དེ་རིང་སྔོ་དྲོར་བོད་རིགས་གཞོན་སྐྱེས་ཚོས་མི་མང་སྣེ་ཁྲིད་དེ་རཱམ་ལེ་ལཱ་མེལ་ཏཱན་ཐང་ཆེན་ནས་ཇཱ་ཏན་མན་ཏར་བར་གོམ་བགྲོད་སྐད་འབོད་གནང་ཡོད་ལ། ཉིན་རྒྱབ་རྒྱ་གར་གནད་ཡོད་མ་སྣས་གཏམ་བཤད་དང་བོད་ཀྱི་ཟློས་གར་ཚོགས་པས་རྒྱལ་ཞེན་གླུ་གཞས་བཏང་རྗེས། སྤྱི་འཐུས་ཚོགས་གཞོན་མཆོག་གིས་གཞུང་འབྲེལ་གདུང་སེམས་མཉམ་སྐྱེད་ཀྱི་ལས་འགུལ་གནས་སྐབས་རིང་མཚམས་འཇོག་གནང་རྒྱུ་ཡིན་པའི་གསལ་བསྒྲགས་བསྐྱངས་སོང་།
དེ་རིང་ཕྱི་ཚེས་ ༢༡ ཉིན་སྟེ། བཀའ་སྤྱི་གཉིས་ཀྱིས་གོ་སྒྲིག་གནང་བའི་གཞུང་འབྲེལ་གདུང་སེམས་མཉམ་སྐྱེད་ལས་འགུལ་གྱི་མཐའ་མའི་ཉིན་བོད་རིགས་གཞོན་སྐྱེས་རྣམས་ཀྱིས་སྣེ་ཁྲིད་འོག སྤྱི་འཐུས་རྣམ་པ་གཙོས་པའི་ཕྱོགས་མཐའ་ཁག་ནས་ཕེབས་པའི་དགེ་འདུན་པ་དང་བཙུན་མ། སློབ་ཕྲུག སེར་སྐྱ་མི་མང་ ༣༥༠༠ བརྒལ་བའི་ལག་ཏུ་འཕྲེད་དར་འདྲ་མིན་འཕྱར་བ་དང་མཉམ་དུ་བོད་རང་བཙན་ཡིན། བོད་ནང་དྲག་གནོན་མཚམས་འཇོག་དགོས། ༸གོང་ས་མཆོག་བོད་ནང་གདན་འདྲེན་ཞུ་དགོས། རྒྱ་མི་བོད་ནས་མཐར་སྐྲོད་གཏོང་དགོས། བོད་ནང་འགྲོ་བ་མིའི་ཐོབ་ཐང་དང་རང་དབང་སྤྲོད་དགོས་ཞེས་འབོད་ཚིག་སྒྲོག་བཞིན་ལྡི་ལི་རཱམ་ལེ་ལཱ་མེལ་ཏཱན་ཐང་ཆེན་ནས་ཇཱ་ཏན་མན་ཏར་བར་སྐད་འབོད་ཁྲོམ་སྐོར་གྱི་ལས་འགུལ་སྤེལ་ཡོད།
ལས་འགུལ་ཐོག་ཧི་མ་ཅལ་མངའ་སྡེའི་སྲིད་བློན་ཟུར་པ་དང་རྒྱ་གར་གྲོས་ཚོགས་འཐུས་མི་སྐུ་ཞབས་ཤན་ངྷར་ཀུ་མེལ་མཆོག་དང་རྒྱ་གར་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་དང་ཧིན་བོད་མཛའ་འབྲེལ་ཚོགས་པའི་ཚོགས་གཞོན་སྐུ་ཞབས་བྷེལ་རྗེ་ཀུལ་ཤན་མཆོག གསར་འགོད་པ་དང་གྷན་ངྷིའི་ལྟ་གྲུབ་ཀྱི་ཉམས་ཞིབ་པ་སྐུ་ཞབས་ཨ་བྷེ་ཤཱ་ཀུ་མུར་མཆོག རྒྱ་གར་གྱི་ཝེ་ཤི་ཝ་ཧིན་རྡུ་ཆོས་ཚོགས་ཀྱི་ཚོགས་གཙོ་གཞོན་པ་སྐུ་ཞབས་བྷ་ཀེལ་ཤིན་མཆོག བོད་དོན་རྒྱབ་སྐྱོར་བ་ཊོག་ཊར་མཱ་ཧེ་ཤཱ། གཞས་པ་ལ་དྭགས་ཕུན་ཚོགས་ལགས་བཅས་གནད་ཡོད་མི་སྣ་ཁག་མཉམ་ཞུགས་ཀྱིས་བོད་ཀྱི་གནད་དོན་སེལ་ཐབས་སུ་མུ་མཐུད་རྒྱབ་སྐྱོར་དང་མཐུན་རྐྱེན་བསྐྲུན་འཆར་ཡོད་པའི་གཏམ་བཤད་གནང་སོང་ལ། གཞས་པ་ལ་དྭགས་ཕུན་ཚོགས་ལགས་ཀྱིས་བོད་མི་ཚོར་རྒྱབ་སྐོར་མཚོན་ཆེད་རྒྱལ་ཞེན་གྱི་གླུ་གཞས་བཏང་སོང་།
ཕྱི་དྲོའི་ཆུ་ཚོད་ ༤ པའི་སྟེང་བོད་ཀྱི་ཟློས་གར་ཚོགས་པའི་འཁྲབ་སྟོན་པ་རྣམས་ཀྱིས་བོད་ནང་གི་བོད་མི་ཚོར་གདུང་སེམས་མཉམ་སྐྱེད་མཚོན་ཕྱིར་རྒྱལ་ཞེན་གྱི་གླུ་གཞས་བཏང་ཞིང་། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་གཞུང་འབྲེལ་གདུང་སེམས་མཉམ་སྐྱེད་ལས་འགུལ་གྱི་མཇུག་བསྡོམས་གཏམ་བཤད་ནང་། ཉེ་ཆར་བོད་ནང་ཛ་དྲག་གི་གནས་ཚུལ་བྱུང་རྗེས་བོད་མི་མང་སྤྱི་འཐུས་ལྷན་ཚོགས་ཀྱིས། ཕྱི་ཚེས་ ༡༣ ཉིན་ནས་ཚོགས་ཆུང་ཁག་ ༨ དང་ལྡི་ལིར་ཡོད་པའི་གཞུང་དང་གཞུང་འབྲེལ་མིན་པའི་ཚོགས་སྡེ་ཁག་གི་མཉམ་རུབ་ཐོག་རྒྱ་གར་གནད་ཡོད་མི་སྣར་ཐུག་འཕྲད་དང་གདན་ཞུ། མི་མང་སྣེ་ཁྲིད་ཐོག་ལས་འགུལ་སྤེལ་བ་འདིས་བོད་ནང་གི་གནས་སྟངས་རྒྱལ་སྤྱིའི་སྟེང་གསལ་སྟོན་དང་བཙན་བྱོལ་བོད་མི་ཚོར་སེམས་ཤུགས་འཕར་མ་ཞིག་སྐྱེད་ཐུབ་པའི་ནུས་པ་ཐོན་ཡོད་སྐོར་ངོ་སྤྲོད། བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་ད་ལྟའི་བར་བཙན་བྱོལ་བོད་མིའི་བཅའ་ཁྲིམས་སུ་གསལ་བའི་བོད་དོན་བདེན་མཐའ་སེལ་ཐབས་དང་བཙན་བྱོལ་སྤྱི་ཚོགས་ཀྱི་བདེ་སྡུག་ཐད་ལ་ཕྱག་ལས་གནང་བཞིན་ཡོད་པ་དང་། ཐེངས་འདིར་མི་མང་མཉམ་ཞུགས་ཀྱི་ལས་འགུལ་དེ་ཐོག་མའི་འཆར་གཞི་ལྟར། ཉིན་འདི་དག་གི་རིང་དགའ་སྒོམ་བྱ་འོས་པ་ཞིག་ཆགས་ཡོད་ཚུལ་སོགས་གཞུང་འབྲེལ་གདུང་སེམས་མཉམ་སྐྱེད་ཀྱི་ལས་འགུལ་གནས་སྐབས་རིང་མཚམས་འཇོག་བྱ་རྒྱུའི་གཏམ་བཤད་གནང་སོང་།
ཁོང་གིས་མུ་མཐུད་དུ་བོད་ནང་གི་བོད་མི་ཚོར་ཆེད་དུ་གསུངས་དོན། “ ད་ལྟའི་བར་བོད་ནང་གི་བོད་མི་ཚོར་ལྷག་བསམ་དང་སྙིང་སྟོབས་ཆེན་པོ་ཡོད་པ་དང་། ལྷག་པར་དུ་བོད་མིའི་བདེན་དོན་ཆེད་ལུས་སྲོག་བློས་གཏོང་གི་ལས་འགུལ་སྤེལ་བ་དེར་ང་ཚོའི་ངོས་ནས་བསྔགས་བརྗོད་དང་རྗེས་སུ་ཡི་རངས་ཞུ་བཞིན་ཡོད། ཁྱེད་རང་ཚོའི་བློས་གཏོང་ཆེན་པོ་དེ་ང་ཚོ་བོད་མི་རིགས་ཀྱི་ལོ་རྒྱུས་ནང་གསེར་ཡིག་འགོད་དགོས་པ་ཞིག་ཆགས་ཡོད། ང་ཚོའི་ངོས་ནས་དུས་ནམ་ཡང་ཁྱེད་ཚོའི་བློས་གཏོང་ལ་གདུང་སེམས་མཉམ་སྐྱེད་ཞུ་བཞིན་ཡོད། མ་འོངས་པར་ཡང་བོད་ནང་གི་བོད་མི་ཚོས་བོད་མི་རིགས་དང་བོད་བསྟན་པ་ཆབ་སྲིད་ཀྱི་ཆེད་དུ་རང་ཉིད་ལ་འཁྲི་བའི་ལས་དོན་དང་རང་ནུས་ཡོད་རྒུའི་ཐོག་འབད་བརྩོན་ཞུར་འབོད་སྐུལ་ཞུ་རྒྱུ་ཡིན ” ཞེས་ཐེངས་འདིའི་རྒྱ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་ཁག་བཅས་ནས་གཞུང་འབྲེལ་གདུང་སེམས་མཉམ་སྐྱེད་ཀྱི་ལས་འགུལ་ནང་མཉམ་ཞུགས་གནང་བར་བསྔགས་བརྗོད་དང་། ཐེངས་འདིའི་ལས་འགུལ་བརྒྱུད་དེ་འབོད་སྐུལ་དོན་ཚན་ ༦ ཞུས་ཡོད་པ་མུ་མཐུད་རྒྱུན་འཁྱོང་བྱ་དགོས་པའི་རེ་འདུན་བཅས་བཏོན་སོང་།
ཐེངས་འདིའི་གཞུང་འབྲེལ་གདུང་སེམས་མཉམ་སྐྱེད་ཀྱི་ལས་འགུལ་ཐོག་བོད་མི་མང་སྤྱི་འཐུས་རྣམ་པས་ཆུ་ཚོད་ ༢༤ རིང་ཟས་བཅད་ངོ་རྒོལ་དང་། ཕྱི་ཚེས་ ༡༨ ཉིན་ནས་བཟུང་ཉིན་གསུམ་རིང་མེས་པོ་དམ་པ་གྷན་ངྷི་མཆོག་གི་བང་སོ་ནས་དགེ་འདུན་པའི་སྣེ་ཁྲིད་འོག་ཉིན་གཅིག་གི་གོམ་བགྲོད་དང་། བུད་མེད་དང་གཞོན་སྐྱེས་ཀྱི་སྣེ་ཁྲིད་འོག་ཉིན་གཉིས་རིང་རཱམ་ལེ་ལཱ་མེལ་ཏཱན་ནས་ཇཱ་ཏར་མན་ཏར་བར་གོམ་བགྲོད། རྒྱ་གར་གྱི་ཆོས་ལུགས་ཁག་གི་དབུ་ཁྲིད་ ༩ ཙམ་གྱིས་གདུང་སེམས་མཉམ་སྐྱེད་ཀྱི་མཚན་རྟགས་བཀོད་པ། དེ་བཞིན། ཉིན་གསུམ་རིང་རྒྱ་གར་གྱི་གྲོས་ཚོགས་འཐུས་མི་དང་བོད་དོན་རྒྱབ་སྐྱོར་བ། ཁྲིམས་ལུགས་མཁས་དབང་། ཆབ་སྲིད་ཚོགས་པའི་དབུ་ཁྲིད། སློབ་ཕྲུག་ཚོགས་པའི་སྐུ་ཚབ་བཅས་མི་སྣ་ ༢༠ ལྷག་གིས་གཏམ་བཤད། ཕྱོགས་མཐའ་ཁག་ནས་ཕེབས་པའི་དགེ་འདུན་པ་ ༦༠༠ གཙོས་པའི་རྒྱ་བལ་འབྲུག་གསུམ་གྱི་མི་མང་ ༣༥༠༠ ལྷག་མཉམ་ཞུགས་ཀྱིས་བོད་ནང་རང་ལུས་མེར་བསྲེགས་བཏང་བའི་རྒྱལ་གཅེས་པ་རྣམ་དང་གཞིས་ལུས་བོད་མི་ཚོར་བསྔོ་སྨོན་མཆོད་འབུལ་དང་མར་མེ་ཁྲོམ་སྐོར་བཅས་གནང་ཡོད།
ལྡི་ལི་ནས་གསར་འགོད་པ་དོན་གོ
གྲོགས་པོ་རྣམས་པ་
ལས་འགུལ་གནས་སྐབས་མཚམས་འཇོགས་བྱས་པར་སྐྱོན་ཆེན་པོ་མེད་།
སྐྱོན་ཆེ་བ་ནི་ང་ཚོའི་ལས་འགུལ་ལ་རྣམ་པ་གསར་པ་མེད་པས་རྒྱལ་སྤྱིའི་མི་མང་ཚོས་དོ་གནང་ཆན་པོ་གནང་གི་མེ་འདུག
ངས་བསམ་ན་ང་ཚོས་རྣམ་པ་གསར་པའི་ལས་འགུལ་ངེས་པར་དུ་དཔིལ་དགོས།
ང་ཚོའི་ལས་འགུལ་ནི་ནམ་ཡང་མཚམས་འཇོག་མི་རུང་ང་ཚོའི་བཙན་འབྱོར་ནང་ལས་འགུལ་ཆེ་ཆུང་གང་ཡིན་ཡང་ཚོགས་སྡེ་ག་གེ་མོ་ཞིག་གི་འཛད་སྒོ་བྱས་པ་བཞིན་ཉིན་མ་གཅིག་གཉིས་ཞིག་ལ་འོར་ལང་ནས་དེ་ནས་བཟུང་ཡང་ལོ་དང་ཟླ་བ་ལ་གོ་རྒྱུ་མེད་པར་གྱུར་འགྲོ་གི་འདུག་ད་དུང་མི་མཐུད་ནས་དེ་འདྲ་བྱས་པ་ཡིན་ན་བོད་ནང་གི་མི་རྣམས་སེམས་ཤུག་ཆགས་པ་དང་བོད་ཀྱི་བདེན་མཐའ་གསལ་དཀའ་མོ་རེད་ལས་ག་རེ་བྱས་པ་ཡིན་ནའང་ཆེ་ཆུང་ལ་མ་ལྟོས་པ་གྲུབ་འབྲས་མ་ཐོན་བར་རྒྱུན་སྐྱོང་དགོས་པ་གར་ཆེ་པོ་ཡིན།
གྲོགས་པོ་རྣམས་པ་སང་ཉིན་དུས་བབ་ལོ་ལྟོས་དང་ལས་འགུལ་མཚམས་འཇོགས་བྱས་མེད་པ་ཤེས་ངེས།
གནས་་སྐབས་མཚམས་འཇོགས་བྱས་པ་ཞེས་པའི་དོན་ལ་བསམ་ན་།
ལྡེ་ལིར་གནང་བཞིན་པའི་ལས་འགུལ་ལ་བསམ་པ་ལས་སྤྱི་ལ་བསམ་ན་མི་ལེགས།
ང་ཚོའི་བྱ་་བ་ཡོད་ཚད་ལས་འགུལ་ཡིན་པ་ཤེས་དགོས་པ་གནད་ཀྱི་དམ་པའོ།
སྤྱི་འཐུས་ཚོགས་གཞོན་གྱིས་གདུང་སེམས་མཉམ་བསྐྱེད་ཀྱི་ལས་འགུལ་གནས་སྐབས་འཚམས་འཇོག་གནང་གི་ཡིན་པ་གསུང་འདུག ཨ་ཙི་ཁྱད་མཚར། མུ་འཐུད་ལས་འགུལ་གཞན་སྤེལ་དགོས་པ་ལས་དལ་སྡོད་བྱས་པས་ལ་དག་གམ། བོད་ནང་གི་ཛ་དྲག་གི་གནས་སྟངས་མ་བརྗེད་པའི་ཐོག་ནས་སྤྱི་འཐུས་རྣམས་ཀྱིས་དབུ་འཁྲིད་པའི་ཐོག་ནས་ང་ཚོའི་ལས་འགུལ་མུ་འཐུད་གྲོད་མ་ཡལ་བར་རྒྱ་གར་རྒྱལ་ས་ཆེ་ཁག་གཙོས་པའི་རྒྱལ་སྤྱིའི་སྟེང་སྤེལ་དགོས་པ་གལ་ཆེ་བས་ལས་འགུལ་འཆར་གཞི་བསྒྲིགས་རོགས་གནང་། དབུ་འཁྲིད་རོགས་གནང། ཐུགས་འགན་བཞེས་རོགས་གནང། རྒྱ་ཆེ་མི་མང་རྣམས་ཨང་སར་ཡིན།
དུང་སེམས་མཉམ་སྐྱེད་ཀྱི་ལས་འགུལ་འདི་མི་སྒེར་གྱི་ངོས་ནས་ཉི་མ་བརྒྱ་ལ་ངུས་ཀྱང་མ་ངུ་ཟེར་མཁན་ཞིག་ཡོད་ནི་མ་རེད།
འོན་ཀྱང་སྤྱི་པའི་སྒྲིག་འཛུགས་ཆེན་པོ་ཞིག་གིས་སྣེ་ཁྲིད་པའི་ཆ་ནས་འགུལ་འདི་མགོ་འཛུགས་པའི་དུས་ཚེས་ཤིག་དང་མཇུག་བསྡུ་བའི་ས་མཚམས་ཤིག ཡང་ན་གནས་སྐབས་བབ་བསྟུན་གྱི་མཚམས་མཇོག་སོགས་ཀྱི་བཀོད་ཁྱབ་ཡོད་པ་འདི་ལས་འགུལ་ལ་མགོ་རྔ་ཡོད་པ་མཚོན་གྱི་ཡོད་པོ་རེད།
དངོས་གནས་ཡིན། ད་ཐེངས་ངས་སུ་ཞིག་ལ་རྒྱབ་སྐྱོར་གྱི་སྒྲུབ་བྱེད་འགོད་ཀྱིན་མེད་ན་ཡང་། མ་གཞི་ང་ཚོའི་དྲ་གྲོགས་ཧ་ཅང་མང་པོ་ཞིག་སེམས་པ་རྣལ་དུ་ཕབ་ནས་སྐད་ཆ་བཤད་པ་དང་། མི་སྒེར་གྱི་ཚོར་བ་དང་དངོས་ཡོད་ཀྱི་གནས་སྟངས། སྒྲིག་འཛུགས་ཀྱི་འགྲོ་སྟངས་སོགས་ཀྱི་ཁྱད་པར་དབྱེ་བ་ཕྱེས་ནས་བསམ་ཤེས་དང་ཉམས་མྱོང་ཡོད་པའི་བཀའ་མོལ་ཧ་ཅང་ཉུང་ཉུང་ལས་གནང་གིན་མི་འདུག
དེའི་ཕྱིར་ང་ཚོའི་སྒེར་གྱི་བསམ་བློའི་འཆར་སྒོ་དང་། སྤྱི་ཚོགས་དང་སྒྲིག་འཛུགས་སོགས་ཀྱི་དངོས་ཡོད་ཀྱི་འགྲོས་ཀྱི་བར་སྟོང་ངམ་མི་འདྲ་བའི་རང་བཞིན་སོགས་ལ་རྟག་ཏུ་བསམ་ཐུབ་ན་དེ་ནི་མཐར་གཏུགས་ན་སྒེར་ལ་ཧ་ཅང་གལ་ཆེ་བ་ཡིན།
རྒྱུ་མཚན་ཅི་ཞིག་གི་དབང་གིས་གནས་སྐབས་རིང་མཚམས་འཇོག་དགོས་བ་བྱུང་བ་ཡིན་ནམ། གདུང་སེམས་མཉམ་བསྐྱེད་ཞེས་བའི་སྐད་ཆ་འདི་དུས་ཡུན་ཚད་འཇལ་བྱེད་ཀྱི་ཡོ་ཆས་ཞིག་མ་རེད།
བཀའ་སྤྱི་ལྷན་རྒྱས་དང་འབྲེལ་ནས་དབུ་བརྩམས་པའི་ལས་འགུལ་འདི་ཅི་འདྲའི་བློ་ཡིད་དུ་མི་ཤོང་བ་ཞིག་རེད་ཨང་།མེ་འབར་སྟངས་ལ་བསྟུན་ནས་ཕུ་བཏབས་པ་ལྟ་བུའི་འཐབ་རྩོད་རིམ་པ་འདི་རིགས་བརྟེན་ནས་བདེན་མཐའ་ཅི་ལྟར་སེལ་ཐུབ་བམ། བོད་ནང་གི་གཏོང་ཕོད་ཅན་དག་སྐྱིད་ཀྱང་སྡུག་རུང་།རང་ནུས་ཀྱིས་མེ་ལྕེ་ལྷབ་ལྷབ་རེ་བའི་སྣེ་མོ་ལ་འབྱར་ནས་ཐོན་བཞིན་པ་མིན་ནམ།
དེ་རིང་ནས་བཟུང་བཀའ་སྤྱི་ལྷན་རྒྱས་གཙོ་བྱས་བའི་བཙན་བྱོལ་བ་འུ་ཅག ཇི་སྲིད་དུ་གོ་མེད་ཚོར་མེད་དུ་མགོ་བོ་གང་ལ་སྤས་ནས་བསྡད་རུང་། དེ་སྲིད་དུ་གདོང་བ་དེ་ཚ་ལམ་ལམ་ཡིན་ངེས་ལ།ཅི་ལྟར་རང་དབང་ལུང་བ་ནས་ཁ་ཤོམ་ཆེ་ན་དེ་ལྟར་གདོང་གི་སྐྱི་པགས་མཐུག་པོ་ཡིན་པའི་རྟགས་རེད།
ཕྲན་རང་བཙན་བྱོལ་ལ་ཡོང་ནས་མི་ལོ་བཅུ་ལྷག་ཕྱིན་སོང་མོད། བོད་ནང་གི་ཛ་དྲགས་ཀྱི་གནས་སྟངས་རེ་རེ་བཞིན་གངས་ཅན་སྐྱིད་གཤོངས་ནས་རྡ་ཤོད་བར་ཀྱི་གོམ་བགྲོད་ཁྲོད་ལྷག་སོང་བ་ཤ་སྟག་ཡིན།
དྲ་གྲོགས་བསྟན་པ་ལགས། སྐུ་ཉིད་ནས་བློ་འཚུབ་ཆེ་ཤོས་གནང་སྟངས་ཅུང་ནོར་ཡོད་པ་འདྲ། ད་ལན་གྱི་ལས་འགུལ་ཆེས་ཤོས་ནི་བཀའ་སྤྱི་གཉིས་ནས་སྣེ་འཁྲིད་ཡིན་པ་ལ་རྒྱུས་ལོན་གནང་བའི་ཐོག་་་་་ཚེས་བཅུ་དགུའི་ཉིན་རྡ་ས་ཐེགས་ཆེན་གཙུགས་ལག་ཁང་དུ་གོང་ས་སྐྱབས་མགོན་མཆོག་དང་། དཔལ་རྒྱལ་བ་ཀརྨ་པ་རིན་པོ་ཆེ། བཀའ་ཟུར་ཀིརྟི་རིན་པོ་ཆེ་སོགས་གདན་འདྲེན་ཞུས་པ་མ་ཟད་མི་མང་ལྔ་སྟོང་ལྷག་འཛོམས་པའི་ཐོག་བོད་ནང་གི་ཛ་དྲག་་གི་གནས་སྟངས་སྐྱོབས་སུ་འཛམ་གླིང་མཉམ་འབྲེལ་རྒྱལ་ཚོགས་དང་དབུས་རྒྱ་གཞུང་བཅས་ལ་འབོད་བསྐུལ་གསུངས་བཤད་གནང་བ་སོགས་མ་མཐོང་ངམ། མི་འགྱིངས་པར་ཡོ་རབས་དང་ཨ་རི་སོགས་ལ་ཕེབས་ནས་བོད་དོན་རྒྱབ་བསྐྱོར་འབྲེལ་མཐུད་ཀྱི་མཛད་འཕྲིན་བསྐྱང་ལ་ཉེ། བརྣན་གྱིས་ཞུ་རྒྱུ་ཞིག་ལ། ང་རང་ཚོས་འགོ་བ་ང་ཚོས་གུས་བཀུར་དང་ཆེ་མཐོང་མ་སྤྲད་ན་དུས་རྣམ་ཡང་རྒྱ་ནག་གཞུང་གི་སྤྲད་མི་སྲིད་དོ། རྒྱ་ནག་གཞུང་གིས་ཉིན་མཚན་དུས་དྲུག་ཏུ་ང་ཚོས་འགོ་བ་དང་ང་ཚོས་ཕྱོགས་ཀྱིས་སྐྱོན་ཆ་གང་རག་ལ་ནུས་པ་ཡོད་དགུ་བཏོན་ནས་ལྟ་རྟོགས་བྱེད་ཀྱིན་ཡོད་སྟབས། ང་ཚོས་ངེས་པར་དུ་ཁོང་ཚོས་འདོད་ཐོག་ཏུ་གཏོང་མི་རུང་ལགས། རྗེས་མ་ནས་སྐད་ཆ་བཤད་དུས་གཟའ་གཟའ་གནང་རོགས།
དྲ་གྲོགས་རང་དབང་རྒྱལ་གྱིས་གསུངས་པ་བདེན་པ་རེད། ང་ཚོས་བདེན་མཐའ་མ་གསལ་བར་དུ་ལས་འགུལ་མཚམས་འཇོག་བྱས་ན་འགྲིག་ཐབས་མེད། སྐད་འབོད་དང་ཟས་བཅད་ངོ་རྒོལ་གྱི་ལས་འགུལ་རེ་ཞིག་འཇུག་བསྡུས་ཀྱང་ལས་འགུལ་ལ་རྣམ་གྲངས་མང་པོ་ཡོད། དཔེར་ན་འཛམ་གླིང་གི་གནད་ཡོད་མི་སྣ་དང་དཔོན་རིགས་ཁག་ལ་བོད་ཀྱི་དངོས་ཡོད་གནས་ཚུལ་ར་སྤྲོད་བྱེད་རྒྱུའི་མཚོན་པའི་ལས་འགུལ་མང་པོ་ཡོད། དེར་བརྟེན་ཇི་སྲིད་བོད་ཀྱི་གནས་སྟངས་འགྱུར་བ་མ་སོང་བ་དེ་སྲིད་དུ་མཚམས་འཇོག་གནང་རྒྱུ་མི་འདུག
བློ་འཚུབ་ཆེ་ཤོས་ནི་ད་ཐེངས་བཀའ་ཁྲི་བློ་སེང་ཛ་དྲག་གི་ལས་འགན་ལ་མཉམ་ཞུགས་མ་བྱས་བ་དེ་ལ་བློ་ཕམ་ཞེ་དྲག་ཆེན་པོ་ཡོད། བདག་གིས་གོ་ཚོད་ལྟར་ན་མཛད་སྒོ་མང་པོ་ཞིག་ལ་ཕེབས་བཞིན་པ་གོ་སོང་། བདེན་ན་ཞབས་འདྲེན་རེད། དེང་སང་བཀའ་ཁྲིའི་ག་རེད་བྱེད་ཀྱིན་ཡོད་པ་གོ་མཁན་ཡོད་ན་བཤད་རོགས་མཁྱེན།
གསར་འགོད་པའི་དུས་ཐོག་ཏུ་གསར་འགྱུར་སྤེལ་བར་དགའ་སོང་།
མ་གཞི་བྱས་ནས། བཙན་བྱོལ་བ་ཞིག་ལ་མཚོན་ན། ལས་འགུལ་མཚམས་འཇོག་ཟེར་བ་ཞིག་ཡོད་རྒྱུ་མ་རེད་དེ། ལས་འགུལ་ལ་རིགས་མང་པོ་ཡོད་དུས། སྐད་འབོད་དང་ཞི་བའི་གོམ་བགྲོད་བྱེད་རྒྱུ་སོགས་མཚམས་བཞག་རུང་། སྐྱོན་རྒྱུ་མ་རེད་དེ། སྤྱིར་བཏང་ནས། ལོ་ངོ་ལྔ་བཅུའི་བྱུང་རབས་ལྟར་འཛིན་རྒྱུ་ཅི་ཡང་མེད་པའི་ཕྱོགས་སུ་མི་བསྐྱོད་རྒྱུ་གལ་ཆེན་དོན་ཆེན་རེད། མ་གཏོགས་བཙན་བྱོལ་གཞུང་མང་གཉིས་ཀྱི་སྐད་ཡིག་གི་གནས་ཚད་སྐྱོ་བོ་འདི་དང་། རིག་གཞུང་དར་སྤེལ་གྱི་གྲུབ་འབྲས་འདི། རིག་དུས་ངོ་མ་སེམས་ཕམ་དགོས་པ་ཞིག་མ་རེད་དམ།
ད་ཡིན་ན། མི་མང་གི་དབུ་ཁྲིད་གསར་བའི་ངོས་ནས་རང་འགན་ཞིག་བླངས་ནས། སྐྱབས་བཅོལ་བའི་ཆབ་སྲིད་ཀྱི་ཁ་ཕྱོགས་ཇེ་གསལ་དུ་བཏང་ནས། བོད་རྒྱའི་དཀའ་རྙོག་འདི་སེལ་ཐབས་ལ་མཐའ་གཅིག་ཏུ་འབད་དགོས་པ་གལ་ཆེན་ཞིག་རེད་དོ།།