༧རྒྱལ་བའི་ཡང་སྲིད་ཕེབས་ཕྱོཊ་གཏན་འབེབས་གནང་རྒྱུ་ཡིན་འདུག

དཔལ་ལྡན་མི་དབང་ཆོས་རིག་བཀའ་བློན་མཆོག་གི་དབུས་པའི་ཆོས་ཚོགས་སྐབས་བཅུ་གཅིག་པར་ཚོགས་བཅར་བ་ཆོས་བརྒྱུད་ཁག་གི་སྐུ་ཚབ་༸བླ་སྤྲུལ་དགེ་བཤེས་དང་མཁན་པོ་ཚོགས་མི་ཡོངས་ཀྱི་མདུན་སར།
ཆེད་ཞུ།
གྲྭ་པའི་སྤྱི་ཚོགས་ཀྱི་ཟུར་ན་ལྷག་པའི་ཕ་དམ་པ་སངས་རྒྱས་ཆོས་བརྒྱུད་ལ་ཆོས་བརྒྱུད་སྤྱི་མཚུངས་ཀྱི་ཐོབ་ཐང་མེད་པའི་དཀའ་ངལ་ལ་གདུང་སེམས་མཉམ་བསྐྱེད་བྱེད་འདོད་བྱུང་། འདི་ནི་ཆབ་སྲིད་ཅིག་མིན་ལ། ཕྱོགས་ཞེན་ཞིག་མིན། སྒེར་གྱི་ཁེ་ཕན་དང་འབྲེལ་བའི་དཀྲུགས་ཤིང་ཤིག་དེ་བས་མིན། མདོར་བསྡུས་ན་དཀའ་ངལ་ཞིག་གི་གནས་ལུགས་གླེང་བ་ཡིན།ཡིན་པ་མ་ཟད་ཕ་དམ་པ་སངས་རྒྱས་ཀྱི་ཆོས་བརྒྱུད་ཀྱི་ཐོབ་ཐང་དགོས་ཟེར་བ་དེ་ཆོས་བརྒྱུད་ཀྱི་མིང་ཙམ་ཡོད་པའི་རྒྱུ་མཚན་ཙམ་མ་རེད་ཕ་དམ་པ་སངས་རྒྱས་ཀྱི་རིང་ལུགས་འཛིན་མཁན་གྱི་དགོས་སྡེ་དང་བཤད་སྒྲུབ་ཆོས་སྤྱོད་གང་ཐད་ནས་རང་མགོ་ཐོན་པ་ཡོད་ཙང་ཡིན།༸གོང་ས་སྐྱབས་མགོན་ཆེན་པོའི་ཐུགས་རྗེ་དང་གཟིགས་གསོལ་གྱི་བཀའ་དྲིན་འོག་བོད་མིའི་སྒྲིག་འཛུགས་ཀྱི་ཁྱབ་ཁོངས་སུ་ཡོད་པའི་བོད་མི་ཚང་མར་རང་དབང་དང་།འདྲ་མཉམ།ཐོབ་ཐང་གཅིག་མཚུངས་ཀྱི་གནས་བབ་ལ་བློ་བདེ་ཞིང་སེམས་མགུ་ནའང་། དུས་དབང་གིས་ཉམས་ཞན་དུ་གྱུར་ཅིང་། ལོ་རྒྱུས་ཀྱི་ཁུངས་བཙན་པོས་ཕ་དམ་པ་སངས་རྒྱས་ཀྱི་་ཆོས་བརྒྱུད་དེ་ཆོས་རིག་ལས་ཁུངས་ཀྱི་ཁྱབ་འོག་ཆོས་དོན་ལྷན་ཚོགས་ཀྱི་ཁྲིམས་ཡིག་འོག་མ་ཚུད་པའི་གནས་བབ་སྤྱི་དང་། དེ་འབྲེལ་གྱི་བོད་རྒྱལ་ཡོངས་ཚོགས་ཆེན་དང་། དམིགས་བསལ་ཚོགས་ཆེན། ཆོས་རིག་ལས་ཁུངས་ཀྱི་གོ་སྒྲིག་ཞུས་པའི་ཆོས་ཚོགས་ཁག་གི་ནང་ཞབས་སྟེགས་ཀྱི་ཐོབ་ཐང་མེད་པ་སོགས་འདྲ་མཚུངས་མེད་པའི་གནས་བབ་ནི་བློ་གཟུར་བོར་གནས་པ་རྣམས་ལ་ཤིན་ལྐོག་ཅིག་གང་ནས་ཡིན།
བོད་ཕྱི་ནང་གཉིས་ཀྱི་ཕ་དམ་པ་སངས་རྒྱས་ཀྱི་དགོན་ཁག་གིས་ཕྱི་ལོ་ ༡༩༩༩་ལོ་ནས་གཟུང་བོད་མིའི་སྒྲིག་འཛུགས་ཀྱི་ལས་ཁུངས་ཁག་ཏུ་རེ་སྐུལ་སྙན་ཞུ་གྲངས་བརྒྱ་ལྷག་ཕུལ་ཏེ་ཆོས་བརྒྱུད་སྤྱི་མཚུངས་ཀྱི་ཐོབ་ཐང་ཡོང་རེ་འབོད་སྐུལ་ཞུས་ནའང་མཐོ་རིམ་ལྷན་ཁང་རེ་ཟུང་གི་ལག་སྣེ་རུ་སྤོ་ལོ་བཞིན་བགྲང་བྱ་བཅུ་གཉིས་རིང་དུ་ལྷག་པའི་དགོན་པ་དང་། མི་མང་སོགས་ཀྱི་རེ་སྐུལ་འདི་སྣང་མེད་སྐྱུར་འཇོག་བྱེད་བཞིན་པར་གནས་ལུགས་ལ་ཡིད་རྟོན་པ་ཚོས་མིག་བཀབ། རྣ་འོན་གྱི་བརྟུལ་ཞུགས་བཟུང་ན་མ་འོས་པར་མཐོང་།
དེས་ན་ཇོ་ནང་ཆོས་བརྒྱུད་ཀྱི་སྐབས་བབ་ཀྱི་དགོས་མཁོ་དང་། ཚོར་བ། ན་ཟུག་སོགས་ནི་ཆོས་བརྒྱུད་གཞན་ཁག་ལ་ཡོད་པའི་སྐལ་བ་ཞིག་རང་ཉིད་ལ་ཆད་པའི་ཚོར་བ་དེ་རེད། རེ་འདུན་གྱི་རྨ་ཁ་དེ་ལ་སྨན་པའི་ལེགས་བཅོས་ཤིག་དགོས་པ་ལས་བྱིས་པར་ཞིམ་རིལ་གྱིས་ངུ་ཁ་འགོག་པའི་སྣང་བརྙན་གྱིས་དེ་རིང་ཁུངས་འཁྱོལ་ཡང་སང་ཉིན་རང་མདོག་ཐོན་འགྲོ་བ་ཆོས་ཉིད་ཡིན།
མི་མང་གི་རེ་འདུན་དང་། དྲང་བདེན་གྱི་གནས་ལུགས་བཤད་པར་འཇིགས་ཞུམ་ཆགས་སྡང་མི་བྱེད་པས་ཁས་ལེན་དམ་བཅའ་བྱས་དོན་བོད་གཞིས་བྱེས་གཉིས་སུ་གནས་པའི་ཇོ་ནང་ཆོས་བརྒྱུད་ཆེན་པོའི་དགོན་ཁག་དང་། མི་མང་གི་རེ་འདུན་གྱི་དཀའ་ངལ་སེལ་ཐབས་མ་བྱུང་བར་ང་ཚོས་ཀྱང་བདེན་དོན་འདིའི་ཐད་གླེང་སློང་བྱེད་ངེས་ཡིན་པས་ཆོས་རིག་ལས་ཁུངས་དང་། ཆོས་དོན་ལྷན་ཚོགས་སུ་བཅར་བའི་ཆོས་བརྒྱུད་ཁག་གི་སྐྱབས་རྗེ་མཁན་བླ་དགེ་འདུན་རྣམ་པའི་སྡེ་ནས་ཀྱང་གཟིགས་ཕྱོགས་དོན་སྙིང་ལྡན་པ་ཡོང་རྒྱུར་རེ་སྐུལ་ནན་ཆེར་ཞུ་རྒྱུ་ཡིན།
འདི་ནི་སྤྱི་ཚོགས་ནང་གི་ལབ་འགྲོས་ཙམ་མིན་པར་ཆོས་ཚོགས་ཀྱི་ཚོགས་ཆེན་སྔ་ཕྱིའི་སྐབས་སུ་གསལ་བའི་ཆོས་ལུགས་མཐུན་སྒྲིལ་སྤེལ་ཐབས་སྐོར་གྱི་གྲོས་ཆོད་ཀྱི་དགོངས་དོན་དང་མཐུན་པ་ཞིག་ཀྱང་ཡིན་པས་བཤད་པ་དོན་དུ་གནས་ཐབས་ཡོང་བར་ཡིད་ཆེས་ཟབ་མོ་ཡོད་ཞུ་རྒྱུ་ཡིན།
མཐའ་དོན་དཔལ་ལྡན་ཆོས་རིག་ལས་ཁུངས་ཀྱིས་གོ་སྒྲིག་ཞུས་པའི་ཆོས་ཚོགས་ཐེངས་བཅུ་གཅིག་པ་ལམ་ལྷོང་དོན་གནས་ཡོང་བར་སྨོན་འདུན་གྲངས་མེད་ཞུ་རྒྱུ་བཅས་མི་ཉག་བཙན་པོ་ནས་གཟའ་འཕྲོད་སྦྱོར་དགེ་བའི་ཉིན་9། 23་ལ་ཕུལ

དང་ཐོག་བསྟན་འཛིན་མིང་ཅན་གྱིས་བཤད་བཞིན་དེ་དཀྲོགས་གཏམ་ཡིན་རྒྱུ་རེད་བསམ་ཏེ། རྣར་འགྲོ་མ་སོང་སྟེ། འོན་ཀྱང་དངོས་སུ་ལྟ་དུས་དངོས་གནས་རེད་འདུག བོད་གཞུང་དྲ་རྒྱའི་སྟེང་དངོས་གནས་༸གོང་ས་མཆོག་གིས་ཇོ་ནང་སྐོར་ལ་གསུངས་པའི་གསུངས་འཕྲིན་ཆ་ཚང་བཀོག་འདུག ཟུར་ཙམ་ཡང་བཞག་མི་འདུག དེ་དངོས་གནས་ཅུང་ཙམ་ཡ་མཚར་དགོས་པའི་ཞིག་ཆགས་སོང་། རྒྱ་དམར་གཞུང་འབྲེལ་བ་དྲ་བ་དག་གིས་ཝུན་ཇ་པའོ་ཡི་གཏམ་བཤད་གཏུབ་འབྲེགས་བྱེད་བཞིན་པ་ལྟར། ད་ཐེངས་སྒྲིག་འཛུགས་དྲ་རྒྱས་དངོས་གནས་༸གོང་ས་མཆོག་གི་གསུངས་བཤད་གཏུགས་འབྲེག་བྱས་འདུག་གཱ། སྨྲ་བརྗོད་རང་དབང་དང་ཕྱི་གསལ་ནང་གསལ་དེའང་ད་བསྡད་ཀྱིན་བསྡད་ཀྱིན་མོག་མོག་ཅིག་ཏུ་འགྱུར་ཉེན་འདུག སྒྲིག་འཛུགས་འདིའི་མགོ་བཙུགས་ནས་ཟླ་ཤས་ལས་མ་ཕྱིན་མོད། མདོགས་འདྲ་མི་འདྲ་ཞིག་དང་སེམས་ཚོར་འདྲ་མི་འདྲ་ཞིག་སྤྲད་ཡོང་གི་འདུག ང་སྐྲག་གི། ང་དངངས་གི ང་འཐོམ་གི མ་གཞི་ཐག་གཅོད་ག་འདྲ་ཞིག་ཡོང་མིན་དེ་ཁྲིམས་སྒྲིག་གཞི་དང་གནས་སྟངས་མང་པོ་ཞིག་གི་སྟངས་ནས་ཐག་གཅོད་དགོས་པ་ཞིག་རེད། ཇོ་ནང་ལ་ཆོས་རྒྱུད་ཐོབ་ཐང་སྤྲོད་ཐུབ་དང་མ་ཐུབ་དོན་དག་གཞན་ཞིག་རེད། ཡིན་ནའང་། གླེང་ཆོག་པ་དེ་འགྲོ་བ་མི་སྤྱི་ལ་ཡོད་དགོས་པའི་གཞི་རྩའི་ཐོབ་ཐང་ཞིག་རེད། འདི་ལྟར་གཞུང་གི་དྲ་ཐོག་ནས་མགྲིན་པ་བགག་ན་ཡག་པོ་མི་འདུག སྤྱིར་ཆོས་རྒྱུད་སྤྱི་འཐུས་མེད་པ་བཟོས་ན་ཡག་ཤོས་རེད། གཏམ་རྒྱུ་གླེང་རྒྱུ་མང་པོ་ཡོང་གི་མ་རེད། ཆོས་པ་ཚོས་ཡིན་གཅིག་མིན་གཉིས་ལ་ཅིག་རྩོད་སྡོད་དགོས་ཀྱི་ཡོད་པ་ཡིན་ན། སྒྲིག་འཛུགས་ལས་ལོགས་སུ་ཆོས་དོན་ལྷན་ཚོགས་བཙུགས་རྗེས། དེ་གར་རྟོགས་པ་མཐོན་པོ་ང་ཡིན་ཟེར་མཁན་ཚོ་དང་། བྱང་ཆུབ་སེམས་དཔའ་ཁོ་ཡིན་ཟེར་མཁན་ཚང་མས་འུར་རྒྱག་ན་འཇིག་འདེད་ན་སོ་སོས་འདོད་པ་རེད། དེ་མ་གཏོགས་སྤྱི་ཚོགས་ཆུང་ཆུང་འདིའི་སྒྲིག་གཞིའི་ནང་ལ་ཆོས་རྒྱུད་ཚོས་ལག་པ་བརྐྱངས་ཏེ་མང་ཚོགས་ཀྱི་མཐུན་ལམ་དཀྲིགས་དཀྲིགས་བཏང་ན་ཁྱོན་ནས་ཡག་པོ་མི་འདུག “སེམས་བྱང་ཆུབ་ཕ་རའི་ལ་རེད།། དོན་རྟོག་པ་རྒྱང་གི་རྒྱང་རེད།། མིང་མཚན་གནས་ང་རྒྱལ་རྩོད་པ། འདི་མེད་ན་ཇི་འདྲའི་སྐྱིད་པ། “

མ་འདས་ཡང་སྲིད་དགོས་རྒྱུ་ཚང་མའི་རེ་འདུན་ཉག་གཅིག་ཡིན་་་་བླ་རྒན་ཚང་མས་དེ་དོན་མ་བརྗེད་རོགས་ཞུ། བླ་རྒན་ཚང་མ་མིང་ཆེ་ཡ་མ་གཏོགས་གནའ་དེང་གི་རིག་གནས་ཤེས་མཁན་དཀོན་གི་བསམ་གྱི་ཡོད།

བཀུར་འོས་པའི་དྲ་གྲོགས་ལྷན་རྒྱས།
ཁྱེད་ཅག་གིས་ཕྱོགས་ལྷུང་མེད་པའི་ཐོག་ནས་གཟིགས་དང་། བོད་གཞུང་གིས་ང་ཚོ་ཇོ་ནང་ཚང་ལ་ལྟ་ཕྱོགས་ཇི་འདྲ་ཞིག་བཟུང་འདུག གཤམ་གྱི་བོད་གཞུང་དྲ་ཐག་ཐོག་གཟིགས་དང་། དེར་༧གོང་ས་མཆོག་གིས་ཇོ་ནང་སྐོར་གསུང་བའི་བཀའ་སློབ་དེའི་ཟུར་ཙམ་ཡང་མི་འདུག
http://tibet.net/tb/2011/09/23/%e0%bc%b8%e0%bd%82%e0%bd%bc%e0%bd%84%e0%bc%8b%e0%bd%a6%e0%bc%8b%e0%bc%b8%e0%bd%a6%e0%be%90%e0%be%b1%e0%bd%96%e0%bd%a6%e0%bc%8b%e0%bd%98%e0%bd%82%e0%bd%bc%e0%bd%93%e0%bc%8b%e0%bd%86%e0%bd%ba9-10-172/
འོན་ཀྱང་ཁོང་གི་བཀའ་སློབ་ངས་ཡིག་ཐོག་ཏུ་ཕབ་ནས་འདིར་ཡང་བསྐྱར་བཀོད་ཡོད།

༧གོང་ས་མཆོག་གི་དམིགས་བསལ་བཀའ་སློབ།

(དེ་རིང་ཕྱི་ཚེས་ ༢༣ ཉིན་གྱི་ཞོགས་པའི་ཆུ་ཚོད་ ༨ དང་ཕྱེད་ཀའི་སྟེང་། བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། ༧གོང་ས་༧སྐྱབས་མགོན་ཆེན་པོ་མཆོག་དབུ་བཞུགས་ཐོག བོད་ཀྱི་ཆོས་བརྒྱུད་ཆེན་པོ་ཁག་དང་གཡུང་དྲུང་བོན་བཅས་ཀྱི་བླ་ཆེན་རྣམས་ལྷན་བཞུགས་ཀྱིས། ཉེ་ཆར་འབྲུག་དང་འབྲས་ལྗོངས་གཙོས་པའི་བལ་བོད་ཁུལ་དུ་ས་ཡོམ་ཀྱི་གནོད་འཚེའི་ཁྲོད་རྐྱེན་འདས་སུ་སོང་བ་རྣམས་ཀྱི་ཆེད་བསྔོ་སྨོན་གསུངས་ཤིང་། དེའི་རྗེས་སུ ༧གོང་ས་༧སྐྱབས་མགོན་ཆེན་པོ་མཆོག་ཆོས་ལུགས་ཚོགས་ཆེན་ཐེངས་བཅུ་གཅིག་པའི་ཚོགས་མགོན་ཏུ་ཆིབས་བསྒྱུར་བསྐྱངས་ཏེ། ཚོགས་བཅར་ཡོངས་ལ་བཀའ་སློབ་ཟབ་མོ་གནང་བའི་ནང་ནས་ཇོ་ནང་པའི་སྐོར་ཡིག་ཐོག་ཏུ་ཕབ་པ། བཀའ་སློབ་དུམ་བུ་འདི་བོད་གཞུང་དང་༧གོང་ས་མཆོག་གི་དྲ་ཚིགས་ཐོག་བཀོད་མི་འདུག)
ངས་ནམ་རྒྱུན་བཀའ་ཆོས་སྐབས་ལ་བཤད་བསྡད་ཀྱིན་ཡོད། དངོས་གནས་གང་བཤད་ན་མ་བཤད་ན་དུས་ཀྱི་འཁོར་ལོའི་སྦྱོར་དྲུག་གི་ཉམས་ལེན་ཐོག་ཕྱིན་པ་ཡིན་ན། ཇོ་ནང་གིས་ད་ལྟ་བར་དུ་བསྟན་པ་བཟུང་ནས་བསྡད་བཞག་ཡོད་པ་རེད། དེ་དངོས་གནས་བཀའ་དྲིན་རྗེས་སུ་དྲན་དགོས་པ་ཞིག་རེད། ཡག་པོ་ཞེ་དྲགས་རེད། ལྟ་བ་རང་སྟོང་དང་གཞན་སྟོང་ཟེར་བ་དེ་ཚད་མཐོན་པོའི་རྒང་ལ་འགྲོ་བསྡད་ཡོད་པ་རེད། དེ་ཁྱད་པར་གང་ཡང་མི་འདུག ངས་ནམ་རྒྱུན་སེམས་ལ་ཤར་བསྡད་པ་ཞིག་ཡོད། དེས་སེམས་ལ་ཞེ་དྲགས་ཕན་གྱི་འདུག ཇོ་ནང་གི་བླ་སྒྲུབ་ཀྱི་ནང་གི་ཚིག སྒྱུ་མའི་རང་སྣང་རྗེན་ནེ་ནེ༎ གཏད་མེད་རིག་པ་གསལ་ལ་ལ༎ བརྗོད་མེད་དབྱིངས་སུ་ཐལ་ལ་ལ༎ བདེ་བ་ཆེན་པོ་ཁྲིལ་ལི་ལི༎ ཡག་པོ་འདུག་ཀ འདི་ལྟར་བསམ་བློ་བཏང་བ་ཡིན་ན། ཕྱི་བཟུང་བ་བདེན་མེད་སྒྱུ་མ་ལྟ་བུ་དང་། ནང་འཛིན་པ་བདེན་མེད་ཡང་སྒྱུ་མ་ལྟ་བུ་རེད། དེ་ནས་བསམ་བློ་ཞིག་བཏང་ཡོང་དུས་ཕྱི་བཟུང་བ་ཡུལ་དང་ནང་འཛིན་པ་སེམས་གཉིས་ཀ་དམིགས་གཏད་གཅིག་ཡིན་དུས་བདེན་མེད་ཡིན་བསམ་གྱིན་འདུག་ཀ དེའི་ངང་དུ་བསྡད་པ་ཡིན་ན་དེའི་ངེས་ངོ་ལ་སྤྲོས་པ་མཐའ་ཉེ་བར་ཞི་ནས་སེམས་གསལ་སེང་ངེ་འགྲོ་བསྡད་པ་འདྲ་བོ་ཞིག་ཡོང་གི་འདུག་ཀ དེའི་སྔོན་དུ་རྫོགས་རིམ་དང་མཐུན་པའི་རྟོགས་པ་མཐོན་པོ་ཡོད་ན་མེད་ན་ཁ་ཐུག་དེར། བྲལ་བའི་དུས་ན་སེམས་ཀྱི་གཞོན་ནུ་དེ༎ བརྗོད་བྲལ་ལམ་གྱི་གོང་བུར་ངལ་གསོ་བསྟེན༎ ཞེས་གསུངས་པ་དེ་ག་རང་རེད་པ། ཡག་པོ་འདུག་ཀ རེད་པ། སྔོན་ལ་གཞན་སྟོང་རང་སྟོང་ཟེར་བ་དེ་ཕར་བཞག (བཞད་མོ་དང་བཅས།) སྔོན་ལ་སོ་སོའི་ཁ་ཐུག་དེར་དངོས་གནས་རང་གི་སེམས་ལ་ཕན་པ་ཞིག་དང་། སྒོ་གསུམ་ཞི་ཞིང་དུལ་བ་ཞིག་བྱུང་ན་དེས་འགྲིག་འདུག་ཀ ངའི་ངོ་ཤེས་པ་ཨ་མེ་རི་ཀའི་མི་ཞིག་གིས། ཁོ་མགོ་ལོག་ལ་གནས་སྐོར་དུ་ཕྱིན་པ་ཡིན་ཟེར། བཀྲ་ཤིས་འཁྱིལ་དང་དེ་ཚོར་མཚམས་བསྡམས་ནས་ཡུན་རིང་པོར་བཞུགས་མཁན་ཡོད་ཟེར་བ་དེ་འདྲ་གོ་ཡ་མི་འདུག མགོ་ལོག་འཛམ་ཐང་ཁུལ་དུ་(དེ་ཇོ་ནང་རེད།)མཚམས་ལ་བཞུགས་མཁན་མང་པོ་ཞེ་དྲགས་འདུག ཁོའི་ཡིད་ཞེ་དྲགས་འཕྲོག་སོང་ཟེར་གི་འདུག དཔེ་ཡག་པོ་རེད་པ། དེ་འདྲ་ཡིན་དུས། གཅིག་ནས་བཤད་པའི་ཀ་ཆེན་བཅུ་དང་། སྒྲུབ་རྒྱུད་ཤིང་རྟེ་དེ་ཚོ་རིས་མེད་བསྟན་རྒྱས་སྨོན་ལམ་ན་ཡོད་པ་རེད་པ། བྱས་ཙང་དེ་གནད་འགག་ཅིག་འདུག ངས་ཡང་འདི་བྱོས་འདི་མ་བྱེད་ཅེས་ང་ལ་བཤད་ཡ་གང་ཡང་མེད་དེ། ཡིན་ན་ཡང་། ཁྱེད་རང་ཚོས་དབྱིན་ཇིའི་སྐད་ཐོག་ནས་(serious)དོན་གནད་གལ་ཆེན་པོ་ཞིག་ལ་དགོངས་པ་བཞེས་དགོས་ཡ་ཞིག་རེད། དེར་གནད་འགག་ཅིག་འདུག ང་རང་གི་ངོས་ནས་ཁོང་ཚོས་ང་ལ་ཡི་གེ་ཞིག་བྲིས་པ་རེད། ངས་དེ་བཤད་ཡོད་དོ་ཞེས་ཁོང་ཚོར་ཕར་ལན་སྤྲད་ཀྱི་ཡིན། ཤེས་སོང་ངམ། (བཞད་མོ་བཅས།) དེ་རིང་ངས་ལབ་སྙིང་འདོད་པ་དེ་ཚོར་ཆོ་མི་འདུག ང་རང་གིས་ཞྭ་མོ་དེ་ཕུད་པ་ཡིན། ཁྱེད་རང་ཚོས་ག་རེ་གནང་འདོད་པ་ཁྱེད་རང་ཚོས་ཐག་ཆོད། བཀྲ་ཤིས་བདེ་ལེགས། ཐུགས་རྗེ་ཆེ། ཞེས་བཀའ་བསྩལ།

༧གོང་ས་མཆོག་གི་བཀའ་སློབ།
(དེ་རིང་ཕྱི་ཚེས་ ༢༣ ཉིན་གྱི་ཞོགས་པའི་ཆུ་ཚོད་ ༨ དང་ཕྱེད་ཀའི་སྟེང་། བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། ༧གོང་ས་༧སྐྱབས་མགོན་ཆེན་པོ་མཆོག་དབུ་བཞུགས་ཐོག བོད་ཀྱི་ཆོས་བརྒྱུད་ཆེན་པོ་ཁག་དང་གཡུང་དྲུང་བོན་བཅས་ཀྱི་བླ་ཆེན་རྣམས་ལྷན་བཞུགས་ཀྱིས། ཉེ་ཆར་འབྲུག་དང་འབྲས་ལྗོངས་གཙོས་པའི་བལ་བོད་ཁུལ་དུ་ས་ཡོམ་ཀྱི་གནོད་འཚེའི་ཁྲོད་རྐྱེན་འདས་སུ་སོང་བ་རྣམས་ཀྱི་ཆེད་བསྔོ་སྨོན་གསུངས་ཤིང་། དེའི་རྗེས་སུ ༧གོང་ས་༧སྐྱབས་མགོན་ཆེན་པོ་མཆོག་ཆོས་ལུགས་ཚོགས་ཆེན་ཐེངས་བཅུ་གཅིག་པའི་ཚོགས་མགོན་ཏུ་ཆིབས་བསྒྱུར་བསྐྱངས་ཏེ། ཚོགས་བཅར་ཡོངས་ལ་བཀའ་སློབ་ཟབ་མོ་གནང་བའི་ནང་ནས་ཇོ་ནང་པའི་སྐོར་ཡིག་ཐོག་ཏུ་ཕབ་པ།)
ངས་ནམ་རྒྱུན་བཀའ་ཆོས་སྐབས་ལ་བཤད་བསྡད་ཀྱིན་ཡོད། དངོས་གནས་གང་བཤད་ན་མ་བཤད་ན་དུས་ཀྱི་འཁོར་ལོའི་སྦྱོར་དྲུག་གི་ཉམས་ལེན་ཐོག་ཕྱིན་པ་ཡིན་ན། ཇོ་ནང་གིས་ད་ལྟ་བར་དུ་བསྟན་པ་བཟུང་ནས་བསྡད་བཞག་ཡོད་པ་རེད། དེ་དངོས་གནས་བཀའ་དྲིན་རྗེས་སུ་དྲན་དགོས་པ་ཞིག་རེད། ཡག་པོ་ཞེ་དྲགས་རེད། ལྟ་བ་རང་སྟོང་དང་གཞན་སྟོང་ཟེར་བ་དེ་ཚད་མཐོན་པོའི་རྒང་ལ་འགྲོ་བསྡད་ཡོད་པ་རེད། དེ་ཁྱད་པར་གང་ཡང་མི་འདུག ངས་ནམ་རྒྱུན་སེམས་ལ་ཤར་བསྡད་པ་ཞིག་ཡོད། དེས་སེམས་ལ་ཞེ་དྲགས་ཕན་གྱི་འདུག ཇོ་ནང་གི་བླ་སྒྲུབ་ཀྱི་ནང་གི་ཚིག སྒྱུ་མའི་རང་སྣང་རྗེན་ནེ་ནེ༎ གཏད་མེད་རིག་པ་གསལ་ལ་ལ༎ བརྗོད་མེད་དབྱིངས་སུ་ཐལ་ལ་ལ༎ བདེ་བ་ཆེན་པོ་ཁྲིལ་ལི་ལི༎ ཡག་པོ་འདུག་ཀ འདི་ལྟར་བསམ་བློ་བཏང་བ་ཡིན་ན། ཕྱི་བཟུང་བ་བདེན་མེད་སྒྱུ་མ་ལྟ་བུ་དང་། ནང་འཛིན་པ་བདེན་མེད་ཡང་སྒྱུ་མ་ལྟ་བུ་རེད། དེ་ནས་བསམ་བློ་ཞིག་བཏང་ཡོང་དུས་ཕྱི་བཟུང་བ་ཡུལ་དང་ནང་འཛིན་པ་སེམས་གཉིས་ཀ་དམིགས་གཏད་གཅིག་ཡིན་དུས་བདེན་མེད་ཡིན་བསམ་གྱིན་འདུག་ཀ དེའི་ངང་དུ་བསྡད་པ་ཡིན་ན་དེའི་ངེས་ངོ་ལ་སྤྲོས་པ་མཐའ་ཉེ་བར་ཞི་ནས་སེམས་གསལ་སེང་ངེ་འགྲོ་བསྡད་པ་འདྲ་བོ་ཞིག་ཡོང་གི་འདུག་ཀ དེའི་སྔོན་དུ་རྫོགས་རིམ་དང་མཐུན་པའི་རྟོགས་པ་མཐོན་པོ་ཡོད་ན་མེད་ན་ཁ་ཐུག་དེར། བྲལ་བའི་དུས་ན་སེམས་ཀྱི་གཞོན་ནུ་དེ༎ བརྗོད་བྲལ་ལམ་གྱི་གོང་བུར་ངལ་གསོ་བསྟེན༎ ཞེས་གསུངས་པ་དེ་ག་རང་རེད་པ། ཡག་པོ་འདུག་ཀ རེད་པ། སྔོན་ལ་གཞན་སྟོང་རང་སྟོང་ཟེར་བ་དེ་ཕར་བཞག (བཞད་མོ་དང་བཅས།) སྔོན་ལ་སོ་སོའི་ཁ་ཐུག་དེར་དངོས་གནས་རང་གི་སེམས་ལ་ཕན་པ་ཞིག་དང་། སྒོ་གསུམ་ཞི་ཞིང་དུལ་བ་ཞིག་བྱུང་ན་དེས་འགྲིག་འདུག་ཀ ངའི་ངོ་ཤེས་པ་ཨ་མེ་རི་ཀའི་མི་ཞིག་གིས། ཁོ་མགོ་ལོག་ལ་གནས་སྐོར་དུ་ཕྱིན་པ་ཡིན་ཟེར། བཀྲ་ཤིས་འཁྱིལ་དང་དེ་ཚོར་མཚམས་བསྡམས་ནས་ཡུན་རིང་པོར་བཞུགས་མཁན་ཡོད་ཟེར་བ་དེ་འདྲ་གོ་ཡ་མི་འདུག མགོ་ལོག་འཛམ་ཐང་ཁུལ་དུ་(དེ་ཇོ་ནང་རེད།)མཚམས་ལ་བཞུགས་མཁན་མང་པོ་ཞེ་དྲགས་འདུག ཁོའི་ཡིད་ཞེ་དྲགས་འཕྲོག་སོང་ཟེར་གི་འདུག དཔེ་ཡག་པོ་རེད་པ། དེ་འདྲ་ཡིན་དུས། གཅིག་ནས་བཤད་པའི་ཀ་ཆེན་བཅུ་དང་། སྒྲུབ་རྒྱུད་ཤིང་རྟེ་དེ་ཚོ་རིས་མེད་བསྟན་རྒྱས་སྨོན་ལམ་ན་ཡོད་པ་རེད་པ། བྱས་ཙང་དེ་གནད་འགག་ཅིག་འདུག ངས་ཡང་འདི་བྱོས་འདི་མ་བྱེད་ཅེས་ང་ལ་བཤད་ཡ་གང་ཡང་མེད་དེ། ཡིན་ན་ཡང་། ཁྱེད་རང་ཚོས་དབྱིན་ཇིའི་སྐད་ཐོག་ནས་(serious)དོན་གནད་གལ་ཆེན་པོ་ཞིག་ལ་དགོངས་པ་བཞེས་དགོས་ཡ་ཞིག་རེད། དེར་གནད་འགག་ཅིག་འདུག ང་རང་གི་ངོས་ནས་ཁོང་ཚོས་ང་ལ་ཡི་གེ་ཞིག་བྲིས་པ་རེད། ངས་དེ་བཤད་ཡོད་དོ་ཞེས་ཁོང་ཚོར་ཕར་ལན་སྤྲད་ཀྱི་ཡིན། ཤེས་སོང་ངམ། (བཞད་མོ་བཅས།) དེ་རིང་ངས་ལབ་སྙིང་འདོད་པ་དེ་ཚོར་ཆོ་མི་འདུག ང་རང་གིས་ཞྭ་མོ་དེ་གཡུགས་པ་ཡིན། ཁྱེད་རང་ཚོས་ག་རེ་གནང་འདོད་པ་ཁྱེད་རང་ཚོས་ཐག་ཆོད། བཀྲ་ཤིས་བདེ་ལེགས། ཐུགས་རྗེ་ཆེ། ཞེས་བཀའ་བསྩལ།

ཇོ་ནང་གི་སྐོར་འདི་ད་ལམ་ཐག་ཆོད་ཡག་པོ་ཞིག་གནང་བའི་རེ་བ་ཡོད།
མ་གཞི་ནས་ས་སྐྱ་གོང་མ་རིན་པོ་ཆེ་ཕེབས་ཤག་ཁོང་ནས་ཀྱང་ཐུགས་བརྩེ་བ་ཆེན་པོས་ཇོ་ནང་ལ་ཆོས་ལུགས་ཐོབ་ཐང་གནང་རྒྱུའི་རྒྱབ་སྐྱོར་བྱེད་པའི་རེ་བ་ཡོད།
གང་ཡིན་ཟེར་ན་ཁོང་ནི་ཆོས་ལུགས་རིས་མེད་ཀྱི་ཐུགས་དགོངས་ཡོད་པ་དང། ལྷག་པར་དུ་བོད་ཀྱི་བླ་ཆེན་གྱི་ནང་ནས་བརྩིས་བཀུར་ཆེ་བ་ཞུ་སའི་གནས་ཤིག་ཡིན་དུས་ད་ལམ་འཆུགས་མི་ཉན།
གལ་ཏེ་ཁོང་ནས་ཞལ་མ་དྲགས་ན་ཡིད་དྭོགས་ཆེན་པོ་སྐྱེས་གཞི་ཞིག་ཏུ་འགྱུར་རྒྱུ་ལས་བརྩིས་བཀུར་ཀྱང་བྱེད་རྒྱུར་ཐེ་ཚོམ་གྱི་གནས་སུ་འགྱུར་ངེས་སོ།
ཇོ་ནང་སྤྱི་འཐུས་ལ་རྒྱབ་སྐྱོར་དང་ཆོས་ལུགས་སྤྱི་འཐུས་ཡུན་གནས་ཐུབ་པའི་བཀྲ་ཤིས་ཤོག

ཨོ། བཀའ་དྲིན་ཆེ། ཁམས་གསུམ་ཆོས་ཀྱི་རྒྱལ་པོ། ༧རྒྱལ་དབང་ཡིད་བཞིན་ནོར་བུ། ང་ཚོ་ཇོ་ནང་པས་བསྐལ་བ་འབུམ་ཕྲག་སྟོང་གི་བར་དུ་ཁྱེད་ཀྱི་བཀའ་དྲིན་གཞལ་ཐབས་མེད།
༡༽ རྒྱ་གར་དུ་ཇོ་ནང་བསྟན་པ་དར་སྤེལ་དགོས་གལ་གཟིགས་ཏེ་ཁལ་ཁ་རྗེ་བཙུན་དམ་པ་ཇོ་ནང་བསྟན་བདག་དུ་བསྐོས་ནས་དེ་འཛིན་དགོས་པར་བཀས་བསྐུལ།
༢༽ བསྟན་པའི་གནས་གཞི་སིམ་ལ་དགོན་པ་ཁལ་ཁ་རིན་པོ་ཆེའི་མཚན་ཐོག་ཏུ་གསོལ་བསྩལ་གནང་སྟེ། དུས་འཁོར་སྒྲུབ་རྒྱུད་ཀྱི་བསྟན་པ་དར་སྤེལ་བྱོས་ཞེས་གསུང་བསྐུལ་མཛད།
༣༽ ཇོ་ནང་བསྟན་པ་ཕྱོགས་བཅུར་རྒྱས་ཆེད་ཐུགས་སྨོན་གཟབ་རྒྱས་ཀྱི་སྒོ་ནས་ཇོ་ནང་བསྟན་འབར་མ་གསུངས།
༤༽ སིམ་ལ་ཇོ་ནང་རྟག་བརྟན་ཕུན་ཚོགས་ཆོས་གླིང་དུ་ཕེབས་ཏེ། ཉིན་གསུམ་རིང་ཇོ་ནང་ཁྲིད་བརྒྱའི་བཀའ་ཁྲིད་དང་། ཇོ་ནང་ལུགས་ཀྱི་ཁྲོ་རྒྱལ་རྡོ་རྗེ་ཤུགས་ཀྱི་རྗེས་གནང་། ཁོང་གིས་མཛད་པའི་ཇོ་ནང་བསྟན་རྒྱས་སྨོན་ལམ་གྱི་ལྗགས་ལུང་ཀྱང་གནང་།
༥༽ ནམ་རྒྱུན་རྟག་པར་དུས་ཀྱི་འཁོར་ལོའི་དབང་ཆེན་ནམ་གནང་སྐབས། ཇོ་ནང་ཚང་དུས་འཁོར་བསྟན་པའི་བཀའ་བབ་དང་། གལ་ཆེན་ཡིན་ཚུལ་གྱི་བཀའ་སློབ་རིམ་པར་གནང་བཞིན་ཡོད།
༦༽ ཁར་སང་ཆོས་རིག་ལས་ཁུངས་ནས་གོ་སྒྲིག་བྱས་པའི་ཆོས་ལུགས་ཚོགས་ཆེན་ཐོག ཇོ་ནང་བསྟན་པར་ཚད་མཐོའི་བསྔགས་བརྗོད་གནང་ཤིང་། གནད་དོན་དེ་གལ་ཆེན་དུ་བརྩིས་ནས་ཐག་གཅོད་བྱེད་འོས་ཞེས་བཀའ་སློབ་ཞིབ་རྒྱས་སུ་བསྩལ།
དེ་ལྟར་བསམ་ཚེ་ང་ཚོ་ཇོ་ནང་པའི་ངོས་ནས་༧ཁམས་གསུམ་ཆོས་ཀྱི་རྒྱལ་པོ་རིས་མེད་བསྟན་པའི་བདག་པོ་༧རྒྱལ་མཆོག་བཅུ་བཞི་པ་ཆེན་པོ་འདིའི་བཀའ་དྲིན་གྱི་ཆ་ཙམ་ཡང་བསྐལ་བ་འབུམ་ཕྲག་གི་བར་གཞལ་མི་ཐུབ་ཀྱང་། རང་ལ་དབང་བའི་ལུས་ངག་ཡིད་གསུམ་སླར་ཡང་ཁོང་གི་བྲན་དུ་ཕུལ་ཏེ། ཅི་གསུང་བཀའ་བསྒྲུབ་ཀྱི་དམ་བཅའ་ཕུལ་བ་ལགས་སོ༎

རྒྱལ་བའི་ཡང་སྲིད་རྒྱན་དཀྲུག་ནས་འདེམས་སྟངས་ཀྱི་སྔ་མོའི་ལམ་སྲོལ་དེ་ལ་མོས་མཐུན་མེད། ལྷག་པར་དུ་ལྷ་ཁོག་ཡོད་ཟེར་མཁན་ཚོས་བཟི་གཏམ་ལ་གཏད་ནས་མོས་མཐུན་མེད། གངས་ཅན་སྤྱི་འབངས་གཅིག་གི་བསམ་ཚུལ་ཡིན།

ཇོ་ནང་པས་ཆོས་བརྒྱུད་ཀྱི་ཐོབ་ཐང་དགོས་ཟེར་བ་དེ་ལྟ་བ་གཅིག་པོའི་སྟེང་ནས་བཤད་ཀྱི་ཡོད་པ་མ་རེད། ཁོང་རང་ཚོར་དགོན་སྡེ་དང་བཤད་སྒྲུབ་ཆོས་སྤྱོད་གང་ཐད་ནས་རང་མགོ་ཐོན་པ་ཡོད་པ་དེས་དགོས་ཟེར་གྱི་ཡོད་པ་རེད།

ཇོ་ནང་ལོ་རྒྱུས་ཐོག་ནས་ས་སྐྱ་ཆགས་ཀྱི་ཡོད་ཀྱང་དུས་རབས་འདི་ནང་དུ་ཇོ་ནང་རང་རྐང་ཕེར་བའི་ཆོས་བརྒྱུད་གཞན་ཞིག་ཆགས་ན་བཟང་ཕྱོགས་ཀྱི་འགྱུར་བ་ཡིན་པ་ལས་སྡུག་པོ་གང་ཡང་མ་རེད།སྔོན་མ་རྒྱ་གར་ནས་བོད་དུ་ནང་བསྟན་ཆོས་ལུགས་དར་དུས་བཀའ་རྙིང་ས་དགེ་ཟེར་བ་ཞིག་ཁ་ཁ་ཡོད་པ་མ་རེད།འོན་ཀྱང་བོད་དུ་བཀའ་རྙིང་ས་དགེ་ཟེར་བ་ཞིག་བརྒྱུད་པ་མི་འདྲ་བའི་དབང་གིས་བྱུང་བ་རེད་།དེ་ལ་ངོ་བོའི་ཐོགས་ནས་ལེགས་ཆ་མ་གཏོགས་ཉེས་ཆ་གང་མེད་ཀྱང།མཚམས་རེ་ཆོས་ལུགས་མི་སྣས་མ་འགྲིགས་པ་བྱས་ནས་ལོ་རྒྱུས་ཐོག་ལ་ནག་ཐིག་ཀྱང་བྲིས་མྱོང་ཡོད་དེ་ཚོ་ཆོས་ལུགས་མི་སྣ་སྒེར་གྱིས་ཉེ་རིང་ཆགས་སྡང་རྩོད་ནས་མ་འགྲིགས་པ་བཟོས་བ་རེད།ལེགས་ཆ་བྱུང་ན་བོད་ལ་བོད་བརྒྱུད་བརྒྱ་ཡོད་ཀྱང་མང་སྐྱོན་ཡོད་པ་མ་རེད།ཉེན་ཁ་བྱུང་ན་ཆོས་ལུགས་གཅིག་ཡིན་ཀྱང་རྙོག་དྲ་ཆགས་ཀྱི་རེད།དེ་ཚོ་ནི་འཛིན་སྐྱོངས་བྱ་མཁན་ཚོས་འགྲིགས་མ་གྲིགས་ཀྱི་ཆ་གཉིས་ཀ་ཡོང་ཆོག་བ་རེད།བོད་པའི་ཆོས་བརྒྱུད་གཞན་ཚོའི་ནང་དུ་ཡང་འགྲིགས་མ་འགྲིགས་ཀྱི་ཆ་གཉིས་ཀ་ཡོད་པ་རེད།ཇོ་ནང་ལ་ཡང་དེ་དེ་བཞིན་ཡོང་རྒྱུ་རེད།

གནའ་སྔ་མོ་ལྟར་ན་སྤུལ་སྐུ་ལམ་ལུགས་ཀྱི་བྱས་རྗེས་བཤད་ན་བཤད་མི་ཚར་བ་བཤད་རྒྱུ་ཡོད་ཅིང་དེང་སང་ལྟར་ན་སྤུལ་སྐུ་ཚོས་ནོར་འཁྲུལ་་གླེང་ན་གླེང་མི་ཕོད་པར་ཆགས་ཡོད།སྤུལ་སྐུ་ལམ་ལུགས་འདི་མུ་མཐུད་ནས་གནས་དགོས་ན་སྤུལ་སྐུ་ལམ་ལུགས་ལ་དག་ཐེར་བྱ་དགོས་བ་ཞིག་ཆགས་ཡོད།སྤུལ་སྐུ་ཚོས་ཆོས་ལུགས་སྦྱང་ཤིང་སྤུལ་སྐུ་ཚོས་ནང་པའི་ཆོས་ཀྱི་ལྟ་གྲུབ་དང་གནས་སྟངས་ཆ་ཚང་སློབ་སྦྱོང་བྱ་ནས་ཤེས་དགོས་བ་ཞིག་ཆགས་ཡོད།ཕྲུག་གུ་ལོ་གཉིས་གསུམ་ཅན་བྱིས་པ་སྣབ་ལུད་དེ་ཚོ་སངས་རྒྱས་ཀྱི་སྤྲུལ་བ་རེད་ཅེས་འགྲེལ་བཤད་བརྒྱབ་ནས་ཁོ་ཚོ་ལ་སློབ་སྦྱོང་གང་ཡང་མེད་ཀྱང་དབང་དང་གོ་ས་ཡོད་ན་རང་སྣང་གང་ཤར་བྱ་ནས་བསྟན་བ་མགོ་ནས་བཤིགས་ཀྱི་ཡོད་པའི་གནས་ཚུལ་འདི་ཚོ་ངེས་ངས་དུ་ད་ཐེངས་ཞིབ་འཇུགས་དང་བགྲོ་གླེང་བྱ་ནས་སྒྲིག་གཞི་དང་གྲོས་ཆོད་བཞགས་དགོས་བ་ཞིག་ཆགས་ཡོད།འདི་ལྟར་སྤུལ་སྐུའི་ཡང་སྲིད་ལམ་ལུགས་ལ་དག་ཐེར་མ་བྱས་ན་མི་རིངས་པར་སྤུལ་སྐུ་ལམ་ལུགས་འདི་མི་ཡུལ་ནས་མཇུག་སྒྲིལ་རྒྱུ་ཐེ་ཚོམ་མེད་པར་བཤད་ཐུབ།

དབང་དང་རྒྱུ་ཡོད་ན་ནག་ཆང་བག་མེད་ལོངས་སུ་སྤྱོད་བཞིན་པའི་མཁན་སྤྲུལ་དགེ་བཤེས་གྲྭ་པ་མི་ཉུང་བ་ཞིག་གིས་ངུར་སྨྲིག་ལུས་ལ་གྱོན་ནས་ནག་ཆང་བག་མེད་དུ་ལོངས་སུ་སྤྱོད་ཅིང་རྒྱལ་ཁབ་ཕྱི་ནང་ལ་རང་དབང་གིས་རྒྱུ་ནས་དད་པས་ཕུལ་བའི་དངུལ་དངོས་ཡོད་ཚད་བག་མེད་ལོངས་སྤྱོད་ཁོ་ན་བྱ་ནས།དམ་ཆོས་འདུལ་བ་ཟེར་བ་དེ་རྒྱངས་རིང་པོ་ཞིག་ལ་བཞགས་པའི་ཞབས་འདྲེན་དེའི་རིགས་མ་འོངས་པར་མི་ཡོང་བའི་ཐབས་ལམ་གང་ཡོད་སྐོར་ལ་བླ་ཆེན་རྣམས་ཀྱིས་དགོངས་པ་ནན་པོ་བཞེས་དགོས་བ་ཞིག་ཆགས་ཡོད།གྲོས་ཚོགས་འདིའི་ཐོག་ཏུ་དེའི་སྐོར་བགྲོ་གླེང་བྱ་དགོས་བ་ཞིག་ཆགས་ཡོད།

ཇོ་ནང་དེ་ས་སྐྱའི་ནང་ཚན་ཞིག་རེད་།ལྟ་བ་གཞན་སྟོང་ཡིན་ཙམ་གྱི་ཆོས་བརྒྱུད་ཀྱི་ཐོབ་ཐང་དགོས་ན་དགེ་ལུགས་ནང་འཇམ་དབྱངས་ཆོས་རྗེ་སོགས་རྗེའི་བུ་སློབ་མང་པོ་ཡོད་པས་ཆོས་བརྒྱུད་ཐོབ་ཐང་དགོས་པ་དང་། ད་དུང་ཞེ་བྱེད་སོགས་ལ་དགོས་པར་སེམས།