དེ་རིང་ཕྱི་ཚེས་ ༢༠ ཉིན་ཕྱི་དྲོར་བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་དབུས་འོས་བསྡུ་ལས་ཁུངས་ཀྱིས་སྐབས་གསུམ་པའི་བཀའ་བློན་ཁྲི་པ་དང་སྐབས་བཅོ་ལྔ་བའི་བོད་མི་མང་སྤྱི་འཐུས་ཀྱི་དངོས་གཞིའི་འོས་བསྡུའི་སྐོར་ལ་གསར་འགོད་གསལ་བསྒྲགས་ཤིག་བསྐྱངས་སོང་།
སྐབས་དེར་དབུས་འོས་བསྡུའིི་འགན་འཛིན་འཇམ་དཔལ་ཆོས་བཟང་ལགས་ཀྱིས་ཐེངས་འདིའི་སྐོར་གསུངས་དོན། འདིར་གནས་ཚུལ་གསར་པ་གང་ཡང་ཞུ་རྒྱུ་མེད་མོད། དེ་རིང་ནི་སྐབས་གསུམ་པའི་བཀའ་བློན་ཁྲི་པ་དང་སྐབས་བཅོ་ལྔ་བའི་བོད་མི་མང་སྤྱི་འཐུས་ཀྱི་དངོས་གཞིའི་འོས་བསྡུའི་ཉིན་མོར་འཁེལ་ཡོད། རྒྱ་གར་ནང་ས་གནས་གང་དག་ཏུ་འོས་བསྡུའི་ཆ་ཤས་ལེན་པའི་བོད་མི་ཡོད་པ་དང་། ས་གནས་ག་ཚོད་ཡོད་མེད། འོས་ཤོག་གི་གྲུབ་འབྲས་ག་དུས་གསལ་བསྒྲགས་བྱ་མིན་བཅས་ཀྱི་ཐད། བཀའ་འདྲི་གནང་མཁན་མང་པོ་ཡོང་གི་ཡོད་སྟབས། གནས་ཚུལ་འདི་དག་སྐོར་ལ་གསལ་བཤད་ཅིག་བྱ་རྒྱུ་ཡིན།
ཐེངས་འདིའི་སྔོན་འགྲོའི་འོས་བསྡུའི་སྐབས་དེབ་སྐྱེལ་གནང་མཁན་ ༧༩༡༡༡ བྱུང་ཡོད་པ་དང་། དངོས་གཞིར་འོས་བསྡུའི་སྐབས་དེབ་སྐྱེལ་འཕར་མ་གནང་མཁན་ ༤༢༨༨ ཙམ་བྱུང་སོང་། སྔོན་འགྲོ་དང་དངོས་གཞི་དེབ་སྐྱེལ་གནང་མཁན་ཁྱོན་བསྡོམས་ ༨༣༣༩༩ ཙམ་བྱུང་འདུག དེའི་ཁྲོད་རྒྱལ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་ཁག་གི་སློབ་གྲྭ་ཁག་ཕུད་པའི་ས་གནས་ ༥༦ དང་། མཐོ་སློབ་ཁག་ ༥ བཅས་ཁྱོན་འོས་ལྡུག་ཡུལ་ ༦༡ ཙམ་གོ་སྒྲིག་ཞུས་ཡོད། ཅེས་གསུངས་བྱུང་།
འོས་བསྡུའི་གྲུབ་འབྲས་གསལ་བསྒྲགས་སྐོར་ལ། དེ་རིང་གི་འོས་བསྡུའི་ལས་རིམ་ཚར་བའི་རྗེས་ལ་ས་གནས་སོ་སོའི་འོས་བསྡུའི་གྲུབ་འབྲས་ཕྱི་ཟླ་ ༤ པའི་ཚེས་ ༡༣ ཉིན་ནང་ཚུད་དུ་དབུས་འོས་བསྡུ་ལྷན་ཁང་ལ་འབྱོར་དགོས་པ་རེད། ཕྱི་ཟླ་ ༤ པའི་ཚེས་ ༢༧ ཉིན་སྐབས་གསུམ་པའི་བཀའ་ཁྲི་དང་སྐབས་བཅོ་ལྔ་བའི་བོད་མི་མང་སྤྱི་འཐུས་ཀྱི་དངོས་གཞིའི་འོས་བསྡུའི་གྲུབ་འབྲས་གསལ་བསྒྲགས་བྱ་རྒྱུ་ཡིན། ཞེས་བརྗོད་བྱུང་།
གསར་འགོད་པས་བལ་ཡུལ་དང་འབྲུག་ཡུལ་ནང་གི་འོས་བསྡུའི་སྐོར་བཀའ་འདྲི་ཞུས་པར་ཁོང་གིས། བལ་ཡུལ་དང་འབྲུག་ཡུལ་ནང་དངོས་གཞིའི་འོས་བསྡུའི་སྐོར་ལ་དེ་རིང་དམིགས་བསལ་འབྲེལ་བ་གནང་ཐུབ་ཡོད་པ་མ་རེད། འབྲེལ་བ་གནང་མ་ཐུབ་པ་དེ་ང་ཚོའི་ངོས་ནས་འགལ་འཛོལ་ཆེ་ཤོས་ཤིག་ཏུ་མཐོང་གི་ཡོད། ད་ལྟའི་ཆར་དེའི་སྐོར་གྱི་གནས་སྟངས་ཅི་ཡིན་གསལ་བོ་ཞུ་ཐུབ་ཀྱི་མི་འདུག ཅེས་བརྗོད་བྱུང་།
དེ་རིང་བལ་ཡུལ་ནང་གི་བོད་མི་ཚོས་དངོས་གཞིའི་འོས་བསྡུ་གནང་ཐུབ་མི་འདུག་ཅིང་། སྔོན་འགྲོའི་འོས་བསྡུའི་སྐབས་བལ་ཡུལ་ཉེན་རྟོག་པས་འོས་སྒམ་བཙན་འཕྲོག་བྱས་ཡོད་སྟབས། ཉེ་ལམ་དངོས་གཞིའི་འོས་བསྡུ་གནང་ཆོག་རྒྱུར་བལ་ཡུལ་གཞུང་ལ་ཆོག་མཆན་ཞུས་ཡོད་ཀྱང་ཀཱ་ཐ་མན་ཌོའི་རྫོང་དཔོན་གྱིས་ཆོག་མཆན་སྤྲད་མི་འདུག བལ་ཡུལ་ནང་བོད་མིའི་འདུས་སྡོད་ཀྱི་ས་གནས་ཁག་ ༡༣ ཙམ་ཡོད་པ་དང་། བོད་མི་ཆིག་ཁྲི་ལྷག་ཡོད་པ་དག་གིས་དངོས་གཞིའི་འོས་ལྡུག་ཐུབ་རྒྱུར་རེ་བ་ཆེན་པོ་བྱས་ཡོད་ཀྱང་། བལ་ཡུལ་གཞུང་གིས་ཆོག་མཆན་སྤྲད་མེད་པར་བློ་ཕམ་ཆེན་གནང་བཞིན་ཡོད་འདུག
གཞན། བཞུགས་སྒར་ངྷ་རམ་ས་ལ་ཁུལ་དུ། དེ་སྔའི་སྔོན་འགྲོའི་འོས་བསྡུའི་སྐབས་དང་བསྡུར་ན། དབུས་སའི་འོས་བསྡུ་ལས་ཁུངས་ཁག་གིས་གོ་སྒྲིག་ཞུ་ཕྱོགས་དང་། མང་ཚོགས་ཀྱིས་ཆ་ཤས་ལེན་སྟངས་ཧ་ཅང་ཡར་རྒྱས་ཚགས་ཚུད་བྱུང་ཡོད་པ་དང་། དེ་མིན་གྱི་ས་གནས་ཁག་ཏུ་གནས་ཚུལ་ཅི་བྱུང་ད་སྔ་ཤེས་རྟོགས་ཐུབ་མ་སོང་།
གསར་འགོད་པ། དོན་ག
ཧ་ཅང་བློ་ཕམ་བྱུང་གང་ཡིན་ཟེར་ན་འོས་བསྡུ་འགན་འཛིན་རྣམས་པའི་དང་པོ་ནས་གྲ་སྒྲིག་ཡག་པོ་མ་བྱས་ག་རེ་བྱས་བསྡད་པ་རེད་དངོས་གནས་ཡིན་ན་སྔོན་མ་བལ་དམག་ལག་ཏུ་འོས་སྒམ་ཤོར་བ་ལ་རྟེན་ཉམས་མྱོང་ཡོད་རེད་ལ་འོས་བསྡུ་འགན་འཛིན་རྣམས་པའི་ཕྱག་ལས་ཚད་དང་ལྡན་པ་ཞིག་མ་གནང་པའི་སྐྱོན་རེད།
འོས་བསྡུ་འགན་འཛིན་རྣམས་པའི་ད་ལྟ་བར་ཏུ་ཕྱག་ལས་ག་རེ་གནང་བསྡད་པ་རེད་ཅོག་རྩེ་མཛེས་པོ་འགོ་ལ་བསྡད་ནས་ཁ་ནས་དོན་མེད་ཀྱི་སྐད་ཆ་རྐྱང་རྐྱང་བཤད་བསྡད་པའི་རྟགས་འདི་རེད།
སྔོན་མ་ནས་གྲ་སྒྲིག་མ་བྱས་བའི་ཉེར་ལན་འདི་རེད་། འོས་བསྡུ་ལྷན་ཁང་གིས་ཐབས་རྒྱ་ཇུས་སྟོང་གིས་བྱ་བ་དང་དུ་བླངས་ཏེ།་འབྲེལ་ཡོད་ཀྱི་གཞུང་དང་ཚོགས་པ་ཁག་ལ་འབྲེལ་བ་མ་བྱས་བའི་འབྲས་བུ་འདི་རེད།བལ་ཡུལ་བོད་རིགས་ཚོས་འོས་བླུག་མ་ཐུབ་ན་ད་ཐེངས་ཀི་བཀའ་ཁྲིའི་དངོས་གཞིའི་འོས་བསྡུ་མུ་མཐུད་དུ་འགྲོ་རྒྱུ་ཡིན་ནམ།
ཧ་ཅང་བློ་ཕམ་བྱུང་བློ་ཕམ་བྱུང་བློ་ཕམ་ཆེན་པོ་བྱུང་། ཡིན་དང་ཡིན་དབུས་འོས་བསྡུས་འགན་འཛིན་འཇམ་དཔལ་ཆོས་བཟང་ཟེར་པ་འདིས་བོད་ཆས་གྱོན་འདོད་མེད་པ་ལྟས་ན་བོད་བསྟན་པ་ཆབ་སྲིད་ལ་ཞབས་འདེགས་ཞུ་མི་ཐུབ་ཁོ་ཐག་རེད། མཐའ་ན་ས་གནས་ཁག་གི་གནས་ཚུལ་སོགས་དུས་ཐོག་ལ་ཟུར་ཙམ་ཡང་བཤད་རྒྱུ་མི་འདུག་་་ཐབས་སྐྱོ་བོ་རེད།་་་་་དེ་ལས་དགོངས་པ་ཞུ་ན་ཡག་ས་རེད། ཡང་བསྐྱར་གསལ་པོ་བྱས་ནས་བཤད་རྒྱུ་ཞིག་ལ་་་དབུས་འོས་བསྡུས་འགན་འཛིན་གྱི་མིང་འཛིན་པ་ཁྱེད་ཀྱིས་བོད་ཆས་ཙམ་ཡང་གྱོན་མི་ཐུབ་ན་བཙན་བྱོལ་བོད་གཞུང་གི་ལོ་རྒྱུས་ལྡན་པའི་འོས་བསྡུས་ཆེན་མོ་འདི་འདྲིའི་རིགས་ངོ་ཚ་མ་བཟོ་རོགས།
བོད་མི་རགས་ཀྱི་རྩ་དོན་དང་ཡོངས་སུ་འབྲེལ་བའི་གལ་གནས་ཆེ་བའི་ད་ཐེངས་ཀྱི་བཀའ་སྤྱིའི་འོས་བསྡུ་འདི་འོས་བསྡུ་ལྷན་ཁང་གི་འོས་ཤོག་ལ་དྲང་བདེན་བྱ་མིན་ཉམས་ཞིབ་བྱེད་བཞིན་པ་ཡིན་གལ་སྲིད་གནས་ཚུལ་འདྲ་མིན་གྱི་རྙོག་དྲ་ལྷག་སོང་ན་འོས་བསྡུ་ལྷན་ཁང་གི་སྒོ་ལ་ཡོང་ནས་ངོ་རྒོལ་བྱེ་རྒྱུ་འཆར་གཞི་ཚང་མ་བཟོས་ནས་བསྡད་ཡོད།
དངོས་ཀྱི་ལས་ཀ་དེ་རང་ཐོག་ལ་མ་ཁེལ་ན་གཡས་ནས་གཟིགས་འདུག་མཁན་གྱིས་
འདི་ལྟར་བཤད་པ་དེ་ཁག་མེད།
སྐད་ཆ་ག་རེ་ཡིན་ན་བདེན་དོན་དང་འགལ་འཛོལ་ལྟག་སྤྲོད་མི་བྱེད་པར་རང་བཞིན་བརྗོད་པའི་རྗེས་སུ་བསྐྱོད་ཐུབ་ན་དགེ་མཚན་ཆེ་བར་མངོན།
ཀ་མན་གྱི་འོས་བསྡུ་དེས་དབུས་འོས་བསྡུ་ལྷན་ཁང་ལ་དཀའ་ལས་སྤྲོད་མི་སྤྲོད་ད་ལྟ་གཅིག་པུ་མིན་པར་ཕ་ཤི་ན་བུས་མི་བརྗེད་པའི་གོ་བརྡའ་རབ་དང་རིམ་པ་སྤྲད་མ་སོང་ངམ།
ཡིན་ན་ཡང་དེ་དག་ལ་ཐབས་ཤེས་གང་གྲག་གིས་འོས་ལྡུག་ཐུབ་པའི་འབད་བརྩོན་བྱེད་དགོས་པ་ནི་ལྷན་ཁང་འདི་ཉིད་ཀྱི་ལས་འགན་ཡིན་ཙང་མ་བསྙེལ་བར་གནང་རོག་ཞེས་འབོད་བསྐུལ་ཞུ་གི་ཡོད།
དངོས་གནས་བློ་ཕམ་དགོས་པའི་གནས་ཚུལ་རེད་མི་འཇོན་ན་ལུས་དགོངས་
ཞུ་དགོས་རེད་སྔར་དང་མི་འདྲ་པར་མི་མང་གིས་དོན་སྣང་ཆེན་པོ་བྱེད་བཞིན་པས་སྐབས་ས་གནས་དེ་དག་ལ༼འབྲེལ་བ་ཙམ་ཡང་བྱེད་ཐུབ་མ་སོང་དེ་ང་ཚོས་འགལ་འཛོལ་ཆེན་པོ་རེད༽ད་ག་རེ་བཤད་གི་ཡོད་རེད་ཞབས་འདྲེན་རེད་མ་འཐའ་ས་གནས་དེ་དག་གི་གནས་སྟང་ཙམ་ཤེས་དགོས་ངའི་རེད།
དེ་རིང་བལ་ཡུལ་ནང་གི་བོད་མི་ཚོས་དངོས་གཞིའི་འོས་བསྡུ་གནང་ཐུབ་མི་འདུག་ཅིང་། ཞེས་དང་ཡང་། འབྲེལ་བ་གནང་མ་ཐུབ་པ་དེ་ང་ཚོའི་ངོས་ནས་འགལ་འཛོལ་ཆེ་ཤོས་ཤིག་ཏུ་མཐོང་གི་ཡོད། ཅེས་ཟེར་ཅི་འདྲའི་མ་བརྟག་ཉམས་དགའི་སྐད་ཆ་ཞིག་མ་རེད་དམ། དེང་བལ་ཡུལ་ལ་ཁ་པར་ཞིག་ཀྱང་གཏོང་མི་ཐུབ་པའི་ཚོད་ན་འོས་བསྡུ་ལས་ཁུངས་ཡོད་དམ་ཡང་བསམ་བཞིན་དུ་སྣང་ཆུང་བྱས་པ་རེད། གནད་འགག་འདི་འདྲའི་སྐབས་ལ་འགྱོད་ཚིག་ཅིག་ལབ་པས་ཡོད་ཚད་འགྲིག་འགྲོ་བ་འདི་སུའི་བཅའ་ཁྲིམས་དང་འགྲིག་གཞི་རེད། ཡང་ན་རང་འགན་མི་ཁུར་བའི་ལས་བྱེད་འདི་དག་སུས་སྐྱག་ལངས་ལ་བཏང་བ་རེད།
དེ་རིང་བལ་ཡུལ་དུ་བོད་རིགས་ཡོད་དོ་ཅོག་འགྲིམས་འགྲུལ་བྱེད་སྐབས་སུ་བལ་ཡུལ་གྱི་ཉེན་རྟོག་པས་ནག་རིཌ་ཏ་ཞེས་པ་མི་སེར་གྱི་ལག་འཁྱེར་མེད་ཚེ་ས་གནས་ནས་ས་གནས་སུ་འགྲོ་བསྐྱོད་བྱེད་དུ་འཇུག་གི་མི་འདུག་ཅེས་ང་ཡི་གྲོགས་པོ་ཞིག་གིས་ཁ་པར་འབྱོར་བྱུང་དེས་ན་རྒྱུ་མཚན་འདི་ཡིས་ཡིན་པར་ཤེས་ཐུབ་པ་འདུག