སྨན་རྩིས་མཐོ་སློབ་ཀྱི་དགེ་རྒན། བསྟན་པ་བཀྲ་ཤིས།
བོད་གངས་ཅན་པའི་མེ་ཏོག་གང་ལ་ཕོག་པའི་ལྷ་སྐལ་འཕགས་མཆོག་སྤྱན་རས་གཟིགས་མི་ཡི་གར་དུ་རོལ་ཏེ་ཁ་བ་རི་བ་རྣམས་ཐུགས་བརྩེས་ཇི་ལྟར་བསྐྱངས་པའི་ལོ་རྒྱུས་ཀྱི་ཆུ་རྒྱུན་ཤིན་ཏུ་རིང་ཞིང་། དེ་ཡང་༸རྒྱལ་མཆོག་སྐུ་ཕྲེང་ལྔ་བ་ཆེན་པོས་དུས་རབས་བཅུ་བདུན་ཏེ་ཕྱི་ལོ་ ༡༦༤༢ ཙམ་ནས་བོད་ཀྱི་ཆོས་སྲིད་གཉིས་ཀྱི་མངའ་དབང་དགེ་བཅུའི་ཁྲིམས་ཀྱིས་བསྐྱངས་པའི་དུས་རབས་ཀྱི་འགྱུར་མཚམས་དེ་ནས་བཟུང་༸རྒྱལ་མཆོག་སྐུ་ཕྲེང་ན་རིམ་གྱིས་དགའ་ལྡན་ཕོ་བྲང་གི་མཚན་ཐོག་ནས་ཆོས་སྲིད་བགྱིད་སྒོ་མཐའ་དག་ལེགས་པར་བསྐྱངས་པའི་བཀའ་དྲིན་མངོན་པར་མཐོ་ཞིང་། ཁྱད་པར་དུ་བོད་གྱི་གནས་བབ་ཆེས་ཤིན་ཏུ་ཛ་དྲག་གི་སྐབས་དེར་༸རྒྱལ་མཆོག་སྐུ་ཕྲེང་བཅུ་བཞི་བ་ཆེན་པོ་མཆོག་གིས་སྐུའི་ན་ཚོད་ཧ་ཅང་ཕྲ་ན་ཡང་མི་འཇིགས་སྤོབས་པ་ཆེན་པོས་ལུགས་གཉིས་ཐུགས་འགན་བཞེས་ཏེ། སྔར་སྲོལ་གཞུང་འཛིན་ལམ་ལུགས་མང་དག་ཅིག་ལ་དེ་དུས་ནས་ལེགས་བཅོས་མཛད་ནས་བོད་ཀྱི་གནས་བབ་ཛ་དྲག་ཅན་དེ་སྐྱོབས་ཐབས་ཀྱི་ཐབས་ཤེས་ཡོད་རྒུ་རྩལ་འདོན་གནང་ཡང་། ཤར་ཕྱོགས་གཏུམ་སྤྱོད་ཀྱི་མེ་ལྕེ་འགོག་ཐབས་བྲལ།
ཕྱི་ལོ་ ༡༩༥༩ ལོར་རྒྱ་གར་འཕགས་པའི་ཡུལ་དུ་བཙན་བྱོལ་དུ་ཕེབས་དགོས་བྱུང་བ་ནས་གསར་གཏོད་དང་མདུན་སྐྱོད། ཡར་རྒྱས་གོང་འཕེལ་གྱི་ཕྱོགས་སུ་བཅོས་བསྒྱུར་ཇི་སྙེད་ཅིག་གནང་བའི་བཀའ་དྲིན་ལ་བརྟེན།
ལྷག་དོན་ཉེ་ཆར་༸གོང་ས་སྐྱབས་མགོན་ཆེན་པོ་མཆོག་གིས་སྐབས་བཅུ་བཞི་བའི་གྲོས་ཚོགས་ཚོགས་དུས་བཅུ་གཅིག་པའི་ཐོག་གསུང་འཕྲིན་རིན་པོ་ཆེ་བསྩལ་བའི་དགོངས་དོན་ལྟར་ཚོགས་ཆེན་འདིའི་སྟེང་ནས་དགའ་ལྡན་ཕོ་བྲང་གི་མཚན་ཐོག་ནས་སྲིད་དབང་སྐྱོང་བའི་ལམ་ལུགས་དེ་བཀྲ་ཤིས་རྒྱལ་ཁའི་ངང་མཇུག་སྒྲིལ་བྱ་རྒྱུ་སྤྱི་མོས་དང་མང་མོས་ཀྱི་ལམ་ནས་ཐག་གཅོད་བྱས་ཏེ་ལོ་རྒྱུས་ཀྱི་ཀྱོག་མཚམས་འདི་ནས་མ་འོངས་རྒྱང་བསྐྱོད་ཀྱི་ལམ་ཕྱོགས་གསར་བ་ཞིག་ཐབས་འཚོལ་བྱ་དགོས་ཤིང་། དེ་ཡང་ལམ་སྲོལ་ལུགས་སྲོལ་ཙམ་ལ་དད་ཞེན་བྱེད་པ་ལྟ་བུ་མ་ཡིན་པར་མང་གཙོའི་འགྲོ་ལུགས་དང་མཐུན་ཞིང་། ངེས་དོན་དུ་ཕྱི་ནང་བོད་མིའི་དད་གུས་མངོན་འདོད་དང་། བོད་མིའི་དུས་གསུམ་དགེ་ཕན་གཞི་རྩར་བཟུང་སྟེ་བོད་མིའི་སྐྱིད་སྡུག་ལེགས་ཉེས་ཐམས་ཅད་༸གོང་ས་སྐྱབས་མགོན་ཆེན་པོ་མཆོག་གི་སྐུ་ཕྲེང་ན་རིམ་གྱི་གསང་གསུམ་མཛད་འཕྲིན་གྱི་སྐྱབས་འོག་ནས་ནམ་ཡང་འདོར་བ་མེད་པའི་རྗེས་འཛིན་གསོལ་འདེབས་ཞུ་རྒྱུ།
འཕགས་མཆོག་སྤྱན་རས་གཟིགས་ནི་མཉམ་མེད་ཤཱཀྱ་སེང་གེས་ལུང་དུ་བསྟན་པའི་བོད་མིའི་ལྷ་སྐལ་གཅིག་པུ་ཡིན་པར་བརྟེན། མང་གཙོའི་རྒྱལ་ཁབ་གཞན་གྱི་ལམ་སྲོལ་ལྟར་རྒྱལ་པོ་ལྟ་བུའི་ཆེས་མཐོའི་མཚན་གནས་ཤིག་ངེས་པར་འབུལ་དགོས་ཤིང་། དེ་ཡང་བོད་མི་རིགས་ཀྱི་སྐྱབས་མགོན་ལྷ་སྐལ་ཞེས་པ་ལྟ་བུའི་ཆེས་མཐོའི་དབུ་ཁྲིད་ཀྱི་མཚན་གནས་ཤིག་ཚོགས་ཆེན་འདིའི་སྟེང་ནས་ཐག་བཅོད་བྱ་རྒྱུ་འམ་ཡང་ན་རྒྱ་ཆེའི་བོད་མི་ཡོངས་ཀྱིས་འོས་འཕེན་གྱི་ལམ་ནས་ཐག་གཅོད་བྱ་རྒྱུའི་ལས་རིམ་ཞིག་ཚོགས་ཆེན་འདི་ནས་གཏན་འབེབས་བྱ་རྒྱུ།
རྒྱལ་ཁབ་ཕྱི་ནང་གི་གཞུང་དང་སྒྲིག་འཛུགས་གང་འདྲ་ཞིག་ཡིན་ཡང་ལས་འཁུར་དམ་འབུལ་ཞུ་རྒྱུ་ནི་དར་སྲོལ་ལག་ལེན་ཡོད་པའི་གལ་ཆེའི་སྤྱི་ཁྲིམས་ཤིག་ཡིན་པར་སོང་རང་རེའི་ཆེས་མཐོའི་ཁྲིམས་པ་ཆེན་མོ་དང་། སྤྱི་འཐུས་ཚོགས་གཙོ། བཀའ་བློན་ཁྲི་པ་བཅས་ཀྱི་དམ་འབུལ་ཞུ་ཡུལ་སྔར་རྒྱུན་བཞིན་༸གོང་ས་སྐྱབས་མགོན་ཆེན་པོ་མཆོག་གི་སྤྱན་སྔ་ནས་འབུལ་ལམ་ཞུ་རྒྱུ་བཅས་ཀྱི་བསམ་ཚུལ་དུ།
ཡ་བསྟན་པ་ཀྲ་ཤིས་ལགས་། ཁྱོད་ཀྱིས་སེམས་ཁུར་བྱེད་པ་དེ་འགྲིག་པ་རེད་། ཡིན་ན་ཡང་
ང་ཚོས་༧གོང་ས་མཆོག་ལ་མཚན་བསྟོད་འབུལ་དགོས་ཀྱང་། ༧རྒྱལ་བ་རིན་པོ་ཆེ་ཞེས་པའི་མཚན་དེ་ལས་ལྷག་པ་ཞིག་ང་ཚོའི་རིག་ཞུང་ནང་ནས་མི་རག་ཐག་ཅོད་རེད་།
ཡོད་ན་སྟོན་ཤོག་དང་
ལས་ཁུར་དམ་བཅའ་དེ་ཡང་ད་ལྟ་ཙམ་མིན་པར་མ་འོངས་པར་གཅིག་གྱུར་སྲ་བརྟན་དང། ག་དུས་ཡིན་ན་དམ་བཅའ་འབུལ་ཆོག་ཆོག་གི་སྟབས་བདེ་བ་བཅས་ཡིན་དགོས་པས། སྤྱི་འཐུས་ཆབ་བྲག་ལྷ་མོ་སྐྱབས་ལགས་ཀྱི་དགོངས་འཆར་དེ་ཡག་པོར་མཐོང་སོང། གོང་ས་༸སྐྱབས་མགོན་ཆེན་པོ་ནི་གཞིས་བྱེས་བོད་མི་ཡོངས་ཀྱི་དོན་གྱི་བདག་པོ་དང་བོད་ལ་དམངས་གཙོའི་ལམ་སྲོལ་གསར་གཏོད་དམ་གནང་སྦྱིན་གནང་མཁན་གྱི་འཛམ་གླིང་ཞི་བདེའི་དེད་དཔོན་ཆེན་མོ་བཅས་ཡིན་པས། ཁས་ལེན་དམ་བཅའ་འབུལ་ཡུལ་ལ་ཆེས་འཚསམ་ཤོས་སུ་མཐོང་ངོ།