མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བགྲེས་ཡོལ་ཐད་རྒྱལ་སྤྱིའི་གླེང་སློང་། – ས་དཀར་བཀྲ་ཤིས།

བོད་ཀྱི་དུས་བབ།
༢༠༡༡/༠༤/༡༠
Share on FacebookShare on TwitterShare on EmailShare on Whatsapp

༸གོང་ས་མཆོག་བགྲེས་ཡོལ་གྱི་སྐོར་རྒྱལ་སྤྱིའི་གསར་ལམ་ཁག་གི་དཔྱད་བརྗོད་ཁོལ་ཕྱུངས་མ།

ཧྥ་རན་སིའི་འཛམ་གླིང་ཚགས་པར་(Le Monde) ཡིས་མགོ་བརྗོད་དུ་ཏཱ་ལའི་བླ་མའི་རྒྱ་ནག་ལ་མང་གཙོའི་སློབ་ཚན་ཞིག་ཁྲིད་པ་ཞེས་བཀོད་དེ། ད་ལྟའི་བཙན་བྱོལ་བོད་གཞུང་འདི་ནི་མི་མང་གིས་འོས་འདེམས་བྱས་པའི་སྲིད་བློན་གྱིས་སྣེ་ཁྲིད་ཀྱིན་ཡོད་ལ། ཏཱ་ལའི་བླ་མའི་ལས་འགན་ནི་ཆེ་མཐོང་རང་བཞིན་ཙམ་རེད། ཡིན་ནའང་བོད་དེ་རྒྱ་ནག་ནང་ཁུལ་ནས་རང་སྐྱོང་ངོ་མ་ཞིག་རག་ཐབས་ཀྱི་རྩོད་ལེན་ཁྲོད་ཏཱ་ལའི་བླ་མ་ནི་དོན་སྙིང་ལྡན་པའི་མགོ་ཁྲིད་ཅིག་རེད།  ཏཱ་ལའི་བླ་མའི་ཟླ་ ༣ ཚེས་ ༡༤ ཉིན་བོད་ཀྱི་གྲོས་ཚོགས་ལ་ཁོང་ཉིད་བགྲེས་ཡོལ་ལ་ཕེབས་རྒྱུའི་དགོངས་འཆར་གནང་རྒྱུ་ཡིན་པ་དང་བོད་གཞུང་གི་སྲིད་བློན་འོས་འདེམས་ཏེ་ཟླ་ ༣ པའི་ཚེས་ ༢༠ ཉིན་ཡིན་ལ།  པེ་ཅིན་དུ་ཡོད་པའི་རྩོམ་པ་པོ་ཚེ་རིང་འོད་ཟེར་གྱིས་༼ཏཱ་ལའི་བླ་མའི་དུས་སྐབས་འདི་ལ་སྲིད་སྟེགས་ལས་བགྲེས་ཡོལ་ཕེབས་རྒྱུ་ཁྱབ་བསྒྲགས་བྱས་པ་ནི་ཁོང་གིས་ཐེངས་འདིའི་འོས་འདེམས་དེ་གལ་ཆེན་པོར་བརྩི་བཞིན་པ་མཚོན་ལ། ཁོང་གིས་འགན་དབང་དེ་མི་མང་གིས་འོས་འདེམས་བྱས་པའི་སྲིད་བློན་ལ་རྩིས་སྤྲོད་རྒྱུ་ཡིན་པ་རེད། ༽ ཅེས་བརྗོད།  ཏཱ་ལའི་བླ་མའི་ལོ་མང་པོའི་སྔོན་ནས་བཟུང་མང་གཙོ་ཅན་དུ་གྱུར་བར་སྐུལ་འདེད་བྱེད་ཀྱི་ཡོད་ལ།  ཐེངས་འདིར་ཁོང་ཉིད་སྲིད་སྟེགས་ལས་དགོངས་པ་ཞུ་བ་ནི་བཙན་བྱོལ་གཞུང་གི་མང་གཙོའི་འགྱུར་མཚམས་ཀྱི་མཐའ་མཇུག་གི་གནས་རིམ་དེ་རེད། ལོ་བཅུའི་སྔོན་གྱི་གསུམ་བཅུའི་དུས་དྲན་སྐབས་ཁོང་གིས་བོད་མི་ཚོའི་འོས་འདེམས་བརྒྱུད་རང་ཉིད་ཀྱི་མགོ་ཁྲིད་ངེས་བར་དུ་གདམ་དགོས་གསུང་པ་དང་། ༡༩༩༠ ལོ་ནས་བཟུང་ཁོང་གིས་བཀའ་བློན་ཐད་བསྐོས་གནང་རྒྱུ་མཚམས་བཞག་སྟེ་གྲོས་ཚོགས་ནས་བདམས་པ་དང་། ༢༠༠༡ ལོ་མི་མང་གིས་འོས་འདེམས་བརྒྱུད་བཙན་བྱོལ་བོད་གཞུང་གི་སྲིད་བློན་བདམས་པ་དང་། ༢༠༠༩ ལོ་ཁོང་ཉིད་ཕྱེད་བགྲེས་ཡོལ་གྱི་ཁྱབ་བསྒྲགས་བྱས། ཁ་སང་ཁོང་ཉིད་སྲིད་སྟེགས་ལས་རྦད་དེ་བགྲེས་ཡོལ་ཆ་ཚང་གནང་རྒྱུའི་གསལ་བསྒྲགས་བསྐྱངས་པ་དང་།  ཏཱ་ལའི་བླ་མའི་ཁོང་གིས་ཐག་གཅོད་དེ་ནི་བོད་མི་ཚོར་ཕུགས་རྒྱང་རིང་བའི་ཁེ་ཕན་ཡོད་པ་ལས་ཁོང་ཉིད་ལས་འགན་ལས་གཡོལ་ཆེད་མིན་ཞེས་བརྗོད།

རྒྱ་ནག་གཞུང་གིས་བརྟན་ལྷིང་སྲིད་ཇུས་ཡར་རྒྱས་གཏོང་བ་ནི་བོད་མིའི་འཚོ་བ་ལེགས་བཅོས་ཀྱི་རྨང་གཞི་ཡིན་པར་བརྗོད་བཞིན་པ་དེ་ལ་ཏྰ་ལའི་བླ་མས་རྒྱ་ནག་གཞུང་གིས་རྒྱལ་ཁབ་ཀྱི་སྲིད་དབང་མགོ་རྟིང་བསློགས་པའི་ཉེས་མིང་འོག་བོད་མི་ཤེས་ཡོན་ཅན་དང་།  ཁོར་ཡུག་སྲུང་སྐྱོང་མི་སྣ། རྒྱ་ནག་ནང་ཁུལ་གྱི་ཐོབ་ཐང་སྲུང་སྐྱོང་མཁན་ཁྲིམས་རྩོད་པ་སོགས་འཛིན་བཟུང་བྱེད་ཀྱིན་ཡོད་པ་ལས་དྲག་གནོན་དེ་དབང་བསྒྱུར་གྱི་ལག་ཆ་བྱེད་བཞིན་པའི་སྲིད་དབང་གི་སྐད་ཆ་ཚང་མ་སྟོང་ལབ་རེད་ཅེས་བརྗོད།

 

ཧྥ་རན་སིའི་(Le Figaro) ཚགས་པར་གྱིས་མགོ་བརྗོད་དུ་༼ཏཱ་ལའི་བླ་མའི་ཆབ་སྲིད་ཀྱི་དབང་ཆ་འདོར་བ༽ཞེས་བཀོད་ཡོད་ལ། ཏཱ་ལའི་བླ་མའི་བགྲེས་ཡོལ་གྱི་གསལ་བསྒྲགས་དེའི་ཐད་པེ་ཅིན་གྱི་ཕྱི་འབྲེལ་མགྲིན་ཚབ་པས་འཁྲབ་སྟོན་ཞིག་རེད་ཅེས་བརྗོད།

ཏཱ་ལའི་བླ་མའི་ཁོང་ཉིད་སྲིད་སྟེགས་ལས་དགོངས་པ་ཞུ་རྒྱུའི་ཐུགས་རེ་ཐེངས་མང་པོར་གསུངས་པ་དང་། ཐེངས་འདིར་དངོས་སུ་ཁོང་གི་ཆབ་སྲིད་ཀྱི་སྐུ་དབང་མང་གཙོའི་འོས་བདམས་ཀྱི་སྲིད་བློན་ལ་རྩིས་སྤྲོད་རྒྱུ་ཡིན་པ་རེད།

 

ཧྥ་རན་སིའི་“(Liberation) བཅིངས་འགྲོལ་ཚགས་པར་ན་རེ། སྔོན་ཆད་ནས་ཏཱ་ལའི་བླ་མ་སྐུ་ཕྲེང་རིམ་བྱོན་གྱིས་ཆོས་སྲིད་གཉིས་ཀྱི་དབང་ཆ་བཟུང་ཡོད་ལ་ཏཱ་ལའི་བླ་མ་སྐུ་ཕྲེང་ ༡༤ པའི་སྐུ་དབང་རྩིས་སྤྲོད་ཀྱི་ཁྱབ་བསྒྲགས་གནང་བ་དེས་དུས་རབས་བར་མའི་སྲོལ་རྒྱུན་ལམ་ལུགས་འདི་མཇུག་རྫོགས་པར་མངོན། ཏཱ་ལའི་བླ་མའི་གསལ་བསྒྲགས་དེ་ནི་བཙན་བྱོལ་གཞུང་གི་སྒྲིག་འཛུགས་འདི་ཁྲིམས་མཐུན་རང་བཞིན་ཅན་དུ་བསྒྱུར་ཆེད་ཡིན་ལ། ༡༩༥༩ ལོར་བཙན་བྱོལ་དུ་འབྱོར་བ་ནས་བཟུང་འཛམ་གླིང་གང་སར་བོད་དོན་རྒྱབ་སྐྱོར་ལས་འགུལ་ཚོགས་པ་བཙུགས་ཐུབ་ཡོད་པ་དེ་ནི་ཏཱ་ལའི་བླ་མའི་སྐུ་སྒེར་གྱི་ནུས་བའི་ཚུར་དྲངས་བ་ཡིན་ལ། གལ་སྲིད་ནམ་ཞིག་ཏཱ་ལའི་བླ་མ་སྐུ་མ་བཞུགས་ཚེ་བོད་འདི་འཛམ་གླིང་གིས་བརྗེད་འགྲོ་ངེས་རེད།  དེར་བརྟེན་ཏཱ་ལའི་བླ་མས་བཙན་བྱོལ་སྤྱི་ཚོགས་ཁྲོད་མང་གཙོའི་ལམ་ལུགས་སྐུལ་འདེད་བྱས་ཏེ། བོད་མི་ཚོའི་མུ་མཐུད་རྒྱུན་འཁྱོངས་ཐུབ་པའི་མང་གཙོའི་ཐོན་དངོས་ཤིག་བཞག་ཡོད་པ་རེད་ལ། ཏཱ་ལའི་བླ་མའི་ཁུ་སིམ་མེར་གནས་ཡོད་པའི་བཙན་བྱོལ་གྲོས་ཚོགས་དེ་བོད་ཀྱི་ལས་དོན་གྱི་དར་ཆ་འཛིན་ཐུབ་མཁན་དང་བོད་མི་མང་གི་ལས་དོན་ཐད་ངོ་གདོང་ངམ་རྣམ་པ་གསར་བ་ཞིག་བརྗེ་ཐུབ་པའིི་ཐུགས་རེ་གནང་གི་ཡོད།

 

ཨོ་སི་ཁྲེ་རེ་ཡའི་དཔལ་འབྱོར་དུས་བབ(Financial Times) ན་རེ། ཏྰ་ལའི་བླ་མའི་བགྲེས་ཡོལ་མ་གནང་བའི་སྔོན་ལ་བོད་མི་ཚོ་ལ་ཁོང་ཉིད་སྐུ་མ་བཞུགས་པའི་དུས་རབས་དེ་གྲ་སྒྲིག་བྱེད་ཀྱིན་ཡོད་པ་རེད། བོད་ཀྱི་དབུ་ཁྲིད་འདིས་ལོ་རྒྱུས་རང་བཞིན་གྱི་ཐག་གཅོད་ནི་ཆབ་སྲིད་ཀྱི་སྐུ་དབང་ཡོངས་རྫོགས་རྩིས་སྤྲོད་བྱ་རྒྱུ་ཡིན་ལ་མ་འོངས་བར་གྲོས་ཚོགས་ལས་སྟོབས་ཤུགས་ཆེ་བའི་བོད་ཀྱི་དབུ་ཁྲིད་ཞིག་མེད་པ་རེད། ཏྰ་ལའི་བླ་མའི་ཐག་གཅོད་འདིའང་ཉེ་ཆར་ཨ་རབ་འཇིག་རྟེན་ནས་བྱུང་བའི་མང་གཙོ་བརྩོན་ལེན་གྱི་ལས་འགུལ་དང་འབྲེལ་བ་ཡོད་པ་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་འཇར་མན་ཡག་ལག་ཚོགས་གཙོ་(Kai Müller)ལགས་ཀྱིས་བརྗོད།

 

ཨ་རིའི་ལོའོ་སིན་ཨན་ཇེ་དུས་བབ་(Los Angeles Times)ན་རེ། ཏྰ་ལའི་བླ་མའི་སྲིད་སྟེགས་ལས་ཡོལ་རྒྱུའི་དུས་སྐབས་འདི་ནི་རྒྱ་ནག་གཞུང་གིས་བོད་ནང་སྔར་ལས་དམ་དྲག་བྱེད་བཞིན་པ་དང་། ཉེ་ཆར་དཀྱིལ་ཤར་དང་བྱང་ཨ་ཧྥེ་རི་ཁའི་མང་གཙོ་ལས་འགུལ་གྱི་དུས་ལ་འཁེལ་ཡོད་པས། པེ་ཅིན་སྲིད་གཞུང་བློ་འཚབ་སྐྱེས་བཞིན་པའི་དུས་སྐབས་ཤིག་རེད། བོད་དོན་ཆེད་མཁས་བ་(Robert Barnett) ཡིས་རྒྱ་ནག་གིས་ཚད་མཐོ་པོའི་སྒོ་ནས་བོད་ཀྱི་ཆོས་ལུགས་ཀྱི་དབུ་ཁྲིད་འོས་མི་ལ་དོ་སྣང་དང་སྟངས་འཛིན་བྱེད་བཞིན་ཡོད་ནའང་གྲུབ་འབྲས་དོན་ཕན་ལྡན་པ་འབྱུང་གི་མེད།  ཕྱི་ལོགས་ནས་པེ་ཅིན་གྱི་སེམས་ཚོར་ངོ་མ་དེ་རྟོགས་དཀའ་མོད། ཡིན་ནའང་པེ་ཅིན་གྱིས་དམིགས་འདུན་ནི་ལྟ་སྤྱོད་མི་མཐུན་པ་རྩ་མེད་བཟོ་རྒྱུ་དེ་རེད། རྒྱ་ནག་གི་མགོ་ཁྲིད་ཚོས་ཁོ་ཚོའི་འཐུས་ཤོར་འོག་བོད་ལ་གཟི་བརྗིད་དང་ནུས་བ་ཆེ་བའི་མགོ་ཁྲིད་གསར་བ་ཞིག་བསླེབ་རྒྱུ་རེད་སྙམ་པའི་སེམས་ཁྲལ་ཡོད་པ་རེད། ཉེ་ཆར་རྒྱ་ནག་གི་གནད་ཡོད་མགོ་ཁྲིད་ཞིག་གིས་ང་ལ་ཏྰ་ལའི་བླ་མ་ཕྱིར་རྒྱལ་ནང་དུ་ཡོང་རྒྱུའི་སྟོབས་ཤུགས་དེ་ནི་དམག་མིའི་རུ་དཔུང་ཆེན་པོ་ཞིག་གི་སྟོབས་ཤུགས་ལས་ལྷག་རེད་ཅེས་བརྗོད་བྱུང་ཟེར།

 

འཇར་མན་ལྷོ་ཕྱོགས་ཚགས་པར་༼འཇར་མན་གྱི་འགྲེམས་ཚོང་ཆེ་ཤོས༽(Süddeutsche Zeitung)ན་རེ། ཏྰ་ལའི་བླ་མའི་ད་ལྟ་སྲིད་སྟེགས་ལས་ཕེབས་རྒྱུའི་གསལ་བསྒྲགས་དེ་ནི་ཁོང་གི་རྒྱུད་འཛིན་མཁན་གོ་སྒྲིག་དང་འབྲེལ་བ་ཡོད་ལ།  ཁོང་ཉིད་དགུང་ལོ་ ༧༦ ལ་ཕེབས་ཡོད་པ་དང་ཉེ་བའི་ལོའི་ནང་ཐེངས་ཁ་ཤས་ལ་སྨན་བཅོས་གནང་བར་ཕེབས་པ། གཞན་བོད་ནང་རྒྱ་ནག་གིས་དྲག་གནོན་སྔར་ལས་ཚབས་ཆེན་བྱུང་སྟེ། བོད་མི་ཚོ་ཉིན་རེ་བཞིན་རྒྱའི་བཙོན་ཁང་ནང་ནས་ཡལ་བཞིན་པ་རེད། ད་ལྟ་ཏྰ་ལའི་བླ་མ་བགྲེས་ཡོལ་དུ་ཕེབས་རྒྱུའི་ཐུགས་རེ་གནང་བ་དེ་ལས་ང་ཚོའི་ཁོང་ཉིད་ཀྱང་འཆི་བ་ལ་ཞལ་མི་འཁོར་རང་འཁོར་ཡིན་པའི་མི་ཞིག་ཡིན་པ་རྟོགས་ཐུབ།

ཏྰ་ལའི་བླ་མའི་ཆབ་སྲིད་འགན་དབང་རྩིས་སྤྲོད་ཐད་བཙན་བྱོལ་གྲོས་ཚོགས་ནས་བགྲོ་གླེང་བྱ་རྒྱུ་ཡིན་པ་ནི། ཏྰ་ལའི་བླ་མའི་ཡང་སྲིད་རྩད་གཅོད་འཐབ་རྩོད་ལ་གོམ་གང་མདུན་དུ་སྤོས་བ་རེད། རྒྱ་ནག་གི་མགོ་ཁྲིད་ཚོའི་སྔོན་མ་ནས་ཆོས་ལུགས་ཀྱི་སྲོལ་རྒྱུན་འདི་ལ་ཆབ་སྲིད་ཀྱི་དོན་སྙིང་ཡོད་པ་རྟོགས་ཏེ་ ༡༩༩༥ ལོར་ཏྰ་ལའི་བླ་མའི་ཐུག་ཐག་བཅད་པའི་པཎ་ཆེན་ཡང་སྲིད་ཁས་མ་བླངས་པ་རེད།  སྐབས་དེར་གུང་ཁྲན་ཏང་གིས་རང་ཉིད་ནི་མར་ཁེ་སི་དང་མའོ་ཙེ་ཏུང་ལྟ་བའི་ལྷ་མེད་སྨྲ་བ་ཞིག་ཡིན་པ་བརྗེད་དེ་ལམ་སེང་ཡང་སྲིད་ཁྱབ་བསྒྲགས་བྱས་པ་དང་། པཎ་ཆེན་ཡང་སྲིད་གཉིས་བྱོན།  ཡང་སྲིད་གཉིས་ཅན་ཡོད་པ་ནི་པཎ་ཆེན་གཅིག་པུ་མིན་ལ་ཀརྨ་པ་ལའང་ཡང་སྲིད་གཉིས་ཡོད་པ་རེད། ཏྰ་ལའི་བླ་མའི་ཁོང་ཉིད་ཀྱི་ཡང་སྲིད་དེ་རང་དབང་ལུང་བའི་ནང་འཁྲུངས་ངེས་རེད་ཅེས་བརྗོད་ཡོད་ལ།  ད་ལྟ་ཁོང་གིས་ཆོས་སྲིད་གཉིས་ཀྱི་ལས་དོན་སོ་སོར་གྱེས་བ་ནི་བཙན་བྱོལ་བོད་གཞུང་འཛིན་སྐྱོང་མཁན་ལ་སྔར་ལས་ལྷག་པའི་སྟོབས་ཤུགས་ཞིག་ཡོང་བའི་ཆེད་དུ་རེད།  རྒྱ་ནག་གི་དཔལ་འབྱོར་སྟོབས་ཤུགས་ཆེ་བའི་རྐྱེན་ལས་འཛམ་གླིང་གི་སྲིད་གཞུང་ཚང་མའི་དོགས་མི་བདེ་བའི་ངང་བའི་ནས་ཏྰ་ལའི་བླ་མ་ནི་ཆོས་ལུགས་ཀྱི་དབུ་ཁྲིད་ཞིག་ཡིན་པ་ལས་བོད་ཀྱི་ཆབ་སྲིད་ཀྱི་དབུ་ཁྲིད་ཡིན་པ་གླེང་གི་མེད། ཆོས་ལུགས་ཀྱི་དབུ་ཁྲིད་རྐྱང་བ་ཞིག་ཆགས་ཚེ་བོད་ཀྱི་ལས་དོན་ཐད་ཕྱི་རྒྱལ་གྱི་སྐུ་ཚབ་སྔར་ལས་ཡག་པོ་ཞིག་ཡོང་ངེས་བ་རེད།

ཏྰ་ལའི་བླ་མའི་འཚེ་མེད་ཞི་བའི་ཐབས་ལམ་ལ་གཞོན་སྐྱེས་ཁྲོད་སྐྱོན་བརྗོད་མཁན་བྱུང་གི་ཡོད་ལ། པེ་ཅིན་གྱིས་ལོ་རྒྱུས་རང་བཞིན་གྱི་གོ་སྐབས་འདི་ཤོེར་བཞིན་ཡོད་དེ་བོད་ཀྱི་གནད་དོན་ཐག་གཅོད་ཀྱི་ནུས་བ་ནི་ད་ལྟའི་ཏྰ་ལའི་བླ་མའི་ལྷག་ཞིག་ཡོད་པ་མ་རེད།

 

རྒྱ་གར་གྱི་བང་ཆེན་གསར་ཤོག་(Indian Express) གིས་མགོ་བརྗོད་དུ་ཏྰ་ལའི་བླ་མའི་རྒྱ་གར་ལ་ཉམས་ཚོད་ལེན་བཞིན་པ་མ་ཟད། རྒྱ་ནག་ལ་ཉམས་ཚོད་ལེན་པའང་རེད་ཅེས་བཀོད་ཡོད་ལ། ཏྰ་ལའི་བླ་མའི་སྲིད་ཀྱི་ཁུར་བོ་མར་བཞག་ནའང་ཁོང་གི་ནུས་ཤུགས་ལ་ཉམས་པ་སྤུ་ཙམ་ཡོད་མི་སྲིད་པ་རེད།  ཡིན་ནའང་དེ་ནས་བཟུང་རྒྱ་གར་དང་རྒྱ་ནག་གཉིས་ཀྱིས་བོད་ཀྱི་མི་རབས་གསར་བའི་མགོ་ཁྲིད་ཚོ་ལ་གདོང་ལེན་བྱེད་དགོས་བ་ཆགས་པ་རེད། ཏྰ་ལའི་བླ་མའི་བོད་ཀྱི་ལས་འགུལ་གྱི་མང་གཙོའི་རྨང་གཞི་སྲ་བརྟན་བཟོ་བར་ཐག་བཅད་པ་ནི་བོད་ཀྱི་ “ཇ་སི་མིན”མེ་ཏོག་བ་སྤུ་གསར་བརྗེ་ཡི་གོ་སྐབས་ཤིག་ཡིན་ལ། མང་གཙོ་ངོ་མའི་འཛིན་སྐྱོང་གི་མགོ་བཙུགས་པ་རེད་ལ།  རྒྱ་དཀར་ནག་གཉིས་ཀྱིས་བོད་པའི་སྣ་མང་སྤྱི་ཚོགས་ཀྱི་ལྟ་བ་མི་མཐུན་པ་དང་ཆབ་སྲིད་ལངས་ཕྱོགས་མི་གཅིག་པ་གནས་བ་ལ་སློབ་སྦྱོང་བྱ་དགོས་བ་རེད། ཏྰ་ལའི་བླ་མའི་སྲིད་ཀྱི་འགན་དབང་མ་གནང་བ་དེས་པེ་ཅིན་ལ་གོ་སྐབས་དང་གདོང་ལེན་ཐོབ་པ་དང་། གཅིག་བྱས་ན་མཚམས་ཆད་པའི་བོད་རྒྱ་ཞི་མོལ་བསྐྱར་ཏུ་སྒོ་ཕྱེས་ཐུབ་པའི་རེ་བའང་ཡོད་ངེས།

 

རྒྱ་གར་གླེང་སྟེགས་ཚགས་ཤོག (India Tribune) ན་རེ། གལ་སྲིད་ཏྰ་ལའི་བླ་མ་བགྲེས་ཡོལ་ལ་ཕེབས་ཐུབ་ཚེ་བཙན་བྱོལ་བོད་གཞུང་གི་བཅོས་བསྒྱུར་ལ་རྨང་གཞི་བཏིངས་བ་དང་། མཇུག་མཐར་ཆོས་སྲིད་གཉིས་ཁ་བྲལ་བ་མངོན་ཏུ་གྱུར་བ་རེད། ཏྰ་ལའི་བླ་མའི་དམིགས་ཡུལ་ནི་རྒྱ་ནག་གིས་༼ཏྰ་ལའི་རྗེས་ཀྱི་འཆར་གཞི༽་ཟེར་བ་གཏོར་བཤིག་གཏོང་ཆེད་ཡིན་ལ། རྒྱ་ནག་གིས་ཏྰ་ལའི་བླ་མ་སྐུ་གཤེགས་རྗེས་བཙན་བྱོལ་བོད་པའི་ལས་འགུལ་ག་ལེར་འཇགས་འགྲོ་བར་ངང་སྒུག་བྱེད་བཞིན་ཡོད་པ་རེད། ཡིན་ནའང་བཙན་བྱོལ་བོད་གཞུང་མང་གཙོ་ཅན་དུ་གྱུར་ཚེ་པེ་ཅིན་གྱིས་མ་འོངས་པར་འོས་འདེམས་བརྒྱུད་པའི་བཙན་བྱོལ་གཞུང་དང་ཞི་མོལ་མི་བྱེད་རང་བྱེད་ཆགས་པ་དང་། དེ་དང་ལྷན་རྒྱ་ནག་གིས་ཏྰ་ལའི་བླ་མའི་ཡང་སྲིད་ཐད་ཀྱི་འཐབ་ཇུས་ཤོར་སྲིད་པ་རེད། ཆེས་བསྟན་འདུག

 

འབྲེལ་ཡོད་གསར་འགྱུར།

བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

ཆུ་ཚོད་ ༡༥ སྔོན་ལ།
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

ཆུ་ཚོད་ ༡༥ སྔོན་ལ།
Mobile App

གཏམ་གླེང་དམར་རྗེན་མ།

ཆུ་ཚོད་ ༡༧ སྔོན་ལ།
བོད་མིའི་སྒྲིག་འཛུགས་ཀྱི་འཛིན་སྐྱོང་སྦྱོང་བརྡར་ཁང་དུ། བོད་པའི་སློབ་གྲྭ་ཁག་གི་སཱི་ཤེས་ཡོན་སློབ་གསོའི་མཐུན་སྦྱོར་བ་རྣམས་ལ་སཱི་ཤེས་ཡོན་སློབ་གསོའི་སྦྱོང་བརྡར་སྤྲད། ༢༠༢༥།༥།༢༡ དུས་བབ་ཀྱི་པར།
Mobile App

འཛམ་གླིང་གི་རྒྱལ་ཁབ་ ༡༤༡ ནང་སཱི་ཤེས་ཡོན་སློབ་གསོ་ངོ་སྤྲོད་གནང་ཟིན་འདུག

༢༠༢༥/༠༥/༢༡
FILE PHOTO: Salal Dam on the Chenab river, in Reasi district, J&K, Monday, May 5, 2025. All gates of Salal Dam on the Chenab River were closed following suspension of the Indus Waters Treaty in the aftermath of the Pahalgam terror attack.(PTI)
Mobile App

པཱ་ཀི་སི་ཐན་ནང་ཆུ་རགས་གསར་རྒྱག་གི་འཛུགས་སྐྲུན་ཇེ་མགྱོགས་སུ་བཏང་།

༢༠༢༥/༠༥/༢༡
སྲིད་སྐྱོང་སྤེན་པ་ཚེ་རིང་མཆོག་གིས་ཁེ་ན་ཌའི་ཨོན་ཊ་རེའོ་བོད་མི་རྣམས་ལ་གསུང་བཤད་གནང་། ༢༠༢༥།༥།༡༨ བོད་མིའི་སྒྲིག་འཛུགས་ཀྱི་པར།
Mobile App

སྲིད་སྐྱོང་མཆོག་གིས་འདི་ལོའི་ཆོས་ཚོགས་ཐེངས་ལྔ་པའི་ཐོག་༧སྐུའི་ཡང་སྲིད་དང་འབྲེལ་བའི་གནད་དོན་ཁག་ཅིག་གསལ་པོ་ཆགས་རྒྱུ་ཡིན་སྐོར་གསུངས།

༢༠༢༥/༠༥/༢༡

མཆན། 2

  1. མི་ཉག་བཙན་པོ says:
    ལོ་ 14 སྔོན།

    ༄༅།།གོང་ས་མཆོག་གིས་བགྲེས་ཡོལ་གནང་རྒྱུའི་ཐུགས་ཐག་བཅད་གནང་བ་དེ།བོད་པ་ཚང་ལ་ལོ་རབས་ནས་ལོ་རབས་རྒྱུ་མར་བྱུང་བའི་བླ་མ་དང་སྐུ་དྲག་གུས་སྡེ་པ་དང་སྡེ་པ་བར་དང་དབང་ཆ་རྩོད་ལེན་གྱི་སྐྱུག་བྲོའི་ལོ་རྒྱུས་རྣམས་བསྡུ་བྱེད་དང་དེ་ལས་བྱུང་བའི་ནད་རྙིང་རྣམས་གསོ་བའི་སྨན་མཆོག་དང་མ་འོང་འབྱུང་འགྱུར་བོད་པ་ཚང་ལ་འཕྲད་ལ་ཉེ་བའི་དབང་ཆ་རྩོད་ལེན་གྱི་མཐོང་མི་འདོད་པའི་མངོན་པར་མི་གསལ་བའི་འཆར་གཞི་ཡོད་པ་རྣསམ་རང་བཞིན་གྱི་ནུས་མེད་དུ་གཏོང་བའི་བྱམས་བརྩེ་བའི་མཚོན་ཆ་ཞིག་ཏུ་གྱུར་ཡོད།་
    རྒྱལ་སྤྱིའི་ཐོག་ཆབ་སྲིད་པ་རྣམས་ལ་གལ་ཆེའི་སློབ་ཁྲིད་ཞིག་དང་རྒྱ་ནག་གི་དབང་འཛིན་པ་རྣམས་ཀྱིས་གོང་ས་མཆོག་གི་མཚན་ཐོག་གི་གཡོ་རྒྱུ་དང་ཧམ་བཤད་བོད་དོན་ལ་ཡོལ་ཐབས་ཀྱིས་འཁྲབ་སྟོན་གྱི་ལེའུ་ཡོང་རྫོགས།
    དེ་ལ་བརྟེན་ནས་མཇུག་བསྡུས་མ་བྱེས་ཐབས་མེད་ཞིག་ཏུ་གྱུར་ཡོད་མོད།་འོན་ཀྱང་བོད་པ་ཚང་གིས་སྔ་ལས་ལྷག་པའི་ལས་དོན་སྒྲུབ་དགོས་པ་དང་ལྷག་པར་གཞོན་ནུ་ཚོགས་པ་དང་དགུ་བཅུ་གསུམ་གཙོ་ཚོགས་པ་ཁག་ནས་ཁ་ཞེ་གཉིས་མེད་ཀྱི་ལས་འགུལ་སྤེལ་དགོས་པ་ནི་སྔ་ས་བཞིན་གོང་ས་མཆོག་གི་བཀའ་དགོངས་ལ་ཁ་གཡར་ས་གཏན་ནས་མེད་པ་ཆགས་པའི་རྒྱུ་མཚན་དེ་ཉིད་རེད།

    Reply
  2. མཁས་བཙུན། says:
    ལོ་ 14 སྔོན།

    ས་དཀར་བཀྲ་ཤིས་ལགས། གལ་ཆེན་ནང་གི་དོན་ཆེན་གྱི་གནས་ཚུལ་འདི་ངེད་བོད་མི་ཚོའི་སྤྱན་ལམ་དུ་བསྟར་བར་ཐུགས་རྗེ་ཆེ། །

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese