མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

སྤྱི་མཐུས་ཀྱི་ལས་འགན་མ་བསྒྲུབས་ཐལ།

བོད་ཀྱི་དུས་བབ།
༢༠༡༡/༠༩/༡༩
Share on FacebookShare on TwitterShare on EmailShare on Whatsapp

བཀའ་བློན་དྲུག་པོ་ཁ་ཁུ་སིམ་པོས་སྤྱི་མོས་སུ་བཏང་བ་དེ་སྤྱི་མཐུས་ཀྱི་ལས་འགན་མ་བསྒྲུབས་པ་རེད།

ཚེ་རིང་བསམ་གྲུབ།

ཉེ་ཆར་སྐབས་བཅོ་ལྔ་པའི་བཀུར་འོས་སྤྱི་མཐུས་གཅིག་གིས་ཀྱང་བཀའ་བློན་འོས་མི་དྲུག་ལ་དགོས་ངེས་ཀྱི་ཆ་རྐྱེན་དང་ཉམས་མྱོང་འཇོན་ཐང་སོགས་གང་འདྲ་ཡོད་མེད་ལ་དྲི་བ་དང་དགག་བྱ་གང་ཡང་མ་བྱས་པར་མིང་བཤེར་བྱས་པ་ཙམ་གྱིས་སྤྱི་མོས་སུ་བཏང་སོང་། དེས་གང་ཞིག་མཚོན་གྱི་ཡོད་ཅེ་ན། བཀུར་འོས་སྤྱི་མཐུས་རྣམས་ཀྱིས་རང་ཉིད་ཀྱི་ལས་འགན་དེ་གལ་ཆེན་ཡིན་པར་ངོས་འཛིན་གསལ་པོ་མེད་པ་དང་། དེ་བཞིན་བཀའ་བློན་ཕྱག་རོགས་རྣམས་ནི་བོད་ཀྱི་རྩ་དོན་དང་ཐད་ཀར་འབྲེལ་བ་ཆགས་ཀྱི་ཡོད་མེད་ཐོག་བསམ་བློ་དང་དངངས་འཚབ་ཀྱང་མེད་པ་ཤེས་རྟོགས་ཐུབ།

དངོས་གནས་བྱས་ན་ད་ལྟའི་དུས་ཚོད་འདིར་སྔར་བས་ཀྱང་ཟབ་ནན་གྱིས་རིག་པ་བསྒྲིམ་དགོས་པའི་གནས་ཚུལ་ཞིག་ཆགས་ཡོད། རྒྱུ་མཚན་ནི། ད་ལྟའི་སྲིད་སྐྱོང་བློ་བཟང་སེང་གེ་མཆོག་ནི་སྔོན་གྱི་བཀའ་ཁྲི་རྣམས་དང་མི་འདྲ་བར་མི་རབས་གསར་པ་ཡིན་པའི་ཁར། བོད་རྒྱལ་ཁབ་ཀྱི་ཆབ་སྲིད་འགན་དབང་ཆ་ཚང་ཡོད་པ་ཞིག་ཡིན། ད་ལྟའི་དུས་ཚོད་འདི་ནི་བོད་མི་རིགས་རང་ཉིད་ཀྱིས་རང་ཉིད་ལ་ཡིད་ཆེས་དང་སྤོབས་པ། གདེང་ཚོད་སྔར་བས་ཆེ་བ་ཡོང་རྒྱུར་འགག་རྩ་ཞིག་ཆགས་ཡོད། བོད་མི་མང་སྤྱི་མཐུས་ཀྱིས་སྲིད་སྐྱོང་བློ་བཟང་སེང་གེར་ངེས་པར་དུ་འཕྱར་བ་གྲུ་འདེགས་ཀྱིས་བོད་ཀྱི་མང་གཙོའི་འཕེལ་རྒྱས་ལ་བརྟེན་ནས་བོད་མི་རིགས་ཀྱི་རྩ་དོན་དང་དམངས་དོན་ཕན་ཐོགས་ཡོང་བ་ཞིག་བྱ་དགོས།།

ཁ་སྔོན་གྲོས་ཚོགས་སུ་བཀའ་བློན་འོས་མི་དྲུག་པོ་རྣམས་ཁ་ཁུ་སིམ་པོས་སྤྱི་མོས་སུ་བཏང་བ་དེ་འདྲ་ནི་བྱུང་མི་སྲིད་པ་ལྟ་བུ་ཞིག་རེད། དཔེར་ན། བཀའ་བློན་འོས་མི་ཚེ་རིང་དབང་ཕྱུག་ལགས་ལ་ཆ་མཚོན་ན། ཤེས་ཡོན་གྱི་གནས་ཚད་གང་ལེགས་ཡོད་ཀྱང་། ཁོང་ལ་ཆབ་སྲིད་ཀྱི་གོ་རྟོགས་དང་ཉམས་མྱོང་། འཇོན་ཐང་གང་འདྲ་ཡོད་མེད་གསལ་ཁ་གང་ཡང་མེད། བཀའ་བློན་ཡིན་ན་ངོ་བོའི་ཆ་ནས་སྲིད་དོན་པ་ཞིག་ཡིན་དགོས། ཁོང་འཕྲོད་བསྟེན་བཀའ་བློན་དུ་བཞག་པ་ཡིན་ནའང་། བོད་གཞུང་གི་སྲིད་བྱུས་དང་ལོ་རྒྱུས་སོགས་ཀྱི་གོ་རྟོགས་གང་ལེགས་དགོས། བོད་གཞུང་གི་འཕྲོད་བསྟེན་སྲིད་བྱུས་དེ་རྩ་བ་ཆ་ནས་བོད་གཞུང་གི་རྩ་བའི་སྲིད་བྱུས་མཐུན་དགོས་པ་ནི་སྨྲོས་ཅི་དགོས། ང་འཕྲོད་བསྟེན་བཀའ་བློན་ཡིན་པས་བོད་གཞུང་གི་སྲིད་བྱུས་དང་ཆབ་སྲིད་ལ་འབྲེལ་བ་མེད་ཟེར་ས་མེད། དེ་ནི་ཀུན་གྱིས་མཁྱེན་གསལ་རེད། ལར་ནས་སྤྱི་མཐུས་ཕལ་ཆེ་བས་བཀའ་བློན་ཚེ་རིང་དབང་ཕྱུག་དེ་སྔོན་མཐོང་མྱོང་ཡོད་མེད་ཀྱང་བཤད་ཁག་པོ་རེད།།

དཔེ་མཚོན་གཞན་ཞིག་ཞུ་ན། བཀའ་བློན་བདེ་སྐྱིད་ཆོས་དབྱིངས་ལགས་ནི་བོད་ཀྱི་བུད་མེད་ཤེས་འཇོན་གཉིས་ལྡན་ ཞིག་ཡིན་པར་ཐེ་ཚོམ་མེད། འོན་ཀྱང་བོད་ཀྱི་ཕྱི་འབྲེལ་བཀའ་བློན་དུ་བསྐོ་བཞག་བྱེད་འོས་པ་ཞིག་ཡོད་མེད་སྤྱི་མཐུས་རྣམ་པ་ཚོས་བགྲོ་གླེང་ཅི་ཡང་གནང་མ་སོང་། འདིར་དོགས་སློང་ཞུ་ན། ཁོང་གི་བོད་ཡིག་གི་གནས་ཚད་དེ་བཀའ་བློན་ཞིག་ལ་དགོས་པའི་མ་མཐའི་གནས་ཚད་དེ་ཡོད་དམ་མེད། བོད་གཞུང་གི་ཡིག་ཆ་ཆ་ཚང་བོད་ཡིག་ཐོག་ཡོད། དབྱིན་ཡིག་ཐོག་ཡོད་པ་ནི་ཚད་འཛིན་དུ་བྱེད་མི་ཆོག

གལ་ཏེ་བོད་ཡིག་དང་བོད་སྐད་སྐྱོ་བོ་ཡོད་པ་ཡིན་ན། བོད་ཕྱི་ནང་གི་བོད་མི་རྣམས་དང་འབྲེལ་བ་གནང་བའི་སྐབས་གནས་སྟངས་གང་འདྲ་ཞིག་ ཏུ་འགྱུར་རྒྱུ་རེད། བོད་གཞུང་ནས་བོད་ཀྱི་སྐད་ཡིག་དང་རིག་གཞུང་སྲུང་སྐྱོབ་བྱེད་བཞིན་ཡོད་ལུགས་གང་སར་སྒྲོག་པའི་ཚེ་བཀའ་བློན་ཞིག་བོད་ཡིག་དང་བོད་སྐད་ཡག་པོ་མ་ཤེས་པ་ཞིག་ཐོན་ན་འགྲེལ་བརྗོད་ཇི་ལྟར་བྱེད།

གནད་དོན་འདི་ལྟ་བུའི་ཐོག་བགློ་གླེང་གང་ཡང་བྱས་མེད་པ་ནི་ཧ་ཅང་བློ་ཕམ་གྱི་རང་བཞིན་དུ་འདུག གལ་ཏེ་སྤྱི་མཐུས་ག་གེ་མོ་ཞིག་གིས་གླེང་སློང་གནང་ཡོད་ན། སྲིད་སྐྱོང་བློ་བཟང་སེང་གེ་ལགས་ལ་ཡང་འགྲེལ་བརྗོད་བྱ་རྒྱུའི་གོ་སྐབས་ཤིག་ཡོང་གི་རེད། དེ་ཡང་བྱུང་མ་སོང་། གང་ལྟར་ཐེངས་འདིའི་སྤྱི་མཐུས་ཀྱི་མི་སྨྲ་བའི་རྟུལ་ཞུགས་བཟུང་པ་དེས་བོད་ཀྱི་རྩ་དོན་ལ་གནོད་རྒྱུ་ལས་ཕན་རྒྱུ་ཞིག་མེད་པ་གསལ་པོ་རེད། མདོར་ན་བཀའ་བློན་སྤྱི་མོས་བྱུང་སྟངས་དེ་གཞི་རིམ་སློབ་གྲྭའི་དགེ་རྒན་འདེམས་སྟངས་ལས་ཀྱང་ལས་སླ་བ་ཞིག་བྱུང་སོང་།། དེ་ནི་སྲིད་སྐྱོང་བློ་བཟང་སེང་གེ་ལམ་འགྲོ་རྒྱུགས་པའི་རྟགས་ཤིག་རྩ་བ་ནས་མིན་ནོ།། །།

 

མཆན། 8

  1. ཆབ་བྲག་ལྷ་མོ་སྐྱབས། says:
    ལོ་ 12 སྔོན།

    སྐབས་འདི་འདྲར་བདག་གིས་ཕྱག་རོགས་སྤྱི་འཐུས་བསྟན་འཛིན་མགོན་པོ་ལགས་དྲན་ནོ།

    Reply
  2. ཚེ་རིང་བསམ་གྲུབ། says:
    ལོ་ 12 སྔོན།

    སྲིད་སྐྱོང་བློ་སེང་གིས་ནོར་བ་དེ་སྤྱི་མཐུས་ཀྱིས་ཡོ་བསྲང་མ་བྱས་སྡིག་པ་མི་བཙུམ་བྱས་ནས་མུ་མཐུད་དེ་བསྡད་ན་གྱོན་གུན་བོད་མི་རྣམས་ལ་རག་གི་ཡོད་པ་ལས། ད་ལྟའི་མི་ཆེན་བླ་ཆེན་ལ་གྱོང་ཅི་ཡང་མེད། དེ་ཚོ་བོད་མི་ཚོས་ཤེས་པ་བྱེད་དགོས།

    ད་བཀའ་བློན་བདམས་ཚར་བ་རེད། འདས་པ་ཕྱིར་སློག་བྱེད་དཀའ། དོན་དངོས་ཐོག་བཀའ་བློན་གསར་འདེམས་བྱས་པ་རྣམས་ནི་མཁྱེན་འཇོན་ལྷག་བསམ་ལྡན་པ་ཤ་སྟག་ཡིན་པའི་སྨོན་ལམ་དང་རེ་བ་བྱེད་བཞིན་ཡོད། ང་ཚོ་རླུང་རྟ་རྒྱུགས་པའི་རེ་བ་ཡོད། ངའི་སེམས་ཀྱི་དོགས་པ་རྣམས་ནོར་བ་ཡིན་པའི་རེ་བ་ཡོད།
    སུ་ལའང་མངོན་ཤེས་མེད་པར་བརྟེན་བརྩད་ཅིང་མ་དྲིས་པར་དོན་དངོས་གནས་ཚུལ་རྟོགས་མི་ཐུབ་པ་དེ་སྲིད་སྐྱོང་བློ་སེང་གི་རྒྱབ་སྐྱོར་བ་ཚོས་ཀྱང་ཤེས་པ་བྱེད་དགོས། ཁ་གཏད་པ་ཚོས་ཀྱང་ཤེས་པ་བྱེད་དགོས། སྤྱི་མཐུས་རྣམ་པ་ཚོས་ཀྱང་ཤེས་པ་བྱེད་དགོས། སྲིད་སྐྱོང་དང་བཀའ་བློན་ཚོས་ཀྱང་ཤེས་པ་བྱེད་དགོས།
    བློ་རྒྱ་ཆུང་དྲགས་ན་སྙིང་ནད་སླེབས་པ་ཨོའོ་ཙམ་རེད། བོད་དོན་རྩ་བརླག་འགྲོ་ཉེན་འདུག ༧རྒྱལ་བའི་དགོངས་པ་འགལ་ཉེན་འདུག

    Reply
  3. བསྟན་འཛིན་ཆོས་རྒྱལ says:
    ལོ་ 12 སྔོན།

    གོང་གི་་་ནམ་སྟན་་་ནོར་འདུག་་་བསྟན་པ་ཡིན་་་དགོངས་དག

    Reply
  4. བསྟན་འཛིན་ཆོས་རྒྱལ says:
    ལོ་ 12 སྔོན།

    སྤྱིར་བདེ་ཆོས་ཀྱིས་བོད་སྐད་བོད་ཡིག་མ་ཤེས་ཀྱང་སྐྱོན་མེད. ཕྱི་འབྲེལ་བོད་ལ་འཛིན་དགོས་མ་རེད. བདེ་ཆོས་ལས་ལེགས་པ་ཆེས་མང་མོད. ངེད་ཚང་ལ་དེ་ལས་ལེགས་པ་མེད་པས་ཁོ མོ་མ་བཏང་རང་བཏང་རེད་
    དགོངས་དག

    Reply
  5. བསྟན་འཛིན་ཆོས་རྒྱལ says:
    ལོ་ 12 སྔོན།

    ནམ་བསྟན་ནི་ཀླུད་ཤར་གཏོར་ནུབ་རེད་འདུག སྙམ
    ཚེ་བསམ་འགྲིག་ཀྱང. སྐབས་༡༤བའི་སྐབས་འཚོལ་བ་གང་མང་ལྷག་ཡོད་པས་་་་་
    དགག་བྱ་བྱས སྲིད་སྐྱོང་གིས་གསལ་བཤད་གནང. ལེགས་ན་མང་མོས་སུ་བཏངས་ན་. མི་མང་གིས་ཀྱང་བཀའ་བློན་དེ་ཤེས་པས་དགེ་མཚན་ཆེ་མོད. སྔ་ལོར་སྟན་མགོན་་དོན་དངོས་རྦད་དེ་འགལ་བའི་འབྲེལ་མེད་སྐྱོན་བརྗོད་བྱས་པ་ཙམ་ལ་བརྟེན་ནས་སྤྱི་འཐུས་༤༢ ནང་ནས་མང་མོས་འོས་བསྡུས་པར. དགག་བྱ་བྱེད་མི་༡༩ ཉིད་ལ རྒྱལ་ཁ་ཐོབ་སྟེ. ཆེས་འོས་ཤིང་ལེགས་པའི་བློ་བཟང་སྙན་གྲགས་ནང་བཞིན་ཆགས་སྲིད་དོ.

    Reply
  6. གནས་ཚང་། says:
    ལོ་ 12 སྔོན།

    ཁ་གྲགས་དུས་ནས་དབྱིན་སྐད་མ་བཤད་ན། བཙན་བྱོལ་བའི་ལྟོ་བའི་ནང་དབྱིན་ཟས་ཇི་ལྟར་རེག་གམ། སྐད་ཆ་བཤད་དུས་བསམ་བློ་གཏོང་དགོས་པ་མ་རེད་དམ། དབྱིན་སྐད་མ་བཤད་པར་སུ་ཞིག་ལ་སྦྱིན་བདག་རེག་མྱོང་ངམ།

    Reply
  7. བསྟན་པ། says:
    ལོ་ 12 སྔོན།

    སྤྱི་འཐུས་ཚོས་སྐྱོན་ཡང་མ་རེད་བསམ། བློ་སེང་གི་སྐྱོན་ཡིན་པ་རྩོད་མེད་རེད། སྔོན་ཁོ་རང་འོས་ཐོབ་ཆེད་དུ་ཁ་ནས་ག་རེ་བཤད་ཡོད་མེད། ང་ཚོ་ཚང་མ་གསལ་ཐག་ཆོད་རེད། འདི་དག་གི་དོན་དག་ཚོ་བཀའ་ཁྲི་རང་ལ་རག་ལས་བས་བློ་ཕམ་བྱུང་།

    Reply
  8. ནམ་མཁའ་བསྟན་འཛིན། says:
    ལོ་ 12 སྔོན།

    བསམ་ཚུལ་འདིར་ང་ཡང་ཚོར་སྣང་གཅིག་པ་སླེབས་སོང་། འོན་ཀྱང་ལྟོས་ཡོང་ན་སྤྱི་འཐུས་ཀྱི་གྲངས་འབོར་ཕྱེད་ཀ་གསར་བ་ཡིན་སྟབས་ད་དུང་ཁོང་ཚོ་གྲོས་ཚོགས་ཚོགས་དུས་གཉིས་གསུམ་ཞིག་ལ་གཉིད་སངས་ས་མ་རེད། བདེ་སྐྱིད་ཆོས་དབྱིངས་ལགས་སུ་དེང་རབས་ཀྱི་ཤེས་འབྱོན་ཡོད་པ་གང་ཞིག་ལ་ཁ་གྲགས་དུས་ནས་དབྱིན་སྐད་མ་གཏོགས་བཤད་ཀྱི་མི་འདུག
    ད་དུང་བསམ་ཚུལ་འགའ་ཡོད་ཀྱང་རྗེས་སུ་འགོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist