ལོ་སར་ཚེས་གཅིག་ལ་དཀར་སྐྱོང་གནང་རོགས།

ང་ཚོའི་བོད་པའི་སྤྱི་ཚོགས་ཁྲོད་དུ་སྐྱོན་དང་ནོར་འཁྲུལ་ཅུང་ཟད་བྱུང་དུས་དེ་ལག་འོག་གི་མིས་མ་མཇོན་པ་དང་ལྷག་བསམ་མེད་པར་རྩིས་འགྲོ་བ་དང་ཐོབ་དང་སྙན་གྲགས་ཆ་ཚང་བླ་མ་དང་དཔོན་པོ་ཚོས་འཁུར་དགོས་པ་འདི་ཧ་ཅང་དྲང་བདེན་ཞིག་མ་རེད། འགན་དབང་གཉིས་ལྡན་དང་རང་དཔེ་གཞན་འགེལ་བྱེད་རྒྱུ་ཧ་ཅང་གལ་ཆེན་རེད། འགན་ཡོད་མཁན་གྱི་མི་ལ་དབང་ཡང་ཡོད་དགོས་ལ་དབང་ཡོད་མཁན་གྱི་མི་ལ་འགན་ཡང་ཡོད་དགོས། བཀའ་སློབ་གནང་མཁན་དག་གིས་དང་པོ་རང་གིས་དེ་ལྟར་བྱེད་ཐུབ་ཀྱི་ཡོད་མེད་ལེགས་པར་རྟག་རྗེས་མི་ལ་ལམ་སྟོན་གནང་ཚེ་འོས་ཤིང་མཚམས་པ་ཞིག་ཡོང་གི་རེད། རང་ཉིད་ཀྱི་ཚོགས་སྡེས་ཤ་ཟ་ཞིང་སྡུག་ལ་སྤྱོད་པ་དང་ཡུལ་ཁྲིམས་མི་བརྩི་ཞིང་དྲང་བདེན་མིན་པའི་ལས་བྱེད་བཞིན་པ་མ་མཐོང་པར་དེ་ལས་ཐག་རིང་ཞིག་ལ་སློབ་གསོ་དང་སྐྱོད་བརྗོད་རྒྱུ་འདི་ཡང་དེ་ཙམ་འོས་མཚམས་རང་མི་འདུག་བསམ་བྱུང་། འདི་སེམས་ནང་གི་སྐད་ཆ་ཡིན།

བཙན་པོའི་བུ་བྱ་ཤ་དེ་འདྲའི་མང་པོ་ཨེ་ཡོད་མི་ཤེས་ཏེ། ཤ་ཡོད་པ་དེ་བདེན་པ་རེད། འོན་ཀྱང་དེ་བླ་མའི་སྐྱོན་མ་རེད་གྲྭ་པ་དག་གིས་སྐྱོན་རེད་དཔེར་ན་ཀརྨ་པའི་དངུལ་གྱི་དོན་རྐྱེན་ལྟ་བུ་རེད། སློབ་མ་དག་གིས་མ་མཇོན་པ་རེད།

རེད་ལགས། ཨ་རོགས་ཚོ། བཟོ་ཤེས་ན་ཤ་མེད་མོ་མོ་ལས་ཞིམ་པ་མི་འདུག དང་པོར་ཞོག་ཁོག་ཞིབ་ཞིབ་གཙབས། དེ་ནས་ཤ་མོ་ཞིབ་ཞིབ་གཙབས། དེའི་ནང་དུ་ཙོང་སྔོན་པོ་ཏོག་ཙམ་བསྣན། གཡེར་མ་ཞིབ་བརྡུངས་ཕྲན་བུ་བླུགས། དེའི་སྟེང་དུ་ལ་ཕུག་སེར་པོ་ཞིབ་ཞིབ་གཏུབས། དེའི་སྒང་ལ་བསོད་ནམས་པད་ཚལ་ཞིབ་ཞིབ་གཙབས། དེ་ནས་སྒོག་བ་ཞིབ་ཞིབ་གཙབས། དེའི་སྟེང་དུ་ཚྭ་ཏོག་ཙམ་བླུགས་རྗེས་མོ་མོ་བཟོས། མེ་ཡག་པོ་ཡོད་ན་སྐར་མ་བཅུ་གཅིག་ལས་མི་དགོས་པར་ཁྱེད་ལ་དགོས་པའི་ཤ་མེད་མོ་མོ་ཞིམ་ཐག་ཆོད་པ་དེ་ཁྱེད་ཀྱིས་བཞེས་ཐུབ་ཀི་རེད། སྐད་འདི་སུས་གོ་ན་ཕན་ཚུན་བཤད་རྒྱུ་མཁྱེན།

ཇི་སྐད་དུ། གང་དུ་སུ་དང་འགྲོགས་པའི་ཚེ། །བདག་ཉིད་ཀུན་ལས་དམན་ལྟ་ཞིང་། །གཞན་ལ་བསམ་པ་ཐག་པ་ཡིས། །མཆོག་ཏུ་གཅེས་པར་འཛིན་པར་ཤོག །ཅེས་སྔོན་བྱོན་དམ་པ་རྣམས་ཀྱིས་གསུངས་པ་ལྟར། རོང་ཆེན་ལྗགས་ནག་པའི་ཡང་སྤྲུལ་མདོ་རོང་མཁས་པ་མི་བཞིའི་ཡ་གྱལ། མདོ་སྨད་བསྟན་པའི་སྒྲོན་མེ། རོང་ཆེན་༸སྐྱབས་མགོན་ཀིརྟི་རིན་པོ་ཆེ་མཆོག་གི་ཞལ་སྔ་ནས་ཀྱིས་ཐུགས་བརྩེ་བ་ཆེན་པོས་རྒྱལ་ཕྱི་ནང་གི་རང་གི་ཞལ་སློབ་ཡོངས་དང་། བོད་རིགས་སྤུན་ཟླ་ཡོངས་ལ་ལོ་གསར་ཚེས་གཅིག་དཀར་སྐྱོང་གནང་དགོས་པའི་འབོད་སྐུལ་གནང་བ་མཐོང་རྗེས་དམ་པ་ཁོང་ལ་སྔར་ལས་ཀྱང་དད་འདུན་གཡོ་བ་མེད་པ་ཞིག་སྐྱེས་བྱུང་། རྒྱུ་མཚན་ནི། དེང་གི་ཆར་བླ་ཆེན་གྱི་མིང་འཛིན་པ་མང་པོ་ཞིག་གིས་རང་ཉིད་ཀྱི་བླ་བྲང་འབྱོར་ལྡན་དུ་བཟོ་བཞིན་པའི་སྐབས་འདིར་དམ་པ་ཁོང་གིས་ཉམས་ཐག་སེམས་ཅན་ཚོའི་ཡ་ང་བའི་གནས་བབ་ལ་དགོངས་པ་བཞེས་ཏེ། སེམས་ཀྱི་ཚེ་སྲོག་དང་ཐར་ཀར་འབྲེལ་བའི་དམར་ཟས་ལ་ལོངས་སྤྱོད་མི་བྱེད་པའི་གཞེན་སྐུལ་མཛད་པ་ནི། རྒྱལ་སྲས་བྱང་ཆུབ་སེམས་དཔའ་རྣམས་ཀྱི་རྣམ་པར་ཐར་བ་ལྷུར་བླངས་པ་ཡིན་ཏེ། ཇི་སྐད་དུ། དབུ་མ་བརྒྱ་བ་ལས། ཇི་ལྟར་བརྩེ་བའི་མ་རྣམས་ནི། །ནད་ཐེབས་བུ་ལ་གདུང་གྱུར་པ། །དེ་བཞིན་བྱང་ཆུབ་སེམས་དཔའི་བརྩེ། །དམ་པ་མིན་ལ་ཁྱད་པར་དུའོ། །ཞེས་གསུངས་པ་ལྟར། བྱམས་དང་སྙིང་རྗེ་ཆེན་པོའི་ནོར་གྱིས་ཐུགས་རྒྱུད་བྱུར་བུར་གཏམས་པའི་སྐྱེས་བུ་དམ་ཁོང་ཡང་། བླ་སྤྲུལ་དང་མི་ཆེན་དཔོན་ཆེན་ཕལ་མོ་ཆེས་རང་རང་བླ་བྲང་རྫིག་པོའི་ནང་དུ་དམར་ཟས་ཀྱི་རིགས་འདྲ་མིན་ལ་བག་མེད་ལོངས་སྤྱོད་བྱེད་ལ་ཕྱོགས་པའི་སྐབས་འདིར་རང་གི་བདེ་སྡུག་ངག་ནས་འཆད་པའི་ནུས་པ་དང་བྲལ་བའི་ཉམས་ཆུང་དུད་འགྲོའི་ཚོགས་ཀྱི་དཔུང་གཉེན་དུ་བཞེངས་ཏེ་ང་ཚོར་དགེ་བསྐུལ་དུ་གསུངས་པའི་ཚིག་རྣམས་མདོར་བསྡུས་ཏེ་བཤད་ན། སྲོག་མ་གཅོད་ཅིག་ཅེས་པ་དེ་ཁོ་ནའོ། ། དེ་བཞིན་དུ་ཁོ་བོས་ཀྱང་རང་གི་དྲ་ལམ་ཆུང་ཆུང་འདི་སྤྱད་དེ་ལོ་གསར་བའི་ནང་དམར་ཟས་ཀྱི་རིགས་ཉུང་དུ་གཏོང་རྒྱུར་འདོད་སྐུལ་བྱ་རྒྱུ་དང་། སླད་མའི་ཆར་རིན་པོ་ཆེ་གང་ཉིད་ཀྱི་ཐུགས་བཞེད་མཐའ་དག་ལྷུན་གྱིས་འགྲུབ་ཅིང་། སྐུ་ཚེ་བསྐལ་བརྒྱར་བརྟན་པ་དང་། བོད་གཞིས་བྱེས་གཉིས་ཕོ་བྲང་པོ་ཏཱ་ལའི་ཐང་ཆེན་དུ་རང་དབང་གི་དགའ་སྟོན་ལ་མཉམ་པོར་ལོངས་སྤྱོད་པའི་བཀྲ་ཤིས་སྨོན་ལམ་ཞུ་རྒྱུན་ཡིན།

ང་ཀིརྟི་ཚང་ལ་སྐྱབས་སུ་འགྲོ་མཁན་ཞིག་ཡིན་པས་ངའི་མིང་ལའང་ཀིརྟི་སྐྱབས་ཟེར། ང་ཚོའི་ཕ་ཡུལ་དུ་ཀིརྟི་སྐྱབས་ཟེར་བ་མང་པོ་ཡོད། བླ་མའི་མཚན་ནས་འདོགས་སྟངས་འདི་ས་ཆ་གཞན་དག་དང་ཅུང་མ་འདྲ་བ་ཞིག་རེད། ང་ཀིརྟི་ཚང་གི་ལྷ་སྡེ་ནས་ཡོང་བས་ཀིརྟི་ཚང་གི་གནས་ཚུལ་གང་འཚམས་ཤེས་ཀྱི་ཡོད། ཀིརྟི་རིན་པོ་ཆེ་འདི་པ་ཐོག་མར་ཁྲི་འདོན་གནང་སྐབས་ཀྱི་སྟོན་མོ་དེ་དཀར་སྐྱོང་གནང་བ་རེད། དེ་ནི་ཕལ་ཆེར་མདོ་སྨད་ཁུལ་དུ་བླ་ཆེན་ཞིག་གི་ཁྲི་སྟོན་དཀར་སྐྱོང་གནང་བ་ཐོག་མ་དེ་རེད། དེ་ནས་བཟུང་ཀིརྟི་རིན་པོ་ཆེས་དགོན་མ་ལག་དང་རུ་ལྷ་སྡེའི་ནང་དུ་ཤ་སྤོང་ཐབས་ཀྱི་དགེ་སྐུལ་ལམ་སྟོན་རིམ་པ་གནང་བ་རེད། ལྷག་པར་འདས་པའི་ལོ་ཉི་ཤུ་ཙམ་ནས་བཟུང་ཀིརྟིའི་དགོན་མ་ལག་རྣམས་ཀྱིས་གཅིག་རྗེས་གཉིས་མཐུད་དུ་ཚོགས་ཤ་སྤངས་པ་རེད། དེས་དགོན་པ་གཞན་དག་མང་པོ་ཞིག་ལའང་མིག་དཔེ་དང་ཤུགས་རྐྱེན་ཡག་པོ་ཐེབས་ཏེེ་ཉེས་མེད་སེམས་ཅན་མང་པོའི་སྲོག་བསྐྱབས་དང་སྐྱོབ་བཞིན་པ་རེད། དངོས་གནས་སྐྱེས་བུ་དམ་པའི་མཛད་པ་རང་ཡིན་ཡ།

ཡང་མཁས་དབང་ཚུལ་ཁྲིམས་བློ་གྲོས་ཀྱིས་བོད་ཀྱི་དགོན་སྡེ་སློབ་གསོའི་སྐོར་གྱི་བཀའ་སློབ་ཤིན་ཏུ་རྒྱས་པ་ཞིག་ཏུ་ཁོང་གིས་འདི་ལྟར་དམིགས་ཀྱིས་གདེངས་འཇོག་གནང་འདུག་པ་དེ་ཡང་ཀིརྟི་རིན་པོ་ཆེ་སང་ཡིན་པ་འདྲ། དེ་ཡང་ཁོང་གི་བཀའ་སློབ་ཇི་བཞིན་དྲངས་ན།
་་་་་་་་་་་་་་གལ་ཏེ་དགོན་དཔོན་གོ་བ་ཅན་ཞིག་ཡིན་ན་ལས་ལུགས་བཅའ་སྟངས་མེད་པའང་མ་རེད། དཔེར་ན། གསར་མའི་དགོན་པ་ཡིན་ལུགས་གཅིག་པ་རེད་དེ། ཀིརྟི་སང་ལྟ་བུར་སྔོན་ཆད་ཚོགས་ཤ་འདྲེན་པ་སོགས་ལུགས་སྲོལ་འདྲ་མིན་ཡོད་ན་ཡང་། ད་ལྟ་བླ་མ་གཅིག་གི་སྟོབས་ཀྱིས་ཅི་འདྲ་བྱས་འདུག དེའི་ཤུགས་རྐྱེན་གྱིས་ད་ལྟ་ས་ཕྱོགས་མང་པོར་ཡང་གནས་སྟངས་ཅུང་ཟད་ཡག་ཏུ་འགྲོ་བཞིན་ཡོད་ན་ཡང་། ད་དུང་གཞན་པ་ཁ་ཤས་སྔར་བཞིན་བསྡད་ཡོད་པ་རེད། ཅེས་གསུངས་འདུག

ཚེས་གཅིག་ལ་དཀར་སྐྱོང་ཐུབ་པ་དང་མ་ཐུབ་པར་ཚང་མར་ལོ་གསར་ལ་བཀྲ་ཤིས་བདེ་ལེགས་ཡོད། བཀྲ་ཤིས་བདེ་ལེགས། ། ལྷ་རྒྱལ་ལོ། །

ངས་བོད་ནང་ནས་ཀིརྟི་རིན་པོ་ཆེས་ཡུལ་དུས་དང་མཐུན་པའི་འདུལ་བའི་ཀུན་སྤྱོད་འཁྱེར་སོའི་སྐོར་གྱི་དེབ་སེར་པོ་ཆུང་ཆུང་དེ་མཇལ་མྱོང་། དེ་དུས་ནས་དད་པ་ཆེན་པོ་ཡོད། གཅིག་རེད། དགེ་འདུན་ཆོས་འཕེལ་གྱི་རབས་བྱེད་ཞབས་བཏགས་མ་གོ་མྱོང་། འཇལ་འདོད་ཆེན་པོ་སྐྱེས་ནས་ཀིརྟིའི་དགེ་འདུན་པ་ཞིག་ལ་རྩད་གཅོད་བྱེད་མྱོང་ཡང་དེ་དུས་ལག་སོན་མ་བྱུང་། རྒྱ་གར་ནས་ཐེངས་འགའ་བཀླག་པ་ཡིན། དེ་གཉིས་རེད། བོད་ནས་རྒྱ་གར་དུ་སླེབས་མ་ཐག་རྡོར་གདན་ནས་ཁོང་གིས་ཐུགས་རྗེ་ཆེན་པོའི་བསྙེན་མཚམས་ཀྱི་ཞོལ་དུ་གསར་འབྱོར་མང་པོར་འཇལ་ཁ་གནང་ས་ནས་མཇལ་ཁ་ཆོས་འབྲེལ་ཞུས་པ་ཡིན། དེ་གསུམ་རེད།

ཁ་གཞན་ལ་བསྐོར་ལ་ཐབས་མཁས་ཀྱི་ཉམས་ཤིག་འདུག་ཀྱང་། ཁ་རང་ཕྱོགས་སུ་བསྐོར་ན་གུ་དོག་དང་བཙན་གཅུན་གྱིས་སོང་དང་འགྲོ་ངེས། རེ་བ་ཆེན་པོ་མེད་ཀི་ཡ། རྒྱུ་མཚན། རང་ལ་ནོར་བུ་རིག་གནས་ཀྱི་སྡེ་དེ་མེད་པར་བཟོས་ནས་དད་པ་དད་ཚིག་བསམ་སྤྱོད་བསྒྱུར་བཞིན་པ་དེ་ལྟོས་དང་། དེ་འདྲེའི་གནས་སྟང་རང་གིས་རང་སྐྱོབ་དགོས་པ་ལས་གཞན་ལ་ཁ་གདེང་རྒྱུ་ན་སྔ་དྲག་པ་ཡིན་ནོ། དད་པ་དད་པ་ཟེར་ནས་འབུལ་བ་འབུལ་ཟེར་ནས་མི་དམངས་ལ་མགོ་སྐོར་ལ་མ་བཏང་ལགས་སོ།།།། ནང་ཁུར་མཐིན་ལམ་ཡོད་ན་བཟང་གི་ཡ། མེད་པའི་ཕྱོགས་རིས་ཀྱི་དྲི་མ་བྲོ་གི་ཡ། སྔོན་ལ་རང་འདུལ་དེ་ནས་གཞན་ལ་ཤོད་ལོ།།།། སྒེར་གཅོད་ཀྱི་ཁྲིམས་དང་སྒེར་གཅོད་པའི་འགོ་བ་དག་གིས་ནམ་རྒྱུན་དུ་གུ་བཤངསས་དང་བསམ་ཤཻས་མིན་སྟབས། ཕྱི་ནང་དགྲའ་ཟླ་ཅན་དུ་བཟོས་ཡོད་པ་སུས་བལྟས་ན་གསལ་ཆིལ་ལེ་རེད། ཁོང་ཚོ་འགྲོ་ས་དོག་མོ་དང་འདུ་ས་རིས་སུ་གཅོད་པ་འདུག་ས་འགྲན་རྩོད་ཡན་པ་རེད

མདོ་སྨད་ས་ཁུལ་མང་ཆེས་ཤོས་ནས་ཀིརྟི་རིན་པོ་ཆེས་གསུངས་འཕྲིན་སྔ་ཕྱི་གནང་བའི་དགོང་དོན་བཞིན་མང་ཚོགས་ནང་དུ་ལས་འགུལ་སྤེལ་དང་སྤེལ་བཞིན་པ་རེད། ལྷག་པར་བསླབ་བྱ་ལེའུ་སོ་གཉིས་ཅན་ཞིག་ཡོད་པ་དེར་གཟིགས་དང་རིན་པོ་ཆེ་ངོ་མ་བཀའ་དྲིན་ཆེན་པོ་རེད།

བཙན་པོའི་བུ་ ཁྱེད་ཀྱི་བཤད་པ་ལ་བདེན་པ་ཡོད་ཤས་ཆེ་ གང་ཡིན་ཟེར་ན་ ཀིརྟི་གྲྭ་ཚང་གི་གྲ་བ་མང་ཆེ་བ་བོད་ནས་འབྱོར་བ་ཡིན་ཞིང་ཤ་ལ་ཞེ་དྲག་དགའ་པོ་ཡོད་ འོན་ཀྱང་ ཁོ་བོས་བལྟས་ན་ཤའི་སྟོན་མོ་འདི་རིགས་མི་འདུ་འཛོམས་ཆེ་ས་ལ་མ་གཏང་བ་བྱེད་ཐབས་ལ་ང་ཚོ་ཚང་མས་འབད་དགོས་ དཔེར་ན་ གདན་ས་གྲྭ་ཚང་ཁག་ལ་མཚོན་ན་ གདན་ས་མང་ཆེ་བ་ལོ་མངསྔོན་ནས་ཚོགས་པ་ཚོགས་སྐབས་དང་ཟ་ཁང་གི་ནང་དུ་ཤའི་ཟས་རིགས་གཏང་ཆོག་གིན་མེད་ འདི་ནི་ངོ་མར་ཆོས་དང་མཐུན་པའི་བྱ་སྤྱོད་ཁ་ཡོད་ལག་ཡོད་གཅིག་ཡིན་ དེ་ལྟ་བུ་མི་སྐྱ་འདུ་ཚོགས་སྐབས་སུ་ཡང་ལས་འགུལ་སྤེལ་རྒྱུ་སྐུལ་མ་གནང་དགོས་

ངོ་མར་ཡག་པོ་རེད་ ལོ་གསར་དེ་ལྟ་བུ་ཡོང་རྒྱུར་ང་ཚོ་ཚང་མའི་ཕྲག་པའི་ཐོག་ཏུ་ཡོད་པ་ལས་གང་ཟག་སྒེར་ཁ་ཤས་ཤིག་གི་ཐོག་ཏུ་མེད་ སྤྱིར་ང་ཚོ་བོད་པ་ཚང་གི་གོམས་གཤིས་ལ་ཁག་གཡར་ནས་ཤ་ཟ་རྒྱུ་བག་མེད་གནང་བ་ནི་བོད་པའི་ཡ་རབས་བཟང་སྤྱོད་དང་འགལ་བ་ཡིན་ ཤ་ཟ་རྒྱུའི་གོམས་གཤིས་འདི་བོད་ནས་གསར་དུ་འབྱོར་བའི་ནང་ཧ་ལས་པའི་ཤུགས་ཆེན་པོ་ཡོད་ གོམས་གཤིས་འདིའི་རྐྱེན་གྱིས་ང་ཚོ་གནས་ཚང་གི་རྒྱ་གར་ཡུལ་མིའི་ནང་ལ་མཐོང་ཚུལ་སྡུག་ཅག་ཡོང་གིན་ཡོད་པ་མ་ཚད་ ཚགས་པར་ཐོག་ཏུ་ཡང་གནས་ཚུལ་དེ་དང་འདྲ་བ་མང་པོ་ཡོང་རྒྱུ་ཡོད་ གཞན་སྐྱོན་ཁོ་ན་འཚོལ་བ་མ་ཡིན་པར་རང་སྐྱོན་ཡང་ཤེས་པ་དགོས་རྒྱུ་གནད་འགག་ཆེན་པོ་ཡིན་

མཁར་རྔ་ལགས། ཁྱེད་ཀྱིས་བཤད་པ་ནོར་སོང་ཐལ། ང་ལ་དམིགས་བསལ་ཀིརྟི་རིན་པོ་ཆེ་ལ་ཆོས་འབྲེལ་མེད་ཀྱང་། ༢༠༠༡ ལོར་ཀིརྟིའི་རྟེན་བཞུགས་ཆེན་མོ་ཞེས་པའི་མཛད་སྒོ་ཆེན་པོ་ཞིག་རྡ་རམ་ས་ལར་ཡོད་པའིི་ཀིརྟི་ཚང་གི་གྲྭ་ཚང་དུ་འཚོགས་སོང་། སྐབས་དེར་རྡ་རམ་ས་ལར་ཡོད་པའི་མདོ་སྨད་མི་མང་ལ་མགྲོན་ཤོག་གཏོང་གི་འདུག ང་ལ་ཡང་སུ་ཇ་བོད་ཁྱིམ་སློབ་གྲྭའི་གྲོགས་པོ་ཞིག་བརྒྱུད་ནས་མགྲོན་ཤོག་ཅིག་སྤྲད་སོང་། ངས་ཟླ་ཚེས་གསལ་བོ་ཞིག་མི་དྲན་ཡང་། སྐབས་དེར་ང་ཀིརྟི་གྲྭ་ཚང་དུ་སོང་བ་ཡིན། དེ་དུས་ཕྱི་དྲོའི་ཆུ་ཚོད་ ༤ ཡས་མས་ཞིག་ཡིན། འོན་ཀྱང་། ང་ཀིརྟི་དགོན་པའི་ཐབ་ཚང་དུ་སོང་དུས། གྲྭ་པ་མང་པོ་ཞིག་གིས་སྐད་རྒྱག་བཞིན་ཞལ་ལག་གྲ་སྒྲིག་བྱེད་བཞིན་འདུག ང་ཡང་དེ་གར་ཕྱིན་པ་ཡིན། མཁར་རྔ་ལགས། སྐབས་དེ་ནས་བཟུང་། ང་ཀིརྟི་ཚང་གི་གྲྭ་ཚང་དུ་མི་འགྲོ་རྒྱུ་གཏན་ཁེལ་བྱས་པ་ཡིན། རྒྱུ་མཚན་ནི། ཐབ་ཚང་ཆུང་ཆུང་ཞིག་ལས་མེད་ཀྱང་། ཐབ་ཚང་ཆུང་ཆུང་དེ་ཕལ་ཆེར་བྱ་ཤས་ཁེངས་འདུག ངས་དགེ་འདུན་པ་དག་གིས་བྱ་ཤ་གཏུབ་བཞིན་པ་མཐོང་རྗེས། སེམས་གཏིང་ནས་ཞེན་པ་ལོག་སོང་། ང་ནོར་མེད་ན། བྱ་ཤ་སྟོང་ལ་བརྒལ་བ་ཞིག་ཐབ་ཚང་དུ་བླུགས་འདུག གལ་ཏེ་ཀིརྟི་ཚང་གིས་ངེས་པ་དོན་གྱིས་དམར་ཟས་སྤང་འདོད་པ་ཡིན་ན། འོ་ན། ཁོ་རང་གི་རྟེན་བཞུགས་སྐབས་ཀྱི་བྱ་ཤ་དེ་དག་སྲོག་བཅད་ནས་བྱུང་བ་མ་ཡིན་ནམ། བྱ་བ་གཏུབ་མཁན་ཀིརྟི་གྲྭ་ཚང་གི་གྲྭ་པ་ཚོ་རེད་ལ། བྱ་ཤ་གཏུབ་ས་ཀིརྟི་གྲྭ་ཚང་གི་ཐབ་ཚང་ནང་རེད། བྱ་ཤ་གཏུབ་དགོས་དོན་ཀིརྟི་ཚང་གི་རྟེན་བཞུགས་མཛད་སྒོའི་ཆེད་དུ་རེད། དེ་ནི་བདེན་པ་རེད། དྲང་མོར་བཤད་ན། ངས་ནང་ཆོས་མི་ཤེས་ཀྱང་། སེམས་ཅན་གྱི་སྲོག་བཅད་ན་མི་ལེགས་པ་ཤེས་མཁན་ཞིག་ཡིན། སྐད་ཆ་འདི་མཁར་རྔ་ལ་བཤད་པ་ཡིན།

རླུང་རྟ་རྒྱལ་དང་རྨ་ཆུའི་སྐལ་མིང་པ་སོགས་ཀྱིས་ལབ་སྟངས་མཐོང་དུས་གཟུ་བོར་མ་གནས་པ་དང་ཕྱོགས་སུ་ལྷུང་བའི་སྐྱོན་ཆེ། སྲོག་བཅད་མིན་ལ་མ་ལྟོས་བར་དམར་ཟས་སྤངས་པ་ཙམ་ལའང་དགེ་འབྲས་ཡོད་མེད་མི་ཤེས་མཁན་རེ་ཕལ་ཆེར་ཨེ་ཡིན་སྙམ།

ལར་ནས་༧སྐྱབས་རྗེ་ཀིརྟི་རིན་པོ་ཆེ་མཆོག་ནས་ཕྱི་ལོ་ ༡༩༨༠ ནང་ནས་བཟུང་ཁོང་གི་དྲུང་ཡིག་ནས་གསུང་པ་ལྟར་མདོ་སྨད་ལྷོ་རྒྱུད་ཀྱི་ཀིརྟི་ཚང་དང་ཐད་ཀའི་འབྲེལ་ཡོད་དགོན་སྡེ་ཁག་ ༤༠ ཙམ་གྱི་སྤྱི་ཐབ་ནང་དམར་ཟས་ཀྱི་མང་ཇ་གཏོང་མཚམས་བཅད་དགོས་པའི་འབོད་སྐུལ་གནང་པ་ལ་བརྟེན་ནས་སེམས་ཅན་གྲངས་མེད་པར་མི་འཇིགས་པའི་སྲོག་གི་སྐྱབས་སྦྱིན་མཛད་ཡོད་པ་མཐོང་ཆོས་སུ་གྱུར་ཡོད་པས་འདི་ལ་སུ་ཞིག་གིས་ཅིའི་ཕྱིར་འཁེངས་ར་སྟོན་པར་བྱེད།

དེ་འབྲེལ་གྱི་མདོ་སྨད་ཁུལ་གྱི་དགོན་སྡེ་ཁག་མང་པོར་ཤུགས་རྐྱེན་ཐེབས་ཏེ་དམར་ཟས་སྤོང་མཁན་མི་ཉུང་པ་བྱུང་ཡོད་པ་དངོས་སུ་མཐོང་རྒྱུ་མང་དུ་འདུག

གསར་འགོད་པའི་བཀོད་ནོར་ཐེབས་པའམ། ཡང་ན་དྲུང་ཡིག་ལགས་ནས་གསུང་ནོར་ཐེབས་པ་ཆ་མ་འཚལ་ཡང་་་་རིན་པོ་ཆེ་མཆོག་གིས་ལོ་གསར་ཚེས་གཅིག་སྐབས་སེམས་ཅན་མང་པོའི་སྲོག་གཅོད་ཀྱི་ཡོད་པ་དེ་དགེ་བ་ལས་སྡུག་པའི་རྒྱུ་རུ་འགྲོ་ཉེན་ཆེ་་་་ཞེས་གསུང་ཚུལ་དེ་ནི།

ཐག་རིང་ཐག་རིང་ནས་༧སྐྱབས་མགོན་ཁོང་གི་གསུང་གི་འཕྲིན་ལས་ལ་ཞུགས་ཤིང་། དུས་རྟག་ཏུ་ཁུ་བྱུག་གིས་གནམ་ཆུའི་རེ་འདོད་ལྟར་འཁྲེང་བའི་བརྒྱུད་རིམ་ཁྲོད་ང་ཚོས་གོ་ཐོས་ལྟར་ན། ལོ་གསར་ཚེ་གཅིག་གི་དཀར་སྐྱོང་ཆེད་གནས་ལུགས་དེ་གསུང་པ་མ་ཡིན་པར། དེ་སྔོན་དགོན་སྡེ་ཁག་གི་དགེ་འདུན་པར་ཉེས་མེད་སེམས་ཅན་གྱི་སྲོག་བཅད་དེ་བསྙེན་བཀུར་མང་ཇ་སོགས་བཏང་དང་གཏོང་བཞིན་པའི་ཚུལ་དེ་ངན་སྤྱོད་རྒྱན་དུ་འཛིན་པའི་ལམ་སྲོལ་ཞིག་ཏུ་ངེས་པས། དེ་ནི་དགེ་བ་ལས་སྡུག་པ་ཆེ་བ་ཙམ་མ་ཟད། རང་གཞན་གཉིས་ཕུང་གི་རྒྱུ་རུ་འགྲོ་བ་གདོན་མི་ཟ་བས་དམར་ཟས་སྤངས་ན་ལེགས་ཞེས་གསུང་པ་མ་ཡིན་ནམ། དེ་ལྟར་མ་ཡིན་ཚེ་རྒྱུ་མཚན་ཡང་དག་ཏུ་མ་ངེས་པའི་ཕྱིར་རོ།།

ལོ་གསར་ཚེས་གཅིག་ལ་ཤ་སྤོང་དགོས་དོན་གཙོ་བོ་ནི། བོད་ནང་གི་གནམ་གཤིས་སོགས་ཀྱི་རྐྱེན་ལས་བོད་མི་ཚོར་རང་གཤིས་སུ་ལོ་གསར་སོགས་ཀྱི་སྟོན་ཆེན་སྐབས།

ཟས་མཆོག་ཤ་རུ་བརྩི་བ་དང་། ཤ་ཕོན་ཆེན་ཟ་སྲོལ་ཡོད་པ་དེ་མི་ལེགས་པར་གཟིགས་ནས་ཤ་ཉུང་རུ་གཏོང་ཐབས་དང་།

དེ་ལ་བརྟེན་ནས་སེམས་ཅན་གསོད་པའམ་ཤ་ཉོ་བ་སོགས་ཉུང་རུ་འགྲོ་བའི་ཐབས་མཆོག་ཅིག་ཏུ་གཟིགས་ཤིང་།

དེ་ལ་བརྟེན་ནས་འདི་ཕྱི་གཉིས་སྨན་གྱི་དགེ་བ་རླབས་ཆེན་ཞིག་འགྲུབ་པར་རང་བཞིན་ཀྱིས་ཡོང་ངེས་པ་སོགས་ལ་བརྟེན་ནས་གསུངས་པ་མ་ཡིན་ནམ།

རེད་ལགས། ཨ་རོགས་ཚོ། བཟོ་ཤེས་ན་ཤ་མེད་མོ་མོ་ལས་ཞིམ་པ་མི་འདུག དང་པོར་ཞོག་ཁོག་ཞིབ་ཞིབ་གཙབས། དེ་ནས་ཤ་མོ་ཞིབ་ཞིབ་གཙབས། དེའི་ནང་དུ་ཙོང་སྔོན་པོ་ཏོག་ཙམ་བསྣན། གཡེར་མ་ཞིབ་བརྡུངས་ཕྲན་བུ་བླུགས། དེའི་སྟེང་དུ་ལ་ཕུག་སེར་པོ་ཞིབ་ཞིབ་གཏུབས། དེའི་སྒང་ལ་བསོད་ནམས་པད་ཚལ་ཞིབ་ཞིབ་གཙབས། དེ་ནས་སྒོག་བ་ཞིབ་ཞིབ་གཙབས། དེའི་སྟེང་དུ་ཚྭ་ཏོག་ཙམ་བླུགས་རྗེས་མོ་མོ་བཟོས། མེ་ཡག་པོ་ཡོད་ན་སྐར་མ་བཅུ་གཅིག་ལས་མི་དགོས་པར་ཁྱེད་ལ་དགོས་པའི་ཤ་མེད་མོ་མོ་ཞིམ་ཐག་ཆོད་པ་དེ་ཁྱེད་ཀྱིས་བཞེས་ཐུབ་ཀི་རེད། སྐད་འདི་སུས་གོ་ན་ཕན་ཚུན་བཤད་རྒྱུ་མཁྱེན།

ཁམས་སྐྱེ་རྒུ་མདོ་རུ་ད་ལོའི་ས་གཡོམ་ཁྲོད་འདས་པོ་ཁྲི་ཕྲག་གཉིས་ལྷག་ཙམ་ལ་ལོན་པས་གནས་དེའི་ཡུལ་མི་རྣམས་སྡུག་བསྔལ་གྱི་རྒྱ་མཚོར་ལྷུང་ཡོད།ཐ་ན་ད་ལོ་དགུན་ཁར་ཁོ་ཚོ་གུར་ནང་དུ་འཚོ་བ་བསྐྱལ་བྱུང་དགོས་པས་གནས་བབ་ཧ་ཅང་སྡུག་པོ་ཡིན།
འདི་འདྲའི་ན་ཟུག་ཆེན་པོ་མྱོང་བཞིན་པའི་སྐབས་སུ་རྡ་སའི་བོད་མི་གཙོས་དང་གཞན་པའི་བྱེས་མི་ཡོངས་ཀྱི་ལོ་སར་ཚུལ་ཞིག་ག་ན་ཡོད།ང་ཚོས་ཉིན་རྒྱུན་བོད་ཕྱི་ནང་གཉིས་ཀ་གཅིག་ཏུ་འཛོམས་དགོས་ཞེས་ཁ་ནས་མ་ཎི་བཞིན་བགྲང་ཀྱིན་ཡོད་མོད།ད་ལྟ་བོད་ལ་ས་འགུལ་ཁྲོད་སྐྱོ་བའི་གནས་ཚུལ་བྱུང་བ་ལ་གདུང་སེམས་མི་སྐྱེས་པར་ལོ་སར་སླེབས་སོང་ཞེས་དགའ་དགའ་སྤྲོ་སྤྲོ་བྱེད་པ་དེ་ནི་བོད་མི་གླེན་པ་ཞིག་མ་གཏོགས་དེ་འདྲ་བྱེད་རྒྱུ་མ་རེད།བྱེད་རྒྱུ་ཕར་ཞོག་ཐ་ན་སེམས་སུ་འཆར་སྒོ་ཙམ་ཡང་སྐྱེ་རྒྱུ་དཀོན།

ཡག་པོ་རེད། གཙོ་བོ་འབོད་སྐུལ་ཙམ་མ་ཡིན་པར་སོ་སོས་ལག་བསྟར་བྱེད་ཐུབ་ན་གལ་ཆེ་ནང་གི་དོན་ཆེན་རེད། ལྷག་པར་དུ་ཕ་ཡུལ་མི་མང་ལ་བསམ་བློ་གཏོང་རོགས་ཞུ

ལུང་བ་སོ་སོར་འགྲོ་ལུགས་རེ་ཡོད་པས་གསལ་པོ་མི་ཤེས་ཡང་ང་ཚོའི་ཕ་ཡུལ་ལ་ཆག་བཞག་ན༸རིན་པོ་ཆེས་འབོད་སྐུལ་དེ་ཕྱི་དྲགས་རེད་ལོ་གསར་སྐབས་
སེམས་ཅན་གསོད་མཁན་ཧ་ཅང་ཉུང་ཉུང་རེད་རྒྱུ་མཚན་དགུན་སྨད་སེམས་ཅན་ལ་ཤ་ཤེད་ལྷུང་པའི་དུས་ཡིན་པས།འབྲོག་བ་ཚང་མའི་སྟོན་སྨན་ནས་གྲ་སྒྲིགས་བྱས་ཚར་རེད།གཞན་༸རིན་པོ་ཆེ་མཆོག་གི་ཕྱག་མཛོད་ལགས་ནས་གསུང་བ་བཞིན་ཁོང་གི་ལྷ་སྡེ་མང་ཆེ་བ་མདོ་སྨད་ཡིན་ཙང་ཁོ་ཚོ་མང་ཆེ་བའི་ལོ་གསར་བྱས་ནས་ཟླ་གཅིག་གི་རྗེས་ལ་གསར་བསྒྲགས་བྱས་བ་འདིས་ཀྱང་ད་ལོ་ཕན་ཡོད་མེད་མི་ཤེས་ཀྱང་ཕྱིར་ཧ་ཅང་ཡག་པོ་རེད་བཀའ་དྲིན་ཆེ།།

ལུས་ཐུགས་དག་མཐའ་ཅིག་ཏུ་རྒྱབ་སྐྱོར་ཡོད་ཚངས་མས་དེ་ལ་རྒྱབ་སྐྱོར་གནང་རོགས་ཞེས་འབོད་བསྐུལ་ཞུ་ཐུགས་རྗེ་ཆེ་