དེ་རིང་ཨ་མདོ་རྔ་པ་ཁུལ་ཨ་འདུས་ཡུལ་ཚོའི་དགེ་འདུན་པ་ཞིག་འདི་གའི་གསར་ཁང་ལ་ཆེད་དུ་བཅར་ཏེ། ཉེ་ལམ་རྒྱ་གཞུང་གིས་རྔ་པ་ཀིརྟི་དགོན་གྲོང་གཉིས་སུ་དམ་དྲག་བྱེད་མགོ་བཙུགས་པ་དང་བསྟུན་ཏེ། ཨ་འདུས་ས་ཁུལ་དུའང་དོན་རྐྱེན་མང་པོ་ཞིག་བྱུང་གི་ཡོད་པའི་གནས་ཚུལ་མཁོ་སྤྲོད་བྱས་སོང་།
ཁོང་གིས་བརྗོད་པ་ལྟར་ན། ཉེ་ལམ་རྔ་པ་ཀིརྟི་དགོན་པའི་གྲྭ་ཕུན་ཚོགས་ལགས་ཀྱིས་རང་ལུས་མེར་བསྲེགས་བཏང་བའི་གནས་ཚུལ་བྱུང་རྗེས། ཨ་འདུས་མཐའ་བའི་ཚེ་རིང་བཀྲ་ཤིས་ཞུ་བ་ཞིག་དང་དོན་པོ་ཞུ་བ་གཉིས་རྒྱ་གཞུང་གིས་འཛིན་བཟུང་བྱས་ཡོད་འདུག་ལ། རྗེས་སུ་དོན་པོ་ཨ་འདུས་དགོན་པས་རྒྱ་ལག་ནས་ཚུར་ལེན་ཐབས་བྱས་ཡོད་ཀྱང་། ཚེ་རིང་བཀྲ་ཤིས་ཞུ་བ་ཁོང་དུས་དེ་ནས་བཟུང་ད་ལྟའི་བར་གར་སོང་ཅི་ཆགས་ཀྱི་གནས་སྟངས་ཤེས་རྟོགས་མེད་པ་ཆགས་ཡོད་འདུག ཁོང་གཉིས་ཉེ་ལམ་རྔ་པ་ཀིརྟི་དགོན་གྲོང་གཉིས་ཀྱིས་རྒྱ་གཞུང་ལ་ངོ་རྒོལ་ཡར་ལངས་བྱེད་མཁན་གྲས་ཡིན་འདུག་ལ། ཚེ་རིང་བཀྲ་ཤིས་ཞུ་བ་ཁོང་ ༢༠༠༨ ལོའི་ཞི་རྒོལ་ཆེན་མོའི་ནང་དུའང་ཞུགས་ཡོད་པ་མ་ཟད། སྐབས་དེར་རྒྱ་གཞུང་གིས་བརྙན་འཕྲིན་ནང་བླངས་ཡོད་པ་ཞིག་ཡིན་འདུག
ཨ་འདུས་དགོན་དང་རྔ་པ་རྫོང་གཉིས་བར་མཛོག་ཆུ་ཟེར་བ་ཞིག་ཡོད་པ་དེའི་ཟམ་པའི་སྟེང་རྒྱ་དམག་གིས་བརྟན་སྲུང་བྱས་ཏེ། ད་ཆར་ཨ་འདུས་དགོན་གོང་འགབ་གཉིས་ཀྱི་དགེ་འདུན་པ་རྣམས་རྔ་པ་རྫོང་ཐོག་ཏུ་འགྲོ་སྐྱོད་བཀག་སྡོམ་བྱས་ཡོད་འདུག
ཁོང་གིས་གནས་ཚུལ་གཞན་ཞིག་ངོ་སྤྲོད་བྱས་པའི་ནང་། ཉེ་ལམ་བོད་པའི་ལོ་གསར་རྗེས་སུ་ཁོང་ཅག་གི་ས་གནས་དེར་བོད་ཀྱི་སྐད་ཡིག་དག་ཐེར་འགྲན་བསྡུར་གྱི་བགྲོ་གླེང་ཚོགས་འདུ་ཆེན་པོ་ཞིག་ཚོགས་ཡོད་པ་དང་། སྐབས་དེའི་ཐོག་མའི་འཆར་གཞི་ལྟར་ན། སྐད་ཡིག་ཚོགས་འདུ་དེར་མདོ་སྨད་ཀྱི་ས་ཁུལ་ཡོངས་ནས་ཚོགས་ཞུགས་པ་བསྡུ་རྒྱུའི་གོ་སྒྲིག་ཡོད་ཀྱང་། རྗེས་སུ་ལེགས་འགྲུབ་མ་བྱུང་བར་རྔ་པ་ཁུལ་འོག་གི་རྫོང་ཁག་ ༡༣ གྱི་ཚོགས་ཞུགས་འཐུས་མི་ ༣༠༠༠ ལྷག་མཉམ་ཞུགས་གནང་ཡོད་འདུག བྱ་འགུལ་དེ་ནི་ཆབ་སྲིད་དང་འབྲེལ་བ་མེད་པའི་མི་རིགས་ཀྱི་སྐད་ཡིག་གི་གནས་ཚུལ་ཞིག་ཆགས་ཡོད་སྟབས། སྐབས་དེར་རྒྱ་གཞུང་གིས་ཐད་ཀར་བཀག་འགོག་བྱ་ཐུབ་མེད་ཀྱང་། བགྲོ་གླེང་མཇུག་བསྒྲིལ་རྗེས་རྒྱ་གཞུང་གིས་ཤཱེ་བ་རུ་ཆེན་གྱི་རུ་དཔོན་པུའུ་ལོ་དང་ཕུར་ཆུང་རྣམ་གཉིས་མང་ཚོགས་ལ་དོན་དམ་ཡག་པོ་མེད་པའི་ཉེས་མིང་འོག་ལས་གནས་ལས་གནས་དབྱུང་བཏང་ཡོད་འདུག
དེ་མིན། ས་བྱི་ཞི་རྒོལ་ཆེན་མོའི་སྐབས་རྒྱ་གཞུང་གིས་བོད་པའི་ཐོག་དྲག་གནོན་བྱེད་སྐབས། རྒྱ་ནག་གཞུང་འབྲེལ་གསར་ལམ་ཁག་ཅིག་ཐོག ཨ་འདུས་གྲོང་པའི་སྐལ་འཚམ་ཞུ་བའི་རྒན་པོ་ཞིག་གིས་རྒྱ་ནག་དམར་གཞུང་ལ་བསྟོད་སྔགས་དང་། བོད་པ་ཚོའི་བྱེད་སྟངས་ལ་སྐྱོན་བརྗོད་བྱས་ཡོད་སྟབས། ཉེ་ལམ་ས་གནས་བོད་མི་འགའ་ཞིག་གིས་ཁོང་ལ་ཉེས་རྡུང་གང་འཚམ་བཏང་ཡོད་འདུག་ལ། ད་ཆར་ས་གནས་དེ་གའི་དགོན་གྲོང་གཉིས་ནས་ཁོང་ལ་བདག་པོ་གང་ཡང་མ་བརྒྱབ་པར་སྣང་མེད་དུ་བཞག་ཡོད་འདུག
བཀུར་འོས་དྲ་གྲོགས་ཅང་མེད་ལགས།
བཀའ་དྲིན་ཆེ། བུ་མོ་ངས་ཀྱང་དེ་ལྟར་ཡིན་པའི་ངོས་འཛིན་ཡོད་མ་གཏོགས་པའི་བྱེ་བྲག་པ་ཞིག་གི་གནས་ཚུལ་མིན་པར་སྔར་ནས་ཤེས་ཡོད།
༼༼ཉེ་ལམ་ས་གནས་བོད་མི་འགའ་ཞིག་གིས་ཁོང་ལ་ཉེས་རྡུང་གང་འཚམ་བཏང་ཡོད་འདུག་ལ། ད་ཆར་ས་གནས་དེ་གའི་དགོན་གྲོང་གཉིས་ནས་ཁོང་ལ་བདག་པོ་གང་ཡང་མ་བརྒྱབ་པར་སྣང་མེད་དུ་བཞག་ཡོད་འདུག༽༽ འདི་ནི་ནོར་འཁྲུལ་གྱི་བྱ་བ་ཞིག་རེད། གང་ལགས་ཟེར་ན་རྒན་པོ་དེ་ལ་རང་རིགས་ཀྱི་ད་ལྟའི་གནས་བབས་ངོ་སྤྲོད་ཀྱིས་ཤེས་རྟོགས་བྱེད་དུ་འཇུག་དགོས། དེ་ནས་བློ་འགུག་གིས་གྲོགས་སུ་བསྒྱུར་དགོས་པ་ལས་དགྲ་རུ་བརྩི་མི་རུང་།
བུ་མོ་ཚེ་སྐྱིད་ལགས། ཁྱེད་པུའི་སྡུག་མ་ཡིན་པ་བོད་པ་ཚང་ཀི་སྡུག་རེད།
ཨ་འདུས་དགོན་གྲོང་གཉིས་བོད་མི་ཡིན་ནམ།
མིན་ན་གནས་ཚུལ་ལོག་ཁ་རེད། བོད་རིགས་ཡིན་ན་ང་ཚོ་ཚང་མའི་ནུས་པ་མཉམ་དུ་་འདོན།
རྔ་བ་ཚེ་སྐྱིད་ལགས་སྔར་སྲོང་བཙན་སྒམ་པོ་རྒྱ་མོས་བསླུས་པ་རེད།
ད་ཆ་བོད་མོས་རྒྱ་རྒན་དེ་རིགས་བསླུ་ཐུབ་པ་ཐུག་གམ།
ང་ཚོས་དམག་རྒྱབ་ནས་ཐུབ་ཀྱི་མ་རེད།
ད་མགོ་སྐོར་གཡོ་འཕྲུལ་བསླུ་བྲིད་ཀྱིས་རང་དབང་ཐོབ་ཐབས་ཤིག་གནང་ན་ལེགས།
བོད་མོ་ཚོར་རྣམ་པ་ཡོད་ན་རྣམ་པ་ཡོད་པའི་ལས་དོན་ཤིག་བྱེད་རོགས།
བོད་ཆོལ་གསུམ་ཡོངས་ནས་ཞི་བའི་ཡར་ལང་ཆེན་པོ་ཞིག་གནང་ན་ཏན་ཏན་རྒྱ་ནག་དང་རྒྱལ་སྤྱིའི་ཐོག་ནས་གྲུབ་འབྲས་ཤིག་ཡོང་ཐག་ཆོད་རེད།་་ དེ་མིན་ས་གནས་རེ་ཟུང་གི་ལས་འགུལ་གྱི་ནུས་པ་ཐོན་ཁག་པོ་རེད།་
ད་ཡིན་ན། བུ་མོ་ངའི་ཕ་ཡུལ་དགོན་ཁག་དང་མི་མང་ཚང་ཚར་འགྲོ་གི་ཡ། ད་ཡིན་ན། རྒྱ་གཞུང་གིས་རང་ཚོད་བཟུང་ན་རེད། ད་ཡིན་ན། ཨུ་ཐུག་ཐབས་ཟད་ལ་བསྐྱལ་གྱིན་འདུག་ཡ། ད་ཡིན་ན། ང་ཚོའི་མཐུན་སྒྲིལ་གྱི་ངར་ཤུགས་ཆེ་དགོས་ཀི་ཡ། ད་ཡིན་ན། འཐབ་རྩོད་ཀྱི་གསལ་བོ་ཞིག་དགོས་ཀི་ཡ། ད་ཡིན་ན། རིགས་ཀྱི་སྤུན་ཟླ་རྣམ་པའི་ནུས་ཤུགས་ཆེན་པོ་ཞིག་འདོན་རན་རེད་ཡ། ཨོ་རེད་ལགས། ད་ལྟའི་བུ་མོ་ངའི་ཕ་ཡུལ་གྱི་དགོན་གྲོང་ལ་དཀའ་ངལ་རབ་དང་རིམ་པ་མང་པོ་མང་པོ་ཞིག་བྱུང་བའི་སྐབས་སུ། རིགས་ཀྱི་སྤུན་ཟླ་རྣམ་པའི་ནུས་ཤུགས་གཅིག་ཏུ་བསྒྲིལ་བ་ལོ་རྒྱུས་ཀྱིས་བརྗེད་སྲིད་ཀི་མ་རེད་ལ། ད་རུང་། སྐྱིད་སྡུག་མཉམ་མྱོང་གིས་དེ་བས་ཀྱང་བསྐྱུད་ཐུབ་ཀྱི་མ་རེད།
གོང་གསལ་གནས་ཚུལ་དེའི་སྐོར་ལ་ཞིབ་ཏུ་རྒྱུས་ལོན་ཞུ་འདོད་ཡོད་རིགས་ཚོས་ཁ་པར་ཨང་གྲངས་ ( ༩༨༨༢༢༢༤༢༩༢ ) འདི་ལ་འབྲེལ་བ་གནང་རོགས།