མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྩོམ་པ་པོའི་མཚན་ཉིད་མི་འདུག

བོད་ཀྱི་དུས་བབ།
༢༠༡༡/༠༩/༢༨
Share on FacebookShare on TwitterShare on EmailShare on Whatsapp

ཨ་འདུས་མིག་ཆུ། ས་རཱ།

 སྤྱིར་བཏང་བཙན་བྱོལ་སྒྲིག་འཛུགས་ཀྱི་མངའ་ཁོངས་སུ་གཏོགས་པའི་སྤྱི་འབངས་ཤིག་ཡིན་ཚེ། སྒྲིག་འཛུགས་དེའི་ལས་ཀྱི་སྣེ་མོར་གཏོགས་པའི་མཛད་གཙོ་རྣམ་པར་གུས་བཀུར་དང་། ལས་འགན་མཉམ་འདེགས་བྱེད་པའི་ཐད་ནས་ཅི་ནུས་གང་ཅིར་འབད་དགོས་པ་ནི་སྨྲོས་ཅི་ལ་དགོས་ཨང་། བཙན་བྱོལ་བའི་སྤྱི་ཚོགས་ཆུང་ཆུང་འདིའི་གྲུ་ཟུར་གཡས་གཡོན་ན། རྩང་པ་ཁ་རུལ་བཞིན་ཡིབ་བསྡད་པའི་ལས་མེད་སྐབས་འཚོལ་བའི་སྲིད་དོན་པ་དག་ནི་དུས་ནམ་ཡང་བོད་ཕྱོགས་ལ་མ་གཏོགས་པའི་སྙིང་གཟེར་བྱེད་ཀྱི་མི་སྣ་ཆེ་གེ་མོ་རྐྱང་རྐྱང་རེད་ཨང་། དུས་ནམ་ཡང་འདི་དག་གི་སྨྱུག་ཁའི་མདའ་རྩེ་ན་ཡོད་པ་ནི་བོད་མིའི་སྒྲིག་འཛུགས་ཀྱི་ལས་ཀྱི་སྣེ་མོར་གཏོགས་པའི་མཛད་གཙོ་རྣམ་པ་ཡིན་པ་ལས། བོད་ཀྱི་རླབས་ཆེ་བའི་ཚེ་སྲོག་དུམ་བུར་གཅོད་ལ་བྲེལ་ནས་ཡོད་པའི་རྒྱ་གཞུང་གི་མགོ་ཁྲིད་རྣམས་ཡིན་ག་ལ་སྲིད།  གྱང་གི་བར་གསེང་ན་ཡིབ་བསྡད་པའི་རྩང་པ་ཁ་རལ་ནི་རང་ཁོ་ནའི་ལྟོ་ངན་དེའི་ཆེད་དུ་འཚོ་ནས་ཡོད་ལ། རང་ཉིད་ཀྱི་འདོད་དོན་དེ་མ་འགྲུབ་ཚེ་དགོས་མེད་ཀྱི་ཨག་སྐད་རེ་གྱེར་ནས་འདུག་པ་ནི། འབུ་དེ་ལ་དབང་བའི་ལྡོག་མེད་ཀྱི་རང་གཤིས་དེ་རེད། 

འབུ་དེའི་རང་གཤིས་དང་ཁྱད་ཆོས་འབུར་གཟུགས་སུ་དོད་པའི་སྐབས་འཚོལ་བ་དག་ནི། བཙན་བྱོལ་སྤྱི་ཚོགས་འདིའི་གཡས་ཟུར་དང་གཡོན་ཟུར་ན་བསྡད་དེ། བོད་ཕྱི་ནང་གཉིས་ཀྱི་དབུ་ཁྲིད་དུ་བཀུར་ཆོག་པའི་མཛད་གཙོ་རྣམ་པར་ཉེས་མེད་ཀྱི་ཞྭ་མོ་རེ་བསྐྲུན་ནས་སྡོད་རྒྱུར་ཤིན་ཏུ་དགའ་ཨང་། རྩང་པ་ཁ་རལ་དང་རྩང་པ་ཁ་རིལ་གྱི་རྣམ་ཐར་ཡོངས་སུ་མངའ་བའི་བཙན་བྱོལ་སྨྱུག་ཐོགས་པ་དག་གིས་བསམ་ཞིང་སྨྲས་ལ། བརྟག་ཅིང་མ་དཔྱད་པའི་གློ་བུར་རླབས་བརྡོལ་གྱི་སྐད་ཆ་དག་གིས་གསེར་གྱི་ཐར་ཐག་ལས་ལྷག་པའི་གཞུང་འབངས་ཀྱི་བར་ཐག་ཤེད་དང་སྟོབས་ཀྱིས་གཅོད་ཀྱིན་མི་འདུག་གམ། མིང་རྫུན་དེ་སྨྱུག་མིང་དུ་འབོད་པའི་གྲུབ་འོག་ན་ཡིབ་ཅིང་གནས་པའི་རྩོམ་པ་པོ་རུ་ཁས་འཆེ་བ་དག་གི་རྩོམ་ཡིག་ཏུ་གྲགས་པའི་གཏོང་ཆོག་ཆོག་གི་བྱ་རྟུག་རྣམས་ཀྱིས། བདག་ཉིད་ཀྱི་སྙིང་དང་ཡིད་ལ་སིམ་པའི་༼ བོད་ཀྱི་དུས་བབ ༽ དང་། ༼བོད་ཀྱི་བང་ཆེན༽གཉིས་ཀྱི་ངོ་གདོང་ཧར་དང་ཧྲུལ་གྱིས་བརྫད་སོང་ཨང་། བཙན་བྱོལ་བའི་དབུ་ཁྲིད་དག་ལ་ཡིད་ཆེས་མེད་ཚེ། རྒྱལ་ཁབ་དང་མི་རིགས་ཀྱི་ཆེད་དུ་ཞེས་གསེར་གྱིས་ཁ་རྒྱན་དུ་བྱས་པའི་དོན་མེད་ཀྱི་རྙོག་གཏམ་གང་གླེང་བ་ཐམས་ཅད། དོན་ངོ་མར་ཕྱི་རྫིག་ལ་ནང་སྟོང་བའི་ཤིང་སྡོང་ཁོག་རུལ་ཞིག་དང་ཁྱད་པར་གང་ཡང་མེད་དོ།།

སྤྱི་མི་སྒེར་གྱི་སྐྱོན་གནད་ལ་མཛུབ་རྩེ་མི་གཏོད་པར་བཙན་བྱོལ་བའི་མང་གཙོའི་ཀ་བ་གསུམ་ལ་ཐད་ཀར་ཐད་ཀར་རྒོལ་ཞིང་བསྙོན་པ་ནི། བཙན་བྱོལ་སྤྱི་འབངས་ཤིག་གི་ཀུན་སྤྱོད་མ་རེད་ལ། མི་མང་གི་སྣེ་ཁྲིད་དུ་འབོད་པའི་སྨྱུག་ཐོགས་པ་ཞིག་གི་ཁྱད་ཆོས་གཏན་ནས་མི་འདུག་གོ། བཙན་བྱོལ་མི་དཀྱུས་གཞན་གྱི་རྣ་ལ་གཟན་ཞིང་སྙིང་ལ་གཟིར་བའི་ཚིག་སྐམ་དག་ལ་གནས་ལུགས་དང་རྒྱུ་མཚན་ལྡན་ནོ་ཞེས་གང་བྱུང་དུ་སྨྲ་བ་ནི། རང་གི་རྟུག་དྲི་ཧ་ཅང་ཞིམ་ལ་མངར་རོ་ཞེས་པ་དང་ཁྱད་པར་གང་ཞིག་འདུག་ཨང་། (སྤྱི་འཐུས་ཀྱི་ལས་འགན་མ་བསྒྲུབས)ན་ཁྱེད་རང་གིས་གང་ཞིག་འགྲུབ་ཡོད་དམ། (རྡ་སའི་ཆབ་སྲིད་གྲོག་མ་)ཡིན་ཚེ། ཁྱེད་རང་གིས་འཁྲབ་བཞིན་པའི་ཆབ་སྲིད་དེ་སྡེ་ཚན་གང་ཞིག་ཏུ་གཏོགས་སམ་ཞེས་བསམ་ཞིང་བསམས་ལ་འདྲི་ཡང་འདྲི་འོ།།

མདོར་ན། མིང་ཡིག་རྫུན་མའི་འོག་གི་རྩང་པ་ཁ་རལ་དག་གིས་གང་གླེང་བ་ཐམས་ཅད་བོད་མིའི་སྒྲིག་འཛུགས་ཀྱི་མཚན་ཤས་ལ་མི་གནོད་པ་ཞིག་དང་། བཙན་བྱོལ་སྤྱི་འབངས་ཀྱི་སྙིང་ལ་མི་གཟེར་བ་ཞིག་ཅིས་ཀྱང་གལ་གནད་དུ་འཛིན་པར་ཞུ་ཞེས་སྨྲའོ།།

 

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

༢༠༢༥/༠༥/༢༣
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

༢༠༢༥/༠༥/༢༣
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

༢༠༢༥/༠༥/༢༣
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 34

  1. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    དྲ་གྲོགས་ཨ་འདུས་མིག་ཆུ་ལགས། ངས་བལྟས་ན། ཁྱོད་ཀྱིས་སྣང་བ་མཐོན་པོ་བོ་དེ་མར་ཕབ་ནས་རྟ་ནག་པ་སྐལ་བཟང་ལུང་རིགས་ལགས་ཀྱི་རྒྱ་རྩོམ་བསྒྱུར་མ་དག་ལ་ཞིབ་མཇལ་ཞིག་བྱས་ན་ཁྱོད་ལ་དགེ་མཚན་ཆེ་བར་སྣང་། དེ་མིན་རྩོམ་པ་པོའི་འགན་འཁྲི་ཟེར་བ་དེ་ཁྱོད་ཀྱིས་ངོ་མ་མི་ཤེས་ཀི།

    Reply
  2. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    སྤྱི་འཐུས་ཚོགས་གཙོ་མི་གསོད་རེད། ཟམ་གདོང་བླས་གང་ཡང་མ་འཇོན་ཐལ། ཧ་ཧ་ཁྱོད་ཀྱིོས་བཤད་བཤད་མཐར་སྐད་ཆ་འདི་འདྲ་ཐོག་ལ་འཇོག་ཁུལ་ནི་ཨུ་ཐུགས་ནས་ཡིན་རྒྱུ་རེད། ང་ལ་ཕོག་འགྲོ་ས་ཟེར་རྒྱུ་ཞིག་མེད་མོད། གལ་སྲིད་ཡོད་ཀྱང་ཁྱོད་རང་གིས་ང་ལ་ཕོག་འགྲོ་རྒྱུ་ཞིག་བཤད་མི་ཐུབ་པ་ངས་ཤེས་ཀྱི་རེད། གྲོགས་པོ།

    Reply
  3. ཨ་འདུས་མིག་ཆུ། says:
    ལོ་ 14 སྔོན།

    བདག་དང་ཤ་འདྲིས་ཁྲག་འདྲིས་ཀྱི་དྲ་གྲོགས་རྣམ་པ། ཁྱེད་ཅག་གིས་ལེགས་པར་གསོན་དང་། བཙན་བྱོལ་སྤྱི་ཚོགས་ནང་གི་བོད་ཡིག་རྩོམ་པ་པོའི་ཁྲོད་ན། སྐྱོན་ཐེར་འདོན་བྱེད་མཁན་སུ་ཞིག་བྱུང་ཡོད་དམ། དུས་ནམ་ཡང་ཁྱེད་ཀྱི་ཁ་དང་ངའི་རྣ་བརྩད་ནས་བསྡད་པ་ལས། བརྟགས་ཤིང་དཔྱད་པའི་ཤེས་རབ་ལས་ཐོན་པའི་གྲུབ་དོན་ཞིག་གཏན་ནས་བསྟན་མ་མྱོང་ཟེར་ནའང་འགྲིག། སྤྱི་འཐུས་ཚོགས་གཙོ་མྱི་གསད་རེད་ཟེར་བ་དང་། ཟམ་གདོང་་བླ་མས་གང་ཡང་འཇོན་མ་སོང་། སོགས་ལ་སྐྱོན་བརྗོད་ཅེས་ནམ་ཡང་མི་འབོད་དོ། འདི་དག་ལ་ངས་ནམ་ཡང་ཁ་གཏོང་བ་དང་། བསྙོན་འཛུགས་པ་ཞེས་འཆད་བཞིན་ཡོད། འདི་ལྟར་མ་བྱེད་ཟེར་དུས་རྩངས་པ་ཁ་རུལ་ཁ་ཤས་ང་རྒྱལ་དང་བཅས་ངར་ངར་བྱེད་བཞིན་འདུག གང་ལྟར་ཁྱེད་རང་ལ་ཕོག་སོང་ན་དགོངས་དག་ཞུ། འོ་ན་ཁྱེད་རང་གིས་ཁ་ཐོངས། བསྙོན་ཚུགས། དེ་མ་གཏོགས་ང་ལ་བཤད་རྒྱུ་གང་ཡང་མེད།

    Reply
  4. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    གངས་ཕྲུག་ལགས་དངོས་གནས་ངས་ཁྱོད་ལ་མཐོང་ཆུང་མིན་མོད། ང་ཁྱོད་ལ་ཅུང་སྙིང་རྗེ་བསམ་སོང་། དོན་དངོས་རྟོགས་མཁན་ཁྱོད་འདྲ་ཞིག་གི་ཚད་དུ་ཡོད་ན། འུ་ཚང་ཚར་སོང་བའི་དུས་ཤིག་ལོས་ཡིན།

    Reply
  5. གངས་ཕྲུག says:
    ལོ་ 14 སྔོན།

    འཇལ་དཔལ་ལགས་སྐུ་མཁྱེན།
    ཁྱོད་ཀྱིས་དངོས་མ་རྟོགས་པར་སྤྱང་ལྟོགས་གནང་གཞན་འདར་རྒྱུགས་བྱེད་བཞིན་འདུག་པའི་གཞན་གང་ཡང་ཞུ་རྒྱུ་མེད། མ་ཟད་ཁྱོད་འདྲ་བོའི་ཐོག་ལ་དུས་ཚོད་འཕྲོ་བརླགས་བཏང་ན་སྨྱོན་པ་ཡིན

    Reply
  6. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    གངས་ཕྲུག་ཟེར་བ་ཁྱོད་ལ་འདི་འདྲ་ཞིག་ལས་མེད་ན་དངོས་གནས་ངས་ཁྱོད་ལ་ལན་གང་འབྲི་རྒྱུ་མིན། སྐད་ཆ་འདི་ཚོ་གྲོང་མཐའི་ཤེས་མེད་བླུན་པོ་དག་གི་ཁ་ན་འུར་གྱིན་ཡོད་པའི་སྐོར་རེད།

    Reply
  7. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    ཨ་འདུས་མི་ཆུ་ཟེར་བ་ཁོང་གིས་འདི་ཙམ་ལ་གོ་བ་ལེན་ཤེས་ཀྱི་མེད་ན། ང་ལ་ཅིག་འབྲི་རྒྱུ་མ་དྲན།

    ཁྱེད་ཚོས་ལྟོས་དང་། འོག་གི་མཆན་འདི་ངས་ཁོང་གི་རྩོམ་ཡིག་དེར་བྲིས་པ་རེད།
    ཡ་ཡ་དྲ་གྲོགས་ཨ་འདུས་མི་ཆུ་ལགས།
    སེམས་རྣལ་ལ་གནས་པའི་མི་བུ་ཞིག་གིས་བྲིས་པར་ཚད་འཛིན་བྱེད་ཆོག་མོད། ཉིད་ཀྱིས་བརྗོད་དོན་ཞིག་གླེང་བཞིན་པའི་སྟེགས་བུ་དེ་ནི་རྩོམ་རིག་ཅེས་པའི་གླེང་སྟེགས་འདི་ཡིན་པས། རྩོམ་རིག་བསམ་བློའི་ཁྱབ་ཁོངས་ནས་བལྟས་ན་སེམས་རྣལ་དུ་གནས་པའི་མི་བུ་ཞིག་གིས་བྲིས་པར་འཇོག་དཀའ་སེ་ཞིག་རེད་ལ། གལ་སྲིད་བཞག་ཀྱང་བསམ་བློའི་ཚད་མ་སྨིན་པའི་སྐད་ཆ་ཁོག་སྟོང་ཞིག་ཏུ་འདོད། ཉིད་ཀྱིས་ཞྭ་མོ་བཟོ་སྟངས་ཟེར་ནས་ཅིག་བཤད་ཀི་འདུག དྲངས་མོར་བཤད་ན་ཁྱོད་ལ་ཞྭ་མོ་བཟོ་རྒྱུའི་བསམ་བློ་ཅན་ཞིག་ཡོད་རྒྱུ་མ་རེད་འདོད་ཀི། ང་ལ་མཚོན་ན་ནི་ཞྭ་མོ་ཞིག་བཟོ་རྒྱུར་མི་སུ་འདྲ་ཞིག་ལ་འཕྲད་ཀྱང་མི་བཟོ་ཐག་ཆོད་ཡིན་མོད། གལ་སྲིད་བཟོ་བའི་དབང་དུ་བྱས་ཀྱང་ཁྱོད་ལྟ་བུ་ཞིག་ལ་ནི་གཞལ་ཡང་མི་སྲིད་པ་ཞིག་རེད། ངས་ཁ་སྔོན་ནས་བཤད་པ་ལྟར་གནས་ལུགས་ཟེར་བ་དེ་ནི་ཁྲི་ཐོག་གི་བླ་མ་རེད་ཟེར་ནས་མི་བཤད་རྒྱུ་ཞིག་དང་། འོག་གྲོང་མཐའི་སྤྲང་བོ་ཟེར་ནས་འཇོག་རྒྱུ་ཞིག་གཏན་ནས་མིན་པས། ཁྱོད་ལ་བཤད་རྒྱུ་ཞིག་ཡོད་ན་བཏང་སྙོམས་སུ་འཇོག་དགོས་དོན་ཅི་ཡང་ལྷག་མེད།

    ཨ་འདུས་ཀྱི་ང་ལ་ལན་འདི་བྲིས་པ་རེད།
    རྨེ་འཇམ་ཞེས་པ་ལགས། ཁྱེད་ཀྱིས་ཞྭ་མོ་ཟེར་དུས་ཤོག་ཞྭ་ཞིག་དང། ཡང་ན་རས་ཞྭ་ཞིག་བཟོ་དགོས་པར་བསམ་བློ་འཁོར་འདུག་ལ། དེའང་མི་ཆེན་དཔོན་ཆེན་ཞིག་མ་གཏོགས་བཟོ་མི་ཆོག་པར་དགོངས་འདུག་ཀྱང་། དེ་ནི་ཁྱེད་རང་མཐོང་རྒྱ་དམན་དྲག་པས་རེད། ཞྭ་མོ་བཟོ་སྟངས་དང་འགེབས་སྟངས་མང་པོ་ཡོད་པ་རེད་ལ། ཞྭ་མོ་འགེབས་ས་ལའང་མཐོ་དམན་ཡོད་པ་མ་རེད། དེ་ཁྱེད་རང་གིས་ཤེས་པར་གྱིས། བཙན་བྱོལ་བོད་གཞུང་གི་ལས་ཀྱི་སྣེ་མོ་གཏོགས་པ་དང་གྲོས་ཚོགས་ཀུན་ལ་ཁ་གཏོང་བ་ནི། ང་ལྟ་བུ་ལ་མཚོན་ཡག་རྟགས་ཤིག་ལ་མ་མཐོང་བར་འདི་འདྲ་ཞིག་བྲིས་པའི་ཁུལ་ཡིན་མོད། ཁྱེད་དང་ཁྱེད་ལྟ་བུ་ཚོ་ནི། གོ་བ་ལྡོག་ཕྱོགས་མ་གཏོགས་ལེན་པ་གང་ཡིན་ནམ།

    Reply
  8. དགེ་འདུན། says:
    ལོ་ 14 སྔོན།

    ཨ་འདུས་ལགས་ཀྱི་བསམ་ཚུལ་འདི་ནི་གནད་ལ་འཁེལ་བ་ཞིག་འདུག་སྙམ། རྩོམ་
    འདིས་མི་ལ་སྐྱོན་བརྗོད་བྱེད་ཆོག་དང་མི་ཆོག མང་གཙོ་ཡིན་མིན་སོགས་གསལ་བྱེད་བཤད་བྱས་པ་ཞིག་མ་རེད་སྙམ། གང་ལྟར་རང་ཉིད་བོད་པ་ཡིན་པ་དང་རང་གི་དགྲ་བོ་རྒྱ་ནག་ཡིན་པ་ཤེས་ཡོད་ན། དགྲ་དགའ་གཉེན་སྡུག་གི་བྱ་འགུལ་སྤེལ་མི་སྲིད་ལ། སྙིང་ལ་ཕོག་པའི་མདའ་མོ་ཡང་བཙན་བྱོལ་པ་ཁོ་ནར་འཕེན་དགོས་དོན་མི་འདུག་སྙམ།

    Reply
  9. ཨ་འདུས་མིག་ཆུ། says:
    ལོ་ 14 སྔོན།

    རྨེ་འཇམ་ཞེས་པ་ལགས། ཁྱེད་ཀྱིས་ཞྭ་མོ་ཟེར་དུས་ཤོག་ཞྭ་ཞིག་དང། ཡང་ན་རས་ཞྭ་ཞིག་བཟོ་དགོས་པར་བསམ་བློ་འཁོར་འདུག་ལ། དེའང་མི་ཆེན་དཔོན་ཆེན་ཞིག་མ་གཏོགས་བཟོ་མི་ཆོག་པར་དགོངས་འདུག་ཀྱང་། དེ་ནི་ཁྱེད་རང་མཐོང་རྒྱ་དམན་དྲག་པས་རེད། ཞྭ་མོ་བཟོ་སྟངས་དང་འགེབས་སྟངས་མང་པོ་ཡོད་པ་རེད་ལ། ཞྭ་མོ་འགེབས་ས་ལའང་མཐོ་དམན་ཡོད་པ་མ་རེད། དེ་ཁྱེད་རང་གིས་ཤེས་པར་གྱིས། བཙན་བྱོལ་བོད་གཞུང་གི་ལས་ཀྱི་སྣེ་མོ་གཏོགས་པ་དང་གྲོས་ཚོགས་ཀུན་ལ་ཁ་གཏོང་བ་ནི། ང་ལྟ་བུ་ལ་མཚོན་ཡག་རྟགས་ཤིག་ལ་མ་མཐོང་བར་འདི་འདྲ་ཞིག་བྲིས་པའི་ཁུལ་ཡིན་མོད། ཁྱེད་དང་ཁྱེད་ལྟ་བུ་ཚོ་ནི། གོ་བ་ལྡོག་ཕྱོགས་མ་གཏོགས་ལེན་པ་གང་ཡིན་ནམ།

    Reply
  10. གངས་ཕྲུག says:
    ལོ་ 14 སྔོན།

    རྨེ་བ་འཇམ་དཔལ་ནོར་བུ་མིང་ཅན་ལ
    རེད་རྩོམ་པ་པོ་ལ་རང་གི་དབུ་འཁྲིད་དང་གཞུང་ལ་དགག་པ་རྒྱབ་ཆོག་མོད་འོན་ཀྱང་ཁུང་ལུང་མེད་པའི་བསྐྱོད་ཛུགས་བྱས་བ་ག་ལ་འགྲིགས། དོན་དངོས་ཀྱི་རྩོམ་པ་པོ་ཞིག་ཡིན་ཁོང་གིས་ངེས་བར་དུ་སྐད་ཅ་མ་བཤད་སྔོན་ལ་བསམ་བློ་རྩེ་གཅིག་གི་བསྡུས་དེ་ལག་ལེན་བསྟར་ངེས་ཡིན་འོན་ཀྱང་ཡིག་ནར་ཁ་ཤས་འབྲི་ཤེས་མཁན་མི་ཁ་ཤས་ཀྱིས་རི་བོང་ཅལ་འགྲོགས་ནང་བཞིན་འདུར་རྒྱུགས་བྱེད་བཞིན་པ་ཁྱོད་འདྲ་བ་ཚོ་ལ་བཤད་པ་ཡིན། རྩོམ་པ་པོ་ཡིན་ཟེར་དུས་ངེས་བར་དུ་རང་གི་དབུ་ཁྲིད་དང་གཞུང་ལ་ཁུང་མེད་བསྐྱོན་འཛུགས་བྱེད་རེད་དམ། གལ་སྲིད་ཁྱོད་རྩོམ་པ་པོ་དང་རྣམ་དཔྱོད་ཅན་ཞིག་ཡིན་ན་བོད་ནང་རྒྱ་ནག་གིས་ཉེན་མེད་བོད་ཚོ་བཅར་བརྡུང་དང་བཙོན་འཇུག་བྱེད་པ་འདིའི་ཆེད་དུ་རྒྱལ་སྤྱིའི་ཐོགས་རྩོམ་ཡིན་འདྲ་མིན་སྤེལ་དང་སུས་ཀྱང་ཁྱོད་ལ་དགག་པ་རྒྱག་མཁན་མེད། ཁྱོད་ཀྱིས་བཤད་བསྟང་འདི་ནི་རྒྱ་ནག་གཞུང་གིས་༧གོང་ས་མཆོག་དང་བཙན་བྱོལ་གཞུང་ལ་བསྐྱོན་འཛུགས་བྱེད་བཞིན་པ་དང་གཅིག་མཚུངས་རེད་འདུག

    Reply
  11. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    ཡ་ཡ་དྲ་གྲོགས་ཨ་འདུས་མི་ཆུ་ལགས།
    སེམས་རྣལ་ལ་གནས་པའི་མི་བུ་ཞིག་གིས་བྲིས་པར་ཚད་འཛིན་བྱེད་ཆོག་མོད། ཉིད་ཀྱིས་བརྗོད་དོན་ཞིག་གླེང་བཞིན་པའི་སྟེགས་བུ་དེ་ནི་རྩོམ་རིག་ཅེས་པའི་གླེང་སྟེགས་འདི་ཡིན་པས། རྩོམ་རིག་བསམ་བློའི་ཁྱབ་ཁོངས་ནས་བལྟས་ན་སེམས་རྣལ་དུ་གནས་པའི་མི་བུ་ཞིག་གིས་བྲིས་པར་འཇོག་དཀའ་སེ་ཞིག་རེད་ལ། གལ་སྲིད་བཞག་ཀྱང་བསམ་བློའི་ཚད་མ་སྨིན་པའི་སྐད་ཆ་ཁོག་སྟོང་ཞིག་ཏུ་འདོད། ཉིད་ཀྱིས་ཞྭ་མོ་བཟོ་སྟངས་ཟེར་ནས་ཅིག་བཤད་ཀི་འདུག དྲངས་མོར་བཤད་ན་ཁྱོད་ལ་ཞྭ་མོ་བཟོ་རྒྱུའི་བསམ་བློ་ཅན་ཞིག་ཡོད་རྒྱུ་མ་རེད་འདོད་ཀི། ང་ལ་མཚོན་ན་ནི་ཞྭ་མོ་ཞིག་བཟོ་རྒྱུར་མི་སུ་འདྲ་ཞིག་ལ་འཕྲད་ཀྱང་མི་བཟོ་ཐག་ཆོད་ཡིན་མོད། གལ་སྲིད་བཟོ་བའི་དབང་དུ་བྱས་ཀྱང་ཁྱོད་ལྟ་བུ་ཞིག་ལ་ནི་གཞལ་ཡང་མི་སྲིད་པ་ཞིག་རེད། ངས་ཁ་སྔོན་ནས་བཤད་པ་ལྟར་གནས་ལུགས་ཟེར་བ་དེ་ནི་ཁྲི་ཐོག་གི་བླ་མ་རེད་ཟེར་ནས་མི་བཤད་རྒྱུ་ཞིག་དང་། འོག་གྲོང་མཐའི་སྤྲང་བོ་ཟེར་ནས་འཇོག་རྒྱུ་ཞིག་གཏན་ནས་མིན་པས། ཁྱོད་ལ་བཤད་རྒྱུ་ཞིག་ཡོད་ན་བཏང་སྙོམས་སུ་འཇོག་དགོས་དོན་ཅི་ཡང་ལྷག་མེད།

    Reply
  12. ཨ་འདུས་མིག་ཆུ། says:
    ལོ་ 14 སྔོན།

    རྨེ་འཇམ་དང་རྨེ་འཇམ་ལ་སོགས་པ་གང་ན་སུ་བཞུགས་ཚང་མས་བདག་གི་གོང་དུ་བཤད་པའི་དགོངས་པ་དག་ལ། དྲང་དོན་དང་ངེས་དོན་གང་དུ་འགྲེལ་ཁུལ་བྱས་ཀྱང་། རང་ཉིད་ཀྱི་རྩོམ་ཡིག་དང་རང་ཉིད་ཀྱི་མཆན་གཉིས་འགལ་བ་ལྟག་ཆོད་དུ་མ་སོང་བ་ནི། སེམས་རྣལ་ལ་གནས་པའི་མི་བུ་ཞིག་གིས་བྲིས་པ་འདི་ཉིད་ཀྱིས་བདེན་དཔང་བྱེད་དོ། དེ་མིན་གྱིས་ཞྭ་མོ་བཟོ་སྟངས་མང་པོ་ཞིག་བདག་གི་རྩོམ་ཡིག་འདིའི་གཤམ་དུ་སླེབས་ཀྱང་། དེ་དག་ནམ་ཡང་བདག་ཕར་ཟད་བཙན་བྱོལ་སྒྲིག་འཛུགས་དང་། དེའི་དབུ་ཁྲིད་དག་ལ་ཞྭ་མོ་བཟོ་མཁན་རྐྱང་རྐྱང་ཡིན་པས་ང་ལ་དེ་ལྟར་སྨྲ་བ་ལ་ནི། བདག་གིས་བཏང་སྙོམས་སུ་འཇོག་ཆོག་གོ

    Reply
  13. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    དྲ་གྲོགས་ཚོ་ཁྱེད་ཚོས་ཨ་འདུས་མིག་ཆུ་ལགས་ཀྱི་༼རྩོམ་པོ་པོའི་མཚན་ཉིད་མི་འདུག་༽ཅེས་པའི་གུང་བཀོད་རྩོམ་ཡིག་དེ་དང་། འོག་གི་མཆན་འདི་གཉིས་གཤིབས་བསྡུར་ཞིག་གྱིས་དང་། ཧ་ཧ་་་

    བདག་གི་རྩོམ་ཡིག་འདིར་དགོངས་འཆར་གནང་མཁན་དག་ལ་ཡི་རང་ཞུ་བཞིན་ཡོད། ཡིན་ནའང་རང་ངོས་ནས་རྩོམ་ཡིག་འདི་འབྲི་བའི་སྐབས་སུ་དྲང་བཞག་གིས་སྐྱོན་འདོན་བྱེད་མཁན་ལ་ནམ་ཡང་དམིགས་མེད་ལ། སྐྱོན་བརྗོད་བྱེད་མི་ཆོག་ཅེས་གང་དུའང་བཤད་མེད་ཚོད་ཡིན། ཡིན་ནའང་ངས་བཤད་པ་ནི་ཁ་མ་གཏོང། སྙོན་མ་འཛུགས་ཞུ་བཞིན་ཡོད་ལ། རང་གཞུང་ལ་རང་གཞུང་གི་འདུ་ཤེས་ཡོད་ནི་ཞིག་དང་། རང་གི་རྒྱལ་ཁབ་ཀྱི་དབུ་ཁྲིད་ལ་དབུ་ཁྲིད་ཅིག་གི་འདུ་ཤེས་ཡོད་པའི་སྟེང་ནས་རྩོམ་ཡིག་འབྲི་དགོས་ཀྱི་ཞེས་བཤད་པ་ཙམ་ལས། སྐྱོན་མ་འདོན། ངོ་བསྟོད་ཅེས་ཞེས་གཏན་ནས་བཤད་མེད་དོ།

    Reply
  14. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    གངས་ཕྲུག་ཟེར་བ་ཁོང་གིས་སྐད་ཆའི་ཟུར་དང་ངོས་ཀྱི་རིག་ལམ་བེད་སྤྱད་ཁུལ་བྱས་ནས་འདུག་མོད།དོན་ལ་ཅི་ཡང་ཧ་གོ་མི་འདུག

    གངས་ཕྲུག་ཅིག་འདི་ལྟར་རྩོམ་པ་པོ་ཞེས་པ་གང་འདྲ་ཞིག་ཡིན་དགོས་མིན་གྱི་ཐད་ལ་རྨོངས་ནས་བསྡད་ཡོད་ན། ངས་འདི་ལ་གནས་ལུགས་གསལ་བོ་ཞིག་གི་ལམ་ནས་གོ་བརྡ་ཞིག་སྤྲོད་ལོས་དགོས། ཡང་གཅིག་བཤད་ན་གངས་ཕྲུག་ཟེར་བ་ཁྱོད་ལ་བཤད་རྒྱུ་ཞིག། ང་རྩོམ་པ་པོ་ཞིག་ཡིན་ཟེར་ནས་ངས་ཁྱོད་ལ་ལན་འདེབས་བྱས་པ་མིན། རྩོམ་པ་པོ་ཞིག་གི་འགན་འཁྲི་ནི་རི་རབ་ལས་དཔངས་མཐོ་བ་དང་།རྒྱ་མཚོ་ལས་གཏིང་ཟབ་པ་ཞིག་ཡིན་པས།དེས་ངོས་ནས་ངས་ཁྱོད་ལ་སྐད་ཆ་འདི་བཤད་རྒྱུའི་བློ་ཁོག་བདག་ལ་མེད། འོན་ཀྱང་ཕར་བལྟས་ཚོད་ལ་རྩོམ་པ་པོ་ཞིག་ལ་ཁྱད་ཆོས་འདི་འདྲ་ཞིག་ཚང་དགོས་རྒྱུ་རེད་བསམ་པ་རེ་བདག་ལ་འཆར་རྒྱུ་ཡོད་པས། དེ་ཁྱོད་ལ་བཤད་ཀི་ཡིན། རྩོམ་པ་པོ་ཞིག་ཡིན་ན་རང་ཉིད་ཀྱི་དབུ་ཁྲིད་དང་རང་ཉིད་ཀྱི་གཞུང་ལ་དགག་རྒྱག་མི་བྱེད་པའི་ངེས་པ་མེད་ལ་བྱེད་པའི་ངེས་པའང་མེད། གཙོ་བོ་སྤྱི་ཚོགས་ཀྱི་བདེ་སྡུག་ཁུར་དུ་བླངས་ནས་སྤྱི་ཚོགས་ཀྱི་དགོས་མཁོ་དེས་ཆེད་དུ་རང་ཉིད་ཀྱི་བསམ་བློ་གཙོར་འདོན་བྱེད་རྒྱུ་དེ་ཡིན་པ་ལས་རང་ཉིད་ཀྱི་དབུ་ཁྲིད་དང་གཞུང་ལ་དགག་རྒྱག་བྱེད་མིན་ཙམ་ནི་རྩོམ་པ་པོ་ཞིག་ལ་མཚོན་ན་གླེང་དགོས་རྒྱུའི་གནད་དོན་ཞིག་མ་རེད། རྒྱུ་མཚ་ནི་རྩོམ་པ་པོ་ལ་རང་ཉིད་ཀྱི་བསམ་བློ་ངོམ་དུ་རུང་བ་ཞིག་ཡོད་པས་ཡིན།

    Reply
  15. ཅོ་རི་ཉི་མ། says:
    ལོ་ 14 སྔོན།

    སྤྱིའི་ཆ་ནས་བཤད་ན་་་༧གོང་ས་མཆོག་ལ་ཁ་བཏང་གི་འདུག་ག་་་བཙན་བྱོལ་བོད་གཞུང་ལ་ཁ་བཏང་གི་འདུག་ད་་་ཞེས་པའི་མིང་ཚིག་འདི་གཉིས་ཀྱིས་ནུས་ཤུགས་འོག་ཏུ་མི་དམངས་ཀྱི་སྨྲ་བརྗོད་རང་དབང་ལོངས་སྤྱོད་ཐུབ་ཀྱི་མེད་པ་དང་། སྐུ་ཕྲེང་༡༣་པ་ཆེན་པོའི་སྐབས་ནས་དགོངས་གཞི་ཡོད་བསྡད་པའི་མང་གཙོ་ཚད་ལྡན་ཞེས་པ་ཞིག་ཡོང་ཐུབ་ཀྱི་མེད་པར་བཙན་བྱོལ་བའི་ལོ་རྒྱུས་སུ་ཕྱིར་བལྟས་བྱས་ན་ཤེས་ཐུབ།
    འཛམ་གླིང་མང་གཙོའི་དེང་རབས་ནང་དུ་དམངས་མོས་སུ་གུས་བཀུར་མེད་པའི་མི་ངན་དཔོན་ངན་ཚོས་ཡུན་རིང་གོ་གནས་ཟིན་མི་ཐུབ་པ་གསལ་པོ་ཡིན་ནོ།

    Reply
  16. གངས་ཕྲུག says:
    ལོ་ 14 སྔོན།

    ཁྱོས་ཚོས་ག་འདྲ་ཞིག་པ་རྩོམ་པ་པོ་ཟེར་གྱི་ཡོད། དུས་ནམ་ཡང་༧གོང་ས་མཆོག་དང་གཞུང་ལ་ངོ་རྒོལ་བྱེད་མཁན་ཚོ་ལ་ཟེར་དགོས་རེད་དམ།

    Reply
  17. ཨ་མཆོད་འཇམ་དཔལ་ཚུལ་ཁྲིམས། says:
    ལོ་ 14 སྔོན།

    དྲ་གྲོགས་ཨ་འདུས་ལགས།
    ཁྱེད་ཀྱིས་” ཡིན་ནའང་རང་ངོས་ནས་རྩོམ་ཡིག་འདི་འབྲི་བའི་སྐབས་སུ་དྲང་བཞག་གིས་སྐྱོན་འདོན་བྱེད་མཁན་ལ་ནམ་ཡང་དམིགས་མེད་ལ། སྐྱོན་བརྗོད་བྱེད་མི་ཆོག་ཅེས་གང་དུའང་བཤད་མེད་ཚོད་ཡིན།”ཞེས་གསུང་བ་དེ་ལ་”དྲང་བཞག་གིས་སྐྱོན་འདོན་བྱེད་”ཀྱི་ཡོད་མེད་དེ་སུས་ཐག་གིས་གཅོད་དགོས། ཁྱེད་ཀྱིས་ཐག་གིས་གཅོད་དགོས་ནི་གསུང་གིན་ཡོད་ཚོད་མ་རེད། འདི་གནད་འགག་རེད།
    ཡང་”རང་གཞུང་ལ་རང་གཞུང་གི་འདུ་ཤེས་ཡོད་ནི་ཞིག་དང་། རང་གི་རྒྱལ་ཁབ་ཀྱི་དབུ་ཁྲིད་ལ་དབུ་ཁྲིད་ཅིག་གི་འདུ་ཤེས་ཡོད་པའི་སྟེང་ནས་རྩོམ་ཡིག་འབྲི་དགོས་ཀྱི་ཞེས་བཤད་པ་ཙམ་ལས།”ཞེས་གསུང་པ་དེ་ལ་སྐྱོན་བརྗོད་བྱས་ན་བརྩི་བཀུར་དང་འདུ་ཤེས་མི་འཇོག་པར་གོ་དགོས་པ་ནི་དེང་རབས་དམངས་གཙོའི་གོ་རྟོགས་ཅུང་ཟད་མ་སྨིན་པ་མིན་ནམ་སྙམ། བརྟག་མིན་ཉན་པ་གསུམ་ནི་རང་གི་ཡོན་ཏན། གཞན་གྱི་སྐྱོན། ཡུག་མོའི་ཁ་བཅས་དང་། བརྟག་དགོས་པ་གསུམ་ནི་རང་གི་སྐྱོན། གཞན་གྱི་ཡོན་ཏན། ་་་་་ཅེས་བཤད་སྲོལ་ཡོད། བཤད་ན་རང་གི་སྐྱོན་བཤད་དགོས་པ་ལས་གཞན་གྱི་སྐྱོན་བཤད་མི་འོས། ཁྱོད་ཀྱིས་ཁྱིམ་མཚེས་ཚང་ལ་སྐྱོན་འདོན་ཞིག་བྱོས་དང་ཉིན་དེ་ནས་ཉིན་མཚན་དགྲ་དོགས་ཀྱིས་འཚོ་དགོས་པར་འགྱུར་བ་མཁྱེན་གྱི་ཡོད་ཚོད།
    དེ་ནས་”སྐྱོན་མ་འདོན། ངོ་བསྟོད་ཅེས་ཞེས་གཏན་ནས་བཤད་མེད་དོ།”ཞེས་གསུང་པ་ནི་ཁྱེད་ཀྱི་རྩོམ་དང་རྦད་དེ་ནང་འགལ་རེད།

    Reply
  18. ཁང་མུན་གྲོལ། says:
    ལོ་ 14 སྔོན།

    གྲོགས་པོ་ལགས། ཡུན་རིང་མ་མཇལ་བས་ཁྱོད་དེ་ཕྱོགས་སུ་ལུས་སེམས་གཉིས་ཀ་བདེ་མོའི་ངང་ཡོད་ཤག གུས་པའང་ད་ལྟ་སློབ་གྲྭའི་ནང་ཚུད་དེ་འཛིན་གྲྭ་འཚོགས་ལ་ཉེ་བར་ཡོད། དེ་རིང་བར་དུ་བོད་ཀྱི་དུས་བབ་མིག་གིས་ལྟ་རྒྱུ་མ་བྱུང་ནའང་། ཧོབ་ཀྱིས་རྩོམ་ཡིག་འདི་མཐོང་མ་ཐག་ཚར་གཅིག་བཀླགས་པ་ཡིན། གནད་བསྡུས་ཏེ་བཤད་ན་ཁྱོད་ཀྱིས་བཙན་བྱོལ་ནང་གི་རྩོམ་པ་པོ་ཚོས་རང་གི་གཞུང་དང་མགོ་ཁྲིད་ཚོར་ཆེ་མཐོང་ཞིག་དང་། བརྩི་བཀུར་ཞིག་དགོས་པ་རེད་ཟེར་གྱི་ཡོད་པ་འདྲ། དེ་མིན་རང་གི་སྨྱུག་ཁ་ཧྲིལ་པོ་རང་གཞུང་ལ་མཚོན་ཆའི་རྣམ་པར་གཏད་ན་དེ་ཡག་རྟགས་ཤིག་མ་རེད་གསུངས་ཀྱི་ཡོད་ཚོད་འདུག ཁྱོད་ཀྱིས་བཤད་པ་ལ་གནས་ལུགས་ཤིག་མེད་པ་གཏན་ནས་མིན་ནའང་། མང་གཙོའི་སྤྱི་ཚོགས་ནང་དུ། མཐོ་དམན་སུ་ལ་ཡང་གནས་ལུགས་དང་ལྡན་པའ་སྒོ་ནས་སྐྱོན་བརྗོད་བྱེད་པ་ནི་མང་གཙོའི་ལེགས་བྱང་ངམ་ཁེ་དབང་རང་ཡིན་པས་དེའི་ཕྱོགས་ནས་ཅུང་གུ་དོག་པའམ། སྲིད་གཞུང་ལ་དུང་ཞེན་ཆེ་དྲགས་པའི་ལངས་ཕྱོགས་ཤིག་ཏུ་སོང་མེད་དམ་སྙམ་པའི་ཚོར་སྣང་བྱུང་། འོན་ཀྱང་གཏན་ནས་མི་སྐྱོན་ཏེ། དེང་སྐབས་ལྟོ་བཙན་བྱོལ་བོད་མིའི་སྒྲིག་འཛུགས་ལ་བཟེད་ཀྱང་། ཁ་བཙན་བྱོལ་བོད་མིའི་སྒྲིག་འཛུགས་ལ་གཏོང་བའི་རྩོམ་པ་པོའི་མིང་ཅན་དག་ནི་གཏན་ནས་བསྡུར་ཐབས་མེད་པས་སོ། ། གང་ལྟར་ཀྱང་སྨྲ་བརྗོད་རང་དབང་གི་ཕྱོགས་སུ་དགོངས་པ་གུ་ཡངས་བཞེས་དགོས་པ་ནི་སྲིད་གཞུང་ཕུགས་རྒྱངཅན་ཚོའི་གཅིག་གྱུར་གྱི་བགྲོད་ལམ་བརྟན་མོ་དེ་ཡིན་པར་འདོད་དོ། །

    Reply
  19. འགྱུར་མེད་བསྟན་འཛིན། says:
    ལོ་ 14 སྔོན།

    ཨ་འདུས་མིག་ཆུ་ཟེར་བ་འདི་ཡོད་ཚད་ལ་དག་སྣང་སྒོམ་ནས་འཇིག་རྟེན་ནས་ནོར་བ་ནམ་ཡང་གླེང་མི་ཆོག་ཅེས་པའི་ཐ་ཚིག་བསྒྱགས་མཁན་ཞིག་ཡིན་རྒྱུ་མ་རེད།
    འོན་ཀྱང་ཁོ་རང་གི་སྐད་ཆ་གང་བཤད་པ་དེ་སུ་ཞིག་ལ་སྤྲེལ་ལད་དང་ཁོ་རང་ལ་སྙན་གྲགས་དང་བཀུར་སྟི་ཡང་ན་དངུལ་དངོས་གང་རུང་ཞིག་འཐོབ་རེའི་ཆེད་དུ་བྲིས་བ་ལས་ཁོ་རང་གི་འདོད་ཚུལ་ངོ་མ་གང་ནས་ཡིན།
    ཁོའི་རྩོམ་ཡིག་ཆ་ཚང་བཀླགས་ཡོང་དུ་ཁོ་རང་ཕྱི་རོལ་དུ་གདོང་པགས་གཞན་ཞིག་ཁུར་ཞིག་ནང་དུ་བསམ་བློ་དང་དམིགས་ཡུལ་གཞན་ཞིག་ཁུར་མཁན་གྱི་དུས་རབས་ཉེར་གཅིག་གི་མི་ངོ་མ་ཞིག་ཡིན་པར་འདོད།
    རྡ་རམ་ས་ལ་འདི་ནག་པོ་སོལ་བ་འདྲ་ཞིག་རེད་བཤད་མ་ཕོད་ཀྱང་དཀར་པོ་དུང་འདྲ་ཞིག་རེད་ནམ་ཡང་བཤད་མི་ཐུབ།

    Reply
  20. ཨ་འདུས་མིག་ཆུ། says:
    ལོ་ 14 སྔོན།

    རྒན་ལྷ་མོ་སྐྱབས་ཕེབས་ནས་དགོངས་ཚུལ་གསུངས་པ་ལ་ཤིན་ཏུ་དགའ་ནས་ཡོད། རྒན་མཆོག་ནམ་ཡང་བདག་ལ་ལམ་སྟོན་བྱེད་དུ་ཕེབས་པའི་རེ་བ་ཞུ།

    Reply
  21. ཨ་འདུས་མིག་ཆུ། says:
    ལོ་ 14 སྔོན།

    བདག་གི་རྩོམ་ཡིག་འདིར་དགོངས་འཆར་གནང་མཁན་དག་ལ་ཡི་རང་ཞུ་བཞིན་ཡོད། ཡིན་ནའང་རང་ངོས་ནས་རྩོམ་ཡིག་འདི་འབྲི་བའི་སྐབས་སུ་དྲང་བཞག་གིས་སྐྱོན་འདོན་བྱེད་མཁན་ལ་ནམ་ཡང་དམིགས་མེད་ལ། སྐྱོན་བརྗོད་བྱེད་མི་ཆོག་ཅེས་གང་དུའང་བཤད་མེད་ཚོད་ཡིན། ཡིན་ནའང་ངས་བཤད་པ་ནི་ཁ་མ་གཏོང། སྙོན་མ་འཛུགས་ཞུ་བཞིན་ཡོད་ལ། རང་གཞུང་ལ་རང་གཞུང་གི་འདུ་ཤེས་ཡོད་ནི་ཞིག་དང་། རང་གི་རྒྱལ་ཁབ་ཀྱི་དབུ་ཁྲིད་ལ་དབུ་ཁྲིད་ཅིག་གི་འདུ་ཤེས་ཡོད་པའི་སྟེང་ནས་རྩོམ་ཡིག་འབྲི་དགོས་ཀྱི་ཞེས་བཤད་པ་ཙམ་ལས། སྐྱོན་མ་འདོན། ངོ་བསྟོད་ཅེས་ཞེས་གཏན་ནས་བཤད་མེད་དོ།

    Reply
  22. ཐོ་རེངས། says:
    ལོ་ 14 སྔོན།

    རྣོ་ངར་ལྕགས་ལས་བརྡུངས་པའི་དགྲ་སྟ་དང་།།
    རང་བཞིན་ཤ་ཡིས་གྲུབ་པའི་ལག་འགོ་གཉིས།།
    ཀུན་དང་ཁྱད་པར་ལས་ལ་འཇུག་པའི་ཚེ།།
    སེམས་ཀྱི་བྱ་བར་འཁོལ་བ་གཅིག་ཏུ་ངེས།།
    ཀུན་གྱིས་གཅེས་པར་བྱ་བའི་སྒོ་ཁྱི་དང།།
    ནག་ཀླུང་འཇོམ་པའི་ལུས་ངན་ཝ་སྤྱང་གཉིས།།
    གནས་དང་སྤུ་མདོག་འབྱེད་པའི་ཁྱད་ཙམ་ལས།།
    གཞན་གྱི་ལུས་ཤ་ཟ་བའི་རང་བཞིན་གཅིག།།

    Reply
  23. ཀུན་དགའ། says:
    ལོ་ 14 སྔོན།

    དྲ་བདག་ལགས། དགོངས་དག་ཞུ། དོན་གཅིག་པའི་མཆན་བུ་གཉིས་ཤོར་འདུག

    Reply
  24. ཚེ་རིང། says:
    ལོ་ 14 སྔོན།

    ངས་བལྟས་ནས་ཨ་འདུས་མིག་ཆུས་བརྗོད་པ་དེ་བདེན་པ་རེད། སྤྱིར་བཏང་སྐྱོན་བརྗོད་དང་ཐེར་འདོན་བྱེད་ཆོག་ལ། བྱེད་དགོས་ངེས་ཀྱང་རེད་མོད། ང་ཚོ་བཙན་བྱོལ་ནང་གི་དྲ་ཐོག་ཏུ་ཅིག་འབྲི་མཁན་ཁ་ཤས་ཀྱིས་ག་རེ་བྱས་ཀྱང་ཡག་པོ་མ་རེད་ཟེར་གྱི་འདུག
    དཔེར་ན། དྲ་ཐོག་ཏུ་སྐྱོན་བརྗོད་བྱེད་སྟངས་འདི་འདྲ་ཞིག་རེད། ཡར་ལ་སོང་ན། མར་ལ་འགྲོ་མ་སོང་ཡར་ལ་འགྲོ་སོང་། སྡུག་ཆགས་རེད་ཟེར། མར་ལ་སོང་ན་ཡར་ལ་འགྲོ་མ་སོང་མར་ལ་འགྲོ་བ་དེ་སྤྱོད་ངན་དང་སྡུག་ཆགས་རེད། ཉན་མཁན་དེས་ག་རེ་བྱེད་དགོས་ཧ་མ་གོ་བ་ཆགས་ཀྱི་འདུག སྐྱོན་བརྗོད་བྱེད་སྟངས་དེ་ཡ་མཚན་རེད།
    ཁོང་ཚོས་ཁོ་རང་སྒེར་ལ་ཁེ་ཕན་ཡོད་པའམ། ཡང་ན་ཁོ་རང་གི་ཕྱོགས་གཏོགས་ཤིག་མིན་ན། འགྲིག་མི་འདུག་བརྗོད་པ་ལས། འགྲིག་འདུག་ཟེར་ཤེས་ཀྱི་མི་འདུག

    Reply
  25. ཀུན་དགའ། says:
    ལོ་ 14 སྔོན།

    ཨ་འདུས་མིག་ཆུ་ལགས།
    ང་ཚོས་མཐོ་ས་དང་གནད་སའི་སྟོང་ཆའམ་སྐྱོན་ཆ་ཅི་རིགས་སྤྱི་ཚོགས་ནང་གསལ་བརྗོད་དང་ཐེར་འདོན་གྱིས་གཙང་བཟོ་བྱེད་མ་ཐུབ་པར། སྤྲེད་སླད་དང་ཁ་ཡག་རྐྱང་རྐྱང་གིས་རང་གི་ཕོར་ཁ་ཁོ་ནར་བསམ་བློ་བཏང་ནས་མུ་མཐུད་བསྡད་ན་ད་དུང་མ་འོངས་མི་ལྔ་བཅུའི་རྗེས་སུ་ཡང་མིག་ཆུ་འགམས་ནས་སྡོད་དགོས་པ་རང་རེད།
    མིག་ཆུ་ལགས། ཁྱེད་ཀྱི་སྤྲེད་སླད་དང་ཁ་ཡག་དེར་ཡང་དགོས་དབང་ཞིག་ཡོད་སྲིད་ན་ཐང་།

    Reply
  26. ཀུན་དགའ། says:
    ལོ་ 14 སྔོན།

    ཨ་འདུས་མིག་ཆུ་ལགས། ང་ཚོས་ནམ་ཡང་ཡོད་ཚད་ལ་དག་སྣང་དང་སྤྲེད་སླད་ཁོ་ནས་སྤྱི་ཚོགས་ཡར་རྒྱས་སུ་གཏོང་མི་ཐུབ་ལ། ལྷག་པར་མཐོ་ས་གནད་སའི་སྟོང་ཆ་སམ་སྐྱོན་ཆ་ཅི་རིགས་ཐེར་འདོན་དང་གསལ་བརྗོད་བྱེད་མ་ནུས་ན་ད་དུང་མ་འོངས་མི་ལྔ་བཅུའི་རྗེས་སུ་ཡང་མིག་ཆུ་འགམ་ནས་ནས་སྡོད་དགོས་པ་རང་རེད། མིག་ཆུ་ལགས།
    འོན་ཀྱང་ཁྱེད་ཀྱི་སྤྲེད་སླད་དང་ཁ་ཡག་དེ་ལ་ཡང་དགོས་དབང་ཞིག་ཡོད་སྲིས་ན་ཐང་།

    Reply
  27. ཆབ་བྲག་ལྷ་མོ་སྐྱབས། says:
    ལོ་ 14 སྔོན།

    ལ་ལས་སྨད་པ་དོན་སྟོང་སྐུར་འདེབས་ཏེ།
    ལ་ལས་བསྟོད་པའང་དོན་མེད་སྒྲོ་འདོགས་ཡིན།
    གནད་ལ་མི་འཁེལ་མེ་བཙའ་འཇོག་མཁན་གྱི།
    སྨན་པ་རྫུན་མ་མང་བ་མངོན་སུམ་རེད།

    Reply
  28. ཨ་འདུས་མིག་ཆུ། says:
    ལོ་ 14 སྔོན།

    རྩོམ་སྒྲིག་པ་ལགས། རབ་བྱུང་ན་བདག་གིས་ཁྱེད་ཅག་གི་ལས་ཁུངས་གློག་འཕྲིན་སྟེང་ལ་སྐུར་བའི་རྩོམ་ཡིག་དེ་འགོད་རོགས། དེ་ལ་དག་བཅོས་བྱས་ཡོད། དེ་བཞིན་བརྗོད་མཚམས་རེ་རེ་ནས་བར་ཐག་ཕྱེས་ཡོད། དེ་བཞིན་ཕྱེ་ཐུབ་ན་ཡག་པོ་འདུག གང་ལྟར་བདག་གི་རྩོམ་རྙོག་དེ་འདིར་བཀོད་པར་ཐུགས་རྗེ་ཆེ་ཞུ། གཞན་འདིར་ཕེབས་པ་ཚང་མ་ལ་དགའ་བསུ་ཞུ།

    Reply
  29. བཀྲ་ཤིས་ཉི་མ། says:
    ལོ་ 14 སྔོན།

    སྙིང་རྗེ་ མི་འདིས་མགོ་ཞེ་དྲག་འཚོས་ཀྱི་ཡོད་ཚོད་མི་འདུག
    རང་གིས་སྨྱུག་མིང་སྤྱད་དེ་གཞན་གྱི་སྨྱུག་མིང་ལ་སྡིགས་པ་དེ( རྩང་པ་ཁ་རལ་རང་ཁ་རལ་བ་བཞག་སྟེ་གཞན་ཁར་འཕྱ་ནས་འཆོལ་སོང་ ) ཟེར་བ་དེ་རེད། འདི་གཅིག་ཡིན།
    གཉིས་པ། གཞུང་ལ་སྐྱོན་བརྗོད་བྱེད་ན་གཞུང་གི་དངོས་ཡོད་གནས་ཚུལ་ཤེས་དགོས་རབཟེར། གཅིག་བྱས་ན་ཁྱེད་རང་གཞུང་གི་ལས་བྱེད་ཐབ་ཆག་ཅིག་ཡིན་པ་དང་། ཡང་ན་ཉིན་འདི་གར་སྤྱི་འཐུས་གྲོས་ཚོགས་ལ་ཉན་མཁན་གྱི་འཐོམ་མ་སངས་མཁན་ཞིག་ཡིན་ཤག་རེད།
    ཁྱེད་ཀྱི་གོང་གི་ཚིག་ཉོག་དེར་བལྟས་ཡོང་ན། དབྱིན་ཡིག་ནང་ Cry for missunderstand ཟེར་བ་དེ་རེད། བོད་སྐད་ནང་ཐད་བསྒྱུར་བྱས་ན། གོ་བ་ལོག་སྟེ་ངུ་བཞིན་འདུག ཟེར་བ་འདི་ཡིན་པ་འདྲ།

    Reply
  30. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    ཁྱེད་ཚོས་གནས་ལུགས་ཤིག་ཤོད་སོང་བསམ་ཡོད་ཐང་མོད། དེ་འདྲ་མ་རེད། གནས་ལུགས་ཟེར་བ་དེ་མཐོན་པོ་ལ་བཤད་མི་ཆོག་ནི་ཞིག་དང་། དམའ་མོའི་མགོ་བོར་གཞུ་བྱེད་ཅིག་ཡིན་ནི་མ་རེད། བོད་གཞུང་ཡག་པོ་མེད་རབས་བཤད་ན་བཤད་མཁན་ཁོ་རང་བོད་གཞུང་གི་བཀའ་དྲིན་ལས་འཚོ་ནས་ཡོད་རབས་གླེང་ཁུལ་བྱེད་པ་ནི་ཅི་ཡང་མི་ཤེས་ཁུལ་གྱི་གླེན་རྟགས་ངུ་དགོད་གཉིས་ཀ་སྐྱེད་བྱེད་ཅིག་ལས་མེད་པ་ཡིན། ད་ལྟའི་བོད་གཞུང་འདི་སྐྱོན་ཀུན་ཟད་དང་ཡོན་ཏན་ཀུན་ལྡན་ཞིག་ཏུ་འདོད་ན་འཁྲུལ་ནི་རེད། བོད་གཞུང་གི་དམིགས་འབེན་ཕྱི་ཡུལ་གྱི་ང་ཚོར་འཚོ་ཐབས་བདེ་བོ་ཞིག་བཟོ་རྒྱུ་ཙམ་མ་རེད། བོད་གཞུང་གི་ངོས་ནས་མ་འདང་ས་དང་མ་འཇོན་ས་མང་ནི་རེད། དེ་ཚོ་འདི་དང་དེ་ཞེས་གླེང་ན་རྨད་དུ་བྱུང་བའི་རིན་ཐང་ལྡན་པ་ལས་ཁ་ཡག་ངོ་བསྟོད་ཀྱི་སྐུ་དྲག་གི་འཚོ་བ་ལ་སྙིང་བོ་ཅི་ཞིག་ཡོད། ལོ་ངོ་མང་པོའི་ཤེས་ཡོན་འཐུས་ཤོར་དང་། བོད་ནང་ནས་ཕེབས་པའི་ཤེས་ཡོན་པ་ཚོར་ལས་ཀ་མ་སྤྲད་དེ་འང་བོད་གཞུང་གི་སྐྱོན་ལས་དགེ་ཞིག་ཏུ་གང་ནས་འཇོག

    Reply
  31. རྭ་ལོ། says:
    ལོ་ 14 སྔོན།

    གོང་དུ་འགྱུར་མེད་བསྟན་འཛིན་འབོད་པའི་མཆན་མཁན་ཁོང་གིས། རང་ཉིད་ཀྱི་གཏམ་བཤད་ཀྱི་འགན་དེ་རང་ཉིད་ཀྱིས་འཁུར་རྒྱུ་ཡིན་ཟེར། ༼ངས་བརྡ་སྤྲོད་ཀྱི་འགྲོས་ཅུང་ཟད བཅོས་པ་ཡིན། གལ་སྲིད་ཁྲིམས་ཐོག་ལ་འགྲོ་དགོས་ཤར་ན་དར་དོན་སྔོན་ལ་བཤད་ན་བཟང་སྙམ། ༽ ཁྱོད་ཀྱི་གཏམ་དེ་མི་འབུམ་གཅིག་གིས་བཀླགས་ཡོད་ན། དེ་དག་ལ་མི་རྒྱུ་གཉིས་ཀའི་ཐད་ནས་ཤུགས་རྐྱེན་ངེས་ཅན་ཐེབས་ཡོད་ཚར་ན། གྲོགས་པོ། ཁྱོད་ར་བཟི་ཡོད་ཀྱི་མ་རེད། འགན་འཁུར་རྒྱུ་དེ་ཁག་ཤོས་ཡིན་རྒྱུ་རེད་འདོད། དེ་ཁྱོད་ཀྱི་སྐད་ཆ་བདེན་མིན་ཙམ་མ་རེད། བདེན་མིན་ཆ་མ་ངེས་པའི་སྐད་ཆ་དེས་སྤྱི་ཚོགས་དང་མི་སྡེ་ག་ཚོད་ཅིག་དཀྲུག་མིན་གྱི་སྐད་ཆ་རེད། མིའི་རིགས་ཀྱི་བདེ་རྩ་ལ་འགན་ལེན་ཐུབ་མཁན་ཅིག་ཡིན་ལབ་ན་ཅུང་ཐལ་མེད་འགྲོ།

    Reply
  32. འགྱུར་མེད་བསྟན་འཛིན། says:
    ལོ་ 14 སྔོན།

    རང་ཉིད་ཀྱིས་གཏམ་གང་བཤད་ཀྱི་འགན་དེ་རང་ཉིད་ཀྱི་ཁུར་ཐུབ་ནས་བཤད་པ་རེད།
    དེ་ལ་ཁྱོད་རང་གིས་ཚད་བཀག་བཟོ་ཐུབ་ཀྱི་མ་རེད།

    ལོ་རྒྱུས་ཐོག་གི་རྩོམ་པ་པོ་དེ་ཚོས་བསྟོད་རྩོམ་རྐྱང་རྐྱང་ལས་སྤྱི་ཚོགས་ཀྱི་དགེ་སྐྱོན་མ་གླེང་བས་འཐུས་ཤོར་སོང་ཡོད་པ་མངོལ་གསལ་རེད།ཨ་མདོ་དགེ་འདུས་ཆོས་འཕེལ་གྱིས་བོད་པའི་སྤྱི་ཚོགས་ཀྱི་དགེ་སྐྱོན་གླེང་ནས་ཚེ་སྲོག་ལ་བར་ཆད་བྱུང་བ་རེད།
    སྐབས་དེར་སྤྱི་ཚོགས་ཀྱིས་དགེ་ཆོས་བསམ་བློས་རྗེས་ཟིན་མེད་པའི་དབང་གིས་ནོར་བ་དེ་ལྟར་བྱུང་བ་རེད།
    རྩོམ་པ་པོ་ཚོས་དགེ་སྐྱོན་གླེང་མི་ཆོག་པའི་གོར་ཐིག་བྲི་མཁན་གྱི་ཨ་འདུས་མིག་ཆུ་ཟེར་བ་འདི་སྐུ་དྲག་གི་གཡའ་ཡོད་སེམས་ཐག་རེད་ཁོ་རང་གི་བསམ་བློ་འདི་དུས་རབས་བདུན་པའི་ནང་དུ་ཕྱིར་བཤིགས་རྒྱག་ཚར་འདུག
    མི་འདིའི་རིགས་ཁ་གཏུགས་འབུར་འཇོམ་མ་བྱས་ན་ངན་པ་ལང་ཤོར་ཆགས་ནས་གང་བཤད་བཤད་ཡིན་བསམ་གྱི་རེད།

    Reply
  33. རྭ་ལོ། says:
    ལོ་ 14 སྔོན།

    སྐྱོན་བརྗོད་ཀྱི་རྩོམ་ཡིག་ཡིན་ན་འགྲིག་གི་ཡོད་པ་རེད། སྐྱོན་ཞིག་མཐོང་གི་ཡོད་ཙང་དེ་ངེས་པར་དུ་སྟོན་དགོས་པ་རེད། སྐྱོན་གྱི་ཕྱོགས་གླེང་དགོས་པ་ལས། བཟང་གི་སྐོར་གཞན་གྱིས་གླེང་ཡོང་གི་རེད་ཅེས་རྒྱལ་བ་རིན་པོ་ཆེ་མཆོག་གིས་ནན་གྱིས་གསུངས་སོང་། དཔེར་ན། རྩོམ་པ་པོའི་མཚན་ཉིད་མི་འདུག་ཅེས་པའི་རྩོམ་ཐུང་འདི་ལྟ་བུ་རེད།

    སྐྱོན་བརྗོད་པ་དང་ཁ་གཏོང་བ་གཉིས་ཁ་ཁ་རེད། ངས་བལྟས་ན་ཕྱི་མ་འདི་ཅུང་མང་པོ་ཡོད་པ་འདྲ། དཔེར་ན། རྒྱུ་མཚན་དང་ཁུངས་ལུང་མེད་པ། བློ་སྐྱེད་དང་ཡར་སེམས་མེད་པའི་རྩོམ་ཆད་དེ་ཚོའི་གྲས་རེད། འདིའི་ཐད་རྩོམ་སྒྲིག་པ་དག་གིས་ནུས་པ་འདོན་དགོས་པ་རེད་འདོད།

    Reply
  34. གངས་ཕྲུག says:
    ལོ་ 14 སྔོན།

    དངོས་ནས་ཡག་པོ་བྲིས་འདུག སྨྱུག་མིང་འདོག་ཆོག་རུང་འོན་ཀྱང་མིང་བརྫུན་བཏག་ནས་བཙན་བྱོལ་གཞུང་དང་ལྷག་པར་དུ་༧གོང་ས་མཆོག་ལ་མཚན་སྨོལ་ཞུ་མཁན་དེ་ཚོས་སོ་སོ་མཁས་པ་ཡིན་ཟེར་ནས་དུས་ནམ་ཡང་བོད་གཞུང་གི་ཁ་བཏད་དུ་ལེང་ནས་བསྡ་ནས་ཡོད། གལ་སྲིད་འགྲིགས་གི་མེད་ནས་ཁྱོད་རང་གིས་བསྒྲུབ་དང་བལྟ་ཆོག་གི་རེད། དེ་འདྲའི་མཁས་པ་ཡིན་རྒྱ་ནག་གིས་བོད་མི་དམར་བསོད་གཏོང་དང་གཏོང་བཞིན་པའི་བསྐོར་རྒྱལ་སྤྱིའི་ཐོག་ཁྱབ་བསྒྲགས་བཅས་དང་། གལ་སྲིད་བོད་གཞུང་ཡག་པོ་མེད་ག་རེ་བྱས་ནས་འདི་རུ་བསྡད་ཡོད་དམ། བོད་གཞུང་མེད་ན་ཁྱོད་ཚོར་གཞན་ཡུལ་ནས་ལྷོད་ལྷོད་བྱས་འདུག་ཐུབ་བམ།
    མི་ངན་འདི་ཚོ་དུས་ནམ་ཡང་བོད་བསྟན་སྲིད་ཀྱི་དགྲ་བོ་རྒྱ་ནག་གཞུང་ལས་ཀྱང་ཚབ་ཆེན་ཡིན།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese