ཚེས་ ༧ ཉིན་བོད་པའི་རང་དབང་ཆེད་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་གནང་མཁན་ཨ་མདོ་རྔ་པའི་རྒྱལ་གཅེས་དཔའ་བོ་མཁའ་དབྱིངས་ལགས། རྔ་པ་ཁུལ་གྱི་ལྟེ་གནས་འབར་ཁམས་ནས་གཟི་བརྗིད་ལྡན་པའི་ངང་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་བྱུང་ཡོད་ཅིང་། འབྲེལ་ཡོད་མི་མང་གིས་དམ་པ་ཁོང་གི་སྐུ་ཕུང་ནང་མིར་རྩིས་སྤྲོད་བྱ་དགོས་ཚུལ་གྱི་རེ་འདུན་ཤུགས་ཆེ་བཏོན་ཡང་རྒྱ་གཞུང་གིས་ཉན་འཇོག་རྩ་བ་ནས་མ་བྱས་པར་ཉིན་དེ་རང་ལ་འབར་ཁམས་ནས་ཁོང་གི་སྐུ་ཕུང་མེར་བསྲེགས་བཏང་སྟེ་རུས་ཐལ་ཞིག་ནང་མིར་སྤྲད་ཡོད་འདུག
མཁའ་དབྱིངས་ལགས་སྐུ་མ་གྲོངས་གོང་སྨན་ཁང་དུ། “ ངས་འདི་ལྟར་རང་སྲོག་བོད་དོན་ཆེད་གཏོང་ཐུབ་པ་དེས་རང་ཉིད་འདོད་པ་ཁེངས་པ་བྱུང་ཡོད་ཅིང་། འགྱོད་པ་རྩ་བ་ནས་མེད་པས་ཚང་མས་སེམས་སྡུག་མ་གནང་རོགས” ཞེས་ཁ་ཆེམས་ཀྱི་ཚིག་འགའ་ཡང་གསུངས་ཡོད་ཚུལ་རྔ་པའི་མི་མང་ཁྲོད་རྗོད་བཞིན་ཡོད་འདུག འོན་ཀྱང་། ཕྱི་ཚེས་ ༨ ཉིན་རྒྱ་ནག་གཞུང་འབྲེལ་ཤིན་ཧ་དྲ་བའི་ཐོག རང་ལུས་མེར་བསྲེགས་གཏོང་མཁན་ཁོང་གཉིས་ཀར་སྲོག་གི་ཉེན་ཁ་མེད་པར་མ་ཟད། རྨས་སྐྱོན་ཕོག་པ་ཚབས་ཆེན་མིན་ཚུལ་ཡང་བཤད་ཡོད་འདུག
རྔ་པ་མི་མང་གིས་ཕྱི་ཚེས་ ༨ ནས་དེ་རིང་བར་ཉིན་གསུམ་གྱི་རིང་རྔ་པ་རྫོང་ཁོངས་ཀྱི་བོད་ཀྱི་ཟ་ཁང་དང་ཚོང་ཁང་ཡོངས་རྫོགས་སྒོ་བརྒྱབ་སྟེ། བོད་དོན་ཆེད་རང་ལུས་མེར་བསྲེགས་གཏོང་མཁན་ཡོངས་ལ་གདུང་སེམས་མཉམ་སྐྱེད་དང་རྒྱབ་སྐྱོར་གྱི་རྣམ་འགྱུར་བསྟན་ཡོད་ཅིང་། རྒྱལ་གཅེས་དཔའ་བོ་མཁའ་དབྱིངས་ལགས་འདས་གྲོངས་སུ་ཕྱིན་རྗེས། མི་མང་ཕལ་ཆེ་བ་འདས་པའི་ཉིན་གསུམ་རིང་དགོན་པ་ཁག་བརྗོད་དེ་བསྔོ་བསྟེན་ཕུལ་བ་དང་། ཕྱག་སྐོར་མཆོད་འབུལ་གནང་སྟེ་མྱ་ངན་དང་དགེ་སྒྲུབ་བྱེད་བཞིན་ཡོད་འདུག ཁོང་གི་ནང་མིས་དགེ་སྒྲུབ་བྱེད་བཞིན་ཡོད་ཀྱང་དགེ་འདུན་པ་ ༥ ལས་མང་བ་ལྷན་གཅིག་གདན་འདྲེན་ཞུ་མི་ཆོག་ཚུལ་བཀའ་རྒྱ་བཏང་ཡོད་པ་དང་། རྒྱ་གཞུང་གི་འབྲེལ་ཡོད་མི་སྣ་བཅུ་གྲངས་ཤིག་གིས་གསོང་པོ་ཚང་སྲུང་བྱ་དམ་པོ་བྱས་ཏེ། དེ་སྔོན་རྒྱལ་གཅེས་དཔའ་བོ་ཕུན་ཚོགས་ལགས་སྐུ་གཤེགས་སྐབས་ཀྱི་མྱ་ངན་ལྟ་བུ་རིགས་བྱུང་ཚེ་རེ་རེ་བཞིན་འཛིན་བཟུང་བྱ་རྒྱུ་ཡིན་ཚུལ་བརྗོད་ཡོད་འདུག
ཕྱི་ཚེས་ ༡༠ ཉིན་གྱི་སྔ་དྲོ་ཀིརྟི་དགོན་པའི་དགེ་འདུན་པ་རྣམས་མི་ཚང་དེར་ཆོས་སྦྱིན་ལ་ཕེབས་རྩིས་ཀྱིས་མཐའ་བ་གོང་མའི་སྡེ་འདབས་སུ་བསླེབས་སྐབས། མཐའ་བ་གོང་མའི་སྡེ་མི་རྒན་པ་སྐོར་ཞིག་ཚུར་ཡོང་ནས་དགེ་འདུན་པ་རྣམས་མ་ཕེབས་རོགས་གྱིས། གལ་སྲིད་ཕེབས་པ་ཡིན་ན་ཁོང་ཚང་ལ་དཀའ་ངལ་ཆེན་པོ་འཕྲད་རྒྱུ་ཡིན་ཚུལ་ཞུས་ཡོད་སྟབས། དགེ་འདུན་པ་རྣམས་ཕར་ཁོང་ཚང་ལ་མ་ཕེབས་པར་ས་གནས་དེ་ག་རང་ལ་བཞུགས་ནས་མ་ཎི་དང་བསྔོ་བ་སྨོན་ལམ་གསུངས་ཡོད་འདུག
རྔ་པ་ཀིརྟི་དགོན་པར་རྒྱ་གཞུང་གིས་བཙན་བཀའ་བཏང་དོན་དེ་སྔོན་རང་ལུས་མེར་བསྲེགས་ཀྱིས་ངོ་རྒོལ་གནང་མཁན་ཚང་མ་དགོན་པའི་སྐྱིད་སྡུག་ནས་གནས་དབྱུང་གཏོང་དགོས་ཚུལ་བརྗོད་པར་དགོན་པ་གཞུང་སྒེར་གཉིས་ཀྱིས་ངོས་ལེན་རྩ་བ་ནས་མ་བྱས་པར་ངོ་རྒོལ་བྱས་པར་བརྟེན་དོན་འཁྱོལ་བྱུང་མེད་ནའང་། རྗེས་སུ་དེ་ལྟར་བྱུང་དུས་དགོན་པའི་སྐྱིད་སྡུག་ནས་གནས་དབྱུང་གཏོང་དགོས་ཚུལ་གྱི་བཙན་བཀའ་བཏང་ཡོད་པ་མ་ཟད། དེ་དོན་གྱི་ཡི་གེའི་ཐོག་དགོན་པ་གཞུང་གི་ཐེལ་རྩེ་འགོད་དགོས་ཚུལ་ཡང་ཡང་ནན་བརྗོད་བྱེད་བཞིན་ཡོད་འདུག
རྒྱལ་གཅེས་དཔའ་བོ་ཆོས་འཕེལ་གྱིས་རང་ལུས་མེར་སྲེག་མ་བཏང་བའི་གོང་གི་ཉིན་ཤས་ནང་ཁོང་གིས་མི་མང་པོར་ད་ལྟའི་གནས་སྟངས་འདིས་ང་ཚོ་བཟོད་དཀའ་བའི་གནས་སུ་རྫང་གི་ཡོད་ཚུལ་དང་། དགེ་འདུན་པ་རྣམས་ཀྱིས་བོད་སྤྱི་བའི་རྩ་དོན་ཆེད་རང་སྲོག་བློས་གཏོང་གནང་གི་ཡོད་ཚུལ་སོགས་ཡང་ཡང་གསུངས་ཡོད་འདུག
དེ་མིན་འདི་ནས་ཡར་བརྩིས་པའི་ཉིན་ཤས་རིང་རྔ་པའི་རྫོང་མཁར་སོགས་ལ་ར་མའི་སྐེ་ལ་བོད་དོན་གྱི་ཡི་གེ་བཏགས་ནས་ཐེངས་མང་བཏང་ཡོད་སྟབས། ཉེན་རྟོག་པ་རྣམས་ཀྱིས་ར་མ་ཡང་འཛིན་བཟུང་བྱེད་ཀྱི་ཡོད་པ་སོགས་དགོད་བྲོ་བའི་གནས་ཚུལ་ཡོང་འབྱུང་བཞིན་ཡོད་འདུག ཕྱི་ཟླ་ ༡༠ ཚེས་ ༣ ཉིན་རང་ལུས་མེར་བསྲེགས་གཏོང་མཁན་གྱི་རྒྱལ་གཅེས་དཔའ་བོ་སྐལ་བཟང་དབང་ཕྱུག་ལགས་རྔ་པ་རྫོང་མི་མང་སྨན་ཁང་དུ་ཡོད་ཀྱང་ད་ལྟ་ནས་ཉེན་རྟོག་པ་སོགས་ཀྱིས་འདྲི་གཅོད་སྣ་ཚོགས་བྱས་ཏེ། གཅར་རྡུང་མནར་གཅོད་མི་སྤྱོད་ལས་འདས་པ་གཏོང་གི་ཡོད་འདུག
གནས་ཚུལ་གཏོང་མཁན། བློ་བཟང་ཡེ་ཤེས་དང་ཀ་ཉག་ཚེ་རིང་།
དངོས་ནས་རྒྱལ་གཅེས་པ་རང་རེད་འདུག ལུས་སེམས་གཉིས་ཀ་ཁ་ཕྱེ་གཉིས་མེད་རེད་འདུག་ད།
ཨ་མའི་བུ་དངོས་ནས་དོན་སྙིང་ལྡན་པའི་ལས་དོན་ཞིག་གིིས་མགོ་མཇུག་བསྡུས་འདུག
ངས་འདི་ནས་རྒྱ་ནག་དམར་པོའི་བཙན་འོག་ན་མནར་གཅོད་མྱོང་བཞིན་པའི་རྒྱལ་གཅེས་པ་དག་གི་ཚབ་བྱས་ནས་ཐུགས་རྗེ་ཆེ་ཞུ་བ་ཡིན།
རྒྱལ་གཅེས་དཔའ་བོ་རྣམ་པར་གུས་འདུད་དང་། སྐུ་གཤེགས་དཔའ་བོ་མཁའ་དབྱིངས་ལགས་སུ་མྱ་ངན་དྲག་པོས་དགེ་སྨོན་འཚམས་སྦྱོར་བྱེད།
ཕྱི་ལོ་ཉིས་སྟོང་བཅུ་གཅིག་ལོའི་བོད་ཀྱི་རྒྱལ་གཅེས་དཔའ་རྒོད་སྐུ་ཞབས་མཁའ་དབྱིངས་མཆོག་གིས་བོད་མི་རིགས་དང་། རང་དབང་། བདེན་དོན་གྱི་ཆེད་དུ་རང་ལུས་མེ་རུ་བསྒྲོན་ནས་ལུས་སྲོག་འཕངས་མེད་དུ་སྤྱིན་པ་ཡིད་གདུང་དྲག་པོས་གུས་འདུད་དང་སྤྲགས་སེམས་ཁུང་ནས་མར་མེ་ཚེ་འབར་བཞིན་དཔའ་རྒོད་ཁྱོད་ནམ་ཡང་བརྗེད་མི་སྲིད།
ཤིན་ཧ་གསར་ཁང་གི་བཤད་སྟངས་དང་། དམར་པོའི་སྡུག་རྩུབ། རྒྱལ་གཅེས་དཔའ་བོ་ཁོང་གི་གདུང་ནང་མི་ལ་རྩིས་མི་སྤྲོད་པ་སོགས་གང་ལ་བསམ་ན་དེའི་བར་དེར་དོགས་པ་གཞན་ཞིག་ཀྱང་སྐྱེས་ཡོང་། ཡ་ང་བའི་མི་རིགས་འདིའི་ཐོགས་མཐའ་བར་གསུམ་དང་། དོ་མི་མཉམ་པའི་བསམ་སྤྱོད་དག་དྲན་བཞིན་རྒྱལ་གཅེས་དཔའ་བོ་དག་གི་ལས་དབང་ལ་བཟོད་དཀའ་བའི་གདུང་ཤུགས་ཤིག་དང་ཕངས་སེམས་ཤིག་ཀྱང་དབང་མེད་ཤོར་སོང་། ངེ་པ་དོན་གྱི་རྒྱལ་གཅེས་པ་ཁོང་དག་པའི་ཞིང་དུ་སྐྱེ་བར་ཤོག ཨོྃ་མ་ཎི་པདྨེ་ཧཱུྃ ཨོྃ་མ་ཎི་པདྨེ་ཧཱུྃ ཨོྃ་མ་ཎི་པདྨེ་ཧཱུྃ ཨོྃ་མ་ཎི་པདྨེ་ཧཱུྃ ཨོྃ་མ་ཎི་པདྨེ་ཧཱུྃ ཨོྃ་མ་ཎི་པདྨེ་ཧཱུྃ ཨོྃ་མ་ཎི་པདྨེ་ཧཱུྃ
བོད་མིའི་སྒྲིག་འཛུགས་ཀྱིས་རྒྱ་ནག་གཞུང་ལ་རྔ་བ་ཁུལ་གྱི་དྲག་གནོན་མཚམས་འཇོག་དགོས་པའི་རེ་འདུན་བཏོན་པ།
བོད་མི་ཚོས་རྒྱ་ནག་མི་དམངས་སྤྱི་མཐུན་རྒྱལ་ཁབ་ལ་་ཞི་བའི་སྒེར་ལངས་བྱས་ ཏེ་ད་བར་གསུམ་བཅུའི་དུས་དྲན་ཐེངས་ ༥༢ དེ་བཞིན་ཕྱི་ལོ་ ༢༠༡༡ ཟླ་ ༣ ཚེས་ ༡༠ ཉིན་སྲུང་བརྩིས་ཞུས་པའི་ཉིན་མོ་ནས་བཟུང་། བོད་བྱང་ཤར་རྔ་པའི་ས་ཁུལ་ནས་བོད་མི་དྲུག་དང་དཀར་མཛེས་ནས་བོད་མི་གཅིག་བཅས་ ཁྱོན་བོད་མི་བདུན་ཙམ་གྱིས་རང་ལུས་མེར་སྲེག་བཏང་སྟེ་རྒྱ་ནག་མི་དམངས་སྤྱི་ མཐུན་རྒྱལ་ཁབ་ཀྱིས་བོད་ས་བཙན་བཟུང་བྱས་པ་དེར་ངོ་རྒོལ་དང་བོད་མི་ཚོར་རང་དབང་ སྤྲོད་དགོས་པའི་འབོད་ཚིག་བསྒྲགས་ཡོད།
ད་ལྟ་བོད་ནང་འབྱུང་བཞིན་པའི་དོན་རྐྱེན་ལ་རྒྱ་ནག་གཞུང་གིས་སྟངས་འཛིན་ བྱེད་ཕྱོགས་དེར་དབུས་བོད་མིའི་སྒྲིག་འཛུགས་ཀྱིས་སྐྱོན་བརྗོད་ཤུགས་ཆེ་བྱེད་ རྒྱུ་ཡིན། བོད་མི་ཚོའི་དངོས་ཡོད་དཀའ་ངལ་དེ་དག་གྲོས་མོལ་གྱི་ལམ་ནས་སེལ་རྒྱུའི་ཚབ་ཏུ་ རྒྱ་མིའི་ཉེན་རྟོག་དམག་མིས་རང་ལུས་མེར་སྲེག་གཏོང་མཁན་བོད་མི་ཚོ་འཛིན་བཟུང་ བཀག་ཉར་འོག་རྡུང་རྡེག་བྱས་པའི་གནས་ཚུལ་ཐོན་ཡོད།
རྒྱ་ནག་གཞུང་གིས་གཞི་རྩའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་ཙམ་ མ་ཟད། རང་གི་ཡུལ་ཁྲིམས་དང་ཡང་ཡོངས་སུ་འགལ་བ་ཞིག་ཆགས་ཡོད་པ་ནི་གསལ་པོ་རེད། རང་ལུས་མེར་སྲེག་བཏང་སྟེ་རྨས་སྐྱོན་ཕོག་པ་རྣམས་རྒྱ་ནག་གཞུང་གིས་འཕྲལ་མར་ གློད་བཀྲོལ་བཏང་སྟེ་ཁོང་ཚོར་སྨན་བཅོས་ཚུལ་ལྡན་གནང་རོགས་ཞེས་འབོད་སྐུལ་ཞུ་ རྒྱུ་ཡིན། དབུས་བོད་མིའི་སྒྲིག་འཛུགས་ཀྱིས་བོད་མི་ཚོ་དང་ལྷག་པར་འཛམ་གླིང་ཕྱོགས་གང་སར་ གནས་པའི་བོད་མིར་སེམས་ཐག་ཉེ་བའི་མཛའ་གྲོགས་ཚོས་རྔ་པའི་མི་མང་ཚོར་གདུང་སེམས་ མཉམ་སྐྱེད་ཐོག་བོད་ནང་གི་ཛ་དྲག་གི་གནས་སྟངས་དེ་བཞིན་རྒྱལ་སྤྱིའི་སྟེང་གསལ་ སྟོན་ཡོང་ཐུབ་པའི་འབོད་སྐུལ་ཞུ་རྒྱུ་མ་ཟད། རྒྱལ་སྤྱིའི་ཚོགས་པ་ཁག་ནས་ཀྱང་བོད་ཀྱི་གནད་དོན་དེ་བཞིན་ཞི་བའི་ཐོག་གྲོས་ མོལ་གྱི་ལམ་ནས་སེལ་ཐབས་ཡོང་སླད་རྒྱ་ནག་མི་དམངས་སྤྱི་མཐུན་རྒྱལ་ཁབ་ལ་གནོན་ ཤུགས་སྤྲོད་དགོས་པའི་འབོད་སྐུལ་ཞུ་རྒྱུ་ཡིན།།
༧སྐྱབས་མགོན་སྐུ་ཕྲེང་བཅུ་བཞི་བ་མཆོག་གཙོས་རིས་མེད་ཀྱི་སྐྱེས་ཆེན་དང་མཚུངས་མེད་ཀྱི་དགེ་འདུན་པ་རྣམས་ཀྱིས་ཐུགས་སྨོན་གནང་སྟེ་ཁོང་ཚོ་ལ་བར་དོའི་འཇིག་སྐྲག་སོགས་མེད་པར་མཐར་རྣམ་མཁྱེན་རྒྱལ་བའི་གོ་འཕང་ཐོབ་པར་སྨོན།
ངོ་མ་གནས་ཚུལ་འདི་དག་རྣ་བས་ཐོས་སྐབས་ཅི་བྱེད་དགོས་མི་ཤེས་པ་ཞིག་རེད། བཙན་བྱོལ་ནས་གཞུང་དང་ཚོགས་སྡེ་ཚོས་ཡར་མཉམ་འབྲེལ་རྒྱལ་ཚོགས་དང་རྒྱལ་ཁབ་སྟོབས་ཆེན་དག་ལ་འབོད་སྐུལ་རེ་དང་། མར་རྒྱ་ནག་ལ་བརྡ་ཙམ་རེ། བོད་ནང་གི་སྤུན་ཟླ་ཚོ་ལ་སེམས་ངོགས་ཤིག་སྟོན་རྒྱུ་གལ་ཆེན་རེད།
ཁ་སང་སེ་ར་དགོན་ནས་དགེ་འདུན་པ་ཚོས་བསྔོ་སྨོན་གསུངས་པ་དེ་ཚོ་དྲ་ཐོག་ཏུ་འགོད་ཐུབ་ན་བོད་ནང་གི་སྤུན་ཟླ་ཚོ་ལ་སེམས་གསོ་རང་ཏུ་འགྱུར་ངེས་རེད། དགེ་འདུན་པ་དེ་འདྲ་མང་བོ་ཞིག་འཛོམས་འདུག དངོས་གནས་ཚང་མ་སྡུག་བསྔལ་ཡོད་པ་ཚོར་ཐུབ་ཀི། འོན་ཀྱང་། གནས་ཚུལ་དེ་ཚོ་དྲ་ལམ་དུ་མི་ཐོན་པ་དང་།ང་ཚོ་གྲྭ་བ་དག་གིས་པར་རྒྱག་མི་ཆོག་པའི་དགོན་པའི་སྒྲིག་ཁྲིམས་སྐྱག་དྲི་ཁ་དེ་ཚོས། ཧ་ཅང་བཟང་བའི་གནས་ཚུལ་དེ་རིགས་མི་མང་གིས་མ་ཚོར་བ་རེད།
རྒྱལ་གཅེས་དཔའ་བོ་ཁོང་སྐུ་གཤེགས་པར་སྙིང་ཁོང་རུས་པས་གཏིང་ནས་མྱ་ངན་གུས་འདུད་དང་བཅས། དོན་ངོ་མར་བཤད་ན་ད་ནི་ཕྱི་ནང་གཉིས་ནས་ལས་འགུལ་མུ་མཐུད་ཚད་རེད། དཔའ་བོ་ཐུབ་བསྟན་དངོས་གྲུབ་ཀྱིས་རང་ལུས་མེར་བསྲེགས་ནའང་བཙན་བྱོལ་བ་ཚོས་མུ་མཐུད་ཐུབ་ཡོད་པ་མ་རེད། རྒྱལ་གཅེས་དཔའ་བོ་ཕུན་ཚོགས་ལགས་ཀྱིས་སྐུ་ལུས་མེར་བསྲེགས་པ་གཞིས་ཀྱི་དཔའ་རྒོད་ཚོས་མུ་མཐུད་ཐུབ་ཀྱིན་པ་འདི་ནི་དངོས་གནས་རླབས་ཆེན་པོ་ཞིག་རེད། དཔའ་བོའི་ཁ་ཆེམས་དང་གསོན་པོའི་རེ་བའང་འདི་ལས་ལྷག་ཅིག་སྐོང་རྒྱུ་ཡོད་རྒྱུ་མ་རེད།
བདེ་བ་ཆན་དུ་སྐྱེ་བར་ཤོག།
ངོ་མ་ཁྱེད་ཅག་གཞི་ལས་པ་ཚོ་སྙིང་རྗེ་འོན་ཀྱང་འདི་གར་་་་་་་་་ཡཡཡཡཡ་་་་་་་་་་་་
ད་སེམས་སྐྱོ་བ་ལས་ཅི་ཡོད་ཕྱིན་ཆོད་ཁྱེད་ཚོས་རང་གི་གཅིས་པའི་ལས་པོ་དེ་ལྟར་མཆོད་འབུལ་མེ་བྱེད་པས་རེ་བ་སྙིང་ནས་ཞུ།