི་བ་དང་། དཔྱད་པ་བྱེད་ཁུལ་བྱེད་པ་ལ་བཏང་བའི་དམིགས་ཡུལ་གཙོ་བོ་དེ་གང་ཡིན་ཤེས་མ་སོང་།

དྲ་གྲོགས་ཁང་གསར་ལགས།
༡། ངས་མ་བསམ་ས་ནས་རང་གིས་ཧ་ཅང་བཀུར་བའི་དྲ་གྲོགས་དང་གཏུག་རེས་བྱེད་པ་དགོས་པ་ཞིག་བྱུང་སོང་། ངོ་མ་བཤད་ན་འདི་མ་ལེགས་པ་ཞིག་མིན་པར་ཡོན་ཏན་པ་དང་ལྷན་དུ་བསམ་ཚུལ་རྗེ་རེས་སྐལ་བ་བཟང་པོའི་ལས་ཀ་ཞིག་ཡིན། འོན་ཀྱང་རྣམ་པ་ནི་བཤད་རེས་བྱེད་པའི་ཚུལ་དེ་རེད། བཤད་རེས་བྱས་སྐབས་བཤད་རྒྱུ་ཡོང་གི་འདུག དཔེར་ན་ཁྱེད་ཀྱིས་གནདྷིའི་སྐོར་ལ་ནོན་ཅི་ཐུབ་ཀྱིས་གསུང་འདུག་ཀྱང་། དེ་ནི་འབེན་མེད་པའི་མདའ་འཕེན་དང་འདྲ་སྟེ། དེ་ལྟར་ངས་བསམ་ཤེས་བྱས་ཡོད། ངའི་དཔེ་ངོ་མ་གཉིས་བཞག་པ་ཡ་ཧུའི་སྲིད་བློན་ནིཏིན་ཡཧུ་ཡིས་དབྱིན་ཇིའི་ལག་འཁྱེར་བཟུང་བ་དང་སུབྷཤི་ཡིས་ཨི་ཊ་ལིའི་ལག་འཁྱེར་བཟུང་བ་གཉིས་ཀ་ལ་ཟུར་ཙམ་ཡང་གསུང་མི་འདུག གསུང་རྒྱུ་མེད་པས་བཞག་པ་རེད་མི་ཞུ་ཡང་གྲ་སྒྲིག་ཅིག་ངེས་པར་དུ་གནང་དགོས་པར་གྱུར་བ་འདྲ།
༢། ཁྱེད་ཀྱིས་འདི་ཐག་ཆོད་ཚར་བ་ཡིན་ཞེས་རང་འཚམས་ཀྱིས་བསྡུམས་འདུག་དེར་འཇོག་ན་མི་འགྲིག་པ་ཆེར་མེད། འོན་ཀྱང་དོན་དུ་ཐག་གང་ཡང་ཆོད་མེད། ངས་ཁྱེད་ཀྱིས་རྩོམ་ལས་བཤུས་པའི་དུམ་བུ་“་་་དང་རྩོམ་པ་པོ་འཇམ་དབྱངས་ནོར་བུ་ཡང་རྒྱ་ནག་གི་ཕྱི་སྡོད་རང་མིའི་ལག་འཁྱེར་ཐོག་ནས་བོད་ལ་ཕྱིན་པ་རེད་ཅེས་ཚིག་ཐག་བཅད་ནས་བཤད་འདུག”ཅེས་པ་འདིའི་སྐོར་ལ་གང་ཡང་གསུང་མི་འདུག ཁྱེད་ཀྱིས་རྗེད་སོང་རུང་རྒྱ་ཆེས་ཀློག་པ་པོ་དང་ངས་ད་དུང་རྗེད་མེད། ངས་ཞུས་པ་བཞིན་གཡོལ་འདོད་ན་གཡོལ་ཆོག་ས་ལ་ཏག་ཏག་གཡོལ་སའི་ལམ་དེར་ཞུགས་སོང་། གང་ལགས་ཤེ་ན་ཁྱེད་ཀྱིས་“འོས་འགྲན་གྱི་བརྒྱུད་རིམ་ནང་རྫུན་དང་ཧམ་པ་བཤད་པ་བཅས་བྱུང་ཡོད།”ཅེས་བྲིས་ཡོད་ཅིང་། ཁོ་བོས་ཁྱེད་ཀྱི་གསུང་དུམ་བུ་འདི་ལ་གོ་བ་ཞིག་བླངས་བ་ན་ “རྫུན་དང”་ཞེས་པ་དང་ “ཧམ་པ་བཤད་པ”་གཉིས་ཟློས་སྐྱོན་མ་ཡིན་པར་བསམ་ནས་དེ་གཉིས་ལ་གོ་བ་སོ་སོར་བླངས་པ་ཡིན། ཁྱེད་ཀྱི་ “རྫུན”་གྱི་འཇུག་ཡུལ་ནི་ཁྱེད་ཀྱིས་གསུང་བའི་གཞོན་ནུའི་རྒྱུན་ལས་བྱས་ལོ་སྐད་སོགས་ཡིན་པ་དང་། “ཧམ་པ་བཤད་པ”་ཞེས་པའི་འཇུག་ཡུལ་ནི་ “འཇམ་ནོར་དང་ལྷ་སངས་ཀྱིས་ཤོག་དཀར་ཁྱེར་ནས་བོད་ལ་སོང་བ་རེད།” ཅེས་བཤད་ལོ་འདི་ལ་གོ་དགོས་སྙམ་ཏེ། ཁོང་གཉིས་ད་ལྟ་འཚོ་བཞུགས་ཡོད་པ་ལ་མ་བྱས་པ་ཞིག་བྱས་པར་བརྗོད་ན་བོད་སྐད་དུ་ཧམ་པ་བཤད་པ་ཞེས་ཟེར་བ་ཡིན་པས་སོ། ཁོས་གོ་བ་དེ་ལྟར་བླངས་བ་ཡིན། འོན་ཀྱང་ཁྱེད་ཀྱིས་རྫུན་དང་ཧམ་བཤད་གཉིས་ཀ་ལ་གོ་ས་ལོགས་ཁ་མེད་པར་ཟློས་སྐྱོན་གྱི་ཚིག་ཅིག་ཡིན་པར་གསུང་ན་གསུང་པ་པོ་ཁྱེད་རང་ཡིན་པས་དེ་རང་ཡིན་ཆུགས། ངས་གོ་བ་བླངས་བ་ནོར་བར་ཆ་ཞོག རྩོད་པ་འདི་ལ་དགོས་པ་ཆེར་མེད་པས་འདི་ལས་འཚམས་བཞག་ཀྱང་འགྲིག
༣། ཁྱེད་ཀྱིས་“ཁྱོད་ཀྱིས་ཕྱོགས་གཅིག་ལ་བསྟོད་རྐྱང་དང་ཕྱོགས་གཅིག་ལ་སྨད་རྐྱང་གི་ལངས་ཕྱོགས་དེ་ཡག་བོ་མ་རེད་ཅེས་ངས་གོ་བརྡ་ཞིག་སྤྲད་པ་ཡིན།”ཞེས་པའི་དུམ་བུ་འདི་ཁྱེད་ལ་ཕྱིར་ཁ་དག་དཀར་པོ་ཞིག་གིས་བརྒྱན་ནས་འབུལ་ཆོག་པར་ཞུ། ངས་རང་མཐོང་ཡིན་སྲིད་ཀྱང་འདི་ལྟར་བྱེད་ཀྱི་མེད་ཚོད་ཡིན་ཞིང་། ཁྱེད་ཀྱང་སྔོན་མ་དེ་ལྟར་མི་གནང་བའི་ཆ་འཇོག་ཆེན་པོ་ཡོད་མོད། བློ་སེང་ལ་ཐུག་དུས་དེར་བསྡད་མ་སོང་སྙམ་པའི་ཚོར་སྣང་བྱུང་བ་ལགས། དཔུང་སྒྲིག་ནས་ཡོང་བ་ཡིན་ཞེས་པའི་སྐབས་སུ་སྲུང་སྐྱོབས་བྱས་པ་ཡིན་གསུང་ལ་དེ་ཙམ་བྱས་ཡུས་གནང་དགོས་པར་མ་མཐོང་སྟེ། ཚིག་དེའི་ནང་དོན་ཙམ་ནི་བསམ་བློ་གདོན་གྱིས་བརླམས་པ་ཞིག་མིན་ན་སུས་ཀྱང་གོ་བ་ལེན་ཐུབ་པ་ཞིག་རེད། ཁྱེད་ཀྱིས་བློ་སེང་ཧ་ཝར་ནང་གཞོན་སྐྱེས་དབུ་ཁྲིད་ཉི་ཤུའི་གྲས་ལ་འདམ་ཐོན་བྱུང་བ་ལན་གཅིག་གསུང་ཨེ་མྱོང་། ཁོང་གིས་ཆུ་སྒང་དྲུང་ཆེ་བྱས་པ་སོགས་མ་བཀོད་པ་ནི་ཁོང་གི་ཐུགས་ལ་འགོད་ཅན་གྱི་བྱས་རྗེས་སུ་མ་གཟིགས་པ་ཡིན་པའི་ལམ་ཁ་ཞིག་མེད་པ་རེད་དམ། དོན་དག་ཆེད་དུ་སྦེད་པའི་ཉེས་པ་ལས་འཆོར་ས་མེད་པ་ཨེ་ཡིན།
ཁྱེད་ཀྱིས་ཁོང་གི་སྐོར་ལ་འོས་མི་ལ་དམའ་འབེབ་བྱེད་ཆེད་འཁྱོག་ནས་བརྗོད་པ་མིན་ན་མང་ཚོགས་མགོ་རྨོངས་སྲིད་པའི་རྗོད་སྟངས་སུ་བཅོས་ནས་བརྗོད་པ་མིན་ནམ་སྙམ་པ་འཆར་། ད་དེ་ཚོ་ཞོག
༤། ངས་འཇའ་ས་དེ་ཚོ་ལ་གནད་འགག་ཡེ་ནས་མེད་ཞུས་མེད། གནས་སྟངས་མ་འདྲ་བ་ཡིན་པས་སྔར་གྱིས་འཇའ་སའི་ཉེན་ཚབ་དེ་བཞིན་ཤོག་དཀར་ལ་འབྱུང་སྲིད་དམ་ཞུས་ཡོད། ༧གོང་ས་བཅུ་གསུམ་པས་རྒྱས་གསེར་ཐམ་བེད་སྤྱོད་མ་གནང་བ་དང་བློ་སེང་གིས་ཤོག་དཀར་བེད་སྤྱོད་བྱས་པ་གཉིས་མཚུངས་སྡུར་བྱས་པ་ནི་ར་མགོ་ལུག་སྦྱར་མིན་ཁྱི་མགོ་ཕག་སྦྱོར་ཡིན། ༧གོང་ས་མཆོག་ལ་གདམ་ང་ཡོད་ཅིང་བློ་སེང་ལ་གདམ་ང་མེད། ལར་ནས་བཤད་སྟངས་ཤིག་ལ་བློ་སེང་གི་ཤོག་དཀར་བླངས་བའི་ཉེས་པ་དེ་བློ་སེང་གིས་བོད་ཀྱི་མི་སེར་ཡིན་པ་མཚོན་པའི་དེབ་སེར་གཡུག་ནས་ཨ་རིའི་མི་སེར་ཡིག་ཆ་མ་བླངས་པ་ལས་བྱུང་འདུག་ཅེས་བཤད་ན་ཁྱེད་ཀྱིས་བློ་གང་འཆར་།
༥། “བཀྲས་མཐོང་གིས་ལས་ཀ་ཆུང་ས་དེ་ཚོ་ནས་དཀའ་ལས་བརྒྱབ་སྟེ་ཡོང་བ་རེད། བློ་སེང་གི་ལས་ཀ་ཆུང་ཆུང་ཚང་མ་ནས་དགོངས་པ་ཞུས་བ་རེད།” བཀྲས་མཐོང་གིས་དེ་ལྟར་གནང་བ་དང་ཁོང་གིས་ཕྱག་ལ་ངས་སྔགས་བརྗོད་ཚད་མེད་གཞན་དང་གཞན་ན་ཞུས་ཡོད་ལ་ཞུ་གིན་ཡོད། ཁྱེད་ཀྱིས་གཟིགས་ཡོད་མེད་མ་ཤེས། འོན་ཀྱང་འདི་སྐོར་ལ་ངས་དངོས་ཡོད་ཚིག་ཅིག་ཞུས་ན་མཐོང་ཆུང་བྱས་པར་མ་དགོངས་རོགས། བཀྲས་མཐོང་གིས་ལས་ཀ་ཆུང་ས་ནས་དགོངས་པ་མ་ཞུས་པ་ལ་ངོ་མ་བཤད་ན་ཁོང་ལ་མུ་མཐུད་བཞུགས་རྒྱུ་ལས་བློ་སེང་ནང་བཞིན་འོད་སྟོང་འཕྲོ་བའི་མདུན་ལམ་གྱི་གཡབ་མོ་དེ་འདྲ་མེད་པ་རེད། གལ་སྲིད་བཀྲས་མཐོང་གི་མདུན་དུ་བློ་སེང་ལ་བྱུང་བའི་གོ་སྐབས་དེ་དག་བྱུང་ཡོད་ན་ཡིད་གཉིས་ཐེ་ཚོམ་མེད་པར་དགོངས་པ་ཞུས་ཡོད་སྲིད། རྒྱུ་མཚན་གཞན་ཞུ་རྒྱུ་མེད་ཀྱང་ནང་ཁྱིམ་གྱི་དོན་དུ་བཀའ་ཁྲིའི་ལས་ཀ་ལས་དགོངས་པ་ཞུས་པ་དེ་ཡིན།
༦། “སྐད་ཆ་སྡུག་ས་ནས་བཤད་ན། ལས་ཀ་ཆུང་ང་མང་བོ་ནས་དགོངས་པ་ཞུས་པ་དེ་ཀ་རང་གིས་ཆེན་པོ་ནས་ཀྱང་དགོངས་པ་ཞུ་ཉེན་ཆེ་བ་ཡོད་བ་དེ་རེད།”ཅེས་པ་ལ་སྐུ་རྩེད་ཅིག་འབུལ་གྱི་ཡིན། “སྔར་དགོངས་པ་ཞུ་བའི་སྲི་ཡོད་དུས་ཕྱིས་སུ་ཡང་དགོངས་པ་ཞུ་བའི་ཉེན་ཁ་ཆེ་བ་ཡོད་པ་རེད།” ཅེས་ཞུ།
༧། ཁྱེད་ཀྱིས་ ཕྱི་རྒྱལ་བ་ Peter Schwieger ཞེས་པས་གསུང་རབས་བཀོད་ནས་རྒྱ་ནག་གིས་དེ་བོད་རྒྱ་ཁུངས་དུ་སྒྲུབ་བྱེད་ལ་རྩི་བ་མ་ཟད་ “རྒྱལ་སྤྱིའི་ཞིབ་འཇུག་པ་ཚོས་ཀྱང་དཔང་རྟགས་དང་ཁུངས་ལུང་དུ་དྲངས་ས་ཞིག་ཆགས་ཡོད།”་ཅེས་མཐའ་སྡོམ་བརྒྱབས་ནས་ང་ཚོ་ལ་ངག་སྒྲ་ཞིག་མེད་ཤག་གནང་བ་འདི་ལ་ང་ཅུང་ཡ་མཚན། རྩོད་པ་བྱེད་སྐབས་རུ་གསུམ་ཡོད་པ་ལས་ཁྱོད་དང་ང་ཁོ་གསུམ་ཡོད་པ་ལས་ཁྱེད་ཀྱི་ང་རྩོད་གླེང་ལ་མཐོང་ཡེ་ནས་མི་འཇོག་པ་ཡ་མཚན། གང་ཟག་གཉིས་པ་དང་གསུམ་ཁ་མཐུན་ན་གང་ཟག་དང་པོའི་འདོད་པ་རྩིས་མེད་དུ་གཏོང་ཆོག་བའི་ལུགས་སྲོལ་ཞིག་ཡོད་དམ། ལར་ནས་གང་ཟག་གསུམ་པ་ཕྱི་རྒྱལ་བ་Peter གཅིག་བུ་མ་རེད། ཕྱི་རྒྱལ་བ་ Eliot སོགས་རང་རེའི་རྩོད་གླེང་ལ་རྒྱབ་སྐྱོར་བྱེད་མཁན་དེ་ལས་མང་བ་ཡོད། མདོར་ན་ཁྱེད་ཀྱིས་བོད་རྒྱ་ནག་གི་ཆ་ཤས་ལ་རྒྱ་མིས་བསྒྲུབས་ཟིན་ནས་ཚར་ཚར་བ་ཞིག་ལ་ངོས་འཛིན་གྱི་ཡོད་དམ།
༨། ངས་མཆན་གོང་མའི་ནང་དུ་ཁྱེད་ལ་དྲི་བ་ཞིག་ཐད་ཀར་དྲིས་པ་ལ་ལན་གནང་མི་འདུག ད་ལན་གྱི་དྲི་བ་འདི་ལ་ཡང་ལན་མི་གཡོལ་བར་ཐད་འདེབས་གནང་བའི་རེ་བ་ཞུ།
༩། ཧ་ཝར་ཌི་གཙུག་ལག་སློབ་ཆེན་དུ་སློབ་ཁྲིད་བྱས་པའི་གླ་ཕོགས་ནི། སློབ་ཁང་དེ་ནས་གནང་གི་མེད་པ། ཁོང་མཉམ་ཞིབ་པ་རྒན་པ་མིན་པ། སོགས་ཁུངས་ལུང་གསུང་ན་ཕན་པོ་འདུག

བློ་སེང་གི་གང་ཞིག་ལ་བསམ་གཞིགས་མང་པོ་བྱས་ཀྱང་ཁོང་བཀའ་ཁྲིའི་འོས་གཞིར་འགྲོ་བར་རྩ་བའི་ཆ་རྐྱེན་གཉིས་ལས་མི་འདུག དེ་གཉིས་ནི་བློ་སེང་མི་རབས་གསར་པར་བརྩིས་པ་དང་། ཧ་ཝར་སྒྲི་སློབ་ཐོན་ཡིན་པ་དེ་གཉིས་རེད། ཁོང་མི་རབས་གསར་པ་ཡིན་དབང་དུ་བཏང་ཡང་། དེའི་ཚོད་ཀྱིས་ཁོང་ལ་ཚད་མཐོའི་བསམ་བློ་གསར་པ་དང་། འཆར་གཞི་གསར་པ། འདུ་ཤེས་གསར་པ་སོགས་ཅི་ཡང་མི་འདུག དེ་ཙམ་ཡང་མེད་ན་ཁོང་གིས་རྒྱུན་ལྡན་དུ་སྒྲོག་གིན་ཡོད་པའི་སྔར་མེད་འགྱུར་བ་གསར་པ་ཟེར་བ་དེ་གང་འདྲ་ཞིག་ལ་ང་ཚོས་ངོས་འཛིན་བྱ་ཤེས་དགོས་རེད། སྤྱིར་བཏང་ཧ་ཝར་སྒྲི་སློབ་ཐོན་ཙམ་ནི་ཧ་ཅང་མང་པོ་རེད། ཡིན་ཡང་བོད་རིགས་ཚོའི་ཁྲོད་ན་དེའི་གོ་སྐབས་ཐོབ་མཁན་དཀོན་པོ་ཡིན་ཙང་། བོད་མི་གཞོན་སྐྱེས་མང་པོས་བློ་སེང་མ་འདྲ་བ་ཞིག་ལ་བརྩིས་པ་རེད་ལ། དེ་བཞིན་ཁོང་གིས་ཀྱང་ཁོང་ཉིད་མ་འདྲ་བ་ཞིག་ཡིན་ཚུལ་སྒྲོག་གིན་ཡོད་པ་རེད། འདི་ནས་ང་ཚོས་ངེས་པར་དུ་བསམ་དགོས་པ་ཞིག་ནི། ཁོང་ལ་སློབ་ཐོན་ལག་འཁྱེར་དེ་དང་མཐུན་པའི་གལ་ཆེའི་ལས་དོན་ཇི་འདྲ་སྒྲུབ་ཡོད་མེད་ཤེས་དགོས་རྒྱུ་དེ་ཡིན། ངའི་བསམ་ཚུལ་ལྟར་ན། ཁོང་གིས་ཁོང་གི་ཁྲིམས་ལུགས་སློབ་ཐོན་ལག་འཁྱེར་དེ་དང་འབྲེལ་བའི་གལ་ཆེའི་ལས་དོན་ཅི་ཡང་བསྒྲུབས་ཐུབ་མི་འདུག་པ་དེས་ང་ཚོ་ལ་ཚུར་གསལ་བཤད་ཡང་དག་ཅིག་བྱས་འདུག་བསམ།
དེ་ནས་བློ་སེང་ཕྱི་སྡོད་རྒྱ་མི་ཡིན་པའི་ཤོག་དཀར་གྱི་ཐོག་ནས་རྒྱ་ནག་ཏུ་ཐད་བསྐྱོད་བྱས་པ་དེར་ནམ་ཡང་དགག་བྱ་ཡོད་ཅིང་། དེ་ལ་དག་སེལ་དང་ཁག་དཀྲིའི་གསལ་བཤད་གཞན་ཅི་ཡང་མི་དགོས་པ་ཡིན། ཆེ་ཆུང་ལ་མ་བལྟས་པར་གནའ་ནས་ད་བར་དུ་བོད་བོད་དང་། རྒྱ་རྒྱ་ཡིན་པའི་ངེས་ཚིག་གསལ་པོ་འདི་ཡིག་ངག་སོ་སོར་ནམ་མཁའི་སྐར་ཚོགས་བཞིན་དུ་ཁྲ་ཆེམ་མེར་ཡོད་པ་ཙམ་ལ་ཡང་བསམ་བློ་མི་ཐོངས་ན་ཧ་ཅང་ཡ་མཚན་སྐྱེ་གཞི་ཞིག་རེད། གནད་འགག་འདུག ཉེན་ཁ་ངེས་པར་དུ་ཆེའོ།།

རྫ་ཚེ་རིང་བཀྲ་ཤིས་ལགས། བློ་སེང་གིས་ད་དུང་ཡང་སྐྱབས་བཅོལ་ལག་དེབ་བཟུང་བ་དེ་ལ་བསམ་བློ་གཏོང་རྒྱུ་ཁ་ཤས་འདུག དང་པོ། ཁོང་ཨ་རི་ནས་འབུམ་རམས་པའི་སློབ་སྦྱོང་ག་དུས་ཐོན་པ་རེད། སློབ་སྦྱོང་དེ་མ་ཐོན་བར་ཨ་རིའི་མི་སེར་གྱི་སྙན་ཞུ་ཕུལ་ཆོག་གི་ཡོད་མ་རེད། སྙན་ཞུ་ཕུལ་བ་ནས་རག་པའི་བར་ལ་དུས་ཚོད་ག་ཚོད་དགོས་རེད། གནས་ཚུལ་དེ་གཉིས་ཁྱེད་རང་གིས་རྩད་གཅོད་ཡག་པོ་ཞིག་གནང་ན། དངོས་གནས་ཡ་མཚན་དགོས་པའི་དོན་དངོས་དེ་འདྲ་རག་གི་རེད། དེ་མིན་རྒྱ་གར་ནང་གི་ལྟ་སྟངས་ཤིག་གིས་ཨ་རི་ལ་བལྟས་ན་ཏག་ཏག་བསྡད་ཀི་མ་རེད། ཨ་རིའི་མི་སེར་བྱས་མ་བྱས་ཀྱི་ཐོག་ནས་ཀྱང་ལྷག་བསམ་དང་སེམས་ཤུགས་མཚོན་ཐུབ་ཀི་མ་རེད།

དེ་ནས་འཇམ་ཚུལ་ངེད་ཅག་གཉིས་ཀ་ཤེས་ཡོན་ཅན་རེད། ངས་རང་ཉིད་ཀྱི་བྱེད་སྟངས་དེ་ཁྱེད་ལས་ལེགས་པ་ཡིན་ཟེར་གྱི་མེད། འོན་ཀྱང་ངས་བཀའ་ཁྲིའི་གནད་དོན་དེ་གླེང་སྐབས། འོས་མི་གསུམ་ཀའི་དགེ་སྐྱོན་ནས་གླེང་གི་ཡོད། དེ་ནི་ཁྱེད་རང་གིས་ཤེས་གསལ་རེད། དཔེར་ན། བློ་སེང་གིས་དཔུང་བསྒྲིགས་པར་ཡོང་བ་ཡིན་ཞེས་པའི་གནས་ཚུལ་དེ་ཐོན་དུས། ངས་བློ་སེང་ལ་སྲུང་སྐྱོབས་བྱས་བ་ཡིན། ཉེ་དུས་ཀྱི་བློ་སེང་གི་བྱེད་སྟངས་ཐོག་ནས་ང་ལ་སེམས་ཁྲལ་བསླངས་བྱུང་། དེར་བརྟེན་ག་ཚོད་ཕན་མིན་མི་སྲིད། འོན་ཀྱང་མ་འོངས་པར་ཉུང་མཐར་སྤྱི་ཚོགས་ལ་ཞིབ་འཇུག་བྱེད་མཁན་ཚོས། གནས་ཚུལ་འདི་དང་འདི་ལ་མི་ཞིག་གིས་སྔོན་ཚུད་ནས་བསམ་བློ་བཏང་སྟེ་གླེང་ཐུབ་འདུག་སྙམ་པའི་ཟིན་ཐོ་ཞིག་ཡོང་བའི་ཆེད་དུ་ཉེན་ཁའི་རང་བཞིན་དང་ཞན་ཆའི་རང་བཞིན་འདི་ཚོ་བཏོན་པ་ཡིན། ཁྱོད་ཀྱིས་ཕྱོགས་གཅིག་ལ་བསྟོད་རྐྱང་དང་ཕྱོགས་གཅིག་ལ་སྨད་རྐྱང་གི་ལངས་ཕྱོགས་དེ་ཡག་བོ་མ་རེད་ཅེས་ངས་གོ་བརྡ་ཞིག་སྤྲད་པ་ཡིན། གནད་འགག་ལ་བབས་ནས་བཤད་ན། བཀྲས་མཐོང་གིས་ལས་ཀ་ཆུང་ས་དེ་ཚོ་ནས་དཀའ་ལས་བརྒྱབ་སྟེ་ཡོང་བ་རེད། བློ་སེང་གི་ལས་ཀ་ཆུང་ཆུང་ཚང་མ་ནས་དགོངས་པ་ཞུས་བ་རེད། ཆུང་ཆུང་ནས་དགོངས་པ་ཞུས་དུས་གོ་གནས་མཐོན་པོ་ལ་སླེབས་ཐུབ་མེད། ད་བར་གོ་གནས་མཐོན་པོ་ལ་སླེབས་མེད་དུས། གོ་གནས་མཐོན་པོ་ནས་དགོངས་པ་ཞུས་མ་ཞུས་ཀི་གནས་ཚུལ་དེ་ཡང་ཡོང་ཤེས་སྟངས་ཡོད་མ་རེད། སྐད་ཆ་སྡུག་ས་ནས་བཤད་ན། ལས་ཀ་ཆུང་ང་མང་བོ་ནས་དགོངས་པ་ཞུས་པ་དེ་ཀ་རང་གིས་ཆེན་པོ་ནས་ཀྱང་དགོངས་པ་ཞུ་ཉེན་ཆེ་བ་ཡོད་བ་དེ་རེད། འདི་ཚོ་བསམ་གཞི་གསར་པ་ཞིག་གི་ཆེད་དུ་བྲིས་བ་ལས་ངའི་ལྟ་བ་མིན།

གཉིས་པ། ངས་སྐད་ཆ་མི་མཐུན་པ་བཤད་པའི་རྒྱུ་མཚན་དུ་བཤད་པའི་ཁྱེད་ཀྱི་སྐད་ཆ་དེ་ཚོ་ཡ་མཚན་རེད། ངའི་མཚན་གྱི་ནང་དེར་བློ་སེང་གིས་ཧམ་བཤད་བྱས་པའི་དཔེ་མཚོན་ཁ་ཤས་དངོས་སུ་བྲིས་ཡོད། དཔེར་ན། ངས་(ཀ) ལི་ཐང་ཨ་དར་གྱི་ཁ་གཏད་དུ་བློ་སེང་སོགས་ཀྱིས་ཆུ་སྒང་གསར་པ་བཙུགས་པ་དང་། དེའི་དྲུང་ཆེ་བྱས་པའི་ཉམས་མྱོང་ཡོད་ཀྱང་། ཉམས་མྱོང་ཡོད་པ་དེ་མ་བཤད་པར། ཉམས་མྱོང་མེད་པ་གཞོན་ནུའི་དབུས་རྒྱུན་དངོས་མ་ལོ་མང་བྱས་པ་ཡིན་ཟེར་བ་དེ་གནད་དོན་གཅིག་རེད།
ཁ) ཧ་ཝར་ཌི་གཙུག་ལག་སློབ་ཁང་དུ། འཕྲལ་སེལ་ཉམས་ཞིབ་པ་ཞིག་ཡིན་ཡང་། སྐབས་རེ་དེའི་སློབ་དཔོན་ནམ་ཉམས་ཞིབ་པ་རྒན་པ་ཡིན་ཞེས་སྒྲོག་པ།
ག) ཧ་ཝར་ཌི་གཙུག་ལག་སློབ་ཆེན་དུ་སློབ་ཁྲིད་བྱས་པའི་གླ་ཕོགས་ནི། སློབ་ཁང་དེ་ནས་གནང་གི་མེད་པར་ཕྱི་ནས་གནང་གི་ཡོད་ཀྱང་། བོད་མིའི་སྤྱི་ཚོགས་ནང་འགྲོ་སོང་དེ་ཚོ་གཙུག་ལག་སློབ་ཁང་དེས་གནང་གི་ཡོད་ཚུལ་སྒྲོག་པ་ལྟ་བུ་རེད།
དོན་དངོས་སུ་ཧ་ཝར་ཌི་སློབ་ཆེན་ནང་བློ་སེང་ལ་འགྲོ་སོང་གཏོང་མཁན་དེ་སུ་རེད། འདི་གནད་དོན་ཧ་ཅང་ཆེན་པོ་ཞིག་རེད། ད་ཕན་བཀྲ་ཤིས་དབང་འདུད་དང་བཀྲས་མཐོང་གཉིས་ཀྱིས་རང་གི་འགྲོ་སོང་ཡོང་ཁུངས་གང་ཙམ་གྱིས་གསལ་པོ་བཟོས་ཡོད། འོན་ཀྱང་བློ་སེང་གིས་ཧ་ཝར་ཌིས་གནང་བ་རེད། མང་པོ་ཞིག་ང་རང་སྒེར་གྱིས་བཏང་བ་ཡིན། འགྲོ་སོང་ཆུང་ཆུང་རེད། ཆེན་པོ་མ་རེད་ཅེས་སོགས་སྤོམ་སྤོམ་ཞིག་ལས་བཤད་མེད།) ཅེས་བྲིས་པ་དེ་ཚོ་ཁྱེད་ཀྱིས་མཐོང་བཞིན་དུ་མ་མཐོང་ཁུལ་བྱས་ཏེ། གཞན་ཞིག་ལ་འཁྲིད་ཐབས་བྱེད་པ་ཡ་མཚན་རེད། དཔེར་ན། གཞོན་ལྷན་གྱི་དབུས་རྒྱུན་བྱས་པའི་ཉམས་མྱོང་ཡོད་ཅེས་བཤད་པ་དེ། བཤད་ས་ཀུན་གླེང་ནང་རེད། ཀུན་གླེང་གི་བཅར་འདྲི་བྱེད་མཁན་རང་གིས། དེ་དུས་ཁྱེད་རང་ཡིག་ཚང་ནང་ལ་ད་ལྟའི་དབུས་རྒྱུན་ཞིག་ལས་ཀ་བྱེད་མེད་པཱ་ཞེས་རྫུན་རྐུབ་བརྟོལ་བ་རེད། འདི་འདྲའི་རྫུན་གཏམ་བཤད་པ་མང་བས་འབྲི་ཚོད་མེད། མདོར་ན། ཁྱེད་རང་ལ་ངས་སྐད་ཆ་མི་མཐུན་པ་མང་བོ་ཞིག་བཤད་པ་རེད་ཟེར་བ་དེའི་ཁུངས་སྐྱེལ་མི་འདུག འདི་ཐག་ཆོད་ཚར་བ་ཞིག་ཡིན། ཡང་བསྐྱར་རང་ཅག་གཉིས་ཀྱི་ནུས་པ་འཕྲོ་བརླག་གཏོང་གི་མིན།

བོད་ཀྱི་བུ་མོའི་ཚོད་དཔག་དེ་ལ་ངས་གང་ཡང་ཞུ་ཤེས་མ་སོང་། ཀརྨ་རྡོ་རྗེས། དབུ་མའི་ལམ་གྱི་སྲིད་ཇུས་འཛིན་མཁན་དང་རྗེས་འབྲང་བ་དང་བཅས་པ་དང་འཚེ་མེད་ཞི་བའི་འཐབ་རྩོད་པ་རྣམས་ལ་གནད་འགག་མེད་ཚུལ་བཤད་འདུག དང་བོ། ང་ཚོ་བོད་གཞིས་བྱེས་གཉིས་ན། རང་བཙན་རྩོད་མཁན་ཡིན་ནའང་འདྲ། ལམ་དབུ་མ་རྩོད་མཁན་ཡིན་ནའང་རུང་། རང་ཐག་རང་གཅོད་འདོད་མཁན་ཡིན་ནའང་ཆོག ཚང་མ་འཚེ་མེད་ཞི་བའི་འཐབ་རྩོད་བ་ཡིན་པ་དེ་གསལ་བོ་ངེས་དགོས། ཁྱོད་ཀྱིས་བཤད་སྟངས་ལྟར་ན། དབུ་མའི་ལམ་ལ་ཞུགས་མཁན་ཚོ་མ་གཏོགས། རང་བཙན་འདོད་མཁན་ཚོ་དྲག་སྤྱོད་པ་རེད་མདོག་མདོག་གི་རྣམ་པ་ཞིག་ངས་ཚིག་གི་རྒྱབ་ནས་མཐོང་གི་འདུག བཤད་སྟངས་དེ་ལོག་བཤད་རེད།
དེ་ནས་རྒྱ་ནག་གི་ལག་ཁྱེར་འདིས་བོད་དོན་འཐབ་རྩོད་ཀྱི་ངོ་བོ་དང་རྣམ་པ་ཡོངས་རྫོགས་ལ་སྐྱོན་དང་གེགས་བྱེད་པ་ལས། རིགས་གཅིག་ལ་སྐྱོན་ཡོད་བ་དང་རིགས་གཅིག་ལ་སྐྱོན་མེད་སོང་བ་དེ་འདྲ་ཡེ་ནས་མ་རེད། དབུ་མའི་ལམ་ལ་སྐྱོན་བྱེད་ཀི་མེད་ན། དབུ་མའི་ལམ་གཞི་བཟུང་གྲོས་མོལ་བྱེད་པར་འགྲོ་མཁན་བོད་ཀྱི་སྐུ་ཚབ་སྟག་ལྷ་ཕུན་ཚོགས་བཀྲ་ཤིས་སོགས་ཀྱིས་ལག་ཁྱེར་འདི་ཁས་ལེན་མི་བྱེད་པ་བྱེད་དོན་འདུག་གམ། འཚེ་མེད་ཞི་བའི་ལམ་ལ་ཞུགས་མཁན་ལ་སྐྱོན་བྱེད་ཀི་མེད་ན། འཚེ་མེད་ཞི་བའི་ལམ་ནས་འཐབ་རྩོད་གནང་མཁན་བཙན་བྱོལ་བོད་གཞུང་གིས། ལག་ཁྱེར་དེ་ལེན་མཁན་ཚོས་འགེངས་ཤོག་ཅིག་འགེངས་དགོས་པ་བཟོ་དོན་འདུག་གམ།

དེ་ནས་གཅིག་གིས། བོད་ནང་གི་བོད་མིས་བཀའ་ཁྲིའི་འོས་འདེམས་ནང་ཆ་ཤས་ལེན་ཆོག་དགོས་བ་དང་དེ་ཡང་བོད་གཞུང་གིས་བཀག་བསྡད་ཡོད་བ་ལྟ་བུ་ཞིག་བཤད་འདུག ངས་གོ་ནོར་ཐེབས་ཡོད་སྲིད། བོད་ནང་གི་བོད་མི་ཚོ་བཙན་བྱོལ་བོད་གཞུང་གི་བཀའ་ཁྲིའི་འོས་བསྡུའི་ནང་ཆ་ཤས་ལེན་མི་ཆོག་པ་དང་བཀག་འགོག་བཟོ་མཁན་དེ་རྒྱ་ནག་གཞུང་རེད་མ་གཏོགས་བོད་གཞུང་མ་རེད། རྒྱ་གཞུང་གིས་བོད་ནང་གི་བོད་མི་ཙམ་མ་ཟད། ད་ཆ་བལ་ཡུལ་གཞུང་ལ་གནོན་ཤུགས་སྤྲད་དེ་བལ་ཡུལ་ནང་གི་བོད་མིས་འོས་བསྡུའི་ནང་ཆ་ཤས་ལེན་རྒྱུར་བར་ཆད་མང་བོ་བཟོས་དང་བཟོ་བཞིན་པ་རེད། དེ་མིན་བོད་ནང་གི་བོད་མིས་བཙན་བྱོལ་གྱི་ཆབ་སྲིད་ལས་དོན་ལ་ཐེ་ཇུས་བྱས་མི་ཆོག་བ་དེ་འདྲ་མ་རེད། དཔེར་ན། མང་མོས་ཐག་གཅོད་འོས་བསྡུའི་སྔོན་འགྲོའི་འོས་བསྡུའི་སྐབས་དང་དམིགས་བསལ་ཚོགས་ཆེན་གྱི་སྐབས་སུ་བོད་ནང་གི་བོད་མིས་བསམ་འཆར་ཕུལ་ཡོད། དེ་བཞིན་བོད་ནང་ནས་བཙན་བྱོལ་དུ་ཡོང་བ་ཚོས་ཐད་ཀར་བཙན་བྱོལ་བོད་མིའི་ཆབ་སྲིད་ལས་དོན་ནང་ཇེ་ཇུས་བྱས་ཆོག་གི་ཡོད་ལ་བྱེད་བཞིན་པའང་རེད།

ཨ་མཆོད་ལགས་གྷན་ཌི་ཕྱི་གླིང་དུ་ཕེབས་སྐབས་རྒྱ་གར་དབྱིན་ཇིའི་བཙན་བཟུང་བྱས་ཚར་ཏེ་ད་ལྟ་བོད་ནང་གི་བོད་མའི་གནས་སྟངས་དང་འདྲ་མཚུངས་རེད། ཁོང་ཚོ་ལ་དེ་ལས་ལྷག་པའི་གདམས་ག་ཡོད་པ་མ་རེད། དེ་གཉིས་ལ་གནམ་སའི་བར་ཐག་ཆོད་ཡོད་རེད།

༼༥ ཡ་མཚན་ཆེ་བའི་དོན་དངོས།
དེ་དུང་ཡ་མཚན་ཆེ་བའི་དོན་དངོས་གཞན་ཞིག་ཀྱང་ཡོད་དེ། དེ་ནི་ཁོང་གི་ཕྱི་སྐྱོད་ཕྱག་འཁྱེར་གྱི་སྐོར་རེད། ནུབ་ཕྱོགས་སུ་བཞུད་ཟིན་པའི་བོད་པ་ཞིག་ལ་བོད་པ་ཞེས་པའི་མིང་འདི་དོར་ནས་རྒྱལ་ཁོངས་བཞན་གྱི་མི་སེར་དུ་ཧབ་ཐོབ་མ་བྱས་པ་ཉིན་སྐར་ཙམ་ལས་མེད་ལ། ཆབ་སྲིད་བཙོན་ཟུར་རམ་བོད་ཀྱི་དཔའ་བོ་ཡིན་ཟེར་མཁན་དག་གིས་ཀྱང་ཐབས་བརྒྱ་ཇུས་སྟོང་གིས་རྒྱལ་ཁབ་གཞན་གྱི་མི་སེར་དུ་བརྩོན་ལེན་བྱེད་བཞིན་ཡོད་ན་ཡང་། བཟའ་ཟླ་ནང་མི་དང་བཅས་པ་ཨ་རིའི་དག་ཞིང་དུ་འཚོ་བ་བསྐྱལ་ནས་མི་ལོ་དེ་ཙམ་ཐལ་བའི་སྤྱང་གྲུང་ལྡན་པའི་སྐུ་ཞབས་ཁོང་ལ་མུ་མཐུད་རྙོག་འཛིངས་ཆེ་བའི་སྐྱབས་བཅོལ་ལག་དེབ་སེར་པོ་དེ་ཁུར་ནས་འགག་སྒོ་དང་གནམ་ཐང་རེ་རེ་བཞིན་གྱི་མཐོང་ཆུང་དང་ཁྱད་གསོད། བཀག་ཉར་དང་འདྲི་བརྩད་བཅས་ཡོང་སྲིད་པ་དང་འཕྲད་སྲིད་པའི་གནད་དོན་དེ་དག་དང་། ཐ ན་རྒྱ་གར་རང་ནས་རྒྱལ་ཁབ་གང་ཞིག་གིས་ཐོངས་མཆན་ཚད་ལྡན་ཡོད་མེད་ལ་མ་ལྟོས་པར་རྒྱབ་གཉེར་དང་དུས་བཀག་གི་ཡིག་ཆ་ཐོལ་པ་ཅི་ཙམ་ཞིག་བཟོ་དགོས་པ་རང་ཉིད་འགྲོ་སྐྱོད་འདོད་པའི་རྒྱལ་ཁབ་དང་ས་ཁུལ་ཅི་ཙམ་ཞིག་ལ་ཚད་བཀག་ཡོད་པ་སོགས་ཀྱི་དངོས་ལ་ཅི་མི་སྙམ་པའི་རང་ཚུགས་དེ་ལྟ་བུ་ཡོད་པ་ནི་ཡིད་ཆེས་དཀའ་བ་ཞིག་ཡིན་ན་ཡང་། ཆེད་ལས་སྐྱོན་འཛུགས་མཁན་དག་གིས་ཀྱང་ཅང་མི་ཟེར་བའི་ཚུར་གྱིས་ཁས་བླངས་ཟིན་སྟབས་ངས་ཀྱང་ཡིད་མ་ཆེས་རང་ཆེས་རེད། ཕྱོགས་གཞན་ཞིག་ནས་ལྟས་ན་སྐུ་ཞབས་བཀྲིས་མཐོང་དང་ཁོང་གི་ནང་མིའི་ངོ་བོ་གཞན་འགྱུར་གྱི་གནས་བབས་དང་མི་སེར་ལག་འཁྱེར་ལ་དོགས་འདྲི་མ་གནང་བར་བཞག་པ་ནི། ཨ་རིའི་གློག་ཕྲིན་ཁང་གི་ཀུན་གླེང་ལས་རིམ་གྱི་བྱེད་སྟངས་ལ་ཟུར་ཟའི་དྲ་མཆན་ཞིག་ཏུ། བཀྲིས་མཐོང་ལ་བྱས་རྗེས་འཆད་དུ་བཅུག་ཅིང་། བཀྲ་ཤིས་དབང་འདུས་ལ་ཉམས་མྱོང་འཆད་དུ་བཅུག་རྗེས་བློ་བཟང་སེང་གེར་ཁྲིམས་ཁང་གི་དྲི་ཞིབ་པའི་བྱེད་སྟངས་སྤྱད་སོང་ཞེས་བྲིས་མྱོང་བ་དང་འདྲ་སེ་བ་ཞིག་འདུག

ཁང་གསར་ལགས།
མཆན་ཞིག་བཏབ་ཟིན། དེ་ནི་རང་གཞན་ཀུན་ལ་བསམ་གཞིགས་སུ་ཕུལ་བ་ཡིན། ངས་ད་དུང་བློ་སེང་གིས་ཤོག་དཀར་བླངས་བ་དེ་ཁྱེད་ཀྱིས་གསུང་པ་ལྟར་གྱི་ཚབ་ཆེན་ཞིག་ཡིན་མིན་ཐག་ཆོད་མེད།
ཁྱེད་ཀྱི་རྩོམ་གྱི་ཁ་བྱང་ལ་ གནད་འགག་མི་འདུག་ཨེ ཞེས་བྲིས་པ་ལ་ ངས་ གནད་འགག་འདུག་ཀྱང་དེ་ཙམ་མི་འདུག ཅེས་སུ་སྒྱུར་འོས་པ་མིན་ནམ་སྙམ་བཞིན་ཡོད།