ཟླ་འདིའི་ཕྱི་ཚེས་ ༡༨ ཉིན་གྱི་ཕྱི་དྲོར་ཐའེ་ཝན་གྱི་གྲོང་ཁྱེར་ཐའེ་པེ་ཡི་གཡུ་འབྲུག་རི་བོ་དགོན་པའི་ཚོགས་ཁང་དུ། ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་གོ་སྒྲིག་འོག ཉེ་ཆར་ཉི་ཧོང་ནང་ས་ཡོམ་དང་མཚོ་འཁྱོམ། ཉིང་རྡུལ་གློག་ཁང་འབར་གས་སོགས་ཀྱི་གནོད་འཚེ་ཚབས་ཆེན་ཐེབས་པའི་འདས་གསོན་དག་གི་ཆེད་དུ་ (བྱམས་བརྩེ་ལ་རྒྱལ་མཚམས་མེད། བརྩེ་བ་གནོད་ཁུལ་དུ་སྐྱེལ) ཞེས་པའི་དབུ་བྱང་འོག་བསྔོ་སྨོན་གསོལ་འདེབས་རྒྱ་ཆེན་པོ་ཞིག་གནང་ཡོད་འདུག
བསྔོ་སྨོན་དེའི་སྟེང་གསར་རྙིང་རིས་མེད་ཀྱི་ཆོས་ཚོགས་ཁག་གི་གནད་ཡོད་མཁན་སྤྲུལ་དང་དགེ་བཤེས་བཅུ་གྲངས་ཤིག་དང་། གྲྭ་བཙུན་སུམ་ཅུ་ལྷག རྒྱ་བརྒྱུད་ནང་བསྟན་གྱི་གྲྭ་བཙུན་དང་དགེ་བསྙེན་བརྒྱ་ཕྲག་བརྒལ་བ་བཅས་མཉམ་འཛོམས་གནང་བའི་ཐོག ལས་རིམ་གཙོ་སྐྱོང་བས་མཚམས་སྦྱོར་གྱི་གཏམ་བཤད་གྲུབ་རྗེས་མཁན་པོ་ཚེ་རིང་བཀྲ་ཤིས་ནས་བོད་སྐད་དང་། ཀཿཐོག་རིག་འཛིན་ཆེན་པོ་ནས་རྒྱ་སྐད་ཐོག་ཞིབ་འཇུག་ཚོགས་པའི་གཏམ་བཤད་གནང་ཡོད་འདུག
དེ་ཡང་ཀཿཐོག་རིག་འཛིན་ཆེན་པོས། ང་ཚོ་ནི་གོ་ལ་གཅིག་གྱུར་ཅན་གྱི་ཁྱིམ་ཚང་གཅིག་གི་ནང་མི་ཡིན་པ་དང་། ས་ཁུལ་གཅིག་ལ་བྱུང་བའི་གོད་ཆག་དེ་ནམ་ཡང་ང་ཚོའི་གོད་ཆག་ཡིན། ཞེས་དང་། ཐའེ་ཝན་ནི་གཞན་ཕན་གྱི་བསམ་སྦྱོར་ཁྱད་པར་ཅན་དང་ལྡན་པའི་སྤྱི་ཚོགས་ཤིག་ཡིན། ང་ཚོའི་ནུས་ཤུགས་ནི་མཆོག་གསུམ་གྱི་བྱིན་རླབས་ཡིན་ལ། ང་ཚོས་གང་བྱེད་ཐུབ་པ་ནི་མཆོག་གསུམ་ལ་བརྟེན་ནས་སྙིང་ཉེ་བའི་བརྩེ་སེམས་འབུལ་རྒྱུ་དེ་ཡིན། ཞེས་སོགས་གསུངས་འདུག
སྐབས་དེར་མཁན་པོ་ཚེ་རིང་བཀྲ་ཤིས་ལགས་ཀྱིས་གསུང་བཤད་གནང་དོན། ས་ཁུལ་བྱེ་བྲག་པ་གཅིག་ལ་བྱུང་བའི་གནས་ཚུལ་དེས་གོ་ལ་ཧྲིལ་པོར་ཤུགས་རྐྱེན་ཐེབས་ཀྱི་ཡོད་པའི་དེ་རིང་། འཛམ་གླིང་ཧྲིལ་བོའི་སྣོད་བཅུད་ཡོངས་ལ་འགྱུར་ལྡོག་ཤིན་ཏུ་མྱུར་པོ་འགྲོ་བཞིན་པ་ལྟར། ཉིས་སྟོང་བཅུ་གཅིག་ལོ་འདིར་ང་ཚོས་བསྟུད་མར་རང་བྱུང་དང་མིས་བཟོས་ཀྱི་ཆག་སྒོ་མང་པོར་གདོང་ལེན་བྱ་དགོས་བྱུང་ཞིང་། ཁྱད་པར་དུ་ད་ལྟའི་ཉི་ཧོང་ནི་ཤིན་ཏུ་ཡ་ང་བའི་གནས་སྟངས་ཤིག་གི་འོག་ལྷག་ཡོད་ཀྱང་། ཕྱོགས་གཞན་ཞིག་ནས་འདི་དག་ནི་ང་ཚོ་མིའི་རིགས་ཀྱིས་ཕན་ཚུན་ལ་རོགས་རམ་དང་། དུང་སེམས་མཉམ་སྐྱེད་སོགས་ཀྱི་འདུ་ཤེས་གོང་མཐོར་བཏང་ནས་བྱམས་བརྩེ་ཉམས་ལེན་བྱེད་པའི་གལ་ཆེའི་གོ་སྐབས་ཤིག་ཀྱང་རེད། ཅེས་གསུངས་འདུག
༼བྱམས་བརྩེ་ལ་རྒྱལ་མཚམས་མེད། བརྩེ་བ་གནོད་ཁུལ་དུ་སྐྱེལ།༽ དངོས་གནས་རེད། ཐེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་མཁན་པོ་ཚེ་རིང་བཀྲ་ཤིས་ཀྱི་གཙོས་ཚོགས་མི་ཡོངས་ལ་སྙིང་ཐག་པ་ནས་ཐུགས་རྗེ་ཆེ་ཞུ།
རྗེས་སུ་ཡིད་རང་ཁྱེད་རྣམ་པར་ཕུལ་ཡང་། དགེ་བའི་ཕན་ཡོན་ངས་ཞུས་ཆོག་པ་བཅས།
རྒྱལ་སྤྱིའི་ནང་བསྟན་ཚོགས་པས་བསྔོ་སྨོན་ཟབ་རྒྱས་གནང་བ་ལ་ཐུགས་རྗེ་ཆེ་ཞུ་བ་དང་་་དེ་དང་འབྲེལ་བའི་བོད་མི་མང་ཡོང་ནས་སེམས་ཅན་ཐམས་ཅད་ཀྱི་ཁྱེད་དུ་བསྔོ་སྨོན་ཟབ་རྒྱས་གནང་རོག་གནང
རྫ་ཚེ་རིང་བཀྲ་ཤིས་ལགས་ཉེ་ཆར་བོད་ནས་གསར་དུ་འབྱོན་པ་ཞིག་ཡིན་པར་ཐོས་ན་ཡང་། ད་ལྟ་ཕྱི་རྒྱལ་ལ་བཞུགས་པ་མ་ཚད་ཉི་ཧོང་གི་མི་མང་རྣམས་ས་ཡོམ་དང་མཚོ་འཁྱམས་ཀྱིས་མི་རྒྱུ་ཡོད་ཚད་ལ་གོད་ཆག་དང་གྱོད་གུད་གསབ་ཏུ་མེད་པ་བྱུང་འདུག་པའི་ཆེད་དུ་དམིགས་ནས་བོད་རྒྱུད་ནང་བསྟན་ཞིབ་འཇུག་ཚོགས་པའི་གོ་སྒྲིག་འོག་འདི་ལྟར་ཚོགས་པ་བསྐང་ཐུབ་པ་དང་གསུང་བཤད་རྣ་བའི་བདུད་རྩི་ལྟ་བུ་གསུང་འདུག་པ་ལ་ངོས་རང་ནི་རྗེས་སུ་ཡིང་དང་འབྲེལ། མཛད་ཕྲིན་ཡར་ཟླ་ལྟར་རྒྱས་པའི་སྨོན་འདུན་ཞུ་གི་ཡོད། བོད་མི་ཞིག་ཡིན་ནས་བཟུང་མི་རེའི་ངོ་རེ་བོད་མིའི་བཟང་སྤྱོད་དང་གཞན་ཕན་མཐུན་འབྲེལ་ཤེས་ཡོན་སོགས་གྲོད་ཁོག་དང་དངུལ་ལོར་གཅིག་པུར་རྩིས་སུ་མི་འཛིན་ནས་འདི་ལྟ་བུའི་ནུས་ཤུགས་འདོན་ཐུབ་དགོས་པ་ནི་ངོ་མ་སེར་མོ་བ་ཡོད་ཚད་ཀྱི་བྱེད་དགོས་པ་ཞིག་དང་མ་བྱེད་ན་མི་འགྲིག་པའི་དོན་གནད་གལ་ཆེལ་ཞིག་ཡིན་པར་མངོན།
།ལྷད་མེད་གཞན་ཕན་བཟང་པོའི་རྣམ་ཐར་ཀྱིས།
།ཐར་འདོད་བློ་ལྡན་མགུ་བའི་ཕྲིན་ལས་འབུམ།
།ལྷག་བསམ་དཔུང་པ་བཟང་པོས་ཚུལ་ཇི་བཞིན།
།སྨན་མཛད་ཡིད་རབ་འཕྲོག་པ་འདི་བསྔགས་འོས།
བོད་རྒྱུད་ནང་བསྟན་ཞིབ་འཇུག་ཚོགས་པས། གཟི་བརྗིད་དང་ཕན་འབྲས་ལྡནཔའི་ཆོས་ཀྱི་བྱ་འགུལ་འདི་ལྟ་བུ་ཞིག་གནང་བར་སྙིང་ནས་རྗེས་སུ་ཡིད་རིངས་ཞུ། མ་འོངས་བར་མུ་འཐུ་དུ་འདི་ལྟ་བའི་ལས་འགུལ་ཡང་ཡང་སྤེལ་བར་འབོད་བསྐུལ་ཞུ།
དེ་རྗེས་འདུས་མང་ཡོངས་ཀྱིས་མར་མེ་ཕྱག་ཏུ་བསྣམས་ནས་སྡིང་ཆའི་ཐོག་གི་སངས་རྒྱས་ཀྱི་སྐུ་ཐང་རིན་པོ་ཆེ་དང་། དེའི་མདུན་གྱི་མེ་ཏོག་གི་ཆུན་པོ་སྣ་ཚོགས་ཀྱི་དབུས་སུ་སྒྲིག་ཤོམ་བྱས་པའི་འཇར་པན་གནོད་ཐེབས་སྤུན་ཟླའི་གནས་སྟངས་གསལ་བའི་ཡིད་འགུལ་ཐེབས་པའི་པར་རིས་དང་བརྙན་ཡོལ་ལ་ཞལ་ཕྱོགས་ཏེ་སྐར་མ་གཅིག་གི་ངག་བསྡམས་གུས་འདུད་ཞུས་རྗེས། འཕགས་པ་སྤྱན་རིས་གཟིགས་ཀྱི་མངོན་རྟོགས་དང་འབྲེལ་བའི་མ་ཎི་དང་བཟང་སྤྱོད་སོགས་དངོས་གཞིའི་ཆོ་ག་དབུ་མཛུགས་མཛད་ཡོད།
དམིགས་བསལ་སྨོན་ལམ་འདི་ལ་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་རྒྱུན་ལས་རྣམ་པའི་ལས་དོན་ཆ་བགོས་ཀྱི་འབྲུ་དོན་ལྟར་སྤྱི་ཚོགས་ཞབས་ཞུའི་ལས་དོན་གྱི་འགན་ཁུར་བ་མཁན་པོ་ཆོས་ཉིད་དོན་རྟོགས་ནས་གྲྭ་སྒྲིག་གི་གཙོ་འགན་བཞེས་ཡོད།
ལར་སྨོན་ལམ་འདི་ལྟ་བུ་ཞིག་འཚོགས་པའི་དགོས་དམིགས་ནི་༸གོང་ས་མཆོག་གིས་ནམ་རྒྱུན་བོད་མི་རྣམས་ས་ཆ་གང་དུ་ཡོད་ཀྱང་མི་རེ་ངོ་རེ་ནས་ཡ་རབས་བཟང་སྤྱོད་དང་ཐུན་མིན་ཆོས་རིག་གི་བསམ་སྦྱོར་གྱིས་རང་ཉིད་བོད་མི་ཞིག་ཡིན་པའི་ངོ་ཚབ་མཚོན་དགོས་ཞེས་གསུངས་པའི་བཀའ་དགོངས་ཀྱི་ཆ་ཤས་ལག་ལེན་ཞུས་པ་ཞིག་ཀྱང་ཡིན།
རྒྱལ་སྤྱིའི་བོད་བརྒྱུད་ཞིབ་འཇུག་ཚོགས་པ་ནི་ཐའེ་ཝན་དུ་༢༠༠༩ལོར་རིས་མེད་མཁན་སྤྲུལ་ཁག་ཅིག་གིས་བཙུགས་པའི་བོད་བརྒྱུད་ནང་བསྟན་གྱི་འབྱུང་འགྱུར་ལ་དམིགས་པའི་ཚད་ལྡན་གྱི་ཚོགས་པ་ཞིག་རེད།
ཚོགས་པའི་དྲ་རྒྱ། http:www.buddha jnana.org/
རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་བྱ་བ་འདིར་རྗེས་སུ་ཡི་རང་བར་བྱའོ།། ཨོཾ་མ་ཎི་པདྨེ་ཧཱུྂ།
ཨོྂ་མ་ནི་པདྨེ་ཧུྂ། ཨོྂ་མ་ནི་པདྨེ་ཧུྂ། ཨོྂ་མ་ནི་པདྨེ་ཧུྂ། ཨོྂ་མ་ནི་པདྨེ་ཧུྂ། ཨོྂ་མ་ནི་པདྨེ་ཧུྂ།