བློ་བཟང་ཡེ་ཤེས།
ཕྱི་ལོ་༢༠༡༡ ཟླ་ ༦ པའི་ཚེས་ ༢༩ ཉིན། བཞུགས་སྒར་རྡ་རམ་ས་ལའི་ཐེག་ཆེན་གཙུག་ལག་ཁང་གི་གཡས་ཕྱོགས་སུ་ཡོད་པའི་དུས་འཁོར་ལྷ་ཁང་དུ་ཕྱིན་ཅིང་མཆོད་མཇལ་བྱས། ཕྱི་ལོ་ ༢༠༠༣ ལོའི་ཡར་སྔོན་དུ་ལྷ་ཁང་གི་རྩིགས་ངོས་སུ་བྲིས་པའི་དུས་འཁོར་ལྷ་གྲངས་ཡོངས་རྫོགས་ཀྱི་བྲིས་ཐང་ལས་གཞན་དམིགས་བསལ་མེད་མོད། ད་སྐབས་༧རྒྱལ་བའི་བཞུགས་ཁྲིའི་མདུན་གྱི་གཡོན་ཕྱོགས་སུ་ཤེལ་སྒམ་ནང་དུ་གསེར་ཟངས་ལས་བསྐྲུན་པའི་དུས་ཀྱི་འཁོར་ལོའི་སྐུ་བརྙན་ཆེན་པོ་བཟོ་རྩལ་ཤིན་ཏུ་ལེགས་པ་ཞིག་དང་། གཡས་ཕྱོགས་སུ་སྒྲོལ་མའི་སྐུ་བརྙན་ཆེ་བ་སྤུས་ཚད་དེ་བས་ཀྱང་ལེགས་པ་གཉིས་བཞུགས་སུ་གསོལ་འདུག་པས་ཞིབ་མོར་མཇལ་བ་ཡིན།
དུས་འཁོར་ལྷ་ཁང་འདི་རྣམ་རྒྱལ་གྲྭ་ཚང་གི་ཡིན་ཞིང་། རྣམ་རྒྱལ་གྲྭ་ཚང་ནི་དམིགས་བསལ་དུས་འཁོར་གྲྭ་ཚང་ཞིག་ཡིན་སྟབས། དུས་འཁོར་གྱི་སྐུ་བརྙན་འདི་ཡང་ཚད་མར་འཛིན་འོས་པ་ཞིག་ཡིན་པས། དུས་འཁོར་གྱི་སྐུ་བརྙན་དེའི་ཞལ་ཕྱག་སོགས་ལ་ཞིབ་ལྟ་ཞིག་བྱས་པ་ཡིན། སྟབས་མ་ལེགས་པ་ཞིག་ལ། དེ་འདྲའི་འབྱོན་ལེགས་ཀྱི་སྐུ་བརྙན་ཆེན་པོ་དེའི་ཐོག་བཟོ་ཉེས་ཀྱི་སྐྱོན་ཆེན་པོ་བློ་ཡུལ་ལས་འདས་པ་ཞིག་འདུག ངས་བསྐྱར་དུ་ལྷ་ཁང་གི་དབུས་ཀྱི་རྩིགས་ལྡེབས་སུ་བྲིས་པའི་དུས་འཁོར་ཐང་ག་ལ་བལྟས་པས། དེ་ཡང་སྐུ་བརྙན་དང་འདྲ་བར་ནོར་བ་གཅིག་མཚུངས་སུ་ཡོད་སྟབས། པར་ཆས་བླངས་ཏེ་པར་ལེན་སྐབས། སྐུ་གཉེར་བས་པར་ལེན་ཆོག་གི་མ་རེད་གསུངས་པས། གསེར་སྐུའི་སྐུ་རྒྱབ་མ་གཏོགས་པར་ལེན་ཐབས་མ་ལྡན།
དེ་ནས་རྣམ་གྲྭའི་མཁན་པོ་མཇལ་འདོད་སྐྱེས་ཏེ་ཉེ་འཁོར་གྱི་གྲྭ་བ་ཞིག་ལ་མཁན་རིན་པོ་ཆེ་བཞུགས་ཡོད་མེད་དྲིས་པས། ཁོང་གིས། མཁན་རིན་པོ་ཆེ་ཤག་ཏུ་བཞུགས་ཡོད་མེད་གང་ཤེས། སོང་ནས་ལྟོས་དང་ཟེར། ང་མཁན་རིན་པོ་ཆེའི་བཞུགས་ཤག་དུ་སོང་དུས་ཁོང་གི་གསོལ་དཔོན་ཡིན་ནམ་གྲྭ་བ་ཞིག་གིས། མཁན་རིན་པོ་ཆེ་རྡ་ཤོད་དུ་ཕེབས་སོང་། སང་ཉིན་དུས་ཚོད་གསུམ་པའི་ཐོག་ཤོག་གསུངས་པས། དེ་ལྟར་བྱེད་རྒྱུ་བྱས་ཏེ་བསམ་བློ་གཏོང་བཞིན་ཕྱིར་སྡོད་གནས་སུ་ཡོང་།
མཚམས་འདི་ནས་ངས་ཀློག་མཁན་ཚོར་དུས་འཁོར་གྱི་སྐུ་བརྙན་དང་རྩིགས་ངོས་ཀྱི་དུས་འཁོར་ཐང་ག་གཉིས་ཀར་བཟོ་ཉེས་ཀྱི་སྐྱོན་ཅི་ཞིག་ཡོད་པ་གསལ་བོར་ཞུས་ན་འདོད།
དུས་འཁོར་གྱི་སྐུ་བརྙན་དང་ཐང་ག་གཉིས་ཀར་གཅིག་མཚུངས་སུ་དཔུང་བ་ལག་ངར་བཅས་ཉེར་བཞི་བྱས་འདུག ༼སྐུ་རྒྱབ་ཀྱི་འདྲ་པར་ཟུར་དུ་ཡོད་པས་གཟིགས་རོགས།༽དུས་འཁོར་ལ་ཕྱག་ཉེར་བཞི་ཡོད་པ་བདེན་མོད། ཕྱག་ཉེར་བཞིའི་དོན་དཔུང་བ་ཉེར་བཞི་མ་ཡིན་པར་ཕྱག་ངར་རམ་ལག་ངར་ཉེར་བཞི་ཡིན། དེའི་རྒྱུ་མཚན་ནི། དུས་འཁོར་རྩ་རྒྱུད་ལས། ཟླ་བའི་སྐུ་དང་ཟུང་གི་ཞབས་ཏེ་མེ་ཡི་མགྲིན་པ་ཆུ་གཏེར་དཔལ་ལྡན་ཞལ་ནི་སྣ་ཚོགས་མདོག། ཕྲག་པ་དྲུག་དང་ཉི་མའི་དཔུང་བ་རྒྱལ་བའི་ཕྱག་གི་པདྨ། ཞེས་གསུངས་པ་ལྟར། ཟླ་བ་ནི་གྲངས་ཀྱི་མངོན་བརྗོད་དེ་སྐུ་གཅིག་དང་། ཟུང་ནི་གཉིས་ཏེ་ཞབས་གཉིས། མེ་ནི་གསུམ་སྟེ་མགྲིན་པ་གསུམ། ཆུ་གཏེར་ནི་བཞི་སྟེ་ཞལ་བཞི། ཕྲག་པ་དྲུག་དང་ནི་ཕྲག་པ་དྲུག ཉི་མ་ནི་བཅུ་གཉིས་ཏེ་དཔུང་བ་བཅུ་གཉིས། རྒྱལ་བ་ནི་ཉེར་བཞི་སྟེ་ཕྱག་ངར་རམ་ལག་ངར་ཉེར་བཞིའོ།།
ཞིབ་ཏུ་བཤད་ན་འདི་ལྟར། དཔལ་དུས་ཀྱི་འཁོར་ལོར་སྐུ་གཅིག་ལ་ཞབས་གཉིས། མགྲིན་པ་གསུམ། ཞལ་བཞི། ཕྲག་པ་དྲུག དཔུང་བ་བཅུ་གཉིས། ལག་ངར་ཉེར་བཞི་ཡོད།
ཕྲག་པ་དྲུག་ཟེར་བ་གཡས་གཡོན་གཉིས་ཀར་ཕྲག་པ་གསུམ་གསུམ་སྟེ་དྲུག་ཡོད་པའི་དོན་རེད། ཕྲག་པ་རེ་རེའི་སྣེ་ནས་དཔུང་བ་གཉིས་གཉིས་གྱེས་པས་གཡས་གཡོན་གཉིས་སུ་དཔུང་བ་བཅུ་གཉིས་ཡོད། དེ་བཞིན་དུ་དཔུང་བ་རེ་རེའི་སྣེ་ནས་ཕྱག་ངར་རམ་ལག་ངར་གཉིས་གཉིས་གྱེས་པས་གཡས་གཡོན་གཉིས་སུ་ཕྱག་ཉེར་བཞི་ཡོད། དེ་ལྟར་ན་ཕྲག་པ་རེ་ལས་དཔུང་བ་གཉེས་རེ་གྱེས། དཔུང་བ་རེ་ལས་ཕྱག་ངར་རམ་ལག་ངར་གཉིས་རེ་གྱེས་པས། ཕྱོགས་གཅིག་གི་དབང་དུ་དབང་ན། ཕྲག་པ་གསུམ། དཔུང་བ་དྲུག ཕྱག་བཅུ་གཉིས། ཕྱོགས་གཉིས་བསྡོམས་ན། ཕྲག་པ་དྲུག དཔུང་བ་བཅུ་གཉིས། ཕྱག་ཉེར་བཞི་ཡོད།
གལ་ཏེ་ཕྱག་དང་དཔུང་བ་མཉམ་བསྲེ་བྱས་ནས་ཉེར་བཞི་བྱས་ན། གཏན་ནས་མི་འགྲིག་སྟེ། དཔུང་བ་བཅུ་གཉིས་ནི་དོན་དམ་པའི་ས་བཅུ་གཉིས་ཡོངས་སུ་རྫོགས་པའི་བརྡ་དང་། ཕྱག་ཉེར་བཞི་ནི་དུས་གཟེར་ཉེར་བཞི་རྣམ་པར་དག་པའི་བརྡ་ཡིན་ནོ།།
གལ་ཏེ་རང་ལུགས་ལ་དེ་ལྟར་རོ་སྙམ་ན། རྒྱལ་དབང་བདུན་པ་བསྐལ་བཟང་རྒྱ་མཚོའི་གསུང་འབུམ། ཤིང་པར་མའི་གླེགས་བམ་ཉ་པ། བཅོམ་ལྡན་འདས་དཔལ་དུས་ཀྱི་འཁོར་ལོའི་སྐུ་གསུང་ཐུགས་ཡོངས་སུ་རྫོགས་པའི་དཀྱིལ་འཁོར་གྱི་སྒྲུབ་ཐབས་མཁས་གྲུབ་ཞལ་ལུང་ཞེས་པའི་ཤོག་གྲངས་བཞི་བཅུའི་སྲིབ་ངོས། དབྱིན་ཨང་། ༣༣༠ ཐིག་ཕྲེང་ལྔ་བར། གཡས་གཡོན་གྱི་ཕྲག་པ་དང་པོ་སྔོན་པོ། གཉིས་པ་དམར་པོ། གསུམ་པ་དཀར་པོ་སྟེ་ཕྲག་པ་དྲུག གཡས་གཡོན་གྱི་དཔུང་བ་དང་པོ་གཉིས་གཉིས་སྔོན་པོ། གཉིས་པ་གཉིས་གཉིས་དམར་པོ། གསུམ་པ་གཉིས་གཉིས་དཀར་པོ་སྟེ་དཔུང་བ་བཅུ་གཉིས། ཕྱག་ཉི་ཤུ་རྩ་བཞིའི་དང་པོ་བཞི་བཞི་ནག་པོ། གཉིས་པ་བཞི་བཞི་དམར་པོ། གསུམ་པ་བཞི་བཞི་དཀར་པོ། ཞེས་གསུངས།
ཡང་། དཔལ་དུས་ཀྱི་འཁོར་ལོའི་ཐུགས་དཀྱིལ་གྱི་སྒྲུབ་ཐབས་དངོས་གྲུབ་ཀུན་གྱི་བུམ་བཟང་། ཤོག་གྲངས་སོ་ལྔའི་སྲིབ་ངོས། དབྱིན་ཨང་། ༤༧༤ ཐིག་ཕྲེང་བཞི་བར། གཡས་གཡོན་གྱི་ཕྲག་པ་དང་པོ་སྔོན་པོ། གཉིས་པ་དམར་པོ། གསུམ་པ་དཀར་པོ་སྟེ་ཕྲག་པ་དྲུག གཡས་གཡོན་གྱི་དཔུང་བ་དང་པོ་གཉིས་གཉིས་སྔོན་པོ། གཉིས་པ་གཉིས་གཉིས་དམར་པོ། གསུམ་པ་གཉིས་གཉིས་དཀར་པོ་སྟེ་དཔུང་བ་བཅུ་གཉིས། ཕྱག་ཉི་ཤུ་རྩ་བཞིའི་དང་པོ་བཞི་བཞི་ནག་པོ། གཉིས་པ་བཞི་བཞི་དམར་པོ། གསུམ་པ་བཞི་བཞི་དཀར་པོ། ཞེས་གསུངས་པ་དང་ཤིན་ཏུ་འགལ་བ་རེད།
དེང་སྐབས་༧གོང་མཆོག་གིས་འཛམ་གླིང་ཧྲིལ་བོ་ཞབས་ཀྱིས་བཅགས་ཏེ་དུས་འཁོར་དབང་ཆེན་ཐེངས་མང་གནང་དང་གནང་བཞིན་པའི་བཀའ་དྲིན་ལ་བརྟེན། ཤེས་ལྡན་མི་ཉུང་བ་ཞིག་གིས་བོད་ཀྱི་ནང་ཆོས་སྤྱི་དང་། ལྷག་པར་དུ་དུས་འཁོར་ལ་ཚད་མཐོའི་གདེངས་འཇོག་བྱེད་བཞིན་པ་དང་ཆབས་གཅིག རྡ་རམ་ས་ལའི་དུས་འཁོར་གྲྭ་ཚང་དང་དུས་འཁོར་ལྷ་ཁང་ཡང་ཚད་མར་འཛིན་བཞིན་པའི་སྐབས་འདིར། དུས་འཁོར་གྲྭ་ཚང་གིས་འདི་ལྟར་མ་བརྟག་མ་དཔྱད་པར་མ་དག་རྒྱུན་འབྱམས་སུ་བཏང་བ་ཡིན་ན། དེ་ནི་འགན་མ་ཁུར་བའི་བྱ་བཞག་ཅིག་དང་། བོད་ཀྱི་ནང་བསྟན་ཆོས་ལུགས་དང་། དེའི་དབུ་ཁྲིད་༧གོང་ས་མཆོག་གི་མཛད་འཕྲིན་ལ་ཤ་ཚ་མེད་པའི་རྟགས་ཡིན་པས། ཕྱིན་ཆད་གཟབ་གཟབ་བྱེད་དགོས་སྙམ།
ཕྱི་ཟླ་ ༦ ཚེས་ ༣༠ ཉིན། ཡང་བསྐྱར་རྣམ་རྒྱལ་གྲྭ་ཚང་གི་མཁན་རིན་པོ་ཆེའི་༼ཁྲོམ་ཐོག་རིན་པོ་ཆེ།༽གཟིམ་ཤག་ཏུ་བཅར་བས། ཐོག་མར་གྲྭ་བ་གཉིས་ཀྱིས་ནང་དུ་ཤོག་ཅེས་བརྡ་བྱུང་བས་ནང་དུ་ཕྱིན། ནང་དུ་མཁན་རིན་པོ་ཆེ་དང་། གཞན་གྲྭ་བ་གཅིག བུ་མོ་གཉིས་བཅས་འདུག ང་ནང་དུ་འཛུལ་མ་ཐག མཁན་རིན་པོ་ཆེས། དོན་དག་ཅི་ཞིག་ཡོད། དེ་རིང་ང་ཚོར་བྲེལ་བ་ཆེན་པོ་ཞེ་དྲག་ཡོད། ག་རེ་ཡིན་ནམ། ག་རེ་ཡིན་ནམ་ཞེས་གསུངས། དེ་དུས་ངས་གལ་ཆེན་པོ་མིན། དོན་དག་ཆུང་ཆུང་ཞིག་ཞུ་རྒྱུ་ཡོད་མོད། རྗེས་སུ་མཇལ་ཆོག་ཅེས་ཞུས་ཏེ་ཕྱིར་ཡོང་གྲབ་བྱས་པས། ཡང་བསྐྱར་མཁན་རིན་པོ་ཆེས། ད་ལྟ་ཤོད། རྗེས་སུ་དུས་ཚོད་རག་རྒྱུ་ཁག་པོ་རེད་ཅེས་གསུངས། ངས་གུས་བཀུར་བཅས། རྣམ་རྒྱལ་གྲྭ་ཚང་དུས་འཁོར་གྲྭ་ཚང་རེད། ཚང་མས་དུས་འཁོར་གྱི་ཕྱོགས་ནས་ཚད་མར་འཛིན་གྱིན་ཡོད་པ་རེད། འོན་ཀྱང་དུས་འཁོར་ལྷ་ཁང་ནང་གི་དུས་འཁོར་གྱི་སྐུ་བརྙན་དེའི་དཔུང་བ་དང་ཕྱག་གི་གྲངས་ནོར་འདུག་པས། དེའི་ཐད་མཁན་རིན་པོ་ཆེས་དགོངས་བཞེས་གནང་རོགས་ཞུས་པས། ཁོང་གིས་ཕྱག་གནམ་ལ་གཡུག དབུ་ཐད་ལ་གཡུག་བཞིན། དེ་བཟོ་བཅོས་གཏན་ནས་བྱེད་ཆོག་གི་མ་རེད། འདི་༧རྒྱལ་བ་རིན་པོ་ཆེའི་ཐུགས་བཀོད་ལྟར་བཞེངས་པ་རེད། དེ་ཁག་པོ་ཞེ་དྲག་རེད། དེ་མིན་གཞན་མེད་ན་ད་ཕེབས་རོགས། ང་ཚོར་ལས་ཀ་མང་པོ་ཞེ་དྲག་ཡོད་ཅེས་གསུངས་པས། ངས་ལགས་སོ།། ང་འགྲོ་ཆོག་ཅེས་ཕྱིར་ཡོང་བ་ཡིན། དོན་ངོ་མར་ངས་མཁན་རིན་པོ་ཆེར་དེའི་ཐད་དགོངས་བཞེས་གནང་རོགས་ཞུས་པ་ཙམ་ལས། སྐུ་བརྙན་དེ་འཕྲལ་དུ་བཟོ་བཅོས་བྱེད་དགོས་ཞེས་ཞུས་མེད་མོད། ཁོང་གིས་དེ་ལྟར་ལན་འདེབས་གནང་བྱུང་།
གལ་ཏེ་༧གོང་ས་མཆོག་གིས། དུས་འཁོར་སྐུ་བརྙན་འདི་འདྲ་ཞིག་བཞེངས་དགོས་ཞེས་གསུངས་པ་ལྟར་བཞེངས་པ་ཡིན་དུ་ཆུག་ཀྱང་། ༧གོང་ས་མཆོག་གིས། དུས་འཁོར་ལ་མགོ་ཡི་གྲངས་འདི་དང་། དེ་བཞིན་དུ་ཕྲག་པའི་གྲངས་འདི། དཔུང་བའི་གྲངས་འདི། ལག་ངར་གྱི་གྲངས་འདི་ཡོད་པ་ཅིག་བཞེངས་དགོས་ཞེས་གསུངས་ཡོད་དམ།
གང་ལྟར་སྐུ་བརྙན་དང་ཐང་སྐུ་སོགས་གང་ཡིན་ཀྱང་། ཕྱིན་ཆད་ང་ཚོས་གཟབ་གཟབ་མ་བྱས་ན། འབྲུག་ཡུལ་གྱི་རྡོ་རྗེ་གཅོད་པ་ལྟར་འགྱུར་ངེས་པས། འབྲེལ་ཡོད་ཚང་མས་ཐུགས་གཟབ་གནང་རོགས་ཞུས་འབོད་བསྐུལ་ཞུ་བ་ཡིན།
རི་མོའམ་གསེར་ཟངས་རིགས་སྐུ་བརྙན་བཟོས་ནས་འགྲེལ་བཤད་རྒྱག་དགོས་པ་ག་ལ་ཡིན།མདོ་རྒྱུད་ལ་གཟིགས་ནས་རི་མོའམ་གསེར་ཟངས་ཀྱིས་སྐུ་བརྙན་བཟོ་དགོས་པ་ལོད་ཡིན།་དེ་ཡང་རྒྱུད་སྡེ་ལས།ཐིག་ཚད་མི་ལྡན་པའི་སྐུ་ལ་ཡེ་ཤེས་མི་འཇུག་ཞེས་གསུངས་པ་ལྟར་རོ།
མངོན་རྟོགས་ལ་གཟིགས་རྒྱུ་ནི་གལ་ཆེན་པོ་རེད།
གམ་བཅར་བ།
ཁྱོད་ཀྱིས་སྐྱག་འགོ་གཉང་བཏུམ་གིས་རང་སྐྱོན་འགེབས་ཐབས་ཀྱི་གཏམ་མ་བཤད་ན་མཛེས་གི་རེད། དུས་འཁོར་ལ་དཔུང་པ་བཅུ་གཉིས་ལས་ཉེར་བཞི་མེད་པ་རྣམ་རྒྱལ་གྲྭ་ཚང་གིས་སྔོན་ཚུད་ནས་ཤེས་རྟོགས་དང་རྒྱུས་ལོན་བྱུང་ཡོད་ན་ལོ་དེ་འདྲེའི་མང་བོ་ཞིག་ལ་ཁུང་མེད་ཀྱི་འདྲེ་འསྐུ་འདྲ་བོ་བསམ་བཞིན་དུ་བཞག་པ་ཡིན་ནམ། དང་བོ་བཟོ་དུ་ནས་མ་ཤེས་ན་ཡར་འཇོག་པའི་ཉིན་མོ་མ་ཤེས་པ་ངོ་མི་ཚ་བར་ད་དུང་གཞན་ལ་ལག་པ་ཕྱི་རྒྱུ་ཡིན་ནམ།
མི་ལོ་དུ་མའི་རང་དུ་འཛམ་གླིང་མི་མང་གི་མདུན་སར་ཞབས་འདྲེན་བྱས་པའི་ལེ་ལན་སྦྱིན་བདག་ལ་འགེལ་རྒྱུ་ཡིན་ནམ། ཁྱེད་ཚོའི་ངན་མཚང་རི་འདྲ་བོ་དེ་ ཇོ་ནང་ཁལ་ཁ་རྗེ་བཙུན་དམ་པའི་སྦྱིན་བདག་བྱས་པ་ལ་འགེལ་ཐབབས་བྱེད་པ་ནི་ངོ་ཚ་མི་ཤེས་པའི་གཏམ་ཡིན་པ་སུ་ཡིས་ཡང་ཤེས་ཐུབ།
ཁྱོད་ཀྱིས་གཞན་གྱི་ཡིག་སྐྱོན་འཕྲན་བུའི་རིགས་ཚུན་ཆད་ཀྱི་གཞན་སྐྱོན་ཁབ་ཙམ་ལ་ཡང་སྐྱོན་བརྗོད་ནས་རང་སྐྱོན་རི་བོ་འདྲ་བོ་དེ་འགེབས་ཐུབ་བསམ་གི་ཡོད་དམ། དེ་ནི་ཁྱོད་ཀྱིས་རྒྱ་ཆེའི་གཟིགས་མཁན་ཡོངས་རྫོགས་མགོ་སྒོར་གཏོང་ཐུབ་པའི་ཀུན་སློང་དང་རེ་བ་བྱེད་པ་ཀུན་གྱིས་ཤེས་སླ། རང་སྐྱོན་ངོས་མ་ལེན་ཡང་གཞན་ལ་མ་འགེལ་རོགས་གནང་།
བློ་ཡེ་གིས་བཤད་པ་དེའི་ཐོག་ཁ་བརྡ་དྲ་ཐོག་ན་བགྲོ་གླེང་ཡག་ཐག་ཆོད་བྱས་འདུག
ཨོ། གོང་དུ་གྲྭ་རྒོད་ཀྱིས་བཤད་པའི་ཟླ་ཚེས་ཐོག་བློ་ཡེ་རང་གིས་ཁ་བརྡའི་ཐོག་ནོར་བཅོས་བྱས་འདུག
བློ་ཡེ་འདི་ངར་བ་ཞིག་རེད་འདུག དུས་འཁོར་ལ་དཔུང་པ་བཅུ་གཉིས་དང་ཕྱག་ཉེར་བཞི་ཡོད་པའི་ཁུངས་རྒྱུད་དང་བསྟན་བཅོས་མང་པོའི་ལུང་གསལ་བོར་བཀོད་པ་མ་ཟད། དེ་ལྟར་བཞེངས་པའི་ཐང་རྙིང་མང་པོའི་དྲ་ཐག་ Link ཡང་བཀོད་དེ་གསལ་བོར་བྱས་འདུག་པས། རྩོད་གླེང་འདིས་ང་ཚོའི་སྤྱི་ཚོགས་ཐོག་ཕན་ལས་གནོད་པ་ཞིག་མེད་པ་འདྲ།
དྲ་གྲོགས་ཚོ་དྲ་ཐག་འདིར་ཕེབས་ནས་གཟིགས་དང་།
http://www.khabdha.org/?p=20079
གྲྭ་རྒོད་ཀྱིས་གསུང་པ་བདེན་པ་འདྲ་བོ་འདུག ཡིན་ནས་ང་ཚོས་ག་རེ་ཡིན་ན་དྲང་མོ་ལབ་དགོས་རེད། བློ་བཟང་ཡེ་ཤེས་ཟེར་བ་དེས་ཟླ་ཚེས་འབྲི་ནོར་ཡིན་པ་ཁོ་རང་གིས་ཁ་བརྡ་དྲ་བའི་ཐོག་འདི་ལྟར་བྲིས་འདུག ༼འདིར་དྲ་གྲོགས་ཡོངས་ལ་དགོངས་སེལ་བཅས་ནོར་བཅོས་ཞུ་དགོས་པ་ཞིག་ལ། ངས་ཐོག་མར་ཉིན་ཐོ་འདེབས་སྐབས་ཟླ་གྲངས་ནོར་འདུག་པས། གོང་དུ་ཟླ་ ༦ ཚེས་ ༢༩ དང་ ༣༠ ཞེས་བྲིས་པ་དེ་ཟླ་ ༥ པའི་ཚེས་ ༢༩ དང་ ༣༠ རེད་ཅེས་ནོར་བཅོས་ཞུ་བ་ཡིན།༽
དུས་འཁོར་ངས་ཡག་པོ་ཤེས་ཀི་མེད། ཡིན་ནས་ད་འདང་རྒྱབ་དུས་ཁོས་ལབ་པ་ལ་རྒྱུ་མཚན་ཡོད་པ་ཞིག་མཐོང་གི་འདུག ཁྱེད་ཚོས་googleཐོག་ནས་གཟིགས་དང་དཔུང་པའི་སྣེ་ནས་ལག་ངར་སྐྱེས་པའི་ཐང་ག་མང་པོ་འདུག ཞིབ་ལྟ་བྱས་ན་དེ་དག་རྒྱུད་དང་མཐུན་པ་ཡིན་རྒྱུ་རེད་དྲན་གི་འདུག
ག་རེ་ཡིན་ན་བློ་བཟང་ཡེ་ཤེས་ཀྱིས་འདི་ལྟར་དྲན་བསྐུལ་བྱས་པས་བཟང་ཆ་ལས་སྐྱོན་ཞིག་མེད་ཀི་བསམ་གི
རྣམ་རྒྱལ་གྲྭ་ཚང་གིས་མཁན་པོའི་སྐྱོན་ཡིན་པ་མཐོང་མ་སོང་།གང་ཡིན་ཟེར་བ་སྐུ་འདྲ་བཟོ་མཁན་ཀྱི་སྐྱོན་རེད་བསམ་འོན་ཀྱང་གསར་ཏུ་བཟོས་པའི་དུས་ཤེས་དགོས་པ་དང་སུ་ཞིག་གི་རྩིས་ལེན་བྱས་ཡོད་པ་དེ་ཤེས་ན་དེ་གསལ་པོ་ཆག་ཐུབ་གི་རེད་བསམ།གསར་བསྒྲགས་འདི་སྤེལ་མཁན་ལ་བདེན་པ་ཡིན་མིན་ཐོག་དོག་པ་ཞིག་འདུག ཁོང་གི་བཤད་རྒྱུ་ལ་༢༠༡༡/༦/༢༩ /ལ་འདི་སྤེལ་འདུག ཁོ་རང་ཉིད་མཁན་རིན་པོ་ཆེ་ལ་མཇལ་བ་ཚེས་༣༠ རེད་འདུག་པས་རྫུནཡིན་མིན་གསལ་པོ་ཤེས་མ་སོང་།ཞིབ་འཇུག་ཡག་པོ་བྱེད་རོགས་གནོང་།
བློ་བཟང་ཡེ་ཤེས་ལགས་ཀྱིས་གསུངས་པར་བདེན་པ་ཡོད་ཤག་རེད། འོན་ཀྱང་ད་དུང་བརྟག་དཔྱད་ངེས་པར་བྱེད་དགོས། འདིའི་འགན་གཙོ་བོ་བློ་བཟང་ཡེ་ཤེས་རང་ལ་ཡོད། ག་རེ་བྱས་ནས་ལབ་ན། འདིའི་གནད་དང་པོ་རྟོགས་མཁན་ཁོང་རང་རེད། རྣམ་རྒྱལ་གྲྭ་ཚང་གིས་ཁ་ཡ་མ་བྱས་ཀྱང་འདི་གནད་དོན་མ་རེད། དེ་ལས་སྐུ་སྒེར་ཡིག་ཚང་ལ་བཅར་དགོས་རེད། རྒྱུ་མཚན་ནི་རྣམ་གྲྭའི་མཁན་པོས་བསྒྱུར་བཅོས་བྱེད་ཆོག་གི་མ་རེད། འདི་༸གོང་ས་མཆོག་གིས་བཀའ་འབྲེལ་ལྟས་བཞེངས་རེད་གསུངས་འདུག དེའི་ཕྱིར་སྐུར་སྒེར་ཡིག་ཚང་རང་ལ་འབྲེལ་བ་བྱེད་དགོས་རེད།
དེ་ནས་ད་ལྟའི་ཆར་བཙན་བྱོལ་ནང་དུས་འཁོར་གྱི་གདམས་པའི་མཛོད་འཛིན་དམ་པ་སྐྱབས་རྗེ་ཀིརྟིའི་མཚན་ཞབས་རིན་པོ་ཆེ་ནི་མ་བཞུགས་པ་རེད། ད་ཁོང་གི་རྗེས་འབྲངས་པ་དང་དུས་འཁོར་ཆེད་ལས་ཞིབ་འཇུག་པ་ན་གཞོན་རྩོམ་པ་པོ་ཤེས་རབ་དར་རྒྱས་རྡ་སར་བཞུགས་ཡོད་ཤག་ཡིན། ཁོང་ལ་འབྲེལ་གཏུགས་འདྲ་བྱས་ན་གནས་ཚུལ་རྒྱུས་ལོན་ལ་ཕན་ཐོག་ཆེ་བ་ཡོང་གི་རེད།
ཟིན་བྲིས་སྤེལ་མཁན་དྲ་གྲོགས་བློ་བཟང་ཡེས་ཤེས་ལགས་ལ་ཞུ་རྒྱུར།
ད་དུང་ཁྱེད་ལ་རྒྱབ་བརྟེན་ཡོད་པས། ཁ་པར་ཨང་གྲངས་འདིར་འབྲེལ་བ་གནང་རོགས་ཞུ། ༩༨༡༦༨༨༩༦༠༣
དུས་བབས་སྟེང་ལ་ཕྱི་ཚེས་༢༩་ཉིན་བཀོད་འདུག་པས་ཁྱོད་ཕྱི་ཚེས་༣༠་ཉིན་མཁན་པོར་མཇལ་བ་ཡིན་ན་མཐུན་གྱི་མི་འདུག།
བློ་བཟང་ཡེ་ཤེས་ལགས་ཐུགས་ཁུར་ཡག་པོའི་ངང་བྲིས་འདུག། འོན་ཀྱང་ཚེས་གྲངས་དེ་ཏག་ཏག་ཞིག་བསྡད་མི་འདུག།
ཚང་མས་ཐུགས་ལ་བཞག་དགོས་པ་ནི། ང་ཚོས་དུས་རྟག་ཏུ་ནང་འཛྀང་རྒྱག་རྒྱུར་འཛིམ་དགོས་པ་ཡིན། སྐྱོན་བརྗོད་བྱེད་ན་ལྷག་བསམ་དག་དགོས། གཞན་ཕན་གྱི་བསམ་བློས་སྐྱོན་བརྗོད་བྱོས།
ངོ་མ་ཤ་ཚ་བའི་གཏམ་རེད་ཧ་ཅིང་ཡག་པོ་འདུག མ་འོང་བར་འདི་འདྲ་ཙམ་མ་ཡིན་པར
སེར་མོ་བ་སྤྱིའི་ལེགས་ཉེས་གླེང་རྒྱུ་གལ་ཆེན་དུ་མཐོང་།
སྐུ་ཞབས་བློ་ཡེ་ཤེས་ལགས་ཀྱིས་ངོ་མ་ཞིབ་ཕྲ་ལྟོས་འདུག་ལ་ཞིབ་ཕྲ་དཔྱད་འདུག་པས་དེ་ལ་རྣམ་རྒྱལ་གྲྭ་ཚང་རང་ངོས་ནས་དང་དུས་འཁོར་ཆེད་མཁས་བ་དེ་འདྲ་གདན་དྲངས་ནས་རྟགས་དཔྱད་ནན་ཏན་གྱིས་གསལ་ཁ་ཞིག་བཟོ་དགོས་པ་ལས་འདི་ལྟར་སྣང་མེད་དུ་བཞག་ན་གཏན་ནས་འགྲིག་གི་མ་རེད། ཡང་གཅིག་བྱས་ན་འདི་ལྟར་བཞེངས་སྟངས་ཤིག་ཀྱང་ཡོད་མེད་མི་ཤེས། གལ་སྲིད་དེ་འདྲའི་བཞེངས་སྟངས་ཤིག་ཡོད་ན་གསལ་དགོས་ཀྱི་འདུག་པ་ལས་༧གོང་ས་མཆོག་གི་དགོངས་པ་རེད་ཟེར་ནས་ནག་ཉེས་དང་སྐྱོན་ཆ་ཐོས་ཤོར་ཡོད་ཚད་༧གོང་ས་མཆོག་ལ་ལག་པ་ཕྱིས་ན་གཏན་ནས་འགྲིག་གི་མ་རེད། ང་ཚོའི་སྤྱི་ཚོགས་ནང་དུ་འདི་ལྟའི་ངན་པ་ལངས་ཤོར་གྱི་ལུགས་སྲོལ་རུལ་བ་དེ་འདྲ་ཡོད་པ་རེད། བཟང་ཆ་དང་ལེགས་ཆ་ཞིག་ཡོད་ཚེ་ཁོ་ཚོའི་མིང་ཐོག་ལ་བསྒྱུར་བ་དང་ནག་ཉེས་དང་སྐྱོན་ཆ་ཞིག་བྱུང་རྗེས་ལམ་སེང་༧གོང་ས་མཆོག་ལ་ལག་པ་ཕྱིས་རྐྱང་བྱས་ཀི་རེད། དེ་དག་ནི་ང་ཚོས་ཐེར་འདོན་བྱེད་དགོས་པ་རེད།
དམག་སྒར་གྱི་གྲྭ་པ་ཞིག་ལ་སྙན་ངག་གླེང་བ།
[ སེང་རྡོར། ] [ 2011-6-29 ]
གྲྭ་བརྒྱ་ཕྲག་སྟོང་ཕྲག་འདེད་སྒང་དུ། །
དམག་ཁྲི་སྐོར་འབུམ་སྐོར་ཡོང་སྒང་དུ། །
ཁྱོད་རང་ཤག་མུན་པའི་གདན་འཁྱག་ཐོག །
རྩོམ་བཅད་གསར་འབྲི་ཞིང་དཀའ་བ་སྤྱོད། །
རང་མདང་ནུབ་བཏང་བའི་ཞལ་པར་དང་། །
དེའི་སྔ་ནུབ་བྱས་པའི་དྲི་བ་ཁག །
མདོ་རྩ་བ་བསྒྲིལ་ན་སྙན་ངག་ལ། །
ཐབས་སྒོ་མོ་ཇི་ལྟར་ཡོད་ལུགས་རེད། །
རྫོང་གང་ནས་དྲ་ལམ་བསྡམས་ལུགས་དང་། །
སྒར་དེ་ནས་འཕྲིན་ལམ་གཤེར་ལུགས་ཀྱིས། །
ཚུར་དྲིས་པ་བཞི་གཤིབ་ལྔ་གཤིབ་གྲག །
ལན་པ་བཏབ་པ་བདུན་རྐྱ་བརྒྱད་རྐྱ་འགྲོ །
འདིར་མཉན་ན་རང་ལ་ཆམ་སྐད་གྲག །
གཏམ་མགོ་བོ་ཡོད་ཀྱང་རྔ་མ་མེད། །
དེར་གསན་ན་ང་ཡང་ལྕེ་ཐོག་ཏུ། །
རྨ་ཆེ་ཆུང་མང་པོ་བུད་འདྲར་ངེས། །
དོན་དེའི་ཕྱིར་དྲི་ལན་མ་ངེས་ན། །
བུ་སེང་འཇམ་སུར་ཡང་ལན་པ་མེད། །
ལན་ཐག་ཆོད་ངག་གི་དགྲ་བོ་སྟེ། །
ཁྱོད་ང་གཉིས་བར་གྱི་སྐུད་ལམ་འདི། །
ངས་ད་སྟེ་ཁྱོད་ཀྱི་དྲི་ལན་ནི། །
གནད་ཚིགས་བཅད་འགའ་ལ་བསྡུས་ཏེ་འབྲི། །
ཆར་དུས་ཐོག་ཡིན་ན་ཨེ་མ་ཧོ། །
མདའ་ས་སྟོང་ཤོར་ན་ག་ལེར་ཤོག །
དཔེ་མང་པོ་འགོད་དོན་གོ་བའི་ཆེད། །
ཆ་མང་པོ་འཇོག་དོན་ངེས་པའི་ཕྱིར། །
གནད་དེ་གཉིས་ལག་ཏུ་ལོན་གྱུར་ན། །
རྩལ་ལྷག་པ་བསྟན་རྒྱུ་ཡོད་མ་རེད། །
དཔེ་བྱང་ཕྱོགས་མུན་པའི་སྨག་རིམ་ན། །
དཔེ་གངས་ལ་ཉི་མ་ཤར་བ་བཞིན། །
ཁོང་གནའ་མི་ངག་ལ་དཔའ་ཚུལ་ལོ། །
ཁྱོད་ང་ཚོའི་ཡིད་བརྙན་ཨ་འུ་ཙི། །
ཁྱོད་རང་བདག་དམྱལ་བ་མནར་མེད་དེ། །
མི་གཞན་ལ་དངོས་སུ་སྤོ་ཐུབ་ན། །
རྩོམ་སྙན་ངག་ཡོང་རྐྱང་ཡོང་ཚར་རེད། །
ཐབས་ཡ་མ་གཟུགས་དག་མེད་ཀྱང་ཅི། །
ལམ་ཕར་དཀྱོགས་ཚུར་དཀྱོགས་བྱེད་པ་ནི། །
གཞན་དགོད་ཆེད་མིན་ན་ངུ་ཆེད་དོ། །
དེ་ཕན་གྱི་དགའ་མིན་སྡུག་མིན་ཞིག །
འབད་མི་དགོས་ཉིན་གང་རང་ཆས་གདའ། །
སྨད་ཨ་མདོའི་རོགས་མཐུན་དག་ཚར་ཞིག །
རྗེ་ཞབས་དྲུང་མཚན་ཅན་བཤུམས་སྐད་ཡོད། །
དེ་སྙན་ངག་ཡིན་འགྲོ་མིན་འགྲོ་ཞེས། །
བློ་དོགས་ཆུང་ང་གཉིས་མེད་དང་མེད། །
འཕྲད་བཀླགས་རིང་མཆི་མ་ཚོད་མེད་བྱུང་། །
ཁད་བསམས་ཤིང་སྔམ་པ་ཏུར་ཏུར་འཆོར། །
འདང་གཅིག་བརྒྱབ་ཕག་ལ་གཉིས་ཀྱང་ཡོད་། །
དེ་ཕན་གྱི་སྙན་ངག་བྱེད་རེ་ཤི །
འདི་སྙན་ངག་རེད་པས་ཐབས་རྩལ་ནི། །
ལོགས་གཞན་ནས་འཚོལ་ཞེས་ང་མི་འདོད། །
བརྡ་ཡི་གེའི་རྣམ་འགྱུར་ཟད་མཐའ་མེད། །
དེ་གྲངས་སུ་བསྡུ་བར་ང་མི་འདོད། །
ཝེ་དྲ་གྲོགས་ཁྱེད་ཀྱི་ཞལ་པར་ལ། །
སྒྲ་ཞར་བྱུང་འདི་ཙམ་ཆེ་བ་ལ། །
ཡང་རྐྱེན་ངན་གང་འདྲ་འབྱུང་ངམ་ཅི། །
ཕར་དྲ་མིག་ཁ་ལ་གཟིགས་ཙམ་གྱིས། །
ཨོ་ད་དུང་དངོས་མིང་འཇམ་དབྱངས་སམ། །
རང་བློ་མིག་བཏགས་པ་འདི་ཡང་དགོངས། །
ཉིན་དེ་ལ་གླིང་མཐར་འབར་བའི་ཁོང་། །
སེམས་ཡ་ཆུང་དཀྱིལ་ལ་འབར་རམ་ཅི། །
ཁོང་མཆེད་ཅིང་མཆེད་པ་སྙན་ངག་གིས། །
ཚིག་དོ་བ་ཤུར་ཤུར་ཕྲིས་ལ་ཤོག །
ཁོང་འབར་ཞིང་འབར་བ་སྙན་ངག་གིས། །
ངག་གསུར་དྲི་ཅིལ་ཅིལ་རྩོམ་ལ་ཤོག །
ཕར་རྫོང་རྒྱབ་འགྲོ་རྐྱང་མ་ཡོད་པ། །
མཚོན་མ་ཐུབ་སྙན་ངག་རོ་ལ་རྒྱོབ། །
ཚུར་དགོན་ནང་གཤེགས་རྐྱང་མ་ཡོད་པ། །
ཤོད་མ་ཐུབ་སྙན་ངག་རྫས་ལ་ཕུད། །
བོའུ་གཉའ་ལྟག་ལེན་བཞིན་སྤྲིན་དཀར་གྱི། །
འོད་བླ་བྲེ་རྩོམ་སྙིང་དགྲ་ལ་བསྒྱུར། །
ཁྱོད་གང་དག་གཟིར་ན་དེ་དག་ཕྲིས། །
ཁྱོད་ཇི་ལྟར་གཟིར་ན་དེ་ལྟར་རྩོམ། །
ཟབ་ཆེ་སྟེ་གོ་བ་མ་བསྐྱོན་ན། །
བློ་གུ་ཡངས་མི་སྟེར་མི་ཟེར་གྱི། །
བསམ་གཟས་ཀྱིས་ཚོར་སྦྲིད་འབད་པ་ནི། །
གྲི་སྙིང་ནང་ཡོག་དག་འགྲུབ་ཡས་མེད། །
འདིར་སྒོ་གླེགས་བརྡུང་བ་ཨེ་གོ་ཐལ། །
ཐེངས་ད་རེས་གཏམ་མཚམས་འདི་ནས་འཇོག །
སྐབས་ཕྱི་མ་ཡོད་ན་ད་དུང་གཏམ། །
རྩོམ་བཅད་གསར་བགྲོ་ཞིང་བགྲོ་ཞིང་གཏམ། །
ཞེས་པ་འདི་ཀི་རྟི་པ་བློ་མིག་འབོད་པའི་དྲ་གྲོགས་ཤིག་གིས་དམག་ཁུལ་ལམ་དགོན་པ་ནས་ཡང་ཡང་ཞལ་པར་བཏང་སྟེ་སྙན་ངག་གི་ཐབས་རྩལ་སྐོར་ནན་གྱིས་དྲིས་བྱུང་བས་ལན་ཙམ་དུ་ཕུལ།
རྣམ་རྒྱལ་གྲྭ་ཚང་གི་མཁན་པོ་སུ་ཡིན་ནམ་། ལན་གནང་སྟངས་དེ་ཡག་པོ་མ་རེད་། ལག་པ་ཕྱི་ས་དེ་༧གོང་ས་མཆོག་ཡིན་པ་འདྲ་བོ་འདུག་། མཁན་པོ་མཆོག་ནས་གནས་ལུགས་བཤད་དགོས་ཀྱང་ཟུར་གང་ཐུབ་བྱེད་ན་གང་ཕན་།
ནོར་བཅོས་བྱེད་པ་བསྔགས་འོས་ཀྱང་། སྤྱི་སྒེར་ལ་གནོད་གཞིའི་ཁྲོམ་བསྒྲགས་དང་།ཚིག་བརྗོད་རྩུབ་མོ་དེ་འདྲ་མ་གནང་ན་ལེགས་སྙམ། མ་ཟད་དངོས་འབྲེལ་ཤ་ཚ་ཡོད་ན་ཐབས་ཤེས་རི་སྐོར་གྱིས་ཁ་ནང་རྨ་ཁ་ནང་གི་དཔེ་ལྟར་གནང་ན་མིས་སྨོན་རང་སྐྱིད་ཀྱི་དཔེ་བཞིན་ཡོང་ངེས་པས་ཚང་མས་གཟབ་གཟབ་གནང་ནས་མཆན་སྐྱོན་ན་ལེགས།
ཚེ་སྔོན་མའི་སྡེ་པ་གཞུང་ཡིན་ན་བློ་བཟང་ཡེ་ཤེས་མྱོང་ཚར་བ་རེད་ཀྱང་། དེང་གི་སྐབས་སུ་རང་དབང་གི་གཏམ་བཤད་ལ་ཁུང་ལུང་དང་འབྲེལ་བཤད་བྱེད་ཆོག་པར་རྒྱལ་བ་ཡིད་བཞིན་ནོར་བུས་མི་མང་ལ་ཕྱིར་གནང་ཚར་བ་ཡིན་དུས་གུས་པས་ཀྱང་བཤད་ཉན་སྤྲོ་སོང་། དེང་སང་མིང་གི་རྒྱག་པའི་མཁན་སྤྲུལ་འདི་ཚོ་རྒྱ་རིགས་ཤོག་ཁུག་དམར་པོ་ཁ་གཏགས་གིས་གཡོག་པ་ཚོ་དང་། སྐྲ་སེར་མཐོ་ཉམས་ཅན་པོ་འདི་ཚོ་ལ་ནི་ཕེབས་ཕེབས་དང་བཞུགས་བཞུགས་ཟེར་ནས་དུས་ཚོད་ངེས་མེད་དང་། ཤིང་ཏོག་གི་མངར་ཁུ་དང་ཇ་ཁམ་ཟས་སོགས་ནི་འབེལ་འབེལ་ལྷག་ལྷག་བྱེད། ཆོས་དོན་དང་སྤྱི་དོན་སྙིང་ནས་གཉེར་བའི་ཉམས་ཆུང་གི་བོད་མིའི་གྲྭ་བཙུན་གདོང་པ་ནག་ཧྲག་ཧྲག་གི་གསར་འབྱོར་བའི་ཉམས་དོད་རྣམས་དང་། ཧི་མ་ལ་ཡིའི་རི་བརྒྱུད་ཀྱི་ཡུལ་མི་རྣམས་མཇལ་གཏུག་ཡོང་དུས་ཁོང་རྣམ་པའི་ནང་དུ་ཕྱག་ལས་དེ་ཙམ་མེད་ན་ཡང་ཡོད་མདོག དེ་ཙམ་མ་བྲེལ་ན་བྲེལ་མདོག་གི་ཆུ་ཚོད་དང་ཆུ་ཚོད་ལ་སྒུག་དུ་བཅུག དེ་རྣམས་ལའང་ཆོས་བཤད་དང་འདོད་དོན་བསྐང་དགོས་པ་དེ་ཚོ་ནི་བྲེལ་བ་ཡོད་མདོག་གིས་ཡ་ཡ་འོ་འོའི་མཐའ་བསྡུ་ཨི་ཐུབ་ལྟ་བ་དང་། ཅི་འགྱོག་གི་འགྲོ་ཨི་ཐུབ་ལྟ་རྒྱུ་ལས་གང་ཟག་དེ་ལ་གང་དགོས་རྣམས་ལ་ཐུགས་བསམ་མེད་པ་འདི་དེང་གི་སྤྱི་ཚོགས་ནང་རྒྱ་ཁྱབ་ཏུ་འགྲོ་གི་འདུག་པ་མངོན་གསལ་ལ། ཐུགས་མཁྱེན་རྒྱ་ནམ་མཁའ་བས་ཆེ་ཀྱང་། བྱམས་སྙིང་རྗེ་དེ་དམན་ས་ལ་མ་གཟིགས་པའི་ཕྱག་ལས་བྱེད་ན། གནས་ཚུལ་འདི་འདྲ་འབྱུང་ངེས་པ་རེད། བོད་དཔེར། བྱ་བ་ངན་པ་མི་ལ་བྱས་ན། འབྲས་བུ་ངན་པ་རང་ལ་འཁོར་ཞེས་པ་བཞིན། ད་རེས་མཁན་རིན་པོ་ཆེ་ཏོ་ཙམ་འོ་རྒྱལ་བྱུང་མི་འདུག་གམ། རང་གཞན་སུས་ཐད་ནས་མིང་གི་རྒྱག་པ་དེ་ནམ་ཡང་མི་འབྱུང་བ་ཞིག་དགོས་ཀྱི། དེང་གི་དུས་སུ་རང་དབང་ཡིན་དུས། སྐྱོན་ཐེར་འདོན་འདི་ནི་ཤིན་ཏུ་རིག་ཅིང་ངེས་པར་དུ་དགོས་པ་ཞིག་ཀྱང་ཡིན་ལ་བྱེད་ཐུབ་ཞིག་ཀྱང་ཡིན། ནོར་བ་ནི་ནོར་བ་རང་ཡིན་དུས་ནོར་བ་ངོས་ལེན་བྱེད་དགོས་ཀྱི། ནོར་སྐྱོན་བརྗོད་པ་ལ་སྡང་བ་གཏན་ནས་བྱེད་རྒྱུ་མེད། བློ་བཟང་ཡེ་ཤེས་ལགས་ཀྱིས་གསུང་པ་འདི་ལ་ཞིབ་ཕྲ་འདུག་པས་རྒྱབ་སྐྱོར་དང་མ་འོང་པར་རང་གཞན་སུ་ཐད་ནས་མི་དང་གོ་ས་ག་ཚོད་ཆེ་ན་ཡང་ཕྱག་ལས་ཡོང་རྫོགས་ལ་ཞིབ་ཕྲ་དང་ཆེ་ཉམས་མེད་པས། ཉམ་ཆུང་རྣམས་ལ་ཁྱད་གསོད་དེ་ཙམ་མ་གཏོང་རོག མ་ཟད་གང་ཟག་སུ་འདྲ་ཞིག་ཡིན་ན་ཆོས་ཕྱོགས་ཀྱི་འདོད་དོན་བསྐང་དགོས་པ་ནི་ཁྱེད་རྣམ་པའི་ལས་འགན་ཡིན་པས་ངེས་པར་དུ་ཐུགས་ཚིག་མི་མཛད་ནས་དགའ་དད་བྱེད་འོས་པ་ཞིག་བྱེད་རོག་གནང་ཞེས་ཡང་ཡང་ཞུ་གི་ཡོད།
ཨ་རོགས་ཚོ། ཡོད་ཚད་ནོར་འདུག་མ་སྨྲ་ཞིག། གོང་དུ་གཡུ་དྲུག་དཀར་ཞེས་པས་ནོར་བཅོས་བྱས་པ་དེ་ནི་ནོར་བཅོས་བྱེད་མཁན་རང་ཡང་ནོར་འདུག་ཏེ། དེ་ནི་རིན་ཆེན་ཕྲེང་བའི་ཚིག་ཡིན་ཞིང་། གཡུ་དཀར་ནས་དྲངས་པའང་ནོར་འདུག་ཏེ། ཇི་སྲིད་སེམས་ཅན་འགའ་ཞིག་ཀྱང་། །གང་དུ་གྲོལ་བར་མ་གྱུར་པ། །དེ་ཕྱིར་བླ་ན་མེད་པ་ཡི། །བྱང་ཆུབ་ཐོབ་ཀྱང་གནས་གྱུར་ཅིག །ཅེས་པ་ཡིན་པས་གཙུག་ལག་ཁང་གི་སྒོ་ཡིག་ནོར་མེད། ཚིག་ཕྲད་ཅིང་ཞེས་པ་བྲིས་ན་གོ་རྒྱུ་གང་ཡང་མེད། འོང་ཏང་བློ་བཟང་ཡེ་ཤེས་ཅན་ནས་དུས་འཁོར་གྱི་སྐོར་གསུངས་པ་ནི་རྒྱུ་མཚན་དྲངས་ནས་གསུངས་འདུག་པས་དོན་ལ་དབྱད་རྒྱུ་ལས་གསུངས་སྟངས་ནི་ཉམས་ཞིབ་ཚད་ལྡན་གྱིས་གསུངས་ཚུལ་ལོ། །
དང་པོ་མཇལ། དེ་ནས་དཔྱད། དེ་ནས་བཤད། དེ་ནས་བྲིས། འདི་ནི་ངོ་མ་ཤ་ཚ་བའི་གཏམ་རེད།
བློ་བཟང་ཡེ་ཤེས་ལགས་ནས་གསུང་བ་དེར་གནས་ལུགས་དང་རྒྱུ་མཚན་ཆེན་པོ་འདུག དེས་ཕྱིར་ང་ཚོས་ལྷ་བཟོ་བས་ནོར་བར་ལག་པ་ཕྱིས་ན་གཏན་ནས་མི་འགྲིག་པས་ངེས་པར་དགོངས་བཞེས་གནང་དགོས།
ད་དུང་རྣམ་རྒྱལ་གྲྭ་ཚང་གི་ཐུགས་རྗེ་ཆེན་པོའི་ལྷ་ཁང་གི་ཤར་སྒོའི་སྟེང་དུ་ཡང་ཡིག་ནོར་ཚབ་ཆེན་ཞིག་ཤོར་ཡོད། དེ་ནི། ཇི་སྲིད་སེམས་ཅན་འགའ་ཞིག་ཀྱང་།། གང་དུ་མ་གནས་དེ་སྲིད་དུ།། དེ་ཕྱིར་བླ་ན་མེད་པ་ཡི།། བྱང་ཆུབ་ཐོབ་ཅིང་གནས་གྱུར་ཅིག་ཅེས་པའི་ཚིག་རྐང་ཐ་མ་དེར་བྱང་ཆུབ་ཐོབ་(ཀྱང་)གནས་གྱུར་ཅིག་ཅེས་ནོར་ནས་བྲིས་ཡོད། དེར་མ་ཟད། ༧གོང་ས་མཆོག་ལ་བསྔོ་རྟེན་འབུལ་ཡུལ་ལས་ཁུང་ཀྱི་བྱུང་འཛིན་སྟེང་དུ་ཏ་ལའི་བླ་མའི་དགེ་རྩ་ཞེས་མིག་གི་བལྟ་མི་ཕོད་པ་ཞིག་བྲིས་ཡོད། ཏ་ལའི་བླ་མའི་དགེ་རྩ་ཞེས་པ་དེར་ཚིག་མང་པོ་ཞིག་བསྡུས་ཚིག་བྱས་པ་ཡིན་ན་གོ་རྒྱུ་གཞན་ཞིག་ཡོད་སྲིད་མོད། མི་གང་ཡང་རུང་བ་ཞིག་གྲོངས་ཚར་བའི་རྗེས་ཀྱི་རྗེས་འཇུག་གི་དགེ་རྩ་དེ་ལ་མི་དེའི་དགེ་རྩ་ཟེར་གིན་ཡོད་པས། ༧གོང་ས་མཆོག་སྐུ་གཟི་འོད་ལམ་མེར་བཞུགས་པའི་སྐབས་སུ་ཚིག་འདི་འདྲ་ཞིག་བེད་སྤྱོད་གཏོང་ཐུབ་པ་དངོས་གནས་བློ་ཡུལ་ལས་འདས་པ་ཞིག་རེད།
མ་བརྟག་མ་དཔྱད་མ་དཔྱད་པའི་ཚེ་ན་འཐུས་ཤོར་འདི་འདྲ་ཏན་ཏན་ཡོང་མི་སྲིད་པ་མིན་ཡང་། དཔལ་དུས་ཀྱི་འཁོར་ལོའི་སྐུ་འདི་ཉིད་་་ཇོ་ནང་ཁལ་ཁ་རྗེ་བཙུན་དམ་པས་བཞེངས་རབས་ཤིག་གོ་མྱོང་བ་མ་ཟད།
དེ་ཡང་གཙོ་བོ་༧རྒྱལ་བའི་༧ཞབས་བརྟན་ལ་དམིགས་པ་ཞིག་ཡིན་རབས་ཡང་གོ་ཐོས་བྱུང་།
སྒོས་འདི་ཉིད་ལེགས་འགྲུབ་བྱུང་བའི་རྟེན་འབྱུང་རབ་གནས་སོགས་ལ་༧གོང་ས་མཆོག་ངོས་སུ་ཕེབས་ཏེ་བྱིན་རླབས་དང་སྤྱན་འབེབས་གནང་ཡོད་པ་དང་། སྐབས་དེར་ཐུགས་དགོངས་དགྱེས་མཉེས་ཆེན་པོ་བྱུང་ཡོད་པའི་གནས་ཚུལ་ཡང་བྱུང་ཡོད་འདུག
གང་ལྟར་གླེང་གཞི་འདིར་རྩེ་རྣམ་གྲྭས་ངེས་བར་དུ་ཁུང་ལུང་གང་ཡོད་ཀྱི་ར་སྤྲོད་ཁུངས་སྐྱེལ་གསལ་བོ་ཞིག་མ་གནང་ཚེ།
མཁན་མིང་པ་ཁྲོམ་ཐོག་གིས་ཤོད་སྟངས་དེས་་་་ནོར་འཁྲུལ་ཡོད་ན་༧གོང་ས་མཆོག་ཡིན་པ་ལས་ང་ཚོ་ལ་འབྲེལ་བ་མེད་ཅེས་ལག་པ་འཕྱི་ས་༧གོང་ས་མཆོག་རང་ཡིན་པ་དངོས་སུ་བྱས་འདུག་པས། བདེན་རྫུན་དབྱེ་བ་ཞིག་འཕྲལ་དུ་གནང་དགོས་གལ་ཆེ་བར་མཐོང་།
ངོ་མ་ཡག་པོ་རེད་ཐུགས་རྗེ་ཆེ་གྲྭ་ཚང་ཡག་པོ་ཡོད་པ་རེད་འདོན་རྟ་དབྱངས་གང་ཡིན་ཡང་རིན་ཐང་ཚང་པ་ཞིག་ཡོད་པ་རེད་ཡིན་ཡང་དེ་ནི་ལྷ་འབྲིས་ཀྱི་ལག་རྩལ་ནས་མ་ཡོང་པ་ཡིན་པ་རེད་མ་ཟད་ཁོང་ཚོས་མཉམ་འཇོག་གནང་ཡོད་པ་མ་རེད་དེ་འདྲ་བཀའ་གནང་པ་ཡག་པོ་རེད་དེ་རྗེས་སུ་ཤེས་ཀྱི་རེད། དེ་ནི་སྐྱོན་བརྗོད་མ་རེད་བདེན་དོན་རེད་གོང་ལྟ་ཞིབ་ཚག་གསུང་འདུག་ཐུགས་རྗེ་ཆེ།