ཐེངས་འདིའི་བཀའ་སྤྱིའི་འོས་བསྡུ་ཆེན་མོའི་སྐབས། ཨ་རིའི་གྲོང་ཁྱེར་བྷོན་སི་ཊོན་དུ་དགུང་ལོ་ ༡༠༠ ལ་སོན་པའི་བགྲེས་སོང་ཞིག་ཀྱང་ཕེབས་འདུག་ཟེར།
ཕྱི་ཟླ་ ༣ ཚེས་ ༢༠ ཉིན་འཛམ་གླིང་གང་སར་གནས་པའི་སྐྱབས་བཅོལ་བོད་མི་ཚོས་ཉིན་བརྒྱ་དུས་གཅིག་ལ་བཀའ་ཤག་སྐབས་གསུམ་པ་དང་བོད་མི་མང་སྤྱི་འཐུས་སྐབས་བཅོ་ལྔ་བའི་འོས་བསྡུ་ཆེན་མོ་གནང་གི་ཡོད་པ་ལྟར། ཨ་རིའི་བྷོན་སི་ཊོན་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་འོག ཉིན་དེའི་སྔ་དྲོའི་ཆུ་ཚོད་ ༩ པའི་སྟེང་ས་གནས་དེའི་ཀུ་རུ་ཀུ་ལ་ཞེས་པའི་ནང་པའི་ཆོས་ཚོགས་སུ་ཡང་། བོད་རིོགས་མང་ཚོགས་ཀྱིས་འཚང་ཁ་ཤིག་ཤིག་གིས་འོས་བསྡུའི་ཆ་ཤས་བླངས་ཡོད་འདུག
གོ་སྒྲིག་ཚོགས་ཆུང་གིས་ངོ་སྤྲོད་གནང་བ་ལྟར་ན། བྷོན་སི་ཊོན་ས་གནས་སུ་འོས་འཕེན་པའི་གྲངས་འབོར་བརྒྱ་ཆ་ ༨༠ ལྷག་བརྒལ་ཡོད་ཅིང་། འོས་འཕེན་མཁན་ཁྲོད་ལོ་ན་ཆེ་ཤོས་རང་ལོ་ ༡༠༠ སོན་པའི་ཕ་ཡུལ་ཨ་མདོ་ནས་ཡིན་པའི་སྤོ་བོ་གྲགས་པ་དང་། བུད་མེད་རྒན་ཤོས་རང་ལོ་ ༨༠ སོན་པའི་ཨ་མ་ཨང་ཕུར་བ་ལགས་བཅས་ཀྱང་ཕེབས་ཡོད་འདུག
ཉིན་དེའི་ཞོགས་པའི་ཆུ་ཚོད་ ༩ ནས་དགོང་དྲོའི་ཆུ་ཚོད་ ༥ བར་འོས་ཤོག་འཕེན་མཁན་ཆད་མེད་དུ་ཕེབས་ཡོད་འདུག་ལ། ཐེངས་འདིར་མང་ཚོགས་ཚོར་འོས་བསྡུའི་ལས་དོན་ཐོག་སྔར་དང་མི་འདྲ་བའི་དོ་སྣང་ཆེན་པོ་ཡོད་ཚུལ་བརྗོད། འོས་བསྡུའི་ལས་རིམ་ཡོངས་སུ་གྲུབ་རྗེས་ཕྱི་དྲོའི་ཆུ་ཚོད་ ༦ དང་ཕྱེད་ཀའི་སྟེང་། གོ་སྒྲིག་ཚོགས་ཆུང་གིས་འོས་སྒམ་རྣམས་སྦྲག་ཐོག་ནས་ཨ་རིའི་བོད་གཞུང་སྐུ་ཚབ་དོན་གཅོད་ཁང་དུ་བཏང་ཡོད་འདུག
གསར་འགོད་པ། དཔལ་ལྡན།
དངོས་གནས་དགའ་ཤོས་བ་ཤིག་རེད། ལོ་ན་ཧ་ཅང་ཆེན་པོ་འདི་ཞིག་གི་སེམས་ཤུགས་དང་རེ་བ་བྱས། བཀའ་བློན་ཁྲི་བ་སུ་ཐོབ་ཀྱང་བོད་མི་རང་བཙན་སླར་གསོ་ཡོང་བའི་བཀྲ་ཤིས་གཏམ་བཟང་སྒུག་མཁན་འདྲེན་སོང་ཁོང་ད་དུང་ལོ་ངོ་ཁ་ཤས་ཞིག་རྗེས་ལ་རང་ཡུལ་ལོག་ཐུབ་རྒྱུ་རེ་བ་ཆེན་བོ་ཡོད།
བཀྲ་ཤིས་བདེ་ལེགས་ཞུ་རང་ཡིན། ད་དུང་ཡང་རྒན་གཞོན་ཕ་མོ་གང་མང་བོད་དོན་འཐབ་རྩོད་ལ་འབད་བརྩོན་བྱེད་ཤོག་
ཧ་ཅང་དགའ་དགོས་པའི་གནས་སྟངས་སུ་འབྱུར་འདུག་པས་་་་བཀྲ་ཤིས་བདེ་ལེགས་གྲངས་མེད་ཞུ་་་་་་་་་་་་་་་་་་་་་་་་་
གསར་འགོད་པ་དོན་འགྲུབ་བཀྲ་ཤིས་ལགས། བཀའ་ལན་གནང་བ་ཐུགས་རྗེ་ཆེ། རེད། སྒྲིག་ཁྲིམས་དང་མཐུན་དགོས་པ་གལ་ཆེ་རེད།
ཨང་ཕུར་བ་ཞེས་པ་བོད་མིང་དང་མི་འདྲ་བ་ཤར་པ་ཞིག་ཡིན་བཟོ་ཆེ། དེ་དངོས་བོད་པ་རང་ཡིན་བཞག་རེད།?
ཨ་ཕོ་མཐུ་ཆེན་ལགས། སྤྱིར་ཡིན་ན་འོས་བསྡུ་ཆེན་མོའི་གྲུབ་འབྲས་དེ་དབུས་སྤྱི་ཁྱབ་འོས་བསྡུ་ལྷན་ཁང་གིས་ཡོངས་ཁྱབ་གསལ་བསྒྲགས་མ་བྱས་སྔོན་ལ། ས་གནས་འོས་བསྡུ་ལས་ཁུངས་ཁག་དང་འབྲེལ་ཡོད་ཚན་པ་སུ་གང་གིས་ཀྱང་ཕྱིར་བསྒྲགས་བྱས་ན། འོས་བསྡུའི་སྒྲིག་གཞི་དང་འགལ་གྱི་ཡོད་སྟབས། སྤྱི་ཚོགས་ནང་གླེང་སློང་བྱེད་པ་དང་། བརྒྱུད་ལམ་རེ་ཟུང་ལ་ཐོན་པ་དེ་ཚད་འཛིན་བྱ་དཀའ་བ་ཞིག་ཡིན་སྟབས། འདིའི་སྐོར་ལ་ད་སྔ་གསལ་བོ་ཞུ་རྒྱུ་གང་ཡང་མེད།
དུས་བབ་གསར་འགོད་པ་རྣམ་པར་ཞུ་རྒྱུར། དེ་རེང་མི་རེ་འགས་གདོང་དེབ་ནང་རྡ་སར་བློ་སེང་ལ་འོས་ཤོག་རྒྱལ་ཁ་ཐོབ་ཚུལ་དང་བྷོ་སོ་ཊོན་ནང་བློ་སེང་ཤོར་ཚུལ་སོགས་མཐོང་རྒྱུ་འདུག་པས་འོས་འབྲས་རིམ་པར་ཐོན་བཞིན་པ་དངོས་ཡོད་ཡིན་ན་སྐབས་འཕྲལ་སྐབས་འཕྲལ་དྲྭ་ལམ་གསར་འགྱུར་ཐོག་བཀོད་རོགས་ཞེས་གཞེན་སྐུལ་སྙིང་ཐག་པ་ནས་ཞུ་བ་ལགས།
ཐུགས་རྗེས་གཟིགས་་་་་་་་ད་དུང་ཡང་ལོ་བརྒྱ་ཕྲག་དུ་མའི་་རིང་འཚོ་ཞིང་བཞུགས་པར་གསོལ་་་ཨོ་རྒྱན་པད་མ་འབྱུང་གནས་ལ་གསོལ་བ་འདེབས་་་་་་་་་་་་་ད་དུང་ཡང་མུ་འཐུད་དུ་དམངས་གཙོས་འོས་འཕེན་པར་གོ་སྐབས་་་་་་་་་་་
༄༅། །གོང་འཁོད་བུད་མེད་རྒན་ཤོས་ཨ་མ་ཨང་ཕུར་བ་ནི་རང་ལོ་ ༩༤ དགུ་ཅུ་གོ་བཞི་སོན་པ་ལས་རང་ལོ་ ༨༠ བརྒྱད་ཅུ་མ་རེད་ཅེས་ནོར་བཅོས་བྱེད་འདོད་བྱུང་།