དེ་རིང་ཆོས་ཚོགས་ཐེངས་བཅུ་གཅིག་པའི་མཇུག་སྡོམ་སྟེང་གྲོས་ཆོད་བཞག་སྟེ། བཙུན་མའི་རྒྱུགས་སྤྲོད་དང་མཚན་གནས་ཁུངས་སོ་སོས་ཐག་གཅོད་བྱ་རྒྱུ་དང་། ཆོས་དོན་ལྷན་ཚོགས་ཀྱི་ཁྲིམས་གཞི་བསྐྱར་བཅོས་ཡོང་ཐབས་བྱ་རྒྱུ། ཇོ་ནང་པ་ནི་ལྟ་གྲུབ་དང་ཆོས་བརྒྱུད་གང་ཐད་ནས་རང་རྐང་ཚུགས་ཐུབ་པ་ཞིག་ཡིན་པར་ངོས་འཛིན་བཅས་ཐག་གཅོད་གནང་སོང་།
དེ་རིང་ཉིན་བརྒྱབ་བཞུགས་སྒར་ངྷ་སར་འཚོགས་བཞིན་པའི་བོད་ཀྱི་ཆོས་ལུགས་ཆོས་བརྒྱུད་ཁག་ཚོགས་ཆེན་ཐེངས་བཅུ་གཅིག་པ་མཇུག་སྒྲིལ་ཏེ། གྲོས་གཞི་གྲོས་དོན་ཚན་ ༩ ལ་གྲོས་ཆོད་ཁག་ཅིག་བཞག་ཡོད་པའི་སྐོར་སི་རྱི་གསོལ་མགྲོན་ཀང་དུ་གསར་འགོད་གསལ་བསྒྲགས་བསྐྱངས་དོན་ལྟར་ན། དང་པོ་ཆོས་ཚོགས་ཐེངས་ ༡༠ པའི་གྲོས་ཆོད་ཁག་གི་སྐོར་ལ། ཆོས་རིག་ལས་ཁུངས་ཀྱིས་ལག་བསྟར་མ་ཐུབ་པ་རྣམས་འབྲེལ་ཡོད་ཚང་མས་མཇུག་བསྐྱང་བྱ་རྒྱུ་དང་། གྲོས་གཞི་དོན་ཚན་གཉིས་པ་དགོན་སྡེ་ཁག་གི་སློབ་གཉེར་སྐོར་ལ། དགོན་སྡེ་ཁག་གི་སློབ་སྦྱོང་གནང་རྒྱུར་སྔར་བར་ཚགས་ཚུད་དང་ཡར་རྒྱས་སོང་ཡོད་ཀྱང་། ད་དུང་མཇུག་གནོན་ཕྱག་བསྟར་མུ་མཐུད་དགོས་པ་དང་། ལྷག་པར་ཐོས་བསམ་སློབ་གཉེར་ལ་འགལ་རྐྱེན་ཆགས་གཞིའི་ལག་ཐོགས་ཁ་པར་དང་། གློག་ཀླད་འཕྲུལ་ཆས་རིགས་སློབ་གཉེར་དུས་ཡུན་སྤྱི་དང་དམིགས་བཀར་ཚོགས་དང་ཆོས་རྭར་བཀག་སྡོམ་བྱ་རྒྱུ།
གྲོས་གཞི་དོན་ཚན་གསུམ་པ་བཙུན་མ་སློབ་གཉེར་མཐར་སོན་གྱི་མཚན་གནས་སྐོར་ལ། གཞུང་ཆེན་སློབ་གཉེར་གནང་བཞིན་པའི་བཙུན་མའི་འདུས་སྡེ་སྤྱིར་ཁྱབ་པའི་མཚན་གནས་གཅིག་གྱུར་གཏན་འབེབས་མ་དགོས་པར། ཆོས་ལུགས་ཆོས་བརྒྱུད་སོ་སོའི་ལམ་སྲོལ་ཇི་ཡོད་ལྟར་མཚན་གནས་གང་འོས་རེ་ཁུངས་སོ་སོ་ནས་གནང་རྒྱུ་དང་། རིས་མེད་བཙུན་དགོན་ཁག་གིས་སློབ་ཚན་དང་འཛིན་རིམ་བསྐྱར་ཞིབ་ཀྱིས་རྒྱུགས་སྤྲོད་དང་མཚན་གནས་འབུལ་ཕྱོགས་འཆར་འབུལ་ཇི་བྱུང་ཆོས་ཚོགས་སྐབས་ ༡༢ པའི་ཐོག་གཏན་འབེབས་གནང་རྒྱུ།
གྲོས་གཞི་དོན་ཚན་བཞི་པ་གདན་ས་ཁག་གི་ཚན་རིག་སློབ་ཁྲོད་སྐོར་ལ། བཤད་གྲྭའི་སློབ་ཚན་རང་གི་ནང་དུ་ཚན་རིག་སློབ་ཚན་བཅུག་ཏེ་སློབ་ཁྲིད་བྱ་རྒྱུར་དཀའ་ངལ་ཆེ་ཐོག དགོན་པའི་དམིགས་ཡུལ་དང་འཚམས་པའི་ཕན་ཐོགས་ཀྱང་དེ་ཙམ་ཡོང་དཀའ་བར་བརྟེན། ད་ཡོད་ཚན་རིག་གི་ལས་རིམ་རྒྱུན་མཐུད་ཐོག ནང་ཆོས་ཀྱི་གོ་རྟོགས་མཐོ་ཞིང་རིག་སྟོབས་བཟང་བ་ཁག་ལ་ཚན་རིག་སློབ་སྦྱོང་གོ་གོ་སྐབས་བསྐྲུན་ཐབས་བྱ་རྒྱུ།
གྲོས་གཞི་དོན་ཚན་ལྔ་པ་༼ ཆོས་དོན་ལྷན་ཚོགས ༽ སྐོར་ལ། བཀའ་བརྒྱུད་སྤྱི་ལ་ཁྱབ་པའི་དབུ་ཁྲིད་ཅིག་གཏན་འཇགས་སམ་རེས་མོས་ཀྱིས་ཕེབས་རྒྱུ་གནས་སྐབས་ལག་བསྟར་དཀའ་བར་བརྟེན། ཆོས་དོན་ལྷན་ཚོགས་ཀྱི་གྲུབ་ཆ་མི་ཚང་བའི་དཀའ་ངལ་འདི་བཞིན། ཆོས་རིག་ལས་ཁུངས་དང་ཆོས་ཚོགས་གཉིས་ནས་སེལ་ཐབས་ཐུབ་མིན་ལ། འབྲེལ་ཡོད་ལས་ཁུངས་ནས་ཁྲིམས་བཟོ་ལྷན་ཚོགས་སུ་སྙན་གསན་གྱིས་ཁྲིམས་ཡིག་བསྐྱར་བཅོས་མཛད་ཕྱོགས་ཇི་བཀབ་གནང་སྐྱོང་ཡོང་བ་ཞུ་རྒྱུ།
གྲོས་གཞི་དོན་ཚན་དྲུག་པ་རྒྱལ་སྤྱིའི་ཐོག་གི་ནང་པའི་ཆོས་པ་ཚོར་ལྟ་སྟངས་སྐོར་ལ། བོད་ཀྱི་ཆོས་ལུགས་ཆོས་བརྒྱུད་ཁག་གི་དགོན་སྡེ་ཡོངས་ཀྱི་མཁན་པོ་དང་སློབ་དཔོན། ལས་སྣེ་ཐམས་ཅད་མཚན་དོན་མཚུངས་པའི་ཆ་རྐྱེན་ཚང་བ་ཤ་སྟག་བསྐོ་བཞག་ཐོག རབ་བྱུང་ངུར་སྨྲིག་གི་སྡེ་དང་གོས་དཀར་ལྕང་ལོ་ཅན་གྱི་སྡེ་སོ་སོའི་ཆ་ལུགས་མ་འདྲེས་པ་བྱ་རྒྱུ་དང་། ཕྱི་རྒྱལ་ཆོས་ཚོགས་ཁག་ཏུ་མི་འགྲོ་གཏོང་སྐབས། ཡོན་ཏན་དང་ཀུན་སྤྱོད་ཡག་པོ་རྐྱང་གཏོང་རྒྱུར་སྔར་ལས་དོ་དམ། གལ་སྲིད་ཕྱི་རྒྱལ་ཆོས་ཚོགས་ཀྱི་མི་སྣའི་ཀུན་ངན་པོ་བྱུང་ན། ཆོས་བརྒྱུད་སོ་སོའི་ངོས་ནས་ཞིབ་འཇུག་དང་སྟངས་འཛིན་དོ་ནན་བྱ་རྒྱུ།
གྲོས་གཞི་དོན་ཚན་བདུན་པ་དགེ་སློང་མའི་སྡོམ་རྒྱུན་སྐོར་ལ། ད་ཕན་དགེ་སློང་མའི་སྡོམ་རྒྱུན་སྐོར་ལ་ལོ་མང་ཉམས་ཞིབ་གནང་བའི་གྲུབ་དོན་དེབ་ཕྲེང་ཁ་ཤས་པར་སྐྲུན་ཟིན་པའི་ནང་གསལ་ལྟར། གཞི་ཐབས་ཅད་ཡོད་པར་སྨྲ་མའི་དགེ་སློང་མའི་སྡོམ་རྒྱུན་མེད་པ་དང་། སྡེ་པ་གཞན་གྱི་དགེ་སློང་མའི་སྡོམ་རྒྱུན་ཡང་ཁུངས་དག་ཐེ་ཚོམ་ཡོངས་སུ་བྲལ་བ་ཞིག་མེད་པའི་གནས་ཚུལ་འཁོད་པར་བརྟེན། ཆོས་རིག་ལས་ཁུང་ནས་ཆོས་བརྒྱུད་ཁག་གི་འདུལ་བ་འཛིན་པའི་མཁས་པའི་ཚོགས་ཆུང་ཟུར་འཛུགས་ཀྱིས། དགེ་སློང་མའི་སྡོམ་རྒྱུན་སླར་གསོ་གནང་ཐབས་ཡོད་མེད་ཀྱི་མཐའ་མའི་ཐག་གཅོད་རྒྱུ་མཚན་དང་བཅས་གསལ་བསྒྲགས་གནང་འཐུས།
གྲོས་གཞི་དོན་ཚན་བརྒྱད་པ་རྒྱལ་བ་ཇོ་ནང་པའི་སྐོར་ལ། ཆོས་ཚོགས་སྔོན་མའི་གྲོས་ཆོད་ནང་། རྒྱལ་བ་ཇོ་ནང་པའི་ཆོས་འབྱུང་སྐོར་ཉམས་ཞིབ་བྱ་རྒྱུ་གསལ་ཡང་། གཅིག་ནས་བཀའ་བརྒྱུད་སྐུ་ཚབ་གཏོང་ཐབས་མ་བྱུང་བའི་ཆ་ནས་ཞིབ་འཇུག་ཚོགས་ཆུང་ད་བར་ཚུགས་ཐུབ་མེད་པ་དང་། གཉིས་ནས་རྒྱལ་བ་ཇོ་ནང་པ་ནི། ལྟ་གྲུབ་དང་ཆོས་བརྒྱུད་གང་གི་ཆ ནས་རང་རྐང་ཚུགས་ཐུབ་པ་ཞིག་ཡིན་པར་ཆོས་ཚོགས་འདི་ནས་ངོས་འཛིན་བྱུང་བར་བརྟེན། ཞིབ་འཇུག་ཚོགས་ཆུང་དགོས་གལ་མ་མཆིས། འོན་ཀྱང་། ཇོ་ནང་པར་ཆོས་བརྒྱུད་སྤྱི་འཐུས་ཀྱི་ཐོབ་ཐང་གནང་མིན་ནི་ཁྲིམས་བཟོ་ལྷན་ཚོགས་ཀྱི་འགན་དབང་ཡིན་པ་ལས་ཆོས་ཚོགས་འདིར་འབྲེལ་བ་མེད་པའི་ངོས་འཛིན་བྱུང་།
གྲོས་ཆོད་དོན་ཚན་དགུ་པ། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ནི། བོད་གངས་ཅན་པ་ཁོ་ནའི་ཡིད་བཞིན་ནོར་བུ་མིན་པར། ཞི་བདེ་དང་བདེན་པ་འཚོལ་བའི་འཛམ་གླིང་མི་མང་སྤྱི་དང་། བྱེ་བྲག་ཧི་མ་ལ་ཡའི་རི་རྒྱུད་དང་ཆེན་པོ་ཧོར། བོད་གངས་ཅན་གྱི་ལྗོངས་སོགས་ནང་པ་ཡོངས་ཀྱི་སྤྱི་ནོར་ཡིན་པས། སྔོན་ཆད་མི་རབས་ནས་མི་རབས་བར་མགོན་པོ་གང་གིས་རྗེས་སུ་བཟུང་བ་དང་། ད་ལྟའང་ཐུགས་བརྩེ་བ་ཆེན་པོས་མཉེས་བཞིན་རྗེས་སུ་འཛིན་བཞིན་པ་ལྟར། འབྱུང་འགྱུར་ཡང་འཕགས་མཆོག་སྤྱན་རས་གཟིགས་ཀྱི་སྐུའི་ཕྲེང་བ་རིམ་པས་མི་རབས་ནས་མི་རབས་བར་མཉེས་བཞིན་རྗེས་འཛིན་ཡོང་བའི་གསོལ་བ་ཕུར་ཚུགས་སུ་འདེབས་རྒྱུ། ཅེས་གཏན་འབེབས་གནང་འདུག་ལ། མཇུག་ཏུ་ཉེ་ལམ་འབྲས་ལྗོངས་སུ་ས་ཡོམ་གོད་ཆག་བྱུང་བར་མཆོག་གསུམ་ལ་གསོལ་འདེབས་དང་། ཤུལ་ལུས་རྣམས་ལ་གདུང་སེམས་མཉམ་སྐྱེད་བཅས་གནང་སོང་།
གསར་འགོད་པ། དཔལ་ལྡན།
ད་ནི་རང་བཙན་ཐོབ་སོང་།དངོས་ནས་སྐྱིད་པོ་འདུག
ད་ཐེངས་ཆོས་ལུགས་ཚོགས་ཆེན་ཐོག་གི་ཐག་ཆོད་དེས་ང་ཚོ་ཇོ་ནང་པའི་རེ་འདོད་འགྲུབ་ཡོད་དམ་ཟེར་ན་རྩ་བ་ནས་འགྲུབ་ཡོད་པ་མ་རེད། རྒྱུ་མཚན་ང་ཚོས་ཆོས་བརྒྱུད་གཞན་པ་ཚོར་ཡོད་པའི་ཐོབ་ཐང་ཆ་ཚང་དགོས་ཟེར་གྱིན་ཡོད། དཔེར་ན། དང་པོ་གཞུང་འབྲེལ་ཡིག་ཆ་ཁག་གི་ཐོག་བོད་ཀྱི་ཆོས་བརྒྱུད་ཆེན་པོ་ལྔ་ཞེས་འཁོད་དགོས། གཉིས་པ་ད་ཡོད་ཆོས་བརྒྱུད་ཁག་གི་སྤྱི་འཐུས་དགོས་ན་ང་ཚོ་ལ་ཡང་ངེས་པར་དུ་དགོས། གསུམ་པ་གཞུང་འབྲེལ་གསར་བསྒྲགས་སོགས་ཀྱི་ཐོག་ཇོ་ནང་སྐོར་ཆོས་བརྒྱུད་གཞན་དག་ནང་བཞིན་གསལ་བོར་བཀོད་དགོས།
ད་ཐེངས་ཆོས་ཚོགས་ཐོག་གི་ཐག་གཅོད་དེས་ཇོ་ནང་ཟེར་བ་དེ་ཅི་ཞིག་ཡིན་པ་ངོས་འཛིན་བྱས་པ་ཙམ་རེད། དེ་ཙམ་གྱིས་ནམ་ཡང་འགྲིག་གི་མ་རེད། ང་ཚོར་དགོས་པ་ནི་བོད་མིའི་ཐོབ་ཐང་དང་། ཆོས་བརྒྱུད་ཀྱི་ཐོབ་ཐང་རེད།
ཆོས་ལུགས་ཚོགས་ཆེན་ཐོག་གི་ཐག་གཅོད་དེས་ང་ཚོར་ངོས་འཛིན་བྱས་པ་གསལ་བོར་ཆགས་ཡོད་མོད། འོན་ཀྱང་གཞུང་འབྲེལ་བོད་གཞུང་དྲ་རྒྱའི་ཐོག་༧གོང་ས་མཆོག་གིས་ཇོ་ནང་སྐོར་ལ་བསྩལ་བའི་བཀའ་སློབ་དེའི་ཟུར་ཙམ་ཡང་མ་བཀོད་པ་ནི་ཆེས་ཐབས་སྡུག་པའི་བྱ་སྤྱོད་ཅིག་རེད། འདི་རྒྱ་ནག་གི་བྱ་སྤྱོད་དང་གཅིག་པ་རེད། ང་ཚོས་ནམ་རྒྱུན་རྒྱ་ནག་ལ་གསར་འགོད་རང་དབང་མི་འདུག་ཟེར་གྱིན་ཡོད་མོད། དོན་ངོ་མར་ང་ཚོར་གསར་འགོད་རང་དབང་ཡོད་དམ། འདི་གསར་འགོད་རང་དབང་ཡིན་ན། གསར་འགོད་རང་དབང་མེད་པ་དེ་ཇི་འདྲ་ཞིག་ཡིན་ནམ།
དེ་ནས་ཟམ་སྟོང་ཚང་གིས། ཚོགས་ཆེན་གྱི་མཇུག་ཏུ་གསར་འགོད་གསལ་བསྒྲགས་སྤེལ་སྐབས། ཇོ་ནང་སྐོར་གྱི་གྲོས་ཆོད་དེའི་ཟུར་ཙམ་ཡང་མི་གླེང་བ་ཅི་ཡིན་ནམ། འདི་འདྲ་མ་གཏོགས་རྒྱ་ནག་གཞུང་གིས་ཀྱང་བྱེད་ཀྱི་ཡོད་པ་མ་རེད། གསར་འགོད་རང་དབང་གི་ཐོབ་ཐང་འཕྲོག་ཟེར་བ་འདི་ལས་ལྷག་ཅིག་ཡོད་ནི་མ་རེད།
ཆབ་བྲག་གིས་སྐད་ཆ་མགོ་གཉིས་མ་རེ་མ་བཤད་ཁྱོད་རང་གིས་ཆོས་བརྒྱུད་སྤྱི་འཐུས་དགོས་མིན་གྱི་གླེང་སློང་བྱ་བའི་དམིགས་ཡུལ་གང་ཡིན་ཁ་གསའ་པོ་བྱ་ནས་ཤེས་ཀྱིན་ཡོད།
ཆོས་བརྒྱུད་ཀྱི་སྐུ་ཚབ་རྣམ་པས་ཚོགས་འདུ་ལེགས་འགྲུབ་བྱུང་བར་བཀྲ་ཤིས་བདེ་ལེགས་ཞུ་བ་དང་ཆབས་ཅིག། རྒྱལ་བ་ཇོ་ནང་པའི་དངོས་ཡོད་གནས་སྟངས་ལ་རྒྱབ་གཉེར་ཡག་པོ་གནང་སོང་བས། རྗེས་མར་ཇོ་ནང་པའི་ཐོང་ཐང་གྲོགས་ཚོགས་ཕྱག་ན་ཡོད་ལ། རྒྱལ་བ་ཇོ་ནང་པར་གཏོགས་པའི་སེར་སྐྱ་མི་མང་སྤྱི་ཡོངས་བློ་ཕམ་འུ་ཐུག་གི་ལམ་དུ་བསྐྱོད་དགོས་མིན་ཡང་གྲོས་ཚོགས་ཀྱི་ཕྱག་ཏུ་འདུག་པར་འདོད།
ཆབ་བྲག་ལགས་སྐུ་མཁྱེན། མགོ་ཚོས་ལ་མ་ཚོས་པ་ཞིག་མ་བཤད། ཇོ་ནང་གིས་རྩོད་བཞིན་པ་ནི་ཇོ་ནང་ཁ་ལ་ཁྱེར་བའི་སྐབས་འཚོལ་བ་ཁ་ཤས་སྤྱི་འཐུས་སུ་ཡོང་འདོད་ཡོད་པ་དེ་ཡིན།དཔེར་ན། གཡག་ལ་གཅེས་པ་མ་ཡིན་པར། ཁྲག་ལ་གཅེས་པ་ཞེས་པ་ལྟ་བུ་རེད། དེའི་ཕྱིར་ལམ་ཁ་འཚོལ་བཞིན་པ་རེད། ཆོས་བརྒྱུད་ཆེན་པོའི་ཁོངས་ལ་བརྩི་མིན་དེ་ཡང་གྲོས་ཚོགས་སུ་རྐུབ་སྟེགས་རེག་མིན་ལ་རག་ལུས་ཡོད། ད་ལྟ་རྐུབ་སྟེགས་མེད་པས་ཆོས་བརྒྱུད་ཆེན་པོའི་ཁོངས་ལ་ཇི་ལྟར་བརྩི།
“་རྒྱལ་བ་ཇོ་ནང་པ་ནི། ལྟ་གྲུབ་དང་ཆོས་བརྒྱུད་གང་གི་ཆ ནས་རང་རྐང་ཚུགས་ཐུབ་པ་ཞིག་ཡིན་པར་ཆོས་ཚོགས་འདི་ནས་ངོས་འཛིན་བྱུང་བར་བརྟེན། ཞིབ་འཇུག་ཚོགས་ཆུང་དགོས་གལ་མ་མཆིས། འོན་ཀྱང་། ཇོ་ནང་པར་ཆོས་བརྒྱུད་སྤྱི་འཐུས་ཀྱི་ཐོབ་ཐང་གནང་མིན་ནི་ཁྲིམས་བཟོ་ལྷན་ཚོགས་ཀྱི་འགན་དབང་ཡིན་པ་ལས་ཆོས་ཚོགས་འདིར་འབྲེལ་བ་མེད་པའི་ངོས་འཛིན་བྱུང”ཞེས་པ་འདི་ཐག་གཅོད་ཡག་པོ་ཞིག་བྱུང་བ་རེད། བདེན་དོན་བསྐྱངས་པ་རེད། འོན་ཀྱང་ཆོས་བརྒྱུད་ཆེན་པོའི་ཁོངས་ལ་གཏོགས་མིན་ཐག་བཅད་མེད་པས། རྗེས་མ་ནས་ཆོས་བརྒྱུད་ཆེན་པོ་ལྔ་འམ་ཡང་ན་ཆོས་བརྒྱུད་ལྔ་དང་གཡུང་དྲུང་བོན་བཅས་ལབ་དགོས་སམ། ཡང་ན་གཡུང་དྲུང་བོན་དང་ཆོས་བརྒྱུད་ཆེན་པོ་བཞི་དང་ཇོ་ནང་བ་སོགས་ཟེར་དགོས་སམ། ཆུང་བ་དག་ཞོར་དུ་འཇོག་རྒྱུ། གནད་དོན་འདི་ནི་ཆོས་བརྒྱུད་སྤྱི་འཐུས་སྤྱི་འཐུས་དགོས་མིན་གྱི་གནད་དོན་ལ་ཡང་ཐུག་ཡོད། རྒྱུ་མཚན་ཁོང་ཚོས་རྩོད་བཞིན་པ་ནི་ཆོས་བརྒྱུད་་འདྲ་མཉམ་གྱི་ཐོབ་ཐང་རྩོད་ཀྱིན་ཡོད་པས་འདི་ཙམ་གྱིས་འདོད་བློ་ཁེངས་མི་སྲིད། ཡག་ཤོས་ནི་ཆོས་ལུགས་སམ་ཆོས་བརྒྱུད་ཚང་མ་འདྲ་མཉམ་ཡིན། ཚང་མར་ད་ནས་བཟུང་སྲིད་གྲོས་ཀྱི་འཐུས་མི་གནང་མི་དགོས། ཞེས་སྤྱི་འཐུས་ཕྱིར་བསྡུ་ལ་སྟ་གོན་བྱེད་རྒྱུ་དེ་གལ་ཆེ་ཤོས་རེད།
སྐད་ཆ་འདྲ་ཆགས་པོ་ག་རེ་བཤད་མ་བཤད་མི་འདུག དོན་དངོས་སུ་བོད་མི་ཞིག་དང་ཆོས་པ་ཞིག་གི་འགན་ཁུར་མུར་དཀྱིལ་འཁོར་ནང་དངོས་སུ་ཞུགས་ནས་ཅི་དགེའི་དགོངས་འཆར་ལྷུག་པོར་སྒྲོག་དགོས་པ་དེ་རེད། བོད་ཀྱི་བླ་ཆེན་ཚོ་ལ་མི་དམངས་ཚོ་ལས་ཀྱང་འགན་ཧ་ཅང་ཆེན་པོ་ཡོད་པ་ཤེས་དགོས་པ་རེད།
ད་ཡག་པོ་བྲུང་འདུག། ཆོས་པ་ཚོས་ཆབ་སྲིད་ཀྱི་ལག་རིང་མི་དགོས་པར་སོ་སོའི་གནད་དོན་སོ་སོས་ཐག་གཅོད་ཐུབ་པ་ཡག་པོ། ད་དུང་བསམ་དགོས་པ་ཞིག་ལ། དགོས་མེད་ཆོས་ལུགས་ཀྱི་སྤྱི་འཐུསཕྱིར་འཐེན་བྱ་རྒྱུ་ཆོས་ཚོགས་འདིའི་འོས་འགན་ཞིག་རེད།
ད་ཡག་པོ་བྱུང་འདུག་ཆོས་པ་ཚོས་སོ་སོའི་གནད་དོན་ཆབ་སྲིད་ཀྱི་ལག་པ་མི་དགོས་པར་སོ་སོས་ཐག་གཅོད་བྱས་པ་བཟང་ཕྱོགས་རེད།
འབྲོང་སར་ཚེ་ཉི་ལགས་ལ་ཞུ་རྒྱུ་ཁྱེད་ཀྱིས་༧རྒྱལ་བ་ཀརྨ་པ་ད་ཐེངས་ཆོས་ཚོགས་ཀྱི་ནང་དུ་ཆ་ཚང་བ་ཞིག་ཕེབས་མེད་པ་དེ་རིན་པོ་ཆེ་ཁོང་མཛད་བྲེལ་ཆེ་བའི་དབང་གིས་ཡིན་པས་བཤད་འདུག་་་་་་་ངས་ཁ་སང་ཕྱག་མཛོད་བོད་སྐད་མི་ཤེས་བ་དེ་དང་ཞབས་ཞུ་གཞན་ཚོས་འགོག་རྐྱེན་བཟོས་བ་མིན་འགྲོ་ཞེས་ངས་བསམ་ཚུལ་ཙམ་བཏོན་པ་ཡིན།
གང་ཡིན་ཞེ་ན་བོད་ཀྱི་བླ་ཆེན་ཚོའི་ལོ་རྒྱུས་ལ་ཡག་པོ་མཇལ་དང་ཞབས་ཞུ་ཚོས་ལོག་ལམ་དུ་ཁྲིད་ནས་བཤད་མི་ཐུབ་མི་ནག་ཉེས་མང་པོ་བྱས་པའི་ལོ་རྒྱུས་བོད་ཀྱི་ལོ་རྒྱུས་ཀྱི་ལེའི་དང་ཤོག་ངོས་བསྒྱུར་ཡོང་དུས་དེ་འདྲའི་གནས་ཚུལ་གྱི་ཡོངས་སུ་ཁེངས་ཡོད།
དོན་ངོ་མའི་ཆ་ནས་ཆོས་ཚོགས་སུ་མི་ཕེབས་རྒྱབ་ལོགས་ཀྱི་གནས་ཚུལ་ངོ་མ་དེ་ཁོང་ལ་ལོ་རྒྱུས་ཀྱི་འགན་ཁུར་ཡོད་པའི་གདན་ཐོབ་ཞིག་མ་ཐོབ་བའི་རྐྱེན་གྱིས་ཡིན་པར་འདོད།
ལོ་རྒྱུས་ཀྱི་འགན་ཁུར་ཡོད་པའི་གདན་ཐུབ་ངོ་མ་དེ་རྒྱལ་མཆོག་ལྔ་པས་གསུང་འབུམ་པོད་གཉིས་པའི་ནང་དུ་བྲིས་འདུག་དྲ་གྲོགས་ཚོས་དེ་ལ་གཟིགས་ནས་བཀའ་མོལ་གསུངས་པར་ཞུ།
སྐད་ཆ་འདི་ཉམས་ཞིབ་མང་པོས་གྲུབ་དོན་ཡིན་པ་ལས་རང་སྣང་གང་ཤར་གྱིས་བཤད་མེད།
དྲྭ་གྲོགས་འགྱུར་མེད་བསྟན་འཛིན་ལགས། བོད་ཀྱི་ལོ་རྒྱུས་ཐོག་ཆེས་མཚན་སྙན་ཅན་གྱི་༧རྒྱལ་བ་ཀརྨ་པ་མཆོག། སྤྱིར་གཏང་་བྱས་ན་ཆོས་ཚོགས་ཐོག་མཐའ་ཀུན་ཏུ་ཕེབས་དགོས་པ་ཞིག་རེད། ཡིན་ན་ཡང་གང་ཉིད་ལ་མཇལ་ཁ་ཞུ་མཁན་རྒྱལ་ཕྱི་ནང་གི་དད་ལྡན་ཉིན་རེ་བཞིན་སྟུད་མར་ཡོང་དང་ཡོང་བཞིན་པ་རེད། ལྷག་དོན་དུ་དྲུང་ཉིད་གནའ་དེང་ཤེས་ཡོན་ལོ་རྒྱུས་ལ་རྟོག་གཞིག་མཛད་རྒྱུ་ཐུགས་སྣང་ཧ་ཀྱང་ཆེ་བས་ད་དུང་་་་་་་་་་་་་་་་་་། མ་ཟད་གནས་ཚུལ་གཞན་ཞིག་ནི་དེང་སང་རང་རེས་ཚོགས་འདུ་སྐབས་ང་ཡིན་ང་ཆེ་རྐྱང་རྐྱང་གིས་དགག་བཞག་འཁྲུགས་རྩོད་ཆེས་མང་བས་དེ་ལ་ཐུགས་སྣང་སུན་གྱིན་ཡོད་པ་ལོ་སྔོན་མར་ས་རྭ་མཐོ་སློབ་ཏུ་གསུང་འདུག
རྩོམ་སྒྲིག་པ་དང་དྲ་གྲོགས་ཚོར་ཞུ་རྒྱུར་གངས་སྤྲེལ་ཚ་ཞེས་བའི་དྲ་འབུ་འདི་དཀྲུག་ཤིང་བྱེད་འདོད་ཀྱི་བསམ་བློ་མངོན་པར་གསལ་བའི་མི་ཞིག་ལ་ངོས་འཛིན་བྱེད་རྒྱུ་ཡིན། གང་ཡིན་ཟེར་ན་ཁོང་གིས་མཆན་བཀོད་པ་ཚང་མར་གཟིགས་དང་དཀྲུག་ཤིང་གི་བསམ་བློ་མངོན་པར་མཐོ་བ་ནི་གསལ་གསལ་ཐང་ཐང་རེད། བྱས་ཙང་ཚང་མའི་གཟབ་གཟབ་བྱེད་རོགས།
བཀའ་ཤག་གསར་པས་བླ་ཆེན་རྣམས་ཀྱི་ཁྲི་ཐོབ་གསར་བརྗེས་གནང་བ་དེ་གསར་བཏོད་བྱེད་ཀྱི་ཡིན་ཅེས་བློ་སེང་གི་གཏམ་བཤད་ནང་དུ་སྤེལ་ཡོད།
ད་བྱེད་དུས་ཁོ་ཡིས་འགྱུར་བ་གསར་པ་དེ་དེ་འདྲ་ཡིན་ས་རེད།
བྱེད་བབས་འདི་ལྟ་བུས་ཆོས་ལུགས་ཕན་ཚུན་འཁྲུགས་གཞིར་འགྱུར་བ་དང། བོད་སྤྱི་བའི་གནད་དོན་ལ་སེམས་ཐག་རིང་དུ་འགྲོ་གཞི་འགྱུར་ཉེན་སོགས་སྐྱོན་ཆ་ཤིན་ཏུ་ནས་ཆེ།
བཀའ་ཤག་གསར་པས་སྔར་གྱི་སྒྲིགས་གཞི་དེ་ཚོར་འགྱུར་བ་བཏང་དགོས་ཀྱི་ཡོད་པ་མ་རེད། བྱུང་ན་བོད་ཀྱི་གནད་དོན་གྱི་སྟེང་ལ་འགྱུར་བ་གསར་པ་དང་ཐབས་ལམ་གསར་པ་རེ་བྱེད་ཐུབ་ན་ལེགས། དེ་མིན་སྔར་བཀའ་ཤག་ཚོའི་ཕྱག་གིས་བཟོས་པ་དེ། བཀའ་ཤག་གསར་པའི་རྐང་པས་བསུབ་ཉེན་འདུག་དཱ།
གང་ལྟར་གང་བཤད་ན་མ་བཤད་ན་༧གོང་ས་མཆོག་གི་བཀའ་དྲིན་དང་ཐུགས་རྗེ་ཉག་གཅིག་གི་འོག དེ་རིང་ནས་བཟུང་ང་ཚོ་ཇོ་ནང་ཆོས་བརྒྱུད་ཀྱི་མཚན་བྱང་ལ་རང་དབང་ཐོབ་པ་རེད། ཡིན་ན་ཡང་ད་དུང་རང་བཙན་ཐོབ་མེད་པས་མུ་མཐུད་དུ་རྩོད་དགོས།
ཕྱི་ལོ་ ༢༠༠༥ ནས་བཟུང་། བོད་ནང་འབྲས་སྤུངས་དཔེ་རྙིང་དཔེ་མཛོད་ཁང་ནས་ཇོ་ནང་གི་རྩ་ཆེའི་དཔེ་རྙིང་བརྒྱ་ཕྲག་ཁ་ཤས་གོང་ས་ལྔ་པའི་སྐབས་བཙོན་འཇུག་བྱས་པ་དེ་དག་བཙོན་གྲོལ་ཐོབ་སྟེ། ད་ལྟ་འཛམ་གླིང་སྐྱེ་བོའི་སྤྱན་ལམ་དུ་ཕེབས་བཞིན་པ་དེ་དག་རེད།
དེ་རིང་རྒྱ་གར་ནས་ཇོ་ནང་པ་ས་སྐྱའི་བཙན་འོག་ནས་ཐར་ཙམ་བྱུང་བ་ཡིན་པས། ང་ཚོས་བྱུང་བ་འདི་ལོ་རྒྱུས་ཀྱི་དྲན་ཤིང་དུ་བཀོད་དེ། ཕྱི་ལོ་ ༢༠༡༡ ཟླ་ ༩ ཚེས་ ༢༤ ནི་ཇོ་ནང་རང་དབང་ཉིན་མོར་ངོས་འཛིན་བྱེད་རྒྱུ་ཡིན།
མི་རིང་བར་ཇོ་ནང་རང་བཙན་ཉིན་མོ་དངོས་སུ་སླེབས་པའི་རེ་བ་དང་ཡིད་ཆེས་བྱེད་བཞིན་ཡོད།
རྒྱལ་བ་ཇོ་ནང་པ་ནི་ལྟ་གྲུབ་དང་ཆོས་བརྒྱུད་རང་ཚུཊ་ཐུབ་པ་ཞིག་ལ་ངོས་འཛིན་བྱས་པ་ཡིན་གསུང་པར་ཅི་ཡང་གོ་ཡ་མི་འདུག་ཅེས་ངས་སྐད་གསང་མཐོན་པོས་ལབ་ཡོད་ལ། དེའི་སྐོར་བློ་ཕམ་ཀྱང་བྱུང་། སྔོན་མ་རྒྱལ་བ་ཇོ་ནང་པའི་ཆོས་འབྱུང་སྐོར་ཉམས་ཞིབ་བྱ་རྒྱུ་སྐོར་ངས་དགག་པ་རྒྱག་མྱོང་། གང་ཡིན་ཟེར་ན་ཇོ་ནང་ཚང་ལྟ་གྲུབ་རང་ཚུགས་ཐུབ་པ ་ཡིན་པར་སུས་ཀྱང་ཤེས་ནུས། ཁྱད་པར་དབུ་མ་གཞན་སྟོང་བསྟན་པའི་སྲོལ་འཛིན་ངོ་མ་དེ་རེད། དེ་བས་ཀྱང་དཔལ་དུས་ཀྱི་འཁོར་ལོའི་བསྟན་པའི་མེད་ན་མི་ཆོག་པ་དེ་ཇོ་ནང་པ་རེད། བླ་ཆེན་མིང་ཆེན་ཚོས་གོ་བ་མེད་པའི་གསུང་སྐད་དེར་གོ་ཡ་མི་འདུག་ལགས་དེ་བས་། ལོ་རྒྱུས་ལ་རྒྱབ་བརྟེན་མི་བྱེད་པར་གདན་གྲལ་བཤམ་འདུག བོན་པོ་ཁྲི་ཐོབ་མཐོ་ཡང་དེ་རིང་དགའ་ལྡན་ཁྲི་བ་མཐོན་པོར་བཞག་འདུག གཞན་བླ་ཆེན་ཚོ་ཡང་ཐོབ་ཐང་དང་ཁྲིམས་མཐུན་གྱིས་དབང་ལུང་ཡོདམཁན་ཀྱང་དཀོན་གི། ཞེ་ཆེན་རབ་འབྱམས་པར་ཡང་ཁྲི་ཐོབ་མཐོ་དོན་གང་རེད། དེ་བས་སྐུབ་སྟེགས་གཅིག་ལ་ཞེན་པའི་ཆབ་སྲིད་པ་ཚོ་ནམ་ཡང་སླེབས་ངེས་རེད། ཇོ་ནང་ཚང་སྔོན་མ་ས་སྐྱའི་ཁོང་རྟོགས་ཡིན་པར་བཤད་འདུག། དེ་རིགས་ནི་རྒྱ་ནག་གི་ལྟ་གྲུབ་དང་གཅིག་མཚུངས་རེད། ད་མང་པོ་བཤད་པ་ལས་ཇོ་ནང་ཚང་ལ་ཁྲིམས་མཐུན་གྱིས་ཐོབ་ཐང་སྤྲད་མི་སྤྲད་དེ་རེད། ལྟ་བ་རང་སྐྱ་ཕེལ་ཅིང་རྗེས་འབྲས་མངོན་གསལ་ཡོད་པའི་ཇོ་ནང་ཚང་ལ་བསམ་བཞིན་སུན་པོ་བཟོ་ལུགས་འདི་ནི་བཤད་དཀའ་བའི་གནད་དོན་ཞིག་རེད། ད་ཇོ་ནང་ཚང་ལ་དཀའ་ལས་ཁག་པོ་རེད། གོང་ས་མཆོག་གིས་བླ་ཆེན་ཚོར་ངའི་ཞ་མོ་ཕུད་ཚུལ་གསུང་ནས་ཕར་གཡུག། བཀའ་ཤག་གིས་ཆོས་ལུགས་རིས་མེད་ཟེར་བ་ལས་ཐོབ་ཐང་སྤྲད་ཚུལ་བཤད་མེད་ཅེས་བསྒྲགས། བླ་ཆེན་ཚོས་གྲོས་ཚོགས་ཀྱིས་སྒང་ལ་འཕངས། གྲོས་ཚོགས་ཀྱིས་དོན་མེད་པའི་འུར་སྒྲ་རེ་བསྒྲག་ནས་ཇོ་ནང་པའི་གནད་དོན་ཡལ་ངེས་རེད། ད་ཇོ་ནང་བས་ལོ་རྒྱུས་རྒྱབ་ལྗོངས་གཞི་ལ་བཅོལ་ནས་ཆེས་མཐོའི་ཁྲིམས་ཁང་ལ་གཏུགས་པ་ལས་ཐབས་གཞན་བྲལ།
སྔོན་གྱི་ལོ་རྒྱུས་ལྟར་ན་རྒྱལ་བ་ཇོ་ནང་པ་ས་སྐྱའི་ཁྱབ་ཁོངས་ཤིག་ཡིན་མིན་གང་ལྟར་ཀྱང་། ད་ལྟའི་ཇོ་ནང་པ་ཚོའི་མངོན་འདོད་ཇི་བཞིན་༸དཔལ་ས་སྐྱ་༸གོང་མ་རིན་པོ་ཆེ་མཆོག་གིས་ཀྱང་གཞིས་བྱེས་ཇོ་ནང་མང་ཚོགས་ཀྱི་མངོན་འདོད་ལ་རྒྱབ་སྐྱོར་ཤུགས་ཆེན་བྱས་པ་དེར་རྗེས་སུ་ཡི་རངས་ཡོད།
དྲ་གྲོགས་ཆོས་བཟང་ལགས། སྔར་བོད་ལ་སྒྲུབ་བརྒྱུད་ཤིང་རྟ་བརྒྱད་ཟེར་བ་ཡོད་རེད། དེ་ཕྱིས་སུ་བཟོ་པ་མ་རེད་དེ་རྣམས་སྔར་ནས་ཆོས་ལུགས་ཆོས་བརྒྱུད་ཀྱི་ལྟ་གྲུབ་ཆ་ཚང་ཡོད་པ་གཅིག་མཚུངས་རེད། དུས་ཀྱི་དབང་གི་བསྟན་པ་ཉམས་རྒུད་བྱུང་ནས་ཇོ་ནང་དང་། བོ་དོང་། ཞི་བྱེད། གཅོད་ཡུལ། དེ་ཚོ་ཉམས་ནས་ཞེ་དྲག་མེད་པ་ལྟ་བུ་ཆག་པ་རེད། ད་དེ་ཚོ་སླར་ཡང་དར་རྒྱས་བྱུང་ན་ཐོབ་ཐང་སྤྲད་གདའ་སྤྲད། དེ་དང་གཞན་པ་ནང་གསེས་དེ་ཚོ་འདྲ་གི་མ་རེད། དེ་ཚོ་དབྱེ་འབྱེད་གནང་ཤེས་ན་ཁྱེད་རང་ཐུག་མེད་ཐལ་བའི་སྐྱོན་ཡོད་མ་རེད།།
༧རྒྱལ་མཆོག་ལྔ་པས་དགའ་ལྡན་ཁྲི་པ་ལ་བླ་ཆེན་ཚོའི་ནང་ནས་རིམ་པ་ལྔ་པ་དེ་མ་གཏོགས་ཕུལ་མེད་ཀྱང་།དེང་སང་རིམ་གཉིས་པ་ལ་བསྐྱལ་ཚར་འདུག་ལོ་རྒྱུས་ཀྱི་འགན་ཁུར་མེད་པའི་གོ་རིམ་འདི་སུ་ཞིག་གིས་བཀོད་སྒྲིགས་བྱས་པ་རེད།
བོད་ནང་བསྟན་ཆོས་བརྒྱུད་ཀྱི་བླ་ཆེན་ཚོའི་གདན་ཐོབ་ངོ་མ་དེ་ཤེས་འདོད་ན་རྒྱལ་མཆོག་ལྔ་པའི་གསུངས་འབུད་པོད་གཉིས་པའི་ནང་དུ་གཟིགས་པ་འཚལ།
དོན་དམ་པའི་ཆོས་ལུགས་རིས་མེད་ཞིག་རེད་དམ་རིས་ཡོད་གཅིག་རེད་འདུག་བྱེད་སྟངས་འདིས་རྟོགས་ཐུབ།
དྲ་གྲོགས་ཚོ། ཚངས་མས་ཐུགས་བསམ་རྣལ་མ་བཞེས་ནས་གསུང་བཤད་གནང་རོགས་གནང་།
ཇོ་ནང་ལ་ཆོས་བརྒྱུད་འདྲ་མཉམ་གྱི་ཐོབ་ཐང་ལོས་སྤྲད། གལ་ཏེ་མ་སྤྲད་ན། བསམ་བཞིན་དུ་བོད་མི་རིགས་ཀྱི་ཆིག་བསྒྲིལ་དང་བརྟན་བརླིང་ལ་གནོད་སྐྱོན་བཟོས་པ་རེད། ཅེས་ངས་ལོ་མང་རིང་ནས་ཐང་མང་དུ་བཤད་ཚར་བས་སྐྱར་བཟློས་མི་དགོས་པ་བྱོས།
གལ་ཏེ། བོ་དུང་བ་ཟེར་བ་སོགས་ལ་ཇོ་ནང་བ་ནང་བཞིན་གྱི་ཆོས་བརྒྱུད་ཀྱི་ཐོབ་ཐང་གི་ཆ་སྐྱེན་ཡོད་མཁན་ཡོད། དེ་དག་གིས་ཐོབ་ཐང་དགོས་པས་རེ་བ་བྱས་ན་སྤྲོད་སྐྱང་དགོས་པ་སྨོས་མ་དགོས་པ་རེད། འདི་དག་ང་ཚོས་རྔང་ཚབ་མི་དགོས་ལ། ད་ལྟ་ནས་རྩོད་པ་དགོས་པའི་གནས་ཞིག་མ་རེད།
བཀའ་བརྒྱུད། རྙིང་མ་སོགས་བོད་ཀྱི་ཆོས་བརྒྱུད་ཆེན་པོ་དག་གི་ཆ་ཤས་ནང་ཚན་དག་ལ་སྤྱི་མཐུས་ལོག་གར་དགོས་མིན་དེ་གནས་ཚུལ་འདི་དང་གཏན་ནས་མི་འདྲ་བ་ཞིག་ཡིན་པ་ཤེས་པར་བྱོས།
ངས་བསམ་ན། དོལ་ཚོགས་ལ་ཆོས་བརྒྱུད་གྱི་ཐོབ་ཐང་ཕར་ཞོག བོད་མི་རིགས་ཀྱི་སྐྱིད་སྡུག་ལེགས་ཉེས་ཀྱི་འབང་ཁུང་ནས་ཕྱིར་ཐུད་བཏང་ན་ཡག་ཤོས་རེད། རྒྱུ་མཚན་ནི་ཁོང་ཚོས་བོད་ཀྱི་ཆབ་སྲིད་ལ་ཕན་མེད་གནོད་པ་བསྐྱལ་གྱི་ཡོད་པས་སོ། གལ་ཏེ་འདི་ཕྱོགས་སུ་ང་རང་ལ་ནོར་འཁྲུལ་ཡོད་ན། སུ་ཞིག་གིས་ང་ལ་དེ་འདྲ་མིན་པའི་འགྲེལ་བཤད་གཏོང་ཤེས་མཁན་ཡོད་ན་གནང་རོགས་འབོད་བསྐུལ་ཞུ་རྒྱུ་ཡིན་ལ། གནང་ན་བཀའ་དྲིན་ཤིན་དུ་ཆེ་ཞུ་རྒྱུ་ཡིན།
གངས་སྤྲེལ་ཚ་ལགས། ༧གོང་ས་མཆོག་དང་བླ་ཆེན་རྣམས་ཀྱིས་ཇོ་ནང་གི་གནད་དོན་གྲོས་ཚོགས་ཀྱི་སྒང་ལ་འཕངས་པ་མ་རེད། ཁྲིམས་མཐུན་གྱི་ཐོབ་ཐང་སྤྲོད་པའི་དབང་ཚད་མེད་པའི་བརྡ་ལན་གནང་བ་རེད།
ཆོས་བརྒྱུད་ཁག་འདི་ཚོས་ཐོས་བསམ་ལ་གཙོ་བོར་མི་བཙོན་པར་ཆབ་སྲིད་ཀྱི་རྐུབ་སྟེགས་ལ་ཤི་འཐམ་བྱས་དང་བྱེད་བཞིན་པ་ནི་སེམས་ཕམ་དགོས་པའི་གནས་ཚུལ་རེད ། ཆོས་བཤད་ས་ལ་ཆབ་སྲིད་དང་ཆབ་སྲིད་བཤད་སར་ཆོས་བཤད་དེ་ནམ་ཞིག་གྲོས་ཚོགས་འདིར་ཆོས་ལུགས་འཐུས་མིས་ཁེང་པའི་ཉེན་ཁ་འདུག ཉེ་ཆར་གྲོས་ཚོགས་སུ་རྫས་སྤྱི་དང་གཉིས་འགོ་ཆོད་མ་ཆོད་ཀྱི་བགྲོ་གླེང་བྱེད་པའང་མཐོང་ཐོས་བྱུང་། དེ་དག་ནི་གད་མོ་ཤོར་དགོས་པའམ་ངུ་དགོས་པའི་གནས་ཚུལ་རེད། གནས་དོན་ལ་གཙོ་བོར་མི་འཛིན་པར་ཚིག་རྐམ་ཞིག་བཤད་དེ་གྲོས་ཚོགས་ཀྱི་རྩ་ཆེའི་དུས་ཚོད་ཆུད་ཟོས་སུ་གཏོང་བ་ཤིན་ཏུ་མ་འོས་པ་ཞིག་ཏུ་མཐོང་།
རྩོམ་སྒྲིག་པ་ལགས་མཆན་ལ་ཞིབ་བཤེར་ནན་མོ་གནང་ནས་འགོད་རོགས། དཀྲུགས་ཤིང་དང་མི་སེམས་དཀྲུགས་དུག་རིགས་འདིར་རྩ་བ་ཉིད་ནས་མ་འགོད་རོགས་ཞེས་རེ་བ་ཞུ་བཞིན་ཡོད།
མགོ་མ་ཚོས་པ་དང་དཀྲུག་ཤིང་དུ་འགྲོ་བའི་སྐད་ཆ་མ་གསུང་རོགས་ཟེར་མཁན་ཆོས་བཟང་མིང་ཅན་ལགས། དགེ་ལུགས་དང་འདྲེ་ལུགས་གཉིས་དུས་ཐམས་ཅད་དུ་ཐ་དད་རེད། ཁྱེད་ཀྱིས་ད་དུང་ཡང་དོལ་ཚོགས་དེའི་སྐོར་ཟུར་ཙམ་ཡང་མ་ཤེས་པར་མགོ་མ་ཚོས་པ་དང་དཀྲུག་ཤིང་དུ་འགྲོ་བའི་སྐད་ཆ་མ་གསུང་རོགས་ཞེས་སྐད་ཅོར་རྒྱག་པར་དངོས་གནས་ཡ་མཚན། རྗེས་མ་ལྷ་དང་འདྲེ་གཉིས་མ་ནོར་བ་གྱིས། ད་དུང་ཨ་མ་དང་གནའ་མ་གཉིས་ཀྱང་ངོ་ཤེས་པར་གྱིསགཤིག
བོད་ཀྱི་ལོ་རྒྱས་ཀྱི་ཐོག་ནས་ལྟ་ན་ཀརྨ་པ་ད་རེབ་ཚོགས་ཆེན་ཐོག་ལ་ཆ་ཚང་བ་ཞིག་ལ་ཕེབས་དགོས་བ་ཞིག་རེད།
དེར་ཕེབས་མི་འདུག་ཁོང་ཕེབས་རྒྱུ་ལ་སྟབས་བདེ་མི་འདུག་གསུངས་འདུག་་་་་གོ་ཚུལ་ལྟར་ན་ཀརྨ་པས་ཕྱག་མཛོད་བོད་སྐད་མི་ཤེས་བ་ཞིག་བཞགས་ཡོད་རབ་འདུག་པས་ཕྱག་མཛོད་བོད་སྐད་མི་ཤེས་བ་དེས་རིན་པོ་ཆེ་ཁོང་ཕེབས་མི་དགོས་བའི་དགོས་འདུན་བཏོན་མེད་འགྲོ།
ལོ་རྒྱུས་ཐོག་ལ་བོད་ཀྱི་བླ་མ་དེ་ཚོ་ཕྱག་མཛོད་དང་ཞབས་ཞུ་བ་ཚོས་ལོག་ལམ་ལ་ཁྲིད་པ་མང་པོ་མཐོང་རྒྱུ་ཡོད།
འབྲོག་པ་རྣལ་མ་ལགས། བསམ་བཞིན་ནང་ཁུལ་ལ་འགལ་བ་མ་བཟོས་ན་ཡག་གི་རེད། ཇོ་ནང་ཆོས་བརྒྱུད་ལ་ཐོབ་ཐང་སྤྲོད་དགོས་ད་དགོས། དེ་འགོར་མེད་ན་སྔ་ཡོད་མ་རེད། གལ་ཏེ་ཉིན་ཞིག་བོ་དུང་ཆོས་བརྒྱུད་ཀྱིས་ཐོབ་ཐང་དགོས་གསུང་ན་སྤྲོད་དགོས་ནི་རེད། དོལ་ཚོགས་ལ་ཆོས་བརྒྱུད་ཀྱི་ཐོབ་ཐང་ཡོད་པ་རེད། གང་ཡིན་ཟེར་ན་དོལ་ཚོགས་དགེ་ལུགས་པ་རེད། དེ་བཞིན་ཞྭ་དམར་ཚོགས་པ་ལ་ཐོབ་ཐང་སྤྲོད་དགོས་དོན་ཡོད་ནི་མ་རེད། དེ་ཀམ་ཚང་བཀའ་བརྒྱུད་རེད། སྐུ་གཅེས། རྗེས་མར་མགོ་མ་ཚོས་པ་དང་དཀྲུག་ཤིང་དུ་འགྲོ་བའི་སྐད་ཆ་མ་གསུང་རོགས།
གྲོགས་པོ་ལྷ་དབང་ལགས། ནོར་སོང་གདའ། ཆོས་བརྒྱུད་རང་རྐང་ཚུགས་པ་ག་ཚད་ཡོད་ན་ཡག་པོ་རེད། ནང་བསྟན་ཡར་རྒྱས་འགྲོ་གི་ཡོད་པས་རྟགས་རེད། གཅིག་བསྡུད་དབང་འཛིན་དགོས་ཡག་ཡོད་མ་རེད། དེང་སང་ང་ཚོ་མང་ཚོའི་ལམ་ལ་སྤྱོད་པའི་ཁུལ་རེད། དེ་དོན་དགོངས་པ་བཞེས་རོགས།།།
དེ་རིང་གྲོས་གཅོད་དེ་ལས་གོ་ཆོད་པ་གཉིས་བྱུང་འདུག དང་པོ་ཇོ་ནང་ཆོས་བརྒྱུད་རང་རྐང་ཚུགས་པ་ངོས་འཛིན་གནང་བ་དེ་རེད། གཉིས་པ་དགོན་པ་ཁག་ལ་ཚན་རིག་སློབ་ཚན་ཨུ་ཚུགས་རྒྱབ་ནས་བཞག་མ་དགོས་པ་དེ་རེད། བོད་རྒྱལ་ལོ།།
ད་ལོ་ཇོ་ནང་ལ་སྤྱི་མཐུས་སྤྲད་དང་ ལོ་རྗེས་མ་བོ་དོང་ དེ་ནས་ལོ་ཤེས་རྗེས་དོལ་རྒྱལ་ཚོགསཔ་ ཞ་དམར་ཚོགས་པ་བཅས་ རིམ་བཞིན་རྩོད་ཡོང་གི་རེད
ཨ་མ་བཤད་མཁན་ན་བུ་ལ་སྤུལ་སྐུ་འཁྲུངས་ཧཧཧ་་་ད་ཐེངས་ཡང་སྲིད་རྫུན་བཟོ་ལམ་ལུགས་མཇུག་སྒྲིལ་མ་ཐུབ་བ་དེ་བློ་ཕམ་བྱུང།
ཇོ་ནང་ལ་ཐོབ་ཐང་ལོས་དགོས
དེ་སྤྲད་བ་དེ་ཧང་སང་བ་གང་མ་རེད།
དཔལ་ཇོ་ནང་པ་རྒྱལ་ལོ།
དཔལ་རྒྱལ་བ་ཇོ་ནང་པ་རྒྱལ་ལོ།།
ལག་བསྟར་བྱེད་མཁན་གཅིག་ཀྱང་མེད་པའི་གྲོས་ཆོད་མང་པོ་ཞིག་བཏོན་འདུག། འགྲོ་ལ་ཕན་ཕྱིར་དེ་བཞིན་འགྲུབ་པ་ཤོག།
རྒྱལ་བ་ཇོ་ནང་པ་ནི་ལྟ་གྲུབ་དང་ཆོས་བརྒྱུད་རང་ཚུཊ་ཐུབ་པ་ཞིག་ལ་ངོས་འཛིན་བྱས་པ་ཡིན་གསུང་པར་ཅི་ཡང་གོ་ཡ་མི་འདུག ཇོ་ནང་ཚང་ལྟ་གྲུབ་རང་ཚུགས་ཐུབ་པར་སུས་ཀྱང་། ཁྱད་པར་དབུ་མ་གཞན་སྟོང་གི་སྲོལ་འཛིན་རེད། དེ་བས་ཀྱང་དཔལ་དུས་ཀྱི་འཁོར་ལོའི་བསྟན་པའི་སྲོལ་འཛིན་དངོས་གནས་དེ་རེད། བླ་ཆེན་མིང་ཆེན་ཚོས་གོ་བ་མེད་པའི་གསུང་སྐད་དེར་གོ་ཡ་མི་འདུག་ལགས་་་་དེ་བས་ཁོང་ལ་ཁྲིམས་མཐུན་གྱིས་ཐོབ་ཐང་སྤྲད་མི་སྤྲད་དེ་རེད། ད་ཇོ་ནང་ཚང་དཀའ་ལས་ཁག་པོ་རེད། གོང་ས་མཆོག་གིས་བླ་ཆེན་ཚོའི་དབུ་ལ་ཕར་གཡུག། བླ་ཆེན་ཚོས་གྲོས་ཚོགས་ཀྱིས་སྒང་ལ་འཕངས། བཀའ་ཤག་གིས་ཀྱང་གྲོས་ཚོགས་ལ་གཡུག། ད་གྲོས་ཚོགས་ཀྱིས་ཁྲིམས་ཁང་ལ་གཏུགས་ན་ཡག་ཤོས་རེད་་ཧ་ཧ་ཧ་
དགོས་རྒྱུ་དངོས་གནས་དེ་༧རྒྱལ་བ་རིན་པོ་ཆེ་མཆོག་འཛམ་གླིང་ནང་པའི་ཆོས་ལུགས་སྤྱི་ཡོངས་ཀྱི་དབུ་ཁྲིད་ཅིག་ཏུ་ཕེབས་ཐུབ་ཐབས་ལ། བོད་ཀྱི་ཆོས་བརྒྱུད་ཁག་གི་བླ་ཆེན་རྣམ་པས་ཁ་ཚ་དགོས་གཏུག་གིས་དགོངས་བཞེས་གནང་དགོས་པ་དེ་རེད།