ཨོ་རི་ས་ཕུན་ཚོགས་གླིང་གཞིས་ཆགས་ཀྱི་ས་གནས་མགོ་འཛིན་ངག་དབང་ཡོན་ཏན་ལགས། ཨ་རིའི་སྐུ་ཚབ་དོན་གཅོད་ཁང་གི་ཟུང་དྲུང་དུ་བསྐོ་བཞག་གནང་འདུག
ཨ་རིའི་སྐུ་ཚབ་དོན་གཅོད་ཁང་དུ་ལས་བྱེད་ ༦ ཡོད་པ་ལས། དེ་སྔོན་ཆོད་གན་ཐོག་ཕྱག་ལས་གནང་བཞིན་པའི་དོན་གཅོད་ཕྱག་རོགས་ཟུང་དྲུང་བསྟན་འཛིན་བདེ་སྐྱིད་ལགས་ཀྱི་དུས་ཚོད་རྫོགས་ཏེ། འདི་ལོའི་ཕྱི་ཟླ་ ༥ ཚེས་ ༣ ཉིན་རྒྱ་གར་ཨོ་རི་ས་ཕུན་ཚོགས་གླིང་གཞིས་ཆགས་ཀྱི་ས་གནས་མགོ་འཛིན་ངག་དབང་ཡོན་ཏན་ལགས། ཨ་རིའི་སྐུ་ཚབ་དོན་གཅོད་ཁང་གི་ཟུང་དྲུང་དུ་བསྐོ་བཞག་གིས་ད་ཆར་འགྲོ་ལུགས་སྒྲུབ་བཞིན་ཡོད་འདུག
གནས་ཚུལ་འདིའི་སྐོར་བོད་གཞུང་དྲ་བར་བཀོད་དོན། “ ཨ་རི་སྐུ་ཚབ་དོན་གཅོད་ཁང་དོན་གཅོད་ཕྱག་རོགས་དྲུང་ཡིག་ཟུང་དྲུང་བསྟན་འཛིན་བདེ་སྐྱིད་ལགས་ལོ་ ༢ ཀྱི་ཆོད་གན་དུས་ཚོད་རྫོགས་པ་དང་། དོ་བདག་ནས་ཀྱང་མུ་མཐུད་དེ་སློབ་སྦྱོང་བྱ་རྒྱུའི་འདུན་པ་ཤུགས་ཆེན་ཡོད་པ་ལྟར། ཕྱི་འབྲེལ་བརྒྱུད་བཀའ་ཤག་ལ་སྙན་སེང་ཞུས་པར་ཕྱི་ལོ་ ༢༠༡༡ ཟླ་ ༥ ཚེས་ ༣ ཉིན་ཨོ་རི་ས་ཕུན་ཚོགས་གླིང་གཞིས་ཆགས་ཀྱི་ས་གནས་མགོ་འཛིན་ཟུང་དྲུང་ངག་དབང་ཡོན་ཏན་ལགས་ཨ་རི་སྐུ་ཚབ་དོན་ཁང་གི་ཟུང་དྲུང་དུ་བསྐོ་གཞག་གནང ” ཞེས་བཀོད་འདུག
དཔལ་ཡོན་ལགས་ནས་་༼ཁ་མཁས་མགོ་བདེ་སྤྲེལ་ལད་འཁྲབ་ཤེས་ན་༽་ཞེས་པ་འདི་ཅུང་བདེན་ཡོད། བཀའ་བློན་ཁྲི་ཟུར་ཟམ་གདོན་རིན་པོ་ཆེ་གོང་གི་བཀའ་ཤག་རྣམས་ནས་ཕྱི་རྒྱལ་སྐུ་ཚབ་དོན་གཅོད་ལས་བྱེད་གཏོང་སྟངས་ཚང་མ་སྐུ་ཞབས་དཔལ་ཡོན་ལགས་ཀྱི་གསུང་པ་ལྟར་དངོས་འབྲེལ་ལྟ་བུ་ཆགས་ཡོད། དཔེ་མཚོན་ཙམ་ཞུས་ན་དེ་སྔ་དོན་གཅོད་ལས་ཁུངས་ཀྱི་ལས་བྱེད་བསྐོ་བཞག་སྐབས་ལས་བྱེད་པའི་ཤེས་ཡོན་དང་འཇོན་ཐང་ཡོད་མིན་ལ་མ་ལྟོས་པར་གོང་རིམ་ལ་སྦྱར་མཁས་དང་འབྲེལ་བ་ཡག་པོ་ཡོད་ཚེ་གོ་སྐབས་ཐོབ་པ་བྱུང་ཡོད། ལས་བྱེད་དེའི་ལས་རྒྱུན་སྐབས་ནུས་པ་ཐོན་པའི་ལས་དོན་གྲུབ་འབྲས་སྟོན་རྒྱུ་ཕར་བཞག་རང་ལ་འཁྲིད་པའི་ཉིན་རེའི་ལས་དོན་དེའང་ཇི་བཞིན་བསྒྲུབ་མ་ཐུབ་མཁན་དེ་འདྲ་བཏང་ཡོད། དོན་ཁང་འགའ་རེ་ནང་ལས་བྱེད་གནས་རིམ་མཐོ་བཞིན་གཤམ་འོག་ལས་བྱེད་པའི་ལས་འགན་འཁུར་ནས་ལོ་ངོ་བཅུ་ཕྲད་ཅིག་ལྷག་བསྡད་མྱོང་བྱུང་ཡོད་ནའང། གོང་རིམ་ནས་ལས་བྱེད་དེ་དག་འཕོ་འགྱུར་གཏོང་མི་ཐུབ་པ་ནི་གོང་དུ་མཆན་འགོད་པའི་བྲིས་བ་ལྟར་བདེན་ཡོད། ད་ཆ་བཀའ་བློན་ཁྲི་ཟུར་ཟམ་གདོན་བླ་མས་བཀའ་ཤག་ལས་འཁུར་ནས་བཟུང་དོན་ཁང་གི་ལས་བྱེད་བསྐོ་བཞག་རྣམས་ཡིག་རྒྱུགས་ལམ་ནས་གནང་བཞིན་འདུག་པ་ནི་མངགས་བརྗོད་ཞུ་འོས་པ་མ་ཟད། དགོངས་པ་ཆེ་བཞེས་གནང་བ་ཞིག་ཡིན། གང་ལ་ཞེས་ན་དོན་ཁང་དུ་ལས་དོན་ཚགས་འཚུད་ཡོང་རྒྱུ་མ་ཟད། ལས་བྱེད་སོ་སོའི་ལས་འགན་གང་བཀུར་ཇི་བཞིན་གནང་ཐུབ་པ་ཡིན་པ་ལས། དེ་མིན་དོན་ཁང་གི་སྒོ་སྲུང་ལྟ་བུ་དང་ཉི་མ་གང་འཁྱོལ་ལྟ་བུར་བཞུགས་ནས་སྤྱི་དོན་འཇོན་ཐང་ཡོད་བ་འཐུས་ཤོར་ཁར། གཞུང་དངུལ་འཕྲོ་བརླག་ཡིན། དེས་ན་བཀའ་བློན་ཁྲི་པ་བློ་བཟང་སེང་གེ་ལགས་ནས་ལས་བྱེད་བཀོད་སྒྲིག་གནང་ཕྱོགས་ཐད་བཀའ་བློན་ཁྲི་ཟུར་ཟམ་གདོན་བླ་མ་ལྟར་མུ་མཐུད་མཇུག་སྐྱོང་གནང་རེ་དང་ཡིད་ཆེས་ཡོད། ཁོང་གི་ལས་དོན་ལམ་ལྷོང་དང་དམིགས་ཡུལ་རྣམས་ལྷུན་གྲུབ་ཡོང་ཆེད་བོད་རིགས་ཚང་མའི་མཉམ་རུབ་དང་དཔུང་འདེགས་གནང་གལ་ཆེ། བོད་རྒྱལ་ལོ།།།།།
དབྱིན་ཡིག་གི་མིང་ཅན་པོ། བཀའ་ཤག་གསར་པའི་ལས་དོན་དབུ་འཛུགས་སྐབས་ཉམས་འཇོག་དགོས་ལ། ནམ་རྒྱུན་ཨ་རི་གཙོས་པའི་ཕྱི་རྒྱལ་ཁག་ལ་ལས་བྱེད་གོ་སྒྲིག་ཞུ་ཕྱོགས་ལ་ལྟ་དགོས།
ནང་སྲིད་དྲུང་ཆེ་དངོས་གྲུབ་རྡོ་རྗེ་སྦར་སིལ་སྐུ་ཚབ་དོན་གཅོད་ལ་བསྐོས་པའི་སྐོར་དེ་སྔོན་ནས་བཀོད་ཡོད། https://tibettimes.net/wordpress/news.php?showfooter=1&id=4758
ཝ་ཡེ་དུས་བབས་ཚང་།་་ཁ་སྣོན་རྒྱབ་དགོས་རྒྱུ་གཞན་ཡང་གོ་ཐོས་ལ་ལྡི་ལི་དོན་གཅོད་ཁང་གི་དྲུང་ཆེ་ཀརྨ་ཟེར་བ་དེའང་ཡོ་རོབ་ས་ཁུལ་ཞིག་ཏུ་ཟུང་དྲུང་དུ་བསྐོ་གཞག་གནང་འདུག་ཟེར།་་འདིའི་སྐོར་དུས་བབས་ཚང་གི་དྲི་རྩད་དང་གསར་འགྱུར་དུ་འགོད་རྒྱུ་བརྗེད་ཡིན་ས་རེད།།་་་་འོ་དེ་ནས་གཞན་སུ་ག་པར་གཏོང་འདུག་འོ་རེད།་་་་་་ནང་སྲིད་དྲུང་ཆེ་དེའང་ཡོ་རོབ་ཁུལ་གྱི་ས་ཁུལ་ཞིག་ཏུ་གཏོང་འདུག་ཟེར།།།།་་་་་་ག་པར་གཏོང་གཏོང་རེད།་་ཁ་མཁས་མགོ་བདེ་སྤྲེལ་ལད་འཁྲབ་ཤེས་ན།།།།།།།