ཟླ་འདིའི་ཕྱི་ཚེས་ ༡༩ ཉིན་བོད་ཀྱི་རྒྱལ་ས་ལྷ་ས་ནས་སྡེ་དགེ་རྫོགས་ཆེན་པ་སྟོབས་ལྡན་ལགས་ལྷ་ས་ནས་རྒྱ་གཞུང་གིས་འཛིན་བཟུང་བྱས་ཡོད་འདུག
སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་ཀྱིས་གནས་ཚུལ་བཏང་འབྱོར་ལ། སྟོབས་ལྡན་ལགས་ནི་བཀའ་བློན་ཁྲི་ཟུར་སྐུ་གཤེགས་དམ་པ་འཇུ་ཆེན་ཐུབ་བསྟན་རྣམ་རྒྱལ་མཆོག་གི་ཚ་བོ་ཡིན་པ་དང་། ལྷ་སར་གནས་སྡོད་སྐུ་གཤེགས་དམ་པ་དེའི་སྤུན་ཉེ་སྡེ་དགེ་རྫོགས་ཆེན་པ་ཁག་ཅིག་དང་། ཕ་ཡུལ་གཅིག་པ་བཅུ་ཕྲག་གཉིས་མ་ཟིན་ཙམ་གྱིས་སྐུ་གཤེགས་དམ་པ་དགུང་ཞག་ཞེ་དགུ་ཚང་བའི་ཉིན་མོ་དང་བསྟུན་ཏེ། ཕྱི་ཚེས་ ༡༩ ཉིན་ལྷ་ལྡན་གཙུག་ལག་ཁང་དུ་མཆོད་འབུལ་སྨོན་ལམ་ཞིག་གྲ་སྒྲིག་བྱས་ཏེ་མགོ་བཙུགས་མ་ཐག་ཉེན་རྟོག་པ་ཡོང་ནས་བཀག་སྡོམ་བྱས་ཡོད་པ་དང་། རྫོགས་ཆེན་སྟོབས་ལྡན་ལགས་གོ་སྒྲིག་མགོ་གཙོ་ཡིན་སྟབས་འཛིན་བཟུང་བྱས་ཏེ་ད་བར་གང་དུ་ཁྲིད་མིན་ཤེས་རྟོགས་ཐུབ་མེད་པ་ཆགས་ཤིང་། བོད་ནང་རྒྱ་དམར་གྱི་དམ་དྲག་འོག་ནང་མི་གཉེན་ཉེ་འདས་གྲོངས་སུ་ཕྱིན་སྐབས། ང་བསྔོ་སྨོན་མཆོད་འབུལ་གྱི་འདུ་ཚོགས་ཙམ་ཡང་ཆོག་གི་ཡོད་མི་འདུག
འཛིན ནོར ཐེབ་པར་ངེས་སྟེ། མེར་སྲེག་དཔའ་རྒོད་ཚོར་སྔོན་སྨོན་མཆོད་འབུལ་དང་ཟས་བཅད་ངོ་རྒོལ་དུས་ཡིན་པས་སོ།།
སྐབས་དེར་ལྷ་སར་དམ་དྲག་ཆེ་རུ་འགྲོ་བའི་རྟགས་འདུག་ཟེར། མ་ཟད་རེ་གོང་དུ་མི་མངོན་པར་སོ་སོའི་ནང་དུ་ཟས་བཅད་ཆུ་ཚོད་༢༤ལ་བྱེད་མཁན་མང་། ལྷག་པར་རོང་བོ་དགོན་མཐའི་ཅོག་ཙེ་ཐང་གི་སྒྲོལ་མ་སུམ་བཞེང་མའི་སྐུ་འགྲམ་དུ་གྲ་བ་འགའ་མཉམ་འདུག་བྱས་པ་བཞིན་ནོ
ཨ་ཁ་ཁ། སྟོབས་ལྡན་གྱིས་ཨ་རིག་རྒྱ་སྤྲུལ་གྱིས་བཙུག་པའི་སློབ་གྲྭའི་པར་བེད་སྤྱོད་བྱས་ནས་བོད་གཞུང་གི་ལས་བྱེད་འགའ་ལ་མགོ་བསྐོར་བཏང་བ་དང་༧རྒྱལ་བ་རིན་པོ་ཆེ་ཟུར་མཇལ་བྱས་པ་སོགས་དངོས་ཡོད་གནས་ཚུལ་གྱི་འཆན་ཞིག་བྲིས་ཡིན་ཀྱང་། རྩོམ་སྒྲིགས་པས་འདིར་བཀོད་མ་སོང་།
གསར་འགོད་འགན་འཛིན་པ་ལགས། ངས་དུས་ཚོད་གཅིག་ཙམ་སྔོན་ལ་འཆན་གཅིག་བྲིས་ཡིན་དེ་ད་རུང་མཐོང་རྒྱུ་མི་འདུག འཆན་དེའི་ནང་དོན་རྣམས་དགའ་མི་དགའི་སྐད་ཆ་སོགས་མིན། དངོས་ཡོད་གནས་ཚུལ་ཡིན་པས་འདིར་འགོད་པའི་རེ་བ་ཡོད། རྗེས་མ་གནས་ཚུལ་དེ་རིགས་མི་ཡོངས་པའི་ཆེད་དུ་བྲིས་པ་ཡིན། གལ་སྲིད་གནས་ཚུལ་དངོས་གནས་དེ་རིགས་ང་ཚོ་ཚང་མས་མ་སྨྲས་ན་ད་དུང་གནས་ཚུལ་དེ་རིགས་ཡོངས་བ་གཏན་འཁེལ་རེད་ལགས། དགོངས་པ་མ་འཚམས། རང་རིགས་ལ་ལྷག་བསམ་ངང་འཆན་དེ་བྲིས་པ་མ་གཏོགས་རང་རིགས་ལ་དོན་མེད་སྙེད་འཛུགས་སོགས་དངོས་གནས་མིན་ལགས། ཐུགས་རྗེ་ཆེ།
སྐུ་ངོ་ཆབ་བྲག་ལྷ་མོ་སྐྱབས་ལགས། ཁྱེད་ཀྱི་རྟ་པོའུ་ནག་རིས་ཀྱི་སྐོར་ལ་ཞིབ་འཇུག་རེ་བྱེད་ཐུབ་ན་ཡག་པོ་འདུག
རྫོགས་ཆེན་སྟོབས་ལྡན་ལགས་ཀྱིས་གོ་སྒྲིག་རྒྱ་ཆེ་དྲག་པས་མིག་སེར་ཚོ་མ་དགའ་པ་རེད།
སྤྱིར་བཏང་གསར་འགྱུར་གཏོང་དུས་ངེས་པར་དུ་གཟབ་གཟབ་བྱེད་དགོས་ཀྱི་འདུག དེང་སང་བོད་ཀྱི་ས་ཆ་ཁ་ཤས་ནང་མི་ཞིག་གློ་བུར་ཏུ་འཛིན་བཟུང་བྱས་ཚུལ་གླེང་སློང་བྱས་ནས་ཟླ་འགའི་རྗེས་སུ་མི་དེ་རྒྱ་གར་ལ་འབྱོར་ཡོང་གིན་འདུག་ལ། ག་ལེར་ཆབ་སྲིད་བཙོན་པའི་མིང་ཐོག་ནས་རང་གི་མངོན་འདོད་སྒྲུབ་བཞིན་འདུག ཉེ་ཆར་གཞས་པ་ཆོས་མགོན་འཛིན་བཟུང་བྱས་ཚུལ་བསྒྲགས་པ་རེད་མོད། དེ་ནི་ཁུངས་མེད་རྫུན་གཏམ་ཞིག་རེད། དེས་ཕྱིར་གསར་འགྱུར་ལ་རིན་ཐང་ཡོང་ཆེད་གསར་འགོད་པ་དང་རྩོམ་སྒྲིག་པས་དོ་ནན་བྱ་རྒྱུ་གལ་ཆེན་པོ་འདུག
གལ་ཏེ་བོད་ནང་ནས་སྤེལ་མ་ཐུབ་ན་ཕྱི་ལོགས་གཅིག་པུ་ནས་འཕག་འཚག་ཅི་ཙམ་རྒྱབ་ཀྱང་དོན་ཕན་ཆུང། བོད་རང་བཙན་དང་ཆབ་སྲིད་ཀྱི་ངོ་བོ་དམར་རྗེན་མ་ཡིན་པའི་ལས་འགུལ་མང་པོ་སྤེལ་ཐབས་ཡོད་པ་རེད།
དྲག་གནོན་འོག་ན་ཡོད་བཞིན་དུ་དེ་ལ་དེ་བསྟུན་གྱི་ཞི་བའི་ངོ་རྒོལ་བྱེད་དགོས་ངེས་རེད། དེ་བྱས་ནས་ཕྱི་ལོགས་ནས་ཀྱང་ཚོར་ཐུབ་པ་རེད། གལ་ཏེ་རྒྱལ་སྤྱིའི་མིག་གིས་བོད་དོན་རིག་དགོས་པ་དང་ཁོང་ཚོའི་གནོན་ཤུགས་སོགས་ལ་རེ་བ་རྒྱག་གིན་ཡོད་ན་བོད་ནང་ནས་ཅི་ཙམ་གྱིས་འཕག་འཚག་རྒྱག་ཐུབ་ན་དེ་ཙམ་གྱིས་བཟང།
དཔེར་ན་་་ལྷ་ལྡན་གཙུག་ལག་ཁང་དུ་འཚོགས་མ་བཅུག་ན་དགོན་པ་གཞན་ཞིག་ལ་འཚོགས་དགོས། དེ་ནས་ཀྱང་བཀག་ན་ཐང་སྟོང་དང་རི་མགོ་ལ་བུད་ནས་འཚོགས་དགོས། མང་ཚོགས་ཚང་མ་འཛོམས་དགོས། དེ་ཡང་བཀག་བྱུང་ན་ཁྱིམ་ཚང་སོ་སོའི་ནང་ལ་འཛུལ་ནས་ཉིན་ཁ་ཤས་ལ་སྒོ་ཕྱིར་མ་ཐོན་པར་ངོ་རྒོལ་བྱེད་པ་སོགས་་་་དེ་དག་ཡང་འཆར་གཞི་ཡོད་པ་་གྲ་སྒྲིག་ཡོད་པ་་་བྱས་ནས་སྤེལ་དགོས་་གནས་ཚུལ་ཞིབ་གསལ་པར་དང་བཅས་པ་ཚུར་འབྱོར་ཐབས་བྱེད་དགོས་་་ས་ཁུལ་སོ་སོ་ནས་འདི་ལྟར་བྱི་ལོང་ས་འབུར་བཞིན་འབུར་ཐུབ་སོང་ན་་ས་ཆ་ཚང་མ་ས་ནག་ལ་འབུད་ཐུབ་པ་རེད།
ཆབ་བྲག་ལྷ་མོ་སྐྱབས་ལགས
ལས་འགུལ་སྤེལ་འོས་ཟེར་བ་ལས་སླ་ཡང་དོ་དངོས་ཐོག་བོད་ནང་ལས་འགུལ་སྤེལ་རྒྱུ་ག་འདྲ་ཡིན་མིན་ཁྱོད་ཀྱིས་ཀྱང་ཤེས་གསལ་ཡིན།
ད་ངོ་མ། གཞིས་ལུས་བོད་མིའི་གནས་སྟངས་ཉིན་རེ་ནས་ཉིན་རེ་མ་འདས་པར་གནས་སྟངས་ཛ་དྲག་ཏུ་དྲག་ཏུ་འགྲོ་གི་འདུག གནས་ཚུལ་ཐབས་སྐྱོ་བོ་ཞེ་དྲགས་འདུག བྱེས་འཁོད་བོད་མི་འགའ་ཞིག་གིས་རང་ཉལ་བསྡད་ནས་གཞན་ལོངས་ལོངས་བརྗོད་ཀྱི་འདུག དེ་བས་ཐབས་སྐྱོ་བ་ཞིག་རེད།
ཆོས་དད་རང་དབང་འདི་ཙམ་སྤྲོད་པར་ཡང་དོགས་འདྲོགས་དང་འཇིགས་སྣང་བྱེད་ཀྱིན་པ་རེད། ད་ངོ་མ་ཁོ་ཚོ་འུ་ཐུག་ཡོང་གི་འདུག ད་ཡུལ་མི་ཚོས་་སྐབས་འདི་འདྲར་་ཆོས་དད་རང་དབང་དགོས་པའི་སྐད་འབོད་དང་མཉམ་འཛོམས་ཀྱི་སྨོན་ལམ་འདེབས་རྒྱུའི་ལས་འགུལ་སྤེལ་འོས།