ཉི་ཧོང་གི་རྒྱལ་ས་དང་ཉེ་བའི་བྱང་ཁུལ་དུ་ཕྱི་ཚེས་ ༩ དང་ ༡༠ བཅས་ཉིན་གཉིས་ལ་བསྟུད་མུར་རིམ་པ་ ༧།༢ཅན་གྱི་ས་འགུལ་བརྒྱབ་ཡོད་ཀྱང་། རྒྱུ་དངོས་ལ་གནོད་སྐྱོན་ཆེན་པོ་ཐེབས་མེད་ལ། མི་སྲོག་ཤོར་བའི་གནས་ཚུལ་ཡང་བྱུང་མེད། ཁ་སང་ཕྱི་ཚེས་ ༡༡ ཉིན་བསྐྱར་དུ་ཉི་ཧོང་བྱང་ཤར་མཚོ་ངོགས་སུ་ས་འགུལ་རིམ་པ་ ༨།༩ ཅན་ཞིག་བྱུང་བ་དང་། ས་འགུལ་དེའི་དབང་གིས་རྒྱ་མཚོ་ཆེན་མོ་གཡོ་འཁྱོམ་བྱས་ཏེ། མཚོ་འགྲམ་ཁུལ་གྱི་གྲོང་ཁྱེར་ནང་མཚོ་རླབས་འཕྱུར་ཏེ། འཛུགས་སྐྲུན་དང་ཁང་ཁྱིམ། ལམ་དང་ཟམ། རླངས་འཁོར་དང་གྲུ་གཟིངས་ཁྲི་སྟིང་མང་པོ་འཁྱུར་མིད་བཏང་ཡོད།
ཐེངས་འདིའི་ཉི་ཧོང་གི་ས་འགུལ་ཁྲོད་མི་ཤི་བའི་གྲངས་ཀ་གསལ་བོ་མེད་ཀྱང་། དེ་རིང་ཉིན་རྒྱབ་ཆུ་ཚོད་གཉིས་པ་བར་མི་ ༤༨༠ ལྷག་གི་བེམ་རོ་བརྙེད་སོན་བྱུང་ཡོད་པ་དང་། མི་ ༢༣༤༠༠ ལྷག་ལ་རྨས་སྐྱོན་ཚབས་ཆེན་ཕོག་པ། དེ་བཞིན་མི་སེར་འབུམ་གཉིས་ ༢༠༠༠༠༠ ལྷག་ལ་གནོད་འཚེ་ཐེབས་ཏེ་ཅི་བྱ་གཏོད་བྲལ་དུ་གྱུར་ཡོད་འདུག ད་དུང་དུས་ཚོད་སྐར་ཆ་རེ་རེར་མི་ཤི་བའི་གྲངས་འབོར་འཕར་བཞིན་ཡོད་འདུག་ལ། མཚོ་ཁུལ་གྱི་གྲོང་ཁྱེར་གཞན་མང་པོ་ཞིག་ལ་གནོད་སྐྱོན་ཐེབས་པའི་གནས་ཚུལ་ཡང་འཐོན་བཞིན་འདུག
གསར་ལམ་གཞན་འགའ་རེར་གནས་ཚུལ་ཐོན་པ་ལྟར་ན། ས་འགུལ་ཁྲོད་མི་ཆིག་སྟོང་ལྷག་འདས་གྲོངས་སུ་སོང་ཡོད་ཚུལ་དང་། དགོང་མོ་དེར་རྒུད་སྐྱོབ་མི་སྣས་རའོ་ལཱིན་ས་ཁུལ་གྱི་མཚོ་ཁ་ནས་བེམ་པོ་ ༣༠༠ ཙམ་བརྙེད་པ་དང་། ཡན་ཧྲིག་དང་ཧྥུའུ་ཏའོ། ཚི་ཁྲིན། ཆན་ཡེ་སོགས་རྫོང་ཁག་འགར་ཡང་ཉུང་མཐར་མི་བརྒྱ་ཕྲག་འགའ་རེ་རྐྱེན་ལམ་དུ་ཤོར་ཡོད་ངེས་རེད་ཟེར། གཞན་ཉི་ཧོང་རྒྱལ་ས་ཊོ་ཀེ་ཡོ་ Tokyo གྲོང་ཁྱེར་ནང་གི་བཟོ་གྲྭ་དང་རྡོ་སྣུམ་ལས་སྣོན་ཁང་གཅིག་བཅས་སུ་མེ་སྐྱོན་ཚབས་ཆེན་བྱུང་ཡོད་འདུག
རྒྱ་མཚོ་གཡོ་འཁྱོམ་གྱི་རླབས་ཤུགས་དེ་ཉི་ཧོང་བྱང་ཕྱོགས་ཀྱི་གྲོང་ཁྱེར་བཅུ་ལྷག་ནང་བསླེབས་ཡོད་པ་མ་ཟད། ཧྥི་ལི་ཕིན་ Philippines དང་ཧིན་རྡུ་ནི་ཤི་ཡ། ཐེ་ཝན། ཀོ་རི་ཡ་སོགས་སུ་ཡང་ཤུགས་རྐྱེན་ཐེབས་ཡོད་ཀྱང་། མི་རྒྱུར་གོད་ཆག་གི་གནས་ཚུལ་བྱུང་མེད། ས་ཡོམ་ཆེད་མཁས་པ་འགའ་རེས་བརྗོད་ན། ཐེངས་འདིའི་ས་འགུལ་དེ་ནི་ཉི་ཧོང་ལོ་རྒྱུས་སྟེང་གི་ས་འགུལ་ཤུགས་ཆེ་ཤོས་དེ་ཡིན་ཟེར་ཞིང་། འགའ་རེ་ཡིས་ལོ་ངོ་ ༡༤༠ ནང་ཚུན་གྱི་འགུལ་ཚད་མཐོ་ཤོས་དེ་ཡིན་རབས་བཤད།
འཛམ་གླིང་མཉམ་འབྲེལ་རྒྱལ་ཚོགས་དང་རྒྱལ་ཁབ་ཁག་གི་སྲིད་འཛིན་ཚོས་ཉི་ཧོང་ནང་གི་གོད་ཆག་ལ་མྱ་ངན་གྱི་འཚམས་འདྲི་ཞུས་ཤིང་། ཁ་སང་ཉིན་གུང་ཨ་རིའི་སྲིད་འཛིན་ཨོ་བྷ་མས་ཕོ་བྲང་དཀར་པོ་ནས་གསར་འགོད་གསལ་བསྒྲགས་སྤེལ་ཏེ། ཐེངས་འདིར་ཨ་རིའི་གཞུང་གིས་གནམ་གྲུ་འབབ་ཆོག་པའི་གྲུ་གཟིངས་ཆེན་པོ་ཞིག་ཆེད་གཏོང་གིས་ཉི་ཧོང་གི་གོད་ཆག་ལ་རོགས་རམ་བྱ་རྒྱུ་ཡིན་ཟེར།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
སུ་ནྰ་མི་འདི་ཇ་པེན་གྱི་སྐད་དུ། ཆུ་རི་རེད་ཞེས་ཟེར་སོང་སྙམ།
ཉི་ཧོང་དུ་གོད་ཆགས་བྱུང་བ་ལ་མྱ་ངན་ཞུ་། ཨོྃ་མ་ཎི་པདྨ་ཧཱུྂ། ཉེ་བའི་ལོ་ཤས་ནང་ས་ཆ་གང་ས་འབྱུང་གཞི་འཇིགས་པ་ཇེ་ཆེར་རུ་འགྲོ་དང་འགྲོ་བཞིན་པ་ལ་བསམ་ནས་རང་རིགས་རྣམས་ཆོལ་ཁ་དང་ཆོས་ལུགས་གི་དབྱེ་གཞི་དོར་ཏེ་། འདི་ཕྱི་གཉིས་ཕན་ཀྱི་དམ་པའི་ལྷ་ཆོས་བྱེད་ན་མི་ལེགས་སམ།
ས་ཡོམ་དང་ཆུས་རླབས་འཕྱུར་བའི་རང་བྱུང་གོད་ཆག་ཁྲོད་དུ་འདས་གྲོང་སུ་གྱུར་པའི་གཤིན་པོ་ཚེ་ལས་འདས་ཚད་རྣམས་ཀྱིས་ཚེ་རབས་འཕྲེང་བར་བསགས་པའི་བྱས་བསགས་སྡིག་ལྟུང་མཐའ་དག་བྱང་ཞིང་དག་པར་མཛད་དུ་གསོལ། ཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿ འཕགས་པ་སྤྱན་རས་གཟིགས་ཀྱིས་ལམ་སྣ་འདྲེན་པར་ཤོག། ཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿ
འདུས་བྱས་ཐམས་ཅད་མི་རྟག་པ་རེད་འདུག་ག་ ཨོྂ་མ་ཎི་པདྨེ་ཧཱུྂ་ཧྲཱི༔
མཐའ་ཅིག་ཏུ་མྱ་ངན་ཞུ་ ཨོྂ་མ་ཎི་པདྨེ་ཧཱུྂ་ཧྲཱི༔་ཨོྂ་མ་ཎི་པདྨེ་ཧཱུྂ་ཧྲཱི༔
དགེ་མཐོང་གིས་དེ་རིང་མི་རྟག་པ་དྲན་ཁུལ་བྱས་འདུག་ལ། ནང་ཆོས་ལ་དད་སྣང་ཆེ་རུ་འགྲོ་དགོས་པའི་བསམ་པ་འཁོར་བཞག ཡག་པོ་རེད།
གཞིས་ཁྱིམ་སྟོར་བའི་ཉམ་ཆུང་མི་ཚོས་འཚོ་བའི་འཁོས་ཀ་ཅི་ལྟར་སྐྱེལ།།
ཕ་མ་མེད་པའི་དྭ་ཕྲག་མང་པོས་རེ་བའི་མིག་ཞགས་སུ་ལ་གཏོད།།
བུ་ཕྲུག་བྲལ་བའི་རྒན་རྒོན་དག་གིས་ཚེ་མཇུག་ནམ་ཟླ་ཇི་ལྟར་སྐྱོང་།།
ས་ཡོམ་མཚོ་སྐྱོམས་འབྱུང་བཞིའི་ཇག་པས་མི་རྒྱུ་མང་པོ་དེད་ནས་ཐལ།།
ཨོཾ་མ་ཎི་པདྨེ་ཧཱུཾཾཿ
ཨོཾ་མ་ཎི་པདྨེ་ཧཱུཾཾཿ
ཨོཾ་མ་ཎི་པདྨེ་ཧཱུཾཾཿ
དངོས་གནས་འཇིག་རྟེན་འདིར་སྙིང་བོ་མི་འདུག སྐར་ཆ་ཁ་ཤས་ནང་དུ་མི་ལུས་རིན་པོ་ཆེ་འབོད་པའི་ཟག་ཕུང་དེ་རིགས་རྩ་མེད་དུ་འགྲོ་གིན་འདུག ད་ཐེངས་ཀྱི་ས་ཡོམ་མཐོང་ནས་སེམས་ལ་འཇིགས་སྐྲག་དང་མཐར་ཐུག་ན་ནང་ཆོས་ལས་ལྷག་ཅིག་མི་འདུག་བསམ་བྱུང་། ཁོ་ཚོ་ལ་མྱ་ངན་དང་རྗེས་དྲན་ཞུ་ཞུ།
ཨོྃམཎིཔདྨེཧཱུྃཿ
ཨོྃམཎིཔདྨེཧཱུྃཿཨོྃམཎིཔདྨེཧཱུྃཿཨོྃམཎིཔདྨེཧཱུྃཿཨོྃམཎིཔདྨེཧཱུྃཿཨོྃམཎིཔདྨེཧཱུྃཿཨོྃམཎིཔདྨེཧཱུྃཿཨོྃམཎིཔདྨེཧཱུྃཿ