དེ་རིང་ཉིན་རྒྱབ་བོད་ནང་གི་ཕྱི་དྲོའི་དུས་ཚོད་ ༢ ཙམ་ལ་ཕྱི་ཚེས་ ༧ ཉིན་རང་ལུས་མེར་བསྲེགས་བཏང་སྟེ། རྒྱ་གཞུང་ལ་ངོ་རྒོལ་གནང་མཁན་རང་ལོ་ ༢༠ ཡིན་པའི་རྒྱལ་གཅེས་དཔའ་བོ་ཆོས་འཕེལ་ལགས་འབར་ཁམས་སུ་ཡོད་པའི་རྔ་པ་ཁུལ་གྱི་སྨན་ཁང་དུ་སྐུ་གྲོངས་ཡོད་འདུག
པ་ཁོང་གི་སྐུ་ཕུང་ནང་མིར་སྤྲོད་དགོས་པའི་རེ་འདུན་བཏོན་འདུག་ཀྱང་ད་བར་སྤྲད་མི་འདུག དེ་སྔོན་མཁའ་དབྱིངས་ལགས་ཀྱི་ནང་མིར་ཉེན་བརྡ་བཏང་བ་ལྟར། ཆོས་འཕེལ་ལགས་ཀྱི་ནང་མིར་ཡང་དགེ་འདུན་པ་ལྔ་ལས་མང་བ་དུས་གཅིག་ལ་གདན་འདྲེན་ཞུ་མི་ཆོག་པ་དང༌། རྔ་པ་མི་ཁོང་གི་མང་སེམས་གསོ་བྱེད་པར་གཏོང་གི་མེད་པ་སོགས་དམ་དྲགས་ཆེན་པོ་བྱེད་མུས་ཡིན་འདུག
དེ་རིང་ལུགས་རྙིང་གི་ཟླ་ ༩ ཚེས་ ༡༥ ལ་འཁེལ་ཡོད་སྟབས་རྔ་པ་སྟོད་སྨད་བར་གསུམ་གྱི་སྐྱ་སེར་ཕོ་མོ་རེས་མེད་ཀྱིས་འཆར་ཅན་གྱི་ལས་ཀ་ཡོངས་རྫོགས་མཚམས་འཇོག་བྱས་ཏེ་འདས་གྲོངས་སུ་གྱུར་པ་དང་དཀའ་སྡུག་མནར་གཅོད་འོག་ཡོད་པ་དག་གི་ཆེད་དུ་ཀིརྟི་དགོན་པ་གཙོ་བོར་གྱུར་པའི་དགོན་པ་ཁག་གི་ལ་བསྔོ་བསྟེན་འཇོག་པ་དང༌། མཆོད་མེ་སྒྲོན་པ། ཕྱག་སྐོར་སོགས་ཀྱི་ལས་ལ་ཞུགས་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་གི་རྣམ་འགྱུར་ཤུགས་ཆེན་སྟོན་བཞིན་ཡོད་འདུག
གནས་ཚུལ་གཏོང་མཁན། གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་།
སྤུན་ཟླ་ལེགས་་་གཟི་བརྗིད་ངང་ཕེབས་སོང་། ཁྱེད་ཉིད་ཀྱི་་་རེ་བཞག་དང་དད་འདུན། བོད་རིགས་ཚོས་་་སེམས་ཁུངས་ནད་སྡུག། ནམ་ཞིག་ལ་་་དག་གཙང་ཞིག་ཤར་བར་སྨོན་ནོ།།།།
གངས་ཅན་ལྗོངས་ཀྱི་ཆོས་སྲིད་བྱ་བའི་གདུགས།།
འདེགས་པའི་སྲི་ཞུར་གཏོགས་པའི་སྐྱེ་བོ་ཀུན།།
ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་།།
སྐྱེ་ཀུན་ཕྱག་ན་པདྨོས་རྗེས་བཟུང་ཤོག།
དམར་པོ་བཙན་གྱི་དར་གོས་འོག་ལ་ལང་ཚོ་སྨིན་པའི་གངས་གཞོན་ཚོའི།།
རེ་སྒུ་རྣམ་ཤེས་དྷ་སར་བཅོལ་ཏེ་མེ་མདའི་ཁ་ནས་རང་བཙན་གླེང་།།
རང་དབང་དམངས་གཙོའི་ཟས་ཀྱི་འཚོ་བའི་བྱེས་བཞུགས་སྤུན་ཟླའི་རྣམ་ཤེས་དེ།།
ཨ་རིའི་སྒོར་མོ་སྐྱབས་སུ་བཟུང་སྟེ་ནུབ་ཕྱོགས་རྒྱལ་ཁབ་འགྲིམས་པར་བྲེལ།།
སྙིང་སྟོབས་ལ་ཡི་རངས་དང་ཟུངས་ཁྲག་ལ་དོན་ཡོད་དུ་རྗེས་དྲན་ཞུ།
ཁོ་ཚོ་མེ་རུ་དུ་འབར་གྱིན་འབར་གྱིན་ང་ཚོ་ཅའི་ཕྱིར་གྲང་འདར་མི་རྒྱུག
དཔའ་བོའི་གཅེས་སྲོག་དགྲ་བོའི་མིག་མདུན་ན།།
སྡར་མའི་སྟོང་གཏམ་བོད་མིའི་ནང་ཁུལ་ན།།
ཕྱི་དགྲ་ནང་དགྲ་གཉིས་ཀྱི་བར་མཚམས་ན།།
བོད་པའི་་ལས་དབང་རླུང་ཁའི་མར་མེ་བཞིན།།
རྒྱལ་གཅེས་དཔའ་བོའི་དུར་ས་གངས་རིའི་ལྗོངས།།
རྒྱལ་བཙོང་ནང་རུལ་གསོན་ས་བཙན་བྱོལ་ཁྲོད།།
དེ་ཡིས་དོན་ལྡན་མི་ཚེའི་རིན་ཐང་རྟོགས།།
འདི་ཡིས་རང་གི་ལྟོ་དང་རྒྱབ་ཀྱི་ཆེད།།
མྱ་ངན་གུས་འདུད་ཞུ།
ང་ཚོའི་བཀའ་སྤྱི་ཟེར་བ་དེ་ཚོས་ཞལ་ལེགས་གང་བཟང་དང་། གསོལ་ཇ་གང་ཞིམ་སྤྱོད་ཞོར་ད་ནི། ལས་འགུལ་སྤེལ་རན་འདུག་ཅེས་མང་ཚོགས་ལ་འགོད་སྐུལ་ཙམ་ལས་ལམ་སྟོན་སྣེ་གཅིག་གནང་ཐུབ་ཀྱི་མེད་པ་འདི་ཅི་རེད། ཁྲིམས་ལུགས་མཁས་དབང་བཀའ་ཁྲིས་ཁྲིམས་མཐུན་ལམ་སྟོན་ལ་གསལ་ཁ་མི་འདུག
བོད་ནང་གི་རྒྱལ་གཅེས་དཔའ་བོ་རྣམས་ཀྱིས་རང་རེའི་རྒྱལ་ཁབ་དང་མི་རིགས་ཀྱི་དོན་དུ་རང་ལུས་མེ་རུ་སྦར་ཏེ་རྒྱ་ནག་གཞུང་གི་བཙན་དབང་གི་གཉའ་གནོན་ལ་དྲག་པོའི་ངོ་རྒོལ་གནང་ནས་ཕྱི་ནང་གི་བོད་རིགས་ཡོངས་ཀྱི་རེ་བའི་མངོན་འདོད་དག་གསལ་བོར་མཚོན་སྟེ་འཛམ་གླིང་མི་དམངས་དང་ཕྱི་རུ་གནས་པའི་བོད་རིགས་ཡོངས་ལ་རེ་སྒུག་དང་སྨོན་འདུན་ཆེན་པོ་ཞིག་སྙིང་ལ་བཅིངས་ནས་སྐུ་གཤེགས་པ་རེད། དེར་བརྟེན། འཛམ་གླིང་གི་རང་དབང་ལུང་བར་གནས་པའི་བོད་རིགས་ཡོངས་ཀྱིས་དེ་དག་གི་ཆེད་དུ་མཆོད་འབུལ་བྱ་རྒྱུའི་ཙམ་མ་ཡིན་པར་འཛམ་གླིང་ཁྱོན་ཡོངས་ཀྱི་རྒྱ་ནག་གི་གཞུང་ཚབ་ཁང་ཁག་ལ་དྲག་པོའི་ངོ་རྒོལ་བྱེད་པར་སྣེ་ཁྲིད་བྱ་དགོས་ངེས་ཡིན།
སྙིང་སྟོབས་ཀྱི་གོ་ཆ་ལྕགས་ལས་མཁྲེགས་པའི་འུ་ཅག་གི་སྤུན་ཟླ་རེ་རེ་འདི་ལྟར་མེ་རླབས་དང་མཉས་དུ་ཆས་འགྲོ་དུས་སེམས་པ་སྐྱོ་ལྷང་ལྷང་། དྲན་གཞིགས་རབ་ཏུ་ལྕི། འོན་ཀྱང་། རེ་བ་ཞིག་ལ་མེ་རླབས་འདིའི་འོད་སྣང་འུ་ཚོའི་ཕ་ཡུལ་གང་སར་མཆེད་ཐུབ་ན་ད་གཟོད་གནད་དོན་འདི་མི་གླེང་ག་མེད་ཞིག་ཀྱང་རེད།
ངོ་མ་ཕངས་སེམས་ལྩི་མོ་ཞིག་གིས་མདུན་བསུས་ནས་མྱ་ངན་གུས་འདུད་ཞུ་རྒྱུ་ལས་མེད་པས་ན་༧སྐྱབས་གནས་བསླུ་མེད་དཀོན་མཆོག་གསུམ་གྱིས་ཐུགས་བརྩེ་བའི་རྗེས་སུ་འཛིན་པར་ཤོགས་ཅིག
སྙིང་སྟོབས་ཅན་གྱི་བུ་རྒོད་ཚོ་འདི་ལྟར་རེ་རེ་ནས་བཞུད་སོང་བའི་ཕྱི་ཉིན། ཉི་མའི་ཁ་དོག་དེ་ཇི་འདྲ་ཡིན་ནམ་སྙམ་འོངས། སྟོན་མཇུག་འདིར་གྲང་ངར་ཁྱེར་འོངས་བའི་རླུང་བུ་ངར་མ་དང་སྡེབ་པའི་རྔ་བ་མི་མང་གི་ཚོར་བ་དེ་ཅི་འདྲ་ཡིན་ནམ་དྲན་ནས་ཡོང་། ཡིན་ན་ཡང། འགྲོ་བ་མི་ཡི་སྙིང་སྟོབས་དེ་གལ་ལ་ཐུག་གིན་ཇེ་ངར་ཡིན་ལ། ཇེ་བརྟན་ཡིན་པ་སྨོས་ཅི་དགོས། དེའི་ཕྱིར་དཔའ་བོ་དག་གི་སྙིང་སྟོབས་རྒྱལ་ངེས་ལ། བླ་ན་འབར་བའི་སྟིང་སྟོབས་དང་བདེན་པ་རྒྱལ་བར་སྨོན།
བཤད་ན་གཏའ་མཐའ་མི་རྫོགས་ཤིང་། ངུ་ན་མཆི་མ་མི་རྫོགས་པའི་རྒྱལ་གཅེས་དཔའ་བོ་ཆེན་པོ་མཆོག་ལ་མྱ་ངན་གུས་འདུད་སྙིང་ནས་ཞུྲ ཁྱེད་རྣམ་པའི་སྙིང་སྟོབས་དང་ཆོད་སེམས་ཆེན་པོས། རྗེས་ལུས་གངས་ཅན་པའི་རིགས་རྒྱུད་འདི་ལ། དཔའ་བོ་རྡོ་རིང་། མི་ཆོད་པ། མི་ཤིགས་པ་སོགས་བཛྲའི་ཆོས་བདུན་གྱི་རང་བཞིན་ཞིག་ངེས་པར་དུ་འཛུགས་ཐུབ་སོང་ལ། ལྷག་བསམ་གྱི་ཁ་ཆེམས། ཟོལ་མེད་ཀྱི་དབུ་ཁྲིད། དོན་དངོས་མ་ལག་ཏུ་ལེན་པས། ངེད་ཚོ་ལ་ཕྱི་ཕྱག་འཚལ་ནས་འདི་ལྟར་བཞུད་པ་ལ་མིག་ཟུང་གི་མཆི་མས་ཁྱོད་ཉིད་ལ་འཁོང་ནས། བསླུ་མེད་དཀོན་མཆོག་རིན་པོ་ཆེ་ལ་སྐྱབས་འཇུག་ཞུ་བཞིན་ཡོད། ངོ་ཚོས་ཁྱེད་རྣམ་པའི་དབུ་ཁྲིད་ཀྱི་དོན་རྡོག་དུས་ཡང་བརྗེད་ཀྱི་མེད།
ད་ལྟ་དམ་དྲག་འོག་དགེ་རྩ་ཙམ་ཡང་བྱེད་འཇུག་གི་མེད་པའི་དཔའ་བོ་ཁོང་རྣམས་ཀྱི་ནང་མིའི་ཚབ་ཏུ། དབུས་བོད་མིའི་སྒྲིག་འཛུགས་སམ་ཚོགས་པ་ཁག་གིས་གདན་ས་གསུམ་སོགས་དགོན་སྡེ་ཁག་ལ་མཆོད་འབུལ་རྒྱ་ཆེར་བྱེད་པའི་ལས་འགུལ་ཞིག་སྤེལ་ན་ཧ་ཅང་ལེགས་པར་འདོད།
དཔའ་བོ་ཁོང་ལ་ཆེད་དུ་ནང་མི་ཡོངས་ལ་གདུང་སེམས་མཉམ་སྐྱེད་ཡོད།