དེ་རིང་ཉིན་གུང་གངས་སྐྱིད་བོད་ཀྱི་དཔེ་མཛོད་ཁང་གི་ཚོགས་ཁང་གསར་པའི་ནང་། བོད་ཀྱི་བུད་མེད་ལྷན་ཚོགས་ཀྱི་གོ་སྒྲིག་འོག་སྐུ་ཞབས་བསྟན་འཛིན་སྲིད་ཞི་ལགས་ཀྱིས་བཟོ་སྐྲུན་གནང་བའི་གློག་བརྙན་༼མི་ལུས་རིན་པོ་ཆེ ༽ ཞེས་པ་ཞིག་སྤྱན་འབུལ་ཞུས་པ་དང་འབྲེལ་གསར་འགོད་པ་ཚོར་གློག་བརྙན་དེའི་སྐོར་ངོ་སྤྲོད་གནང་བྱུང་།དེའི་རྗེས་བུད་མེད་ཚོགས་པའི་ཚོགས་གཙོ་ཀིརྟི་སྒྲོལ་དཀའ་ལྷ་མོ་ལགས་ཀྱིས། ང་ཚོ་བོད་པའི་སྤྱི་ཚོགས་ནང་ན་གཞོན་ཟེར་བ་འདི་ལ་མ་འོངས་པའི་སོན་རྩ་ཡིན་ཞེས་རྗོད་ཀྱི་ཡོད་པ་ལྟར་ཧ་ཅང་གལ་ཆེན་པོ་ཞིག་ཀྱང་ཆགས་ཡོད་པ་རེད། གློག་བརྙན་འདི་ནི་བོད་ཀྱི་ན་གཞོན་མང་པོས་མྱོས་རྫས་བེད་སྤྱོད་ཀྱིས་འཕྲོ་བརླག་ཏུ་འགྲོ་བཞིན་ཡོད་པར་བརྡ་ལན་གསལ་བོ་ཞིག་ཆགས་ཡོད་སྟབས། ལས་གཞི་འདི་ལྟ་བུ་བོད་པའི་གཞོན་སྐྱེས་ཤིག་གི་ངོས་བརྩམས་ཡོང་དུས་སེམས་ལ་དགའ་ཚོར་ཆེན་པོ་དང་རྒྱབ་སྐྱོར་བྱ་དགོས་ངེས་ཤིག་ཆགས་ཡོད་པ་རེད། ཅེས་དང་།
གསར་ལམ་ཁག་བརྒྱུད་དེ་ཞུ་རྒྱུ་ཞིག་ལ། གློག་བརྙན་འདིའི་ཁ་བྱང་དུ་བསྟན་ཡོད་པ་བཞིན་ང་ཚོའི་མི་ལུས་རིན་པོ་ཆེ་འདི་རྩ་ཆེན་པོ་ཡིན་པ་ཤེས་པའི་ཐོག་ནས་སྒེར་དང་སྤྱི་ཚོགས། བོད་མིའི་རྩ་དོན་ལ་མི་གནོད་པ་དང་ལམ་ནོར་དུ་མི་འགྲོ་བ་བྱ་རོགས་ཞེས་འབོད་སྐུལ་ནན་མོ་ཞུ་བཞིན་ཡོད། ཅེས་གསུངས་སོང་།
མཇུག་ཏུ་ཀུན་ཕན་ཚོགས་པའི་ཚོགས་གཙོ་བསྟན་འཛིན་ལེགས་དཔལ་ལགས་ཀྱིས། ད་ལྟ་མྱོས་རྫས་སྤྱོད་མཁན་དང་རེག་དུག་གི་གནས་ཚུལ་འདི་བོད་པའི་སྤྱི་ཚོགས་ནང་གི་དཀའ་ངལ་ཆེ་གྲས་ཤིག་ཆགས་འདུགའོན་ཀྱང་བོད་རང་ལ་རེག་དུག་དང་མྱོས་རྫས་ནད་པར་སྨན་བཅོས་བྱེད་སའི་བསྟི་གནས་མེད་སྟབས། ད་ཆར་ང་ཚོས་ཤེས་རབ་དགའ་ཚལ་སློབ་གླིང་གི་ཉེ་འཁྲིས་སུ་བོད་རང་གི་ནད་བཅོས་བསྟི་གནས་ཤིག་འཛུགས་རྒྱུར་ས་ཆ་ཉོས་ཡོད་ཀྱང་། འཛུགས་སྐྲུན་ལས་གཞིའི་ཐད་དཔལ་འབྱོར་གྱི་དཀའ་ངལ་འོག་ལྷག་ཡོད། ཚང་མས་ལས་གཞི་འདིའི་ཐད་དཔལ་འབྱོར་གྱི་རོགས་རམ་ཡོང་བའི་རེ་བ་ཞུ་བཞིན་ཡོད། ཅེས་བརྗོད་སོང་།
འདི་གའི་གསར་འགོད་པས་གློག་བརྙན་བཟོ་སྐྲུན་པ་བསྟན་འཛིན་སྲིད་ཞི་ལགས་ལ་གློག་བརྙན་དང་འབྲེལ་བའི་བཅར་འདྲི་ཁག་ཅིག་བྱས་པའི་ལན་དུ་ཁོང་གིས། བོད་པའི་གཞོན་སྐྱེས་ཚོའི་ཁྲོད་ཆང་རག་དང་མྱོས་རྫས་བེད་སྤྱོད་བྱེད་མཁན་མང་དུ་འགྲོ་བཞིན་པའི་རྒྱུ་རྐྱེན་གཙོ་བོ་ནི། དུས་རྒྱུན་ནས་ཕ་མ་དང་དགེ་རྒན་ཚོས་ཕྲུ་གུ་ཚོར་སློབ་སྦྱོང་ཡག་པོ་བྱ་དགོས་པའི་སྐུལ་མ་གཏོང་གི་ཡོད་པ་ཙམ་ལས། ཆང་རག་དང་མྱོས་རྫས་རིགས་ཀྱི་ཐད་སློབ་གསོས་འདང་གི་མི་འདུག ད་ལྟ་རྒྱ་གར་དང་ཕྱི་རྒྱལ་ཁག་གི་བོད་རིགས་ཁྲོད་ཆང་རག་དང་མྱོས་རྫས་རིགས་སྤྱོད་མཁན་ཧ་ཅང་མང་པོ་རེད། དེ་དག་ཁྲོད་གཞུང་གི་ལས་བྱེད་དང་སློབ་མ། བླ་མ་གྲྭ་པ་བཅས་ཀྱང་ཚུད་འདུག སྤྱི་ཡོངས་ནས་ཚོད་དཔག་བྱས་ན་བོད་མའི་བརྒྱ་ཆ་ ༡༠ ཙམ་འདིའི་ཁོངས་སུ་ཚུད་འདུག ཅེས་བརྗོད་བྱུང་།
གཞོན་སྐྱེས་བསྟན་འཛིན་སྲིད་ཞི་ལགས་ཀྱིས་གློག་བརྙན་ཐོག་མ་ “མེ་ལོང་།” ཞེས་པར་མང་ཚོགས་ཀྱིས་དགའ་བསུ་ཆེན་པོ་ཐོབ་ཡོད་ཅིང་།ད་ཆར་ཁོང་གིས་སྤྱི་ཚོགས་སློབ་གསོའི་སྐོར་གྱི་གློག་བརྙན་གཞན་ཞིག་དང་། རྒྱལ་སྥྱི་རང་བཞིན་གྱི་གློག་བརྙན་༼ཐེག་ཆེན་སོ་སྦྱོང༽(Mahayana Ordination) ཞེས་པ་ཞིག་བཅས་བཟོ་མུས་ཡིན་འདུག
བླ་མ་དང་གྲྭ་པ་ཚུད་འདུག་ཅེས་ཁོངས་མེད་ཅིག་བཤད་ན་ཡག་པོ་མི་འདུག བླ་མ་གན་དང་གྲྭ་འདི་ཞེས་མཛུབ་མོ་བཙུགས་ནས་སྟོན་ཐུབ་ན་དགེ་མཚན་ཆེ་བ་དང་ཕན་ཐོག་འབྱུང་ངེས།
རྒྱབ་སྐྱོར་ཡོད། དེང་སྐབས་གཞིས་ཆགས་ནས་རྡ་སར་སླེབས་པའི་གསར་བུ་རེ་འགས་མྱོས་རྫས་འཐུང་སྟེ་ལག་ཁྱེར་ཀམ་པུ་ཏྲིར་སོགས་ཁྱིམ་ཆས་རྐུན་མ་རྒྱག་གི་འདུག་སྐད་ཐོས། ཁ་སང་དེ་རིང་སྒྲུང་དེ་འདྲ་གོ་ཡ་མང་པོ་འདུག ལས་གཞི་འདིས་དེ་དག་ལ་བསླབ་བྱ་རེ་རག་གི་རེད་བསམ་སོང་།
དེ་དངོས་ནས་རེད་་་་་་་་་་་་་་་་་་་་་་་་དར་སྐབས་གྲ་ཕྲུག་ང་སེམས་ཁྲལ་ཆེ་ཤོག་དེ་དེ་ཡིན་་་་་་་་་་་་་་་སློབ་ཕྲུག་མང་པོ་མྱོས་རྫས་ཟ་བ་མཐོང་མྱོང་ལ་སྐད་ཆ་ཡང་མང་པོ་བཤད་ཀྱིས་འདུག་་་་་་་་་་་་་་
འདིར་ང་ཚོས་འཁོར་ཡུག་བཟང་པོ་འདིའི་ནང་མེད་པ་བྱེད་དགོས་པས་ཕ་མ་དང་དགེ་རྒན་ཡོངས་ཀྱིས་ལས་འགོན་ཡིན་་་་་་་་་་་་་་
ཀུན་ཕན་ཚོགས་པའི་ཚོགས་གཙོ་བསྟན་འཛིན་ལེགས་དཔལ་ལགས་སུ།
ཞལ་འདེབས་བསྡུ་གསོག་རོག་རམ་ཆེད་དུ། འདིར་འབྲེལ་བ་གནང་རོགས།
E-mail:kardorime@gmail.com
Tel:+06 30 90 39 788
མི་ལུས་རིན་པོ་ཆེ་དེ། མྱོས་རྫས་དང་ཆང་རག་གིས། གསོ་དགོས་དོན་ཅི་ནམ། བཀའ་ཁྲི་གསར་རྙིང་གཉིས་ཀ་ལ་དྲིས་པ་ཡིན་པས་་་་