ཁ་སང་ཕྱི་ཚེས་ ༡༤ ཉིན་ཏེ། སྐབས་བཅུ་བཞི་པའི་བོད་མི་མང་སྤྱི་འཐུས་གྲོས་ཚོགས་ཚོགས་དུས་བཅུ་གཅིག་པ་མགོ་འཛུགས་བྱས་པའི་དུས་དང་སྟབས་བསྟུན་ཏེ། བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་དྲ་རྒྱ་ཞིག་( www.tibetanparliament.org དང་ www.chithu.org ) གསར་དུ་དབུ་འབྱེད་བྱས་འདུག
དྲ་རྒྱ་དེར་སྤྱི་ལྷན་ངོ་སྤྲོད་དང་ཁྲིམས་སྒྲིག ལས་རིམ་གསར་ཤོག་དང་གསུང་འཕྲིན། ཡིག་མཛོད་དང་འབྲེལ་གཏུག་བཅས་སྡེ་ཚན་དྲུག་ཏུ་དབྱེ་ཡོད་ཅིང་། སྤྱི་ལྷན་ངོ་སྤྲོད་སྡེ་ཚན་ནང་སྤྱི་འཐུས་ལྷན་ཚོགས་ཀྱི་ཚོགས་འདུ་དང་སྒྲིག་འཛུགས་གྲུབ་སྟངས། ལྷན་ཚོགས་ཀྱི་དབང་ཚད་དང་ཁྲིམས་བཟོའི་བརྒྱུད་རིམ། རྒྱུན་ལས་ཚོགས་ཆུང་། སྤྱི་འཐུས་རིམ་བྱོན། ཚོགས་དྲུང་ལས་ཁུངས། ངོ་སྤྲོད་བརྙན་འཕྲིན་བཅས་བཀོད་འདུག ཁྲིམས་སྒྲིག་ཁག་གི་སྡེ་ཚན་ནང་འོས་བསྡུའི་སྒྲིག་གཞི་དང་འཛིན་སྐྱོང་སྒྲིག་གཞི། སྤྱི་ལྷན་སྒྲིག་གཞི། དངུལ་རྩིས་སྒྲིག་གཞི། ཐོབ་ཐང་སྒྲིག་གཞི་བཅས་བཀོད་ཡོད་ལ། ལས་རིམ་གསར་ཤོག་གི་སྡེ་ཚན་ནང་སྐབས་བཅུ་གཅིག་དང་བཅུ་གཉིས། བཅུ་གསུམ། བཅུ་བཞི་བཅས་ཀྱི་གསར་ཤོག་དང་། གསུང་འཕྲིན་ཁག་གི་སྡེ་ཚན་ནང་༧གོང་ས་མཆོག་གིས་སྤྱི་ལྷན་ལ་བསྩལ་བའི་གསུང་འཕྲིན་དང་གསུམ་བཅུའི་གསུང་འཕྲིན། མང་གཙོའི་གསུང་འཕྲིན། སྐུའི་འཁྲུངས་སྐར་ཉིན་གྱི་གསུང་འཕྲིན། གཞུང་འབྲེལ་མཛད་སྒོའི་གསུང་འཕྲིན་བཅས་ཡོད། ཡིག་མཛོད་སྡེ་ནང་སྤྱི་ལྷན་གྱི་དཔེ་དེབ་དང་སྤྱི་ལྷན་གྱི་དུས་དེབ། གྲུབ་དོན་སྙན་ཐོ་བཅས་ཡོད། འབྲེལ་གཏུག་ཏུ། སྤྱི་འཐུས་ལས་ཐོག་དང་ས་གནས་འཐུས་ཚོགས། རང་བདེན་ཚོགས་ཆུང་། ཚོགས་དྲུང་ལས་ཁུངས་བཅས་བཀོད་ཡོད་འདུག
སྤྱི་འཐུས་ཡོངས་ལ་དགའ་སུ་ཡོད་་་་་ངས་བསམ་ཚུལ་མཐུང་མཐུང་ཤིག་ཞུས་ན་སྤྱི་མཐུས་དྲ་རྒྱའི་ནང་ལ་ལོ་མཐོ་རྒྱལ་སྤྱའི་ལོ་མཐོ་ལས་མིན་འདུག་རང་ཉིད་བོད་ལ་ཡང་ལོ་མཐོ་ངོམས་ཆོག་པ་ཡོད་པས་དེ་ཡང་འདིའི་ནང་དུ་སྟོན་ཐུབ་ན་ཁེ་ཕན་དང་སྲུང་སྐྱོབས་ཤིག་ཡོང་ངེས་རེད་
བོད་མི་མང་སྤྱི་འཐུས་ལྷན་ཚོགས་ནས་དྲ་ལམ་གསར་པ་སྒོ་འབྱེད་གནང་བར་བཀྲིས་བདེ་ལེགས་ཞུ། ཁ་སང་འཕྲོད་བསྟེན་གྱི་ལས་གཞི་གསར་པ་དང་། དེ་རིང་གི་སྤྱི་འཐུས་ཀྱི་དྲ་ལམ་གསར་པ་དུས་ཚིགས་ཀྱི་ཆེས་མཐའ་མཇུག་ཏུ་སླེབས་པ་འདི་ཡང་ཆབ་སྲིད་ཀྱི་ཁྲབ་སྟངས་ཀྱི་གནད་དོན་ཆུང་ངུ་ཞིག་ཡིན་པར་འདོད། ཐུགས་རྗེ་ཆེ།
སྤྱི་འཐུས་གྲོས་ཚོགས་ཀྱི་དྲ་རྒྱ་གསར་བ་དབུ་འབྱེད་གནང་བར་བཀྲིས་བདེ་ལེགས་ཞུ།
རྟེན་འབྲེལ་ཞུ།
ཡོངས་ཁྱབ་གསར་བསྒྲགས་རིགས་དྲ་ལམ་བརྒྱུད་ནས་ཐད་གཏོང་བྱས་ན།
ཕན་ཆེ་བར་མཐོང་།
སྤྱི་མཐུས་ལྷན་ཚོགས་ཀྱིས་དྲང་བདེན་དང་གནས་ལུགས་སོགས་ཡར་རྒྱས་ཀྱི་རྣམ་པ་ཡག་པོ་ཞིག་རེད། དྲ་རྒྱ་སྒོ་འབྱེད་གནང་བ་དགའ་བསུ་ཡོད།
ཚང་མ་གནམ་ལོ་གསར་ཚེས་ལ་བཀྲ་ཤིས་བདེ་ལེགས་གྲངས་མེད་ཞུ་བཞིན་ཡོད། ཚོགས་འདུ་ལམ་འགྲོ་ཡོང་བའི་སྨོན་འདུན་ཞུ།
སྤྱི་འཐུས་སྐབས་བཅུ་བཞི་པར་མཚོན་ན། ཐོག་མར་ཚོགས་གཙོ་གཉིས་བྱུང་བ་ལ་ལོ་ལྔ་ཕྱེད་བགོས་ཀྱི་དབང་ཚད་ཕུལ་བ་ནས་བཟུང་། རིམ་པས། ཚོགས་གཙོ་སྔ་མ་འཇར་མན་གནམ་ཐང་ནས་ཨ་རག་གིས་ཕྱིར་མངགས་པ། རྗེས་མའི་སྐབས་གྲོས་ཚོགས་ནང་དགྲ་དགའ་གཉེན་སྡུག་གི་གཡུལ་བཤམས་ནས་གཞིས་བྱེས་མི་མང་བློ་ཕམ་དུ་བཅུག་པའི་མཐའ་མ་ལ། དེ་རིང་སྤྱི་འཐུས་ཀྱི་དྲ་རྒྱ་ཞིག་དབུ་འབྱེད་གནང་འདུག་པ་ནི། སྐབས་བཅུ་བཞི་པའི་སྤྱི་འཐུས་ལྷན་ཚོགས་ཀྱི་བྱས་རྗེས་ཆེ་ཤོས་ལ་ངོས་འཛིན་ཞུ་དགོས་པ་ཞིག་ཆགས་ཡོད། ད་ནས་བཟུང་གྲོས་ཚོགས་ཀྱང་དྲ་ཚིགས་སུ་ཞུགས་པ་རེད། དེར་དགའ་བསུ་ཞུ།