ན་གཞོན་རྩོམ་པོ་མེ་ལྕེ་འཛིན་བཟུང་།

མིང་དོན་མཚུངས་པའི་བོད་ཀྱི་མིང་ཟུང་ཡ་གཅིག་འདི་ནས་འཁྱེར་སོང་། གནས་ཚུལ་འདིའི་འཐད་དུ་ཤེས་རྟོགས་བྱེད་པ་ཙམ་གྱི་ག་ལ་འགྲིགས། འདི་ནི་བོད་ཀྱི་མུན་ནག་ནང་གི་སྒྲོན་གསལ་རྐང་བུ་ཞིག འདི་ནི་ང་ཚོ་ལ་ངེས་པར་དུ་དགོས་འཁོ་ཅན་གྱི་རིན་ཆེན་གྱི་ནོར་བུ་རྩ་ཆེན་ཞིག་ཡིན། ལྷད་མེད་དག་གཙང་གི་སྙིང་སྟོབས་དཔལ་འབར་བའི་ངའི་སྤུན་གྲོགས་ལགས། ངས་འདི་ནས་སྡུག་བསྔལ་དང་ངུ་ཚིག་སྒྲོགས་པ་ཙམ་ལས་གཤོག་མེད་བྱེའུ་ཞིག་དང་ཅི་མ་མཚུངས། ང་ལ་སྟོང་གསུམ་ཁ་ལོ་བསྒྱུར་ཐུབ་པའི་མཐུ་ནུས་ཀྱི་རྫུལ་འཕྲུལ་མེད་ནའང་བཙོན་རའི་ལྕགས་སྒོ་གཏོར་ཐུབ་པའི་ནུས་པ་ཞིག་ཡོད་ན། ངས་ཁྱོད་དང་ཁྱོད་ནང་བཞིན་གྱི་ཉེས་མེད་ཀྱི་སྤུན་གྲོགས་དེ་ཚོར། ར་བ་དེ་ལས་སྟོན་ནས། མཐོ་སྒང་འདི་ནས་རང་དབང་གི་འབོད་སྒྲ་སྒྲོགས་ཐུབ་པ་བྱེད་དགོས་ཡོད་་་་་་་་་་

མེ་ལྕེ་ནི་མེ་ལྕེ་རང་རེད་འདིས་གཅིག་བསྲེགས་ཀྱི་ཡོད་པའི་རྟགས་རེད།
དེང་སང་མེ་ལྕེས་མང་པོ་ཞིག་བསྲེགས་འགྲོ་དུས་རྒྱ་རྒན་ཚོ་འདུག་མ་བདེ་བར་མེ་ལྕེ་ངོ་མ་དེ་ལག་པ་འཆང་ནས་ཉར་ཚགས་བྱས་སོང་བ་མིན་འགྲོ།

ཕ་སྐད་ཀྱི་བདག་པོ་དང་ལ་ཞེན་ཅན་གྱི་དཔལ་རྒོད་རྣམས་རེ་རེ་བཞིན་ཐལ་བའི་རྡུུལ་ཕྲན་བཞིན་དུ་རླགས་ཀྱིད་པ་འདི་ཅི་འདྲའི་ཕམ་ཁ་ཞིག་རེད་མི་འདུག་གམ།

ཨ་ཨ་་་ཡང་བྲང་ཁོག་ནང་ཐུར་ནག་ཤུར་རེ་འགྲོ་སོང་། ད་དངོས་གནས་རྒྱ་གཞུང་གིས་འདུག་གི་མི་འཇུག་གི། བསམ་བཞིན་སྙིང་གི་མགོ་ལ་སོ་རྒྱག་གི།

ད་ཚོད་བཟུང་ན་འོས་པ་ལ། གསེར་གྱི་རྐུབ་སྟེགས་སྟེང་བུད་མེད་བསལ་འདེམས་ཀྱིས་དགའ་སྐྱིད་ལ་རོལ་ཞིང་ཁྲག་གི་འཁོར་ལོ་སྐོར་མྱོང་བའི་བདུད་གྷ་ཀྲ་ཁ་སང་ཁྱིམ་ཕྱག་བླུག་སྣོན་གྱི་ལྕགས་སྦུག་ནང་ནས་དྲུད་དེ་ཡོང་ནས་དམར་གསོད་བྱས་པ་ལོས་དྲན། ད་དུང་ས་དུམ་ཧོ་སུན་ས་འོག་ནས་བཟུང་སྟེ་བསད་པ་ལོས་དྲན། བྷིན་ལ་ཏིན་རྒན་མོ་རུམ་ནས་དྲུད་ཡོང་སྟེ་བསད་པ་ལོས་དྲན། ད་ནི་རྒྱ་གཞུང་གིས་ཚོད་འཛིན་ཚོད་རེད། དངོས་གནས་ཚོད་འཛིན་ཚོད་རེད།

ཡིན་ན་ཡང་ཁོའི་སྙིང་སྟོབས་ལ་རྒྱབ་སྐྱོར་ཡོད་ད།

ཉི་ཤས་རྗེས་ནས་གཏོང་གི་རེད། ཁོས་དོན་དག་ཆེན་པོ་ག་གེ་བྱས་མེད་བ། ཕྱིར་ཕེབས་ན་སྔོན་བཞིན་གྲགས་རྒྱུ་ཡོད་ན་བཟང་གི བདེན་མིན་མི་ཤེས་མོད་། བཙོན་ནས་ཕྱིར་ཐོན་རྗེས་་ཕྱོགས་དུང་སོགས་ལ་བཤད་རྒྱུ་མང་པོ་འདུག་ག

གཞིས་བཞུགས་ཚད་ཐུབ་རྩོམ་པ་པོ་སྐུ་ཞབས་མེ་ལྕེ་ལགས་རྒྱ་གཞུང་གིས་བཙན་བཟུང་བྱས་པ་ནི། བོད་ཀྱི་སྒལ་ཚིགས་གཏོར་བསམ་པའི་ངན་བྱུས་ཉག་ཅིག་རེད། དེ་འདྲ་ཡིན་དུས། བྱུས་ངན་དེའི་རིགས་ལ་ཁ་གཏད་གང་འདྲ་གཅོག་རྒྱུ་ཡིན་མིན་གྱི་ཕྱོགས་སུ་བསམ་ཚུལ་རེ་སྤུངས་རོགས་ཞུ། ལྷག་པར་དུ། རྒྱལ་སྤྱིའི་སློབ་ཕྲུག་ཚོགས་པ་དང་རྒྱལ་སྤྱིའི་བོད་དོན་ལས་འགུལ་ཁང་སོགས་ཀྱིས་ངོས་ནས། རྩོམ་པ་པོ་ཁོང་གི་ལོ་རྒྱུས་སོགས་འཚོལ་ཞིབ་བྱས་ཏེ་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ་ཁག་དང་ཉེས་པ་ཚོགས་པ་སོགས་བརྒྱུད་ནས་རྒྱ་གཞུང་ལ་གནོད་ཤུགས་སྤྲད་ཀི་འཇུག་དགོས་པ་གལ་ཆེན་དོན་ཞིག་རེད། དེ་ཡང་འཕྲལ་དུ་འཇུག་དགོས་པ་ཤིན་ཏུ་ནས་ཀྱང་གལ་ཆེའོ།།

སྤྱིར་ན། རྩོམ་པ་པོ་མེ་ལྕེ་ལགས་ཀྱིས་བརྩམས་གནང་བའི་《མི་གཞིའི་སྙིང་སྟོབས་》དང་《ཁུ་སིམ་ཁད་ཀྱིས་དཀྲོགས་》སོགས་ལ་སློབ་སྦྱོང་བྱས་ཡོད་པ་མ་ཟད། ཞིབ་འཇུག་བྱས་པའི་གྲུབ་དོན་དེའི་རིགས་ལ་རང་ཤུགས་ཀྱིས་དགའ་ཕྱོགས་ཤིག་ཡོད་པས་ན། བློ་བསྐྱེད་ཅིག་མི་ཆུང་བ་ཞིག་རག་སོང་། ད་རུང་ཁོང་གིས་རྩོམ་སྒྲིག་གནང་བའི་《རང་གྲོལ་ཞིབ་འཇུག་》སོགས་ལ་མཇལ་མྱོང་ཡོད། དེའི་སྟོབས་ཀྱིས། ཁོང་ནི་ཆེས་ཐག་ཉེ་བའི་རྩོམ་པ་པོ་ཞིག་ཡིན་པའི་ཆ་ནས། དེ་རིང་གི་ཁོང་གི་གནས་ཚུལ་སྐྱོ་བོ་འདི་མཐོང་མ་ཐག་ཅི་ཡིན་འདི་ཡིན་མེད་པའི་ཕྱོགས་སུ་ལྷུང་གྲབས་བྱེད་ཀྱིན་འདུག

གང་ལྟར། ད་ནི། གནས་ཚུལ་འདི་བྱུང་ཚར་བ་རེད། དེ་འདྲ་ཡིན་དུས། ཁོང་གིས་མཛད་རྗེས་དང་ཤེས་རྟོགས་ལ་ངོས་འཛིན་ཡོད་པའི་ཐོག་ནས། ད་ཡིན་ན། རྩོམ་པ་པོ་ཁོང་དང་ཁོང་ལྟ་བུ་རྒྱ་གཞུང་གི་བཙོན་ཁང་ནང་ནས་གློད་གྲོལ་ཡོང་ཐབས་སུ། ནུས་ཤུགས་རྩལ་དགུ་འདོན་རན་པའི་དུས་ཚོད་ཛ་དྲག་ཅིག་རེད། དེ་ཡང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱལ་སྤྱིའི་མང་གཙོི་དང་རང་དབང་གི་ཐོབ་ཐང་བདག་སྐྱོང་བྱེད་ཀྱིན་པའི་ཚོགས་སྡེ་ཁག་ལ་ཁོང་གི་གནས་ཚུལ་འདི་ར་སྤྲོད་དང་འབྲེལ། རྒྱ་གཞུང་མི་ལྷོད་རང་ལྷོད་ཀྱིས་གནོད་ཤུགས་སྤྲད་ཐབས་ལ་གང་ཡོང་ཅི་ཡང་གནང་རོགས་ཞུ།

དེ་བཞིན་བོད་ཀྱི་རྩོམ་པ་པོ་མཐུན་ཚོགས་ཀྱི་ངོས་ནས་ཁོང་གི་ལོ་རྒྱུས་དང་ཁོང་གི་བརྩམས་ཆོས་རྣམས་ཡིག་རིགས་འདྲ་མིན་ལ་བསྒྱུར་ནས་ཁོང་གི་གནས་ཚུལ་འདི་འཛམ་གླིང་ལ་བརྒྱུད་སྤེལ་བྱེད་དགོས་པ་གལ་ཆེན་ཞིག་ཏུ་འཁུམས་སོ།། མ་གཏོགས་གནའ་ནས་བཟུང་ད་ལྟའི་བར་དུ། བོད་ཀྱི་སྒལ་ཚིགས་དང་བླ་སྲོག་ཆེས་མང་པོ་ཞིག་རྒྱ་གཞུང་འདི་ལྟར་ནག་མེད་སེ་བཏང་བ་མ་ཡིན་ནམ། ད་ནི། རྒྱ་གཞུང་འདི་སྲིད་བྱུས་འདིའི་རིགས་ལ་ལངས་ཤོར་ལ་ཕྱོགས་ཡོད་པ་མ་ཟད། བྱུས་ངན་འདི་སྟབས་བདེ་ཤོས་སུ་བརྩི་བཞིན་པའི་ཁུལ་ཡིན་རུང་། དེ་རིང་འཛམ་གླིང་ནི། འདི་འདྲ་མིན་པར་ར་འཕྲོད་བྱེད་རན་པའི་དུས་ཚོད་ཅིག་རེད།

དངོས་གནས་ང་ཚོའི་སྟོབས་ཤུགས་དང་ནུས་པ་རྨེག་མེད་དུ་གཏོང་རྩིས་རེད།

ཁོང་ལྟ་བུའི་རྩོམ་པ་པོ་རེ་རེ་ནི་མི་རིགས་ཀྱི་མགྲིན་ཚབ་པ་རེ་རེ་ཡིན་ལ། དྲང་བདེན་གྱི་སྙུག་ཐོགས་དཔའ་རྒོད་རེ་རེ་ཡིན། ཁོང་ཚོ་ནི”འོད་ཟེར་གྱི་ལག་པས་མུན་ནག་གི་ངོ་གདོང”འབྲུ་མཁན་ཡིན་པས། “སང་ཉིན། སྐྱ་རེངས་ཀྱི་འཇིག་རྟེན་མུན་པའི་ཁྲོད་བཀྱགས་འོང”ངེས་ཡིན། ཁྱེད་ཅག་གི་རྗེས་ན་གདུང་སེམས་མཉམ་སྐྱེད་དང་བདེན་པའི་རྒྱབ་ལངས་བྱེད་མཁན་གྱི་ཁྲི་འབུམ་ཡོད། བདེན་ལུགས་ཀྱིས་དགྲ་མགོ་གནོན་ཐག་ཆོད་ཡིན།

མི་རིགས་རང་ལུགས་པ་ཁོང་བཙོན་ཁང་དུ་བཅུག་པ་ནི་ངོ་མ་ཕངས་སེམས་སྐྱེ་བ་ཞིག་རེད།  ཁོང་གི་བདེན་དོན་རྒྱལ་གྱུར་ཅིག

རླབས་ཆེ་བའི་མི་ཞིག་བཙོན་ཁང་དུ་བཅུག་ཚེ།མི་དེའི་ཀླད་པར་གླེགས་བམ་ཁྲི་ཕྲག་ཅིག་གི་སྒོ་མོ་ཕྱེས་པ་དང་མཚུངས་བ་བཞིན་སྙིང་སྟོབས་ཀྱིས་ཀུན་ནས་ཕྱུག་པའི་མི་བུ་ཁོ་ཡང་དེ་བཞིན་ཡིན་པ་སྨྲོས་ཅི།

ཨ་ཁ་ཁ། ད་ཁྱོན་ནས་འགྲིག་མ་སོང་། ཁོང་གི་བླ་ན་མེད་པའི་སྙིང་སྟོབས་དེ་རྒྱལ་གྱུར་ཅིག