ཟླ་འདིའི་ཚེས་ ༢ ཉིན་ཁམས་དཀར་མཛེས་རྫོང་འབྲིང་རིམ་མི་དམངས་ཁྲིམས་ཁང་གིས་དཀར་མཛེས་དགེ་མ་བྲག་དགོན་གྱི་བཙུན་མ་གསུམ་ལ་ལོ་གསུམ་རེའི་ཁྲིམས་ཐག་བཅད་འདུག
བཙུན་མ་དེ་དག་ནི་ཟླ་སྔོན་མའི་ཕྱི་ཚེས་ ༡༥ ཉིན་དཀར་མཛེས་དགེ་མ་བྲག་དགོན་གྱི་བཙུན་མ་བྱམས་པ་ཆོས་སྒྲོན་དང་ཞེ་ལྷ་མོ། དབྱངས་ཅན་ནམ་མིང་གཞན་ལ་བཀྲ་ཤིས་ཚེ་མཚོ་འབོད་པ་གསུམ་གྱིས་དཀར་མཛེས་རྫོང་གི་ཁྲོམ་གཞུང་དུ། ༸གོང་ས་མཆོག་སྐུ་ཚེ་ཁྲི་ལོ་བརྟན་པ་ཤོག ང་ཚོར་རང་དབང་དགོས།༧རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། ཞེས་འབོད་ཚིག་སྒྲོག་བཞིན་རྒྱ་གཞུང་ལ་ངོ་རྒོལ་བྱས་སྐབས་རྒྱ་ནག་གཞུང་གི་ཉེན་རྟོག་པས་འཛིན་བཟུང་བྱས་ཡོད་འདུག
ཁོང་གསུམ་བཙོན་འཇུག་གི་རྗེས་སུ་ནང་མི་གཉེན་འབྲེལ་ཚོས་ཁོང་ཚོས་གར་སོང་ཅི་ཆགས་ཀྱི་གནས་སྟངས་གང་ཡང་ཤེས་མེད་པ་དང་། ཉེ་ཆར་ཁྲིམས་ཐག་གཅོད་སྐབས་ཀྱང་ཁྲིམས་རྩོད་པ་དང་ནང་མི་སོགས་གང་ཡང་མེད་པར་གསང་སྟབས་ཀྱིས་ཁྲིམས་ཐག་གཅད་ཡོད་པ་དང་། ཟླ་འདིའི་ཚེས་ ༧ ཉིན་ཡིག་ཆ་ཞིག་ཁོང་ཅག་གི་ནང་མིར་འབྱོར་ཡོད་པའི་ནང་། ཁོང་གསུམ་ལ་ཁྲིམས་ཐག་བཅད་ཟིན་པའི་གནས་ཚུལ་བཀོད་ཡོད་འདུག བཙུན་མ་བྱམས་པ་ཆོས་སྒྲོན་ལགས་རང་ལོ་ ༣༡ དང་། ཞེ་ལྷ་མོ་ལགས་རང་ལོ་ ༢༡ ། བཀྲ་ཤིས་ཚེ་མཚོ་ལགས་རང་ལོ་ ༢༨ བཅས་ཡིན་འདུག
གསར་འགོད་པ། དོན་གོ
ད་ཕལ་ཆེར་གཞི་ལུས་བོད་མི་ཚང་མ་རྒྱའི་བཙན་འོག་ཏུ་འགྲ་ཡ་འདུག་། བཙན་བྱོལ་བོད་བཞུང་ཡི་ན་འདྲ་བཙན་བྱོལ་བོད་མི་སྒྲིག་འཛུགས་ཡི་ན་འདྲ་དོན་དག་རྡོག་རྡོག་ག་རེ་བྱེད་ཀྱིན་ཡོད་དོ།