ང་ཚོ་སྟེ། ཕྱི་རོལ་ཡུལ་གྲུ་ཁག་ན་འཚོ་བཞིན་པའི་བོད་མི་དག་གིས་བོད་ཁུལ་གྱི་རྔ་བ། དེ་རིང་གི་རྔ་བ། རྔ་བའི་མི་མང་གི་གཙོ་བའི་བོད་ཡུལ་གྱི་བོད་མི་དག་དྲན་གྱི་ཡོད་དམ། དེ་དག་གི་ཆེད་དུ་ང་ཚོས་རྐང་ལག་འགུལ་གྱི་ཡོད་དམ། ཁ་འགུལ་གྱི་ཡོད་དམ། སྐད་འབོད་བྱེད་ཀྱི་ཡོད་དམ། འཛམ་གླིང་གི་རོགས་སྐྱོབས་ཁག་ལ་སྙན་ཞུ་འབྲི་བཞིན་ཡོད་དམ། འདི་ལྟར་ང་ཚོས་རང་རང་གི་སེམས་ལ་གསལ་བོ་ཞིག་དྲིས་ཤིག
ལྷག་པར་དུ་དེ་རིང་རྡ་ས་ན། གཞོན་ནུ་ཚོགས་པ། བུད་མེད་ཚོགས་པ། ད་དུང་ཚོགས་པ་གཞན་དག་གིས་ཀྱང་བོད་ཁུལ་གྱི་རྔ་བ་དེ། དེ་རིང་གི་རྔ་བ་གླེང་གི་ཡོད་དམ། སྐད་འབོད་བྱེད་ཀྱི་ཡོད་དམ། རྒྱ་ནག་གཞུང་ཚབ་ཁང་ལ་ཡི་གེ་འབྲི་བཞིན་ཡོད་དམ། གཞུང་ཚང་ཁང་གི་སྒོ་འགྲམ་ན། ང་ཚོའི་བོད་མི་དག་བཀག་རྒྱ་དང་མནར་གཅོད་ལས་གློད་དགོས་ཟེར་ནས་སུ་ལ་བཤད་ཀྱི་ཡོད་དམ།
རེད། དེ་ནས་བཙན་བྱོལ་བོད་གཞུང་གིས་རྔ་ཡུལ་ནས་རང་ཉིད་ཚེ་སྲོག་མཆོད་མེར་སྒྲོན་པའི་གྲྭ་ཕུན་ཚོགས་ལགས་ཀྱི་གཙོ་བའི་བོད་ཡུལ་གྱི་གཤིན་པོ་དག་གི་རྣམ་ཤེས་བདེ་རུ་འབབ་པའི་ཆེད་དུ་ལས་ཀ་གང་ཞིག་བྱེད་ཀྱི་ཡོད་དམ། བོད་མི་བྱེས་པ་དག་ལ་དེ་དག་གི་སྙིང་སྟོབས་ལས་ང་ཚོ་ལ་ངར་ཤུགས་རྒྱས་དགོས་པ་དང་། དེ་ཡང་བདེན་པ་སྒྲོག་པའི་མགྲིན་ཚབ་པ་ཞིག་བྱེད་པར་སྐུལ་བཞིན་ཡོད་དམ། བསམ་བློ་གཏོང་མཁན་གྱི་ལས་བྱེད་ཅི་ཙམ་ཡོད་དམ། དེ་དག་གླེང་མཁན་གྱི་ལས་བྱེད་ཅི་ཙམ་ཡོད་དམ། དེ་དག་གི་དཀའ་སྡུག་ཤེས་མཁན་གྱི་བྱེས་ཀྱི་བོད་མི་ག་ཚོད་ཡོད་དམ། དེ་དག་གི་ཆེད་དུ་སེམས་ཚོར་ཡོད་མཁན་གྱི་ཕྱི་རྒྱལ་ཡུལ་གྲུ་ཁག་ན་བོད་མི་ཅི་ཙམ་ཡོད་དམ།
བོད་ནང་དེ། དེ་རིང་གི་རྔ་བ་ན་དམྱལ་བ་མི་ཡུལ་གྱི་སྡུག་བསྔལ་མི་ལུས་གསོན་པའི་སྟེང་ན་མྱོང་བཞིན་པ་དེར། མཚམས་འཇོག་མི་བྱེད་ན། ང་ཚོས་འདི་བྱེད་ཀྱི་ཡིན། ང་ཚོར་འདི་དགོས་ཀྱི་ཡོད་ཟེར་ནས་མུ་མཐུད་དུ་ལས་འགུལ་སྤེལ་མཁན་གྱི་ཚོགས་པ་ག་ཚོད་ཡོད་དམ། བོད་མི་ཅི་ཙམ་ཡོད་དམ། བོད་ལ་བོད་མིས་འགན་འཁུར་དགོས་པའི་སྐུལ་བརྡ་གཏོང་བ་དང་རང་ཉིད་ནས་འགོ་རྩོམ་མཁན་གྱི་བྱེས་པ་དང་ཕྱི་རོལ་ལྗོངས་ན་འཚོ་བའི་བོད་མི་ག་ཚོད་ཅིག་ཡོད་དམ། ཡོད་མེད་ཀྱི་བར་མཚམས་དེ་ནས་བོད་ནང་གི་དེ་རིང་གི་རྔ་བའི་མི་མང་ནི་ལྟོག་སྐོམ་དང་སེམས་སྡུག མནར་གཅོད་དང་རང་དབང་བྲལ་བའི་རང་གི་མི་ཁྱིམ་དེ་ན། ཁོང་ཚོས་སུ་ཞིག་ལ་སྒུག་ནས་ཡོད། ཁོང་ཚོ་ག་རེ་དགོས་ཀྱི་ཡོད་དམ། ང་ཚོས་ཁོང་ཚོའི་ཆེད་དུ་གང་བྱེད་དགོས་ཀྱི་ཡོད་དམ།
གྲོགས་་པོ་ལགས་མ་མཇལ་ཡུན་རིང
གོང་ཐུབ་ལགས། ཉིད་ནས་དེ་ཁུལ་གྱི་གནས་ཚུལ་འཁུར་ནས་ཡོང་བ་བཀའ་དྲིན་ཆེ། དེ་ནས་ཚོགས་པ་ཁག་ལ་དངོས་ནས་འགུལ་ཤུགས་ཆེན་པོ་ཞིག་བྱུང་ནས། བོད་ནང་གི་བོད་མི་དག་གི་འགྲོ་འདུག་ལ་རང་དབང་ཞིག་བྱུང་བར་གཏོང་ཐུབ་ན་ད་གཟོད་དངོས་ནས་ཡག་པོ་རེད། འོན་ཀྱང་། ང་རང་ལྟ་བུ་ཕྱི་རོལ་ན་ལས་ཀའི་བྲན་གཡོག་དུ་འཚུད་པའི་བོད་མི་དེ་དག་ནི་དངོས་ནས་བོད་མིང་ཐོབ་ཙམ་རེད་ཟེར་ན་མ་འགྲིག་པ་མེད་ཡ
ཁ་རྩང་བོད་རང་དབང་སློབ་ཕྲུག་ཚོགས་པའི་གོ་སྒྲིག་འོག་ཤེར་དགའ་སློབ་གླིང་སློབ་མ་ཚོས་གཙུག་ལག་ཁང་གི་སྒོ་འགྲམས་ནས་ཟས་བཅད་ངོ་རྒོལ་བྱས་སོང་། བོད་ནང་ནས་བསྟུད་མར་ངོ་རྒོལ་གནང་གི་འདུག ད་ཡུལ་ཤུལ་ནས་ལང་སོང་། འདིར་མུ་མཐུད་ནས་སྐུ་ཉིད་ཀྱི་དགོངས་པ་བཞིན་ལས་འགུལ་གནང་རྩིས་ཡིན་ས་རེད། དེ་བཞིན་ཡུལ་གྲུ་གཞན་ཁག་ཏུ་གནང་བཞིན་པའི་ཡིད་ཆེས་ཡོད།