ངོས་ཀྱིས་ཁྱེད་ཚོའི་རེ་སྐུལ་དང་ལེན་བྱ་ཐུབ་མ་སོང་།

དེང་སང་བོན་རྒྱལ་བསྟན་འཛིན་རབ་རྒྱས་མི་སྨྲ་རྟུལ་ཞུགས་འཛིན་ནས་བསྡད་པའི་དུས་མ་རེད། ཆོས་རྒྱུད་ཁག་གི་སྤྱི་འཐུས་ཚོ་ཕུད་ཐུབ་པའི་གོ་སྐབས་བཟང་པོ་རེད་ད། ཤོག་ཤོག ཕེབས་ཤོག མི་རབས་གསར་པའི་བསྒྲགས་གཏམ་ག་ཡོད་དམ། གནད་ལུགས་དམ

གོངས་ལྗོངས་ལྷ་མིའི་རྣམ་འདྲེན་ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག༸སྤྱི་ནོར་གོང་ས་ཡིད་བཞིན་ནོར་བུ་མཆོག་སྐུ་ཚེའི་དུས་བབ་དང་བསྟུན་ནས་ཆབ་སྲིད་ཀྱི་འགན་ཁུར་ལས་མི་བཞུགས་པར་ཆོས་ཕྱོགས་གཅིག་པུའི་འདྲེན་པ་ཆེན་པོར་བཞུགས་པའི་ཕྱག་བྲིས་དངོས་སུ་དེ་རིང་གནང་བ་ལ་ཡིད་ཕམ་པ་དང་སྐྱོ་བ་ཚད་མེད་པ་ཞིག་བྱུང་། ཞོར་དུ་བརྗོད་འདོད་པ་ཞིག་ལ། གནའ་མིའི་བོད་གྱི་གཏམ་དཔེ་ལ། བྱ་རེས་བྱིའུ་ལ་བབ། ཅོ་ག་གི་ནམ་ཚོད་བཟུང་དགོས་ཞེས་པ་བཞིན་༸གོང་ཏཱ་ལའི་བླ་མ་མཆོག་རྒན་ཡོལ་དུ་ཕེབས། མཁས་དབང་ཟམ་གདོང་རིན་པོ་ཆེ་ཡང་རྒན་ཡོལ་དུ་ཕེབས་བོད་བླ་དང་བོད་གྲྭ་མང་དག་ཞིག་ཕྱི་རྒྱལ་གྱི་ཡུལ་གྲུ་ཁག་གང་སར་བོད་རྒྱུད་ནང་པའི་ཆོས་ཚོགས་རྫིག་པོ་དང་དཀར་ནག་སེར་པོའི་སློབ་ཚོགས་ཀྱིས་གང་ནས་སྲིད་ཀྱི་འཁོ་སྒྲུབ་བར་སྣང་གི་འཇའ་རིས་བཞིན་ཡལ་ལ་ཉེ་བ་མ་ཚད་དགོས་འདུན་ཡང་མེད་པའི་ཁུག་སོ་འདིར། ངས་ལྟས་ན་དེང་སང་གཞོན་སྐྱེས་སྐོར་གཅིག་གི་མངོན་འདོད་བཞིན་རྩོམ་ཡིག་དང་།
ལྟ་ཕྱོགས་བོད་བླ་མའི་རྒྱལ་ཁབ་དང་ནང་ཆོས་གཙོས་པའི་ཆོས་ལུགས་ཡོད་ཚད་ཀྱིས་དཔལ་འབྱོར་ཡར་རྒྱས་དང་། མིའི་ཤེས་བྱ། སྲིད་དོན། རང་བཙན། མ་འོངས་མདུན་འཆོང་སོགས་ཀྱིས་ལམ་ཁ་བཙན་གྱིས་བཀག་པ་འདི་ཆོས་ལ་རྨོང་དད་བྱས་ནས་ད་བཟོད་རྗེས་ལུས་ཀྱི་འཕྲང་འགག་འདི་བྱུང་བ་ཡིན་པའི་ངོས་འཛིན་དང་ཆོས་ལུགས་དང་བླ་མས་སྲིད་ཀྱི་འགན་ལེན་གཉིས་སོ་སོར་ཕྲལ་དགོས་པའི་རྩོམ་ཡིག་མང་དག་ཞིག་དུས་དེབ་དང་ཚག་ཤོག་གང་སར་འཁོད་དང་འགོད་བཞིན་པ་ལ།
ད་ནི་དུས་ཐོག་ཏུ་ཁེལ་འདུག་པས་དགེ་མཚན་འདུག་ན་དེ་ཚོ་ལེན་དགོས་པའི་དུས་ལ་སླེབ་པར་སེམས། ཕ་རོལ་པོས་བསམ་དོགས་དང་། དྲན་དོགས་ལ་མགོ་སྒུར་ནས་མི་སྡོད་པར་ཤེས་འཇོན་ནུས་གསུམ་ཡོད་ན་འགྲོ་སྟང་འདུག་སྟང་གང་དགོས་བླ་མ་རྣམས་ལ་རེ་བ་རྒྱག་མི་སྡོད་པར་སོའི་སོའི་རྐང་པ་གང་ལ་ལང་རན་པའི་དུས་དངོས་མ་སླེབ་འདུག་པས་དེ་དག་གི་མི་སྨྲ་བའི་བརྟུལ་ཞུགས་མི་འཛིན་པར་དུས་རབ་གསར་པ་བརྗེ་བའི་ས་མཚམས་དང་ཆོས་སྲིད་ཀྱི་སྒྲ་དོད་སྣུབ་ནས་མང་སྲིད་ཀྱི་རྒྱལ་དར་སློང་དགོས་པའི་དུས་སུ་སླེབ་མི་འདུག་གམ། ཁ་བ་གངས་ཅན་པའི་སྙིང་དང་མིག་ལྟ་བུ་མདོ་སྔགས་གཉིས་ཚང་གི་བསྟན་པ་རིན་པོ་ཆེ།
གཅིག་ཆོག་ནོར་བུའི་ལྷུན་པོ་འདི་སྒོ་གང་སར་ནས་འདིས་ཕུང་རབ་དང་བརླག་རབ་རྐྱང་གཅིག་བཤད་པའི་བོད་མི་ཕོ་སར་བ་ཁ་ཤས་ཀྱིས་དེ་འཛིན་གྱི་བླ་མ་དབང་ཆེན་འདི་ཚོ་མེད་ན་དགའ་རབ་བྱེད་རྒྱུ་ཡོད་མདོག་གི་དཔྱད་རྩོམ་ཆུ་ལུག་ལུག སྐྱོན་བརྗོད་སེར་བ་འབབ་འབབ་བྱེད་མཁན་ཚོ། འཇོན་ན་ད་ལོང་ཤོག ཨ་མའི་བུ་ལ་འཇོན་ཐང་ཡོད་ན་དགའ་ལྡན་ཁྲི་ལ་བདག་པོ་མེད། ཞེས་པ་དེ་འདི་ཡིན།
ད་ནས་བཟུང་གཞིས་བྱས་གཉིས་ཀྱི་གྲྭ་བཙུན་མཆེད་པོ་ཚོ་བོད་དོན་སྲིད་ཀྱི་འདུ་འགོད་ལ་དེ་ཙམ་སྨྱོ་མི་དགོས་པར་སེམས།
ངེད་ཚོ་སྲིད་ཀྱི་ལས་ཀ་མིན་གྱི་སྲིད་བྲལ་དམ་པའི་ཆོས་ཀྱི་བྱ་བ་ལ་འབད་འབུང་ཅི་ཐུབ་དགོས། ངེད་ཚོ་འཁོར་བའི་ལམ་ཁ་ལ་ཇུས་རྟོག་མི་བྱེད་ནས་མྱ་ངན་ལས་འདས་པའི་ལམ་སྣེ་ཟིན་པ་ལ་ཐོས་བསམ་སྒོམ་གསུམ་རྡོ་རུས་ཐུག་པ་དགོས། ད་དུང་དབྱེ་མཚམས་འདི་མ་ཤེས་པར་རང་མི་རིགས་ཀྱི་ཆགས་སྒོར་སེམས་ནས་སྐད་འབོད་དང་གྱེན་ལང་། ཆབ་སྲིད་ཀྱི་བཀོད་སྒྲིག ཆབ་སྲིད་ལ་ཇུས་ཏོག་བྱེད་ཆེ་ན་ཆོས་ཀྱི་དམག་དཔུང་མི་སེར་ནུས་མེད་ཀྱི་སྟེང་དུ་བརྒྱག་པ་བཞིན་ལས་མི་སྔོན་ལ་མཛའ་བ་དང་དོན་དངོས་ཐོག
བོད་དོན་ལ་ཕན་པ་ཞིག་མི་འབྱུང་བ་མ་ཚད། ནམ་ཞིག་དམར་པོ་ཡུག་གྱོན་གྱི་ཆོས་ལུགས་པའི་མི་མཐོང་དུས་ཕྱི་ནང་སུ་ཡིན་ན་དད་མེད་གུས་མེད་ཁྱི་སྤྱང་གི་འདུ་ཤེས་ཞིག་མི་འབྱུང་བའི་བདེན་དཔང་སུས་ཀྱང་བྱེད་མི་ཐུབ་པས་ངེས་པར་དུ་མཚམས་འདི་ནས་འཇོག་དགོས། གོང་ས་ཡིད་བཞིན་ནོར་བུས་སྲིད་ཀྱི་རྒན་ཡོལ་ཞུས་ཆོག་ན་བོད་ཀྱི་བླ་གྲྭ་རྣས་ཀྱིས་དེ་བས་ཀྱང་སྲིད་ཀྱི་ཇུས་ཏོག་ལས་ཉེན་ཡོལ་བྱེད་མི་ཆོག་པའི་རྒྱུ་མཚན་རྩ་བ་ནས་ཤོད་རྒྱུ་མེད་པར་སེམས། མི་སྡོད་མགྲོན་པོ་འགྲོ་ན་དགའ་བ་དང་། མི་གྲག་པའི་ནད་པ་དེ་ཤི་ན་དགའ་བའི་དཔེ་ལས་མི་འདུག་པས།
གྱེན་ལང་སྐད་འབོད་ཅི་དགོས་ཐམས་ཅད་ཚོགས་པ་ཁག ལས་ཁུང་ཁག གཞིས་ཆག་ཁག སློབ་གྲྭ་ཁག་སོགས་ནས་དང་བླང་གནང་ན་དེས་མི་ཆོག་པར་སེར་མོ་བའི་འབོད་སྐད་འདི་ཚོ་ཆོས་འཇིག་རྟེན་གང་ལ་ཡང་དགོས་མཁོ་མི་འདུག་པའི་ལས་ཀ་ཁོ་ནར་ངེས་པས་ཕྱི་ནང་གང་ལ་ཡང་མི་ཕན་པའི་བྱ་བ་དེ་ཚོ་ངེས་པར་དུ་དགོང་ཡོལ་ཞུ་དགོས་འདུག་པར་སེམས།

བཀུར་འོས་དྲ་གྲོགས་འཇིགས་བྲལ་ལགས།
སྤྱིའི་ཆ་ནས་གྲོས་འཚོགས་ཀྱི་དབང་ཚད་དང་མི་དམངས་ཀྱི་དབང་ཚད་ཐོག་ནས་ཞུས་པ་ཡིན་ན་བཙན་བྱོལ་མི་དམངས་སུ་ཡོད་པའི་དབང་ཚད་ནི་བཀའ་སྤྱི་གཉིས་ཀྱི་འོས་ཤོག་འཕེན་དབང་ཡོད་ཙམ་རེད། དེ་ཙམ་གྱིས་མང་གཙོ་ཚད་ལྡན་ཡིན་ཟེར་མི་འོས་སྙམ།

བཙན་བྱོལ་རྒྱ་ཆེ་མི་དམངས་ཀྱིས་གདམ་པའི་བཀའ་སྤྱི་གཉིས་ཀྱིས་མི་དམངས་ཀྱི་འདོད་མོས་དང་དམིགས་ཡུལ་ལ་གུས་བཀུར་མེད་པའི་ཐོག་ནས་བཅའ་ཁྲིམས་གཏན་འབེབས་དང་གྲོས་ཆོད་བཞག་བསྡད་པ་འདི་ཚོ་ནི་སྲིད་དབང་སྒེར་གཅོད་པའི་ལམ་སྲོལ་ཙམ་ལས་དམངས་ཀྱི་དམིགས་ཡུལ་དང་འདོད་མོས་ཡོད་པའི་ལྟ་གྲུབ་མིན།

དཔེར་ན། ཀྲུང་ཧྭ་མི་དམངས་ཀྱི་སྤྱི་མཐུན་རྒྱལ་ཁབ་ཀྱི་འཐུས་མི་ཚོགས་ཆེན་སྐབས་སུ་འཐུས་མི་རྣམས་ཀྱིས་ཀྱང་ས་གནས་རང་སྐྱོང་གི་བཅའ་ཁྲིམས་བཟོས་པ་ཡོད་པ་རེད། ཡིན་ནའང་ས་གནས་མི་དམངས་ཀྱིས་ས་གནས་རང་སྐྱོང་གི་བཅའ་ཁྲིམས་སུ་འདོད་མོས་ཡོད་མེད་ལ་མ་ལྟོས་པ་ངོ་ལེན་བྱེད་རྒྱུ་ལས་མི་དམངས་ཀྱི་འདོད་མོས་དང་དམིགས་བཤད་ས་མེད་པ་རེད། འདི་ནི་གོང་ཁྲན་ཏང་གི་འཐུས་མི་རྣམས་ཀྱིས་སྲིད་དབང་སྒེར་གཅོད་བྱས་པ་ཞིག་རེད་སྙམ་མོ།

བཙན་བྱོལ་བོད་གཞུང་འདི་མང་གཙོ་ཚད་ལྡན་གྱི་ལམ་དུ་སྐྱོད་དགོས་ན་ངེས་པ་ཏུ་བཙན་བྱོལ་མི་དམངས་སུ་ཁྲིམས་བཟོ་དབང་ཚད་དགོས་པ་གལ་ཆེན་རེད་འདོད། མ་གཏོགས་ང་རང་ཚོས་གདམ་པའི་བཀའ་སྤྱི་གཉིས་ཀྱིས་ང་རང་ཚོ་ལ་ཁྲིམས་ལུགས་ཀྱི་ཁ་ཕྱོགས་འགྱུར་བའི་དབང་ཆ་མ་སྤྲད་པ་ཡིན་ན་སྲིད་དབང་སྒེར་གཅོད་ཡིན་པ་ལས་མང་གཙོ་མིན།

དཔེར་ན། སུད་སི་རྒྱལ་ཁབ་ལྟ་བུ་མཚོན་ན་རྒྱལ་ཁབ་སྤྱིའི་ཁྲིམས་ལུགས་ཐག་གཅོད་ཀྱི་དབང་ཚད་ཆ་ཚང་མི་དམངས་སུ་ཡོད། མཐའ་ན་སྤྱི་པའི་གསང་སྤྱོད་གཅིག་གསར་རྒྱབ་བྱེད་དགོས་ཚེ་ཡང་འོས་བསྡུའི་ལམ་ནས་མི་དམངས་ཀྱིས་དགོས་མིན་ཐག་གཅོད་བྱེད་རྒྱུར་དབང་ཆ་ཡོད།

རྒྱལ་ཁབ་སུ་ཡིན་ནའང་འཐུས་མི་ལ་དབང་ཚད་ངེས་ཅན་ཞིག་ཡོད་པ་ནི་དངོས་ཡོད་ཡིན་ཀྱང་རྒྱལ་ཁབ་ཀྱི་བྱ་བཞག་ཐམས་ཅད་ཐག་གཅོད་ཀྱི་དབང་ཆ་འཐུས་མི་ཁོ་ན་ལ་ཡོད་པ་ནི་སྲིད་དབང་སྒེར་གཅོད་པའི་ལུགས་སྲོལ་ཡིན་པ་ལས་མང་གཙོ་ཚད་ལྡན་ལུགས་སྲོལ་ག་ལ་ཡིན།

བཙན་བྱོལ་བོད་གཞུང་གི་བཀའ་སྤྱི་གཉིས་ཀྱིས་ཀྱང་ནོར་འཁྲུལ་ཆེ་ཤོས་བཙན་བྱོལ་མི་དམངས་ཀྱི་འདོད་མོས་དང་བརྟེན་ནས་ཁྲིམས་ལུགས་བཟོ་ཡི་མེད་པ་འདིར་ཡིན། འཐུས་མིས་རང་གི་མངའ་འོག་གི་མི་སེར་གྱི་དམིགས་ཡུལ་དང་བསམ་ཚུལ་ལ་གུས་བཀུར་མ་བྱས་པ་ནི་འཐུས་མི་དེས་སྲིད་དབང་སྒེར་གཅོད་བྱས་པ་རེད་འདོད་ཀྱི་ཡོད་དོ།

བོད་པ་ཚོས་འཇོན་རུང་མ་འཇོན་ད་དུས་ལ་སླེབས་ཚར་བ་རེད། རྒྱལ་པ་རིན་པོ་ཆེ་མེད་པའི་དུས་དེ་ལ་ང་ཚོས་ང་འདྲ་ཞིག་བྱེད་ཀྱིན་ཡིན།

ད་ལྟའི་བར་ལ་ རྒྱལ་བ་རིན་པོ་ཆེའི་ ཕྱག་མོ་དང་། ཐག་གཅོད་ལ་ ནོར་བ་འཁྲུལ་བ་ ཁྱོན་བྱུང་མྱོང་ ཡོད་མ་རེད། དེ་ལ་ བརྟེན་ནས་ ད་བོད་མི་ཚོས་ རང་རང་སོ་སོའི་ འཇོན་ཚོད་དཔག་ཚོད་ལ་ རིགས་པ་ གཅིག་ཏུ་ འགྲིམ་པའི་ དུས་ཚོད་ལ་ སླེབས་པ་ མ་ཡིན་ནམ།

༸གོང་ས་མཆོག་གིས་གྲོས་ཚོགས་སུ་གནང་རྒྱུའི་བཅའ་ཁྲིམས་བསྐྱར་བཅོས་དེ་ལམ་སྟོན་གྱི་ངོ་བོར་ཕེབས་ཀྱི་ཡོད་དང་། ཡང་ན་བཀའ་རྩ་ཁྱབ་བསྒྲགས་ཀྱི་ལམ་ནས་བཀའ་ཕེབས་ཀྱི་རེད།
དེ་ལ་དཔག་པའི་བཅའ་ཁྲིམས་བཟོ་བཅོས་བྱེད་ཕྱོགས་ཐད་བསམ་འཆར་འདོན་དགོས་པར་སེམས།

༼ དུས་ཚོད་སྨིན་མ་སྨིན་༽ འདི་འང་ང་ཚོས་བསམ་བློ་གཏོང་དགོས་པ་ཞིག་སྟེ། སུ་ཞིག་གིས་༧རྒྱལ་བ་རིན་པོ་ཆེར་བློ་ཕམ་གྱི་གནས་ཚུལ་མེད་ཅེས་ཤོད་ཐུབ་བམ། ང་ཚོའི་གྲོས་ཚོགས་ནང་ནས་གསུང་འཕྲིན་ལ་བགྲོ་གླེང་བྱེད་ཐེངས་རེ་རེར། ཉན་ཞིབ་དོགས་འདྲིའི་སྐབས་སྤྱི་འཐུས་རེ་འགས་བཀའ་མོལ་གསུང་སྟངས་རེ་རེར། སྤྱི་ཚོགས་ནང་ཁ་ཚད་ཡོང་ནང་གི་ཚིག་ཚོད་མེད་ཤོད་མཁན་རེ་རེར་ལ་བསམ་བློ་ཞིག་བཏང་དུས། དུས་ཚོད་སྨིན་པོ་འདི་དོན་དངོས་རང་ཆབ་སྲིད་ཀྱི་གནས་ཚད་སྨིན་པོ་ཞིག་ཨེ་ཡིན་ནམ་བསམ་ཁར། འདི་བོད་མི་རིགས་ཀྱི་འབྱུང་འགྱུར་ལ་ཁེགས་ཐེག་ཐུབ་པའི་བབ་བརླིང་བརྟན་གསུམ་གྱི་དུས་ཚོད་སྨིན་པ་ཞིག་ཨེ་ཡིན་བསམ་ནས་རྣམ་རྟོག་གི་ཆར་བབས། བསམ་གཞིག་གི་གཏིང་དུ་དེད་ནས། ཟས་ཀྱི་དང་ཀའང་འགག་འགྲོ་གི་འདུག

སྐད་ཆ་དེ་ཚོ་ཐོས་པ་དང་མིག་ནས་མཆི་མ་ལྷུང་འུང་གི ད་ནི་མི་ཡུལ་དུ་སྡོད་ཐབས་བྲལ། ངོ་མ་ད་ནི་འཇིག་རྟེན་འདི་རུ་འཚོ་ཐབས་བྲལ། བླ་མ་ལགས་ཁྱེད་ཀྱིས་སྙིང་རྗེས་གཟིགས་རོགས། ཁྱེད་ནི་ད་བར་དུ་ང་ཚོའི་དབུ་ཁྲིད་དང་སྐྱབས་གནས་གཉིས་ཀ་ཡིན་ལ་ད་དུང་ཡང་མུ་འཐུད་དེ་དེ་ལྟར་ཡིན།

༧དཔལ་ལྡན་རང་གཞུང་གིས་བཞེད་པའི་མང་གཙོ་ཞེས་པའི་མང་དང་རྒྱ་ནག་གཞུང་གིས་འདོད་པའི་དམངས་གཙོ་ཞེས་པའི་དམངས་དང་མང་གཉིས་ཀའི་ནང་ནས། ང་ཚོའི་༼ མང་༽ འདིར་གྲངས་འབོར་དང་གྲལ་གྱི་མཐའ་ན་གནས་པའི་མི་མང་གི་བདེ་སྡུག་དབུས་སུ་འཇོག་གི་ཡོད་པ་གཉིས་འཛོམས་ཡིན་པ་ནི་རང་གཞུང་གི་མང་གཙོའི་འཕེལ་རིམ་ལ་ལྟོས་པས་ཤེས་ཐུབ་ལ། བོད་མི་རིགས་ཀྱི་མང་གཙོའི་ཤིང་རྟ་བ་ཆེན་པོ་༧རྒྱལ་མཆོག་བསྟན་འཛིན་རྒྱ་མཚོའི་ཟབ་ཡངས་དགོངས་གཞི་དེ་ག་རང་ཡིན་པའང་ཡིག་ལམ་དང་དངོས་ཡོད་གཉིས་ཀ་ནས་མཐོང་ཐུབ་པ་ཞིག་རེད།
འོ་ན། ང་ཚོའི་མང་གཙོ་འདིའི་ནང་དོན་ཡོངས་སུ་ཚང་རྒྱུའི་ཚབ་མཚོན་གསུམ་ཡོད་པ་ནི། ༧རྒྱལ་བ་རིན་པོ་ཆེ་མཆོག་དང་། མི་མང་གིས་ཐད་འདེམས་བྱས་པའི་བཀའ་བློན་ཁྲི་པ། བོད་མི་མང་སྤྱི་འཐུས་ལྷན་ཚོགས་བཅས་རེད། ང་ཚོའི་སྤྱི་ཚོགས་དང་། ལྷག་པར་གྲོས་ཚོགས་ནང་དུ་བཀའ་ཁྲི་དང་ཚོགས་གཙོ་རྣམ་གཉིས་ཀྱི་སུས་བོད་མི་ས་ཡ་དྲུག་གི་སྐུ་ཚབ་མཚོན་ཐུབ་ཀྱི་ཡོད་མེད་ལ་བཀའ་མོལ་དངོས་ཤུགས་བརྒྱུད་གསུམ་ནས་བྱུང་ཚར་བ་རེད། ཡིན་ནའང་། ང་ཚོས་དངོས་ཡོད་གནས་ཚུལ་ལ་ལྟོས་ཡོང་དུས། མི་མང་གིས་ཐད་འདེམས་བྱས་པའི་བཀའ་ཁྲི་སྐབས་གཉིས་ཀྱི་ལས་ཐོག་པའི་བོད་མི་མང་གི་སྐུ་ཚབ་མཚོན་ཐུབ་པ་ནང་ལྟར། སྤྱི་འཐུས་ཚོགས་གཙོས་མི་མང་གི་སྐུ་ཚབ་མཚོན་ཐུབ་རྒྱུའི་གཟི་བརྗིད་དང་ཡིད་ཆེས། ནུས་སྟོབས་ད་དུང་རེག་མེད། དེ་ནི་ཚོགས་གཙོ་གཅིག་པུའི་དགེ་སྐྱོན་ནས་མིན་པར། ཁྲིམས་བཟོ་ལྷན་ཚོགས་ཁོ་རང་གི་སྤྱི་ཡོངས་ཀྱི་ཆིག་སྒྲིལ་དང་ནུས་ཤུགས་ལ་རག་ལས་སྟབས། གནད་དོན་འདིར་ད་དུང་ཁྲིམས་བཟོ་ལྷན་ཚོགས་ཀྱིས་འདང་ངེས་བསྐྲུན་ཐུབ་མེད། དཔེ་མཚོན་གསལ་བོ་གཅིག་ནི། མི་མང་གིས་བཀའ་ཁྲི་གལ་ཆེན་པོ་ཅི་ཙམ་ཡིན་པར་མཐོང་བ་དེ་བཞིན་ཁྲིམས་བཟོ་ལྷན་ཚོགས་ཀྱི་གལ་གནད་མཐོང་གི་མེད། དེ་ནི་མི་མང་རང་ངོས་ཀྱི་མ་ཤེས་པའི་ཆ་ཁོ་ན་མིན་པར་སྤྱི་འཐུས་རྣམ་པའི་ཤེས་འཇོན་ལྷག་བསམ་གྱིས་སྤྱི་འཐུས་ཀྱི་མཚན་མཐོང་ལ་གཟི་བརྗིད་མ་བསྐྲུན་པས་རེད་ལ། དེང་སྐབས་ཕལ་ཆེར་ཁ་ཐོག་ཚད་དང་དགའ་ཉེ་ཕྱོགས་གཏོགས་ཀྱིས་སྤྱི་འཐུས་ལ་འདེམས་རྒྱུའི་ལུགས་ངན་ཞིག་ཀྱང་ཆེ་ནས་ཆེ་རུ་འགྲོ་བཞིན་ཡོད་པ་རེད།
རྒྱུ་མཚན་དེ་འདྲ་མང་པོ་ཞིག་གིས། བོད་མི་ས་ཡ་དྲུག་གི་སྐུ་ཚབ་མཚོན་ཐུབ་མཁན་ལ་ཨང་རིམ་ཞིག་བཀར་དགོས་པའི་དབང་དུ་བཏང་ན། ༡ ༧རྒྱལ་བ་རིན་པོ་ཆེ། ༢ བཀའ་ཁྲི་ཟམ་གདོང་རིན་པོ་ཆེ། ༣ སྐབས་བཅུ་བཞི་པའི་སྤྱི་འཐུས་ལྷན་ཚོགས་བཅས་རེད་འདུག་པས།
༧རྒྱལ་བ་རིན་པོ་ཆེའི་ཆབ་སྲིད་འགན་དབང་གི་ཁྲིམས་འཆར་ཕར་ཞོག གྲོས་ཚོགས་ནང་སྐད་ཆ་ཙམ་བྱུང་རྒྱུར་དོན་གྱི་བདག་པོ་གཞིས་ལུས་རྒྱ་ཆེའི་མི་མང་ལ་བཀའ་འདྲི་ཞུ་དགོས་པར་འདོད།

ད་དུང་པེ་ཅིན་སྲིད་གཞུང་གི་བཀའ་དྲིན་ལ། གནམ་གྲུའི་གླ་ཆའི་རྩོད་སྙོག་གིས་སྐབས་བཅུ་བཞི་པའི་སྤྱི་འཐུས་ལྷན་ཚོགས་ཀྱི་ངོ་གདོང་གཞིས་ལུས་མི་མང་གིས་མཇལ་འདུག་པས། བསམ་ཚུལ་སྣ་ཚོགས་ཡོད་པའང་ཐོས།
དེ་བས་སྐབས་བཅུ་བཞི་པ་འདིས་ངེས་པར་དུ་གཞིས་ལུས་རྒྱ་ཆེ་མི་མང་ལ་བསམ་ཚུལ་བསྡུ་དགོས་ངེས་རེད།

༸གོང་ས་མཆོག དགུང་ལོ་ ༡༡༣ བར་ བཞུགས་རོགས་གནང་ དེ་ལས་ལྷག་པ་ ང་ལ་ནི་ རང་བཙན་སོགས་ གང་ཡང་ མི་དགོས་ ལགས། ། ༸གོང་ས་མཆོག་ རྒྱལ་ལོ། བོད་རྒྱལ་ལོ། །