རྒྱ་ནག་གཞུང་འབྲེལ་ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། ཉེ་ཆར་མཚོ་སྔོན་ཞིང་ཆེན་གྱི་འགན་འཛིན་གཞོན་པ་ལོའུ་ཡུན་ཞིན་གྱིས། འདི་ལོ་རྒྱ་ནག་མི་མང་འཐུས་མི་ཚོགས་ཆེན་གྱི་ལོ་འཁོར་ཚོགས་ཆེན་དང་བསྟུན་ཏེ། མ་འོངས་ལོ་ལྔའི་རིང་གི་མཚོ་སྔོན་གྱི་གཞུང་ལམ་འཛུགས་སྐྲུན་གྱི་ལས་འཆར་ཞིག་སྙན་སྒྲོན་ཞུས་ཡོད་པ་དང་། ལས་འཆར་དེའི་ནང་འདི་ལོ་ནས་བཟུང་མཚོ་སྔོན་ན་གོར་མོ་གྲོང་ཁྱེར་ནས་ཞིན་ཅང་བར་མེ་འཁོར་ལྕགས་ལམ་བཟོ་སྐྲུན་གྱི་ལས་གཞི་མགོ་འཛུགས་བྱ་རྒྱུ་ཡིན་འདུག
གནས་ཚུལ་དབྱེ་ཞིབ་པ་དང་ས་གནས་མི་མང་ཚོས་བརྗོད་པ་ལྟར་ན། ལས་གཞི་དེ་ནི་རྒྱ་ནག་གཞུང་གིས་ལོ་ལྔ་ཚན་བཅུ་གཉིས་པའི་རིང་གྲངས་ཉུང་མི་རིགས་ལ་འཛིན་པའི་སྲིད་བྱུས་ཤིག་ཡིན་པ་དང་། འདས་པའི་དུས་སུ་མཚོ་སྔོན་གྱི་ན་གོར་མོ་གྲོང་ཁྱེར་ནས་ལྷ་ས་བར་མེ་འཁོར་ལྕགས་ལམ་གསར་རྒྱག་བྱས་ཏེ་རྒྱ་རིགས་ཁྲི་ཕྲག་མང་པོ་དབོར་འདྲེན་བྱས་ཡོད་པ་ལྟར། མ་འོངས་པར་རྒྱ་རིགས་མང་པོ་ཞིན་ཅང་ཁུལ་དུ་དབོར་འདྲེན་བྱ་འཆར་ཡོད་པའི་གླེང་སློང་བྱེད་ཀྱིན་ཡོད་འདུག
གསར་འགོད་པ། དོན་གོ
