གྲྭ་བ་ཞིག་གིས་རང་ལུས་མེར་བསྲེཊ།

ང་ཚོ་བོད་མི་རིགས་འདིའི་ལས་སྐལ་དེ་ངོ་མ་འདི་འདྲ་ཞིག་རེད། ཨ་ཁ་ད་བཤད་ན་ཚར་ས་མ་རེད། ད་ཅི་ཞིག་བྱེད་དགོས་སམ་སྤུན་ཟླ་ཚོ། ངོ་མ་བོད་མི་རིགས་ཀྱི་ཚེ་སྲོག་དང་རྒྱ་མི་རིགས་ཀྱི་ཚེ་སྲོག་ལ་ཕྲ་སྦོམ་ཞིག་གང་ན་ཡོད། དེས་ན་ང་ཚོ་འདི་ལྟར་ཁོང་ཚོའི་རྩེད་སྤྱད་ཀྱི་ཚུལ་དུ་འཆི་དགོས་དོན་གང་ཡིན་ནམ། དཀོན་མཆོག་གིས་གཟིགས། ངོ་མ་ཡིད་ཕངས་པ་ཞིག་རེད། མཐའ་དོན་རྒྱ་གཅེས་པ་དེ་ཚོ་ལ་རྗེས་སུ་ཡི་རངས་ཞུ། ཨྃམཎིཔདྨེཧཱུྃ༔ ཨྃམཎིཔདྨེཧཱུྃ༔ ཨྃམཎིཔདྨེཧཱུྃ༔ ཨྃམཎིཔདྨེཧཱུྃ༔ ཨྃམཎིཔདྨེཧཱུྃ༔ ཨྃམཎིཔདྨེཧཱུྃ༔ ཨྃམཎིཔདྨེཧཱུྃ༔

བོད་གངས་ལྗོངས་ནས་མི་རིགས་ཀྱི་ཆེད་དུ་ཚེ་སྲོག་མེ་ལ་སྒྲོན་ནས་མེ་ལྕེ་དམར་ལྷབ་ལྷབ་དེ་མ་ཆད་གོང་།
རྡ་ས་ནས་སཱ་ར་མཐོ་རིམ་སློབ་ཟུར་ཚོ་དང་འབྲོགས་པ་རུ་ཁག་སོགས་ཀྱིས་རྩེ་འདྲེན་གྱི་ཀི་ཤར་འཐེན་དུས་ངའི་བློ་སྙིང་བྲང་གསུམ་གཡོ་འགུལ་བཏང་སོང།
རྡ་ས་ནས་ཡང་བསྐྱར་རེ་བ་རྫོག་ཏུ་བཅུགས་སོང།
ཀླད་མེད་དེ་ཚོས་ངོ་དེབ་སོགས་ནས་ཀྱང་དགའ་བའི་ཀི་ཤར་བར་མེད་དུ་སྒྲོག་གིན་འདུག
རྡ་ས་ནས་བོད་མི་རིགས་ཀྱི་རྒྱ་ཟེར་བ་འདི་མགྲིན་པ་ཡན་ཆོད་ཀྱི་སྐད་ཆ་རེདཟེར་ནས་བཤད་དགོས་དོན་གནས་སྟངས་འདི་འདྲའི་མང་པོ་ཞིག་ལ་ཐུག་ཡོད།
མི་རིགས་ཀྱིས་རྐང་འདྲེན་པའི་སློབ་ཟུར་དེ་ཚོས་ང་སྙིང་ན་རུ་བཅུགས་སོང།

དེ་རིང་ཧི་མ་ལ་ཡའི་རྒྱབ་ལྗོངས་ན་གནས་པའི་མི་རིགས་ཀྱི་སེམས་ཁོང་དུ་
ཆོལ་གསུམ་ཆིག་སྒྲིལ སྐྱིད་སྡུག་མཉམ་མྱོང་། ལ་རྒྱ་དང་གདུང་སེམས་ངར་གྱིས་བཞུར། ཉོན་དང ཁྱེད་ཀྱི་ཐོས་ཨེ་བྱུང་། མེ་མདའི་སྒྲ་སྐད་
ཐ་ན་ལུས་སེམས་གཉིས་པོ་ཡང་རྒྱལ་ཞེན་གྱི་དོན་དུ་གཡོ་ཟོལ་མེད་པར་ལེགས་སྐྱེས་སུ་ཕུལ་བར་མཐོང་སོང་ངམ།
དྲག་གནོན་དང་གདུག་རྩུབ་སླར་ཡང་རིན་མེད་ཀྱི་མགུལ་དུ་སྤུངས། མནར་གཅོད་ཀྱི་སྨག་རུམ་ན་ལུས་པ་ནི་ཁོང་རྣམ་པའི་བློ་སྟོབས་ཀྱིས་བཞེངས་པའི་དྲང་བདེན་གྱི་དཔང་རྟགས་ཡིན།
བློ་རྩེ་ལ་གཙགས་བུས་སྣོན་ཐེངས་རེར་དྲན་མེད་དུ་བརྒྱལ། གནམ་ལྕགས་དང་འགྲོགས་པའི་གློག་དམར་ལན་མང་འཁྱུག་ནས་མགོ་ཐོག་གི་འོད་སྣང་གཏོར་བར་བྱས། ད་དུང་ཁྱེད་ཅག་གིས་དཔའ་ངར་ཞུམ་མེད་ངང་གོམས་ཁ་མདུན་བསྐྱོད་བྱེད་ནུས་པ་ནི་ཅི་འདྲའི་ངོ་མཚར་རེད་ཨང།
དེ་རིང་ཧི་མ་ལ་ཡའི་རྒྱབ་ལྗོངས་ན་གནས་པའི་མི་རིགས་ཀྱི་སེམས་ཁོང་དུ་
ཆོལ་གསུམ་ཆིག་སྒྲིལ སྐྱིད་སྡུག་མཉམ་མྱོང་། ལ་རྒྱ་དང་གདུང་སེམས་ངར་གྱིས་བཞུར། ཉོན་དང ཁྱེད་ཀྱི་ཐོས་ཨེ་བྱུང་། མེ་མདའི་སྒྲ་སྐད་
ཐ་ན་ལུས་སེམས་གཉིས་པོ་ཡང་རྒྱལ་ཞེན་གྱི་དོན་དུ་གཡོ་ཟོལ་མེད་པར་ལེགས་སྐྱེས་སུ་ཕུལ་བར་མཐོང་སོང་ངམ།
དྲག་གནོན་དང་གདུག་རྩུབ་སླར་ཡང་རིན་མེད་ཀྱི་མགུལ་དུ་སྤུངས། མནར་གཅོད་ཀྱི་སྨག་རུམ་ན་ལུས་པ་ནི་ཁོང་རྣམ་པའི་བློ་སྟོབས་ཀྱིས་བཞེངས་པའི་དྲང་བདེན་གྱི་དཔང་རྟགས་ཡིན།
བློ་རྩེ་ལ་གཙགས་བུས་སྣོན་ཐེངས་རེར་དྲན་མེད་དུ་བརྒྱལ། གནམ་ལྕགས་དང་འགྲོགས་པའི་གློག་དམར་ལན་མང་འཁྱུག་ནས་མགོ་ཐོག་གི་འོད་སྣང་གཏོར་བར་བྱས། ད་དུང་ཁྱེད་ཅག་གིས་དཔའ་ངར་ཞུམ་མེད་ངང་གོམས་ཁ་མདུན་བསྐྱོད་བྱེད་ནུས་པ་ནི་ཅི་འདྲའི་ངོ་མཚར་རེད་ཨང།
སོམས་དང་། གཞིས་ལུས་དགེ་འདུན་པ་དེ་དག་གིས་ཀྱང་རང་མི་རིགས་དང་རྒྱལ་ཁབ་དོན་དུ་རང་ཉིད་ཀྱི་མ་འོངས་ཕུགས་བསམ་རྒྱབ་ལྗོངས་སུ་བསྐྱུར་ནས་མི་རིགས་དང་རྒྱལ་ཁབ་ཀྱི་དོན་དུ་བསམ་ཡུལ་ལས་འདས་པའི་བློས་གཏོང་བྱས་སོང་། རྒྱལ་སྤྱིའི་གར་སྟེགས་སུ་མིག་དཔེར་འོས་པའི་མཛད་རྗེས་ང་ཚོ་ཧང་སངས་སུ་བཅུག་ཡོད། དེ་ལྟ་ན་ངེད་ཅག་རང་དབང་ལུང་པར་འཚོ་སྡོད་བྱེད་མཁན་བོད་རིགས་ཡོངས་ལ་ཚོར་བ་རྣོན་པོ་དེ་འདྲ་ཞིག་མེད་པ་ག་ལ་ཡིན། ཚེ་སྲོག་གིས་དྲིལ་བརྡ་གྲགས་སོང་བས། ང་ཚོ་ཡང་ལམ་ལ་ཆས་རན་རེད། ང་ཚོ་ངེས་པར་དུ་ལམ་ལ་ཆས་རན་རེད།

བུ་ཟླ་བ། ཏཱ་ལའི་བླ་མ་མཐོ་རིམ་སློབ་གཉེར་ཁང།
རིག་གནས་རབ་འབྱམས་པ་ལོ་རིམ་གཉིས་པ།

ཆོས་དང་སྲིད་ཀྱི་བདེ་དོན་ཁོ་ནའི་ཆེད། །
རང་ལུས་མེ་རུ་སྦར་བའི་སྙིང་སྟོབས་འདི། །
རྒྱལ་སྲས་རྣམས་ཀྱི་སྤྱོད་པ་ཡིན་ངེས་པས། །
བསྔགས་བརྗོད་མི་མཛད་འདི་ན་སུ་ཞིག་ཡོད། །

བསྲེགས་བྱེད་མི་ཡིས་རུ་རྐང་འབར་ཡང།།
ཨུ་ཚུགས་ཁ་པོ་ཤུགས་ཀྱི་བཅང་ནས།།
མི་རིགས་ཤིག་གི་ལས་དབང་འབོད་བཞིན།།
མི་ཡུལ་འདི་ནས་དེ་ལྟར་བུད་ཐལ།།

ཁ་ཆེམས་ནང་དུ་ཅི་ཞིག་བྲིས་ཡོད།།
ཤི་བའི་མིག་གིས་སུ་ལ་བལྟས་ཡོད།།
རྣམ་ཤེས་འཆམ་པོས་གང་དུ་སྒུགས་ཡོད།།
རིན་ཆེན་མི་ལུས་སུ་ལ་ཕུལ་ཡིན།།

མི་རིགས་དང་རྒྱལ་ཁབས་ཀྱི་ཆེད་དུ་རང་ལུས་མཆོད་མེ་སྒྲོན་མཁན་འདི་ཚོ་ནི་དཔའ་འཛངས་སྙིང་སྟོབས་ཀྱི་ངང་ནས་བོད་མིའི་བདེ་སྡུག་ལ་བདེན་དཔང་བྱས་པ་ཞིག་མ་ཡིན་ནམ།   རྒྱ་གཞུང་གི་བོད་ནང་ཡ་རྒྱས་གཏོང་གི་ཡིན་ཞེས་པ་དེ་རྫུན་གཏམ་བསླུ་བྲིད་བྱེད་བཞིན་ཡོད་པ་ར་སྤྲོད་གསལ་བོ་ཞིག་བྱས་པ་རེད།  

ཅི་འདི་རེ་བ་བརླགས་པའི་རང་བརླགས་སམ།
ཡང་ན་རེ་བ་ཆེན་པོའི་རེ་འབོད་དམ།
རང་དབང་བདེན་དོན་རྩོད་པའི་དཔལ་འབར་ཅིག
དཔའ་བོའི་སྣང་ཚུལ་འདི་ཡིས་བདག་ཡིད་བསྲེགས།
ཕྱག་ཟུང་སྤྱན་ཟུང་སྤྱན་རས་གཟིགས་ཀྱིས་མཁྱེན།

གཞིས་ལུས་བོད་མིའི་སྙིང་སྟོབས་ལ་བསྔགས་བརྗོད་དང་གདུང་སེམས་མཉམ་བསྐྱེད་བྱེད་དང་བྱེད་བཞིན་ཡོད།

ངོ་མ་ཁོང་རྣམས་ཀྱི་མཛད་རྗེས་ལ་ཡི་རངས་དང་བསྟོད་ཅིང་བཀུར་རོ།
བོད་ལ་ཞེན་ཅིང་དུང་བའི་གཞིས་ལུས་བོད་ཀྱི་དཔའ་བོ་ཚོ་ཐལ་བ་དང་འདྲེས་ཞིང་། སྤྱི་དོན་དང་སྤྱི་སེམས་ཀྱི་དྲི་མས་མ་གོས་པའི་བཙན་བྱོལ་སྤྱི་ཚོགས་པའི་བོད་མི་ཚོས་རྒྱལ་བའི་སྐུ་དྲིན་དང་། སོ་སོའི་རྒྱལ་ཁབ་དང་མི་རིགས། ལྷག་པར་གཞིས་ལུས་དཔའ་བོ་དཔའ་མོ་རྣམས་ཀྱིས་དབུས་གཞིས་ལུས་རྒྱ་ཆེའི་མང་ཚོགས་ཀྱི་རང་དབང་དང་། བདེ་སྡུག་ལ་མ་བསམ་པར་རྒྱུ་ནོར་ལོངས་སྤྱོད་དང་། མིང་རྐྱང་ཞིག་གི་རྐུབ་ལ་རྒྱུག་པ་ནི་གཞིས་ལུས་བོད་མིའི་སེམས་ཤུགས་དང་སྙིང་སྟོབས་ཉམས་གུད་དུ་གཏོང་བའི་ས་བོན་ངན་པ་ཞིག་ཡིན་པས་ངོ་མ་ང་ཚོ་བཙན་བྱོལ་བ་ཚོ་ཐབས་སྐྱོ་ལ་། གཞིས་ལུས་རྒྱ་ཆེའི་མང་ཚོགས་ལ་ངོ་ཚ་ཨ།
ལྷག་པར་༸གོང་ས་མཆོག་ལ་རྒྱབ་གཏོད་བྱེད་པོོ་དོལ་རྒྱལ་དང་ཆོས་ལུགས་རང་དབང་ཁ་ལ་འཁྱེར་ནས་རྒྱ་མིའི་རྐུབ་གཡོག་བྱེད་མཁན་དགེ་ལྡན་ཁྲི་ཟུར་སོགས་དོལ་ཚོགས་རྣམས་ཀྱི་སྔ་ཕྱིའི་བྱ་ངན་རྣམས་དེ་མུར་འཇོག་ཐབས་མ་མཆིས་ཞིང་། ཞར་ཞོར་དུ་སྐྱག་གཟན་དེ་ཚོར་སྐྱབས་འགྲོའི་བསླབ་བྱ་ཡང་དག་ཞིག་ཤེས་སུ་མི་འཇུག་ཐབས་མེད་རེད། དེ་ཚོས་བོད་དེ་འགྱེལ་པ་ནས་ཡང་ལང་ཏུ་བཅུག་རྒྱུ་ཕར་བཞག ད་དུང་མེད་པར་བཟོ་ཉེ་བའི་བོད་དང་། རིག་གཞུང་བླ་མ་དང་བཅས་པ་མེད་པར་བཟོ་རྒྱུའི་གྲོགས་མགོན་ཡིན་པས་སྤྱི་སྒེར་ཚང་མས་དེ་རིགས་ལ་གཟབ་གལ་ཆེ་བར་སྙམ།

ཕ་ཡུལ་ཨ་མདོ་རྔ་བ་ནས་ཡིན་པའི་འབྲེལ་ཡོད་ཚང་མ་ལག་གཉིས་ཐལ་མོ་སྦྱར་ནས་སེམས་ཚོར་དྲག་པོས་ཞུ་རྒྱུ།
བོད་མི་ཞིག་ཡིན་ན་བོད་མི་རིགས་ཀྱི་ལས་འགན་སྒྲུབ་དགོས་བ་དེ་རང་ཉིད་ཀྱི་ལས་འགན་ཡིན་ཡང་རང་ལུས་མེར་བསྲེགས་བཏང་ནས་མི་ཞིག་གི་ཚེ་སྲོག་ཐད་ཀར་མེད་པར་བཟོ་བའི་བྱེད་སྟངས་འདིའི་རིགས་མཚམས་བཞགས་བའི་འབོད་བསྐུལ་བྱ་རོགས།

ཐབས་ཤེས་གཞན་པའི་ཐོག་ནས་བོད་མི་རིགས་ཀྱི་ལས་འགན་བསྒྲུབ་ན་བཟང་།

མེ་འབར་སོང།
ཤ་ཚིགས་སོང་།
ཁྲག་བཞུར་སོང་།
དུ་བ་འཕྱུར་འཐིབས་སོང་།
རྒྱ་དམག་སླེབས་སོང་།
དྲག་གནོན་བྱས་སོང་།

དངོས་གནས་བོད་བཙན་པོའི་མི་རིགས་ཟེར་བ་འདི་འདྲ་ཞིག་ལོས་ཡིན། ད་ནི་འུ་ཚང་གི་འཐབ་རྩོད་ཀྱི་ལས་འགུལ་དེ་ན་ཆུང་རང་ལོ་བཅུ་བདུན་དང་བཅོ་བརྒྱད་ཅན་གྱི་ཁྲོད་དུ་སླེབས་ཚར་འདུག པེ་ཅིན་གཞུང་གི་སྙིང་ལ་རྨ་ཁ་མི་མངོན་པའི་གྲི་སློག་ནན་མོ་ཞིག་བྱས་ཡོད། དེ་ནི་ལོ་ཆུང་ཚོ་འདི་ལྟར་ཡར་བཞེངས་ནས་མི་རབས་འདིའི་འཕྲོ་ན་མི་རབས་འདི་ཡོད་ཅེས་པའི་གོ་བརྡ་གསལ་བོ་ཞིག་འཕྲོད་སོང་བས་ཡིན་ལ། འདི་ནི་འདས་པའི་མི་ལོ་ལྔ་བཅུའི་རང་གི་འཐབ་རྩོད་ཀྱི་བརྒྱུད་རིམ་ལས་ཆེས་གལ་གནད་ཆེ་བའི་ས་ཚིགས་ཤིག་ངོས་འཛི་ཅི་ལ་མི་བྱེད།

གཞིས་ལུས་བོད་མི་ཚིག་ནས་ཐལ་བར་གྱུར་ཐལ།།
མཉམ་འབྲེལ་རྒྱལ་ཚོགས་འཁྱོག་པོའི་ལམ་ལ་བུད་ཐལ།།
ཁྲག་རྒྱུན་གཅིག་པའི་ཕྱི་སྡོད་བོད་རིགས་སྤུན་ཟླ།།
ང་མུ་མཐུད་འདི་ལྟར་སྡོད་རྒྱུ་ཡིན་ནམ།།