མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

སེར་སྦྲེངས་སྙན་སྐུལ་ཞི་བའི་གོམ་བགྲོད་ཅན་དྷི་གྷལ་ལ་འབྱོར་འདུག

བོད་ཀྱི་དུས་བབ།
༢༠༡༡/༠༤/༢༩
Share on FacebookShare on TwitterShare on EmailShare on Whatsapp

བོད་ཀྱི་དགེ་འདུན་པ་བརྒྱ་ཙམ་གྱིས་བཞུགས་སྒར་ངྷ་ས་ནས་ལྡི་ལི་བར་ཞི་བའི་གོམ་བགྲོད་བྱེད་བཞིན་པའི་སྐབས་འདིར། ས་གནས་རྒྱ་གར་གཞུང་མང་གཉིས་ཀྱིས་བོད་དོན་ལ་རྒྱབ་སྐྱོར་དང་གདུང་སེམས་མཉམ་སྐྱེད་ཀྱི་རྣམ་པ་ཤུགས་ཆེན་བསྟན་ཡོད་འདུག  

ཉེ་ཆར་རྒྱ་གཞུང་གིས་བོད་མདོ་སྨད་རྔ་པ་ཁུལ་གྱི་དགོན་གྲོང་གཉིས་ལ་དམ་དྲག་ཤུགས་ཆེར་བྱས་ཏེ། རྔ་པ་ཁུལ་གྱི་བོད་མི་གཉིས་བསད་པ་དང་། ཀིརྟི་དགོན་པའི་དགེ་འདུན་པ་ ༣༠༠ ཙམ་འཛིན་བཟུང་བྱས་པ་སོགས་ཛ་དྲག་གི་གནས་སྟངས་ཐད། ངྷ་ས་མདོ་སྨད་དབུས་སའི་རྒྱུན་ལས་དང་བཞུགས་སྒར་ཀིརྟི་དགོན་པའི་སྣེ་ཁྲིད་འོག ཕྱི་ཚེས་ ༢༦ ཉིན་དགེ་འདུན་པ་ ༡༠༠ ཡིས་ངྷ་ས་ནས་ལྡི་ལི་བར་ཞི་བའི་གོམ་བགྲོད་ཅིག་ཞིག་མགོ་འཛུགས་བྱས་ཡོད་པ་ལྟར། གོ་སྒྲིག་པ་དང་ལས་འགུལ་བ་ཚོས་སྤྱིར་བོད་བསྟན་སྲིད་ཀྱི་བདེ་རྩ་དང་། སྒོས་རྔ་པ་ཀིརྟི་དགོན་གྲོང་གཉིས་ལ་གདུང་སེམས་མཉམ་སྐྱེད། ལྷག་པར་དུ་རྒྱ་ནག་དམར་པོའི་གཞུང་གི་མི་སྤྱོད་ལས་འདས་པའི་བྱེད་བབ་ལ་ངོ་རྒོལ་ཆེད། ལྟོགས་སྐོམ་དང་ཚ་གདུང་ཁྱད་དུ་བསད་དེ། ཞབས་ཐང་གིས་སྤྱི་ལེ་  ༢༡༤ ལྷག་གི་སར་ཡོད་པའི་ཅན་དྷི་གྷལ་དུ་རྒྱལ་ཁའི་ངང་འབྱོར་ཡོད་འདུག

ཁ་སང་ཕྱི་དྲོའི་ཆུ་ཚོད་ ༤།༤༥ པའི་ཐོག་ཅན་དྷི་གྷལ་མོ་ཧཱ་ལ་ས་གནས་སུ་འབྱོར་མ་ཐག ས་གནས་གཞོན་ནུའི་རྒྱུན་ལས་དང་བོད་རིགས་སློབ་ཕྲུག་ཚོའི་ཕེབས་བསུའི་འོག ཁུལ་དེའི་ཁྲོམ་ར་བཅུ་བདུན་པར་ཕེབས་ཏེ། གསར་འགོད་གསལ་བསྒྲགས་ཤིག་བསྐྱངས་ཡོད་འདུག་ལ། ལྷན་ཚོགས་དེའི་ཐོག་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ཆེད་ཕེབས་ཀྱིས། རྒྱ་གར་གྱི་གསར་ཁང་ཨིན་ཌེ་ཌེ་ཝེ་བརྙན་འཕྲིན་ ND TV དང་། བརྙན་འཕྲིན་བཅོ་བརྒྱད་པ་ TV 18 །  ཌེ་རི་བྷོ་བརྙན་འཕྲིན་TRIBUE །  རྒྱ་གར་བང་ཆེན་ INDLAN EXPRESS སོགས་ཀྱི་གསར་འགོད་པར། ཨ་མདོ་རྔ་པའི་ད་ལྟའི་གནས་སྟངས་ངོ་སྤྲོད་དང་། རྒྱལ་སྤྱིའི་སྤྱི་ཚོགས་ཀྱིས་བོད་ནང་གི་དངོས་ཡོད་གནས་སྟངས་གསལ་རྟོགས་ཡོང་ཆེད། ཞིབ་འཇུག་ཚོགས་པ་ཆེད་གཏོང་དགོས་པའི་འབོད་སྐུལ་ཞུས་ཡོད་པར་མ་ཟད། ས་གནས་ཧིན་བོད་འབྲེལ་མཐུད་ཚོགས་པའི་འགན་འཛིན་ལགས་ཀྱིས་ཀྱང་། ལས་འགུལ་དེར་རྒྱབ་སྐྱོར་གྱི་གཏམ་བཤད་སོགས་བྱས་ཡོད་འདུག

ཞི་བའི་གོམ་བགྲོད་འདིའི་ཐད་ཀིརྟི་གྲྭ་ཚང་གི་གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་བརྗོད་ན། ཕྱི་ཚེས་ ༢༧ ཉིན་གྱི་ཞོགས་པར་ཀཱང་ར་ནས་དགེ་འདུན་པ་ཚོས་སེར་སྦྲེངས་སྙན་སྐུལ་སྨོན་ལམ་གསུངས་བཞིན་ཕེབས་སྐབས། ས་དེའི་མི་ཚོགས་འཛོམས་ས་དང་ས་ཁུལ་ལྟེ་བ་ཁག་ཏུ་གསར་འགོད་པར། ཧིན་དབྱིན་སྐད་གཉིས་ཀྱི་ཐོག་ཐེངས་འདིའི་ལས་འགུལ་གྱི་ངོ་བོ་དང་དམིགས་ཡུལ་སྐོར་ངོ་སྤྲོད་བྱས་ཡོད་ལ། དེ་བཞིན། ལྡེ་ར་གྲོང་རྡལ་ཉེ་འདབས་སུ་བསླེབས་སྐབས། དགེ་འདུན་པ་ཚོ་སེར་སྦྲེངས་བྱས་ཏེ་གཞུང་ལམ་དུ་ཁྲོམ་བསྐོར་ཐེངས་གཅིག་བྱས་རྗེས། དེར་ཡོད་དཔའ་བོའི་རྗེས་དྲན་རྡོ་རིང་ཡོད་སར་ཕེབས་སྟེ། ཧིན་དབྱིན་གཉིས་ནང་གསར་འགོད་གསར་བསྒྲགས་ཤིག་སྤེལ་ཡོད། ཅེས་དང་།

ཉིན་གུང་ཆུ་ཚོད་དང་པོའི་སྟེང་ཨམ་བྷུས་གྲོང་རྡལ་དུ་འབྱོར་སྐབས། གྲོང་རྡལ་སྤྱི་སྤྱོད་རླངས་འཁོར་འབབ་ཚིགས་སུ། བོད་ནང་དུ་མཚོན་ཆ་དང་མནར་གཅོད་འོག་འདས་གྲོངས་སུ་གྱུར་པའི་དཔའ་བོ་དཔའ་མོ་རྣམས་ཀྱི་སྐུ་པར་འགྲེམས་སྟོན་བྱས་ཡོད་འདུག་ལ། སྐབས་དེར། ས་གནས་ཧིན་བོད་རོགས་སྐྱོར་ཚོགས་པའི་དྲུང་ཆེ་སློབ་དཔོན་བེ་ཀི་ཀོ་མར་ལགས་དང་། སློབ་དཔོན་ཡ་ཤི་པལ་ཤར་མ་གཉིས་ཀྱིས་བོད་དོན་ཐོག་རྒྱབ་སྐྱོར་གཏམ་བཤད་གནང་ཡོད་ལ། མཛད་སྒོའི་དེར་རྒྱ་གར་ཁྲིམས་རྩོད་པ་གསུམ་དང་ས་གནས་མི་ཚོགས་མང་པོ་ཞིག་འདུ་འཛོམས་བྱུང་ཡོད་འདུག  

ཉིན་རྒྱབ་ཆུ་ཚོད་ ༣།༣༠ སྟེང་། ཨོ་ན་ཞེས་པའི་མཐོ་སློབ་དེིའི་དགེ་ལས་སློབ་ཕྲུག་ཚོའི་སྣེ་ལེན་འོག གོམ་བགྲོད་པ་རྣམས་སློབ་གྲྭ་དེར་འབྱོར་ཡོད་འདུག་ལ། དུས་དེར། མཐོ་སློབ་ཀྱི་སློབ་སྤྱི་དང་དགེ་རྒན་ཁག་ཅིག་གིས་བོད་དོན་རྒྱབ་སྐྱོར་གཏམ་བཤད་སྤེལ་ཡོད་ལ། སློབ་གྲྭ་དེའི་ངོས་ནས་ལས་འགུལ་སྣེ་ཁྲིད་པ་དང་རོགས་རམ་གནང་མཁན་ཚོར། རས་གཟན་དཀར་པོ་དང་དབུ་ཞྭ་བཅས་གསོལ་རས་ཕུལ་ཡོད། མཚན་མོ་དེར་ཧི་མ་ཅལ་འགྲིམ་འགྲུལ་བློན་ཆེན་མཆོག་གི་མཐུན་འགྱུར་འོག དེར་ཡོད་ལྷ་ཁང་ཞིག་ཏུ་ཞག་སྡོད་བྱས་ཡོད་པར་མ་ཟད། ཉིན་དེའི་དགོང་མོར་ཁྲོམ་གཞུང་དུ་མེར་མེ་ཁྲོམ་སྐོར་ཞིག་ཀྱང་བྱས་ཡོད་འདུག

ཁ་སང་ཕྱི་ཚེས་ ༢༨ ཉིན་གྱི་ཞོགས་པའི་ཆུ་ཚོད་ ༨ སྟེང་གོམ་བགྲོད་པ་རྣམས། ཧི་མ་ཅལ་མངའ་སྡེ་དང་པན་ཇ་ས་མཚམས་མེ་ཐུ་པུ་རུ་འབྱོར་ཡོད་ཅིང་། ཁུལ་དེའི་གསར་འགོད་གསལ་བསྒྲགས་ཞིག་ཐོག ཀཱང་ར་སི་ས་གནས་མགྲིན་ཚབ་པས་གོམ་བགྲོད་པ་ཚོར་བོད་དོན་ལས་འགུལ་དང་སེར་སྦྲེངས་སྙན་སྐུལ་སྨོན་ལམ་ལ་རྒྱབ་སྐྱོར་གཏམ་བཤད་གནང་ཡོད་ཅིང་། ལྷན་ཚོགས་དེར་བོད་མི་མང་སྤྱི་འཐུས་ཡེ་ཤེས་སྒྲོལ་མ་ལགས་ཀྱིས། དབྱིན་སྐད་ནང་ལས་འགུལ་གྱི་དམིགས་ཡུལ་སྐོར་སྒྲོག་སྦྱང་བྱས་ཡོད་འདུག   

ཆུ་ཚོད་ ༩ པའི་སྟེང་ནན་གྷལ་ས་གནས་སུ་འབྱོར་མཚམས་ཁུལ་དེའི་ཉེན་རྟོག་པའི་སྣེ་ཁྲིད་འོག  ལས་འགུལ་གྱི་ཡིག་ཆ་ཁག་མང་ཚོགས་ལ་འགྲེམས་སྤེལ་བྱས་པར་མ་ཟད། སྐབས་དེར་ཧོར་གསོལ་མགྲོན་གི་ལྡུམ་རའི་ནང་། གསར་ཁང་ཁག་ ༨ གྱི་གསར་འགོད་པར་དབྱིན་ཧིན་གཉིས་ཀྱི་ལམ་ནས་ད་ལྟའི་བོད་ནང་གི་གནས་སྟངས་ངོ་སྤྲོད་བྱས་ཡོད་ཅིང་། མཇུག་ཏུ་གནས་སྟངས་དེའི་ཐོག་གསར་འགོད་པའི་བཅར་འདྲི་དང་ལེན་བྱས་འདུག ཉིན་དེར་ས་གནས་ཧིན་བོད་འབྲེལ་མཐུད་པ་བྷ་རམ་ཤར་མ་མཆོག་གིས། གོམ་བགྲོད་པ་ཚོར་མེ་ཏོག་གི་ཕྲེང་བས་ཕེབས་བསུ་བྱས་ཡོད་པར་མ་ཟད། ཁོང་གིས་ལས་འགུལ་དེའི་སྣེ་ཁྲིད་དེ་༼ ཧིན་བོད་འབྲེལ་མཐུད་ཚོགས་པ་རྒྱལ་གྱུར་ཅིག བོད་ཀྱི་རང་དབང་རྒྱ་གར་གྱིས་སྲུང་སྐྱོབ་བྱེད་༽ཅེས་པའི་འབོད་ཚིག་སྒྲོག་བཞིན་རིང་ཚད་སྤྱི་ལེ་ ༢ ཙམ་གྱི་སར་ཆེད་བསྐྱོད་བྱས་ཡོད་འདུག

གསར་འགོད་པ། དཔལ་ལྡན།

འབྲེལ་ཡོད་གསར་འགྱུར།

རྒྱ་ནག་དང་རྒྱལ་སྤྱིའི་ཆབ་སྲིད་འགྱུར་ལྡོག རེ་བ་དང་གདོང་ལེན་གླེང་བ། ༢༠༢༣།༠༦།༨-༡༠ དུས་བབ་ཀྱི་པར།
Mobile App

རྒྱ་ནག་གི་བཙན་གནོན་མྱོང་བཞིན་པའི་མི་རིགས་མི་འདྲ་བས་མ་འོངས་ནུས་པ་མཉམ་སྤུང་གི་གཞི་རྟེན་འཚོལ་གྱི་འདུག

ཆུ་ཚོད་ ༥ སྔོན་ལ།
Advertisement for App

ཏཱ་ལའི་བླ་མ་མཐོ་རིམ་སློབ་གཉེར་ཁང་གི་སྐབས་གཉིས་པའི་འབུམ་རམས་སློབ་མ་གསར་བསྡུའི་གསལ་བསྒྲགས།

ཆུ་ཚོད་ ༧ སྔོན་ལ།
Sikyong Penpa Tsering and the members of the Tibetan Parliament’s Standing Committee with the diplomats of the US Embassy, Photo : TibetDotNet
Mobile App

བཀའ་སྤྱི་གཉིས་ཀྱིས་རྒྱལ་ས་ལྡི་ལིར་བོད་དོན་ཞུ་གཏུགས་ལས་འགུལ་སྤེལ།

ཆུ་ཚོད་ ༡༡ སྔོན་ལ།
Mobile App

བོད་ཀྱི་འདས་དོན་གྱི་བསམ་ཚུལ་འགའ་གླེང་བར་བྱ།

༢༠༢༣/༠༦/༠༧
བྷི་ཧར་མངའ་སྡེའི་ཟམ་ཆེན་ཞིག་ལ་གློ་བུར་རྡིབ་སྐྱོན་བྱུང་།
Mobile App

བྷི་ཧར་གྱི་ཟམ་ཆེན་ཞིག་ལ་གློ་བུར་དུ་རྡིབ་སྐྱོན་བྱུང་།

༢༠༢༣/༠༦/༠༥
League of Social Democrats leader Chan Po-ying, center, argues with police before being taken away in Hong Kong’s Causeway Bay shopping district on 4th june 2023.Photo :AFP
Mobile App

དྲུག་བཞིའི་དོན་རྐྱེན་ལ་རྗེས་དྲན་ཞུ་མཁན་མང་པོ་ཞིག་བཙན་འཁྲིད་བྱས་འདུག  

༢༠༢༣/༠༦/༠༥

མཆན། 9

  1. སྟོང་བཙན་མགར་བུ། says:
    ལོ་ 12 སྔོན།

    མི་རིགས་ཞིག་གི་འཐབ་རྩོད་ཀྱི་ཆེད་དུ་ཚ་བའི་དུས་འདིར་གདུང་ལེན་བྱེད་མཁན་གྱི་དམར་སེར་ཞི་བའི་གོམ་བགྲོད་པ་རྣམས་གཙོ་བྱས་ལས་འགན་འདིར་ཞུགས་མཁན་གྱི་མདོ་སྨད་དབུས་སའི་རྒྱུན་སོགས་སེར་སྐྱ་ཡོངས་ལ་སྙིང་ཐག་པ་ནས་ཐུགས་རྗེ་ཆེ་ཞུ།

    Reply
  2. ལྷོ་ཕྱོགས་ཉི་ཟླ། says:
    ལོ་ 12 སྔོན།

    རྡ་ས་ནས་ལྡི་ལིར་བར་དུ་་རྡ་ས་ཀིརྟིའི་བྱེས་པ་་གྲྭ་ཚང་དང་། རྡོར་གླིང་སོ་ཁེའི་ཀིརྟིའི་དགོན། མདོ་སྨད་དབུ་རྒྱུན་དང་མདོ་སྨད་སྤྱི་འཐུས། དབུས་གཙང་སྤྱི་འཐུས་ཟླ་བ་ཚེ་རིང་བཅས་ནས་ཞི་བའི་གོམ་བགྲོད་ནང་མཉམ་བཞུགས་གནང་ཡོད་པས་ཚང་མ་ལ་དམིགས་གསལ་གྱི་ཐུགས་རྗེ་ཤུན་ཏུ་ཆེའོ།
    ང་ཚོ་ཡང་མཉམ་ཞུགས་བྱེད་མ་ཐུབ་ཀྱང་སེམས་པ་ཁྱེད་ཚོ་དང་མཉམ་དུ་རྔ་བ་མི་དམངས་ཡོངས་ལ་གདུང་སེམས་མཉམ་བསྐྱེད་བྱེད་བཞིན་ཡོད། བོད་རྒྱལ་ལོ།

    Reply
  3. འཇམ་དབྱངས། says:
    ལོ་ 12 སྔོན།

    ལས་འགུལ་འདི་ལྟ་བུ་སྤེལ་བར་རྣམ་རྒྱུན་ཚོགས་པ་ཁ་ཤས་ཡོད་མུས་ཀྱང་ཁོ་ཚོས་མེག་ལོར་རླངས་འཁོར་བབས་ཚུགས་ནས་གཙུག་ལག་ཁང་བར་དུ་མར་མེ་ཁྲོམ་སྐོར་བྱེད་རྒྱུ་དེ་ཙམ་གལ་ཆེར་བརྩི་བ་རེད། དེ་རིང་ལས་འགུལ་དེ་ལྟ་བུ་ཞིག་སྤེལ་ནས་སང་ཉིན་རྒྱ་གར་གྱི་ཚགས་ཤོག་ཁ་ཤས་ནང་བཀོད་འདུག་ན་ཁོ་ཚོའི་དམིགས་ཡུལ་ཡང་འགྲུབ་པ་རེད། གང་ལྟར་ལས་འགུལ་གང་ཞིག་སྤེལ་ཏེ་ཚགས་ཤོག་གང་མང་ཞིག་ཏུ་བཀོད་ཐོན་བྱེད་རྒྱུ་དེ་ཙམ་རེད། དེས་ན་ཁོ་ཚོས་ལས་འགུལ་སྤེལ་སྟངས་མང་པོ་ཞིག་ཚོགས་པ་སོ་སོའི་མིང་གྲགས་དང་དཔལ་འབྱོར་མཁོ་སྒྲུབ་ཀྱི་ཆེད་དུ་རེད་དམ་ཡང་ན་དོན་ངོ་མའི་བོད་དོན་གྱི་ཆེད་དུ་རེད་ཅེས་དྲིས་ན་བཤད་དཀའ་བ ་ཞིག་ཏུ་མི་སྣང་ངམ།

    Reply
  4. འཇམ་དབྱངས། says:
    ལོ་ 12 སྔོན།

    འདི་ནི་ཆེས་གནད་དུ་འཁེལ་ཞིང་ཆེས་ཞི་བདེའི་རྣམ་པ་མཚོན་པའི་ཞི་བའི་གོམ་བགྲོད་ཅིག་རེད། རང་ཡུལ་རང་ལག་ལ་མ་རེག་བར་འདི་ལྟའི་གོམ་བགྲོད་གང་མང་བྱེད་དགོས་རྒྱུ་བཤད་ཅི་ལ་དགོས། འདི་ལྟ་བུ་མིག་དཔེར་བཟུང་ནས་ཕྱོགས་གང་ས་ནས་ཞི་བའི་རྣམ་པ་ཅན་གྱི་ངོ་རྒོལ་བྱེད་གལ་ཆེ། ལྷག་པར་ཕྱི་རྒྱལ་ཡུལ་གྲུ་ཁག་གི་བོད་རིགས་རྣམས་ལ་ཅུང་འདི་ལས་ལྷག་པའི་ནུས་པ་ཅན་གྱི་ལས་འགུལ་སྣ་ཚོགས་སྤེལ་རྒྱུའི་མཐུན་རྐྱེན་ཚང་ཡོད་ཀྱང་ད་དུང་ཧ་ཅང་ཁུ་སིམ་རེད། ཁོ་ཚོར་ད་དུང་ཧ་ཅང་གྲག་འགུལ་ཅི་ཡང་མེད། ནམ་རྒྱུན་ཡང་རྒྱ་རིགས་དཔོན་པོ་འདྲ་ལྟ་སྐོར་ལ་སྐྱོད་པའི་སྐབས་མ་གཏོགས་ཧ་ཅང་ལྷང་འཇགས་རེད། མཉམ་འབྲེལ་རྒྱལ་ཚོགས་སོགས་ལས་ཁུངས་ཆེ་ཁག་གི་མདུན་ནས་ངེས་མེད་ཟས་བཅད་ངོ་རྒོལ་དང་། མ་ཤིའི་བར་གྱི་ཟས་བཅད་ངོ་རྒོལ་སོགས་བྱེད་མི་ཐུབ་པའི་རྒྱུ་མཚན་ཅི། ཅུང་སེམས་ཤུགས་བསྐྱེད་དགོས་པའི་དུས་ལ་བབས་འདུག

    Reply
  5. བསྟན་འཛིན་ཤེས་རབ། says:
    ལོ་ 12 སྔོན།

    ༢༠༡༡་༤་༢༧ དགོང་དྲོའི་ཆུ་ཚོད་དྲུག་དང་ཕྱེད་ཀའི་ཐོག འབྲས་སྤུངས་སྒོ་མང་གྲྭ་ཚང་གི་གོ་སྒྲིག་འོག་འབྲས་སྤུངས་ཀྱི་དགེ་འདུན་པ་རྣམས་ཀྱིས་ཡ་ང་བའི་གདུག་རྩུབ་དང་དྲག་གནོན་མྱོང་བཞིན་པའི་རྔ་བ་ཀིརྟི་དགོན་པ་གཙོ་བྱས་པའི་རྔ་བའི་མི་དམངས་ལ་གདུང་སེམས་མཉམ་བསྐྱེད་དང་། ཁྲིམས་མེད་ལུགས་མེད་ཀྱིས་དམངས་ཚོགས་རྣམས་གསོད་རྡུང་མནར་གཅོད་དང་འཛིན་བཟུང་འཕྲོག་བཅོམ་བྱེད་བཞིན་པའི་རྒྱ་དམར་སྲིད་གཞུང་གི་བྱ་སྤྱོད་དེ་དག་འཕྲལ་མར་མཚམས་འཇོག་ཡོང་སླད་མར་མེ་ཁྲོམ་སྐོར་གཞི་རྒྱ་ཆེ་བ་ཞིག་གནང་ཡོད།

    ཁྲོམ་སྐོར་དབུ་འཛུགས་སྐབས་སྒོ་མང་དགེ་བསྐོས་བློ་བཟང་དགེ་ལེགས་ལགས་ཀྱིས་གསུང་རྒྱུར། རྒྱ་ནག་དམར་བོའི་སྲིད་གཞུང་གིས་བོད་ནང་ལ་དྲག་གནོན་དང་འགྲོ་བ་མིའི་ཐོབ་ཐང་རྡོག་རོལ་ཏུ་གཏོང་བའི་རྣམ་པ་ཚབས་ཇེ་ཆེ་ནས་ཇེ་ཆེར་གྱུར་ཡོད་ཅིང་། ལྷག་དོན་ཉེ་སྔོན་ནས་བཟུང་རྔ་བ་ཀིརྟི་དགོན་པའི་སྟེང་ཧ་ཅང་ཡ་ང་བའི་གདུག་རྩུབ་དང་དྲག་སྤྱོད་སྤེལ་ཡོད། ད་ལྟ་ཀིརྟི་དགོན་པ་ནི་བཙོན་ཁང་ཞིག་ལས་ཀྱང་སྡུག་པའི་ཚད་དུ་ལྷུང་ཡོད། དགོན་པ་ལྕུགས་དྲས་བསྐོར་ཞིང་དེའི་མཐའ་དྲག་དམག་གིས་བསྐོར་འདུག ནང་གི་མི་ཕྱི་ལ་མི་གཏོང་ཞིང་ཕྱི་ལོགས་ཀྱི་མི་ནང་ལ་མི་གཏོང་བའི་མི་ཚད། ཟ་མ་སྐྱེལ་འདྲེན་གྱི་ལམ་བཅད་དེ་དགེ་འདུན་པ་ཚོ་ལྟོགས་གྲིར་ཐེབས་སུ་འཇུག་གི་ཡོད། སྤྱིར་བཙོན་ཁང་ཞིག་ཡིན་ན་ཡང་ཐུན་གསུམ་གྱི་ཟས་དུས་ཚོད་ལྟར་རེག་གི་ཡོད། ཅེས་དང་། ད་ལྟ་ང་ཚོའི་ངོས་ནས་གཞུང་དང་ཚོགས་པ་ཞིག་ལ་བརྟེན་པ་ཙམ་མ་ཡིན་པར། མི་རང་རང་ངོས་ནས་འགན་རེ་བླངས་ཏེ་ཐབས་ཤེས་ཅི་ཡོད་དང་ནུས་ཤུགས་གང་ཡོད་འདོན་དགོས། ང་ཚོས་རྔ་བ་མི་དམངས་ལ་སྐྱིད་སྡུག་མཉམ་མྱོང་དང་གདུང་སེམས་མཉམ་བསྐྱེད་བྱེད་ཀྱི་ཡོད་ཅིང་། དེ་དང་ཆབས་གཅིག་རྒྱ་དམར་སྲིད་གཞུང་ལ་དྲག་སྤྱོད་གདུག་རྩུབ་ཀྱི་བྱ་སྤྱོད་དེ་དག་མྱུར་དུ་མཚམས་འཇོག་བྱེད་རྒྱུའི་འབོད་པ་བྱེད་རྒྱུ་མ་ཟད། མཉམ་འབྲེལ་རྒྱལ་ཚོགས་གཙོས་པའི་འཛམ་གླིང་གི་རྒྱལ་ཁབ་ཁག་གི་སྲིད་གཞུང་དང་ཚོགས་པ་ཁག དེ་བཞིན་མི་དམངས་བཅས་ལ་རྒྱ་དམར་གཞུང་ལ་གནོན་ཤུགས་སོགས་སྤྲད་དེ་རྔ་བའི་སྟེང་བཀོལ་བཞིན་པའི་དྲག་སྤྱོད་པའི་བྱ་སྤྱོད་དེ་མྱུར་དུ་མཚམས་འཇོག་བྱེད་དུ་འཇུག་རྒྱུ་དང་། བདེན་པ་བདེན་དྲང་གི་ང་ཚོའི་ཆབ་སྲིད་ཀྱི་ལས་དོན་ལ་རྒྱབ་རོགས་དང་གནད་དོན་ལ་འགན་ལེན་གནང་རྒྱུའི་རེ་འབོད་ཞུ་བཞིན་ཡོད། ཁོང་གིས་མུ་མཐུད་ནས་གསུངས་དོན། ང་ཚོི་བོད་མི་རིགས་ཀྱི་འཐབ་རྩོད་ནི་བདེན་པ་གཞི་ལ་བཞག་པའི་འཐབ་རྩོད་ཅིག་ཡིན་ཞིང་། ཕན་ཚུན་གཉིས་སྨན་གྱི་ལམ་དུ་ཕྱོགས་པ་ཞིག་ཡིན། བདེན་པ་ནི་དུས་ནམ་ཡང་མེ་ལྕེ་བཞིན་མཆེད་ངེས་ཡིན།

    དེ་རྗེས་མོན་གྷོ་ས་གནས་རང་བདེན་ཚོགས་གཙོ་མཆོག་གིས་གསུངས་དོན། ད་ལྔ་རྔ་བ་ཀིརྟི་དགོན་པ་ཆེས་ཡ་ང་བའི་གནས་སྟངས་འོག་ཡོད་ཅིང་། རང་དབང་ལུང་བར་ཡོད་པའི་ང་ཚོའི་ངོས་ནས་ལུས་ཀྱིས་མ་མྱོང་རུང་སེམས་ཀྱིས་ཁོང་ཚོ་དང་མཉམ་དུ་མྱོང་བཞིན་ཡོད། ད་ལྟ་ང་ཚོའི་ལས་འགུལ་འདི་ཙམ་གྱིས་ཆོག་པ་ཞིག་གཏན་ནས་མ་ཡིན་པར། གདན་ས་ཁག་གི་མཁན་པོ་རྣམ་པ་གཙོ་བྱས་པའི་རང་ཅག་ཡོངས་ཀྱིས་ས་གནས་གང་ས་དང་གྲོང་ཁྱེར་ཆེ་ཁག་རྣམས་སུ་ལས་འགུལ་རྒྱ་ཆེན་པོ་སྤེལ་དགོས་ཅེས་སོགས་གསུངས།

    མཇུག་ཏུ་སྒོ་མང་ཕྱག་མཛོད་ཚེ་དབང་འཕྲིན་ལས་ལགས་ཀྱིས་མཇུག་མཐའི་གསུང་བཤད་གནང་སྟེ་མར་མེ་ཁྲོམ་སྐོར་དངོས་སུ་མགོ་འཛུགས་གནང་སོང་།

    Reply
  6. སྤྲོ་ཚིགས་དགེ་འདུན says:
    ལོ་ 12 སྔོན།

    ད་ལྟའི་དུས་འདིར་རྔ་བ་ ཀིརྟི་དགོན་གྲོང་གཉིས་ཀྱི་མྱོང་བཞིན་པའི་སྡུག་བསྔལ་དེ་བོད་ཀྱི་རྩ་དོན་དང་འབྲེལ་བ་དམ་ཟབས་ཡོད་པ་བཤད་དགོས་དོན་མེད།
    འོན་ཀྱང་གོམས་བསྒྲོད་པ་ཚོར་བལྟས་ན་དགོན་པ་ཞིག་གིས་དཀའ་ངལ་རང་ཐགས་རང་གཅོད་བྱེད་ཀྱིན་པའི་རྣམ་པ་འདུག་ལ་ཚོལ་བ་ཡང་དེ་ལྟར་ཡོང་གིན་འདུག
    རྒྱུ་མཚན་ངའི་བཤད་མི་དགོས་པ་གོང་བཀོད་ཀྱི་པར་ལ་གཟིགས་ན་ཤེས།

    གང་ལྟར་ངའི་རྒྱང་རིང་ནས་དགེ་འདུན་པ་ཚོར་ཚེ་རིང་ནད་མེད་ངང་གོམས་བསྒྲོད་ལེགས་འགྲུབ་ཡོང་པའི་སྨོན་ལམ་འདེབས་བཞིན་ཡོད།

    Reply
  7. བློ་བཟང་རྒྱལ་མཚན། says:
    ལོ་ 12 སྔོན།

          མ་རམེ་ཁྲོམ་སྐོར་དང་མ་ནི་གསོག་བསྒྲུབས་བྱེད་དེ་ལོ་ངོ་ལྔ་ཅུ་ཙམ་ཕྱིན་སོང་་་་་ཨོ་་་་ད་དུང་མུ་ཐུན་རྒྱུ་ཡིན་པ་འདྲ།

    ཚ་བ་བློ་བཟང་རྒྱལ་མཚན།     ནོར་གླིང་།

    Reply
  8. ཀརྨ་རྡོ་རྗེ། says:
    ལོ་ 12 སྔོན།

    དགེ་འདུན་པའི་ཞི་བའི་གོམ་བགྲོད་པ་གྲོང་འཁྱེར་ཅན་དྷི་ཧྒར་ལ་བདེ་འབྱོར་ཐུབ་པར་དགའ་སྤོབས་དཔལ་དུ་ཆེ། ངས་ཐག་རིང་ནས་རྗེས་སུ་ཡི་རང་ཞུ་བཞིན་ཡོད་ལགས། དགེའོ།

    Reply
  9. བོན་རྒྱ་བསྟན་འཛིན་རབ་རྒྱས། says:
    ལོ་ 12 སྔོན།

    ཕྱི་ལོ་ ༢༠༡༡ ལོའི་ཟླ་ ༠༤ ཚེས་ ༢༦ ཕྱི་དྲོ་བདེ་སྐྱིད་གླིང་མདོ་སྨད་ས་གནས་རྒྱུན་ལས་ཀྱི་བཀོད་སྒྲིག་འོག་ཆོལ་གསུམ་མི་མང་༤༠༠ ཙམ་གྱིས་ཕྱི་དྲོ་ཆུ་ཚོད་ ༥-༦ བར་མ་ཎི་གསོག་བསྒྲུབས་ཀྱིས་སེར་སྦྲེང་མཆོད་འབུལ་ལ་རྒྱབ་སྐྱོར་གནང་འདུག
    ཕྱི་ལོ་ ༢༠༡༡ ལོའི་ཟླ་ ༠༤ ཚེས་ ༢༦ ཕྱི་དྲོ་ཆུ་ཚོད་༦།༣༠ སྟེང་བཞུགས་སྒར་མེག་ལོར་ནས་གཞུང་འབྲེལ་མིན་པའི་ཚོགས་པ་ཁག་བཅུ་གཅིག་ནས་མར་མེ་ཁྲོམ་སྐོར་གཞི་རྒྱ་ཆེ་བ་ཞིག་སྤེལ་འདུག སྐབས་དེར་སྐུ་མགྲོན་གཙོ་བོ་ཨོ་སི་ཁྲོ་ལེ་ཡའི་གྲོས་ཚོགས་ཀྱི་ཚོགས་གཙོ་མཆོག་དང་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་གཙོས་སྤྱི་འཐུས་རྒྱུན་ལས་ཁག་ཅིག་དང་སེར་སྐྱ་མི་མང་སུམ་བརྒྱ་ལྷག་མཉམ་ཞུགས་གནང་འདུག
    ཕྱི་ལོ་ ༢༠༡༡ ལོའི་ཟླ་ ༠༤ ཚེས་ ༢༥ ཉིན་གྱི་ཕྱི་དྲོར་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དང་། རྒྱུད་སྟོད། སྒྲོལ་མ་གླིང་བཅས་ཀྱི་བཀོད་སྒྲིག་འོག་སེར་སྐྱ་མི་མང་ཆིག་སྟོང་མ་ཟིན་ཙམ་གྱིས་ནོར་གླིང་ནས་རྒྱུད་སྟོད་བར་མར་མེ་ཁྲོམ་སྐོར་གཞི་རྒྱ་ཆེ་བ་ཞིག་གནང་འདུག་ཅིང་། སྐུ་མགྲོན་གཙོ་བོ་བཀའ་བློན་ཁྲི་ཟུར་བསོད་ནམས་སྟོབས་རྒྱལ་མཆོག་གིས་གསུང་བཤད་དང་བཅས་མར་མེ་ཁྲོམ་སྐོར་མཇུག་སྒྲིལ་ཡོད་འདུག

    འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། ཕྱི་ལོ་ ༢༠༡༡ ལོའི་ཟླ་ ༠༤ ཚེས་ ༢༦ ཉིན། མདོ་སྨད་རྨ་ཆུའི་ཁོངས་གཏོགས་ཆུ་ཁ་མའི་རྒན་པོ་སྤྱི་མི་སྐོར་ཞིག་མཉམ་འཛོམས་ཀྱིས་ལོ་རེའི་འཆར་ཅན་གྱི་རྟ་རྒྱུག་འགྲན་བསྡུར་ཞིག་ཡོད་པའི་སྐོར་ལ་གྲོས་ཁ་བྱས་ཡོད་པ་དང་། སྐབས་དེར་མི་སྐོར་ཞིག་གིས་ཁྱིམ་མཚེས་ཀིརྟི་སྡེ་དགོན་གཉིས་ཀར་བོད་བསྟན་སྲིད་ཀྱི་ཆེད་དུ་ལས་འགུལ་སྤེལ་ཏེ་ཛ་དྲག་གི་གནས་སྟངས་ཆགས་ཡོད་པས། ཁོང་ཚོར་གདུང་སེམས་མཉམ་བསྐྱེད་ཀྱི་ཆེད་དུ་སྤྲོ་སྐྱིད་ཀྱི་རྣམ་པའི་རྟ་རྒྱུག་བྱེད་རྒྱུ་མིན་པར་ཐག་བཅོད་བྱས་ཡོད་པ་དང་། ཕྱི་ཉིན་ཞོགས་པར་སྲང་ལམ་དང་རྩིག་གྱང་ངོས་སུ་ད་ལོ་སུས་རྟ་རྒྱུག་བཀོད་སྒྲིག་དང་དེར་འཛུལ་ཞུགས་བྱས་ན་ངོ་རྒོལ་ཡོད་ཅེས་སྦྱར་ཡིག་འགྲེམ་སྤེལ་བྱས་འདུག
    མདོ་སྨད་དབུས་རྒྱུན་ཚོགས་གཞོན་མགོན་པོ་དོན་འགྲུབ།
    གནས་ཚུལ་མཁོ་གཏོང་བ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist