ཕྱི་ཚེས་ ༥ ཉིན་ཀྲུང་གོའི་བོད་ལྗོངས་དྲ་བ་ཞེས་པའི་སྟེང་། རྒྱ་ནག་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པ་ཀྲུའུ་ཝེ་ཆོན་གྱིས་བོད་རྒྱ་འབྲེལ་མོལ་སྐོར་ལ་ལན་འདེབས་བཅར་འདྲི་ཞིག་སྤེལ་འདུག་ལ། བཅར་འདྲི་དེ་ཕྱི་ཚེས་ ༡༢ ཉིན་རྒྱ་ནག་གཞུང་འབྲེལ་ཞིན་ཧྭ་དྲ་བ་སོགས་སུའང་བརྒྱུད་འགོད་བྱས་འདུག བཅར་འདྲི་དེའི་ནང་བཙན་བྱོལ་བོད་གཞུང་གི་སྐུ་ཚབ་ཀྱིས་རྒྱ་གཞུང་ལ་སྤྲད་པའི་༼བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར ༽ ཡིག་ཆ་དེ་རྒྱ་གཞུང་གིས་སྐབས་ཐོག་དེར་ཕྱིར་སློག་ཟིན་ནའང་། བཙན་བྱོལ་གཞུང་གིས་རྒྱ་ནག་དབུས་གཞུང་གི་བརྡ་ལན་ལ་སྒུག་ཡོད་སྐོར་མ་ཡིན་ཡིན་མདོག་བསྟན་དེ། ད་ལྟའི་བར་རང་གཞན་གཉིས་ཀར་མགོ་སྐོར་གཏོང་བཞིན་ཡོད་ཚུལ་དང་། རྒྱ་གཞུང་གི་ཕྱོགས་ནས་བོད་ཀྱི་གནད་དོན་དང་། བོད་ཆེན་པོའི་ས་ཁུལ་རང་སྐྱོང་ཟེར་བ་ཞིག་རྩ་བ་ནས་གྲོས་མོལ་བྱ་མི་སྲིད་པའི་སྐོར་བསྐྱར་ཟློས་བྱས་འདུག
ལན་འདེབས་བཅར་འདྲི་དེའི་ནང་ཀྲུའུ་ཝེ་ཆོན་གྱིས་བརྗོད་དོན། འབྲེལ་མོལ་གྱི་ཐད་རྒྱ་གཞུང་ལ་རྩ་གནད་གཉིས་ཡོད་དེ། གཅིག ཕར་ཕྱོགས་ཀྱི་ཐོབ་ཐང་ནི་ཏཱ་ལའི་བླ་མ་སྐུ་སྒེར་གྱི་འཐུས་ཚབ་ཁོ་ན་ལས། གཞན་༼བཙན་བྱོལ་གཞུང་༽ དེར་སུ་ཞིག་གིས་བཀའ་བློན་གྱི་འགན་འཁུར་ཡང་རུང་། དེ་དག་ཚང་མ་ནི་རྒྱ་གཞུང་མེས་རྒྱལ་ལ་ངོ་ལོག་པའི་ཁ་བྲལ་རིང་ལུགས་ཀྱི་ཆབ་སྲིད་ཤོག་ཁག་ཅིག་ལས་མ་འདས་པས། ཁྲིམས་མཐུན་གྱི་ངོ་བོ་མེད་པར་མ་ཟད། རྒྱ་གཞུང་དང་གྲོས་མོལ་གྱི་ཐོབ་ཐང་གང་ཡང་མེད། གལ་སྲིད་བཙན་བྱོལ་གཞུང་གིས་བསྒྲུབ་ཐུབ་པའི་ལས་དོན་ཞིག་ཡོད་པ་དེ་ནི། རང་འགུལ་གྱི་ཐོག་ནས་རྩ་འཐོར་ཏུ་འགྲོ་རྒྱུ་ཙམ་རེད། ཏཱ་ལའི་བླ་མའི་སྐུ་ཚབ་ཚོས་ཕན་ཚུན་གདོང་ཐུག་སྐབས་ག་དུས་ཡིན་ཡང་ཁོ་ཚོ་བཙན་བྱོལ་གཞུང་གི་འཐུས་ཚབ་ཡིན་ཞེས་བརྗོད་ཐུབ་ཀྱིན་མི་འདུག་ལ། རྒྱུན་པར་ཕྱིར་ལོག་རྗེས་བཙན་བྱོལ་གཞུང་གི་འཐུས་འཚབ་ཡིན་མདོག་གིས་རྒྱལ་སྤྱིའི་སྒང་ལ་རྫུན་གཏམ་ཤོད་ཀྱིན་འདུག དེ་ནི་འབྲེལ་མོལ་ལ་བསམ་ངན་ཞེ་བཅངས་ཀྱིས་གཏོར་བཤིག་བཏང་བ་ཞིག་རེད། གཉིས། འབྲེལ་མོལ་གྱི་ནང་དོན་ནི་ཏཱ་ལའི་བླ་མའི་གནད་དོན་ཁོ་ན་དང་། ཆེས་མང་ནའང་ཁོའི་ཉེ་འཁོར་གྱི་མི་ཉུང་ཤོས་ཤིག་གི་མདུན་ལམ་གནད་དོན་ཡིན། ཡང་གཅིག་བཤད་ན། ཏཱ་ལའི་བླ་མས་ཅི་ལྟར་ཁ་བྲལ་རིང་ལུགས་པའི་ལངས་ཕྱོགས་དང་བསམ་འདུན་རྨང་ནས་དོར་ཏེ། རྒྱ་གཞུང་དང་རྒྱ་ནག་མི་མང་གི་བསམ་ཤེས་ཐོབ་ཐུབ་ལ་བརྩོན་རྒྱུ་དང་། ཁོ་རང་སྐུ་སྒེར་གྱི་གནད་དོན་ཅི་ལྟར་ཐག་གཅོད་མིན་ཡིན། ཅེས་བརྗོད་འདུག
གཞན་ཡང་། ལན་འདེབས་བཅར་འདྲི་དེའི་ནང་༸གོང་ས་མཆོག་གིས་བོད་མིའི་ཆབ་སྲིད་ཀྱི་འགན་དབང་ཡོང་རྫོགས་མི་མང་གིས་བདམས་པའི་དབུ་ཁྲིད་དག་ལ་རྩིས་སྤྲོད་བྱས་པའི་རྗེས། རྒྱ་གཞུང་གི་ཕྱོགས་ནས་བོད་རྒྱ་འབྲེལ་མོལ་ཐད་འགྱུར་བ་ཡོད་མེད་སྐོར་ལ། ཀྲུའུ་ཝེ་ཆོན་གྱིས་གོང་བཀོད་རྩ་གནད་གཉིས་ལ་འགྱུར་བ་མེད་ཚུལ་དང་། ཕྱི་རྒྱལ་བ་ཉུང་ཤེས་ཤིག་གིས་མ་སྐུལ་དང་བླང་གི་སྒོ་ནས་འབྲེལ་མོལ་ཁྲོད་མཉམ་ཞུགས་བྱས་ཏེ་བར་གནས་པ་ཞིག་བྱ་འདུན་འཆིང་གི་འདུག བོད་ཀྱི་གནད་དོན་ཡོད་ཚད་རྒྱ་གཞུང་གི་ནང་སྲིད་གནད་དོན་ཡིན་པས། ཕྱི་རྒྱལ་བའི་ཐེ་ཇུས་དང་ལག་པ་བསྐྱང་ས་མེད་པ་དང་། ད་དུང་། ཁོས་པོ་ཏ་ལ་དང་བོད་ཀྱི་དགོན་སྡེ་ཁག་གི་གསེར་དོག་དང་བཟོ་བཀོད་ཀྱི་རྣམ་པ་ཚང་མ་རྒྱ་ནག་ནང་གི་བཟོ་བཀོད་དང་གཅིག་འདྲ་ཡིན་ལ། བོད་ཀྱི་རི་མོ་དང་བརྐོས་རིས། གླུ་གར། སྨན་རྩིས། ཆོས་ལུགས་སོགས་ལའང་རྒྱའི་རིག་གནས་ཀྱིས་ཤུགས་རྐྱེན་ཆེན་པོ་ཡོད་སྐོར་ཡང་བརྗོད་འདུག
ཚེ་རིང་རྒྱལ་གྱིས་བསྡུས།
དེ་སྔོན་ཟམ་གདོང་བླ་མ་དང་རྒྱ་རི་བློ་གྲོས་རྒྱལ་མཚན་སོགས་ཀྱིས་གསུངས་པ་བཞིན་། ང་ཚོའི་བོད་པའི་གནས་བབ་འདི་ལོ་འགའི་རིང་གི་ཚར་འགྲོ་བ་ཞིག་མིན་པ་མ་ཟད། དེ་ཐག་གཅོད་བྱེད་པ་ལ་རྒྱའི་དཔོན་པོ་འདི་ཚོ་དང་མི་འདྲ་བར་ཕུགས་རྒྱང་ཅན་དང་ཆོད་སེམས་ཅན་ཞིག་ལ་རེ་སྒུག་བྱས་ན་དེ་འདྲ་ཡོང་མི་སྲིད་པ་མིན། ལྷག་པར་བཀའ་ཁྲི་མཆོག་གིས་དེ་སྔོན་གསར་འགོད་གསལ་བསྒྲགས་ཤིག་ཏུ། ང་ཚོ་བོད་པའི་འཐབ་རྩོད་འདི་ལོ་བརྒྱའི་རིང་དུ་བསྡད་ཀྱང་གྲ་སྒྲིག་སྐོར་གསུངས་ཡོད་དོ། འོན་ཀྱང་གྲ་སྒྲིག་དེ་མི་རེ་ལ་རེ་རེ་དགོས་པར་སེམས་སོ། །
རྒྱ་རྒས་དེའི་རྫུན་འཛུམ་ལ་ཅིག་ལྟོས་དང། གཡོ་སྒྱུ་ཆེ་ཞིང་་ངན་སེམས་ལྡན་ལ། སྙིང་རྗེ་མེད་ཅིང་ཆོད་སེམས་ཀྱང་མེད་པ་ཞིག་ངས་མཐོང་གི་འདུག། (ངས་ངོ་མ་མཐོང་གི་འདུག།)
དེ་སྔོན་ཟམ་གདོང་བླ་མ་དང་རྒྱ་རི་བློ་གྲོས་རྒྱལ་མཚན་སོགས་ཀྱིས་གསུངས་པ་བཞིན་། ང་ཚོའི་བོད་པའི་གནས་བབ་འདི་ལོ་འགའི་རིང་གི་ཚར་འགྲོ་བ་ཞིག་མིན་པ་མ་ཟད། དེ་ཐག་གཅོད་བྱེད་པ་ལ་རྒྱའི་དཔོན་པོ་འདི་ཚོ་དང་མི་འདྲ་བར་ཕུགས་རྒྱང་ཅན་དང་ཆོད་སེམས་ཅན་ཞིག་ལ་རེ་སྒུག་བྱས་ན་དེ་འདྲ་ཡོང་མི་སྲིད་པ་མིན། ལྷག་པར་བཀའ་ཁྲི་མཆོག་གིས་དེ་སྔོན་གསར་འགོད་གསལ་བསྒྲགས་ཤིག་ཏུ། ང་ཚོ་བོད་པའི་འཐབ་རྩོད་འདི་ལོ་བརྒྱའི་རིང་དུ་བསྡད་ཀྱང་གྲ་སྒྲིག་སྐོར་གསུངས་ཡོད་དོ། འོན་ཀྱང་གྲ་སྒྲིག་དེ་མི་རེ་ལ་རེ་རེ་དགོས་པར་སེམས་སོ། །
ཚེ་རྒྱལ་ལགས། ཁྱེད་ཀྱིས་ཀྲུའུ་ཝེ་ཆོན་གྱི་དྲིས་ལན་རྣམས་བསྡུ་སྒྲིག་བྱས་པས་དགའ་བྱུང་ལ། དེ་རྒྱ་ཡིག་ལས་བོད་ཡིག་ཏུ་ཅུང་མི་འདྲ་བར་དོན་ཚན་དྲུག་གི་རྣམ་པར་ཐོན་འདུག
དོན་ཚན་དྲུག་ལ་ང་ཚོས་ཞིབ་ལྟ་བྱས་པ་ཡིན། ཡིན་ནའང་དེར་རྩ་གནད་གཉིས་ཡོད་པ་ནི། གོང་དུ་དྲངས་པ་དེ་གཉིས་མིན་པར་སྙམ། གོང་གི་རྩ་གནད་གཉིས་སུ་བཏགས་པ་འདི་འཆར་ཅན་ལྟ་བུ་ཡིན་པས་བརྒྱུད་རིམ་མང་པོའི་ནང་དོན་དངོས་རང་བཞིན་གྱི་ལན་འདེབས་བྱས་ཚར་བ་རེད། དཔེར་ན་འཚོགས་ལ་ཉེ་བའི་ཚོགས་ཆེན་སྐོར་གྱི་བརྗོད་གཞིའི་མཚོན་ཐུབ་པ་ཞིག་རེད།
༡ ངས་མཐོང་བ་ལྟར་བྱས་ན། བློན་ཆེན་གྱིས་སྔ་མོར་བོད་དུ་དཔུང་འཇུག་བྱེད་པའམ་ཞི་བས་བཅིངས་འགྲོལ་གཏོང་རྩིས་བྱས་སྐབས་ནས་རྒྱ་གཞུང་རང་གིས་༼ ་བོད་ཀྱི་དམིགས་བསལ་གནས་བབ་༽ ཅེས་པ་ཁས་བླངས་པའི་ནང་དོན་དང་བསྡུར་ན། ད་ཐེངས་རྒྱབ་འགལ་ཚད་ལས་བརྒལ་བ་ཞིག་བྱས་འདུག་པ་རྩ་གནད་གཅིག་དང་།
༢ འབྲེལ་མོལ་སྐོར་གྱི་ངོས་འཛིན་ཁྲོད་ལམ་དབུ་མའི་ཐབས་ལམ་འཚེ་བ་མེད་པར་བསྐྱོད་དགོས་དོན་ནི། ༧གོང་ས་མཆོག་ལ་འཚེ་བ་བྱེད་པའི་ནུས་ཤུགས་འདང་ངེས་མེད་པ་ལས་ཀུན་སློང་མེད་པ་མིན་ཞེས་རྩ་གནད་གཉིས་བཤད་འདུག།
འདི་ནི་བོད་མི་ཚང་མས་བསམ་བློ་གཏོང་དགོས་ས་ཞིག་རེད་ལ། ཚོགས་ཆེན་གྱི་སྐབས་ཀྱི་རྒྱ་ནག་གི་བློ་ཁོག་འདི་ཅུང་གཟབ་ནན་གྱིས་བསམ་བློ་གཏོང་དགོས་ས་ཞིག་མིན་ནམ་སེམས། གསར་འགྱུར་ཀྱང་དེ་བཞིན་གནད་འགག་འཇུས་ནས་བསྡུ་སྒྲིག་བྱེད་དགོས་པ་མིན་འགྲོ་བསམས།
ང་ཚོས་ཀྱང་དུས་བསྟུན་ལན་འདེབས་བྱེད་ངེས་ཡིན།
རྒྱ་ནག་གིས་བོད་ལ་འཛིན་པའི་སྲིད་བྱུས་དང་རྒྱ་ནག་གིས་བོད་པ་ཚང་གི་མ་འོང་པའི་ལམ་ཁ་ལ་ལྟ་ཚུལ་ནི་ཕྱི་གསལ་ནང་གསལ་བཟོས་འདུག
དེ་ལ་བོད་པའི་ཆབ་སྲིད་པ་དང་རྩོམ་པ་པོ་རྣམས་ནས་རྣམ་དཔྱོད་དང་ལྡན་པའི་ལན་རེ་བྲིས་དགོས་པ་ནི་འོས་འགན་རེད། ནང་ཁུལ་རྩོད་ལན་ལ་ཤིན་ཏུ་མཁས་པའི་རྩོམ་པ་པོ་དང་ཆབ་སྲིད་པ་རྣམས་ཕེབས་ཤོགས།
གཞོན་ནུས་ཚོགས་པ་གཙོས་པའི་ཚོགས་པ་ཁག་དང་བོད་པ་ཡོད་དོ་ཅོག་གིས་གྲ་སྒྲིག་བྱ་རྒྱུའི་དུས་ལ་སླེབས་འདུག།
རྒྱ་ནག་གིས་བོད་ལ་འཛིན་པའི་སྲིད་བྱུས་དང་རྒྱ་ནག་གིས་བོད་པ་ཚང་གི་མ་འོང་པའི་ལམ་ཁ་ལ་ལྟ་ཚུལ་ནི་ཕྱི་གསལ་ནང་གསལ་བཟོས་འདུག
དེ་ལ་བོད་པའི་ཆབ་སྲིད་པ་དང་རྩོམ་པ་པོ་རྣམས་ནས་རྣམ་དཔྱོད་དང་ལྡན་པའི་ལན་རེ་བྲིས་དགོས་པ་ནི་འོས་འགན་རེད། ནང་ཁུལ་རྩོད་ལན་ལ་ཤིན་ཏུ་མཁས་པའི་རྩོམ་པ་པོ་དང་ཆབ་སྲིད་པ་རྣམས་ཕེབས་ཤོགས།
གཞོན་ནུས་ཚོགས་པ་གཙོ་པའི་ཚོགས་པ་ཁག་དང་བོད་པ་ཡོད་དོ་ཅོག་གིས་གྲ་སྒྲིག་བྱ་རྒྱུ་དུས་ལ་སླེབས་འདུག།