བོད་མི་མང་སྤྱི་འཐུས་ཆབ་བྲག་ལྷ་མོ་སྐྱབས།
དོན་ཚན་དང་པོ། བོད་མི་རིགས་ཀྱི་༸སྐྱབས་མགོན་དང་མཚོན་རྟགས།
༸གོང་ས༸སྐྱབས་མགོན༸རྒྱལ་བ་བསྟན་འཛིན་རྒྱ་མཚོ་མཆོག་ནི་འཕགས་མཆོག་སྤྱན་རས་གཟིགས་དབང་མིའི་རྣམ་པར་རོལ་བའི་སྐྱེ་འགྲོ་སྤྱི་དང་ཡང་སྒོས་བོད་མི་རིགས་ཀྱི་འདི་ཕྱིའི༸སྐྱབས་མགོན་དང་། བླ་ན་མ་མཆིས་པའི་དབུ་ཁྲིད་ཡིན་པར་མ་ཟད། འཛམ་གླིང་ཞི་བདེའི་དེད་དཔོན་དམ་པའང་ལགས་པས། བོད་མི་རིགས་རིག་གནས་དང་བཅས་པའི་རླབས་ཆེན་གྱི་མཚོན་རྟགས་སུ་གྱུར་ཡོད། དེ་བས་ཐུན་མོང་མ་ཡིན་པའི་ཐུགས་འགན་དང་སྐུ་དབང་འགའ་ནམ་ཡང་རང་ཆས་སུ་ཡོད།
༡༽ བོད་མི་ཡོངས་ཀྱི་སྐུ་ཚབ་ཀྱི་ངོས་ནས་རྒྱལ་སྤྱིའི་དབུ་ཁྲིད་རྣམ་པའི་གཙོས་གལ་ཆེའི་མི་སྣ་རིགས་ལ་དུས་ནས་དུས་སུ་རང་དབང་གི་མཇལ་འཕྲད་གནང་རྒྱུ།
༢༽ དགོས་དབང་གིས་བོད་ཀྱི་རྩ་དོན་སྒྲུབ་སླད་དམིགས་བསལ་དང་སྤྱིར་བཏང་སྐུ་ཚབ་ཡིག་ཚང་ཁག་རང་འཇགས་གནས་ཐབས་གནང་རྒྱུ།
༣༽ དུས་རྒྱུན་དུ་བོད་ཀྱི་ཆོས་སྲིད་རིག་གནས་དང་བཅས་པའི་ཕྱོགས་ཡོངས་ལ་གཟིགས་ཞིབ་དང་བཀའ་སློབ་ལམ་སྟོན་གནང་རྒྱུ།
༤༽གོང་གསལ་དོན་ཆེན་གསུམ་ལས་གཞན་ཡང་། ཡུལ་དུས་གནས་བབ་ལ་གཟིགས་ཏེ་བོད་མི་མང་གི་འཕྲལ་ཡུན་ཕན་བདེའི་མཛད་འཕྲིན་ཅི་རིགས་སྐྱོང་གནང་ཡོང་བ་བཅས་སོ།
གོང་གསལ་ནི་བཅའ་ཁྲིམས་ཀྱི་དོན་ཚན་དང་པོའི་ཚིག་བརྗོད་དང་གོ་རིམ་ཐད་ལ་ངས་བསྒྱུར་བཅོས་ཆེ་ཙམ་བཏང་པའི་བསམ་འཆར་ཡིན། མ་ཡིག་ནང་གི་དོན་ཚན་གཉིས་པ་དེ་དོན་གྱིས་དོན་ཚན་དང་པོའི་ནང་དུ་ཚུད་ཡོད་ལ། ནང་དོན་ཆ་ནས་རེ་རེ་བྱས་ནས་འདྲེན་མི་དགོས་པར་སྤྱི་ཡོངས་ཀྱི་ཆ་ནས་བརྗོད་ན་འོས་པར་མཐོང་ནས་དོན་ཚན་གསུམ་པར་བཅོས་ཡོད། སྐབས་སུ་བབ་པའི་གལ་ཆེ་ཤོས་དེ་མ་ཡིག་གི་དོན་ཚན་གསུམ་པ་རེད། དེ་ངས་དབྱེ་བ་གཉིས་སུ་ཕྱེས་ཏེ། དོན་ཚན་དང་པོ་དང་གཉིས་པར་བཞག་ཡོད། གཞི་རྩའི་ནང་དོན་རྣམས་རང་འཇགས་ཡིན་ཐོག་དོན་ཚན་བཞི་བ་ཞིག་ཁ་སྣོན་གྱིས་༸གོང་ས་མཆོག་གི་ཐུགས་འགན་དང་སྐུ་དབང་ཡངས་པོར་ཕྱེས་ཡོད། མདོར་ན། ཚིག་བརྗོད་སྟབས་བདེ་དང་ནང་དོན་རྒྱ་ཆེར་བཏང་ཡོད།
གཙོ་བོ་གཞིས་ལུས་མི་མང་གི་མངོན་འདོད་དང་བཙན་བྱོལ་བའི་གནས་བབ་ཀྱི་ཆ་ནས་ཀྱང་ང་ཚོར་༸གོང་ས་མཆོག་གི་ཐད་ཀའི་གཟིགས་སྐྱོང་ཞིག་ཧ་ཅང་དགོས་གལ་ཆེ་བས་བཅའ་ཁྲིམས་ཀྱི་དོན་ཚན་དང་པོ་འདི་གཏན་འབེབས་ཡང་དག་ཅིག་གནང་དགོས།
གུས་པ་གྲོས་ཚོགས་སྔོན་མའི་༸གོང་ས་མཆོག་གི་གསུང་འཕྲིན་རིན་པོ་ཆེ་ཉམས་ལེན་ཐད་ཆེད་བཙུགས་གནང་བའི་ལས་རིམ་ཚོགས་ཆུང་ནང་ཡོད་མོད། སྐབས་དེར་བཀའ་ཁྲི་མཆོག་གིས་སྔ་ས་ནས་ཐུགས་ཞིབ་དང་གྲ་སྒྲིག་གང་ལེགས་གནང་ཟིན་པའི་མ་ཟིན་ཐོག་ལ་ང་ཚོས་ཉིན་གཅིག་ལྷག་གི་དུས་ཡུན་ནང་བསམ་ཞིབ་གོ་བསྡུར་བྱས་ཏེ་རྒྱབ་གཉེར་སྙན་ཞུ་དེ་ཕུལ་བ་ན་ཡང་། དོན་ཚན་རེ་རེ་དང་ཐ་སྙད་རེ་རེ་ནས་གོ་བསྡུར་གནང་ལོང་མེད་པས་ཡོངས་སུ་འཐུས་ཚང་དང་ཡང་དག་ཡིན་པའི་ངེས་པ་མེད། ང་ཚོའི་གཞི་རྩའི་ལས་འཆར་གྱི་ལམ་སྟོན་ད་དུང་འོས་ཤིང་འཚམས་པར་མཐོང་གི་ཡོད་མོད། གྲོས་ཚོགས་དང་བཅའ་ཁྲིམས་བསྐྱར་བཅོས་ཟིན་བྲིས་ཚོགས་ཆུང་གཉིས་ཀྱི་ངོས་ནས་ཀྱང་ང་ཚོའི་ལས་འཆར་རྒྱབ་གཉེར་སྙན་ཐོར་ཧ་ཅང་ཞིབ་ཚགས་ངང་འདོར་ལེན་གནང་ཐུབ་མེད་པ་མཐོང་བས། ད་ལྟ་ཚོགས་ཆེན་ཐོག་ལ་རང་གི་བསམ་འཆར་འདི་རིགས་ཟུར་ལྟའི་དཔྱད་གཞིར་འབུལ་འདོད་བྱུང།
ཤེས་ནས་སྨྲ་བ་དག་གིས་དགོངས་འཆར་ལྷུག་གནང་དང་། སྤྱི་འཐུས་རྒྱུན་ལས་ནས་ཀྱང་ཕྲན་གྱི་བསམ་འཆར་སྔ་ཕྱི་འདི་དག་ཚོགས་ཆེན་གྱི་ཚོགས་ཆུང་ཚང་མར་འགྲེམས་སྤེལ་གནང་རྒྱུའི་རེ་སྐུལ་བཅས།།
༢༠༡༡ ། ༥ ། ༡༦ ལ་ཕུལ་ལོ།།
ཨ་བཙན་པོ་ལགས། ཡར་བཤད་མར་བཤད་དེ་ཚོ་ལུང་འདྲེན་གྱིས་ཡང་དང་བསྐྱར་དུ་བཀོད་ནས་ཅི། ཡག་བཤད་དང་ངན་བཤད་་ཐབས་མཁས་དང་མ་མཁས་དེ་ཚོ་བཤད་ནས་མི་ཕན། ཁྲིམས་སུ་བཅས་རྗེས་དེ་ཁྲིམས་རེད། འཕྲལ་ཕུགས་ལདགེ་སྐྱོན་ཅི་འབྱུང་སྐོར་བསམ་ཞིབ་བྱེད་དགོས།
ལ་ལས་རྒྱ་གཞུང་གིས་ཅི་བཤད་ལ་ཉན་མི་དགོས་ཟེར། ལ་ལས་རྒྱ་གཞུང་གིས་སྐྱོན་འདོགས་ཡོང་གི་ཟེར། ང་ཚོས་ཕར་ཕྱོགས་པས་ཅི་ཟེར་གཙོ་བོར་འཛིན་རྒྱུ་དེ་མིན། ང་ཚོས་དོན་ངོ་མའི་དམངས་གཙོའི་སྒྲིག་སྲོལ་ཡང་དག་གི་བཅའ་ཁྲིམས་སྒྲོམ་གཞི་ཞིག་བཞེངས་ཐུབ་པ་དགོས། སྔར་སྲོལ་ཏཱ་ལའི་བླའི་སྒེར་དབང་ལམ་ལུགས་དེ་སྒྱུར་བཅོས་བྱེད་པ་ལས་ཏཱ་ལའི་བླ་མར་མང་མོས་ལམ་ནས་དམིགས་བསལ་ཐུགས་འགན་དང་སྐུ་དབང་རེ་འབུལ་མ་ཆོག་ཡང་གཏན་ནས་མེད། མདོ་དོན་ང་ཚོས་ང་རང་ཚོའི་གོ་རེ་ཡག་པོ་ཚོས་ཐུབ་པ་ཞིག་ལ་བསམ་བློ་བཏང་ནས་ཐག་གཅོད་བྱེད་དགོས།
དོན་ཚན་དང་པོའི་སྐོར་ལ་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་“བཅའ་ཁྲིམས་དོན་ཚན་དང་པོ་གསར་དུ་བཅུག་དགོས་དོན་ནི་ཐབས་མཁས་པོ་ལྟ་བུ་བྱས་ནས་༸གོང་ས་མཆོག་བླ་ན་མེད་པའི་དབུ་ཁྲིད་ཀྱི་ངོ་བོ་དེ་བཟོས་ཡོད་པའི་སྐད་ཆ་རེད་” ཅེས་གསུངས་ཡོད་ཚུལ་དང་། དོན་ཚན་དང་པོའི་ནང་དུ་ “བོད་མི་ཡོངས་ཀྱི་མགོན་སྐྱབས་དང་། བླ་ན་མེད་པའི་དབུ་ཁྲིད།”ཅེས་དང་། ཡང་“བོད་ཀྱི་རྩ་དོན་བསྒྲུབ་སླད་སྤྱིར་བཏང་དང་དམིགས་བསལ་སྐུ་ཚབ་ཁག་གཏན་འཇགས་སམ་དུས་ཡུན་རྒྱས་བཅད་ཀྱི་བསྐོ་འཛུགས་གནང་རྒྱུ་”ཞེས་སོགས་ལ་བསམ་བློ་བཏང་ཡོང་དུས་རྒྱ་ནག་གིས་༸གོང་ས་མཆོག་ཁ་ཁོག་མི་གཅིག་ཚུལ་བསྒྲགས་བཞིན་པ་དེའི་ལམ་ཁར་ང་ཚོས་ཁྲིད་བཞིན་པའི་ཚོར་སྣང་ཞིག་ངང་གིས་འཕེལ་ཡོང་ལ། ང་ཚོས་ཞིབ་ཏུ་བསམ་བློ་བཏང་ན་༸གོང་ས་མཆོག་ང་ཚོས་བླ་ན་མེད་པའི་དབུ་ཁྲིད་དུ་མི་འདོད་མཁན་རྒྱ་ཆ་གཅིག་གཉིས་ཙམ་མི་ཟིན་པ་ཁ་ཚོན་བཅད་ནས་བཤད་ཐུབ་པ་ཞིག་རེད། འོན་ཀྱང་ད་སྐབས་དེ་ཙམ་གྱིས་མ་ཡིན་པར་“ད་ཆ་རང་རེའི་མང་གཙོའི་འཕེལ་རིམ་ཡོངས་སུ་རྫོགས་པའི་ཆེད་དུ་ྋརྒྱལ་བ་རིན་པོ་ཆེས་བོད་ཀྱི་ཆབ་སྲིད་ཀྱི་འགན་ཁུར་མ་དགོས་པར་མི་མང་གིས་འོས་འདེམས་བྱས་པའི་མགོ་ཁྲིད་སོ་སོས་ཆབ་སྲིད་ཀྱི་དབང་ལུང་ཡོངས་རྫོགས་འགན་ཁུར་བྱེད་དགོས་པའི་དུས་ལ་བབས་ཡོད།”པའི་ལམ་སྟོན་ལ་ཡིད་ཆེས་འཕེལ་ན་འདི་དག་མི་དགོས་པར་སེམས་སོ།།
དེ་ཡང་བདེན་གི ཡིན་ཡང་་བོད་རྒྱ་ཞི་མོལ་གྱི་ལས་གཞི་མུ་མཐུད་འགྲོ་རྒྱུར་བཀའ་ཁྲི་གསར་བས་ཀྱང་ཐུགས་གཏན་འཁེལ་ཟིན་པ་དང། བོད་དོན་ཕྱི་གླིང་ལ་དྲིལ་བསྒྲགས་དང་འབྲེལ་བ་གནང་རྒྱུར་ད་ཡོད་༸གོང་ས་མཆོག་གི་སྐུ་ཚབ་དོན་གཅོད་ལས་ཁུངས་ཁག་གནས་དགོས་གལ་ཤིན་ཏུ་ཆེ་བས། ༸གོང་ས་མཆོག་ལ་འདིའི་ཐད་ཀྱི་ཐུགས་འགན་ཙམ་ཡང་མེད་པར་བཟོས་ན་དེ་དག་ཚང་མ་རང་བཞིན་གྱིས་ཕྱིར་བསྡུ་གནང་དགོས་པ་ཡང་ཆགས་མི་སྲིད་པ་མ་རེད། གལ་ཆེ་ཤོས་གཞན་ཞིག་བོད་གཞིས་བྱེས་གཉིས་ཀྱི་དོན་གྱི་བདག་པོའམ་རེ་བ་བཅོལ་ས་ཁོང་ཡིན་པས། ཁོང་གིས་བོད་མི་ཡོངས་ཀྱི་སྐུ་ཚབ་བམ་མགྲིན་ཚབ་པའི་ཐོབ་དབང་ཆ་ནས་རྒྱལ་སྤྱིའི་དབུ་ཁྲིད་ཁག་ལ་མཇལ་འཕྲད་གནང་རྒྱུ་ཧ་ཅང་གལ་ཆེ།་འདི་རིགས་ནི་བཅའ་ཁྲིམས་ཀྱི་ཆ་ཤས་སུ་མི་འགོད་ཐབས་མེད་ཅིག་ཡིན་པ་ཚང་མས་ཤེས་པར་མཛོད།
དོན་ཚན་དང་པོའི་སྐོར་ལ་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་“བཅའ་ཁྲིམས་དོན་ཚན་དང་པོ་གསར་དུ་བཅུག་དགོས་དོན་ནི་ཐབས་མཁས་པོ་ལྟ་བུ་བྱས་ནས་༸གོང་ས་མཆོག་བླ་ན་མེད་པའི་དབུ་ཁྲིད་ཀྱི་ངོ་བོ་དེ་བཟོས་ཡོད་པའི་སྐད་ཆ་རེད་” ཅེས་གསུངས་ཡོད་ཚུལ་དང་། དོན་ཚན་དང་པོའི་ནང་དུ་ “བོད་མི་ཡོངས་ཀྱི་མགོན་སྐྱབས་དང་། བླ་ན་མེད་པའི་དབུ་ཁྲིད།”ཅེས་དང་། ཡང་“བོད་ཀྱི་རྩ་དོན་བསྒྲུབ་སླད་སྤྱིར་བཏང་དང་དམིགས་བསལ་སྐུ་ཚབ་ཁག་གཏན་འཇགས་སམ་དུས་ཡུན་རྒྱས་བཅད་ཀྱི་བསྐོ་འཛུགས་གནང་རྒྱུ་”ཞེས་སོགས་ལ་བསམ་བློ་བཏང་ཡོང་དུས་རྒྱ་ནག་གིས་༸གོང་ས་མཆོག་ཁ་ཁོག་མི་གཅིག་ཚུལ་བསྒྲགས་བཞིན་པ་དེའི་ལམ་ཁར་ང་ཚོས་ཁྲིད་བཞིན་པའི་ཚོར་སྣང་ཞིག་ངང་གིས་འཕེལ་ཡོང་ལ། ང་ཚོས་ཞིབ་ཏུ་བསམ་བློ་བཏང་ན་༸གོང་ས་མཆོག་ང་ཚོས་བླ་ན་མེད་པའི་དབུ་ཁྲིད་དུ་མི་འདོད་མཁན་རྒྱ་ཆ་གཅིག་གཉིས་ཙམ་མི་ཟིན་པ་ཁ་ཚོན་བཅད་ནས་བཤད་ཐུབ་པ་ཞིག་རེད། འོན་ཀྱང་ད་སྐབས་དེ་ཙམ་གྱིས་མ་ཡིན་པར་“ད་ཆ་རང་རེའི་མང་གཙོའི་འཕེལ་རིམ་ཡོངས་སུ་རྫོགས་པའི་ཆེད་དུ་ྋརྒྱལ་བ་རིན་པོ་ཆེས་བོད་ཀྱི་ཆབ་སྲིད་ཀྱི་འགན་ཁུར་མ་དགོས་པར་མི་མང་གིས་འོས་འདེམས་བྱས་པའི་མགོ་ཁྲིད་སོ་སོས་ཆབ་སྲིད་ཀྱི་དབང་ལུང་ཡོངས་རྫོགས་འགན་ཁུར་བྱེད་དགོས་པའི་དུས་ལ་བབས་ཡོད།”པའི་ལམ་སྟོན་ལ་ཡིད་ཆེས་འཕེལ་ན་འདི་དག་མི་དགོས་པར་སེམས་སོ།།
ངོ་མ་ཚིག་ཉུང་དོན་འདུས། གོ་རྒྱུ་ཆེ་བ། དོན་ལ་གནས་པ་ཞིག་མཐོང་སོང། བསམ་ཚུལ་འདི་རིགས་ཚང་མ་དུས་བབ་ཚང་གིས་ཕྱོགས་སྒྲིག་དེབ་ཆུང་ཞིག་བཟོས་ནས་ཚོགས་ཆེན་གྱི་མི་རེ་ངོ་རེར་སྔ་ས་ནས་འབུལ་ཐུབ་ན་བཟང་ངོ།