སྤྱི་འཐུས་རྒྱལ་རོང་ཟླ་བ་ཚེ་རིང་སྐུ་གྲོངས་འདུག

རྒྱལ་ཞེན་པ་ཁོང་གི་སྐུ་ཡི་འཕེན་པ་རྫོགས་པར་མྱ་ངན་གུས་བཏུད་ཞུ།

འགོ་རྩོམ་དང་འབྲེལ་བ་ཡོད་མེད་མི་ཤེས། གཅིག་བྱས་ན། ཁྱེད་ཚོས་དྲ་རྒྱ་འདི་ཀློག་མྱོང་ཡོད་ཀྱི་མ་རེད། དྲ་རྒྱ་འདིའི་མིང་ལ་ལྷ་སའི་ཆོས་གྲོགས་དྲ་རྒྱ་ཟེར་ཞིང་། བོད་ནང་དུ་ཀློག་མཁན་ཡང་མང་དག་གཅིག་ཡོད། འདིའི་ནང་དུ་ཉེ་ཆར་ལྷ་སའི་ནང་དུ་སློབ་འབྲིང་དང་སློབ་ཆེན་དབར་ལ་སྙན་ངག་གྱེར་འདོན་འགྲན་ཚོགས་ཞིག་ཚུགས་འདུག འདིའི་སྐོར་ནི་ཁ་བྱང་འདིའི་སྟེང་དུ་བསྣན་ན་ཀློག་ཐུབ་ངེས། http://www.tibetson.com/Item/Show.asp?m=1&d=1706 ཐགས་རྗེ་ཆེ།

བོད་ཀྱི་སྐད་ཡིག་གི་ནང་དུ་ཞེ་ཚིག་མང་དུ་བེད་སྤྱོད་བྱས་པས་རང་རེའི་རིག་གཞུང་གི་བརྡ་དག་དང་སུམ་རྟགས་དང་ཚིག་གྲུབ་ཀྱི་འགྲོ་ལུགས་སོགས་ལ་སྐྱོན་ཆ་ཐེབས་པས་དོན་དག་གསལ་བོ་སྟོན་མི་ཐུབ་པ་ཞིག་ཆགས་ཀྱི་འདུག

དུས་བབ་ཚང་ལགས།
བོད་མི་དམངས་ཀྱི་མཐུས་མི་ཞིག་ཡིན་ཙང་གུས་བཀུར་དང་བརྩི་འཇོག་ཞུ་དགོས།
སྤྱི་གནང་འདུག་མོད། འོན་ཀྱང་༼རྒྱ་གར་གྱི་སྨན་ཁང་ཞིག་ཏུ་ཁྲིད་འདུག༽ལྟ་བུར་བལྟས་དུས་བརྗོད་མི་ཤེས་པའི་ཚོར་བ་འགའི་འཕར་ཆ་མཐོ་པོར་བསླེབས་བཅུག་སོང་། དེའི་ཚབ་ཏུ་རྒྱ་གར་གྱི་སྨན་ཁང་ཞིག་ཏུ་གདན་འདྲེན་ཞུས་འདུག༽ལབ་ན་ཏག་ཏག་མིན་འགྲོ་སྙམ། །

འདས་པོ་ཁོང་སྤྱི་དོན་ནམ་བོད་དོན་ལ་བྱས་རྗེས་ཡག་པོ་བཞག་ཡོད་ས་རེད། མི་ལུས་དོན་ལྡན་རེད་རྗེས་སུ་ཡི་རངས་ཡོད། ལུས་རྟེན་ཡག་པོ་ཞིག་ཐོབ་པར་ཤོག། ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ

ཕྱི་རྒྱལ་ལ་སྡོད་མཁན་གྱི་སློབ་ཕྲུག་ཚོར་ཅི་ཡིས་ཕྱིར་སློབ་དེབ་ཟུར་དུ་བཟོ་དགོས་པ་རེད།
ཕྱིར་སྡོད་བོད་རིགས་ཀྱི་ཕ་མ་དེ་ཚོ་ཀྲོག་ཀྲོག་ཡིན་པའི་ཁུལ་བྱས་ཏེ་རང་གི་ཕྲུག་གུ་ནང་དུ་སླེབས་དུས་བོད་སྐད་མི་རྒྱབ་པར་ཕྱི་རྒྱལ་གྱི་སྐད་རྒྱབ་པའི་སྲོལ་ངན་ཞིག་ཆགས་འདུག རྒྱ་བལ་དུ་ཡོད་པ་དེ་ཚོ་ལའང། ཕ་མ་སློབ་གྲྭར་འགྲིམས་མྱོང་བར་མ་ཟད་རང་ཉིད་སློབ་གྲྭ་རིན་འགོང་ཆེ་ས་དབྱིན་སྐད་དང་ཧིན་སྐད་སོགས་རྐྱང་སྦྱོང་སའི་སློབ་གྲྭར་བསྐྱོད་པ་ལ་བརྟེན་ནས་ཕྱིས་སུ་རང་ཉིད་ཀྱི་ཕྲུག་གུ་ཡང་སློབ་གྲ་དེ་རིགས་ལ་གཏོང་ཐབས་དང། དེ་དུས་རང་གི་ཕྲུག་གུར་དབྱིན་སྐད་ལས་བོད་སྐད་རྒྱབ་རྒྱུར་ཚེར་སྣང་ཆེན་པོ་བྱེད་ཀྱི་འདུག་པ། དེ་རིགས་ཡག་པོ་ཁྱོན་ནས་མ་རེད། དགོས་པའི་རང་མི་རིགས་ཀྱི་སྐད་ཡིག་ལ་དོ་སྣང་མི་བྱེད། ་མི་དགོས་པའི་གཞན་གྱི་སྐད་ཡིག་ཤེས་ཁུལ་གྱི་ཆེ་མདོག་ཁ་བོ་དེ་རིགས་བོད་མི་རིགས་ཀྱི་སྐད་ཡིག་གི་བསྟན་དགྲ་རེད། ལྟོས་དང། ཨ་རིར་ཡོད་པའི་ཀོ་རི་ཡ་བ་དང། རྒྱ་རིགས་དེ་ཚོས་རང་མི་རིགས་ཀྱི་སྐད་ཡིག་ནམ་ཡང་དོར་གྱིན་མེད། མ་ཟད་རང་མི་རིགས་ཕན་ཚུན་དབར་ལ་གླེང་མོལ་ཐམས་ཅད་རང་མི་རིགས་ཀྱི་སྐད་ཡིག་གི་ལམ་ནས་འབྲེལ་བ་བྱེད་ཀྱིན་འདུག ད་དུང་མགྲིན་སྤོབས་སྟེག་ནས་ཤོད་ཀྱིན་འདུག ཡིད་མི་ཆེས་ན། ཨ་རིའི་གྲོང་ཁྱེར་ལོས་ཨེན་ཇིལ་དང། Los Angel
སོགས་སུ་ཕྱིན་ཏེ་ལྟས་ཏེ་ཧ་གོ་གི་རེད།
བོད་པ་སྐྱག་པ་ལྐུགས་པ་གསུམ།
ཇེ་སྡུག་ནས་ཇེ་སྡུག་ཏུ་འགྲོ་གི་རེད་པ།

ཤིན་ཏུ་བློ་ཕམ་བྱུང་། བོད་གཞུང་ལ་ཕྱག་ལས་ཡུན་རིང་གནང་མཁན་ཞིག་འདས་གྲོངས་སོང་བ་ནི་ངོ་མ་ཕངས་པོ་རེད། འདས་པོ་ཁོང་མྱུར་བ་ཉིད་དུ་སྤྱན་རས་གཟིགས་ཀྱི་གདུལ་ཞིང་དུ་སླར་ཡང་སྐྱེ་བའི་སྨོན་འདུན་ཡོད།

ཁོང་ལ་མྱ་ངན་བྱེད་དང་བྱེད་བཞིན་ཡོད། དེ་མིན་ནང་མི་ཚང་མ་ལ་གདུང་སེམས་མཉམ་བསྐྱེད་ཡོད། སླར་ཡང་བོད་དོན་ཆེད་དུ་སྐྱེ་བའི་སྨོན་ལམ་གང་མང་འདེབས།

ཁོང་དངོས་ནས་སྤྱི་འཐུས་ཡག་པོ་ཞིག་ཡིན། སྐུ་ལས་མང་པོ་བསྐྱོན་ཡོན།

གངས་ཅན་སྐྱིད་གཤོངས་ཀྱི་ལས་བྱེད་རྒན་གྲས་དང་བོད་ཀྱི་ལས་དོན་ལ་ཧུར་ཐག་འབད་བརྩོན་གནང་མཁན་གྱི་དམ་པ་ཁོང་ལ་བསྔོ་སྨོན་དང་ཤུལ་ལུས་སྐུ་ལྕམས་མཆོག་དང་བུ་མོ་གཉིས་ལ་སེམས་གསོ་ཡོད།

ཧ་ཅང་སེམས་པ་སྐྱོ་སོང་་་་ཁོང་གི་མི་ཚེ་ཧྲིལ་བོར་བོད་མི་རིགས་ཀྱི་ཆེད་དུ་དཀའ་ལས་བརྒྱབས་པ་རེད། དར་འབྱོར་རྟེན་བཟང་མྱུར་དུ་ཐོབ་པའི་སྨོན་ལམ་འདེབས།

༼ དེ་ཡང་དམ་པ་ཁོང་གི་ལོ་རྒྱུས་སྙིང་བསྡུས་ནི། ཁོང་ཕྱི་ལོ་ ༡༩༥༢ ལོར་འཁྲུངས་ཤིང༌། ༡༩༥༩ ལོར་རྒྱ་གར་དུ་འབྱོར་ཏེ་རིམ་པའི་སློབ་ཞུགས་གནང་། ཕྱི་ལོ་ ༡༩༦༩ ཟླ་ ༡ ཚེས་ ༣༡ ནས་ ༡༩༩༤ ཟླ་ ༡༠ ཚེས་ ༣༡ བར་ལོ་ངོ་ ༢༦ ལྷག་རིང་དྭང་སློབ་དམག་སྒར་ནང་ཞུགས། དེ་ནས་ཐེག་པ་རིམ་འཛེགས་ཀྱིས་འགོ་འཛིན་ལས་རོགས་(Assistant Political Leader)བར་ལས་དྲུང་དང༌། ལས་ཁུངས་དོ་དམ་པ། བརྒྱ་དཔོན། བཟོ་གཞིས་ལས་ཁང་འགན་འཛིན་བཅས་ཀྱི་ལས་ཁུར་ཐོག་སྲི་ཞུ་བསྒྲུབས་མྱོང་ཡོད། ཕྱི་ལོ་ ༡༩༩༤ ལོ་མཇུག་ཏུ་དྭང་ཞབས་ནས་རྩ་དགོངས་ཞུས་རྗེས་མན་སྤར་ཕན་བདེ་གླིང་གཞིས་ཆགས་སུ་ གཞིས་གྲོང་བརྒྱ་དཔོན་དང༌། ས་གནས་དྭང་ཟུར་སྐྱིད་སྡུག་གི་རྒྱུན་ལས་ལོ་གསུམ་གནང་། ས་གནས་མདོ་སྨད་རྒྱུན་ལས་ཀྱི་ཚོགས་གཙོའི་ལས་ཁུར་ལོ་དྲུག་དང་མན་སྤར་ས་གནས་ འཐུས་ཚོགས་ཀྱི་ཚོགས་གཙོའི་ལས་ཁུར་བསྟུད་མར་སྐབས་གཉིས་ལས་ཁུར་གནང་
ནུབ་བྷང་གྷལ་མངའ་སྡེའི་རྒྱལ་ས་ཀ་ལི་ཀ་ཏ་བོད་མིའི་སུད་ཚོང་གི་འགན་འཐུས་ལོ་ ལྔ། མདོ་སྨད་ཆོལ་ཁའི་སྐབས་ ༡༡ པའི་དབུས་སྤྱི་ཁྱབ་རྒྱུན་ལས་ལོ་གསུམ་ཞུས། ཕྱི་ལོ་ ༢༠༠༦ ཟླ་ ༣ ནས་ ༢༠༠༩ ཟླ་ ༤ ཚེས་ ༢༨ བར་སྐབས་ ༡༣ པའི་མདོ་སྨད་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོའི་ལས་ཁུར་གནང་། སྐབས་ ༡༣ དང་ ༡༤། ༡༥ བཅས་ལ་མུ་མཐུད་མདོ་སྨད་མི་མང་ནས་སྤྱི་འཐུས་སུ་འདེམས་གནང་བ་བཞིན། ད་བར་སྤྱི་འཐུས་གྲོས་ཚོགས་ཚོགས་དུས་ཆ་ཚང་ཆད་མེད་ཚོགས་བཅར་གྱིས་ལས་ཁུར་ཞུ་ ཡོད་པ་མ་ཟད། སྐབས་ ༡༣ པ་དང་སྤྱི་འཐུས་རྒྱུན་ལས་ལོ་བཞི་དང་སྐབས་ ༡༤ པར་ལོ་གསུམ་དང་ཕྱེད་ལྷག་ལས་ཁུར་ཞུས་ཡོད་ལ་སྐབས་ད་བར་མང་ཚོགས་རྩིས་ཁྲའི་ ཚོགས་ཆུང་དང༌། ལོ་འཁོར་སྔོན་རྩིས་ཚོད་དཔག་འཆར་རྩིས་ཚོགས་ཆུང་སོགས་སྤྱི་འཐུས་ལྷན་ཚོགས་དང་ རྒྱུན་ལས་ཀྱི་ཆེད་འཛུགས་ཚོགས་ཆུང་འདྲ་མིན་ ༢༥ ནང་བསྐོ་གཞག་བྱུང་བ་ལྟར་ཞབས་ཞུ་ཧུར་སྐྱེད་ཞུས་དང་ཞུ་མུས་ལགས་ཤིང། གཙོ་བོ་༸གོང་ས་མཆོག་གི་བཀའ་དགོངས་སྙིང་དབུས་སུ་བཅངས་ཏེ་བཙན་བྱོལ་ བོད་མིའི་བཅའ་ཁྲིམས་ལ་ཡིད་ཆེས་བློ་གཏད་ཀྱིས་བོད་གཞིས་བྱེས་གཉིས་ཀྱི་རྩ་དོན་ ཆེད་མདོ་སྨད་མི་མང་ནས་ཇི་ལྟར་ཐུགས་རེ་གནང་དོན་བཞིན་རང་ནུས་གང་ཐུབ་ཀྱིས་འབད་བརྩོན་ལྷོད་མེད་ཞུ་རྒྱུའི་ཆོད་སེམས་བརྟན་པོ་ཡོད་འདུག་པ་བཅས།།༽ ལོ་རྒྱུས་སྙིང་བསྡུས་འདི་སྒྲིག་འཛུགས་ཀྱི་དྲ་བ་ནས་བཤུས་པ་ཡིན། དམ་པ་ཁོང་ནི་སྐུ་ཚེ་གང་བོར་བོད་ཀྱི་དོན་དུ་ཕྱག་ལས་གནང་ནས་ཉི་མ་དེ་རིང་སྐུ་ཚེ་འཕེན་པ་མ་རྫོགས་བར་མཐའ་སྐྱེལ་མཁན་ཞིག་རེད་འདུག

དེ་སྔ་སྤྱི་འཐུས་གྲོས་ཚོགས་ནང་། དབུས་བོད་མིའི་སྒྲིག་འཛུགས་ཀྱི་ལྷན་ཁང་རེ་རེའི་སྔོན་རྩིས་ཐོག་ཏན་ཏན་ཏིག་ཏིག་གིས་ཞིབ་ཚགས་གནང་མཁན་སྤྱི་འཐུས་གཉིས་ཡོད། གཅིག་གོང་གསལ་འདས་པོ་རྒྱལ་རོང་ཟླ་བ་ཚེ་རིང་དང་། གཞན་དེ་ཨ་རིའི་སྤྱི་འཐུས་བསྟན་འཛིན་ཆོས་ལྡན་གཉིས་རེད།
འཆར་ཅན་ལྟར་ན། བོད་མི་མང་སྤྱི་འཐུས་ལྷན་ཚོགས་ལ་ལོ་རེར་ཚོགས་དུས་གཉིས་ཡོད། གཅིག་སྤྱི་ཟླ་ ༣ པའི་ནང་དབུས་བོད་མིའི་སྒྲིག་འཛུགས་ལྷན་ཁང་མ་ལག་དང་བཅས་པའི་སྔོན་རྩིས་གཏན་འབེབས་སྐོར་རེད། གཞན་དེ་སྤྱི་ཟླ་ ༩ ནང་ཁྲིམས་བཟོའི་ལས་དོན་དང་ལྷན་ཁང་ཁག་གི་ལས་བསྡོམས་ལ་ཞིབ་འཇུག་སྐོར་རེད།
སྤྱི་འཐུས་རྒྱལ་རོང་ཟླ་བ་ཚེ་རིང་ལགས་ནི། སྐབས་བཅུ་གསུམ་དང་བཅུ་བཞི་ ༢༠༠༡ – ༢༠༡༡ བར་གྱི་མདོ་སྨད་ཆོལ་ཁོངས་ཀྱི་སྤྱི་འཐུས་ཤིག་ཡིན། སྐབས་བཅོ་ལྔ་པར་སླར་ཡང་བདམས་ཐོན་བྱུང་སྟེ་བོད་སྤྱི་དོན་ལ་ཕྱག་ལས་གནང་མགོ་བརྩམས་ཡོད། སྔོན་རྩིས་གཏན་འབེབས་སྐབས་དབུས་བོད་མིའི་སྒྲིག་འཛུགས་ཀྱི་བྱུང་སོང་གི་དངུལ་གྲངས་ས་ཡ་བརྒྱ་ཕྲག་མང་པོའི་རྩིས་མགོ་ཆེ་ཕྲ་ཆུང་གསུམ་ལ་དོ་ནན་ཆེན་པོས་ཞིབ་འཇུག་བྱས་ཏེ། དོགས་གནས་ཁ་གསལ་བཟོ་བ་དང་། སྐྱོན་གནས་འཐེར་འདོན་གནང་མཁན་གཙོ་བོ་དེ་ཡིན། གཞིས་ཆགས་ཁུག་ཀྱོག་དང་ཁ་ཐོར་བོད་མིའི་རྩིས་ཁྲ་ཡང་ཁོང་གིས་ཞིབ་ཏུ་མཁྱེན། ཁོང་མདོ་སྨད་དབུས་རྒྱུན་ཚོགས་གཙོར་བསྡད་པའི་རིང་། འདས་པའི་ལོ་མང་རིང་མགོ་ཉོག་ཆགས་ཡོད་པའི་རྩིས་ཁྲ་གཙང་སེལ་བཟོས་ཡོད་ལ། ཁོང་གི་ལས་རྒྱུན་རིང་མདོ་སྨད་རྒྱུན་ལས་དངུལ་འབོར་ཆེ་ཤོས་ཆགས་ཡོད་རབས་ཀྱང་བཤད།

འོན་ཀྱང་ཡིད་ཕངས་པ་ཞིག་ལ། ཁོང་དེ་རིང་འདི་ལྟར་སྐུ་གྲོངས་སོང་།
སྤྱི་འཐུས་བསྟན་འཛིན་ཆོས་ལྡན་ནི། སྐབས་བཅུ་གསུམ་དང་བཅུ་བཞི་ ༢༠༠༡ – ༢༠༡༡ བར་ཨ་རིའི་སྤྱི་འཐུས་རེད། ཁོང་ཐོག་མར་སྤྱི་འཐུས་ནང་ཕེབས་སྐབས་བོད་ཡིག་བོད་སྐད་ཡག་པོ་འགྲོ་དཀའ་བའི་སྐད་ཆ་འདུག སྤྱི་བའི་ལས་འགན་ཕྲག་ཏུ་བབ་རྗེས་རང་འགན་རང་གཅེས་ཀྱིས་བོད་ཡིག་བོད་སྐད་ཧྲ་ཐག་ཐག་བཟོས་སོང་། ཁོང་གིས་གཞུང་གི་རྩིས་ཁྲའི་ཐོག་གཟབ་ནན་ཆེན་པོ་གནང་བ་མ་ཟད། ཨ་ནཱ་ཞ་ཀོག་གཅིག་ཀྱང་སྣང་མེད་མི་བྱེད་པའི་བཤད་སྲོལ་ཡོད། ཨ་རི་དང་ཡུ་རོབ་ཁག་གི་བོད་རིགས་ཚོས་འདས་པའི་ལོ་མང་རིང་། རང་བཙན་ལག་དེབ་ཀྱི་དཔྱ་དངུལ་སྒྲུབ་འཇལ་མ་ཐུབ་པར་གཅིག་ཐོག་གཉིས་བརྩེགས་ཀྱིས་ལྷག་ཡོད་པ། ཁོང་གིས་གྲོས་ཚོགས་ནང་ཁ་ནས་ཁྲག་ཐོན་རག་བར་བཤད་པའི་གྲུབ་འབྲས་ལ། ཕྱེད་བཅག་གི་ཁྲིམས་གཞི་གཏན་འབེབས་ཀྱིས་མང་པོ་ཞིག་གིས་གཞུང་ལ་དཔྱ་དངུལ་འབུལ་ཐུབ་པ་བྱུང་བ་ཡོད།
འོན་ཀྱང་ཞེ་མིག་པ་ཞིག་ལ་ཁོང་སྐབས་ ༡༥ པའི་སྤྱི་འཐུས་འོས་གཞི་ལས་དགོངས་པ་ཞུས་སོང་།

ཨྂ་མ་ཎི་པདྨེ་ཧཱུྂཿ བདེ་བ་ཅན་དུ་སྐྱེ་བར་ཤོག འཕགས་མཆོག་ཕྱག་ན་པདྨོས་རྗེས་སུ་འཛིན་པར་ཤོག
དྲྭ་གྲོགས་ཚོ། ང་ཚོས་མ་ཎི་བགྲང་རྒྱུ་ལས་ཅི་ཡང་བྱེད་མི་ཐུབ་པ་རེད་དམ། མ་རེད། ང་ཚོས་འདས་པོ་དམ་པ་ཁོང་གིས་ལོ་རྒྱུས་ལ་ཕྱིར་མིག་རེ་ལྟོས་དང་། ཁོང་གི་བསམ་བློའི་གཤིས་ཀ་དང་། ཤེས་རིག་གི་གོམས་སྟབས། ལྷག་བསམ་དང་དྲང་བདེན་གྱི་སྙིང་སྟོབས་བཅས་ལ་ཕྱིར་མིག་རེ་ལྟོས་དང་། ང་ཚོས་ཁོང་སོང་ཟིན་པའི་འོག་ཏུ་ཁ་གསབ་བྱེད་དགོས་པ་ཤིན་ཏུ་མང་ལ། ཁོང་གིས་ཤུལ་བཞག་གི་དངོས་པོ་རྒྱུན་སྐྱོང་བྱ་དགོས་པ་རེའང་ཡོད་ངེས་རེད། ང་ཚོས་བསམ་གཞིག་དང་ཟབ་ནན་བྱེད་དགོས་ས་དེ་སྣ་མང་ཞིག་ཡིན་པ་ལས། མ་ཎི་བགྲང་རྒྱུ་གཅིག་པོ་དེ་ག་ལ་ཡིན། ང་ཚོས་ཁོང་སྐྱེལ་མ་བྱེད་ཐབས་དེ་སྣ་མང་ཞིག་ཡིན་པ་ལས། མ་ཎི་བགྲང་རྒྱུ་གཅིག་པོ་དེ་ག་ལ་ཡིན།
མཐའ་དོན་ཁོང་གི་ནང་མི་ཚོ་ལའང་དམ་པ་ཁོང་གི་རྗེས་ཤུལ་ཟིན་པ་རེ་བྱེད་རྒྱུ་དང་། ཁོང་གི་དམིགས་ཡུལ་ལས་ནམ་ཡང་འགྱུར་བ་མེད་པར་༸གོང་ས་མཆོག་དང་། དམ་པ་ཁོང་ལ་རེ་ཞིང་ལྟོས་པའི་མི་མང་གིས་བསམ་འདུན་འགྲུབ་ཐུབ་པ་རེ་བྱེད་རོགས་ཞེས་ཐུགས་གསོའི་སྔོ་སྨོན་དང་བཅས།

ཨ་ཁ་ ང་རང་གི་ཁྱིམ་ནང་བདག་པོ་གཅིག་གྲོངས་བ་དང་ཁྱད་པ་མི་འདུག ཡིན་ན་ཡང་བསྔོ་སྨོན་རྒྱབ་པ་ལས་གང་ཡང་བྱེད་ཡ་མི་འདུག

ཨ་ཡ། འཕགས་མཆོག་སྤྱན་རས་གཟིགས་ཀྱིས་རྗེས་སུ་བཟུང་། ཨོྂ་མ་ཎི་པདྨེ་ཧཱུྂཿ

བཀུར་འོས་སྤྱི་འཐུས་མཆོག་གློ་བུར་ཞིང་དུ་གཤེགས་པ་ཤིན་ཏུ་བློ་ཕམ་ཆེན་པོ་བྱུང་། ཁོང་ཉིད་སླར་ཡང་སྐུ་ཚེ་འདིའི་ལས་དོན་མཇུག་མཐུད་དུ་བོད་དོན་འདེགས་པའི་བོད་མི་ཞིག་ཏུ་མགྱོགས་ནས་མྱུར་ཏུ་སྐྱེས་ཏེ། གངས་ཅན་མགོན་པོའི་ཞབས་དང་འབྲལ་བ་མེད་པར་ཤོག

འདས་པོ་ཁོང་ལ་མྱ་ངན་དང་ཤུལ་ལུས་ནང་མི་རྣམས་ལ་ཐུགས་གསོའི་མཚམས་འདྲི་གྲངས་མེད་ཞུ

བཀུར་འོས་གྲོས་ཚོགས་འཐུས་མི་དང་ངོ་ཤེས་གྲོགས་པོ་དགའ་ཞིག་འདི་ལྟར་གློ་བུར་ཕྱི་མར་གཤེགས་པར་ཧ་ཅང་བློ་ཕམ་བྱུང། གངས་ཅན་མགོན་པོའི་ཐུགས་རྗེ་དང་གང་གི་ལེགས་བྱས་རྟེན་འབྲེལ་གྱིས་བདེ་བ་ཅན་དུ་སྐྱེ་བར་སྨོན་ལམ་འདེབས།