བོད་ཀྱི་ལོ་རྒྱུས་དང་བྲལ་ཐབས་མེད་པའི་བཀའ་ཁྲི་བློ་བཟང་སེང་གེ

རྒྱུ་མཚན་གཞན་མེད་། ཚིག་འདིའི་གསེབ་ནས་ཅི་ཞིག་གོ་ཡོང་གིན་མི་འདུག་གམ(དེ་རིང་གི་་བཀའ་ཁྲི་སྐབས་གསུམ་པའི་དུས་སུ་བོད་ཀྱི་ལོ་རྒྱུས་ནང་གི་ཆབ་སྲིད་ཀྱི་དབང་ལུང་ཡོངས་
སུ་རྫོགས་པ་དེ་རྩིས་སྤྲོད་གནང་བ་མ་རེད་དམ།
ལྷག་དོན་དུ་་་་་་་་་་་ཚིག་འདི་་་་་་་་འདས་ཟིན་པའི་བཀའ་ཁྲི་ཚོའི་གནས་བབ་འདི་འདྲ་ཞིག་ག་དུས་བྱུང་མྱོང་ཡོད་དམ།)

ཀ་རྨ་རྡོ་རྗེ་ལགས་ཁམས་བཟང།
ངས་ཀྱང་ཁྱེད་ལ་ཚིག་ཉུང་ངུ་ཞིག་གིས་ཐོག་ནས་དོན་འགའ་རེ་་མ་གཏོགས་བཤད་འདོད་མེད། ཁྱེད་ལ་དོན་ངོ་མ་བཤད་ན་ར་འཕྲོད་རྒྱུ་མེད་པ་གསལ་པོ་བྱུང་སོང།
གཟིགས་དང། ཁྱེད་ཀྱིས་བློ་སེང་་་་བོད་ཀྱི་དབུ་བཞུགས་མཁན་གྱི་དབུ་ཁྲིད་ལོ་ཅི་མ་རེད་ཟེར་འདུག། རྒྱུ་མཚན་ནི། ཁོང་ལོ་ཆུང་ཆུང་རེད། ཉམས་མྱོང་ཡོག་མ་རེད། ཅེས་བཀོད་འདུག།
ཁྱེད་ཀྱི་རྒྱུ་མཚན་འདིས་གང་ཞིག་མཚོན་གྱི་འདུག་གམ་ཟེར་ན། དེ་ནི་ལོ་རྒྱུས་ཀྱི་ཐོག་ཏུ་གཞོན་ནུ་ཞིག་་་མཐོ་སློབ་ཐོན་མ་ཐག་ཏུ་་་་ཐོད་རྒལ་་་་་རང་བཞིན་གྱིས་བོད་མི་རིགས་ཀྱི་ཆབ་སྲིད་འགོ་ཀྲིད་མཐོ་ཤོས་སུ་གྱུར་བ་སོང་དེ་ལ་མི་བཟོད་པ་ཙམ་དུ་ཟད་།

ཡང་ཀྱེད་ཀྱིས་ཁོང་འོས་ཤོག་གྲངས་མང་ཐོབ་པ་དེ་ཡག་རྟགས་ཤིག་མ་རེད་ཅེས་ཟེར་། འོ་ན་དེ་ཡག་རྟགས་ཤིག་མིན་པའི་རྒྲྱུ་མཚན་རྒྱས་ཤིང་རྒྱས་པ་ཞིག་འབྲི་
ངས་དེ་ལ་ཞིབ་ཏུ་བལྟ་འདོད་ཡོད།
ཀ་རྡོ་ལགས།

སྤོམ་སྒང་གི་་ཕུན་བཀྲིས་ལགས་ལ། བོད་ཀྱི་ལོ་རྒྱུས་ནང་གི་ཆབ་སྲིད་ཀྱི་སྐུ་དབང་ཡོངས་སུ་རྫོགས་པ་རྩིས་སྤྲོད་གནང་བ་དེ་དུས་ཀྱི་འཁོར་ཕྱོགས་ཞིག་གམ་ཡང་ན་མང་གཙོའི་འཕེལ་རིམ་དང་མཐུན་པའི་ཐོག་གནང་པ་ལས་བཀའ་ཁྲི་གསར་བ་བློ་སེང་ལ་ཆེད་དུ་གནང་བ་ཞིག་ག་ལ་ཡིན། ཁྱེད་ཀྱིས།(འདས་ཟིན་པའི་བཀའ་ཁྲི་ཚོའི་གནས་བབ་འདི་འདྲ་ཞིག་ག་དུས་བྱུང་མྱོང་ཡོད་དམ།)གསུང་འདུག་ན བློ་སེང་གི་འཇོན་ཐང་ལས་སྐུ་དབང་ཡོངས་རྫོགས་ ཧ་ཧ་ དུས་ཐོག་ཆར་འབེབས་ཞེས་པའི་ཚིག་འདི་ཅི་འདྲའི་སྙན་པ་ལ།

ཚིག་ཉུང་ངུའི་མདོར་ཙམ་ཞུས་ན། བློ་སེང་ལགས་བཀའ་ཁྲི་ཐོབ་ནས་བཟུང་ང་ཚོས་ཁོང་གུས་བཀུར་ཞུ་དགོས་ཀྱང་། ཁོང་བོད་ཆོས་སྲིད་གཉིས་ལྡན་གྱི་མི་རིགས་གཅིག་གི་དབུར་བཞུགས་པ་ལ་ལོ་ནའི་བབ་དང་། ཉམས་མྱོང་ཆུང་བ་ཙམ་མ་ཟད། ཁོང་ལ་འོས་གྲངས་ཚོད་མེད་ཀྱིས་མཐོ་བོར་ཐོབ་པ་འདི། ངས་ཉམས་མྱོང་དང་དྭོགས་པ་ལ་ནི། ཡག་རྟག་ཞེད་པོ་ཅིག་རེད་མི་བསམས་ལ། ད་དུང་ལོ་ལྔ་ཆ་ཚང་ཁུངས་འཁྱོལ་ཨ་ཡོང་སྙམ་པ་དང་། ད་དུང་དེའི་སྟེང་དུ་ལས་འཁུར་ལོ་དུས་ནང་ལ་སྐྱོན་ཡོན་གང་ཆེ་སྙམ་པའི་དྭོགས་པ་ཡང་ཡོད་ཙང་ངས་འདིར་བཤད་པ་ལས། ང་རི་ཅལ་འདྲོག་པ་ཅིག་ཡིན་མིན་ལོ་ཁ་ཤས་ཅིག་བསྒུགས་ནས་སྡོད་དང་དེ་ནས་ག་ལེར་ཧ་གོ་འགྲོ་ཡོང་ངོ་། སྤོམ་སྒང་གི་ཕུན་བཀྲིས་ལགས།

རྐ་མ་རྡོ་རྗེ་ལགས།
ངས་ད་བར་དུ་མི་སུ་ཞིག་ལའང་སྡིག་ར་བསྐུལ་མ་མྱོང་ལ།
མི་ལ་སྡིག་ར་བསྐུལ་རྒྱུའི་དབང་ཐང་དང། སྟོབས་ཤུགས་སོགས་གང་ཡང་མེད་།
ཡིན་ནའང་ཁྱེད་ཀྱིས་བོད་ཀྱི་ལོ་རྒྱུས་ཡག་ཉེས་ཚང་མ་གསུབ་ཐབས་མེད་ཟེར་དུས་ང་ལ་ཅུང་ཟད་
དོགས་འདྲོག་སྐྱེས་སོང། དེ་ནི་ཁྱེད་ཀྱི་བསམ་བློའི་ཁྱེར་སོ་དེ་ནི་འདས་ཟིན་པའི་ལོ་རྒྱུས་ཀྱི་
བྱུང་རིམ་དེ་ཚོ་དང་འབྲེལ་བ་མེད་དམ་སྙམ་བྱུང། ངས་འདིར་བཤད་པའི་དེ་རིང་གི་བཀའ་ཁྲི་དེ་་་་་འདས་ཟིན་པའི་་་བོད་ཀྱི་ལོ་རྒྱུས་ཀྱི་ནང་དུ་
ས་མཚམས་དང། ཆུ་མཚམས་དབྱེ་བ་དེ་དག་གི་གཙོས་དགྲ་ཕྱོགས་ཀྱི་འདོད་གཏམ་མང་པོ་ཞིག་ཐལ་རྡུལ་བཞིན་དུ་
བཏང་ཐུབ་པའི་ལེའུ་ཞིག་རེད་ཅེས་བརྗོད་པ་ཡིན།

ཡིན་ནའང་་་རྐ་མ་རྡོ་རྗེ་ཡི་གཙོས་མང་པོ་ཞིག་གིས་དེ་ངོས་ལེན་བྱེད་ཀྱི་ཡོད་མ་རེད།
དེ་ནི་ཅུང་ཟད་བློ་གཡེང་བྱེད་དགོས་པའི་བསམ་ཚུལ་ལ་ཞིག་ལ་ངོས་འཛིན་བྱེད་ཀྱི་ཡོད།
གང་ཡིན་ཞེ་ན། འདས་པའི་ལོ་རྒྱུས་ཀྱི་ནང་དུ་བྱུང་བའི་བོད་ལ་རྒྱ་སྡེ་དང། བོད་སྡེ་ཟེར་ལོ་རྒྱུས་དེ་བོད་དེ་དག་གིས་རྩ་ནས་ཁས་ལེན་བྱེད་ཀྱི་་མ་རེད་།
ཁྱེད་ཀྱིས་ལོ་རྒྱུས་དེ་དག་ལས་གཡོལ་ཐབས་མེད་ཟེར་བ་ནི་ཡ་མཚན་ཆེ་པོ་མ་རེད་དམ།

འདས་པའི་ལོ་རྒྱུས་ཙམ་མ་ཡིན་པར་བོད་རིགས་ཚང་མས་བཀའ་ཁྲི་གསར་པ་ཁོང་ལ་རྒྱབ་སྐྱོར་དང་རེ་བ་ཡོད་པ་ཇི་བཞིན་ཐ་ན་ལྷན་རྒྱས་ནས་བཀའ་མོ་ཚིག་གཅིག་ལས་མ་གནང་ནའང་ཁོང་དང་བོད་དོན་ཐོག་མ་གནོད་པའི་ཐབས་ལམ་ལ་འབད་དགོས་། འདི་སྐྱེ་བོ་སྒེར་པ་ཞིག་གི་མདུན་ལམ་ཙམ་མ་ཡིན་པར་མི་རིགས་ཅིག་གི་གནད་དོན་ལ་ཕུགས་བསམ་ལ་འབྲེལ་བ་ཆེས་ཡོད་པ་ཞིག་རེད་། གསལ་པོ་ཞུས་ན་སྐྱབས་རྗེ་ཟམ་གདོང་རིན་པོ་ཆེའི་སྐབས་༧གོང་སམ་ཆོག་ཕྱེད་བགྲེས་ཡོལ་དང་མཁས་དབང་བློ་སེང་སྐབས་ཆ་ཚང་བགྲེས་ཡོལ་ལ་ཕེབས་ཡོད་པས་མང་ཚོགས་ཀྱི་ཁོང་ལ་གུས་བརྩི་མ་བྱེད་པ་དང་རྒྱབ་སྐྱོར་མ་བྱེད་ན་ཁོང་མི་གཅིག་གི་བྱས་ནུས་པ་དང་བྱེད་རྒྱུ་སྡོད་པ་གང་ཡང་མ་མཐོང་། ད་ལྟ་མཐོང་སྣང་བྱེད་ན་བོད་ནང་གི་བོད་མི་ཧ་ཅང་མང་པོ་ཞིག་གི་ཁོང་བཀའ་ཁྲིའམ་སྲིད་འཛིན་འོས་ཐོབས་པར་དགའ་བསུའི་འཚམས་འདྲིའི་གླུ་གཞས་དང་སྙན་རྩོམ་དེ་བཞིན་གཏམ་བཤད་བྱེད་པ་མང་པོ་མཐོང་རྒྱུ་འདུག། འདི་ནི་ཁོང་བོད་མི་ས་ཡ་དྲུག་གི་གདམ་པའི་དབུ་ཁྲིད་ཚད་ལྡན་ཞིག་ཡིན་པའི་དངོས་རྟག་གསལ་ཤོས་དེ་རེད་བསམ་ཆོག་པ་ཡིན་། འབྲེལ་ཡོད་རྒྱ་གར་དང་འཛམ་གླིང་ས་ཕྱོགས་ག་སར་ཁོང་གི་སྐོར་ཚགས་ཤོག་སོགས་སུ་མདུན་ངོས་སུ་ཐོན་ཡོད་ཅིང་རྒྱ་ཆེར་མང་ཚོགས་ནས་དེ་ལྟར་དོ་སྣང་ཆེ་པོ་བྱེད་འདུག།

རྐ་མ་རྡོ་རྗེ་ལགས་།
བོད་ཀྱི་ལོ་རྒྱུས་ཡག་ཉེས་ཚང་མ་བོད་ཀྱི་ལོ་རྒྱུས་དང་བྲལ་ཐབས་མེད་ན་།
སིམ་ལིའི་ཆིངས་ཡིག་དང། ང་གཉིས་ལོ་ཡི་དོན་ཚན་བཅུ་བདུན། ང་དགུའུ་ལོ་
ཡི་རྒྱལ་ཚོགས་ཀྱི་སྙན་ཞུ་སོགས་ཀྱང་བོད་ཀྱི་ལོ་རྒྱུས་དང་བྲལ་ཐབས་མེད་པ་རེད་དམ།
དེ་ཡིན་ན་ལོ་རྒྱུས་དེ་དག་དུས་ནམ་ཡང་བོད་ཀྱི་ལོ་རྒྱུས་ཀྱི་ནད་འཇོག་དགོས་ཀྱི་རེད་དམ།

དེ་ཡིན་ན་ཁྱེད་ཀྱིས་བོད་འདི་ཉིད་དུམ་བུ་ཡ་བྲལ་དུ་བཏང་བ་མ་རེད་དམ།
ཁྱེད་ཀྱིས་་བཤད་པ་ལྟར་བོད་ཀྱི་ལོ་རྒྱུས་ཡག་ཉེས་ཚང་མ་བོད་ཀྱི་ལོ་རྒྱུས་དང་བྲལ་ཐབས་མེད་ཟེར་བ་དེ་ནི་སུས་ཀྱང་ཁས་ལེན་བྱེད་ཐབས་མེད་་པའི་སྐད་ཆ་ཞིག་རེད།

ངས་བལྟས་ན་ཁྱེད་་བོད་ཀྱི་གཏམ་དཔེ་ལ་་་་རི་བོང་ཅལ་འདྲོག་ཟེར་བ་ལྟར་དངོས་གནས་རེད་འདུག།
ངས་བློ་སེང་་་་་བོད་ཀྱི་ལོ་རྒྱུས་དང་བྲལ་ཐབས་མེད་ཟེར་བ་དེ་ནི་བོད་ཀྱི་ཆབ་སྲིད་ཧ་ཅང་གི་འཕོ་འགྱུར་ཆེ་བའི་དུས་འདིར་་་་་་་བོད་ཀྱི་ལོ་རྒྱུས་ནང་དུ་སྐྱུག་བྲོ་བའི་གནས་སྟངས་ཤིག་བྱུང་ཡོད་པའི་ས་ཁུལ་ནས་ཡིན་པའི་་་་་བློ་སེང་དེ་རིང་་་་བོད་གཞིས་བྱེས་གཉིས་ཀས་དགའ་མོས་ཀྱི་ཐོག་ནས་་་་་་༧་གོང་ས་གིས་སྲིད་དབང་རྩིས་སྤྲོད་བྱེད་ཡུལ་དུ་གྱུར་ཡོད་པའི་རྒྱུ་མཚན་གྱིས་ཡིན་པ་ལས་དེ་ལས་གཞན་པའི་ཕྱོགས་རེས་ཟེར་བ་དང། ངོ་དགའ་ང་བསྟོད་ཟེར་བ་དེ་ངས་ཤེས་ཀྱི་མེད་།

སྤོམ་སྒང་གི་ཕུན་བཀྲིས་ནས་

བཙན་བྱོལ་བ་ལགས།
ཁྱེད་ཀྱིས་ངས་བློ་སེང་ལ་རྒྱབ་སྐྱོར་ཡོད་མདོག་གིས་བོད་མིའི་ཆིག་སྒྲིལ་ལ་གཏོར་བཤིག་བཏང་གི་
འདུག་ཅེས་བརྗོད་འདུག།། དེ་ནི་ཁས་ལེན་བྱེད་མི་ཐུབ་ལ་བདེན་པ་མ་ཡིན་པའི་གཏམ་ཞིག་རེད།
བོད་མིའི་ཆིག་སྒྲིལ་ལ་གཏོར་བཤིག་བཏང་མཁན་ངོ་མ་དེ་ནི་་་་སྔགས་རྒན་ལྷ་ལུང་པད་རྡོ་་་ཟེར་བ་དེས་
བོད་རྒྱལ་་་འུ་་དུམ་བཙན་པོ་་འཇིག་རྟེན་ཕར་རོལ་དུ་བསྐྱེལ་བ་ནས་བཟུང་འགོ་འཛུགས་བྱས་ཡོད།
དེའི་རྗེས་སུ་་་སོག་པོ་གོང་མ་གུབ་ལིའི་ཁང་གིས་་་་་འགྲོ་མགོན་ཆོས་འཔགས་ལ་་་་བོད་ཁྲི་སྐོར་བཅུ་གསུ མ་
ཟེར་བ་ཞིག་ཕུལ་ཡོད། དེའི་ཁོངས་སུ་བོད་ཀྱི་ཡུལ་ལུང་ཡོངས་རྫོགས་ཚུད་མི་མེད། ཡིན་ནའང་
རྗེས་སུ་བོད་ཆོལ་ཁ་གསུམ་ཕུལ་བ་རེད།

དེ་ནས་ཕྱི་ལོ་ ༡༩༡༤ ལོ་ལ་བོད་རྒྱ་དབྱིན་གསུམ་གྱི་འཐུས་མི་མཉམ་འཛོམས་བྱས་ནས་ཆིངས་ཡིག་ཅིག་བཞག་ཡོད་པ་སྟེ།
ལ་ཤིང་སྟག་སིམ་ལིའི་མཆིངས་ཡིག་དང་ཞེས་བརྗོད་ཀྱི་ཡོད། མཆིངས་ཡིག་དེའི་ནང་དོན་ནི་་་་བོད་ཕྱི་མ་དང། ནང་མ།
རྒྱ་སྡེེ་དང། བོད་སྡེ། བཅས་དབྱེ་བ་ཕྱེ་བའི་་་་མེ་མ་ཧོན་ས་ཐིག་ཟེར་གྱི་ཡོག་རེད།
བོད་ མིའི་ཆིག་སྒྲིལ་ལ་གཏོར་བཤིག་ཚབ་ཆཻན་འདི་དག་བཏང་བ་མ་རེད་དམ། ཕྱི་ལོ་་་་༡༩༥༢ ལོ་ལ་པེ་ཅིང་དུ་གྲོས་མཐུན་དོན་ཚན་བཅུ་བདུན་ཟེར་བ་ཞིག་ཀྱང་བཞག་པ་མ་རེད་ དམ། དེ་ནི་བཙན་ཤཻད་ཀྱིས་བཞག་པ་རེད་ཅེས་བརྗོད་ཆོག་ཆོག་ཡོད་རྒྱུ་རེད།
ཡིན་ ནའང་ཕྱི་ལོ་༡༩༥༩ ལོ་ལ་རྒྱ་ཚོགས་སུ་སྙན་ཞུ་ཞིག་ཕུལ་ཡོད་ཀྱང་དེའི་ནང་དུ་་་རྒྱ་དམར་གྱིས་འབྲི་ ཆུ་རྒལ་ནས་བོད་ལ་བཙན་འཛུལ་བྱས་བྱུང་ཞཻས་བརྗོད་མི་འདུག་གམ། ཕྱི་ལོ་༡༩༥༩ལོ་ལ་རྒྱ་དམར་གྱིས་འབྲི་ཆུ་རྒལ་ནས་བཙན་འཛུལ་བྱས་པ་མ་གཏོགས་དེ་ ལས་གཞན་པའི་བོད་ཀྱི་ས་་ཁུལ་་་འབྲི་ཆུ་ཤར་བརྒྱད་དང། ཨ་མདོ་བཅས་ལ་བཙན་འཛུལམ་་བྱས་་པ་རེད་དམ་གང་རེད།
ཡང་རྒྱལ་ཚོགས་ལ་ཕུལ་རྒྱུའི་ཞུ་ཡིག་དེ་ལ་སུས་བཙན་ཤེད་བྱས་པ་བྱུང་ཡོད་རེད་ལགས།
བོད་མིའི་ཆིག་སྒྲིལ་ལ་གཏོར་བཤིག་ཟེར་བ་དེ་ངས་འདི་དག་ལ་ངོས་འཛིན་བྱེད་ཀྱི་ཡོད།

ཡང་ཨ་མཆོད་འཇམ་དཔལ་གྱིས།
ང་རྒྱ་ཕྱོགས་ཀྱི་འདོད་ཐོག་ཏུ་བསྐྱོད་ནས་བྲིས་དགོས་དོན་གང་ཡིན་ནམ།
ཞེས་བྲིས་འདུག།། དེ་ནི་བདེན་པ་རེད་རྒྱ་ཕྱོགས་ནས་བོད་ཟེར་བ་བོད་རང་སྐྱོང་ལྗོངས་ཙམ་ལ་འགྲེལ་བརྗོད་བྱེད་ཀྱི་ཡོག་རེད།
འགྲེལ་བརྗོད་དེ་དག་རྒྱུ་མཚན་གང་ལ་བརྟེན་ནས་བཤད་ཀྱི་ཡོད་མེད་ཁྱེད་ཀྱི་ཤེས་ཀྱི་ཡོད་དམ། དེ་ནི་ངས་བགྲངས་ཟིན་ལོ་རྒྱུས་དེ་
ཚོ་མ་རེད་དམ། དེ་ཡིན་ན་ནི་ངས་དེ་རིང་༧་གོང་ས་མཆོག་གིས་ཆབ་སྲིད་ཀྱི་དབང་ལུང་ཡོངས་རྫོགས་འོས་འདེམས་པའི་འགོ་ཁྲིད་
ལ་རྩིས་སྤྲོད་གནང་བ་དེ་བོད་ཀྱི་ལོ་རྒྱུས་ཀྱི་ཐོག་གི་།ཐོག་མ་རེད། རྒྱུ་མཚན་འདི་དག་ལ་བརྟེན་ནས་ངས་དེ་རིང་གི་བཀའ་ཁྲི་དེའི་
ཡོང་ཁོངས་ཀྱི་ཆ་ནས་སྔོན་ནས་ལོ་རྒྱུས་ཀྱི་དོན་སྙིང་ལྡན་པ་ཞིག་བྱུང་ཡོག་རེད་ཅེས་བརྗོད་དོན་དེ་རེད།
དེ་ལས་གཞན་པའི་རྒྱ་ཡི་འདོད་ཕྱོགས་དང། བོད་མིའི་ཆིག་སྒྲིལ་ཟེར་བ་དེ་ཚོ་དང་འབྲེལ་བ་རྩ་བ་ནས་མེད་པ་རེད།
མདོར་ན། དེ་རིང་གི་བཀའ་ཁྲི་ཡོང་སྟངས་ཀྱི་ཆནས་སྐྱུག་བྲོ་བའི་ལོ་རྒྱུས་དེ་དག་ནག་གསུབ་ཏུ་བཏང་ཐུབ་པའི་་་ལོ་རྒྱུས་ཀྱི་འགག་རྡོ་ཆེན་པོ་
ཞིག་བསྐྲུན་ཐུབ་པ་མ་རེད་དམ།

ཡང་ ཁྱེད་ཀྱིས་སྔོན་བོད་མའི་མཐོ་རིམ་གྱི་དཔོན་རིགས་ཚོ་ལ་བོད་མི་ཡོངས་ཆིག་སྒྲི་ ལ་བྱེད་རྒྱུའི་བསམ་འདུན་ཤུགས་ཆེ་ཡོད་རེད་ཅེས་བརྗོད་འདུག།། དེ་ལ་ང་ཅུང་ཟད་འདྲོགས་དགོས་བྱུང་སོང། གང་ཡིན་ཞེ་ན་་་་་ཁྱེད་ཀྱི་དཔེ་མཚོན་དུ་་སྱིན་བློན་ཀླུ་ཁང་པ་་་་ཞེས་བརྗོད་ འདུག།
ཁོང་ དེ་དུས་སྲིད་བློན་ངོ་མ་མ་རེད་། ཁོང་དེ་དུས་སྲིད་ཚབ་རེད། གལ་ཏེ་ཁོང་ལ་དེ་འདྲའི་བསམ་ཚུལ་ཞིག་ཡོད་པའི་དབང་དུ་བཏང་ཡང་དེས་བོད་ཀྱི་མཐོ་ རིམ་དཔོན་རིགས་ཚོིའི་བསམ་ཚུལ་ཇི་ལྟར་མཚོན་ཐུབ་བམ། ༧གོང་ས་སྐུ་ཕྲེང་བཅུ་གསུམ་པ་ཆེན་པོས་་་་མཐོ་རིམ་
དཔོན་ རིགས་ཚོ་ལ་་་་ཁམས་དང། ཨ་མདོ་བཅས་ལ་རང་ས་རང་སྲུང་གི་ཆེད་དུ་གོ་ལག་ཆ་སྤྲད་དགོས་ཞེས་བཀའ་ཕེབས་ཡོད་ ཀྱང་དེ་དག་ཅིའི་ཕྱིར་མ་བསྒྲུབ་རེད། ཡང་༧གོང་ས་བཅུ་གསུམ་པ་ཆེན་པོ་་་་་་ས་ཁུལ་དེ་གཉིས་ཀྱི་ཕྱོགས་སུ་ཡོད་བྱིས་པ་ བློ་རིགས་བཀྲ་ཚོ་བསྡུ་རུབ་བྱེད་་་་་་་དབྱིན་ལེན་་་་་དུ་སློབ་སྦྱོང་ལ་བཏང་ དགོས་ཞེས་བཀའ་དང། དགོངས་ཚུལ་ཡོད་པ་དེ་དག་ལག་ལེན་མ་འཁེལ་དེ་ལ་སུས་བཙན་ཤེད་བྱས་པ་རེད། མཐོ་རིམ་པ་ཚོ་ཁྱེད་ཀྱིས་བརྗོད་པ་ལྟར་བསམ་ཚུལ་དེ་མེད་པ་མཚོན་གྱི་མི་འདུག་གམ།

སྤོམ་སྒང་གི་ཕུན་བཀྲིས་ནས།

མགོ་ནག་བོད་མི་་་མི་རེ་ངོས་རེ་ནས་་་་བོད་ཀྱི་ལོ་རྒྱུས་དང་ཁ་བྲལ་ཐབས་ཡེ་ནས་མེད
རྒྱུ་མཚན་ནི་ཁྱེད་ཀྱི་གསུང་བཞིན་པའི་རུལ་དྲི་བྲོ་བའི་ལོ་རྒྱུས་དེ་དང་འབྲེལ་བས་སོ།།།།

ངས་བྲིས་པའི་ཡིག་རྙོགས་འདི་ལ་བགྲོ་གླེང་བྱེད་པོ་ཚོ་ལ།
ཁྱེད་རྣམས་ཀྱི་རྣོ་ངར་ལྡན་ཞིང་དོན་སྙིང་ཡོད་པའི་མཆན་བུ་གང་ཚོད་བྲིས་ཀྱང།
ངས་སྐབས་མཚམས་སྐབས་མཚམས་ཕྱོགས་བསྡོམ་བྱེད་ནས་རིག་པའི་རྒོལ་ལན་ཡར་བསློག་བྱེད་ཀྱི་ཡིན།
དགོངས་དག་ངས་མཆན་རེ་ལ་ལན་རེ་བྲིས་ཁོམ་མི་འདུག།
སྤོམ་སྒང་གི་ཕུན་བཀྲིས་ནས་

སྤྱིར་བློ་བཟང་སེང་གེ་ལ་བཀའ་ཁྲིའི་འོས་ཐོབ་པ་ལ་ཁོ་བོས་ཀྱང་བསྔགས་བརྗོད་དང་རྒྱབ་སྐྱོར་ཞུ་བཞིན་ཡོད། རྒྱབ་སྐྱོར་འདི་ནི་འདས་པ་ཙམ་མ་ཟད་ད་ལྟ་ཡང་ཞུ་བཞིན་ཡོད། འོན་ཀྱང་བླ་སེང་གི་རྒྱབ་སྐྱོར་བ་སྤོམ་སྒང་ཕུན་བཀྲ་ཤིས་གཏོགས་པའི་འགའ་རེས་ཡིས་བློ་སེང་ལ་རྒྱབ་སྐྱོར་ཡོད་པ་རྒྱུ་མཚན་དུ་བྱས་ཏེ་བོད་ནང་ཁུལ་ལ་གཅིག་སྒྲིལ་དང་འཆམ་ནུས་ཀྱི་ནུས་པ་གཏོར་བཤིག་གཏོང་རྒྱུའི་རྩོམ་དང་རྙོག་གཏམ་རིགས་འདྲ་མིན་སྤེལ་བ་ལ་ཁོ་བོ་གཏན་ནས་རྒྱབ་སྐྱོར་མེད། སྤྱིར་ཁྱེད་ཀྱི་དཔྱད་རྩོམ་སྤེལ་བ་ནི་ཁྱེད་ཀྱི་རང་དབང་ཡིན། འོན་ཀྱང་རང་དབང་དང་སྤྱི་ཚོགས་བརྟན་ལྷིང་གི་འགན་ཁུར་གཉིས་འབྲལ་དུ་མི་རུང་། ད་ལྟ་ང་ཚོའི་བོད་དེ་རྒྱལ་དབང་མཆོག་གི་མགོན་དཔུང་འོག་རྡོག་རྩ་འོ་ཆུ་གཅིག་སྒྲིལ་ཡོད་པའི་སྐབས་ལ་གཏོར་བཤིག་གཏོང་རྒྱུའི་ངན་བཅངས་ཀྱིས་རྩོམ་སྤེལ་བ་ནི་ཡག་པོ་མིན། ཁྱེད་ལ་ཀུན་སློང་དེ་ལྟ་བུ་ཡོད་མེད་མི་ཤེས་མོད། ཡིན་ན་ཡང་། རྩོམ་ཡིག་ལ་བལྟས་ནས་ཁྱེད་ཀྱི་སེམས་ནང་གི་ཚོར་བ་ཇི་འདྲ་ཡོད་པ་ཧ་ལམ་ཤེས་ཐུབ། ཆོལ་ཁ་དང་ཆོས་ལུགས་དང་ལུང་ཚན་གྱི་ཐ་སྙད་སྤྱོད་རྒྱུ་མང་དྲག་པའི་རྐྱེན་གྱིས་ང་ཚོ་བོད་རིགས་ནང་དུ་སྐད་ཆ་དང་རྩོམ་གང་སྤེལ་བ་ཡིན་ན་ཡང་། ཕན་ཚུན་ཡིད་མ་ཆེས་པ་དང་དོགས་པ་འདྲ་མིན་ཟ་དགོས་པ་ཆགས་རྒྱུའི་ཉེན་ཁ་འདུག གོང་གི་འདི་ཁོ་བོ་སྒེར་གཅིག་གི་བསམ་ཚུལ་ཙམ་ཡིན་པས་ཧ་ཅང་འདྲོགས་དགོས་དོན་མེད།

བློ་བཟང་སེངྒེ་ལགས་སྐབས་གསུམ་པའི་བཀའ་བློན་ཁྲི་བར་འདེམས་ཐོན་བྱུང་བར་སེམས་སྟེང་ནས་བཀྲ་ཤིས་བདེ་ལེགས་ཞུ་བ་དང་ཆབས་ཅིག སྦོམ་ལྒང་ཕུན་བཀྲས་ཕྱོགས་ལྷུང་ཚད་རྒལ་གྱིས་འུད་བསྟོད་ལ་དངོས་གནས་སུན་སྣང་སྐྱེས་བ་ཞིག་རེད། འཇིག་རྟེན་གཏམ་དཔའི་ལ། བསྟོད་མི་ཤེས་མཁན་གྱིས་བསྟད་པ་ལས།། སྨད་མི་ཤིས་མཁན་གྱིས་སྨད་ན་དགའ།། ཞེས་བ་བ་ལས་མ་འདས་སོ།། ཁོ་བོས་ལྟོས་ན་བསྟན་འཛིན་ཚེ་མཚོས་གསུང་བ་དེ་དངོས་གནས་བདེན་པར་སྣང་།།

སྤོམ་སྒང་ཕུན་བཀྲ་ཤིས་ཀྱིས་བཤད་པའི་སྐད་ཆ་སྦོམ་པོ་སྦོམ་པོ་དེ་ལ་མོས་མཐུན་བྱེད་དཀའ་ཙམ་གདའ།

མདོར་བསྡུས་ནས་བཤད་ན་བློ་སེང་ནི་བྱེས་ཀྱི་མི་ཉིས་ཁྲི་བདུན་སྟོང་བཅོ་ལྔའི་དཔོན་པོ་རེད་དཱ། ཧ་ཧ་ཧ་

བསམ་ཚུལ་ནི་བསམ་ཚུལ་རང་རེད། སུ་ཞིག་གིས་བརྗོད་མི་ཆོག་པ་དང། སུ་ཞིག་དྲན་མི་ཆོག་པ་ཞིག་མ་རེད་མོད། འོན་ཀྱང། དངོས་ཡོད་ཀྱི་གནས་བབས་དང་བསྟུན་ཏེ་སྐད་ཆ་ཤོད་པ་དང། ལུགས་དང་མཐུན་པའི་སྐད་ཆ་རེ་ཤོད་རྒྱུ་ནིི་གལ་ཆེན་ཞིག་ཏུ་མཐོང།

འོན་གོང་གི་བཤད་བརྗོད་པ་དང་འགྲེལ་བརྗོད་པ་གང་རུང་གི་བསམ་ཚུལ་ཡག་པོ་འདུག
བདག་གིས་བསམ་ནའང་བློ་སེང་ནི་ལོ་རྒྱུས་རང་བཞིན་གྱི་མི་སྣ་ཞིག་ཏུ་འདོད་པ་ནི་བདེན་པར་མ་འཁུམས་མོད། དུས་རབས་འདི་དང་མཚམས་པའི་གཞོན་སྐྱེས་ཤེས་ཡོན་ཅན་ཞིག་ཡིན་པ་ནི་སུས་ཀྱང་འགོག་ཐབས་བྲལ། འོན་ཀྱང་ང་ཚོའི་བཙན་བྱོལ་ནང་དུ་བཀའ་བློན་ཁྲི་པའི་གོ་ཐོབ་སྟེ་བོད་ཆོལ་གསུམ་མཚོན་པའི་མི་སྣ་ཞིག་ཏུ་བརྩི་ཆོག་པ་ལས་བོད་མི་རིགས་ཀྱི་རྒྱལ་རབས་ལོ་རྒྱུས་ཀྱི་སྲིད་འཛིན་ལྟ་བུ་ནི་བོད་རང་དབང་མ་ཐོབ་པར་དུ་ནམ་ཡང་ཡོང་ཐབས་བྲལ་བ་ཞིག་ཡིན། རྒྱུ་མཚན་ནི། ང་ཚོའི་འོས་བསྡུ་བྱེད་སྟངས་ཡིན་ནའང། རང་བཙན་ལག་དེབ་གཞིེར་བཟུང་གིས་འོས་བསྡུ་བྱེད་གྱིན་ཡོད་པས་ན། བོད་བརྒྱ་ཆའི་བརྒྱད་བཅུ་ནས་ཐོབ་ཐང་དེ་བླངས་ལེན་ཐུབ་གི་མེད། བཀའ་ཁྲི་སུ་ཞིག་ཡིན་ནའང་ཆོལ་ཁ་གསུམ་གྱི་སྲིད་འཛིན་ཡིན་པའི་ངོས་འཛིན་འོག་ བོད་རྒྱལ་རབས་ལོ་རྒྱུས་ཀྱི་བོད་རྒྱལ་རིམ་བྱུང་གི་མིང་ལྟ་བུར་ངོས་འཛིན་བྱེད་རྒྱུ་ནི་བཀའ་ཁྲི་སུ་ཞིག་གི་འཇོན་ཐང་དངོས་ལ་རེག་ལས་བ་རེད།