དེ་རིང་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ཞེ་གཉིས་པ་དེ་རྡོར་གླིང་བོད་མིའི་གཞིས་སྒར་དུ་དབུ་འཛུགས་གནང་ཡོད་འདུག
བོད་ཀྱི་གཞོན་ནུ་ལྷན་ཚོགས་ཀྱིས་ལོ་རེར་རྒྱ་བལ་འབྲུག་གསུམ་དུ་ཡོད་པའི་ས་གནས་གཞོན་ནུའི་སྐུ་ཚབ་དང་འགན་འཛིན་ལྷན་ཚོགས་ཀྱི་ཚོགས་མི་བསྡུ་སྐོང་གིས། འདས་པའི་འཐབ་རྩོད་ཀྱི་ཉམས་མྱོང་དང་མ་འོངས་བོད་དོན་འཐབ་རྩོད་བྱེད་ཕྱོགས་བཅས་ཀྱི་ཐད་ཚོགས་འདུ་སྐོང་ཚོགས་ཀྱིས་གྲོས་ཆོད་གཏན་འབེབས་གནང་སྲོལ་ཡོད་པ་ལྟར། འདི་ལོའི་འགན་འཛིན་ལྷན་ཚོགས་ཐེངས་ ༤༢ པ་དེ་ཟླ་འདིའི་ཕྱི་ཚེས་ ༢༢ ནས་བར་གྱི་ཉིན་ལྔ་རིང་རྡོར་གླིང་བོད་མིའི་གཞིས་ཆགས་སུ་ཚོགས་མགོ་བརྩམས་ཡོད་པ་དང་། དེར་གཞོན་ནུའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་མི་ཡོངས་དང་རྒྱ་བལ་འབྲུག་གསུམ་དུ་ཡོད་པའི་ས་གནས་ ༣༨ ཙམ་གྱི་ཚོགས་མི་ ༡༠༠ ལྷག་འདུ་འཛོམས་བྱུང་ཡོད་འདུག འདིའི་ཐད་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་དོན་འགྲུབ་ལྷ་དེར་ལགས་ཀྱིས་བརྗོད་དོན་ལྟར་ན། ཐེངས་འདིའི་འགན་འཛིན་ལྷན་ཚོགས་ཀྱི་ཚོགས་འདུའི་གྲོས་གཞི་གཙོ་བོ། གཞོན་ནུའི་དབུས་ས་གཉིས་ཀྱིས་འདས་པའི་ལོ་གཅིག་གི་གྲོས་ཆོད་ཁག་ག་ཚོད་ཅིག་ལག་ལེན་བསྟར་བ་དང་ལྷག་ཡོད་མེད་བསྐྱར་ཞིབ་དང་། དབུས་ས་གཉིས་ཀྱི་ལོ་གཅིག་གི་ལས་བསྡོམས་དང་རྩི་ཁྲར་ཞིབ་བཤེར། བར་ལམ་བོད་ཀྱི་གནས་ཚུལ་གྱི་འགྱུར་འགྲོས་དང་མ་འོངས་པའི་ལོ་གཅིག་རིང་གི་བོད་དོན་འཐབ་རྩོད་དང་འབྲེལ་བའི་གྲོས་གཞི་ཁག་ལ་གྲོས་བསྡུར་གྱིས་གྲོས་ཆོད་གཏན་འབེབས་གནང་འཆར་ཡོད་འདུག
ཕྱི་ལོ་ ༢༠༠༩ ལོར་རྒྱ་གར་ལྷོ་ཕྱོགས་ཀོ་ལི་གྷིལ་དུ་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༠ བ་དེ་ཚོགས་ཡོད་པ་དང་། ༢༠༡༠ ལོར་བཞུགས་སྒར་ངྷ་སྟེང་བོད་ཁྱིམ་དུ་ཐེངས་ ༤༡ པ་དེ་ཚོགས་ཡོད་འདུག ཐེངས་འདིར་རྡོར་གླིང་བོད་མིའི་གཞིས་ཆགས་སུ་ཉིན་ལྔའི་རིང་ཚོགས་རྒྱུ་ཡིན་འདུག་ལ། མཐའ་མའི་ཉིན་དེར་གཞོན་ནུའི་དབུས་སྤྱི་ཁྱབ་རྒྱུན་ལས་ཁང་གི་གོ་སྒྲིག་འོག་(གཞོན་ནུའི་སྒྲིག་འཛུགས་དང་རང་བཙན་འཐབ་རྩོད།) ཅེས་པའི་ཟབ་སྦྱོང་ཞིག་ཀྱང་སྤྲོད་འཆར་ཡོད་འདུག
༼ ཞིབ་ཕྲའི་གནས་ཚུལ་བོད་ཀྱི་དུས་བབ་ཚགས་ཤོག་སྤྱིའི་འདོན་ཐེངས་ ༥༢༩ སྟེང་འགོད་འཆར་ཡོད་པས་དེར་གཟིགས་པར་ཞུ། ༽
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གཞོན་ནུའི་ཐབ་བཙན་ནི་དྲང་བདེ་དང་ཡང་དག་པ་དངོས་ཡོད་དང་མཐུན་པའི་ཐབ་བཙན་ཅིག་ཡིན་པས་བོད་མི་ཚང་མ་གཞོན་ནུའི་རྒྱབ་ཏུ་ལངས་ཤོག གཞན་ལ་རེ་བ་བརྒྱ་ནས་མ་སྡོད་མ་གཏོགས་སྐྱང་ཀི་ཡིས་ལུག་ཟ་ནས་རྫོགས་འགྲོ་ས་རེད།
བླ་མའི་འཁོས་ལ་བལྟ། ནས་ཉུང་མས་ཚོགས་ཤ་བྱེད་པའི་རྒྱ་མིའི་དམར་པོ་ལ། ཞི་བདེ་ལྷོད་གསུམ། མི་ཕན་རང་བདེ། མི་སྨོན་རང་སྐྱིད་ལ་མི་དགའ་ནས། འཁོན་མེད་འཁོན་སློང་། ཉེས་མེད་ཉེས་འཛུགས་རྐྱང་རྐྱང་བྱེད་ནས། བདེན་པ་ནག་གསུབ་བཏང་། རྫུན་མའི་ལ་མོ་གཡོག་ནས། བོད་མི་རིགས་སྡོད་པའི་ཡུལ་མེད། རྩོད་པ་ལ་སུ་ཡང་མི་དགའ་ན་ཡང་དེ་ནང་དུ་སློང་ཅི་ཐུབ་དང་། ཁྱད་གསོད་བརྙེས་དམོད་ཁུང་མེད་ཁྲིམས་འཇུག་འདི་ཚོ་ནི་ངོ་མ་བཟོད་མི་ཐུབ་པས། སྔ་ནས་ད་བར་རང་བཙན་གཙང་མ་ལ་རྩོད་པ་ལ་སེམས་མ་ཞུམ། བོད་རང་བཙང་ཁུང་མེད་གཏན་ནས་མིན། རྒྱལ་རབ་ལོ་རྒྱུས་ཡོད། རིག་གཞུང་རང་འཕེར་ཡོད། ཆ་ཤས་ཀྱི་ཆ་ཤས་ཤིགས་ཀྱང་གཏན་ནས་མེད། བཟང་པོ་ཡིད་ལ་བཞག་ན། སྲག་པས་ཕ་ཤ་ལོན། ངན་པ་ཡིད་ལ་བཞག་ན། བྱི་བས་གླང་ཆེན་སློང་པ་བཞིན་དབུས་གཞོན་ལྷན་གྱིས་དབུ་ཁྲིད་པའི་བོད་མི་མགོ་ནག་ཚོ། ཕ་ཡུལ་ནས་དཔའ་རྒོད་ཚོས་རང་ལུས་མེར་བསྲེག་དང་རང་སྲོག་གཤིན་རྗེ་ལ་སྤྲོད་ཐུབ་པའི་མི་རིགས་ལ་་ཤ་ཞན་འདི་ཚོ་བོད་མི་རིགས་ཀྱི་བརྗེད་དུ་མེད་པའི་བྱས་རྗེས་ཡིན་ལ། ཁོང་རྣམ་པའི་རྗེས་སུ་ཤ་ཟད་རུས་ལ་མ་ཐུག་བར་དུ་རང་བཙན་རྩོད་དགོས། བོད་མི་ཚོ་ལོང་ཤོག རང་བཙན་རྩོད་པར་ཤོག གཞོན་ནུ་རྒྱལ་ལོ། བོད་གངས་ཅན་པའི་མངའ་ཐང་དང་རང་བཙན་རྒྱལ་ལོ།
ཚོགས་བཅར་བ་ཡོངས་ལ་འཚམས་འདྲི་ཞུ།
རྩོད་དགོས་རང་བཙན་རྩོད་དགོས་བོད་པ་ཚོ། རང་དབང་མ་ཐོབ་བར་དུ་རྩོད་དགོས་བོད་པ་ཚོ། བདེན་པའི་བདེན་མཐའ་གསལ་ཡོང་བོད་པ་ཚོ། དངོས་པོའི་གཤིས་བབས་ཡིན་ནོ་བོད་པ་ཚོ།།
གཞོན་ལྷན་ལྷན་ཚོགས་ཐེངས་ཞེ་གཉིས་པར་ཚོགས་བཞུགས་གནང་མཁན་ཡོངས་ལ་བཀྲིས་བདེ་ལེགས་ཞུ་བ་དང་སྦྲགས་ཚོགས་འདུ་རྒྱལ་ཁའི་ལེགས་སྒྲུབ་ཡོང་བའི་སྨོན་འདུན་ཞུ།
རྩོད་དགོས་རང་བཙན་རྩོད་དགོས་མཐའ་ཅིག་ཏུ་རྩོདདགོས། ཁ་ཤེས་ཞིག་གི་སོ་སོར་ཁེ་ཕན་ཞིག་དང་རྐུབ་གཙུག་ས་ཞིག་རག་དུས་རང་བཙན་བློས་གཏོང་བ་དེ་འདྲ་མེད་པ་ཞིག་དགོས། དེ་སྔོན་རང་བཙན་རྩོད་དུས་རྒྱ་མི་ནས་རང་བཙན་མ་རྩོད་དང་སྐད་ཆ་བཤད་ཆོག་ལབ་མྱོང་ཡོད། ད་ལྟ་རྒྱ་མི་བྱེད་ཀྱི་ཡིན་ལབ་དུས་ཁ་ཡ་བྱེད་ཀྱི་འདུག་གམ། མི་རབས་རྗེས་མ་རྣམས་ལ་ཅི་ཡང་མེད་པ་མ་བཟོ་ན་ཡག་པོ་རེད། བོད་མི་ཤི་གསོན་གཉིས་ཀྱི་རེ་བ་དེ་རང་བཙན་རེད་མི་ལོ་རྒྱ་ཁྲག་དུ་རྩོད་དགོས་ཀྱང་རྩོད་རྒྱུ་རེད།
བོད་མི་རིགས་ཀྱི་ཐོབ་ཐང་རེད་ངེས་པར་རྩོད་དགོས་པ་རེད་རྒྱབ་སྐྱོར་ཡོད། བོད་མིའི་ལོ་རྒྱུས་སོགས་གང་ལ་ལྟས་བོད་རང་བཙན་གཙང་མའི་རྒྱལ་ཁབ་ཞིག་ཡིན་པ་དངོས་ཡོདཡིན། མུ་མཐུད་དུ་བརྩོད་དགོས་པ་རེད། བོད་རང་བཙན་གཙང་མ་ཡིན། བོད་རྒྱལ་ལོ།
མུ་མཐུན་ནས་རང་བཙན་གཙང་མ་བརྩོན་དགོས། བོད་གཞུང་གི་ལོགས་ཤོག་དེ་རང་བཙན་གཙང་མའི་ངོ་བོར་བསྒྱུར་དགོས། ངས་རྨི་ལམ་ཡང་དེ་ཡིན། གཞོན་ནུ་རྒྱལ་ལོ། རང་བཙན་གཙང་མ་རྒྱལ་ལོ།
བོད་དོན་ལ་ཕན་པའི་ལྷན་ཚོགས་ཞིག་ཚོགས་ཐོབ་པའི་རེ་བ་རྒྱབ་བཞིན་ཡོད།
ད་ལས་ཀ་འདྲ་བྱེད་རྒྱུ་མེད་དུས་ཚོགས་འདུ་འཚོགས་མ་ཚོགས་ཡོད་མ་རེད། དེ་བས་འགྲོ་སོང་འཕྲོ་ལྷག་མིན་པར། ༼ གཞོན་ལྷན་དང་བོད་ཀྱི་ལོ་རྒྱུས་༽ཟེར་བའི་ཟབ་སྦྱོང་ཟ་སྦྱོང་མིན་པ་ཞིག་སྤྲད་ན་ལེགས་ཚོགས་དེ་ལས་ཆེ་བ་ཞིག་གང་དུ་ཡོད་དམ།
ཞོར་དུ་རྩིས་ཁྲ་དེ་ཚོ་རྒྱ་ཆེའི་མི་མང་ལ་དག་གཙང་ཅིག་འབུལ་ཐུབ་ན་ཡག་གཱ དེ་མ་གཏོགས་གཞོན་ལྷན་ན་ལས་ཀ་ཡོད་པ་རེད་ལ། ལས་ཀྱང་ཐུབ་ཀི་མ་རེད་པཱ།