བརྟན་བཞུགས་གོ་སྒྲིག་ཚོགས་ཆུང་གི་ཚོགས་མི་གཞུང་ཞབས་འདེབས་ལྷན་ཁང་གི་དྲུང་ཆེ་སྣང་ས་ཆོས་སྒྲོག་ལགས་སུ་བརྟན་བཞུགས་གོ་སྒྲིག་སྐོར་ལ་བཀའ་འདྲི་ཞུས་པར་ཁོང་གིས། སྔ་ལོར་༧གོང་ས་མཆོག་དགུང་གྲངས་༧༥ཕེབས་པའི་དུས་སྟོན་སྲུང་གཙི་ཞུ་རྒྱུའི་ལས་གཞི་མང་པོ་ཡོད་པའི་ནང་། བཀའ་ཤག་གིས་བཀའ་འཕྲོད་ཐོབ་པའི་ལས་རིམ་༥པ་དེ།ཕྱི་ཟླ་༤པའི་ནང་མ་སུ་རིར་བཙན་བྱོལ་གཞུང་ཐོག་མར་དབུ་བརྙེས་པའི་དུས་ཚིགས་དང་སྟབས་བསྟུན་ཏེ།གཞུང་ཞབས་ལས་བྱེད་ཡོངས་ཀྱིས་༧གོང་ས་མཆོག་ལ་བརྟན་བཞུགས་འབུལ་རྒྱུ་གཏན་ཁེལ་བྱུང་ཡོད་པ་ལྟར། གཞུང་གི་ལས་ཁུངས་ཁག་གི་དྲུང་ཆེ་རྣམས་སྔ་རྗེས་རིམ་པར་ལྷན་འཛོམས་ཐོག འདི་ལོའི་ཕྱི་ཟླ་༣ཚེས༩ཉིན་བརྟན་བཞུགས་གོ་སྒྲིག་ཚོགས་ཆུང་ཞིག་གསར་འཛུགས་གནང་སྟེ། བརྟན་བཞུགས་ཚོགས་ཆུང་གི་ཚོགས་གཙོར་ཆོས་རིག་དྲུང་ཆེ་ངག་དག་ཆོས་གྲགས་ལགས་དང་། ཚོགས་མིར་གཞུང་ཞབས་འདེམས་ལྷན་དྲུང་ཆེ་སྣང་ས་ཆོས་སྒྲོན་ལགས། རྩིས་ཞིབ་དྲུང་ཆེ་མགོན་པོ་ཕུན་ཚོགས་ལགས། སྐུ་སྒེར་ཡིག་ཚང་གི་ལས་བྱེད་བསྟན་པ་བཟོ་པ་ལགས་པ་བཅས་ལས་གྲུབ་པའི་ཚོགས་ཆུང་གི་འགན་ཁུར་འོག་བརྟན་བཞུགས་འདི་བསྟར་འབུལ་ཞུས་པ་ཞིག་རེད། ཅེས་བརྗོད་བྱུང་།
གསར་འགོད་པ། བནྡེ་སྐྱབས།
༸གང་སྐུའི་༸སྐུ་ཚེ་ཡུན་བརྟན་ཤོག །
གསར་འགོད་པ་ལགས་ལ་འབོད་སྐུལ་ཞུ་རྒྱུར། བརྟན་བཞུགས་འབུལ་སྐབས་རྒྱུན་གཏན་ལྟར་༸གོང་ས་མཆོག་གིས་བཀའ་སློབ་གནང་ཡོད་ཤས་ཆེ་བས། དེ་དང་དུས་མཉམ་དུ་འདོན་སྤེལ་གནང་ཐུབ་ན་ཕན་ཐོགས་ཧ་ཅང་ཆེན་པོ་ཡོང་ས་རེད།
།འཛམ་ཀླིང་ཞི་བདེའི་ཉི་མ་གངས་ཅན་མགོན།
།ཆོལ་གསུམ་གཅིག་འདུམ་ཟླ་གཞོན་པན་ཆེན་རྗེ།
།བདེན་པའི་རྒྱལ་རྔ་བརྡུང་མཛད་ཀརྨ་མ་པ།
།གངས་ཅན་ཉི་ཟླ་སྐར་གསུམ་རྒྱལ་གྱུར་ཅིག
།ཆོས་སྲིད་ཤིང་རྟའི་འཁོར་ལོ་དམངས་ལ་བསྒྱུར།
།ཀུན་ཕན་གངས་ལྗོངས་བདེ་རྩ་ཡུན་གནས་ཆེད།
།བྱམས་ཆེན་དགྱེས་བརྩེའི་གསུང་གི་དབུག་དབྱུང་ནས།
།ཡང་དག་མང་གཙོའི་སྲོལ་འབྱེད་གངས་ཅན་མགོན།
།ཕན་བདེའི་འབྱུང་གནས་དམ་པ་རྒྱལ་བའི་བསྟན།
།འཛམ་གླིང་སྐྱེ་རྒུ་ཀུན་ཡིད་མ་འགེངས་བར།
།ཞི་བསིལ་དམ་ཆོས་ཡིད་བཞིན་ནོར་བུའི་མཛོད།
།འགག་མེད་གསུང་གི་སྒྲ་དབྱངས་སྒྲོག་ཏུ་གསོལ།
གསུང་ལ་ཉན་ཅིང་བཀའ་ལ་བརྩི་བའི་རང་གཞུང་གི་ལས་བྱེད་རྣམ་པ་དམ་འབུལ་ཞུས་པ་བཞིན་ཕྱག་ལས་དྲང་བདེན་ཧུར་བརྩོན་སྒོ་གསུམ་ནུས་པ་རྩལ་སྤྲུག་དང་ཆོལ་གསུམ་དཔུང་པ་མཉམ་གཤིབ་ཀྱི་སྒོ་ནས་ཕྱག་ལས་དམ་ཚིག་འདི་དང་མི་འགལ་བར་མཛད་འཆར་གནང་བ་ལ་རྗེས་སུ་ཡི་རང་ཡོད།