དེ་རིང་ཉིན་རྒྱབ་ཆུ་ཚོད་ ༡ ཙམ་ལ་དབུས་བོད་ཀྱི་གཞོན་ནུའི་དུས་ཡུན་ངེས་མེད་ཀྱི་ཟས་བཅད་ངོ་རྒོལ་མཚམས་འཇོག་གནང་འདུག
ཉེ་སྔོན་རྒྱ་གཞུང་གིས་མདོ་སྨད་རྔ་པ་ཁུལ་དུ་དྲག་གནོན་བྱས་ཏེ། སྐྱ་སེར་མང་པོ་འཛིན་བཟུང་བཙོན་འཇུག་དང་གཅར་རྡུང་དམར་གསོད་བཏང་སྟེ་ཛ་དྲག་གི་གནས་སྟངས་བྱུང་བར། བོད་ཀྱི་གཞོན་ནུ་ལྷན་ཚོགས་ཀྱིས་དགོས་འདུན་གཉིས་དང་འབོད་སྐུལ་གཅིག་གི་འོག ཕྱི་ཟླ་ ༤ པའི་ཚེས་ ༢༥ ནས་མགོ་འཛུགས་གནང་སྟེ། དབུས་གཞོན་ནུའི་ཚོགས་གཞོན་དོན་གྲུབ་ལྷ་དར་དང་། ཟུང་དྲུང་བསྟན་འཛིན་ནོར་བཟང་། དཔལ་འབྱོར་འགན་འཛིན་དཀོན་མཆོག་ཡར་འཕེལ་གསུམ་གྱིས་རྒྱ་གར་རྒྱལ་ས་ལྡི་ལིའི་ཇན་ངྷར་མན་ངྷར་དུ་དུས་ཚོད་ངེས་མེད་ཀྱི་ཟས་བཅད་ངོ་རྒོལ་གནང་སྟེ། ད་བར་ཉིན་གྲངས་ ༢༤ ཕྱིན་ཡོད།
ཐེངས་འདིའི་ལས་འགུལ་ཁྲོད་ཁོང་རྣམ་པའི་གཟུགས་པོའི་གནས་སྟངས་ཧ་ཅང་སྐྱོ་བོ་ཆགས་ཏེ་ཛ་དྲག་གི་གནས་སྟངས་བྱུང་ཡོད་སྟབས། ཡུ་རོབ་མཉམ་འབྲེལ་གྱི་སྐུ་ཚབ་གསུམ་གྱིས་ལས་འགུལ་མཚམས་འཇོག་ཡོང་བའི་འབོད་སྐུལ་གནང་བ་ལྟར། དེ་རིང་ཉིན་རྒྱབ་ཆུ་ཚོད་ ༡ ཙམ་ལ་ཟས་བཅད་ངོ་རྒོལ་མཚམས་འཇོག་གནང་སྟེ། ལས་འགུལ་བ་གསུམ་སྨན་ཁང་དུ་ཁྲིད་ཡོད་འདུག
ངས་གཞོན་ནུའི་ཕོ་རྒོད་རྣམས་ལ་བསྔགས་བརྗོད་འབུལ་བ་དང་། བོད་མི་རིགས་ཆེད་དུ་ལས་ཀ་བླ་ན་མེད་པ་བྱེད་ཐུབ་པའི་རེ་བ་བྱེད་བཞིན་ཡོད་།།
རྒྱལ་གཅེས་ལྷག་བསམ་གྱིས་ཕྱུགས་པའི་གཞོན་ནུ་རྒྱུན་ལས་རྣམ་པ་གསུམ་ལ་སྙིང་ཐག་པ་ནས་ཐུགས་རྗེ་ཆེ་ཞུ། རླབས་ཆེན་གྱི་ལས་འགུལ་ལ་སེམས་འགུལ་ཚད་མེད་ཐེབས་བྱུང་། སྐུ་བཟུགས་གསལ་ཐང་ཡོང་བའི་རེ་སྨོན་ཞུ།
ལྷག་བསམ་སྙིང་སྟོབས་ལྡན་བའི་དབུས་གཞོན་ནུའི་རྒྱུན་ལས་རྣམས་པའི་ཟས་བཅད་ངོ་རྒོལ་འཚམས་འཇོགས་གནང་བ་གཟིགས་བརྗིད་ལྡན་པ་ཆགས་སོང་བས་ཐུགས་རྗེ་ཡང་ཡང་ཆེ་ཞུ་ཞུ་ཞུ་ཞུ། མ་འོངས་པར་ང་་ཚོ་བོད་མིས་འཐད་རྩོད་རྩོད་མཁན་གྱི་འགོ་ཁྲིད་ཁྱེད་རྣམས་པ་ལྷག་པར་དུམཁོ་གལ་ཆེ་བས་སྐུ་གཟུགས་སྔར་ལས་བདེ་ཐང་ཡོང་བའི་སྨོན་འདུན་ཞུ།
ལྷག་བསམ་དང་ལར་ཞེན་རུས་རྐང་ལ་ཐིམས་པའི་བོད་ཀྱི་གཞོན་ནུའི་ཕུལ་བྱུང་འཐབ་རྩོད་པ་གསུམ་ལ་སེམས་བསམ་པའི་གཏིང་ནས་གུས་འདུད་དང་བརྩི་བཀུར་བླ་མེད་ཡོད། འདི་ལྟར་མགོ་པ་ཚོས་མགོ་ཁྲིད་དེ་དོན་དངོས་ཀྱི་ལག་ལེན་ནང་ཞུགས་ཐུབ་ན། བོད་རྒྱལ་ཁབ་སླར་གསོ་ཡོང་བར་ཐེ་ཚོམ་མེད། བོད་རྒྱལ་ལོ།།
ཟས་བཅད་ངོ་རྒོལ་བྱེད་མཁན་རྣམ་པ་གསུམ་ལ་ཐུགས་རྗེ་ཆེ་ཞུ་རྒྱུ་ཡིན།
རེ་ཞིག་ལས་འགུལ་འཚམས་འཇོག་བྱས་པ་དགའ་བོ་བྱུང་ཁོང་རྣམ་པར་སྔགས་བརྗོད་དང་འཚམས་འདྲི་ཞུ་ཞུ།
ཡིན་མདོག་དང་ཚུལ་འཆོས་ཀྱིས་མ་གོས་པར་དོན་དངོས་ལྷག་བསམ་དང་སྙིང་སྟོབས་ལྡན་པའི་ཟས་བཅད་ངོ་རྒོལ་བ་གསུམ་གྱིས་མཚམས་འཇོག་བཞག་གནང་འདིར་གུས་འདུད་དང་ཐུགས་རྗེ་ཆེ་ཞུ་རྒྱུ་ཡིན།
རྣམ་པར་གསུམ་གྱི་ཚེ་སྲོག་དང་དཔའ་ངར་དག་ད་དུང་མུ་གནས་ཐུབ་དགོས།
དབུས་གཞོན་ནུ་ལྷན་ཚོགས་ཀྱི་རྒྱུན་ལས་རྣམ་པ་གསུམ་གྱིས་ཉིན་གྲངས་ཉི་ཤུ་རྩ་ལྔ་དང་་ཆུ་ཚོད་ལྔ་བརྒྱ་བདུན་ཅུ་དྲུག་ལྷག་གི་རིང་དུ་ཟས་བཅད་ངོ་རྒོལ་བྱས་ཡོད་པས་ན། བཀའ་དྲིན་ཆེའོ།།
༢༡༽ ཀརྡོ་རབ་འབྱམས་པ་ནས།
སྤྱི་ལོ་ ༢༠༡༡ ཟླ་ ༥ ཚེས་ ༢༠ གི་ཆུ་ཚོད་ ༧ སྐར་མ་ ༠༢
ཁྱེད་གསུམ་གྱིས་སྤྱི་དོན་དུ་ཟས་བཅད་ངོ་རྒོལ་གནང་བར་བཀའ་དྲིན་ཆེ་ལགས། དུས་ཐོག་ཏུ་མཚམས་འཇོག་གནང་བ་ལ་ཡང་ཐུགས་རྗེ་ཆེ་ཞེས་ཞུ་འདོད་བྱུང་སོང་ལགས། དགེའོ། དགེའོ། དགེའོ། །
སྙིང་སྟོབས་དང་ཤ་ཞེན་གྱི་ལྷག་བསམ་ལ་འགྲན་ཟླ་བྲལ་བའི་རྣམས་པ་གསུམ་ལ་བཀའ་དྲིན་དྲང་མེད་ཞུ།
ཐུགས་རྗེ་ཆེ། ཡུ་རོབ་མཉམ་འབྲེལ་གྱི་སྐུ་ཚབ་ཕེབས་ནས་ཐུགས་ཁུར་གནང་བ་དེ་བོད་དོན་གྱི་ཐུགས་ཁུར་ཡིན་པས། ཡང་བསྐྱར་བཙན་བྱོལ་བོད་གཞུང་ངོས་ལེན་གནང་བར་བསྐུལ་འདེད་དུ་འགྱུར་ཐུབ་པའི་སྨོན་ལམ་འདེབས།
གཟི་བརྗིད་ལྡན་པའི་རྒྱུན་ལས་གསུམ་ལ་འཚམས་འདྲི་དང་། ནུས་པ་ཤུགས་ཆེར་ཐོན་པའི་ཐོག་ལས་འགུལ་མཚམས་འཇོག་གནང་བར་ཐུགས་རྗེ་ཆེ་དང་། སྐུ་ངལ་ཡག་པོ་གསོ་གནང་ཡོང་བའི་འབོད་སྐུལ་ཞུ་ཞུ།
རྒྱལ་གཅེས་པ་རྣམས་ལ་ཐུགས་རྗེ་ཞུ་བཞིན་ཡོད།
དཔའ་བོ་ཚོ་ཐུགས་རྗེ་ཆེ། ཁྱེད་རྣམ་འདི་ལྟར་འཆི་མི་རུང་སྟེ། འུ་ཚང་གི་སྲོག་དབུགས་ད་དུང་གནས་དགོས།
རེད། ཧ་ཅང་ཡག་པོ་རེད། མཚམས་འཇོག་གནང་བ་དེ་ཧ་ཅང་ཡག་པོ་རེད། དེ་ལ་དངོས་གནས་དགའ་སོང་། གུས་པར་འོས་པའི་ཟས་བཅད་ངོ་རྒོལ་བ་གསུམ་ལ་བཅོས་མིན་སྙིང་ནས་ཐུགས་རྗེ་ཆེ་ཞུ་རྒྱུ་ཡིན་ལ། ཡོ་རུབ་ཀྱི་སྐུ་ཚབ་རྣམ་པ་གསུམ་ལའང་ཐུགས་རྗེ་ཆེ་ཞུ་རྒྱུ་ཡིན།