ཉིན་འགའི་གོང་ཨ་མདོ་དྷཱིཿཚ་དགོན་པའི་དགེ་བཤེས་ཚུལ་ཁྲིམས་རྒྱ་མཚོ་ལགས་མཚོ་ལྷོ་ཁྲི་ཀ་རྫོང་དུ་ཞིང་ཆེན་གསང་བའི་ལས་ཁུངས་ཀྱི་མི་སྣས་འཛིན་བཟུང་བཙན་ཁྲིད་བྱས་ཡོད་འདུག
སྤྱི་འཐུས་རྨོག་རུ་བསྟན་པ་ལགས་ཀྱིས་གནས་ཚུལ་བཏང་འབྱོར་ལ། ཟླ་འདིའི་ཕྱི་ཚེས་ ༡༤ ཉིན་ཉིན་གྱི་ཕྱི་དྲོར་བོད་ཨ་མདོ་དྷཱིཿཚ་དགོན་ཆེན་གྱི་དགེ་བཤེས་ཚུལ་ཁྲིམས་རྒྱ་མཚོ་འམ། ཡོངས་གྲགས་སུ་རྨོག་རུ་ཚུལ་ཁྲིམས་ཞེས་པ་ཁོང་མཚོ་ལྷོ་ཁྲི་ཀ་རྫོང་དུ་མཚོ་སྔོན་ཞིང་ཆེན་གྱི་གསང་བའི་མི་སྣས་འཛིན་བཟུང་བྱས་ཡོད་འདུག
དགེ་བཤེས་ཁོང་ཉིད་འཛམ་གླིང་ཨེ་ཤ་ཡའི་སློབ་གསོའི་ཚོགས་པ་ཞིག་གིས་གདན་འདྲེན་ཞུས་པ་ལྟར། ས་གནས་ཁྲི་ཀ་རྫོང་སྟོང་ཆེ་མི་རིགས་སློབ་གྲྭ་རུ་འཆད་ཁྲིད་གནང་བཞིན་པའི་སྐབས་སུ་འཛིན་བཟུང་བྱས་ཡོད་ཅིང་། ཁོང་ཉིད་འཛིན་བཟུང་སྐབས་ཁྱིམ་མི་དང་སློབ་གྲྭ། དགོན་པ་བཅས་ལ་བརྡ་ལན་ཙམ་ཡང་མེད་པར་གློ་བུར་དུ་བཙན་ཁྲིད་བྱས་ཡོད་འདུག
དགེ་བཤེས་ཁོང་གི་ཕ་ཡུལ་ནི་མཚོ་སྔོན་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་ངམ། དེང་སྐབས་བོད་སྐད་དུ་གསེར་ཆེན་རྫོང་ཟེར་བའི་མངའ་ཁོངས། ཅང་ཤེས་གྲོང་ཚོ་རྨོག་རུ་སྡེ་བ་ནས་ཡིན་ཞིང་། ད་ལྟ་དགུང་གྲངས་ ༤༠ ལྷག་ཙམ་ཡིན་པ་དང་། ཁོང་ཉིད་མདོ་སྨད་དྷཱིཿཚ་དགོན་པའི་བཀའ་བཅུ་རབ་འབྱམས་པའི་མཚན་བཏགས་བཞེས་མཁན་ཐོག་མ་དེ་ཆགས་ཡོད་འདུག
དགེ་བཤེས་ཚུལ་ཁྲིམས་རྒྱ་མཚོ་ལགས་ཀྱིས་ད་བར་ལོ་བཅུ་གྲངས་རིང་དྷཱིཿཚ་དགོན་ཆེན་དོ་དམ་ཁང་གི་ལས་འཛིན་པའི་འགན་བཞེས་ཤིང་། ས་གནས་སོ་སོའི་སློབ་གྲྭ་ཆུང་འབྲིང་གི་གདན་ཞུའི་དགེ་རྒན་ཡང་ལོ་མང་རིང་གནང་མྱོང་ཡོད་པ་མ་ཟད། ད་ལྟ་ཤར་ཙོང་ཁའི་སྐྱེས་རིའི་སྙིང་རྗེའི་རོགས་སྐྱོར་ཚོགས་པའི་ཚོགས་གཙོ་གཞོན་པའི་ཕྱག་ལས་གནང་ཏེ། རྒྱ་ཆེའི་མི་རིགས་ཁག་གི་དབུལ་ཕོངས་སློབ་མ་དང་རྒན་འཁོགས་བདག་མེད་རིགས་ལ་རོགས་སྐྱོར་གནང་བཞིན་ཡོད་པ་དང་། ས་གནས་མང་ཚོགས་ལ་ཕ་སྐད་གཙང་མ་བཤད་པ་དང་ཡུལ་སྲོལ་གོམས་བཤིས་རྒྱུན་འཛིན་བྱ་དགོས་པ་བཅས་ཀྱི་ཐོག་སློབ་གསོ་གནང་མཁན་ཞིག་ཡིན་འདུག
ང་ཚོའི་ཉེས་མེད་ཀྱི་མི་སྣ་དང་ཆེད་ལས་པའམ་ཆེད་མཁས་པ་འདི་དག་ལ་ཉེས་མེད་སྐྱོན་འཛུགས་འདི་ལྟར་བྱས་དང་བྱེད་བཞིན་ཡིན་པས། རྒྱ་དམར་པོ་ལ་ནམ་ཞིག་ལ་gaddafi ཡི་མགོ་ལ་ཇི་ལྟར་བྱུང་བ་ཞིག་ཡོང་རྒྱུར་གདོན་མི་ཟ། ལས་འབྲས་ཤིག་དངོས་གནས་ཡོད་རྒྱུ་རེད།
ཨ་མའི་བུ་ལོ་ལོ་ གྲྭ་བ་ཚོས་འདི་ལྟར་མ་བྱས་ཀྱང་སངས་རྒྱས་ཀྱི་བསྟན་པ་ཉམས་ཆག་ཏུ་འགྲོ་རྒྱུ་ཉག་ཅིག་རེད།
དེ་ལྟར་མིན་ཚེ་སངས་རྒྱས་སྟོང་རྕ་གཅིག་པོ་རེ་རེ་བཞིན་འཇིག་རྟེན་ལ་བྱོན་དགོས་དོན་མི་འདུག་གཱ། ད་ཁྱེད་ལ་དེ་བཤད་ནས་ཕན་ཐོག་རྒྱུ་མ་རེད། སངས་རྒྱས་བསྟན་པ་ཞེས་པ་དེ་ཅི་ཞིག་ཡིན་མིན་ཀྱང་ཁྱེད་ཀྱིས་ཤེས་མིན་བཤད་ཁག་པོ་རེད།
ཨ་མའི་བུས་ཅི་ཞིག་བཤད་ཀྱིན་པ་ངས་ཧ་གོ་མ་སོང་། ལྡོག་ཕྱོགས་ནས་བཤད་དེ་དྲ་གྲོགས་འགའ་ཞིག་ལ་ངར་སློང་འདོད་པའི་དབང་དུ་བཏང་ནའམ་བརྗོད་གཞི་འོས་འཚམས་ཞིག་འཚོལ་དགོས་པ་མ་རེད་དམ། ཁྱེད་ཀྱིས་བཤད་པའི་འདུག་ཤེས་པ་དེ་དང་པོ་གོང་ས་མཆོག་ནས་བཟོ་ཐུབ་པ་བྱོས་དང་དེ་ནས་ལྟ་རྒྱུ་ཞིག་རེད། གྲ་བ་གྲ་ལོག་བྱས་ན་ཞབས་འདྲེན་ཡིན་ན་མི་སྐྱ་གྲ་བ་བྱས་ན་ཡང་ཞབས་འདྲེན་ཆགས་འགྲོ་བ་མིན་ནམ།
གལ་ཆེན་མི་སྣ་དག་འདི་ལྟར་ཟད་སོང་ན་ངོ་མ་ཡིད་འཕངས་བ་ཞིག་རེད།
མི་སྒེར་གྱི་སེམས་ཤུགས་ཡིན་སྲིད་མོད། དགེ་འདུན་པ་ཚོ་འདུག་མ་ཤེས་ན་སངས་རྒྱས་ཀྱི་བསྟན་སྣུབས་ས་རེད།
༸གོང་ས་མཆོག་གིས་བསྒྲེས་ཡོལ་གནང་ནས་རབ་ཏུ་བྱུང་བ་ཚོས་ཆབ་སྲིད་ལ་ཐེ་བྱུས་བྱེད་རྒྱུའི་དུས་ཚོད་རྫོགས་ཚར་བ་རེད། ད་བསྡད་ན་ཡག་གི་རེད།
རྒྱལ་སྤྱིའི་ཐོག་བོད་པའི་དགེ་འདུན་པ་ཚོར་ལྟ་ཚུལ་ཡག་པོ་ཞིག་མི་ཡོང་བ་ཡང་གནད་དོན་འདི་ལ་ཐུག་ཡོད། རྒྱ་རིགས་ཀྱི་ནང་པ་ཁག་གིས་ལྟ་ཚུལ་ལ་ཡང་མ་དད་པ་སྐྱེ་བའི་རྒྱུ་རྐྱེན་གཙོ་གཅིག་འདི་ལ་ཐུག་འདུག འདི་ལ་རྒྱ་གཞུང་གིས་བྱུས་ངན་དེ་འདྲ་ཡང་ཡོད་མི་སྲིད་པ་མིན། དེས་ན་དེང་ཕྱིན་ཆད་བོད་པའི་བླ་མ། གྲ་པ། བཙུན་མ་ཚོས་ཆོས་བཞིན་འདུལ་བ་བཞིན་གནང་རྒྱུའི་དུས་སུ་བབ་ཡོད།
དེང་ཕྱིན་ཆད་ཞབས་འདྲེན་འཇོག་རྒྱུ་དེ་མཚམས་འཇོག་བྱེད་དགོས་ཀྱི་འདུག
དེང་སང་བོད་པའི་སྤྱི་ཚོགས་ནང་དུ་གྲ་བཙུན་ཚོར་མཐོང་ཚུལ་སྡུག་ཏུ་འགྲོ་བཞིན་ཡོད་བ་དང་གཅིག་ གྲ་ལོག་དང་ཨ་ནེ་ལོག་མཁན་མང་དུ་འགྲོ་བཞིན་པ་དང་གཉིས། འདི་འདྲའི་ཞབས་འདྲེན་ནང་འགྲོ་མཁན་མང་བ་ལ་བརྟེན་ནས་བོད་བརྒྱུད་ནང་པའི་བསྟན་པ་ཉམས་ཆགས་སུ་འགྲོ་རྒྱུ་ཉག་གཅིག་རེད།
བཀྲ་ཤིས་སྣ་ནག་མ་ལ།
བྱུང་བའི་ལོ་རྒྱུས་ནི་དེ་འདྲ་ཞིག་ཡིན་རུང་། དེང་སང་ནི། བསྟན་དང་བསྟན་འཛིན་རྣམས་ལ་རང་དབང་དང་ཐོབ་ཐང་མེད་པས་ན། འདི་ལྟར། འཚེ་མེད་ཞི་བདེའི་སྒོ་ནས་རང་ལུས་མེར་བསྲེགས་ཀྱིས་ཞི་རྒོལ་ནི། སྟོན་པ་དང་དེའི་བསྟན་པའི་དགོངས་དོན་ལ་འགལ་མེད་པ་མདོར་ན། ཆོས་ཀྱི་དོན་དུ་སྲོག་གཏོང་བ་ཞེས་པའི་དོན་དེ་ཉམས་སུ་ལེན་གྱིན་པ་མ་ཡིན་ནམ།
ས་གནས་མི་མང་དང་སློབ་མ་ཁག་གིས་ཁོང་གློད་དགོས་པར་རེ་སྐུལ་དང་འཚེ་མེད་ངོ་རྒོལ་བྱེད་དགོས། ཁོང་འཛིན་བཟུང་བྱེད་དོན་ཅི་ཡིན་གསལ་བོ་བཟོ་དགོས།
སྐུ་ཞོགས་རྣམས་གསོན་དང་། འཁྲུགས་རྩོད་དང་ངོ་རྒོལ་ནི་གང་ཞིག་གི་ཆེད་དུ་ཡིན་ཡང་ན་བཟའ་ངུར་སྨྲིག་བཀླུབས་པའི་རང་རབ་བྱུང་བའི་བགྱི་བ་མིན་པས།
བསྟན་པ་དང་སེམས་ཅན་ལ་ཁ་གཡར་ནས་རབ་བྱུང་ལོ་རྒྱུས་ལ་ནག་ཐིག་མ་གཏོད་རོགས།
འདས་པའི་བོད་ཀྱི་ལོ་རྒྱུས་ལ་ཕྱིར་བལྟས་བྱེད་དུས་ཀྱང་ཆེས་མཐོང་མི་འདོད་པ་ཞིང་མཐོང་བ་ཡོང་བ་ནི་སེར་གཟུགས་བཟུང་བའི་བླ་མ་དང་དགེ་བཤེས་ཁ་ཤས་ཀྱིས་བསྟན་པ་ལ་ཁ་གཡར་ན་ས་མི་བསོད་ཁྲག་སྒྱུར་གྱི་ལས་འགུལ་ཚད་མེད་པའི་ཕུགས་རྩ་བྱས་འདུག་པ་དེ་ཚོ་རེད།
ཅི་སྟེ་དངོས་གནས་ཁྱེད་ཚོ་བོད་བསྟན་སྲིད་ཀྱི་དོན་ཡིན་ན། རང་གཞན་སུ་ལགནོད་པའི་འཚེ་བའི་ལས་ལྟ་ཅི་ཞེ་སྡང་དང་ཁོང་ཁྲོའི་རྣམ་པ་ཡང་མེད་པའི་ཐོག་ནས་ཞི་བའི་ངོ་རྒོལ་རྣལ་མ་ཞིག་གནང་རོགས་ཞེས་གསོལ་བ་སྙིང་ནས་འདེབས།
དམྱལ་བར་མི་ཡུལ་དུ་མྱོང་བཞིན་པའི་ངའི་བོད་རིགས་སྤུན་ཟླ་ཚོ་ཤ་ཟད་རུས་ལ་ཐུག་ཀྱང་རུང་ད་ནི་ཡར་ལོངས་ཤིག་
ས་གནས་མི་མང་དང་སློབ་མ་ཁག་གིས་ཁོང་གློད་དགོས་པར་རེ་སྐུལ་དང་འཚེ་མེད་ངོ་རྒོལ་བྱེད་དགོས། ཁོང་འཛིན་བཟུང་བྱེད་དོན་ཅི་ཡིན་གསལ་བོ་བཟོ་དགོས།